ରାଜ୍ୟ |

ଏସ୍‌ଆଇଟି କରିବ କୁନ୍ଦୁଲି ତଦନ୍ତ

ଏସ୍‌ଆଇଟି କରିବ କୁନ୍ଦୁଲି ତଦନ୍ତ

ଭୁବନେଶ୍ୱର,୭।୨(ବ୍ୟୁରୋ): କୁନ୍ଦୁଲି ଗଣ ବଳାତ୍କାର ଓ ପୀଡ଼ିତାଙ୍କ ଆତ୍ମହତ୍ୟା ଘଟଣାରେ ରାଜ୍ୟ ସରକାରଙ୍କ ଉପରେ ବିଭିନ୍ନ ମହଲରୁ ଚାପ ପଡ଼ିବା ପରେ ବୁଧବାର ମୁଖ୍ୟମନ୍ତ୍ରୀ ସ୍ବତନ୍ତ୍ର ତଦନ୍ତକାରୀ ଦଳ (ଏସ୍‌ଆଇଟି) ଦ୍ୱାରା ଏହି ଘଟଣାର ତଦନ୍ତ ପାଇଁ ନିର୍ଦ୍ଦେଶ ଦେଇଛନ୍ତି। ଗତ ଅକ୍ଟୋବର ୧୦ରେ ଯବାନ ବେଶରେ ଥିବା ୪ ଜଣ ବ୍ୟକ୍ତିଙ୍କ ଦ୍ୱାରା କୁନ୍ଦୁଲି ନାବାଳିକା ଗଣ ବଳାତ୍କାରର ଶିକାର ହୋଇଥିବା ଅଭିଯୋଗ ହୋଇଥିଲା। ଏଭଳି ଅଭିଯୋଗ ରାଜ୍ୟବ୍ୟାପୀ ତୀବ୍ର ପ୍ରତିକ୍ରିୟା ସୃଷ୍ଟି କରିଥିଲା। ପ୍ରଥମେ ପୋଲିସ ଓ ପରେ କ୍ରାଇମବ୍ରାଞ୍ଚ ଦ୍ୱାରା ଘଟଣାର ତଦନ୍ତ ଚାଲିଥିଲା। ଏଚ୍‌ଆର୍‌ପିସି ଏଡିଜି ମଧ୍ୟ ଘଟଣାର ତଦନ୍ତ କରି ବଳାତ୍କାର ହୋଇ ନଥିବା ବିବୃତ୍ତି ଦେଇଥିଲେ। ରାଜ୍ୟ ପୋଲିସ ବିଭାଗ ମଧ୍ୟ ବଳାତ୍କାର ପ୍ରମାଣ ନଥିବା କହିଥିଲା। ଏହାକୁ ନେଇ ବିରୋଧୀ ଦଳ ସରକାରଙ୍କୁ ଟାର୍ଗେଟ୍‌ କରିବା ସହ କୁନ୍ଦୁଲି ପୀଡ଼ିତାଙ୍କୁ ନ୍ୟାୟ ଦେବା ଦାବିରେ ରାଜନୀତି ମଧ୍ୟ ଜୋର୍‌ ଧରିଥିଲା। ଏଭଳି ସମ୍ବେଦନଶୀଳ ପ୍ରସଙ୍ଗରେ ମୁଖ୍ୟମନ୍ତ୍ରୀ ଘଟଣାର ନ୍ୟାୟିକ ତଦନ୍ତ ନିର୍ଦ୍ଦେଶ ମଧ୍ୟ ଦେଇଥିଲେ। କିନ୍ତୁ ଭୀଷଣ ମାନସିକ ଚାପରେ ଥିବା କୁନ୍ଦୁଲି ପୀଡ଼ିତା ନ୍ୟାୟ ପ୍ରକ୍ରିୟା ଉପରୁ ଭରସା ତୁଟାଇ ଗତ ଜାନୁୟାରୀ ୨୨ରେ ଆତ୍ମହତ୍ୟା କରିଥିଲେ। କଂଗ୍ରେସର ରାଜ୍ୟ ପ୍ରତିନିଧି ଦଳ ସହ ଭାଜପାର ରାଜ୍ୟ ଓ କେନ୍ଦ୍ରୀୟ ପ୍ରତିନିଧି ଦଳ ପୀଡ଼ିତାଙ୍କ ପରିବାରକୁ ଭେଟିବା ସହ ଘଟଣାର ସିବିଆଇ ତଦନ୍ତ ଦାବି ଉଠାଇଥିଲେ। ଏବେ ଏନ୍‌ଏଚ୍‌ଆର୍‌ସି ଟିମ୍‌ ମଧ୍ୟ ପୀଡ଼ିତାଙ୍କ ଗାଁରେ ପହଞ୍ଚତ୍ ତଦନ୍ତ ଜାରି ରଖିଛି। କୁନ୍ଦୁଲି ଭଳି ସମ୍ବେଦନଶୀଳ ଘଟଣାରେ ରାଜ୍ୟ ସରକାରଙ୍କ ପ୍ରତି ବଢୁଥିବା ବିରୋଧୀଙ୍କ ଚାପକୁ ପ୍ରତିହତ କରିବା ଲାଗି ମାମଲାର ତଦନ୍ତ ଏସ୍‌ଆଇଟି କରିବ ବୋଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବୁଧବାର ସଚିବାଳୟରେ ଘୋଷଣା କରିଛନ୍ତି । ଜଣେ କାର୍ଯ୍ୟରତ ବିଚାରପତିଙ୍କୁ ଏଥିପାଇଁ ହାଇକୋର୍ଟ ମନୋନୀତ କରିବ। ଏହି ମର୍ମରେ ମୁଖ୍ୟମନ୍ତ୍ରୀ କହିଛନ୍ତି, କୁନ୍ଦୁଲି ଘଟଣା ଦୁଃଖଦାୟକ। ମାତ୍ର ଆଇନ ତା’ ବାଟରେ ଯିବ। ବିନା ଭୟ ଓ ପକ୍ଷପାତରେ ନ୍ୟାୟ ମିଳିବ। ନିରପେକ୍ଷ ତଦନ୍ତ ସହ ତୁରନ୍ତ ନ୍ୟାୟ ପାଇଁ ରାଜ୍ୟ ସରକାର ପ୍ରତିଶ୍ରୁତିବଦ୍ଧ ବୋଲି ସେ କହିଛନ୍ତି।
ଏଠାରେ ଉଲ୍ଲେଖଯୋଗ୍ୟ ଯେ ଗଣ ବଳାତ୍କାର ମାମଲାର କ୍ରାଇମବ୍ରାଞ୍ଚ ଓ ବିଚାର ବିଭାଗୀୟ ତଦନ୍ତ ଜାରି ରହିଛି। ତେବେ ପୀଡିତାଙ୍କ ଆତ୍ମହତ୍ୟା ପରେ ମାମଲାର ଗମ୍ଭୀରତା ଦୃଷ୍ଟିରୁ ଟର୍ମ ଅଫ ରେଫରେନ୍ସ ବା ତଦନ୍ତର ପରିସର ବୃଦ୍ଧି କରାଯାଇଥିଲା। ମାତ୍ର ଏସ୍‌ଆଇଟି ତଦନ୍ତ ଘୋଷଣା ପରେ ଅନ୍ୟ ତଦନ୍ତ ପ୍ରକ୍ରିୟାଗୁଡ଼ିକ ସମାନ୍ତରାଳ ଭାବେ ଚାଲିବ ନାହିଁ ବୋଲି ଜଣାପଡ଼ିଛି। ବୁଧବାର ମଧ୍ୟାହ୍ନରେ ମୁଖ୍ୟମନ୍ତ୍ରୀଙ୍କ ଏହି ଘୋଷଣା ପରେ
