ବ୍ରହ୍ମପୁର

ଯୁବକଙ୍କ ସନ୍ଦେହଜନକ ମୃତ୍ୟୁ

ହିଞ୍ଜିଳିକାଟୁ,୭।୨(ଡ଼ି.ଏନ୍‌.ଏ.)- ହିଞ୍ଜିଳି ଥାନା ଆଡ଼ପଡ଼ା ଫାଣ୍ଡି ମହୁରୀକଣା ଗ୍ରାମରେ ବୁଧବାର ମଧ୍ୟାହ୍ନରେ ଜଣେ ଯୁବକଙ୍କ ସନ୍ଦେହଜନକ ମୃତ୍ୟୁ ହୋଇଛି। ମୃତକ ହେଲେ କବିସୂର୍ଯ୍ୟନଗର ଥାନା ଷଣ୍ଢମରା ଗ୍ରାମର ଜଗନ୍ନାଥ ନାୟକ(୨୪)। ସେ ମଙ୍ଗଳବାର ଭିଣୋଇ ଘର ହିଞ୍ଜିଳି ଥାନା ମହୁରୀକଣା ଗ୍ରାମକୁ ଆସିଥିଲେ। ବୁଧବାର ଘୋଡ଼ାହାଡ଼ ନଦୀକୁ ଗାଧୋଇବାକୁ ଯାଇ ସେଠାରେ ସଂଜ୍ଞାହୀନ ହୋଇ ପଡିଥିଲେ। ଅପରାହ୍ନ ୧ଟାରେ ପରିବାର ଲୋକେ ତାଙ୍କୁ ଉଦ୍ଧାର କରି ହିଞ୍ଜିଳିକାଟୁ ଡ଼ାକ୍ତରଖାନାରେ ଭର୍ତ୍ତି କରିଥିଲେ। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ପୋଲିସ ମୃତଦେହ ଜବତ କରିଛି, ଗୁରୁବାର ବ୍ୟବଚ୍ଛେଦ ପାଇଁ ପଠାଯିବ। ଏନେଇ ନଂ.୧/୧୮ରେ ଏକ ଅପମୃତ୍ୟୁ ମାମଲା ରୁଜୁ ହୋଇ ଘଟଣାର ତଦନ୍ତ ଚାଲିଥିବା ଥାନା ଅଧିକାରୀ ପ୍ରଶାନ୍ତ କୁମାର ସାହୁ କହିଛନ୍ତି।
All Right Reserved By

ବ୍ରହ୍ମପୁର

୮ ଚାଳକଙ୍କ ଲାଇସେନ୍ସ ରଦ୍ଦ କଲା ପୋଲିସ

୮ ଚାଳକଙ୍କ ଲାଇସେନ୍ସ ରଦ୍ଦ କଲା ପୋଲିସ

ଦାରିଙ୍ଗବାଡ଼ି,୧୭।୮(ଡି.ଏନ.ଏ)- ଦାରିଙ୍ଗବାଡ଼ି ଥାନା ପକ୍ଷରୁ ଗୁରୁବାର ବିଭିନ୍ନ ସ୍ଥାନରେ ବ୍ଲକିଂ କରି ଯାନବାହନ ଯାଞ୍ଚ କରାଯାଇଛି। ଗାଡ଼ି କାଗଜପତ୍ର, ହେଲମେଟ, ଡ୍ରାଇଭିଂ ଲାଇସେନ୍ସ ଯାଞ୍ଚ ସହ ଗାଡ଼ି ଚଳାଇବା ବେଳେ ମୋବାଇଲ ଫୋନରେ କଥାବାର୍ତ୍ତା ହେଉଥିବା ଏବଂ ମଦ୍ୟପାନ କରି ଗାଡ଼ି ଚଳାଉଥିବା ଚାଳକଙ୍କୁ  ଅଟକାଯାଇ ମୋଟ ୫ ହଜାର ୭ଶହ ଟଙ୍କା ଜରିମାନା ଆଦାୟ କଯାଇଛି। ଏଥିସହ ୮ଜଣଙ୍କ ଡ୍ରାଇଭିଂ ଲାଇସେନ୍ସକୁ ରଦ୍ଦ କରି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିବା ଥାନା ଅଧିକାରୀ ଶ୍ରୀକାନ୍ତ ଖମାରୀ କହିଛନ୍ତି। ସେ କହିଛନ୍ତି, ମଦ୍ୟପାନ କରି ଦ୍ରୁତ ଗତିରେ ଚଳାଉଥିବା, ଗାଡି ଚଳାଇବା ବେଳେ ମୋବାଇଲ ଫୋନରେ କଥା ହେଉଥିବା ଚାଳକଙ୍କୁ ଧରି କାର୍ଯ୍ୟାନୁଷ୍ଠାନ ନିଆଯାଇଛି। ପୋଲିସର ଏଭଳି କାର୍ଯ୍ୟକୁ ଅଞ୍ଚଳବାସୀ ସ୍ବାଗତ ଜଣାଇଛନ୍ତି।

