Dharitri News
ବ୍ରହ୍ମପୁର

୨ଶିଶୁଙ୍କ ସମେତ ୩ଜଣଙ୍କୁ ମରଣାନ୍ତକ ଆକ୍ରମଣ

୨ଶିଶୁଙ୍କ ସମେତ ୩ଜଣଙ୍କୁ ମରଣାନ୍ତକ ଆକ୍ରମଣ ଛତ୍ରପୁର,୭।୨ (ଡି.ଏନ୍‌.ଏ.)- ରମ୍ଭା ଥାନା ଲୁଙ୍ଘୁରି ଗଁାର ଏକ ପରିବାରର ୩ ଜଣଙ୍କୁ ବୁଧବାର ରାତିରେ ମରଣାନ୍ତକ ଆକ୍ରମଣ ହୋଇଛି। ସେମାନେ ହେଲେ ଲୁଙ୍ଘୁରି ଗଁ।ର ଶବର ସାହୁ ଏବଂ ତାଙ୍କ ୮ବର୍ଷର ପୁଅ ଶୋହନ ଓ ୬ବର୍ଷର ଝିଅ କାବେରୀ। ଏମାନେ ଏକ ଭୋଜି ଖାଇ ରାତି ପ୍ରାୟ ୮ଟାବେଳେ ଘରକୁ ଫେରୁଥିବାବେଳେ ଲୁଙ୍ଘୁରି ଗଁ। କେନାଲ ହୁଡାରେ ୪ଜଣ ଦୁର୍ବୃତ୍ତ ଖଣ୍ଡା କାତିରେ ଆକ୍ରମଣ କରିଥିଲେ। ପରେ ଶବରଙ୍କ ପତ୍ନୀ ସେଠାରେ ପହଞ୍ଚତ୍ବାରୁ ଦୁର୍ବୃତ୍ତମାନେ ତାଙ୍କୁ ମଧ୍ୟ ଟଣା ଓଟରା କରିଥିବା ଅଭିଯୋଗ ହୋଇଛି। ପରେ ରକ୍ତାକ୍ତ ଅବସ୍ଥାରେ ଶବର, ଶୋହନ ଓ କାବେରୀଙ୍କୁ ସ୍ଥାନୀୟ ଲୋକେ ଉଦ୍ଧାର କରି ଛତ୍ରପୁର ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରିଥିଲେ। ଏହି ଆକ୍ରମଣରେ ସେହି ଗଁ।ର ୪ଜଣ ସମ୍ପୃକ୍ତ ଥିବା ଶବରଙ୍କ ପତ୍ନୀ କଳ୍ପନା ଅଭିଯୋଗ କରିଛନ୍ତି। ଏ ସମ୍ପର୍କରେ ଖବର ପାଇ ରମ୍ଭା ପୋଲିସ ଗଁାରେ ପହଞ୍ଚତ୍ ୨ଜଣ ଦୁର୍ବୃତ୍ତଙ୍କୁ ଥାନାକୁ ଆଣି ଅଟକ ରଖିଛି।

ବ୍ରହ୍ମପୁର

ବାଲୁକା କଳାରେ ସଚେତନତା

ବାଲୁକା କଳାରେ ସଚେତନତା

ବ୍ରହ୍ମପୁର ଅଫିସ, ୨୩।୨: ବାଲୁକାକଳାରେ ଚକ୍ଷୁଦାନ ସମ୍ପର୍କିତ ସଚେତନତା ବାଣ୍ଟିଛନ୍ତି ବାଲୁକାଶିଳ୍ପୀ ସୁବଳ ମହାରଣା। ବ୍ରହ୍ମପୁର ଜିଲା ରାମଲିଙ୍ଗମ ପୋଖରୀ ନିକଟରେ ଗୁରୁବାର ସକାଳେ ଶିଳ୍ପୀ ବାଲୁକାକଳାରେ ଏକ ଚକ୍ଷୁ ନିର୍ମାଣ କରିବା ସହ ଚକ୍ଷୁଦାନ କରିବାକୁ ବାର୍ତ୍ତା ଦେଇଛନ୍ତି।

