ରାୟଗଡା

ବେଆଇନ କୋଠା ଭାଙ୍ଗିଲା ପ୍ରଶାସନ

ବେଆଇନ କୋଠା ଭାଙ୍ଗିଲା ପ୍ରଶାସନ

ପାରଳାଖେମୁଣ୍ଡି, ୭। ୨(ସ୍ବ.ପ୍ର.)-ଗଜପତି ଜିଲା ପାରଳାଖେମୁଣ୍ଡି ସହରରେ କେତେକ ବ୍ୟକ୍ତି ସରକାରୀ ଜାଗା ଅକ୍ତିଆର କରି ବେଆଇନ ଭାବେ କୋଠା ନିର୍ମାଣ କରି ବ୍ୟବସାୟ ଚଳାଇଛନ୍ତି। ଜିଲା ମୁଖ୍ୟ ଚିକିତ୍ସାଳୟ ନିକଟରେ ଗଢିଉଠିଥିବା ଏକ ଔଷଧ ଦୋକାନକୁ କୋର୍ଟ ନିର୍ଦ୍ଦେଶ କ୍ରମେ ବୁଧବାର ପ୍ରଶାସନ ପକ୍ଷରୁ ଭାଙ୍ଗିଦିଆଯିବା ପରେ ଏଭଳି ଘଟଣା ସାମ୍ନାକୁ ଆସିଛି।
ସୂଚନା ଅନୁଯାୟୀ, କିଛିବର୍ଷ ତଳେ ସହରର ଜଣେ ବ୍ୟକ୍ତି ଜିଲା ମୁଖ୍ୟ ଚିକିତ୍ସାଳୟ ପାଖରେ ସରକାରୀ ଜାଗା ମାଡ଼ିବସି ବେଆଇନ ଭାବେ କୋଠାଘର ତିଆରି କରିଥିଲେ। ସେଠାରେ ସେ ଲକ୍ଷ୍ମୀ ମେଡିକାଲ ଷ୍ଟୋର ନାମରେ ଔଷଧ ଦୋକାନ ଖୋଲି ବ୍ୟବସାୟ କରିଆସୁଥିଲେ। ଏହାକୁ ଚିକିତ୍ସାଳୟ କର୍ତ୍ତୃପକ୍ଷ ବିରୋଧ କରି ଉକ୍ତ କୋଠାକୁ ହଟାଇବା ଲାଗି କହିଥିଲେ। ମାତ୍ର ବ୍ୟବସାୟୀଜଣକ ନଶୁଣିବାରୁ ଚିକିତ୍ସାଳୟ କର୍ତ୍ତୃପକ୍ଷ ପଦକ୍ଷେପ ପାଇଁ କୋର୍ଟଙ୍କ ଦ୍ୱାରସ୍ଥ ହୋଇଥିଲେ। କୋଠା ଭାଙ୍ଗିବା ପାଇଁ ପ୍ରଶାସନକୁ କୋର୍ଟ ନିର୍ଦ୍ଦେଶ ଦେଇଥିଲେ। ଏ ନେଇ ୧୫ଦିନ ତଳେ ପ୍ରଶାସନ ପକ୍ଷରୁ ନୋଟିସ ଜାରି କରାଯାଇଥିଲା। ସେହି ଅନୁସାରେ ବୁଧବାର ସକାଳ ୯ଟାରେ ଉକ୍ତ କୋଠାକୁ ମେଶିନ ଲଗାଇ ଭଙ୍ଗାଯାଇଛି ା ଏହି ସମୟରେ ମାଜିଷ୍ଟ୍ରେଟ ଦାୟିତ୍ୱରେ ଥିବା କେଦାରନାଥ ଭୋଇ ଓ ମନୋରଞ୍ଜନ ସାହୁଙ୍କ ସମେତ ଆଇନଶୃଙ୍ଖଳା ପରିସ୍ଥିତିକୁ ଦୃଷ୍ଟିରେ ରଖି ଜିଲା ଆରକ୍ଷୀ ଅଧୀକ୍ଷକ ଅମୂଲ୍ୟ କୁମାର ଦାସ, ଏସଡିପିଓ ଠାକୁର ପ୍ରସାଦ ପାତ୍ର ଓ ପାରଳାଖେମୁଣ୍ଡି ଥାନା ଅଧିକାରୀ ବାବୁଲି ନାୟକ ପ୍ରମୁଖ ଉପସ୍ଥିତ ଥିଲେ। ଆଗକୁ ସହରର ରାସ୍ତା ପ୍ରଶସ୍ତୀକରଣ ହେବାକୁ ଥିବାବେଳେ ଏହି ଭଙ୍ଗା ଘଟଣାକୁ ନେଇ ବେଶ୍‌ ଚର୍ଚ୍ଚା ଚାଲିଛି।