ସୁରକ୍ଷା ପାଇଁ ଏସପିଙ୍କୁ ଭେଟିଲେ ନିର୍ଯାତିତା

ସୁରକ୍ଷା ପାଇଁ ଏସପିଙ୍କୁ ଭେଟିଲେ ନିର୍ଯାତିତା

ଛତ୍ରପୁର,୧୭।୮(ଡି.ଏନ.ଏ.)- ଖଲ୍ଲିକୋଟ ଥାନା ଅଧୀନ କେଶପୁର (ମୋହନପୁର)ର ଶୁଭଶ୍ରୀ ନାହାକଙ୍କୁ  ତାଙ୍କ ଶାଶୁ ଘର ଲୋକେ ନିର୍ଯାତନା ଦେଉଥିବା ସେ ଅଭିଯୋଗ କରିଛନ୍ତି। ଏ ନେଇ ସେ ପୂର୍ବରୁ ଥାନା ଦ୍ୱାରସ୍ଥ ହୋଇଥିଲେ। ହେଲେ କୌଣସି କାର୍ଯ୍ୟାନୁଷ୍ଠାନ ନିଆ ନ ଯିବାରୁ ଶୁଭଶ୍ରୀ ଛତ୍ରପୁର ଆସି ଗଞ୍ଜାମ ଏସପି ବ୍ରିଜେଶ କୁମାର ରଏଙ୍କୁ ତାଙ୍କ ପ୍ରକୋଷ୍ଠରେ ଭେଟି ସ୍କାରକପତ୍ର ପ୍ରଦାନ କରିଛନ୍ତି। 

ପୂର୍ବ ଶତ୍ରୁତାରୁ ଆକ୍ରମଣ,: ଗର୍ଭବତୀ, ସ୍ବାମୀ ଗୁରୁତର, ୩ ଅଟକ

ପୂର୍ବ ଶତ୍ରୁତାରୁ ଆକ୍ରମଣ,: ଗର୍ଭବତୀ, ସ୍ବାମୀ ଗୁରୁତର, ୩ ଅଟକ

ଦାରିଙ୍ଗବାଡ଼ି/ବ୍ରାହ୍ମଣୀଗାଁ,୧୭।(ଡି.ଏନ.ଏ)-ଦାରିଙ୍ଗବାଡ଼ି ବ୍ଲକ ବ୍ରାହ୍ମଣୀଗାଁ ଥାନା ମିଞ୍ଜାପଙ୍କା ଗ୍ରାମର ଏକ ଦମ୍ପତିଙ୍କୁ ପୂର୍ବ ଶତ୍ରୁତାରୁ ଆକ୍ରମଣ କରାଯାଇଛି। ଗୁରୁତର ଆହତ ରିପୁନ  ନାୟକ ଓ ତାଙ୍କ ଗର୍ଭବତୀ ସ୍ତ୍ରୀ ରେବତୀ ବଳିଆର ସିଂଙ୍କୁ   ପ୍ରଥମେ ବ୍ରାହ୍ମଣୀଗାଁ  ଡାକ୍ତରଖାନାକୁ ଅଣାଯାଇଥିଲା। ଅବସ୍ଥା ସଙ୍କଟାପନ୍ନ ଥିବାରୁ ରେବତୀଙ୍କୁ ବ୍ରହ୍ମପୁର ବଡ ମେଡିକାଲକୁ ସ୍ଥାନାନ୍ତର କରାଯାଇଛି। ରିପୁନଙ୍କୁ ମଧ୍ୟ  ଚିକିତ୍ସା ପାଇଁ ବ୍ରହ୍ମପୁର ଯାଇଥିବା ବ୍ରାହ୍ମଣୀଗାଁ ଥାନା ଅଧିକାରୀ ଜୟଚନ୍ଦ୍ର ମଲ୍ଲିକ କହିଛନ୍ତି।

