ଖେଳ |

କୋହଲିଙ୍କ ଶତକରେ ଭାରତର ବିରାଟ ବିଜୟ

କୋହଲିଙ୍କ ଶତକରେ ଭାରତର ବିରାଟ ବିଜୟ
କେପ୍‌ ଟାଉନ, ୭।୨(ପି.ଟି.)- ଇନ୍‌ ଫର୍ମ ଅଧିନାୟକ ବିରାଟ କୋହଲିଙ୍କ ଅପରାଜିତ ଶତକ ଏବଂ ରିଷ୍ଟ ସ୍ପିନରଙ୍କ ଚମତ୍କାରିତା ଦକ୍ଷିଣ ଆଫ୍ରିକା ମାଟିରେ ଭାରତକୁ ଆଉ ଏକ ବଡ଼ ବିଜୟର ସ୍ବାଦ ଚଖାଇଛି। ବୁଧବାର ଏଠାରେ ଅନୁଷ୍ଠିତ ତୃତୀୟ ଦିନିକିଆ କ୍ରିକେଟ ମ୍ୟାଚରେ ଟିମ୍‌ ଇଣ୍ଡିଆ ୧୨୪ ରନରେ ଘରୋଇ ଦଳକୁ ପରାସ୍ତ କରିଛି। ରନ ଦୃଷ୍ଟିରୁ ଦକ୍ଷିଣ ଆଫ୍ରିକା ମାଟିରେ ଘରୋଇ ଦଳ ବିପକ୍ଷରେ ଭାରତର ଏହା ସର୍ବବୃହତ୍‌ ବିଜୟ। ବିଶ୍ୱର ନମ୍ବର-୨(ଦକ୍ଷିଣ ଆଫ୍ରିକା) ଦଳ ଉପରେ ଭାରି ପଡ଼ିଛି ନମ୍ବର-୧ ଟିମ୍‌ ଇଣ୍ଡିଆ। ଏକପାଖିଆଭାବେ ଶେଷ ହୋଇଥିବା ମ୍ୟାଚରେ ଭାରତ ପକ୍ଷରୁ ଧାର୍ଯ୍ୟ ୩୦୪ ରନ ବିଜୟ ଲକ୍ଷ୍ୟର ପିଛା କରି ଦକ୍ଷିଣ ଆଫ୍ରିକା ୪୦ ଓଭରରେ ୧୭୯ ରନ କରି ଅଲଆଉଟ ହୋଇଛି। ଦଳ ପକ୍ଷରୁ ଜେ.ପି. ଡୁମିନି ସର୍ବାଧିକ ୫୧ ଓ ଏଡେନ ମାରକ୍ରାମ ୩୨ ଓ ଡେଭିଡ ମିଲର ୨୫ ରନ କରିବାକୁ ସକ୍ଷମ ହୋଇଛନ୍ତି। ୬ ଜଣ ବ୍ୟାଟ୍ସମ୍ୟାନ ଦୁଇଅଙ୍କ ଛୁଇଁପାରି ନାହାନ୍ତି। ଭାରତୀୟ ରିଷ୍ଟ ସ୍ପିନରଦ୍ୱୟଙ୍କୁ ମୁକାବିଲା କରିବାରେ ସକ୍ଷମ ହୋଇନାହିଁ ଦକ୍ଷିଣ ଆଫ୍ରିକା। ଦୁଇ ସ୍ପିନର ୟୁଜବେନ୍ଦ୍ର ଚହଲ(୪/୪୬) ଓ କୁଲଦୀପ ଯାଦବ(୪/୨୩) ନିଜ ମଧ୍ୟରେ ୮ଟି ଉଇକେଟ ବାଣ୍ଟି ନେଇଥିବାବେଳେ ଯଶପ୍ରୀତ ବୁମ୍‌ରା ୨ଟି ଉଇକେଟ ନେଇଛନ୍ତି। ସ୍ବାଭାବିକଭାବେ କୋହଲି ହୋଇଛନ୍ତି ମ୍ୟାନ ଅଫ ଦି ମ୍ୟାଚ। ଏହି ବିଜୟ ସହ ୬ ମ୍ୟାଚ ବିଶିଷ୍ଟ ସିରିଜରେ ଭାରତ ୩-୦ରେ ଅଗ୍ରଣୀଲାଭ କରିଛି। ଅର୍ଥାତ୍‌ ସିରିଜରେ ଭାରତର ପରାଜୟ ଆଶଙ୍କା ଶେଷ ହୋଇଛି। ଅବଶିଷ୍ଟ ୩ଟି ମ୍ୟାଚରୁ ଅତିକମ୍‌ରେ ଗୋଟିଏରେ ବିଜୟୀ ହେଲେ ପ୍ରଥମଥରପାଇଁ ଦକ୍ଷିଣ ଆଫ୍ରିକା ମାଟିରେ ସିରିଜ ଜିତି ଇତିହାସ ରଚିବ ଟିମ୍‌ ଇଣ୍ଡିଆ। ଶତକୀୟ ଭାଗୀଦାରି ଟସ୍‌ ଜିତି ଦକ୍ଷିଣ ଆଫ୍ରିକା ପ୍ରଥମେ ଫିଲ୍ଡିଂ ନିଷ୍ପତ୍ତି ନେଇଥିଲା। ଅଧିନାୟକ ଏଡେନ ମାରକ୍ରାମଙ୍କ ନିଷ୍ପତ୍ତିକୁ ଉଚିତ ସାବ୍ୟସ୍ତ କରି କାଗିଶୋ ରାବାଡା ମ୍ୟାଚର ପ୍ରଥମ ଓଭର ଶେଷ ବଲ୍‌ରେ ଆଉଟ୍‌ କରି ଭାରତକୁ ଶକ୍ତ ଝଟ୍‌କା ଦେଇଥିଲେ। ଖରାପ ଫର୍ମଦେଇ ଗତି କରୁଥିବା ରୋହିତ ଏଠାରେ ଖାତା ଖୋଲିବାକୁ ସକ୍ଷମ ହୋଇ ନ ଥିଲେ। ମ୍ୟାଚର ତୃତୀୟ ଓଭରରେ ଭାରତ ପାଇଁ ସଙ୍କଟ ପରିସ୍ଥିତି ସୃଷ୍ଟି ହୋଇଥିଲା। କୋହଲି ଖାତା ଖୋଲି ନ ଥିବାବେଳେ ରାବାଡାଙ୍କ ଏକ ଲେଗ୍‌ ସାଇଡ୍‌ ବଲ୍‌କୁ ଠିକ୍‌ଭାବେ ଖେଳି ନ ପାରି ଅମ୍ପାୟରଙ୍କ ଏଲବିଡବଲ୍ୟୁ ନିଷ୍ପତ୍ତିର ଶିକାର ହୋଇଥିଲେ। ମାତ୍ର ଦୃଢ଼ମନା ଅଧିନାୟକ ଡିଆରଏସ୍‌ ରିଭ୍ୟୁ ନେଇ ସଫଳ ହୋଇଥିଲେ। ଏହାପରଠାରୁ ଆଉ ପଛକୁ ଫେରି ନ ଥିଲେ ବିରାଟ। ଓପନର ଶିଖର ଧାଓ୍ବନଙ୍କ ସହ ଦ୍ୱିତୀୟ ଉଇକେଟ ଭାଗୀଦାରିରେ ୧୪୦ ରନ ସଂଗ୍ରହ କରି ଭାରତ ପାଇଁ ବଡ଼ ସ୍କୋରର ପ୍ଲାଟ୍‌ଫର୍ମ ପ୍ରସ୍ତୁତ କରିଥିଲେ। ୨୪ତମ ଓଭରର ପ୍ରଥମ ବଲ୍‌ରେ ଧାଓ୍ବନଙ୍କୁ ଆଉଟ କରି ଦକ୍ଷିଣ ଆଫ୍ରିକାକୁ ବଡ଼ ବ୍ରେକ୍‌ ଥ୍ରୁ ଦେଇଥିଲେ ଜେ.ପି. ଡୁମିନି। ଧାଓ୍ବନ ୬୩ ବଲ୍‌ରୁ ୧୨ ଚୌକା ସହାୟତାରେ ୭୬ ରନ ସ୍କୋର କରିଥିଲେ। ଗୋଟିଏ ପଟରେ କ୍ରମାଗତ ବ୍ୟବଧାନରେ ଉଇକେଟ ପଡ଼ି ଚାଲିଥିଲେ ହେଁ ସ୍ବାଭାବିକଭାବେ ଆକ୍ରମଣାତ୍ମକ ବ୍ୟାଟିଂ ଜାରିରଖି କୋହଲି ହାସଲ କରିଥିଲେ କ୍ୟାରିୟରର ୩୪ତମ ଶତକ। ଏହାପରେ ରନହାର ବଢ଼ାଇ ସେ ୫୦ ଓଭରରେ ଭାରତ ସ୍କୋରକୁ ୩୦୩ରେ ପହଞ୍ଚାଇ ଦେଇଥିଲେ। ୧୫୯ଟି ବଲ୍‌ର ସମ୍ମୁଖୀନ ହୋଇଥିବା କୋହଲି ୧୨ ଚୌକା ଓ ୨ ଛକା ସହାୟତାରେ ୧୬୦ ରନ କରି ଶେଷ ପର୍ଯ୍ୟନ୍ତ ଅପରାଜିତ ରହିଥିଲେ। ଅନ୍ୟ ଭାରତୀୟଙ୍କ ମଧ୍ୟରେ ଅଜିଙ୍କ୍ୟ ରାହାନେ ୧୧, ହାର୍ଦ୍ଦିକ ପାଣ୍ଡ୍ୟା ୧୪, ମହେନ୍ଦ୍ର ସିଂ ଧୋନୀ ୧୦ ଓ କେଦାର ଯାଦବ ୧ ରନରେ ଆଉଟ ହୋଇଥିଲେ। କୋହଲି ଓ ଭୁବନେଶ୍ୱର କୁମାର (୧୬*) ଅସମାପ୍ତ ୭ମ ଉଇକେଟରେ ୬୭ ରନ ସଂଗ୍ରହ କରି ଦକ୍ଷିଣ ଆଫ୍ରିକା ବୋଲରଙ୍କୁ ନାକେଦମ୍‌ କରିଥିଲେ। ଏକାଧିକ ରେକର୍ଡ ରନ ମେଶିନ ବିରାଟଙ୍କ ୧୬୦* ଦକ୍ଷିଣ ଆଫ୍ରିକା ମାଟିରେ ଦକ୍ଷିଣ ଆଫ୍ରିକା ବିପକ୍ଷରେ କୌଣସି ଭାରତୀୟ ବ୍ୟାଟ୍ସମ୍ୟାନଙ୍କ ପାଇଁ ସର୍ବାଧିକ ସ୍କୋର। ପୂର୍ବରୁ ୨୦୦୧ରେ ସୌରଭ ଗାଙ୍ଗୁଲି ଜୋହାନ୍ସବର୍ଗରେ ସର୍ବାଧିକ ୧୨୭ ରନ କରି ରେକର୍ଡର ଅଧିକାରୀ ଥିଲେ। ଏକଦିବସୀୟ କ୍ରିକେଟରେ କୋହଲିଙ୍କର ଏହାଥିଲା ଦ୍ୱିତୀୟ ସର୍ବାଧିକ ସ୍କୋର। ୨୦୧୨ରେ ସେ ପାକିସ୍ତାନ ବିପକ୍ଷରେ ସର୍ବାଧିକ ୧୮୩ ରନ ସଂଗ୍ରହ କରିଥିଲେ। ଏଠାରେ ସେ ବାଉଣ୍ଡାରିରୁ ମାତ୍ର ୬୦ ରନ ସଂଗ୍ରହ କରିଥିବାବେଳେ ସିଙ୍ଗଲ ଓ ୨ ରନ ନେଇ ଅବଶିଷ୍ଟ ୧୦୦ ରନ ସ୍କୋର କରିଥିଲେ। ନ୍ୟୁଲାଣ୍ଡ୍ସଠାରେ ଦକ୍ଷିଣ ଆଫ୍ରିକା ବିପକ୍ଷରେ ଶତକ ହାସଲ କରିବାରେ ସେ ପ୍ରଥମ ଭାରତୀୟ ବ୍ୟାଟ୍ସମ୍ୟାନ। ଏହି ଗ୍ରାଉଣ୍ଡରେ ଗାଙ୍ଗୁଲି ପୂର୍ବରୁ ଶତକ ହାସଲ କରିଥିଲେ ହେଁ ତାହା କେନଆ ବିପକ୍ଷରେ (୨୦୦୩, ମାର୍ଚ୍ଚ)ଥିଲା। ଭାରତୀୟ ଦିନିକିଆ ଅଧିନାୟକଭାବେ ସେ ସର୍ବାଧିକ ଶତକ ରେକର୍ଡ ମଧ୍ୟ ନିଜ ନାମରେ କରିଛନ୍ତି। ଅଧିନାୟକଭାବେ ଗାଙ୍ଗୁଲି ୧୪୨ ଇନିଂସରୁ ୧୧ଟି ଶତକ ହାସଲ କରିଥିବାବେଳେ କୋହଲି ମାତ୍ର ୪୩ ଇନିଂସରୁ ୧୨ଟି ଶତକ ହାସଲ କରିଛନ୍ତି। ଚଳିତ ସିରିଜରେ କୋହଲି ଏପର୍ଯ୍ୟନ୍ତ ୩୧୮ ରନ ସଂଗ୍ରହ କରି ସାରିଛନ୍ତି। ଦ୍ୱିପାକ୍ଷିକ ସିରିଜରେ କୌଣସି ଭ୍ରମଣକାରୀ ଦଳର ବ୍ୟାଟ୍ସମ୍ୟାନଙ୍କ କ୍ଷେତ୍ରରେ ଏହା ସର୍ବାଧିକ। ୨୦୦୧-୦୨ରେ ଅଷ୍ଟ୍ରେଲିଆର ରିକି ପଣ୍ଟିଂ କରିଥିବା ୨୮୩ ରନ ଏହା ପୂର୍ବରୁ ସର୍ବାଧିକ ଥିଲା। ବଲ୍‌ ସମ୍ମୁଖୀନ ଦୃଷ୍ଟିରୁ କୋହଲିଙ୍କ ପାଇଁ ଏହା ଦ୍ୱିତୀୟ ଧିମା ଶତକ ଥିଲା। ୨୦୧୫ରେ ଆଡିଲେଡଠାରେ ସେ ପାକିସ୍ତାନ ବିପକ୍ଷରେ ମଧ୍ୟ ୧୧୯ ବଲ୍‌ରୁ ଶତକ ପୂରଣ କରିଥିଲେ। ସେଞ୍ଚୁରିଆନରେ ପରାଜିତ ଦଳରେ ୩ଟି ପରିବର୍ତ୍ତନ ସହ ଦକ୍ଷିଣ ଆଫ୍ରିକା ଏଠାରେ ପଡ଼ିଆକୁ ଓହ୍ଲାଇଥିଲା। ଲୁନ୍‌ଗି ଏନ୍‌ଗିଡି ଓ ହେନରିଚ୍‌ କ୍ଲାସେନ ଦିନିକିଆ ପଦାର୍ପଣ କରିଥିବାବେଳେ ଟାବ୍ରେଜ ଶାମ୍‌ସିଙ୍କ ସ୍ଥାନ ନେଇଥିଲେ ଆଣ୍ଡିଲେ ଫେଲୁକ୍ୱାୟୋ। ଦକ୍ଷିଣ ଆଫ୍ରିକା ପକ୍ଷରୁ ଡୁମିନି ସର୍ବାଧିକ ୨ଟି ଏବଂ ରାବାଡା, କ୍ରିସ୍‌ ମୋରିସ, ଫେଲୁକ୍ୱାୟୋ ଓ ଇମ୍ରାନ ତାହିର ଗୋଟିଏ ଲେଖାଏ ଉଇକେଟ ନେଇଥିଲେ। ସଂକ୍ଷିପ୍ତ ସ୍କୋର ଭାରତ ୫୦ ଓଭରରେ ୩୦୩/୬(କୋହଲି-୧୬୦*, ଧାଓ୍ବନ-୭୬, ଭୁବନେଶ୍ୱର-୧୬*, ଡୁମିନି-୨/୬୦, ରାବାଡା-୧/୫୪, ମୋରିସ-୧/୪୫, ଫେଲୁକ୍ୱାୟୋ-୧/୪୨, ତାହିର-୧/୫୨)। ଦକ୍ଷିଣ ଆଫ୍ରିକା ୪୦ ଓଭରରେ ୧୭୯/ଅଲଆଉଟ(ଡୁମିନି-୫୧, ମାରକ୍ରାମ-୩୨, ମିଲର-୨୫, ଚହଲ-୪/୪୬, କୁଲଦୀପ-୪/୨୩, ବୁମ୍‌ରା-୨/୩୨)।
All Right Reserved By