ବିରୋଧୀମାନେ ରାଜ୍ୟ ସରକାରଙ୍କୁ ସମାଲୋଚନା କରିଛନ୍ତି। ମୁଖ୍ୟମନ୍ତ୍ରୀଙ୍କ ଏହିପରି ଘୋଷଣାକୁ ନେଇ ଭାଜପା ସିଧାସଳଖ ପ୍ରଶ୍ନ ଉଠାଇଛି। ଦଳର ମୁଖପାତ୍ର ପୀତାମ୍ବର ଆଚାର୍ଯ୍ୟ କହିଛନ୍ତି ଯେ, ଏସ୍‌ଆଇଟି ଗଠନ କରିବା ଅଧିକାର ହାଇକୋର୍ଟଙ୍କ ନିକଟରେ ଅଛି। ମୁଖ୍ୟମନ୍ତ୍ରୀ ନିଜ ଆଡୁ ଏହି ଘୋଷଣା କରିବାର କୌଣସି ବୈଧତା ନାହିଁ। ଘଟଣାରେ ଗୃହ ବିଭାଗର ମନ୍ତ୍ରୀ ଭାବେ ନିଜେ ମୁଖ୍ୟମନ୍ତ୍ରୀ, ପୀଡ଼ିତାଙ୍କୁ ଲାଞ୍ଚ ଯାଚିବା ଅଭିଯୋଗରେ ପୋଲିସ ଡିଜି, ବଳାତ୍କାର ହୋଇନାହିଁ ବୋଲି ମତ ରଖିଥିବା ଏଚ୍‌ଆର୍‌ପିସି ଏଡିଜି ଓ କୋରାପୁଟ ଏସ୍‌ପିଙ୍କ ଭୂମିକା ସନ୍ଦେହଜନକ ବୋଲି ପୀତାମ୍ବର କହିଛନ୍ତି। ରାଜ୍ୟ ଫୋରେନ୍ସିକ୍‌ ଲ୍ୟାବ୍‌ ନାଁରେ ରିପୋର୍ଟ ବଦଳାଇବା ପରି ମହାଭିଯୋଗ ମଧ୍ୟ ରହିଛି। ତେଣୁ ଏସ୍‌ଆଇଟି ନୁହେଁ, ସିବିଆଇ ଘଟଣାର ତଦନ୍ତ କରୁ ବୋଲି ସେ କହିଛନ୍ତି। ପ୍ରଦେଶ କଂଗ୍ରେସ ସଭାପତି ପ୍ରସାଦ ହରିଚନ୍ଦନ କହିଛନ୍ତି ଯେ କୁନ୍ଦୁଲି ପୀଡ଼ିତାଙ୍କ ଆତ୍ମହତ୍ୟା ପରେ ଏସ୍‌ଆଇଟି ତଦନ୍ତ ଘୋଷଣା କରାଯାଇଛି। ସରକାର ପୂର୍ବରୁ ଏହି ଘୋଷଣା କରିଥିଲେ ବିଚାରୀର ଜୀବନ ରକ୍ଷା ପାଇପାରିଥାନ୍ତା। ରାଜ୍ୟ ସରକାରଙ୍କ ଅଧୀନରେ ଥିବା ପୋଲିସ, କ୍ରାଇମବ୍ରାଞ୍ଚ ତଦନ୍ତ ଦିଗହରା ହୋଇଛି।