ସମୁଦ୍ରରେ ଲୀନ ହେବ ପୋଡ଼ମପେଟାର ୫୦ ଘର

ସମୁଦ୍ରରେ ଲୀନ ହେବ ପୋଡ଼ମପେଟାର ୫୦ ଘର

ଗଞ୍ଜାମ,୧୭।୮(ଡି.ଏନ.ଏ.)- ସରକାର ବାସହୀନ ପରିବାରକୁ ବିଭିନ୍ନ ଯୋଜନା ମାଧ୍ୟମରେ ଗୃହ ଯୋଗାଇ ଦେଉଛନ୍ତି। ସମୁଦ୍ର ତଟବର୍ତ୍ତୀ ମତ୍ସ୍ୟଜୀବୀ ଗ୍ରାମଗୁଡ଼ିକୁ ମଧ୍ୟ ଓଡିଆର୍‌ପି ଯୋଜନାରେ ବାତ୍ୟା ନିରୋଧକ ଗୃହ ଯୋଗାଇ ଦେଉଛନ୍ତି। କିନ୍ତୁ ଜିଲା ପ୍ରଶାସନର ଅବହେଳା ଯୋଗୁ ସମୁଦ୍ର ତଟବର୍ତ୍ତି ଅଞ୍ଚଳଗୁଡ଼ିକର ମତ୍ସ୍ୟଜୀବୀମାନେ ଏହି ଯୋଜନାରୁ ବାଦ ପଡ଼ିଛନ୍ତି।

ବାଜପେୟୀଙ୍କ ସ୍ମୃତିରେ କ୍ୟାଣ୍ଡେଲ ଶୋଭାଯାତ୍ରା

ବାଜପେୟୀଙ୍କ ସ୍ମୃତିରେ କ୍ୟାଣ୍ଡେଲ ଶୋଭାଯାତ୍ରା

ଛତ୍ରପୁର,୧୭।୮(ଡି.ଏନ.ଏ)-ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀଙ୍କ ବିୟୋଗରେ ଛତ୍ରପୁର ଭାଜପା ମଣ୍ଡଳ ପକ୍ଷରୁ ଏକ ଶୋକସଭା ଅନୁଷ୍ଠିତ ହୋଇଯାଇଛି ା ଏଥିରେ ମଣ୍ଡଳ ସଭାପତି ପ୍ରଦୀପ ପାଢୀ ଅଧ୍ୟକ୍ଷତା କରିଥିଲେ ା

ଭାଜପା ପକ୍ଷରୁ ଶ୍ରଦ୍ଧାଞ୍ଜଳି ସଭା

ଭାଜପା ପକ୍ଷରୁ ଶ୍ରଦ୍ଧାଞ୍ଜଳି ସଭା

ଦିଗପହଣ୍ଡି,୧୭।୮(ଡି.ଏନ.ଏ.)- ପୂର୍ବତନ ପ୍ରଧାନମନ୍ତ୍ରୀ ଭାରତରତ୍ନ ଅଟଳ ବିହାରୀ ବାଜପେୟୀଙ୍କ ବିୟୋଗରେ ଦିଗପହଣ୍ଡିସ୍ଥିତ ଭାଜପା କାର୍ଯ୍ୟାଳୟରେ ଇଂ. ଉତ୍ତମ କୁମାର ପାଣିଗ୍ରାହୀଙ୍କ ଅଧ୍ୟକ୍ଷତାରେ ଶ୍ରଦ୍ଧାଞ୍ଜଳୀ ସଭା ଆୟୋଜନ କରାଯାଇଥିଲା। ଏଥିରେ ଭାଜପା ମହିଳା ମୋର୍ଚ୍ଚା ଗଞ୍ଜାମ ଜିଲା ସଭାନେତ୍ରୀ ବନଜା ପଣ୍ଡା, ସନ୍ତୋଷ କୁମାର ସାହୁ, ଭାଜପା ମଣ୍ଡଳ ସଭାପତି ପ୍ରଦୀପ ଦାସ, ଦିଲ୍ଲିପ ପ୍ରଧାନ, ପ୍ରଶାନ୍ତ ପାଣିଗ୍ରାହୀ, ରଘୁନାଥ ସାମନ୍ତରା, ବାପି ପ୍ରଧାନ, ପଦ୍ମନାଭ ଦାସ, ଶତ୍ରୁଘ୍ନ ମହାରଣା, ବାବୁରାମ ପ୍ରଧାନ, କାମିନୀ ସେଠୀ, ସିମାଞ୍ଚଳ ପାଣିଗ୍ରାହୀ, ବିକ୍ରମ ସାହୁ, ଦାମୋଦର ସାହୁ, ଅଶୋକ ପ୍ରଧାନ, ଏସ. ସୀମାଞ୍ଚଳ, ସୁରେନ୍ଦ୍ର ସେଠୀ, ଜି. ଭଗବାନ, ତ୍ରିପତି ପାତ୍ର, କୃଷ୍ଣ ସେଠୀ, ଶ୍ରୀଧର ସେଠୀ ପ୍ରମୁଖ ବାଜପେୟୀଙ୍କ ଫଟୋଚିତ୍ରରେ ଶ୍ରଦ୍ଧାସୁମନ ଅର୍ପଣ କରିଥିଲେ।

