Dharitri News
ଉପକୂଳ ଓଡିଶା

ଚାଷୀ ବଦଳରେ ବ୍ୟବସାୟୀ ବିକୁଛନ୍ତି ଧାନ

ଚାଷୀ ବଦଳରେ ବ୍ୟବସାୟୀ ବିକୁଛନ୍ତି ଧାନ ବିରଜାକ୍ଷେତ୍ର,୭।୨(ଡି.ଏନ୍‌.ଏ) ଚାଷୀଙ୍କୁ ଉଚିତ୍‌ ସହାୟକ ମୂଲ୍ୟ ପ୍ରଦାନ କରି ସେମାନଙ୍କଠାରୁ ଧାନ କ୍ରୟ କରିବା ପାଇଁ ରାଜ୍ୟର ବିଭିନ୍ନ ପ୍ରାଥମିକ କୃଷି ସମବାୟ ସମିତିରେ ଧାନମଣ୍ଡି ଖୋଲାଯାଇଛି। ଧାନମଣ୍ଡିରେ ଯେପରି ଅଣଚାଷୀ ଧାନ ବିକ୍ରି ନ କରନ୍ତି ସେଥିପ୍ରତି ଦୃଢ଼ ପଦକ୍ଷେପ ଗ୍ରହଣ କରିବାକୁ ରାଜ୍ୟ ସରକାର ଯୋଗାଣ ବିଭାଗ ଓ ନିୟନ୍ତ୍ରିତ ବଜାର କମିଟିକୁ ନିର୍ଦ୍ଦେଶ ଦେଇଛନ୍ତି। ଧାନ ମଣ୍ଡିଗୁଡ଼ିକରେ ଧାନ ବିକ୍ରି କରି ଆସୁଥିବା ଚାଷୀଙ୍କୁ ସମସ୍ତ ସୁବିଧା ସୁଯୋଗ ଯୋଗାଇ ଦେବାକୁ ନିୟନ୍ତ୍ରିତ ବଜାର କମିଟି ଓ ପ୍ରାଥମିକ କୃଷି ସମବାୟ ସମିତିକୁ ନିର୍ଦ୍ଦେଶ ଦିଆଯାଇଛି। ମାତ୍ର କୌଣସି ଗୋଟିଏ ନିୟମ ଯାଜପୁର ବ୍ଲକ ମାର୍କଣ୍ଡପୁର ପ୍ରାଥମିକ କୃଷି ସମବାୟ ସମିତିରେ ପାଳନ ହେଉ ନ ଥିବା ଦେଖିବାକୁ ମିଳିଛି। ବୁଧବାର ମାର୍କଣ୍ଡପୁର ପ୍ରାଥମିକ କୃଷି ସମବାୟ ସମିତିରେ ଧାନମଣ୍ଡି ଖୋଲିଥିଲା। ମାତ୍ର ସେଠାରେ ସମବାୟ ସମିତି ସମ୍ପାଦକ ଓ ନିୟନ୍ତ୍ରିତ ବଜାର କମିଟି କର୍ମଚାରୀଙ୍କୁ ଦେଖିବାକୁ ମିଳି ନ ଥିଲା । ଏପରିକି ସମବାୟ ସମିତି ସଭାପତି ମଧ୍ୟ ଅନୁପସ୍ଥିତ ଥିବା ଦେଖିବାକୁ ମିଳିଥିଲା । ଧାନମଣ୍ଡିରେ ଚାଷୀଙ୍କ ବଦଳରେ ଦଲାଲଙ୍କ ଦ୍ୱାରା ବେପାରୀମାନେ ଧାନ ଆଣି ମିଲରଙ୍କୁ ବିକ୍ରି କରୁଥିବା ଦେଖିବାକୁ ମିଳିଥିଲା। ଦଲାଲଙ୍କ ଦ୍ୱାରା ବେପାରୀମାନେ ଗ୍ରାମାଞ୍ଚଳରୁ ବହୁତ କମ୍‌ ଦରରେ ଚାଷୀଙ୍କଠାରୁ ଧାନ କିଣିବା ପରେ ତାହାକୁ ମଣ୍ଡିରେ ଧାର୍ଯ୍ୟ ହୋଇଥିବା ସହାୟକ ମୂଲ୍ୟରେ ବିକ୍ରି କରି ମାଲାମାଲ ହେଉଛନ୍ତି। ମାର୍କଣ୍ଡପୁର ଧାନମଣ୍ଡିରେ ଟୋକନ ପାଇଥିବା ଚାଷୀଙ୍କୁ ଦେଖିବାକୁ ମିଳି ନ ଥିଲା। କାଁ ଭାଁ କେତେଜଣ ଚାଷୀ ମଣ୍ଡିରେ ଧାନ ବିକ୍ରି କରୁଥିବା ପରିଲକ୍ଷିତ ହୋଇଥିଲା। ଧାନମଣ୍ଡିରେ ଧାନ ରଖିବା ପାଇଁ କୌଣସି ଛାଉଣୀର ବ୍ୟବସ୍ଥା କରାଯାଇ ନ ଥିଲା। ଖରାରେ ଧାନ ରଖାଯିବା ଓ କଣ୍ଟା ହେଉଥିବା ଦେଖିବାକୁ ମିଳିଥିଲା। ପିଇବା ପାଣିର ମଧ୍ୟ ବ୍ୟବସ୍ଥା ନ ଥିଲା । ସମ୍ପୂର୍ଣ୍ଣ ଧାନମଣ୍ଡିଟି ବ୍ୟବସାୟୀଙ୍କ କବ୍‌ଜାରେ ରହିଥିବା ଦେଖିବାକୁ ମିଳିଥିଲା । ଏ ସମ୍ପର୍କରେ ସହକାରୀ ନିବନ୍ଧକ ସମବାୟ ସମୂହ (ଏଆରସିଏସ୍‌ଏସ୍‌) ଅଧିକାରୀ ଶରତ ଚନ୍ଦ୍ର ମଲ୍ଲିକଙ୍କ ସୂଚନା ଅନୁଯାୟୀ, ସମ୍ପାଦକଙ୍କ ଧାନମଣ୍ଡିରେ ଉପସ୍ଥିତ ରହିବା ନିହାତି ଜରୁରୀ ା ଯଦି ସେମାନେ ଅନୁପସ୍ଥିତ ରହିବା ଅଭିଯୋଗରେ ସତ୍ୟତା ଥାଏ ତେବେ ଏହି ଘଟଣାର ତଦନ୍ତ କରାଯାଇ ବିହିତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କହିଥିଲେ ।

ବିଜେପୁର ନିର୍ବାଚନ ଫଳାଫଳ

ବିଜେଡି 0
ବିଜେପି 0
କଂଗ୍ରେସ 0
  ଅନ୍ୟାନ୍ୟ 0

Model This Week

ସ୍ୱପ୍ନା

ଉପକୂଳ ଓଡିଶା

ବର୍ଷେ ପରେ ବି ଅଧା ହୋଇନି ପ୍ରକଳ୍ପ କାର୍ଯ୍ୟ

ଡୁବୁରୀ,୨୫।୨(ଡିଏନଏ)ଡୁବୁରୀ ଅଞ୍ଚଳର ଲୋକଙ୍କୁ ବିଶୁଦ୍ଧ ପାନୀୟ ଜଳ ଯୋଗାଇ ଦେବା ଉଦ୍ଦେଶ୍ୟରେ ସୁକିନ୍ଦା ଗ୍ରାମ୍ୟ ଜଳ ଓ ପରିମଳ ବିଭାଗ ପକ୍ଷରୁ ଏକ ପାନୀୟ ଜଳ ପ୍ରକଳ୍ପ ନିର୍ମାଣ ପାଇଁ ୨୦୧୬ ମସିହା ଡିସେମ୍ବରରେ ଏହାର ଶୁଭ ଦିଆଯାଇଥିଲା। ମାତ୍ର ଏହାର ବର୍ଷେ ପରେ ବି ପାନୀୟ ଜଳ ପ୍ରକଳ୍ପ କାର୍ଯ୍ୟ ଅସମ୍ପୂର୍ଣ୍ଣ ହୋଇ ପଡିରହିଛି।

ଏସିଏସ୍‌ଟି ଛାତ୍ରୀଛାତ୍ରଙ୍କ ଅନୁଦାନ ହଡ଼ପ

ଏସିଏସ୍‌ଟି ଛାତ୍ରୀଛାତ୍ରଙ୍କ ଅନୁଦାନ ହଡ଼ପ

ବରୀ,୨୫।୨(ସ୍ବ.ପ୍ର.)-ବରୀ ଶିକ୍ଷା ମଣ୍ଡଳ ଅଧୀନରେ ଥିବା ବରୀ-ମାଉଣ୍ଡ ବଜାରସ୍ଥିତ ବରୀ ଉଚ୍ଚ ପ୍ରାଥମିକ ବିଦ୍ୟାଳୟରେ ଏହି ଅଞ୍ଚଳର ବହୁ ପ୍ରତିଭାବାନ୍‌ ବ୍ୟକ୍ତିଙ୍କୁ ପ୍ରତିଷ୍ଠିତ କରିପାରିଛି। ସମଗ୍ର ଜିଲାରେ ଏହି ବିଦ୍ୟାଳୟର ଖ୍ୟାତି ରହି ଥିବାବେଳେ ଏବେ ଏହାର ଗୁମର ଧୀରେ ଧୀରେ ଫିଟୁଛି। ଶିକ୍ଷୟିତ୍ରୀଶିକ୍ଷକଙ୍କ ମଧ୍ୟରେ ସମନ୍ବୟର ଅଭାବ ଯୋଗୁ ବିଦ୍ୟାଳୟରେ ପୂର୍ବରୁ ହୋଇଥିବା ଦୁର୍ନୀତି ପ୍ରକାଶ ପାଇବାକୁ ଲାଗିଛି।

ଅନ୍ଧବିଶ୍ୱାସରୁ ମୁକୁଳି ପାରୁନାହାନ୍ତି ନଗଡ଼ାବାସୀ

କାଳିଆପାଣି,୨୫।୨(ଡିଏନଏ) -ରାଜ୍ୟ ସରକାର ଓ ଜିଲା ପ୍ରଶାସନ ନଗଡ଼ାକୁ ଏକ ଆଦର୍ଶ ଗ୍ରାମ ଭାବେ ଗଢ଼ି ତୋଳିବାକୁ ସ୍ବପ୍ନ ଦେଖୁଥିବା ବେଳେ ସେଠାରେ ବାସ କରୁଥିବା ଜୁଆଙ୍ଗମାନେ ଆଜି ବି ଅନ୍ଧବିଶ୍ୱାସର ଅନ୍ଧଗଳିରେ ଛନ୍ଦି ହେଉଛନ୍ତି। ରବିବାର ଏଭଳି ଏକ ଘଟଣା ପରିଲକ୍ଷିତ ହୋଇଛି।

ପତ୍ର ଆଦାନ ପ୍ରଦାନରେ ସୀମିତ କାର୍ଯ୍ୟାନୁଷ୍ଠାନ

ଯାଜପୁର ଅଫିସ,୨୫।୨- ଶିଳ୍ପାଞ୍ଚଳରେ ସ୍ଥାନୀୟ ନିଯୁକ୍ତିକୁ ଅଧିକ ଗୁରୁତ୍ୱ ଦେବାକୁ ଦକ୍ଷତା ବୃଦ୍ଧି ଏବଂ ବୈଷୟିକ ଶିକ୍ଷା ବିଭାଗ ପକ୍ଷରୁ କର୍ମ ନିୟୋଜନ ବିଭାଗର ନିର୍ଦ୍ଦେଶକଙ୍କୁ ନିର୍ଦ୍ଦେଶ ଜାରି ହୋଇଛି । ଦକ୍ଷତା ବୃଦ୍ଧି ଏବଂ ବୈଷୟିକ ଶିକ୍ଷା ବିଭାଗର ଉପସଚିବ ମନୋରଞ୍ଜନ ଜେନା ତାଙ୍କ ପତ୍ରସଂଖ୍ୟା ୧୦୦୬/୨୩।୨।୨୦୧୮ରେ ସ୍ଥାନୀୟ ନିଯୁକ୍ତି ଉପରେ ଉପଯୁକ୍ତ କାର୍ଯ୍ୟାନୁଷ୍ଠାନ ଗ୍ରହଣ କରି ବିଭାଗକୁ ଜଣାଇବାକୁ ନିର୍ଦ୍ଦେଶ ଦେଇଛନ୍ତି। ରାଜ୍ୟ ଶିଳ୍ପ ମନ୍ତ୍ରୀଙ୍କୁ ୨୦୧୬ ମେ ମାସରୁ ଚମ୍ପୁଆ ବିଧାୟକ ସନାତନ ମହାକୁଡ଼ ଏସମ୍ପର୍କରେ ନିବେଦନ କରିବା ପରେ କାର୍ଯ୍ୟାନୁଷ୍ଠାନ କେବଳ ପତ୍ର ଆଦାନ ପ୍ରଦାନରେ ସୀମିତ ରହିଛି । କଳିଙ୍ଗନଗର ଶିଳ୍ପାଞ୍ଚଳରେ ମଧ୍ୟ ଏହିଭଳି ଭାବେ ସ୍ଥାନୀୟ ନିଯୁକ୍ତିକୁ ନେଇ କେବଳ ଫାଇଲ ଚାଷ ହେଉଥିବା ସାଧାରଣରେ ମତପ୍ରକାଶ ପାଇଛି।

ବିଦ୍ୟୁତ୍‌ ତାର ଛିଣ୍ଡି  ଜଳିଗଲା ଧାନଗଦା

ବିଦ୍ୟୁତ୍‌ ତାର ଛିଣ୍ଡି ଜଳିଗଲା ଧାନଗଦା

ରାଜନଗର,୨୫।୨(ଡି.ଏନ୍‌.ଏ.)- ରାଜନଗର ବ୍ଲକ ଅନ୍ତର୍ଗତ ମଲ୍ଲିଆବୁଦା ଗ୍ରାମରେ ରବିବାର ବିଦ୍ୟୁତ୍‌ ତାର ଛିଣ୍ଡି ଏକ ଧାନଗଦା ଜଳିଯାଇଛି। ଅଗ୍ନିକାଣ୍ଡ ଯୋଗୁ ଗ୍ରାମର ଅନ୍ତର୍ଯାମୀ ବାରିକଙ୍କ ବର୍ଷକର ଅମଳ ଧାନ ଜଳି ପୋଡି ପାଉଁଶ ହୋଇଯାଇଛି।

ଭାରତୀୟ ତଟରକ୍ଷୀ ବାହିନୀର ‘ସମୁଦ୍ରରେ ଦିନେ’

ଭାରତୀୟ ତଟରକ୍ଷୀ ବାହିନୀର ‘ସମୁଦ୍ରରେ ଦିନେ’

ପାରାଦୀପ,୨୫।୨(ସ୍ବ.ପ୍ର.): ଭାରତୀୟ ତଟରକ୍ଷୀ ବାହିନୀ (କୋଷ୍ଟଗାର୍ଡ)ର ଓଡ଼ିଶା ମୁଖ୍ୟାଳୟ ପାରାଦୀପ ପକ୍ଷରୁ ରବିବାର ‘ଡେ ଆଟ୍‌ ସି’ (ସମୁଦ୍ରରେ ଦିନେ) କାର୍ଯ୍ୟକ୍ରମ ଅନୁଷ୍ଠିତ ହୋଇଛି। ଏହି ଅବସରରେ ସ୍କୁଲ ଛାତ୍ରୀଛାତ୍ର ଓ ସ୍ବତନ୍ତ୍ର ଅତିଥିଙ୍କୁ ନେଇ କୋଷ୍ଟଗାର୍ଡର ୪ ପାଟ୍ରୋଲିଂ ଜାହାଜ ସମୁଦ୍ର ମଧ୍ୟରେ ବିଭିନ୍ନ କୌଶଳ ଦେଖାଇଥିଲେ।

ବ୍ରହ୍ମଧୁନିରେ ବେଳାଭୂମି ପ୍ରକମ୍ପିତ

ରାଜନଗର,୨୫।୨(ଡି.ଏନ୍‌.ଏ.)- ରାଜନଗର ବ୍ଲକ ପେଣ୍ଠ-କାନପୁର ବଙ୍ଗୋପସାଗର ବେଳାଭୂମିରେ ବିଶ୍ୱଶାନ୍ତି ଅଲେଖ ଅଖଣ୍ଡ ବ୍ରହ୍ମଧୂନି ଯଜ୍ଞର ରବିବାର ଦ୍ୱିତୀୟ ଦିନରେ ସାଧୁସନ୍ଥ ଓ ଭକ୍ତଙ୍କ ଭିଡ ଜମିଛି। ଶନିବାରଠାରୁ ଆରମ୍ଭ ହୋଇଥିବା ଏହି ଯଜ୍ଞର ବ୍ରହ୍ମଧୁନିରେ ପେଣ୍ଠ ବେଳାଭୂମି ପ୍ରକମ୍ପିତ ହେଉଛି। ଫଳରେ ବେଳାଭୂମିରେ ଆଧ୍ୟାତ୍ମିକ ପରିବେଶ ସୃଷ୍ଟି ହୋଇଛି।