All Right Reserved By

Model This Week

ସନ୍ତୋଷ

ରାଜ୍ୟ |

ମୋଦି ରାଲିରେ ଯୋଗଦେବାକୁ ଯାଉଥିବା ଭାଜପା କର୍ମୀଙ୍କ ଉପରକୁ ଢେଲାମାଡ଼

ମୋଦି ରାଲିରେ ଯୋଗଦେବାକୁ ଯାଉଥିବା ଭାଜପା କର୍ମୀଙ୍କ ଉପରକୁ ଢେଲାମାଡ଼

କଟକ ସଦର, ୨୬।୫(ଡି.ଏନ୍‌.ଏ.): କଟକ ବାଲିଯାତ୍ରା ପଡ଼ିଆରେ ଶନିବାର ଆୟୋଜିତ ମୋଦି ରାଲିରେ ଯୋଗଦେବାକୁ ଭାଜପା କର୍ମୀମାନେ ଏକ ମହିନ୍ଦ୍ରା ଗାଡିରେ ଯାଉଥିଲେ। ବିରିବାଟି ନିକଟରେ କିଛି ଦୁର୍ବୃତ୍ତ ଗାଡ଼ି ଉପରକୁ ଢେଲା ମାଡ଼ କରିଛନ୍ତି।

ଜିଲାସ୍ତରୀୟ ପ୍ରାକୃତିକ ବିପର୍ଯ୍ୟୟ କମିଟି ବୈଠକ

ଜିଲାସ୍ତରୀୟ ପ୍ରାକୃତିକ ବିପର୍ଯ୍ୟୟ କମିଟି ବୈଠକ

ପୁରୀ ଅଫିସ,୨୬।୫: ପୁରୀରେ ଜିଲାସ୍ତରୀୟ ପ୍ରାକୃତିକ ବିପର୍ଯ୍ୟୟ ବୈଠକ ଶନିବାର ଜିଲାପାଳ ଅରବିନ୍ଦ ଅଗ୍ରଓ୍ବାଲଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି। ଜୁନ୍‌ ୧ରୁ ଅକ୍ଟୋବର ୧୫ ପର୍ଯ୍ୟନ୍ତ ଜିଲା, ବ୍ଲକ, ତହସିଲସ୍ତରରେ କଣ୍ଟ୍ରୋଲ ରୁମ୍‌ ଖୋଲିବାକୁ ସମ୍ପୃକ୍ତ ଅଧିକାରୀମାନଙ୍କୁ ନିର୍ଦ୍ଦେଶ ଦିଆଯାଇଛି।

ଜିଲାବ୍ୟାପୀ ପିଲାଚୋରି ଗୁଜବ: ସଚେତନତା ପାଇଁ ଗଡ଼ିଲା ରଥ

ଜିଲାବ୍ୟାପୀ ପିଲାଚୋରି ଗୁଜବ: ସଚେତନତା ପାଇଁ ଗଡ଼ିଲା ରଥ

କୋରାପୁଟ,୨୬।୫(ସ୍ବ.ପ୍ର./ଡି.ଏନ୍‌.ଏ.): କୋରାପୁଟ ଜିଲାରେ କିଛିଦିନ ଧରି ପିଲାଚୋରି ନେଇ ବହୁ ଅଭିଯୋଗ ଓ ଗୁଜବ ଖେଳୁଛି। ଏହି ଅଭିଯୋଗ କ୍ରମେ ଜିଲାର ବିଭିନ୍ନ ଅଞ୍ଚଳରେ ୧୦ରୁ ଊର୍ଦ୍ଧ୍ୱ ବ୍ୟକ୍ତିଙ୍କୁ ଲୋକେ ଅଟକ ରଖିଥିବାବେଳେ କେତେକଙ୍କୁ ମାଡ଼ମାରି ଥାନାକୁ ହସ୍ତାନ୍ତର କରିଛନ୍ତି। ଗ୍ରାମାଞ୍ଚଳରେ ସ୍ଥିତି ଏପରି ହୋଇଛି, ଫେରି କରୁଥିବା ବେପାରୀ ମଧ୍ୟ ଲୋକଙ୍କ ଆକ୍ରୋଶର ଶିକାର ହେଉଛନ୍ତି। ଜିଲାର ନାରାୟଣପାଟଣା, ବନ୍ଧୁଗାଁ, ଦଶମନ୍ତପୁର, ଲକ୍ଷ୍ମୀପୁର, ନନ୍ଦପୁର, ଲମତାପୁଟ, ଦାମନଯୋଡ଼ି, କାକିରିଗୁମ୍ମା, କୋରାପୁଟ, ସେମିଳିଗୁଡ଼ା ଅଞ୍ଚଳରେ ଏହି ପିଲାଚୋରି ଅଭିଯୋଗ ଆସିଛି।