ରେଳ ଧାରଣାରୁ ମହିଳା ଡାକ୍ତରଙ୍କ ମୃତଦେହ ଉଦ୍ଧାର

ରେଳ ଧାରଣାରୁ ମହିଳା ଡାକ୍ତରଙ୍କ ମୃତଦେହ ଉଦ୍ଧାର

ଛତ୍ରପୁର,୧୭।୮(ଡି.ଏନ.ଏ)-ଛତ୍ରପୁର ମୁଖ୍ୟ ଷ୍ଟେଶନ ନିକଟ ବାଲିବଡକୁ ଯିବା ପାଇଁ ଥିବା ରେଲୱେ ଫାଟକ ନିକଟ ଧାରଣାରୁ ଶୁକ୍ରବାର ସକାଳେ ଜଣେ ମହିଳା ଡାକ୍ତରଙ୍କ ମୃତଦେହ ଉଦ୍ଧାର କରାଯାଇଛି ।

ଓଲଟିଲା କାର୍‌, ଜଣେ ମୃତ

ଓଲଟିଲା କାର୍‌, ଜଣେ ମୃତ

ଫୁଲବାଣୀ ଅଫିସ/ଖଜୁରିପଡ଼ା,୧୭। ୮-ଫୁଲବାଣୀର ଦୂତୀପଡ଼ାଠାରେ ଏକ କାର ଦୁର୍ଘଟଣାଗ୍ରସ୍ତ ହେବାରୁ ଚାଳକଙ୍କ ମୃତ୍ୟୁ ଘଟିଥିବା ବେଳେ ୨ ଜଣ ଗୁରୁତର ଆହତ ହୋଇଛନ୍ତି। 

ଯୁବ ମହୋତ୍ସବରେ ଭାଗନେବେ ବ୍ରହ୍ମପୁରର ସୁରଜ ସାହୁ

ଯୁବ ମହୋତ୍ସବରେ ଭାଗନେବେ ବ୍ରହ୍ମପୁରର ସୁରଜ ସାହୁ

ବ୍ରହ୍ମପୁର ଅଫିସ,୧୭।୮: ଅଗଷ୍ଟ ୨୫ରେ ବମ୍ବେଠାରେ ୧୫ତମ ସଂଯୁକ୍ତା ପାଣିଗ୍ରାହୀ ଯୁବ ମହୋତ୍ସବ ଅନୁଷ୍ଠିତ ହେବାକୁ ଯାଉଛି। ପଦ୍ମଶ୍ରୀ ସଂଯୁକ୍ତା ପାଣିଗ୍ରାହୀଙ୍କ ସ୍ମୃତିରେ ଆୟୋଜିତ ହେଉଥିବା ଏହି ଯୁବ ମହୋତ୍ସବରେ ବହୁ ଜାତୀୟ ଏବଂ ଅନ୍ତର୍ଜାତୀୟସ୍ତରର କଳାକାରମାନେ ଭାଗନେବେ। 

ପ୍ରଦେଶ କଂଗ୍ରେସ ଟିମ୍‌ରେ ଗଞ୍ଜାମ ନେତା

ବ୍ରହ୍ମପୁର ଅଫିସ୍‌,୧୭ା୮:ଓଡ଼ିଶା ପ୍ରଦେଶ କଂଗ୍ରେସ କମିଟି(ପିସିସି) ସଭାପତି ଭାବେ ନିରଞ୍ଜନ ପଟ୍ଟନାୟକ ଦାୟିତ୍ୱ ନେବା ପରଠୁ ଦଳକୁ ସଜାଡ଼ିବାକୁ ଉଦ୍ୟମ କରୁଛନ୍ତି । ଏହି କ୍ରମରେ ସେ ପିସିସିର ନୂତନ ଟିମ୍‌ ଗଠନ କରିଛନ୍ତି । ଏହି ଟିମ୍‌ରେ ୧୪ ଉପସଭାପତି, ୨୪ ସାଧାରଣ ସମ୍ପାଦକ ଏବଂ ୯୯ ସମ୍ପାଦକଙ୍କ ସମେତ ଅନ୍ୟ କର୍ମକର୍ତ୍ତା ରହିଛନ୍ତି। ଏହି ଟିମ୍‌ରେ ଗଞ୍ଜାମର ନେତାମାନେ ମଧ୍ୟ ରହିଛନ୍ତି ।