ଖେଳ |

ଚୟନକର୍ତ୍ତାଙ୍କୁ ମିଳିବ ୨୦ ଲକ୍ଷ

ଚୟନକର୍ତ୍ତାଙ୍କୁ ମିଳିବ ୨୦ ଲକ୍ଷ

ମୁମ୍ବାଇ,୨୨।୧(ପି.ଟି.)- ନିକଟରେ ଭାରତୀୟ ଦଳ ଅଷ୍ଟ୍ରେଲିଆରେ ପ୍ରଥମ ଥର ଟେଷ୍ଟ ଓ ଦିନିକିଆ ସିରିଜ୍‌ ଜିତି ରେକର୍ଡ କରିଛି। ଏଥିନେଇ ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) ମଙ୍ଗଳବାର ଚୟନ କମିଟି ସଦସ୍ୟଙ୍କୁ ପୁରସ୍କୃତ କରିବା ଲାଗି ନିଷ୍ପତ୍ତି ନେଇଛି। 

ପନ୍ତ ଆଇସିସି ଏମର୍ଜିଂ କ୍ରିକେଟର

ପନ୍ତ ଆଇସିସି ଏମର୍ଜିଂ କ୍ରିକେଟର

ଦୁବାଇ,୨୨।୧(ପି.ଟି.)- ଭାରତର ଉଦୀୟମାନ ଉଇକେଟକିପର ବ୍ୟାଟ୍ସମ୍ୟାନ ରିଷଭ ପନ୍ତଙ୍କ ନାମ ମଙ୍ଗଳବାର ଅନ୍ତର୍ଜାତୀୟ କ୍ରିକେଟର ପରିଷଦ (ଆଇସିସି) ପକ୍ଷରୁ ଏମିର୍ଜିଂ ପ୍ଲେୟର ଅଫ୍‌ ଇୟର ପୁରସ୍କାର ଲାଗି ଘୋଷଣା କରାଯାଇଛି। 

‘ସଚିନଙ୍କ ସମସ୍ତ ରେକର୍ଡ ଭାଙ୍ଗିବେ କୋହଲି’

‘ସଚିନଙ୍କ ସମସ୍ତ ରେକର୍ଡ ଭାଙ୍ଗିବେ କୋହଲି’

କରାଚୀ,୨୨।୧- କିମ୍ବଦନ୍ତୀ ବ୍ୟାଟ୍ସମ୍ୟାନ ସଚିନ ତେନ୍ଦୁଲକରଙ୍କ ସମସ୍ତ ରେକର୍ଡକୁ ବିରାଟ କୋହଲି ଭାଙ୍ଗି ଦେବେ। ଏଭଳି ମନ୍ତବ୍ୟ ଦେଇଛନ୍ତି ପାକିସ୍ତାନ ପୂର୍ବତନ ବ୍ୟାଟ୍ସମ୍ୟାନ ଜାହିର ଆବାସ। 

ଜ୍ୟାକବଙ୍କ ସହାୟତା ଲାଗି ବ୍ଲାଙ୍କ ଚେକ୍‌

ଜ୍ୟାକବଙ୍କ ସହାୟତା ଲାଗି ବ୍ଲାଙ୍କ ଚେକ୍‌

ଭଦୋଦରା, ୨୨।୧- ମୃତ୍ୟୁ ସହ ସଂଘର୍ଷ କରୁଥିବା ପୂର୍ବତନ କ୍ରିକେଟର ଜ୍ୟାକବ ମାର୍ଟିନଙ୍କୁ ଆର୍ଥିକ ସହାୟତା କରିବା ଲାଗି ବହୁ  ବର୍ତ୍ତମାନ ଓ ପୂର୍ବତନ ଭାରତୀୟ କ୍ରିକେଟର ହାତ ବଢ଼ାଇଛନ୍ତି। 

କ୍ରିକେଟରେ ଅଜବ ରେକର୍ଡ: ଯାହା ଭାଙ୍ଗିବା କଷ୍ଟ

କ୍ରିକେଟରେ ଅଜବ ରେକର୍ଡ: ଯାହା ଭାଙ୍ଗିବା କଷ୍ଟ

ଖେଳରେ ପ୍ରତିଦିନ ପୁରୁଣା ରେକର୍ଡ ଭାଙ୍ଗି ନୂଆ ରେକର୍ଡ ସୃଷ୍ଟି ହେଉଥିବାର ନଜିର ରହିଛି। କିନ୍ତୁ କ୍ରିକେଟ ଜଗତରେ ଏମିତି କିଛି ରେକର୍ଡ ରହିଛି ଯାହା ଆଜି ବି କାଏମ ରହିଛି। ସେମିତି କିଛି ରେକର୍ଡ ସମ୍ପର୍କରେ....