All Right Reserved By
Karnatak Exit Poll

Model This Week

ସଂଗୀତ

ରାୟଗଡା

୧୬ ବର୍ଷ ହେଲା ଶୁଣୁନଥିଲା ପ୍ରଶାସନ: ନିଜେ ରାସ୍ତା ସଜାଡ଼ିଲେ ଆଇତାହାଣ୍ଡି ବାସିନ୍ଦା

୧୬ ବର୍ଷ ହେଲା ଶୁଣୁନଥିଲା ପ୍ରଶାସନ: ନିଜେ ରାସ୍ତା ସଜାଡ଼ିଲେ ଆଇତାହାଣ୍ଡି ବାସିନ୍ଦା

କୁନ୍ଦୁରା, ୨୧।୫(ଡି.ଏନ୍‌.ଏ.): ଦୀର୍ଘ ୧୭ ବର୍ଷ ହେଲା ପ୍ରଶାସନ ଅଣଦେଖା କରିଆସୁଥିଲା। ଶେଷରେ କୋରାପୁଟ ଜିଲା କୁନ୍ଦୁରା ବ୍ଲକ ଡଙ୍ଗରପାଉଁସୀ ପଞ୍ଚାୟତ ବେଢାପାଉସୀ ଗ୍ରାମର ମହିଳା ପୁରୁଷ ମିଶି ନିଜ ଗାଁରୁ ଆଇତାହାଣ୍ଡିକୁ ଯାଇଥିବା ରାସ୍ତାର ମରାମତି କରିଛନ୍ତି।

ଖାଲଖମା ରାସ୍ତାରେ ଗାଁକୁ ପହଞ୍ଚତ୍ପାରୁନି ବିକାଶର ଗାଡ଼ି

ଖାଲଖମା ରାସ୍ତାରେ ଗାଁକୁ ପହଞ୍ଚତ୍ପାରୁନି ବିକାଶର ଗାଡ଼ି

କୋରାପୁଟ,୨୧ା୫(ସ୍ବ.ପ୍ର.): ଅର୍ଥନୀତିରେ ବିକାଶ ପାଇଁ ପ୍ରମୁଖ କାରକ ହେଉଛି ଗମନାଗମନ ବା ଯୋଗାଯୋଗ। ବିକାଶର ଗାଡ଼ି ପହଞ୍ଚତ୍ବା ପାଇଁ ଗାଁକୁ ସଡ଼କଟିଏ ଲୋଡ଼ା। କିନ୍ତୁ ବିଡ଼ମ୍ବନା ହେଉଛି, ଆଦିବାସୀ ଅଧ୍ୟୁଷିତ କୋରାପୁଟ ଜିଲାରେ ଏଭଳି ବହୁ ଗ୍ରାମ ରହିଛି, ଯେଉଁଠି ଗମନାଗମନ ହେଉଛି ବଡ଼ ସମସ୍ୟା।

ଅମଳର ଗୋଟିଏ ଭାଗ କିଣିବେ ସରକାର: ଚିନ୍ତା ବଢ଼ାଇଛି ବଳକା ୩ ଭାଗ

ଅମଳର ଗୋଟିଏ ଭାଗ କିଣିବେ ସରକାର: ଚିନ୍ତା ବଢ଼ାଇଛି ବଳକା ୩ ଭାଗ

ଜୟପୁର,୨୧ା୫(ଡି.ଏନ୍‌.ଏ.): ଆଦିବାସୀ ଅଧ୍ୟୁଷିତ କୋରାପୁଟ ଜିଲାରେ ଧାନ ହେଉଛି ମୁଖ୍ୟଚାଷ। ଜିଲାର ଜୟପୁର ଉପଖଣ୍ଡରେ କୋଲାବ ବହୁମୁଖୀ ଯୋଜନା ପାଇଁ ଜଳସେଚନ ସୁବିଧା ଯୋଗୁ ଅଧିକ ପରିମାଣରେ ଏହି ଚାଷ ହୋଇଥାଏ