ଲୋକଙ୍କୁ ସଚେତନ କରିବ ପରୀ

ପୁରୀ ଅଫିସ,୨୬।୫: ଶିଶୁ ନିର୍ଯାତନା, ଯୌନ ଶୋଷଣ ସଂକ୍ରାନ୍ତରେ ଲୋକଙ୍କୁ ସଚେତନ କରିବା ଲାଗି ଓଡ଼ିଶା ରାଜ୍ୟ ପୋଲିସ ହାତକୁ ନେଇଛି ଏକ କାର୍ଯ୍ୟକ୍ରମ। ଯାହାର ନାମ ରହିଛି ପରୀ। ମଇ ୨୮ରୁ ୨ ତାରିଖ ପର୍ଯ୍ୟନ୍ତ ପୁରୀ ଜିଲାରେ ପରୀ ସଚେତନ ରଥ ପରିକ୍ରମା କରିବ ବୋଲି ଶନିବାର ଏସ୍‌ପି କାର୍ଯ୍ୟାଳୟରେ ଆୟୋଜିତ ଏକ ଖବରଦାତା ସମ୍ମିଳନୀରେ ଏସ୍‌ପି ସାର୍ଥକ ଷଡଙ୍ଗୀ ସୂଚନା ଦେଇଛନ୍ତି।

ଜମିବାଡ଼ି ବିବାଦରୁ ଘରେ ନିଆଁ ଲଗାଇବା ଘଟଣା: ଅଭିଯୁକ୍ତ ସ୍ବାମୀ-ସ୍ତ୍ରୀ ଗିରଫ

ଜମିବାଡ଼ି ବିବାଦରୁ ଘରେ ନିଆଁ ଲଗାଇବା ଘଟଣା: ଅଭିଯୁକ୍ତ ସ୍ବାମୀ-ସ୍ତ୍ରୀ ଗିରଫ

ମାର୍ଶାଘାଇ,୨୬।୫(ଡି.ଏନ୍‌.ଏ.): କେନ୍ଦ୍ରାପଡ଼ା ଜିଲା ମାର୍ଶାଘାଇ ବ୍ଲକ ରାମିଆଗଞ୍ଜ ଗ୍ରାମରେ ଜମିବାଡ଼ି ବିବାଦକୁ କେନ୍ଦ୍ରକରି ଘରେ ନିଆଁ ଲଗାଇବା ଘଟଣାରେ ଅଭିଯୁକ୍ତ ସ୍ବାମୀ-ସ୍ତ୍ରୀଙ୍କୁ ଶନିବାର ମାର୍ଶାଘାଇ ପୋଲିସ ଗିରଫ କରିଛି। ସେମାନେ ହେଲେ ବଳରାମ ରାଉତ ଓ ତାଙ୍କ ସ୍ତ୍ରୀ ଜୟଶ୍ରୀ।

ପ୍ରକାଶ ପାଇଲା ସିବିଏସ୍‌ଇ ପରୀକ୍ଷାଫଳ: ୫୦୦ରୁ ୪୯୯ ରଖି ମେଘନା ଟପ୍ପର

ପ୍ରକାଶ ପାଇଲା ସିବିଏସ୍‌ଇ ପରୀକ୍ଷାଫଳ: ୫୦୦ରୁ ୪୯୯ ରଖି ମେଘନା ଟପ୍ପର

ଭୁବନେଶ୍ୱର,୨୬।୫(ବ୍ୟୁରୋ): ଶନିବାର ପ୍ରକାଶ ପାଇଛି କେନ୍ଦ୍ରୀୟ ମାଧ୍ୟମିକ ଶିକ୍ଷା ପରିଷଦ(ସିବିଏସ୍‌ଇ) ଦ୍ୱାଦଶ ପରୀକ୍ଷାଫଳ। ଚଳିତ ବର୍ଷ ପାସ ହାର ୮୩.୦୧% ରହିଥିବା ବେଳେ ଉତ୍ତରପ୍ରଦେଶ ଗାଜିଆବାଦର ମେଘନା ଶ୍ରୀବାସ୍ତବ ୫୦୦ରୁ ୪୯୯ ରଖି ଟପ୍ପର ହୋଇଛନ୍ତି।