ଅଷ୍ଟ୍ରିଆରେ ଅଛି ଧ୍ୟାନ ଚାନ୍ଦଙ୍କ ଷ୍ଟାଚ୍ୟୁ

ଅଷ୍ଟ୍ରିଆରେ ଅଛି ଧ୍ୟାନ ଚାନ୍ଦଙ୍କ ଷ୍ଟାଚ୍ୟୁ

ବିଶ୍ୱର ସର୍ବକାଳୀନ ଶ୍ରେଷ୍ଠ ହେକି ଖଳାଳି ଭାବେ ମେଜର ଧ୍ୟାନ ଚାନ୍ଦ ଜଣାଶୁଣା। ଏହି କିମ୍ବଦନ୍ତୀ ଭାରତୀୟ ଖେଳାଳିଙ୍କୁ କେବଳ ଭାରତରେ ନୁହେଁ ବିଶ୍ୱର ବିଭିନ୍ନ ପ୍ରାନ୍ତରରେ ହକି ଗୁରୁ ଭାବେ ଗ୍ରହଣ କରାଯାଏ।

ଆଇସିସି ପୁରସ୍କାରରେ କୋହଲିଙ୍କ କ୍ଲିନ ସୁଇପ୍‌

ଆଇସିସି ପୁରସ୍କାରରେ କୋହଲିଙ୍କ କ୍ଲିନ ସୁଇପ୍‌

ଦୁବାଇ,୨୨।୧(ପି.ଟି.)- ଭାରତୀୟ କ୍ରିକେଟ ଦଳର ଅଧିନାୟକ ବିରାଟ କୋହଲି ବିଶ୍ୱର ପ୍ରଥମ କ୍ରିକେଟର ଭାବେ ଆଇସିସି ବାର୍ଷିକ ପୁରସ୍କାରରେ କ୍ଲିନ ସୁଇପ୍‌ କରିଛନ୍ତି।

ଆଇସିସି ଟେଷ୍ଟ, ଦିନିକିଆ ଅଧିନାୟକ କୋହଲି

ଆଇସିସି ଟେଷ୍ଟ, ଦିନିକିଆ ଅଧିନାୟକ କୋହଲି

ଦୁବାଇ,୨୨।୧(ପି.ଟି.)- ଅନ୍ତର୍ଜାତୀୟ କ୍ରିକେଟ ପରିଷଦ (ଆଇସିସି) ପକ୍ଷରୁ ୨୦୧୮ ବର୍ଷର ଶ୍ରେଷ୍ଠ ଦିନିକିଆ ଓ ଟେଷ୍ଟ ଦଳ ଘୋଷଣା କରାଯାଇଛି। ଭାରତୀୟ ବ୍ୟାଟିଂ ବିଭାଗର ମେରୁଦଣ୍ଡ ବିରାଟ କୋହଲିଙ୍କୁ ଉଭୟ ଦଳର ଅଧିନାୟକ ଭାବେ ଚୟନ କରାଯାଇଛି।  

ଫ୍ରେଞ୍ଚ ଓପନରେ ଖେଳିବେ ଫେଡରର

ଫ୍ରେଞ୍ଚ ଓପନରେ ଖେଳିବେ ଫେଡରର

ମେଲବୋର୍ନ,୨୨।୧- କିମ୍ବଦନ୍ତୀ ପୁରୁଷ ସିଙ୍ଗଲ୍ସ ଖେଳାଳି ରୋଜର ଫେଡରର ଆଗାମୀ ଗ୍ରାଣ୍ଡସ୍ଲାମ ଟୁର୍ନାମେଣ୍ଟ ଫ୍ରେଞ୍ଚ ଓପନରେ ଖେଳିବେ।