ଟ୍ରାକ୍ଟର ଓଲଟି ଚାଳକ ମୃତ

ଟ୍ରାକ୍ଟର ଓଲଟି ଚାଳକ ମୃତ

ମାର୍ଶାଘାଇ, ୨୫।୨(ଡି.ଏନ.ଏ.): କେନ୍ଦ୍ରାପଡା ଜିଲା ପାଟକୁରା ଥାନା ମାର୍ଶାଘାଇ ବ୍ଲକ ଅନ୍ତର୍ଗତ କଣିବାଙ୍କ ନଦୀବନ୍ଧରେ ରବିବାର ପୂର୍ବାହ୍ନରେ ଏକ ଟ୍ରାକ୍ଟର ଓଲଟିପଡିବାରୁ ଚାଳକଙ୍କ ମୃତ୍ୟୁ ଘଟିଛି। ସେ ହେଲେ କଟକ ଜିଲା ନିଶ୍ଚିନ୍ତକୋଇଲି ଥାନା ସୁକରପଦା ଗ୍ରାମର କୌଳାସ ଭୋଇ(୩୮)।

ଅଗ୍ନିକାଣ୍ଡ: ୨ ବଖରା ଭସ୍ମୀଭୂତ

ଅଗ୍ନିକାଣ୍ଡ: ୨ ବଖରା ଭସ୍ମୀଭୂତ

ଯାଜପୁର ଅଫିସ୍‌,୨୫।୨: ଯାଜପୁର ଜିଲା ଅଳତିିରି ଗ୍ରାମରେ ଶନିବାର ବିଳମ୍ବିତ ରାତିରେ ଅଗ୍ନିକାଣ୍ଡ ଘଟି ୨ ବଖରା ଭସ୍ମୀଭୂତ ହୋଇଯାଇଛି। ଏଥିରେ ଲକ୍ଷାଧିକ ଟଙ୍କାର ସମ୍ପତ୍ତି ପୋଡ଼ିଯାଇଥିବା ସୂଚନା ମିଳିଛି।

ଅଗ୍ନିକାଣ୍ଡରେ ଜଳିଗଲା୧୨ ବଖରା ଘର: ୬ ପରିବାର ବିପନ୍ନ

ଅଗ୍ନିକାଣ୍ଡରେ ଜଳିଗଲା୧୨ ବଖରା ଘର: ୬ ପରିବାର ବିପନ୍ନ

ନୟାଗଡ଼ ଅଫିସ, ୨୫।୨: ନୟାଗଡ଼ ବ୍ଲକ ଲାଠିପଡା ପାଇକ ସାହିରେ ଶନିବାର ବିଳମ୍ବିତ ରାତିରେ ଅଗ୍ନିକାଣ୍ଡ ଘଟି ୬ଟି ପରିବାରର ୧୨ ବଖରା ଘର ପୋଡି ପାଉଁଶ ହୋଇଯାଇଛି। ଅଗ୍ନିକାଣ୍ଡରେ ୭ଟି ଗାଈ ପୋଡିଯାଇଥିବା ବେଳେ ୨ଟି ଆହତ ଓ ୫ଟି ବାଇକ୍‌ ଜଳି ଯାଇଛି।

ପାରାଦୀପରେ ବାର୍ଡ ଫ୍ଲୁ

ଜଗତ୍‌ସିଂହପୁର ଅଫିସ/ପାରାଦୀପ, ୨୪।୨(ସ୍ବ.ପ୍ର.) ପାରାଦୀପ ବଡ଼ପଡ଼ିଆ ଓ ଷଣ୍ଢକୁଦ ଅଞ୍ଚଳରେ ବାର୍ଡ ଫ୍ଲ୍ୟୁ ବ୍ୟାପିଲାଣି। ଫ୍ଲୁରେ ମୃତ ପକ୍ଷୀଙ୍କ ନମୁନା ସଂଗ୍ରହ ପରେ ଏହା ପ୍ରମାଣିତ ହୋଇଛି। ଫଳରେ ଜଗତ୍‌ସିଂହପୁର ଜିଲାରେ ବାର୍ଡ ଫ୍ଲୁ ଭୟ ଦେଖାଦେଇଛି। ଜିଲା ପ୍ରଶାସନ ତରଫରୁ ପାରାଦୀପ, ଆଖପାଖ ଅଞ୍ଚଳର ଲୋକେ କୁକୁଡ଼ା ଓ ବତକ ମାଂସ ନ ଖାଇବା ପାଇଁ ବାରଣ କରାଯାଇଛି। ଶନିବାର ଜିଲାପାଳଙ୍କ କାର୍ଯ୍ୟାଳୟ ପରିସର ଏନ୍‌ଆଇସି ଭିସି ପ୍ରକ୍ରୋଷ୍ଠରେ ଅନୁଷ୍ଠିତ ବୈଠକରେ ଏଭଳି ନିଷ୍ପତ୍ତି ହୋଇଛି।