ମୋଦି ସରକାର କେବଳ ହ୍ବାଟ୍ସଅପ୍‌, ଫେସବୁକ୍‌ର ସରକାର: କପିଲ ସିବଲ

ମୋଦି ସରକାର କେବଳ ହ୍ବାଟ୍ସଅପ୍‌, ଫେସବୁକ୍‌ର ସରକାର: କପିଲ ସିବଲ

ଭୁବନେଶ୍ୱର,୨୬।୫(ବ୍ୟୁରୋ): ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶନିବାର ଓଡ଼ିଶା ଗସ୍ତରେ ଆସି କେନ୍ଦ୍ର ସରକାରଙ୍କ ୪ ବର୍ଷର ସଫଳତା ବିଷୟରେ ମତ ରଖିବେ। ମୋଦିଙ୍କ ଏହି ଗସ୍ତ ପୂର୍ବରୁ କଂଗ୍ରେସର ବରିଷ୍ଠ ନେତା ତଥା ପୂର୍ବତନ କେନ୍ଦ୍ରମନ୍ତ୍ରୀ କପିଲ ସିବଲ ମୋଦିଙ୍କୁ କଡା ସମାଲୋଚନା କରିଛନ୍ତି।

ତୈଳ ଦର ବୃଦ୍ଧିକୁ ନେଇ ଶିବସେନା ପକ୍ଷରୁ ବିକ୍ଷୋଭ

ତୈଳ ଦର ବୃଦ୍ଧିକୁ ନେଇ ଶିବସେନା ପକ୍ଷରୁ ବିକ୍ଷୋଭ

ବ୍ରହ୍ମପୁର ଅଫିସ,୨୬।୫: ତୈଳ ଦର ବୃଦ୍ଧିକୁ ନେଇ ତୀବ୍ର ଅସନ୍ତୋଷ ପ୍ରକାଶ କରିଛି ଶିବସେନା। ଏ ନେଇ ଶନିବାର ପୂର୍ବାହ୍ନରେ ବ୍ରହ୍ମପୁର ପୁରୁଣା ବସ୍‌ଷ୍ଟାଣ୍ଡଠାରେ ବିକ୍ଷୋଭ ପ୍ରଦର୍ଶନ କରାଯାଇଛି। ଅନ୍ତର୍ଜାତୀୟ ବଜାରରେ ଅଶୋଧିତ ତୈଳ ଦର ହ୍ରାସ ପାଉଛି।

ପିପିଲିରେ ଏନ୍‌କାଉଣ୍ଟର: ଦୁର୍ଦ୍ଦାନ୍ତ ଅପରାଧୀ ସର୍ବେଶ୍ୱର ଆହତ

ପିପିଲିରେ ଏନ୍‌କାଉଣ୍ଟର: ଦୁର୍ଦ୍ଦାନ୍ତ ଅପରାଧୀ ସର୍ବେଶ୍ୱର ଆହତ

ପୁରୀ ଅଫିସ,୨୬।୫: ପୁରୀ ଜିଲା ପିପିଲିର ନିଛଗଡ ଅଞ୍ଚଳରେ ଶୁକ୍ରବାର ବିଳମ୍ବିତ ରାତିରେ ଏନ୍‌କାଉଣ୍ଟର ହୋଇଛି। ପୋଲିସ ଗୁଳିରେ ଦୁର୍ଦ୍ଦାନ୍ତ ଅପରାଧୀ ସର୍ବେଶ୍ୱର ବେହେରା ଆହତ ହୋଇଛନ୍ତି। ତାଙ୍କ ବାମ ଗୋଡ଼ରେ ଗୁଳି ବାଜିଛି। ତାଙ୍କ ନିକଟରୁ ଗୋଟିଏ ପିସ୍ତଲ ଓ ୨ଟି ଖୋକା ଜବତ କରାଯାଇଛି।

