ରାଜ୍ୟ | ଉପକୂଳ ଓଡିଶା

ଗ୍ରାମୀଣ ଆବାସ ଯୋଜନାରେ ଆଉ ଏକ ଦୁର୍ନୀତି: କୋଟିପତିଙ୍କୁ ବିଜୁ ପକ୍କାଘର

ଗ୍ରାମୀଣ ଆବାସ ଯୋଜନାରେ ଆଉ ଏକ ଦୁର୍ନୀତି: କୋଟିପତିଙ୍କୁ ବିଜୁ ପକ୍କାଘର

ଯାଜପୁର ଅଫିସ/ବିଞ୍ଝାରପୁର,୭।୨(ଡି.ଏନ.ଏ.): ଗ୍ରାମୀଣ ଆବାସ ଯୋଜନା ମହାଦୁର୍ନୀତିରେ ଚର୍ଚ୍ଚାରେ ରହି ଆସୁଥିବା ଯାଜପୁର ଜିଲା ବିଞ୍ଝାରପୁର ବ୍ଲକରେ ଆଉ ଏକ ଦୁର୍ନୀତ ପଦାକୁ ଆସିଛି। ଏହି ବ୍ଲକରେ ପ୍ରଧାନମନ୍ତ୍ରୀ ଆବାସ ଯୋଜନାରେ ହୋଇଥିବା ଦୁର୍ନୀତିର ପର୍ଦ୍ଦାଫାଶ ହେବା ପରେ ଏବେ ବିଜୁ ପକ୍କା ଘର ଦୁର୍ନୀତିର ପେଡି ଖୋଲୁଛି। ବିଜୁ ପକ୍କାଘର(ସ୍ବତନ୍ତ୍ର) ଯୋଜନାର ଗାଇଡ ଲାଇନ ଉଲ୍ଲଂଘନ କରାଯାଇ କୋଟିପତି ହିତାଧିକାରୀଙ୍କଠାରୁ ମୋଟା ଅଙ୍କର ହାତଗୁଞ୍ଜା ନେଇ ଘର ବଣ୍ଟନ କରାଯାଇଥିବା ଅଭିଯୋଗ ହୋଇଛି।
କେନ୍ଦ୍ର ସରକାରଙ୍କ ପ୍ରଧାନମନ୍ତ୍ରୀ ଆବାସ ଯୋଜନାରେ ବିଭିନ୍ନ ଜିଲାକୁ କମ୍‌ ଅନୁଦାନ ମିଳିଥିଲା। ତେଣୁ ରାଜ୍ୟ ସରକାର ପୂର୍ବଭଳି ବିଜୁ ପକ୍କାଘର ଚାଲୁ ନ ରଖି ସ୍ବତନ୍ତ୍ର ବିଜୁ ପକ୍କାଘର ଯୋଜନା ଆରମ୍ଭ କରିଥିଲେ। ଏହି ଯୋଜନାରେ ରାଜ୍ୟର ପ୍ରତି ବିଧାନସଭା ନିର୍ବାଚନ ମଣ୍ଡଳୀକୁ ୭୫ଟି ଲେଖାଏ ବିଜୁ ପକ୍କାଘର ଆବଣ୍ଟିତ ହୋଇଥିଲା। ବାତ୍ୟା, ବନ୍ୟା ଓ ଭୂମିକମ୍ପ କିମ୍ବା ହାତୀ ଉପଦ୍ରବ ଯୋଗୁ ଘର ଭାଙ୍ଗିଥିବା ବ୍ୟକ୍ତି, ସାମ୍ପ୍ରଦାୟିକ ଦଙ୍ଗାର ଶିକାର ହୋଇଥିବା କ୍ଷତିଗ୍ରସ୍ତ ଲୋକଙ୍କୁ ଏହି ସ୍ବତନ୍ତ୍ର ବିଜୁ ପକ୍କାଘର ଯୋଜନାରେ ସାମିଲ କରିବାକୁ ପ୍ରସ୍ତାବ ରହିଥିଲା। ରାଜ୍ୟ ସରକାର ଏନେଇ ୨୦୧୭ ଜୁନ ୫ତାରିଖ ପତ୍ର ସଂଖ୍ୟା ୧୦୦୬୨ରେ ଏକ ନୂତନ ଗାଇଡ ଲାଇନ ଜାରି କରିଥିଲେ । ହିତାଧିକାରୀଙ୍କୁ ଚିହ୍ନଟ କରିବାକୁ ଜିଲାପାଳଙ୍କ ଅଧ୍ୟକ୍ଷତାରେ ଏମ୍‌ପି, ଏମ୍‌ଏଲ୍‌ଏ, ଜିଲା ପରିଷଦ ଅଧ୍ୟକ୍ଷ, ଜିଲା ଗ୍ରାମ୍ୟ ଉନ୍ନୟନ ସଂସ୍ଥାର ପ୍ରକଳ୍ପ ନିର୍ଦ୍ଦେଶକ ଓ ବିଡିଓଙ୍କୁ ନେଇ ଏକ କମିଟି ପ୍ରତ୍ୟେକ ଜିଲାରେ ଗଠନ କରାଯାଇଥିଲା। ଯାଜପୁର ଜିଲାର ବିଞ୍ଝାରପୁର ବ୍ଲକରେ ପ୍ରାକୃତିକ ବିପର୍ଯ୍ୟୟ କିମ୍ବା ସାମ୍ପ୍ରଦାୟିକ ଦଙ୍ଗା ଘଟି ନ ଥିଲେ ମଧ୍ୟ ଜିଲାପାଳଙ୍କ ଅଧ୍ୟକ୍ଷତାରେ ଗଠିତ ଏହି କମିଟି ସ୍ବତନ୍ତ୍ର ବିଜୁ ପକ୍କାଘର ଯୋଜନାରେ କୋଟିପତି ହିତାଧିକାରୀଙ୍କୁ ଚୟନ କରିଥିବା ଜଣାପଡିଛି। ଏହି ହିତାଧିକାରୀଙ୍କୁ ଗରିବ ଦର୍ଶାଇ ବିଜୁ ପକ୍କାଘର ବଣ୍ଟନ କରାଯାଇଛି।
ଯାଜପୁର-ସିଂହପୁର ରାସ୍ତାର ରୁଦ୍ରପୁରସ୍ଥିତ ବିଦ୍ୟୁତଗ୍ରୀଡ ନିକଟରେ ନିର୍ମାଣ ହୋଇଥିବା ବିଜୁ ପକ୍କାଘରକୁ ନେଇ ଏବେ ସାଧାରଣରେ ଚର୍ଚ୍ଚା ଜୋର ଧରିଛି । ଏହି ଘରଟି ୨ମହଲା ବିଶିଷ୍ଟ କୋଠାଘର ହୋଇଥିବାବେଳେ ସେଠାରେ ଏକ କମ୍ପ୍ୟୁଟର ଇନ୍‌ଷ୍ଟିଚ୍ୟୁଟ ରହିଛି। ଏଥିସହିତ କେତେକ ସରକାରୀ ଓ ବେସରକାରୀ ଚାକିରି କରିଥିବା ବ୍ୟକ୍ତି ମଧ୍ୟ ଭଡ଼ାରେ
ରହିଛନ୍ତି। ଏପରିକି ଏହି କୋଠାରେ ସରକାରଙ୍କ ପକ୍ଷରୁ ମଧ୍ୟାହ୍ନ ଭୋଜନ ଚାଉଳ ମଧ୍ୟ ଗଚ୍ଛିତ ହୋଇ ରହିଥିଲା। ଆର୍ଥିକ କ୍ଷେତ୍ରରେ
ସ୍ବଚ୍ଛଳ ଥିବା ଏହି ହିତାଧିକାରୀଙ୍କୁ ବିଜୁ ପକ୍କାଘର ଦିଆଯାଇଥିବା ଜଣାପଡିଛି।
୨୦୧୭-୧୮ରେ ବିଞ୍ଝାରପୁର ନିର୍ବାଚନମଣ୍ଡଳୀ ପାଇଁ ୭୫ଟି ବିଜୁ ପକ୍କାଘର ଆସିଥିବାବେଳେ ସେଥିମଧ୍ୟରୁ ୪୨ଟି ଘର ଅଯୋଗ୍ୟ ହିତାଧିକାରୀଙ୍କୁ ବଣ୍ଟନ ହୋଇଛି। ଅନ୍ୟ ୩୩ଟି ବାସଗୃହ ଜିଲାପାଳଙ୍କ ମଞ୍ଜୁରୀ ଅପେକ୍ଷାରେ ରହିଥିବା ଜଣାପଡିଛି। ସେଥିମଧ୍ୟରୁ ବିଞ୍ଝାରପୁର ପଞ୍ଚାୟତରେ ସର୍ବାଧିକ ୨୬ଟି ବିଜୁ ପକ୍କାଘର ଦିଆଯାଇଛି। ଏହି ସମସ୍ତ ହିତାଧିକାରୀ ଅଯୋଗ୍ୟ ବୋଲି ଅଭିଯୋଗ ହେଉଛି। ବିଜୁ ପକ୍କାଘର ପାଇଥିବା ଅଧିକାଂଶ ବ୍ୟକ୍ତି ବ୍ୟବସାୟ କିମ୍ବା ଠିକାଦାରି କରୁଛନ୍ତି । ବିଞ୍ଝାରପୁର ପଞ୍ଚାୟତ ବ୍ୟତୀତ ବିତନାରେ, ଚନ୍ଦ୍ରମୁଁ, ଚିକଣା, ଜରୀ, ପ୍ରୀତିପୁର, କପିଳା ଓ ଉତଙ୍ଗରା ପଞ୍ଚାୟତରେ ଜଣେ ଲେଖାଏଁ ବ୍ୟକ୍ତି ସ୍ବତନ୍ତ୍ର ବିଜୁ ପକ୍କା ଘର ପାଇଥିବାବେଳେ କଲ୍ୟାଣପୁରରେ ପାଇଛନ୍ତି ୫ଜଣ। ଏମାନଙ୍କ ମଧ୍ୟରୁ ଅଧିକାଂଶ ହିତାଧିକାରୀ କୁଆଡେ ୪୦ରୁ ୫୦ ହଜାର ଟଙ୍କା ଖର୍ଚ୍ଚ କରି ଏହି ଯୋଜନାରେ ସାମିଲ ହୋଇଥିବା କୁହାଯାଉଛି। ଏହି ଯୋଜନାରେ ପ୍ରତ୍ୟେକ ହିତାଧିକାରୀଙ୍କୁ ୧ଲକ୍ଷ ୩୦ହଜାର ଟଙ୍କା ସହ ମହାମତ୍ା ଗାନ୍ଧୀ ନିଶ୍ଚିତ କର୍ମ ନିଯୁକ୍ତି ଯୋଜନାରେ ଆଉ ୨୦ହଜାର ଟଙ୍କା ଦିଆଯାଇଛି। ରାଜନେତାଙ୍କ ଇଙ୍ଗିତରେ ଏହି ଯୋଜନାର ଫାଇଦା ଗରିବ ଲୋକଙ୍କୁ ନ ମିଳି ଆର୍ଥିକ କ୍ଷେତ୍ରରେ ଉନ୍ନତ ଥିବା ହିତାଧିକାରୀଙ୍କୁ ବଣ୍ଟନ ହୋଇଛି। ୨୦୧୩-୧୪ରେ ୭୪ଜଣ ହିତାଧିକାରୀ ବିଜୁ ପକାଘର ଯୋଜନାରେ ଉପକୃତ ହୋଇଥିବାବେଳେ ୨୦୧୪-୧୫ରେ ୨୦୬, ୨୦୧୫-୧୬ରେ ୪୫୧, ୨୦୧୬-୧୭ରେ ୨୮୯ ଜଣ ହିତାଧିକାରୀଙ୍କୁ କାର୍ଯ୍ୟାଦେଶ ପ୍ରଦାନ କରାଯାଇଛି। ଅଧିକାଂଶ ହିତାଧିକାରୀ ଘର ନ କରି ମିଥ୍ୟାବିଲ୍‌ କରି ଟଙ୍କା ଉଠାଇ ନେଇଛନ୍ତି। ଏ ସଂକ୍ରାନ୍ତରେ ବିଞ୍ଝାରପୁର ବିଡିଓ ଦାମୋଦର ଖୁଣ୍ଟିଆଙ୍କୁ ପଚାରିବାରେ ଅଭିଯୋଗର ତଦନ୍ତ ଚାଲିଛି। ତଦନ୍ତ ରିପୋର୍ଟ ସପ୍ତାହକ ମଧ୍ୟରେ ହସ୍ତଗତ ହେବ। ରିପୋର୍ଟ ମିଳିବା ପରେ ଜିଲାପାଳଙ୍କୁ ପ୍ରଦାନ କରାଯାଇ ତାଙ୍କ ନିର୍ଦ୍ଦେଶରେ ପରବର୍ତ୍ତୀ ପଦକ୍ଷେପ ଗ୍ରହଣ କରାଯିବ।