ଡକାୟତି ଯୋଜନା ପଣ୍ଡ: ୮ ଗିରଫ

ଡକାୟତି ଯୋଜନା ପଣ୍ଡ: ୮ ଗିରଫ

ବ୍ରହ୍ମପୁର ଅଫିସ,୨୨।୨ - ବୁଧବାର ବିଳମ୍ବିତ ରାତିରେ କେତେକ ଯୁବକ ଭିନ୍ନ ଭିନ୍ନ ସ୍ଥାନରେ ବସି ଡକାୟତି ଯୋଜନା କରୁଥିବା ସମ୍ପର୍କରେ ଖବର ପାଇ ପୋଲିସ ସେଠାରେ ପହଞ୍ଚତ୍ ମୋଟ ୮ ଜଣଙ୍କୁ ଗିରଫ କରିଛି। ପ୍ରକାଶ ଯେ, ଗୋପାଳପୁର ଥାନା ଅଧୀନ କଳିଙ୍ଗନଗର ଅଞ୍ଚଳରେ ବସି ଆମ୍ବପୁଆ ବୀମାନଗର ଅଞ୍ଚଳରେ ଡକାୟତି କରିବା ପାଇଁ ଯୋଜନା କରୁଥିଲେ। ଏ ସମ୍ବନ୍ଧରେ କୌଣସି ସୂତ୍ରରୁ ଖବର ପାଇ ପୋଲିସ ସେଠାରେ ଚଢାଉ କରି ୪ଜଣଙ୍କୁ ଗିରଫ କରିଛି।

ବ୍ରହ୍ମପୁର ଜେଲରେ ବନ୍ଦୀଙ୍କ ଆତ୍ମହତ୍ୟା ଉଦ୍ୟମ

ବ୍ରହ୍ମପୁର ଜେଲରେ ବନ୍ଦୀଙ୍କ ଆତ୍ମହତ୍ୟା ଉଦ୍ୟମ

ବ୍ରହ୍ମପୁର ଅଫିସ,୨୨।୨ - ବ୍ରହ୍ମପୁର ଜେଲ୍‌ରେ ଜଣେ ବିଚାରାଧୀନ ବନ୍ଦୀ ବୁଧବାର ବେକରେ ଗାମୁଛା ବାନ୍ଧି ଆତ୍ମହତ୍ୟା ଉଦ୍ୟମ କରିଥିଲେ। ତାଙ୍କୁ ଉଦ୍ଧାର କରାଯାଇ ବ୍ରହ୍ମପୁର ବଡ ମେଡିକାଲ୍‌ରେ ଭର୍ତ୍ତି କରାଯାଇଛି। ସେ ହେଲେ ଶଙ୍କର ମଣି ଏକ୍କା। ସେ ଆଗରୁ କୋରାପୁଟ ଜେଲ୍‌ରେ ଥିଲେ।

ଅଗ୍ନିକାଣ୍ଡରେ ୧୧ ପରିବାର ବାସହରା

ବାଲିପଡ଼ା,୨୨ା୨-କୁକୁଡ଼ାଖଣ୍ଡି ବ୍ଲକ ହୁଗୁଳାପଟା ପଞ୍ଚାୟତ ବାଲାଜୀପଲ୍ଲୀ ଗ୍ରାମରେ ବୁଧବାର ରାତ୍ର ୮ଟାରେ କୌଣସି କାରଣରୁ ହରିଜନ ସାହିରେ ଅଗ୍ନିକାଣ୍ଡ ଘଟି ୧୧ ପରିବାର ବାସହରା ହୋଇଛନ୍ତି। ଗ୍ରାମର ରଙ୍ଗବତୀ ଦାସଙ୍କ ଘରେ ପ୍ରଥମେ ନିଆଁ ଲାଗିଥିଲା।