ମା’ ତାରିଣୀ ଜୁଏଲେରି ଦୋକାନରୁ ଲୁଟ୍‌

ମା’ ତାରିଣୀ ଜୁଏଲେରି ଦୋକାନରୁ ଲୁଟ୍‌

ବଡ଼ବିଲ,୨୬।୫(ସ୍ବ.ପ୍ର.): କେନ୍ଦୁଝର ଜିଲା ବଡ଼ବିଲ ବଜାରସ୍ଥିତ ମା’ ତାରିଣୀ ଜୁଏଲେରି ଦୋକାନରୁ ଶନିବାର ସକାଳ ସାଢେ ୯ଟାରେ ଲୁଟ୍‌ ହୋଇଛି। ୨ ଦୁର୍ବୃତ୍ତ ଏକ ପଲସର ବାଇକରେ ଆସି ୪୦ କିଲୋ ରୁପା ଓ ୬୦୦ ଗ୍ରାମ ସୁନା ଅଳଙ୍କାର ଭର୍ତ୍ତିଥିବା ଏକ ବ୍ୟାଗ ଲୁଟି ନେଇଛନ୍ତି। ଯାହାର ଆନୁମାନିକ ମୂଲ୍ୟ ୩୫ ଲକ୍ଷ ଟଙ୍କା ହେବ ବୋଲି ଜଣାପଡ଼ିଛି।

ଶୋଇଥିବା ବେଳେ ଚଢ଼ିଗଲା ପାଣି ଟ୍ୟାଙ୍କର, ଶ୍ରମିକ ମୃତ

ଶୋଇଥିବା ବେଳେ ଚଢ଼ିଗଲା ପାଣି ଟ୍ୟାଙ୍କର, ଶ୍ରମିକ ମୃତ

ବିଜେପୁର,୨୬।୫(ଡି.ଏନ୍‌.ଏ.): ବରଗଡ ଜିଲା ବିଜେପୁର ଥାନା ଅନ୍ତର୍ଗତ ବିଲେଇପାଲି ଛକ ପାର୍ଶ୍ୱରେ ନିର୍ମାଣାଧୀନ ଆର୍‌ଟିଓ ଟ୍ରେନିଂ ସେଣ୍ଟର ପରିସରରେ ଶନିବାର ଭୋର ସମୟରେ ପାଣି ଟ୍ୟାଙ୍କରରେ ଚାପି ହୋଇ ଜଣେ ଶ୍ରମିକଙ୍କ ମୃତ୍ୟୁ ଘଟିଛି। ମୃତକ ହେଲେ ବାନ୍ଦୁପାଲି ଗ୍ରାମର ରମେଶ ଧରୁଆ(୨୩)।

ନାବାଳିକାଙ୍କୁ ବଳାତ୍କାର: ଅଭିଯୁକ୍ତ ଅଟକ

ନାବାଳିକାଙ୍କୁ ବଳାତ୍କାର: ଅଭିଯୁକ୍ତ ଅଟକ

ପାଟଣା,୨୬।୫(ସ୍ବ.ପ୍ର.): କେନ୍ଦୁଝର ଜିଲା ସାହାରବ୍ଲକ ବାଇକଳା ପଞ୍ଚାୟତ ମଙ୍ଗଳପୁର ଗ୍ରାମର ଜଣେ ୧୪ ବର୍ଷୀୟା ନାବାଳିକାଙ୍କୁ ବଳାତ୍କାର କରିଥିବା ତୁରୁମୁଙ୍ଗା ଥାନାରେ ଅଭିଯୋଗ ହୋଇଛି। ଅଭିଯୋଗ ଆଧାରରେ ପୋଲିସ ଅଭିଯୁକ୍ତ କୁନୁ ମୁଣ୍ଡା(୨୦)ଙ୍କୁ ଅଟକ ରଖି ପଚରାଉଚରା କରୁଛି।