ହାତ ଟେକିଦେଲା ପୋଲିସ

ଜଗତ୍‌ସିଂହପୁର ଅଫିସ, ୨୪।୨ ଜଗତ୍‌ସିଂହପୁର ଜିଲା ରଘୁନାଥପୁର ଥାନା ଅନ୍ତର୍ଗତ ରେଢୁୁଆ ପଞ୍ଚାୟତ ମୁଣ୍ଡାଳ କମଳିଆରୁ ଗତ ୧୩ ତାରିଖରେ ଏକ ଅଖାରୁ ଜଣେ ଯୁବତୀଙ୍କ ମୃତଦେହ ହାତ ବନ୍ଧା ଅବସ୍ଥାରେ ଉଦ୍ଧାର ହୋଇଥିଲା। ଏହି ଘଟଣାରେ ଗିରଫ ୪ ଅଭିଯୁକ୍ତଙ୍କ ମଧ୍ୟରୁ ପୋଲିସ ୩ ଜଣଙ୍କୁ ୩ଦିନିଆ ରିମାଣ୍ଡରେ ନେଇଥିଲା। ଆଶା କରାଯାଉଥିଲା ଯେ, ପୋଲିସ ଏହି ଘଟଣାରେ ଅନେକ ତଥ୍ୟ ପାଇବ। ଏଥିସହ ୨୦୧୭ ମାର୍ଚ୍ଚ ୧୦ରେ ଧଳତଙ୍ଗଗଡ଼ ଜଙ୍ଗଲ ଧଉଳୀ କୁଦ ନିକଟ କେନାଲ ପାର୍ଶ୍ୱରୁ ଏକ ଟ୍ରଙ୍କ ଭିତରୁ ଅନ୍ୟ ଜଣେ ଯୁବତୀଙ୍କ ମୃତଦେହ ଉଦ୍ଧାର ଘଟଣାର ପର୍ଦ୍ଦାଫାଶ ହେବ ବୋଲି କୁହାଯାଉଥିଲା। କାରଣ ଉଭୟ ଘଟଣାରେ ଅନେକ ସାମଞ୍ଜସ୍ୟ ଦେଖିବାକୁ ମିଳିଛି। ମାତ୍ର ଦୁର୍ଭାଗ୍ୟର ବିଷୟ ପୋଲିସ କୌଣସି ସୁରାକ ପାଇ ନ ଥିବା ପ୍ରକାଶ କରିଛି, ଯାହାକି ସମସ୍ତଙ୍କୁ ଆଶ୍ଚର୍ଯ୍ୟ କରିଛି। ପ୍ରକାଶ ଯେ, ଟ୍ରଙ୍କ ଭିତରୁ ମୃତଦେହ ମିଳିବା ଘଟଣାର ୧ ବର୍ଷ ବିତିଥିଲେ ମଧ୍ୟ ମୃତ ଯୁବତୀଙ୍କ ପରିଚୟ ମିଳିପାରିନାହିଁ। ପୋଲିସ କେବଳ ଏକ ଅପମୃତ୍ୟୁ ମାମଲା ରୁଜୁ କରି ଚୁପ ରହିଛି। ଉଭୟ ଯୁବତୀଙ୍କ ମୃତଦେହ କପଡାରେ ବନ୍ଧା ଯାଇଥିଲା। ଉଦ୍ଦେଶ୍ୟ ଥିଲା ଯୁବତୀଦ୍ୱୟଙ୍କ ପରିଚୟ ହଜାଇ ଦେବା। ଯେହେତୁ ଦୁଇ ଘଟଣାରେ ଯୁବତୀଙ୍କ ପରିବାର ପକ୍ଷରୁ ଥାନାରେ କୌଣସି ମାମଲା ରୁଜୁ ହେବାର ସମ୍ଭାବନା ନ ଥିଲା, ତେଣୁ ଅଭିଯୁକ୍ତମାନେ ଏଭଳି କରିବାକୁ ଯୋଜନା କରିଥିଲେ। ଦୁଇ ମୃତଦେହ ସମାନ ଅଞ୍ଚଳରୁ ଉଦ୍ଧାର ହୋଇଛି। ଅଖାରୁ ମୃତଦେହ ମିଳିବା ଘଟଣାରେ ଜଗତ୍‌ସିଂହପୁରସ୍ଥିତ ମମତା କ୍ଲିନିକ୍‌ ମାଲିକାଣୀ ହାରାମଣି ମହାରଣା, ନର୍ସ ହେମଲତା ବେହେରା ଓ ମୃତଦେହ ମୁଣ୍ଡାଳ ପର୍ଯ୍ୟନ୍ତ ନେଇଥିବା ଅଟୋ ଚାଳକ ଅଭିମନ୍ୟୁ ବାରିକଙ୍କ ସମେତ ଯୁବତୀଙ୍କ ପିତାଙ୍କୁ ପୋଲିସ ଗିରଫ କରିଛି। ଯୁବତୀଙ୍କ ପିତାଙ୍କ ବୟାନକୁ ଭିତ୍ତିକରି ପୋଲିସ ମମତା କ୍ଲିନିକ୍‌ ସିଲ୍‌ କରିଛି। ବେଆଇନ ଭାବେ ଚାଲିଥିବା ଏହି କ୍ଲିନିକ୍‌ରେ ୬ ମାସର ଗର୍ଭବତୀ ଥିବା ଉକ୍ତ ଯୁବତୀଙ୍କ ମୃତ୍ୟୁ ହୋଇଥିଲା। ମୃତ୍ୟୁ ପରେ କ୍ଲିନିକ୍‌ ପକ୍ଷରୁ ଯୁବତୀଙ୍କ ପିତା ଓ ସମ୍ପର୍କୀୟଙ୍କୁ ଏହା ପ୍ରଘଟ ନ କରିବାକୁ କାଳେ ଚାପ ପକାଯାଇଥିଲା। ଏଥିସହ ମୃତଦେହ ଧଳତଙ୍ଗଗଡ଼ ଜଙ୍ଗଲରେ ଫିଙ୍ଗି ଦେବାକୁ ଷଡଯନ୍ତ୍ର ହୋଇଥିଲା। ଯେହେତୁ ଦୁଇ ଯୁବତୀଙ୍କ ମୃତଦେହ ଉଦ୍ଧାର ଘଟଣାରେ କେତେକ ସାମଞ୍ଜସ୍ୟ ରହିଛି, ତେଣୁ ଷଡଯନ୍ତ୍ର ପଛରେ ବେଆଇନ୍‌ କ୍ଲିନିକ୍‌ ଓ ନର୍ସିଂହୋମର ହାତ ଥିବା ସନ୍ଦେହ କରାଯାଉଛି। ତେଣୁ ରଘୁନାଥପୁର ପୋଲିସ ଅଭିଯୁକ୍ତମାନଙ୍କୁ ଗତ ୨୨ ତାରିଖରୁ ୩ ଦିନିଆ ରିମାଣ୍ଡରେ ନେଇଥିଲା। ଏହି ଅବଧି ଶନିବାର ଶେଷ ହୋଇଛି। ତେବେ ରିମାଣ୍ଡ ଅବଧି ପୁରିବା ପୂର୍ବରୁ ପୋଲିସ ଅସହାୟତା ପ୍ରକାଶ କରିଛି। ଅଭିଯୁକ୍ତମାନେ ଏହି ମାମଲା ସମ୍ପର୍କରେ କୌଣସି ସୂଚନା ଦେଲେନାହିଁ ବୋଲି ପୋଲିସ କହିଛି। ତେଣୁ ଅଭିଯୁକ୍ତମାନଙ୍କୁ ଘଣ୍ଟ ଘୋଡାଇବା ପାଇଁ ପୋଲିସ ରିମାଣ୍ଡ ନାଟକ ରଚିଥିବା ଅଭିଯୋଗ ହେଉଛି।