All Right Reserved By

Model This Week

ସନ୍ତୋଷ

ରାଜ୍ୟ | ଉପକୂଳ ଓଡିଶା

ପାଣି ପାଇଁ ଲିଙ୍ଗୁଡ଼ିଆବେଡ଼ାବାସୀଙ୍କ ଧାରଣା : ଦୈନିକ ୬ ଟ୍ୟାଙ୍କର ଯୋଗାଇବ ନାଲ୍‌କୋ

ପାଣି ପାଇଁ ଲିଙ୍ଗୁଡ଼ିଆବେଡ଼ାବାସୀଙ୍କ ଧାରଣା : ଦୈନିକ ୬ ଟ୍ୟାଙ୍କର ଯୋଗାଇବ ନାଲ୍‌କୋ

ଅନୁଗୋଳ ଅଫିସ,୨୬।୫- ପାଣି ପାଇଁ ଶନିବାର ଆନ୍ଦୋଳନକୁ ଓହ୍ଲାଇଥିବା ଲଙ୍ଗୁଳିଆବେଡ଼ା ଗ୍ରାମବାସୀଙ୍କୁ ନାଲ୍‌କୋ ପକ୍ଷରୁ ଦୈନିକ ୬ ଟ୍ୟାଙ୍କର ପାନୀୟ ଜଳ ଯୋଗାଇ ଦିଆଯିବ। ପାଇପ୍‌ ପାଣି ଯୋଗାଣ ପର୍ଯ୍ୟନ୍ତ ନାଲ୍‌କୋ ଉକ୍ତ ଗ୍ରାମବାସୀଙ୍କୁ ଏପରି ଟ୍ୟାଙ୍କର ମାଧ୍ୟମରେ ଜଳ ଯୋଗାଇବ ବୋଲି ଅନୁଗୋଳ ଉପଜିଲାପାଳ ବାସୁଦେବ ଶତପଥୀ ନିର୍ଦ୍ଦେଶ ଦେଇଛନ୍ତି।

କଟକରେ ମୋଦି: ବିକାଶର ରିପୋର୍ଟ ଦେଲେ

କଟକରେ ମୋଦି: ବିକାଶର ରିପୋର୍ଟ ଦେଲେ

କଟକ ଅଫିସ, ୨୬।୫: କଟକ କିଲା ପଡ଼ିଆରେ ଅନୁଷ୍ଠିତ ଭାଜପାର ଜନ କଲ୍ୟାଣ ସମାବେଶ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶନିବାର କେନ୍ଦ୍ର ସରକାରଙ୍କ ୪ବର୍ଷ ସଫଳତାର ଅବତାରଣା କରିଛନ୍ତି। ଉପର ବାଲିଯାତ୍ରା ପଡ଼ିଆରେ ଆୟୋଜିତ ସଭାରେ ଯୋଗଦେଇ ମୋଦି ରାଜ୍ୟ ତଥା ଦେଶବାସୀଙ୍କୁ ଉଦ୍‌ବୋଧନ ଦେଉଛନ୍ତି। ମୋଦି ତାଙ୍କ ଅଭିଭାଷଣରେ କେନ୍ଦ୍ର ସରକାରଙ୍କ ବିକାଶର ରିପୋର୍ଟ କାର୍ଡ ଦେବା ସହିତ ବିରୋଧୀଙ୍କ ଉପରେ ବର୍ଷିଛନ୍ତି।

ମୋଦି ରାଲିରେ ଯୋଗଦେବାକୁ ଯାଉଥିବା ଭାଜପା କର୍ମୀଙ୍କ ଉପରକୁ ଢେଲାମାଡ଼

ମୋଦି ରାଲିରେ ଯୋଗଦେବାକୁ ଯାଉଥିବା ଭାଜପା କର୍ମୀଙ୍କ ଉପରକୁ ଢେଲାମାଡ଼

କଟକ ସଦର, ୨୬।୫(ଡି.ଏନ୍‌.ଏ.): କଟକ ବାଲିଯାତ୍ରା ପଡ଼ିଆରେ ଶନିବାର ଆୟୋଜିତ ମୋଦି ରାଲିରେ ଯୋଗଦେବାକୁ ଭାଜପା କର୍ମୀମାନେ ଏକ ମହିନ୍ଦ୍ରା ଗାଡିରେ ଯାଉଥିଲେ। ବିରିବାଟି ନିକଟରେ କିଛି ଦୁର୍ବୃତ୍ତ ଗାଡ଼ି ଉପରକୁ ଢେଲା ମାଡ଼ କରିଛନ୍ତି।