କେନ୍ଦ୍ରୀୟ ଟିମର ତଦନ୍ତ

କେନ୍ଦ୍ରୀୟ ଟିମର ତଦନ୍ତ

ଦିଗପହଣ୍ଡି,୧୭ା୮(ଡି.ଏନ.ଏ.) ଦିଗପହଣ୍ଡି ବ୍ଲକ ପଦ୍ମନାଭପୁର ପଞ୍ଚାୟତ ଭୁଷୁଣ୍ଡା ଗ୍ରାମ ଠାରୁ କୁଣିଆଗାଁ ପ୍ରଧାନମନ୍ତ୍ରୀ ସଡ଼କ ଯୋଜନାରେ ଅନିୟମିତତାର ତଦନ୍ତ ପାଇଁ ଗୁରୁବାର ଜାତୀୟ ସଡ଼କ ବିକାଶ ସଂସ୍ଥାନର ବୈଷୟିକ ଦଳ ପହଞ୍ଚତ୍ଥିଲେ। ଗତ ୨୦୧୪-୧୫ ଆର୍ଥିକ ବର୍ଷରେ ୨ କୋଟି ୪ ଲକ୍ଷ ୯୭ ହଜାର ଟଙ୍କା ବ୍ୟୟରେ ଏହି ରାସ୍ତା ନର୍ମାଣ ହୋଇଥିଲା। ଆଦୌ ଗାଁ ନଥିବା ବେଳେ ଜଣେ ପ୍ରଭାବଶାଳୀ ରାଜନେତାଙ୍କ ଚାଷ ଜମି ଓ କ୍ରସର ୟୁନିଟ ପାଇଁ ଏହି ରାସ୍ତା ନିର୍ମାଣ କରାଯାଇଥିବା, ୫ ଶହ ମିଟର ରାସ୍ତା ନିର୍ମାଣ ଆବଶ୍ୟକତା ଥିବା ବେଳେ ଅନାବଶ୍ୟକ ଭାବେ ୪ କି.ମି. ନିର୍ମାଣ କରାଯାଇଥିବା, ଗୁଣବତ୍ତା ଠିକ ନ ଥିବା, ସଂରକ୍ଷିତ ଜଙ୍ଗଲ ଇଲାକାରେ ରାସ୍ତା ନିର୍ମାଣ କରାଯାଇଥିବା କେନ୍ଦ୍ର ସରକାରଙ୍କ ଜାତୀୟ ସଡ଼କ ବିକାଶ ସଂସ୍ଥାନ କର୍ତ୍ତୃପକ୍ଷଙ୍କୁ ଦସ୍ତଖତ ସମ୍ବଳିତ ଅଭିଯୋଗ ପତ୍ର ପ୍ରଦାନ କରାଯାଇଥିଲା।

ରାଜ୍ୟପାଳଙ୍କୁ ତଦନ୍ତ ରିପୋର୍ଟ ଦେଲେ ଅତିରିକ୍ତ ସଚିବ

ବ୍ରହ୍ମପୁର ଅଫିସ୍‌,୧୭ା୮- ଖଲ୍ଲିକୋଟ କ୍ଲଷ୍ଟର ବିଶ୍ୱବିଦ୍ୟାଳୟରେ ପ୍ରଫେସର ନିଯୁକ୍ତିରେ ସ୍ବଚ୍ଛତାକୁ ନେଇ ସନ୍ଦେହ ସୃଷ୍ଟି ହୋଇଛି । ଜୁଲାଇ ୬ ରେ ଉଚ୍ଚଶିକ୍ଷା ବିଭାଗ  ଅତିରିକ୍ତ ସଚିବ ପି.କେ. ଦାସ ବିଶ୍ୱବିଦ୍ୟାଳୟକୁ ଆସି ତଦନ୍ତ କରିଥିଲେ। ସୋମବାର ଏହି ଘଟଣାର ତଦନ୍ତ ରିପୋର୍ଟ ରାଜ୍ୟପାଳ ତଥା କୁଳାଧିପତିଙ୍କୁ ପ୍ରଦାନ କରିଛନ୍ତି ଅତିରିକ୍ତ ସଚିବ ଦାସ ।   ଶିକ୍ଷା ବର୍ଷରୁ ବିଶ୍ୱ ବିଦ୍ୟାଳୟରେ ୬ ନୂତନ ବିଭାଗ ଖୋଲାଯାଇଛି।