ମା’ ଝିଅଙ୍କୁ ହତ୍ୟା ମାମଲା ଅଭିଯୁକ୍ତଙ୍କୁ ଆଜୀବନ କାରାଦଣ୍ଡାଦେଶ

ଭଞ୍ଜନଗର,୨୨।୨(ଡି.ଏନ.ଏ.)- ଗଞ୍ଜାମ ଜିଲା ସୋରଡ଼ା ଥାନା ଅନ୍ତର୍ଗତ ଭଗବାନପୁରରେ ୨୦୧୨ରେ ଘଟିଥିବା ବହୁଚର୍ଚ୍ଚିତ ମା’ ଓ ଝିଅ ହତ୍ୟା ମାମଲାର ରାୟ ଗୁରୁବାର ପ୍ରକାଶ ପାଇଛି। ଭଞ୍ଜନଗର ଏଡ଼ିଜେ ବିଧାନ କୁମାର ଚାନ୍ଦ ୨୭ ଜଣ ସାକ୍ଷୀଙ୍କ ବୟାନକୁ ଭିତ୍ତି କରି ଅଭିଯୁକ୍ତ ସଞ୍ଜୟ ଓରଫ କନ୍ଧ ମହାକୁଡ଼ଙ୍କୁ ଆଜୀବନ କାରାଦଣ୍ଡରେ ଦଣ୍ଡିତ କରିଛନ୍ତି। ଏଥିସହ ୧୦ହଜାର ଟଙ୍କା ଜରିମାନା କରାଯାଇଛି। ଜରିମାନା ଅର୍ଥ ଅନାଦାୟ ଅଧିକ ଏକ ବର୍ଷ କାରାଦଣ୍ଡ ଭୋଗିବାକୁ ବିଚାରପତି ତାଙ୍କ ରାୟରେ ନିର୍ଦ୍ଦେଶ ଦେଇଛନ୍ତି। ପ୍ରକାଶ ଯେ, ସଞ୍ଜୟ ତାଙ୍କରି ଗ୍ରାମର ବଙ୍ଗାଲି ଗୌଡ଼ଙ୍କ ଝିଅ ସୁନିତାଙ୍କୁ ୨୦୦୯ରେ ବିବାହ କରିଥିଲେ। ଏହାପରେ ସୁନିତାଙ୍କ ଏକ କନ୍ୟା ସନ୍ତାନ ଜନ୍ମ ହୋଇଥିଲା। ସ୍ବାମୀ ସ୍ତ୍ରୀଙ୍କ ମଧ୍ୟରେ କୌଣସି କାରଣରୁ ବିବାଦ ହୋଇଥିଲା।

ବାଲ୍ୟ ବିବାହ, ଶିଶୁ ଶ୍ରମିକ ପ୍ରସଙ୍ଗ, ସିଡିପିଓ, ଡିଏଲଓଙ୍କୁ କାରଣ ଦର୍ଶାଅ ନୋଟିସ

ଛତ୍ରପୁର,୨୨।୨(ଡି.ଏନ.ଏ.)- ଗଞ୍ଜାମ ଜିଲାରେ ଶିଶୁମାନଙ୍କ ସୁରକ୍ଷା ନେଇ ଶିଶୁ ସୁରକ୍ଷା କମିଟି ବୈଠକ ଗୁରୁବାର ସ୍ଥାନୀୟ ଜିଲାପାଳଙ୍କ ସମ୍ମିଳନୀ କକ୍ଷରେ ଅନୁଷ୍ଠିତ ହୋଇଥିଲା। ଏଥିରେ ଜିଲାପାଳ ପ୍ରେମଚନ୍ଦ୍ର ଚୌଧୁରୀ ଅଧ୍ୟକ୍ଷତା କରିଥିଲେ। ଉତ୍କଳ ବାଳାଶ୍ରମରେ ୬ଜଣ ପୋଷ୍ୟ ସନ୍ତାନ ପାଇଁ ଯୋଗ୍ୟ ଅଛନ୍ତି। ଏମାନଙ୍କୁ କେହି ପୋଷ୍ୟ ଭାବେ ଗ୍ରହଣ କଲେ ଏ ସମ୍ପର୍କରେ ଜଣାଇବାକୁ ଜିଲାପାଳ କହିଥିଲେ। ୨୦୧୭-୧୮ରେ ୨୮ଟି ବାଲ୍ୟବିବାହକୁ ବନ୍ଦ କରାଯାଇଛି ା ମାତ୍ର ଏଥିରେ ସମ୍ପୃକ୍ତଙ୍କ ବିରୋଧରେ ମାମଲା ରୁଜୁ ହୋଇ ନ ଥିବାରୁ ସିଡିପିଓମାନଙ୍କୁ କାରଣ ଦର୍ଶାଅ ନୋଟିସ ଜାରି କରାଯିବ।

ଭାରସାମ୍ୟ ହରାଇ ମିନିଟ୍ରକ ଓଲଟିଲା

ଭାରସାମ୍ୟ ହରାଇ ମିନିଟ୍ରକ ଓଲଟିଲା

ଜଗନ୍ନାଥପ୍ରସାଦ,୨୨।୨- ଜଗନ୍ନାଥପ୍ରସାଦ ୪ କିମି ଦୂର ଛେଲାଖାଇ ଛକ ନିକଟ ୨୧ନଂ ଜାତୀୟ ରାଜପଥରେ ଗୁରୁବାର ମଧ୍ୟାହ୍ନରେ ଏକ ମିନି ଟ୍ରକ ଭାରସାମ୍ୟ ହରାଇ ଓଲଟି ପଡିଛି। ଡ୍ରାଇଭର ଓ ହେଲପର ଏଥିରୁ ଅଳ୍ପକେ ବର୍ତ୍ତି ଯାଇଛନ୍ତି। ମିନିଟ୍ରକ (ନଂ ଓଆର୨୫-୫୪୨୬) ନୟାଗଡ଼ରୁ ପାଣି ପାଉଚ ନେଇ ଭଞ୍ଜନଗର ଅଭିମୁଖେ ଯାଉଥିଲା।

କାର ଧକ୍କାରେ ଯୁବକ ମୃତ

କାର ଧକ୍କାରେ ଯୁବକ ମୃତ

ପାଟପୁର,୨୨।୨(ଡି.ଏନ.ଏ.)- ପାଟପୁର ଥାନା ପୋଡ଼ାମାରୀ ଗ୍ରାମ କୁକୁଡ଼ାଫାର୍ମ ନିକଟରେ ବୁଧବାର ରାତି ପ୍ରାୟ ୧୧ଟାରେ କାର ଧକ୍କାରେ ଜଣେ ଯୁବକଙ୍କ ମୃତ୍ୟୁ ଘଟିଛି। ମୃତକ ଜଣକ ହେଲେ ଉକ୍ତ ଗ୍ରାମର ଜିତେନ୍ଦ୍ର ବିଷୋୟୀ। ଜିତେନ୍ଦ୍ର କୁକୁଡ଼ାଫାର୍ମ ନିକଟରେ ଦିଗପହଣ୍ଡି ପୋଡ଼ାମାରୀ ମୁଖ୍ୟ ରାସ୍ତା କଡ଼ରେ ନିଜ ବାଇକ ଧରି ଠିଆ ହୋଇଥିବା ବେଳେ ରାୟଗଡ଼ାରୁ ବ୍ରହ୍ମପୁର ଅଭିମୁଖେ ଯାଉଥିବା କାର (ନଂ ଓଡି୨୦ଏ୦୧) ତାଙ୍କୁ ଧକ୍କା ଦେଇଥିଲା।

ଅଗ୍ନିକାଣ୍ଡରେ ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ

ଅଗ୍ନିକାଣ୍ଡରେ ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ

ଗଞ୍ଜାମ,୨୨।୨(ଡି.ଏନ.ଏ.) - ଗଞ୍ଜାମ ବଡ଼ବଜାରରେ ଥିବା ଭାରତୀ ବୁକଷ୍ଟୋର ଓ ଏକ କମ୍ପ୍ୟୁଟର ଓ ଜେରେକ୍ସ ଦୋକାନରେ ବୁଧବାର ରାତିରେ ନିଅଁା ଲାଗି ଜଳି ଯାଇଛି। ଶର୍ଟସର୍କିଟରୁ ଏପରି ହୋଇଥିବା ଅନୁମାନ କରାଯାଉଛି। ଗୁରୁବାର ସକାଳ ପ୍ରାୟ ୫ଟାରେ ଜଣେ ଏନ୍‌ଏସି କର୍ମଚାରୀ ଝାଡୁ କରୁଥିବାବେଳେ ନିଅଁା ଜଳୁଥିବା ଦେଖି ସେଠାରେ ଥିବା ଚା ଦୋକାନୀଙ୍କୁ କହିଥିଲେ। ଛତ୍ରପୁର ଦମକଳ ବାହିନୀ ପହଞ୍ଚତ୍ ନିଅଁାକୁ ଆୟତ କରିଥିଲେ।

ରାସ୍ତା କଡ଼ରେ ପଡିଛି ସରକାରୀ ଔଷଧ

ରାସ୍ତା କଡ଼ରେ ପଡିଛି ସରକାରୀ ଔଷଧ

ପୋଲସରା,୨୨।୨(ଡି.ଏନ୍‌.ଏ.)- ଗୁରୁବାର ପୋଲସରା ଅଞ୍ଚଳରେ ଏକ ଅଭାବନୀୟ ଘଟଣା ଦେଖିବାକୁ ମିଳିଥିଲା। ମଧୁପଲ୍ଲୀ ପଞ୍ଚାୟତର ମହୁଲପଲ୍ଲୀ ଠାରୁ ସାନବରଗାଁ ବାଘୁଆକେନାଲ ରାସ୍ତା କଡରେ ଏକ ବୂଦାମୂଳେ ବହୁ ପରିମାଣର ସରକାରୀ ଔଷଧ ପଡିଥିବା ଦେଖିବାକୁ ମିଳିଥିଲା।