ଜିଲାସ୍ତରୀୟ ପ୍ରାକୃତିକ ବିପର୍ଯ୍ୟୟ କମିଟି ବୈଠକ

ଜିଲାସ୍ତରୀୟ ପ୍ରାକୃତିକ ବିପର୍ଯ୍ୟୟ କମିଟି ବୈଠକ

ପୁରୀ ଅଫିସ,୨୬।୫: ପୁରୀରେ ଜିଲାସ୍ତରୀୟ ପ୍ରାକୃତିକ ବିପର୍ଯ୍ୟୟ ବୈଠକ ଶନିବାର ଜିଲାପାଳ ଅରବିନ୍ଦ ଅଗ୍ରଓ୍ବାଲଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି। ଜୁନ୍‌ ୧ରୁ ଅକ୍ଟୋବର ୧୫ ପର୍ଯ୍ୟନ୍ତ ଜିଲା, ବ୍ଲକ, ତହସିଲସ୍ତରରେ କଣ୍ଟ୍ରୋଲ ରୁମ୍‌ ଖୋଲିବାକୁ ସମ୍ପୃକ୍ତ ଅଧିକାରୀମାନଙ୍କୁ ନିର୍ଦ୍ଦେଶ ଦିଆଯାଇଛି।

ଜିଲାବ୍ୟାପୀ ପିଲାଚୋରି ଗୁଜବ: ସଚେତନତା ପାଇଁ ଗଡ଼ିଲା ରଥ

ଜିଲାବ୍ୟାପୀ ପିଲାଚୋରି ଗୁଜବ: ସଚେତନତା ପାଇଁ ଗଡ଼ିଲା ରଥ

କୋରାପୁଟ,୨୬।୫(ସ୍ବ.ପ୍ର./ଡି.ଏନ୍‌.ଏ.): କୋରାପୁଟ ଜିଲାରେ କିଛିଦିନ ଧରି ପିଲାଚୋରି ନେଇ ବହୁ ଅଭିଯୋଗ ଓ ଗୁଜବ ଖେଳୁଛି। ଏହି ଅଭିଯୋଗ କ୍ରମେ ଜିଲାର ବିଭିନ୍ନ ଅଞ୍ଚଳରେ ୧୦ରୁ ଊର୍ଦ୍ଧ୍ୱ ବ୍ୟକ୍ତିଙ୍କୁ ଲୋକେ ଅଟକ ରଖିଥିବାବେଳେ କେତେକଙ୍କୁ ମାଡ଼ମାରି ଥାନାକୁ ହସ୍ତାନ୍ତର କରିଛନ୍ତି। ଗ୍ରାମାଞ୍ଚଳରେ ସ୍ଥିତି ଏପରି ହୋଇଛି, ଫେରି କରୁଥିବା ବେପାରୀ ମଧ୍ୟ ଲୋକଙ୍କ ଆକ୍ରୋଶର ଶିକାର ହେଉଛନ୍ତି। ଜିଲାର ନାରାୟଣପାଟଣା, ବନ୍ଧୁଗାଁ, ଦଶମନ୍ତପୁର, ଲକ୍ଷ୍ମୀପୁର, ନନ୍ଦପୁର, ଲମତାପୁଟ, ଦାମନଯୋଡ଼ି, କାକିରିଗୁମ୍ମା, କୋରାପୁଟ, ସେମିଳିଗୁଡ଼ା ଅଞ୍ଚଳରେ ଏହି ପିଲାଚୋରି ଅଭିଯୋଗ ଆସିଛି।