୩ ମାସ ଭିତରେ ଜୟପୁରରୁ ଉଡ଼ିବ ବିମାନ: ଏୟାରଷ୍ଟ୍ରିପ ତଦାରଖ କଲେ ଉଷା ପାଢ଼ୀ

୩ ମାସ ଭିତରେ ଜୟପୁରରୁ ଉଡ଼ିବ ବିମାନ: ଏୟାରଷ୍ଟ୍ରିପ ତଦାରଖ କଲେ ଉଷା ପାଢ଼ୀ

ଜୟପୁର,୨୧ା୫(ଡି.ଏନ୍‌.ଏ./ନି.ପ୍ର.): ଜୁନ ୧୫ ସୁଦ୍ଧା ଜୟପୁର ବିମାନଘାଟି କାର୍ଯ୍ୟକ୍ଷମ ହେବ ା ଏହାର ୨ ମାସ ଭିତରେ ସମସ୍ତ ଆନୁସାଙ୍ଗିକ ପରୀକ୍ଷା ନିରୀକ୍ଷା ସରିବା କ୍ଷଣି ଜୟପୁରରୁ ଉଡ଼ିବ ବିମାନ। ରବିବାର ବେସାମରିକ ବିମାନ ଚଳାଚଳ ବିଭାଗ ଯୁଗ୍ମ ସଚିବ ଉଷା ପାଢ଼ୀ ଜୟପୁର ଏୟାରଷ୍ଟ୍ରିପ୍‌ ସ୍ଥିତି ତଦାରଖ କରିବା ପରେ ଏଭଳି ଆଶା ସଞ୍ଚାର ହୋଇଛି।

ନିଜ ସ୍କୁଲ ବନ୍ଦ: ଡେପୁଟେଶନରେ ଯାଇ ଅନ୍ୟ ସ୍କୁଲରେ ପଢାଉଛନ୍ତି ଶିକ୍ଷୟିତ୍ରୀ

ସେମିଳିଗୁଡ଼ା,୨୧ା୫(ସ୍ବ.ପ୍ର.) ସେମିଳିଗୁଡ଼ା ବ୍ଲକ ବଡ଼ଚିଣ୍ଡିରି ନୂତନ ଉଚ୍ଚ ପ୍ରାଥମିକ ବିଦ୍ୟାଳୟର ଜଣେ ଶିକ୍ଷୟିତ୍ରୀ ପ୍ରାୟ ୪ରୁ ୫ ବର୍ଷ ହେବ କଟକ ଜିଲାରେ ଡେପୁଟେଶନରେ ଯାଇଛନ୍ତି ା ଏଥିରେ ଜିଲା ଶିକ୍ଷା ଅଧିକାରୀଙ୍କୁ ପଚାରିବାରୁ ସେ କହିଛନ୍ତି ଯେ, ମୁଁ ଏହି ବିଷୟରେ ଜାଣିନାହିଁ

ଗଳି ରାସ୍ତାରେ ଯାତାୟାତ କରୁଛି ଟ୍ରକ: ସାଧାରଣ ଲୋକେ ଭୋଗୁଛନ୍ତି ଦୁର୍ଦ୍ଦଶା

ମାଲକାନଗିରି,୨୧ା୫(ଡି.ଏନ.ଏ)- ମାଲକାନଗିରି ଜିଲା ସଦର ମହକୁମା ମହେଶ୍ୱରୀ ଭବନ ସାହି, ମାରୁୱାଡ଼ି ସାହିର ଗଳି ରାସ୍ତାରେ ପ୍ରତିଦିନ କେତେକ ବ୍ୟବସାୟୀ ବଡ଼ ବଡ଼ ଟ୍ରକ ଯୋଗେ ମାଲ ଆଣି ନିଜ ଗୋଦାମରେ ରଖୁଛନ୍ତି। ଫଳରେ ସେହି ରାସ୍ତାରେ ଦୁଇ ଚକିଆ ଗାଡ଼ି, ଅଟୋ , ରିକ୍ସା ଯାତାୟାତରେ ବାଧା ସୃଷ୍ଟି ହେଉଛି।

ବାଲିପଦରଗୁଡ଼ା ଘାଟି ରାସ୍ତା ମରଣଯନ୍ତା

କୋଲାବନଗର,୨୧ା୫(ଡି.ଏନ୍‌.ଏ.)କୋରାପୁଟ ସଦର ବ୍ଲକ ବଡ଼କେରେଙ୍ଗା ଓ ଗେଟା ପଞ୍ଚାୟତକୁ ଲମତାପୁଟ ବ୍ଲକ ପେଟା ପଞ୍ଚାୟତକୁ ସଂଯୋଗ କରୁଥିବା ଆରଡି ରୋଡ୍‌ର ମଧ୍ୟଭାଗରେ ଅବସ୍ଥିତ ଦୁଇ କିମି ଘାଟି ରାସ୍ତା ମରଣଯନ୍ତାରେ ପରିଣତ ହୋଇଛି। ଚଳିତ ବର୍ଷ ଲଗାଣ ବର୍ଷାରେ ବଡ଼ ବଡ଼ ଗର୍ତ୍ତ ସୃଷ୍ଟି ହୋଇ ଏହା ବିପଦକୁ ଡଶକୁଛି।