କିଲିମାଞ୍ଜାରୋ ଆରୋହଣ ଅଭିଯାନରେ କୁଶ, ଲିପିକା

କିଲିମାଞ୍ଜାରୋ ଆରୋହଣ ଅଭିଯାନରେ କୁଶ, ଲିପିକା

ଭୁବନେଶ୍ୱର, ୨୨।୧(କ୍ରୀଡ଼ା ପ୍ରତିନିଧି)-ଆଫ୍ରିକା ମହାଦେଶର ଉଚ୍ଚତମ ଶୃଙ୍ଗ କିଲିମାଞ୍ଜାରୋ (୫,୮୯୫ ମି/୧୯,୩୪୦ ଫୁଟ) ଆରୋହଣ କରିବେ ଓଡ଼ିଶାର ଦୁଇ ପର୍ବତାରୋହି ପ୍ରତିଭା କୁଶ ଆର୍ଲବ ଓ ଲିପିକା ସେଠ୍‌। ଏହି ଅଭିଯାନରେ କୋରାପୁଟ ଜିଲାର କୁଶ ଓ ବରଗଡ଼ର ଲିପିକା ସୋମବାର ଦକ୍ଷିଣ ଆଫ୍ରିକା ଅଭିମୁଖେ ଯାତ୍ରା କରିଛନ୍ତି। କୁଶ ଓ ଲିପିକାଙ୍କୁ ବିଦାୟ ଜଣାଇବା ପାଇଁ ଏଠାରେ ଏକ ଫ୍ଲାଗ୍‌ ଅଫ୍‌ ସେରିମନି ଆୟୋଜନ ହୋଇଥିଲା। 

ହକି ସିରିଜ ଫାଇନାଲ୍ସରେ ଭାରତ:  ଭୁବନେଶ୍ୱରରେ ପୁରୁଷ, ହିରୋସିମାରେ ମହିଳା ଦଳ ଖେଳିବ

ହକି ସିରିଜ ଫାଇନାଲ୍ସରେ ଭାରତ: ଭୁବନେଶ୍ୱରରେ ପୁରୁଷ, ହିରୋସିମାରେ ମହିଳା ଦଳ ଖେଳିବ

ଭୁବନେଶ୍ୱର, ୨୨।୧(କ୍ରୀଡ଼ା ପ୍ରତିନିଧି)-ଗତବର୍ଷ ହକି ବିଶ୍ୱକପ କଳିଙ୍ଗ ଷ୍ଟାଡିୟମରେ ସଫଳତାର ସହ ସମ୍ପନ୍ନ ହୋଇଥିବାବେଳେ ଚଳିତ ବର୍ଷ ଏଠାରେ ଅନୁଷ୍ଠିତ ହେବାକୁ ଯାଉଛି ଅନ୍ତର୍ଜାତୀୟ ହକି ଫେଡେରେଶନ(ଏଫଆଇଏଚ୍‌) ସିରିଜ ଫାଇନାଲ୍ସ। ୨୦୧୯ରେ ହକି ସିରିଜ ଫାଇନାଲ୍ସର ମୋଟ ୩ଟି ଚରଣ ଅନୁଷ୍ଠିତ ହେବ। ପୁରୁଷ ବିଭାଗର ଦ୍ୱିତୀୟ ଚରଣ ଜୁନ ୬ରୁ ୧୬ ପର୍ଯ୍ୟନ୍ତ ଭୁବନେଶ୍ୱରରେ ଖେଳାଯିବ। 

ଖେଳାଳିଙ୍କୁ ମୁଣ୍ଡନ ପାଇଁ କହିବା:  ତିନି ଜଣିଆ କମିଟି ତଦନ୍ତ କରିବ

ଖେଳାଳିଙ୍କୁ ମୁଣ୍ଡନ ପାଇଁ କହିବା: ତିନି ଜଣିଆ କମିଟି ତଦନ୍ତ କରିବ

କୋଲକାତା, ୨୨ା୧ (ପି.ଟି.)-ଏକ ମ୍ୟାଚ ହାରିବା ପରେ ରାଜ୍ୟ ୧୯ ବର୍ଷରୁ କମ୍‌ ଖେଳାଳିଙ୍କୁ ମୁଣ୍ଡନ ପାଇଁ କୁହାଯାଇଥିବା ଘଟଣାର ତଦନ୍ତ ପାଇଁ ଏକ ୩ ଜଣିଆ କମିଟି ଗଠନ କରାଯିବ। ବେଙ୍ଗଲ ହକି ଆସୋସିଏଶନ (ବିଏଚ୍‌ଏ) ସମ୍ପାଦକ ସପନ ବାନାର୍ଜୀ ସୋମବାର ସୂଚନା ଦେଇଛନ୍ତି।