ଲୋକଙ୍କୁ ସଚେତନ କରିବ ପରୀ

ପୁରୀ ଅଫିସ,୨୬।୫: ଶିଶୁ ନିର୍ଯାତନା, ଯୌନ ଶୋଷଣ ସଂକ୍ରାନ୍ତରେ ଲୋକଙ୍କୁ ସଚେତନ କରିବା ଲାଗି ଓଡ଼ିଶା ରାଜ୍ୟ ପୋଲିସ ହାତକୁ ନେଇଛି ଏକ କାର୍ଯ୍ୟକ୍ରମ। ଯାହାର ନାମ ରହିଛି ପରୀ। ମଇ ୨୮ରୁ ୨ ତାରିଖ ପର୍ଯ୍ୟନ୍ତ ପୁରୀ ଜିଲାରେ ପରୀ ସଚେତନ ରଥ ପରିକ୍ରମା କରିବ ବୋଲି ଶନିବାର ଏସ୍‌ପି କାର୍ଯ୍ୟାଳୟରେ ଆୟୋଜିତ ଏକ ଖବରଦାତା ସମ୍ମିଳନୀରେ ଏସ୍‌ପି ସାର୍ଥକ ଷଡଙ୍ଗୀ ସୂଚନା ଦେଇଛନ୍ତି।

ଜମିବାଡ଼ି ବିବାଦରୁ ଘରେ ନିଆଁ ଲଗାଇବା ଘଟଣା: ଅଭିଯୁକ୍ତ ସ୍ବାମୀ-ସ୍ତ୍ରୀ ଗିରଫ

ଜମିବାଡ଼ି ବିବାଦରୁ ଘରେ ନିଆଁ ଲଗାଇବା ଘଟଣା: ଅଭିଯୁକ୍ତ ସ୍ବାମୀ-ସ୍ତ୍ରୀ ଗିରଫ

ମାର୍ଶାଘାଇ,୨୬।୫(ଡି.ଏନ୍‌.ଏ.): କେନ୍ଦ୍ରାପଡ଼ା ଜିଲା ମାର୍ଶାଘାଇ ବ୍ଲକ ରାମିଆଗଞ୍ଜ ଗ୍ରାମରେ ଜମିବାଡ଼ି ବିବାଦକୁ କେନ୍ଦ୍ରକରି ଘରେ ନିଆଁ ଲଗାଇବା ଘଟଣାରେ ଅଭିଯୁକ୍ତ ସ୍ବାମୀ-ସ୍ତ୍ରୀଙ୍କୁ ଶନିବାର ମାର୍ଶାଘାଇ ପୋଲିସ ଗିରଫ କରିଛି। ସେମାନେ ହେଲେ ବଳରାମ ରାଉତ ଓ ତାଙ୍କ ସ୍ତ୍ରୀ ଜୟଶ୍ରୀ।

ପ୍ରକାଶ ପାଇଲା ସିବିଏସ୍‌ଇ ପରୀକ୍ଷାଫଳ: ୫୦୦ରୁ ୪୯୯ ରଖି ମେଘନା ଟପ୍ପର

ପ୍ରକାଶ ପାଇଲା ସିବିଏସ୍‌ଇ ପରୀକ୍ଷାଫଳ: ୫୦୦ରୁ ୪୯୯ ରଖି ମେଘନା ଟପ୍ପର

ଭୁବନେଶ୍ୱର,୨୬।୫(ବ୍ୟୁରୋ): ଶନିବାର ପ୍ରକାଶ ପାଇଛି କେନ୍ଦ୍ରୀୟ ମାଧ୍ୟମିକ ଶିକ୍ଷା ପରିଷଦ(ସିବିଏସ୍‌ଇ) ଦ୍ୱାଦଶ ପରୀକ୍ଷାଫଳ। ଚଳିତ ବର୍ଷ ପାସ ହାର ୮୩.୦୧% ରହିଥିବା ବେଳେ ଉତ୍ତରପ୍ରଦେଶ ଗାଜିଆବାଦର ମେଘନା ଶ୍ରୀବାସ୍ତବ ୫୦୦ରୁ ୪୯୯ ରଖି ଟପ୍ପର ହୋଇଛନ୍ତି।

ମୋଦି ସରକାର କେବଳ ହ୍ବାଟ୍ସଅପ୍‌, ଫେସବୁକ୍‌ର ସରକାର: କପିଲ ସିବଲ

ମୋଦି ସରକାର କେବଳ ହ୍ବାଟ୍ସଅପ୍‌, ଫେସବୁକ୍‌ର ସରକାର: କପିଲ ସିବଲ

ଭୁବନେଶ୍ୱର,୨୬।୫(ବ୍ୟୁରୋ): ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶନିବାର ଓଡ଼ିଶା ଗସ୍ତରେ ଆସି କେନ୍ଦ୍ର ସରକାରଙ୍କ ୪ ବର୍ଷର ସଫଳତା ବିଷୟରେ ମତ ରଖିବେ। ମୋଦିଙ୍କ ଏହି ଗସ୍ତ ପୂର୍ବରୁ କଂଗ୍ରେସର ବରିଷ୍ଠ ନେତା ତଥା ପୂର୍ବତନ କେନ୍ଦ୍ରମନ୍ତ୍ରୀ କପିଲ ସିବଲ ମୋଦିଙ୍କୁ କଡା ସମାଲୋଚନା କରିଛନ୍ତି।

