ରସୁଲପୁର,୭।୨(ଡି.ଏନ୍‌.ଏ.)- ଚାଷୀଙ୍କ ବହୁଦିନ ଅପେକ୍ଷାର ଅନ୍ତ ଘଟିଛି। ବିଳମ୍ବରେ ହେଉ ପଛେ ବୁଧବାର ଚାଷୀଙ୍କୁ ବିହନ ବିଶୋଧନ ଔଷଧ ମିଳିଛି। ପ୍ରକାଶ ଯେ, ଫସଲକୁ ରୋଗପୋକ ଦାଉରୁ ରକ୍ଷା କରିବା ସହ ଅଧିକ ଉପତ୍ାଦନକ୍ଷମ କରିବା ପାଇଁ ବିହନକୁ ବିଶୋଧନ ପାଇଁ ପ୍ରଶିକ୍ଷଣ ପ୍ରଦାନ କରାଯିବାର ଯୋଜନା ପ୍ରସ୍ତୁତ କରାଯାଇ ବ୍ୟାପକ ପ୍ରଚାର ପ୍ରସାର କରାଯାଉଛି। ଏଥିପାଇଁ ଡାଲି ଜାତୀୟ ଓ ତୈଳବୀଜ ବିହନକୁ ବିଶୋଧନ ସମ୍ପର୍କରେ ପ୍ରଶିକ୍ଷଣ ପାଇଁ ସମୟ ଧାର୍ଯ୍ୟ କରାଯାଇଥିଲା। ବିହନ ବିଶୋଧନ ପାଇଁ ସମୟ ଧାର୍ଯ୍ୟ କରାଯାଇଥିଲେ ମଧ୍ୟ ତାହା କାର୍ଯ୍ୟକାରୀ ହୋଇ ନ ଥିଲା। ଏ ନେଇ ଧରିତ୍ରୀରେ ଜାନୁୟାରୀ ୩୧ରେ ଖବର ପ୍ରକାଶ ପାଇବା ପରେ ପ୍ରଶାସନିକସ୍ତରରେ ତପତ୍ରତା ପ୍ରକାଶ ପାଇଛି। ଜିଲାର ଅନ୍ୟ ବ୍ଲକରେ ଏଯାବତ୍‌ ଔଷଧ ପହଞ୍ଚତ୍ ନ ଥିବାବେଳେ ରସୁଲପୁର ବ୍ଲକକୁ ଔଷଧ ପ୍ରଦାନ କରାଯାଇଥିବା ଜଣାପଡିଛି। ଗତ ସପ୍ତାହରେ ରସୁଲପୁର ବ୍ଲକ କୃଷି କାର୍ଯ୍ୟାଳୟରେ ୫୦୦ ପ୍ୟାକେଟ ବିହନ ବିଶୋଧନ ଔଷଧ ପହଞ୍ଚତ୍ଥିଲା। ବୁଧବାରରୁ ବାରବାଟୀ ପଞ୍ଚାୟତରୁ କୃଷି ବିଭାଗ ପକ୍ଷରୁ ବିହନ ବିଶୋଧନ ଔଷଧ ବାଣ୍ଟିବା ଆରମ୍ଭ କରାଯାଇଛି। ଏଥିସହ ଔଷଧର ବ୍ୟବହାରିକ ଦିଗ ପ୍ରତି ଚାଷୀଙ୍କୁ ସଚେତନ କରାଯାଇଛି । ଏହି ବ୍ଲକର ୫ଟି ସ୍ଥାନରେ ସଚେତନତା ଶିବିର ଆୟୋଜନ କରାଯାଇ ୫୦୦ ଚାଷୀଙ୍କୁ ମାଗଣା ଔଷଧ ପ୍ୟାକେଟ ପ୍ରଦାନ କରାଯିବ ବୋଲି ରସ୍‌ୁଲପୁର ସହକାରୀ କୃଷି ଅଧିକାରୀ କହିଛନ୍ତି ।