ଆହତ ବ୍ୟକ୍ତିଙ୍କ ମୃତ୍ୟୁ, ସତ୍କାର ପୂର୍ବରୁ ମୃତଦେହ ଜବତ କଲା ପୋଲିସ

ପାତ୍ରପୁର,୨୨।୨ (ଡି.ଏନ୍‌.ଏ.)- ଜରଡ଼ା ଥାନା ତୁରୁବୁଡ଼ି ପଞ୍ଚାୟତ ପୁହୁଣ୍ଡି ଗ୍ରାମର ଗତ ୨୦ ତାରିଖରେ କୌଣସି କାରଣକୁ ନେଇ ରାମକୃଷ୍ଣ ମିଶ୍ର ଓ ରଜତ ପ୍ରଧାନଙ୍କ ମଧ୍ୟରେ ଗଣ୍ଡଗୋଳ ହୋଇଥିଲା। ଏମାନଙ୍କୁ ଅଟକାଇବାକୁ ସୀମାଞ୍ଚଳ ପ୍ରଧାନ ଓ ଅନ୍ୟମାନେ ଆସିଥିଲେ। ଠେଲାପେଲାରେ ସୀମାଞ୍ଚଳ ଓ ରାମକୃଷ୍ଣ ତଳେ ପଡି ଆହାତ ହୋଇଥିଲେ। ଏନେଇ ରାମକୃଷ୍ଣ ଜରଡ଼ା ଥାନାରେ ରଜତଙ୍କ ନାମରେ ଏତଲା ଦେଇଥିଲେ। ସୀମାଞ୍ଚଳଙ୍କୁ ଗୁରୁତର ଅବସ୍ଥାରେ ପାତ୍ରପୁର ଓ ପରେ ବ୍ରହ୍ମପୁର ସ୍ଥାନାନ୍ତରିତ କରାଯାଇଥିଲା। ବୁଧବାର ସନ୍ଧ୍ୟାରେ ଅଧିକ ଚିକିତ୍ସା ପାଇଁ ଭୁବନେଶ୍ୱର ସ୍ଥାନାନ୍ତର ବେଳେ ରାସ୍ତାରେ ତାଙ୍କର ମୃତ୍ୟୁ ହୋଇଥିଲା। ଗୁରୁବାର ମୃତଦେହକୁ ଗଁ।କୁ ଆଣି ସତ୍କାର ପାଇଁ ପ୍ରସ୍ତୁତି ଚାଲିଥିବାବେଳେ ପୋଲିସ ପହଞ୍ଚତ୍ ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇବା ସହ ରଜତ ପ୍ରଧାନକୁ ଗିରଫ କରିଛି। ଏନେଇ ନଂ.୩୦/୧୮ରେ ଏକ ମାମଲା ରୁଜୁ କରାଯାଇଛି।

ପରୀକ୍ଷା କେନ୍ଦ୍ରରେ ପହଞ୍ଚିଲା ପ୍ରଶ୍ନପତ୍ର

ପରୀକ୍ଷା କେନ୍ଦ୍ରରେ ପହଞ୍ଚିଲା ପ୍ରଶ୍ନପତ୍ର

ବ୍ରହ୍ମପୁର ଅଫିସ,୨୨।୨: ଚଳିତବର୍ଷ ମାଟ୍ରିକ ପରୀକ୍ଷା ୨୩ ତାରିଖଠାରୁ ଆରମ୍ଭ ହେଉଛି। ଏଥିନେଇ ଗୁରୁବାର ନୋଡାଲ ସେଣ୍ଟରରୁ ପ୍ରଶ୍ନପତ୍ର ପରୀକ୍ଷା କେନ୍ଦ୍ରକୁ ପଠାଯାଇଛି। ଗଞ୍ଜାମ ଜିଲାରେ ମୋଟ ୨୨୬ ପରୀକ୍ଷା କେନ୍ଦ୍ର ରହିଛି। ୧୬ଟି ନୋଡାଲ ସେଣ୍ଟରରୁ ପ୍ରଶ୍ନ ପତ୍ର ପଠାଯାଇଛି।