ତୈଳ ଦର ବୃଦ୍ଧିକୁ ନେଇ ଶିବସେନା ପକ୍ଷରୁ ବିକ୍ଷୋଭ

ତୈଳ ଦର ବୃଦ୍ଧିକୁ ନେଇ ଶିବସେନା ପକ୍ଷରୁ ବିକ୍ଷୋଭ

ବ୍ରହ୍ମପୁର ଅଫିସ,୨୬।୫: ତୈଳ ଦର ବୃଦ୍ଧିକୁ ନେଇ ତୀବ୍ର ଅସନ୍ତୋଷ ପ୍ରକାଶ କରିଛି ଶିବସେନା। ଏ ନେଇ ଶନିବାର ପୂର୍ବାହ୍ନରେ ବ୍ରହ୍ମପୁର ପୁରୁଣା ବସ୍‌ଷ୍ଟାଣ୍ଡଠାରେ ବିକ୍ଷୋଭ ପ୍ରଦର୍ଶନ କରାଯାଇଛି। ଅନ୍ତର୍ଜାତୀୟ ବଜାରରେ ଅଶୋଧିତ ତୈଳ ଦର ହ୍ରାସ ପାଉଛି।

ପିପିଲିରେ ଏନ୍‌କାଉଣ୍ଟର: ଦୁର୍ଦ୍ଦାନ୍ତ ଅପରାଧୀ ସର୍ବେଶ୍ୱର ଆହତ

ପିପିଲିରେ ଏନ୍‌କାଉଣ୍ଟର: ଦୁର୍ଦ୍ଦାନ୍ତ ଅପରାଧୀ ସର୍ବେଶ୍ୱର ଆହତ

ପୁରୀ ଅଫିସ,୨୬।୫: ପୁରୀ ଜିଲା ପିପିଲିର ନିଛଗଡ ଅଞ୍ଚଳରେ ଶୁକ୍ରବାର ବିଳମ୍ବିତ ରାତିରେ ଏନ୍‌କାଉଣ୍ଟର ହୋଇଛି। ପୋଲିସ ଗୁଳିରେ ଦୁର୍ଦ୍ଦାନ୍ତ ଅପରାଧୀ ସର୍ବେଶ୍ୱର ବେହେରା ଆହତ ହୋଇଛନ୍ତି। ତାଙ୍କ ବାମ ଗୋଡ଼ରେ ଗୁଳି ବାଜିଛି। ତାଙ୍କ ନିକଟରୁ ଗୋଟିଏ ପିସ୍ତଲ ଓ ୨ଟି ଖୋକା ଜବତ କରାଯାଇଛି।

ମା’ ତାରିଣୀ ଜୁଏଲେରି ଦୋକାନରୁ ଲୁଟ୍‌

ମା’ ତାରିଣୀ ଜୁଏଲେରି ଦୋକାନରୁ ଲୁଟ୍‌

ବଡ଼ବିଲ,୨୬।୫(ସ୍ବ.ପ୍ର.): କେନ୍ଦୁଝର ଜିଲା ବଡ଼ବିଲ ବଜାରସ୍ଥିତ ମା’ ତାରିଣୀ ଜୁଏଲେରି ଦୋକାନରୁ ଶନିବାର ସକାଳ ସାଢେ ୯ଟାରେ ଲୁଟ୍‌ ହୋଇଛି। ୨ ଦୁର୍ବୃତ୍ତ ଏକ ପଲସର ବାଇକରେ ଆସି ୪୦ କିଲୋ ରୁପା ଓ ୬୦୦ ଗ୍ରାମ ସୁନା ଅଳଙ୍କାର ଭର୍ତ୍ତିଥିବା ଏକ ବ୍ୟାଗ ଲୁଟି ନେଇଛନ୍ତି। ଯାହାର ଆନୁମାନିକ ମୂଲ୍ୟ ୩୫ ଲକ୍ଷ ଟଙ୍କା ହେବ ବୋଲି ଜଣାପଡ଼ିଛି।