ଲୋକେ ପିଉଛନ୍ତି ଚୁଆ ପାଣି:ଗୁରୁତ୍ୱ ଦେଉନି ପ୍ରଶାସନ

ବିଷମକଟକ,୨୧ା୫(ଡ଼ି.ଏନ.ଏ)- ରାୟଗଡ଼ା ଜିଲା ବିଷମକଟକ ବ୍ଲକରେ ପାନୀୟ ଜଳର ଘୋର ଅବ୍ୟବସ୍ଥା ଦେଖାଦେଇଛି ା ଢେପାଗୁଡ଼ା କଲୋନୀ ଓ ପାତ୍ରଗୁଡ଼ା ଗ୍ରାମର ଲୋକେ ପାଣି ପାଇଁ ଡହଳବିକଳ ହେଉଛନ୍ତି ା ଏହି ସମସ୍ୟା ନେଇ ବାରମ୍ବାର ଜଣାଇଲେ ମଧ୍ୟ କେହି ଏଥିପ୍ରତି ଗୁରୁତ୍ୱ ଦେଉ ନ ଥିବା ଅଭିଯୋଗ ହୋଇଛି ା

ଯୁକ୍ତ ୨ ବିଜ୍ଞାନ ପରୀକ୍ଷାରେ ଫେଲ ହେବାରୁ ଛାତ୍ରଙ୍କ ଆତ୍ମହତ୍ୟା

ଯୁକ୍ତ ୨ ବିଜ୍ଞାନ ପରୀକ୍ଷାରେ ଫେଲ ହେବାରୁ ଛାତ୍ରଙ୍କ ଆତ୍ମହତ୍ୟା

ଝରିଗାଁ,୨୦।୫(ସ୍ବ.ପ୍ର)- ନବରଙ୍ଗପୁର ଜିଲା ଝରିଗାଁ ବ୍ଲକ ଅନ୍ତର୍ଗତ ରତାଖଣ୍ଡିଗୁଡା ପଞ୍ଚାୟତର ଗୋଇଧୋଡି ଗ୍ରାମର ଅର୍ଜୁନ ଭତ୍ରା ଯୁକ୍ତ ୨ ପରୀକ୍ଷାରେ ଫେଲ ହେବାରୁ ରବିବାର ଆତ୍ମହତ୍ୟା କରିଛନ୍ତି। ଗୋଇଧୋଡି ଗ୍ରାମର ବୁଦୁ ସାନ୍ତାଙ୍କ ପୁଅ ଅର୍ଜୁନ ରାଇଘର କଲେଜରେ ଯୁକ୍ତ ୨ ବିଜ୍ଞାନରେ ପାଠ ପଢୁଥିଲେ।

ଆଚାର୍ଯ୍ୟ ପ୍ରଶିକ୍ଷଣ ଶିବିର

ଆଚାର୍ଯ୍ୟ ପ୍ରଶିକ୍ଷଣ ଶିବିର

ନବରଙ୍ଗପୁର,୨୦।୫(ଡି.ଏନ.ଏ.)- ନବରଙ୍ଗପୁର ନୂଆଗଡ ଠାରେ ଥିବା ସରସ୍ବତୀ ଶିଶୁ ମନ୍ଦିର ଠାରେ ଶିକ୍ଷା ବିକାଶ ସମିତି (ଦକ୍ଷିଣ ସମ୍ଭାଗ) ସ୍ତରୀୟ ନୂତନ ଗୁରଜୀ ଗୁରୁମାଆମାନଙ୍କୁ ନେଇ ୧୦ ଦିନିଆ ତାଲିମ ଶିବିର ଉଦଘାଟିତ ହୋଇଛି । ଏଥିରେ ସେମାନଙ୍କୁ ଶାରିରିକ, ମାନସିକ, ଅଧ୍ୟାମତ୍କ, ଓ ବୌଧିକ ଦୃଷ୍ଟିରୁ ପୂର୍ଣ୍ଣ ବିକଶିତ ହେବା ପାଇଁ ତାଲିମ ପ୍ରଦାନ କରାଯିବ । ଏହା ୨୮ ତାରିଖ ପର୍ଯ୍ୟନ୍ତ ଚାଲିବ ।

ବିଜୁ ଯୁବ ବାହିନୀ ବୈଠକ

ବିଜୁ ଯୁବ ବାହିନୀ ବୈଠକ

ଚନ୍ଦାହାଣ୍ଡି, ୨୦।୫(ଡି.ଏନ.ଏ)-ନବରଙ୍ଗପୁର ଜିଲା ଚନ୍ଦାହାଣ୍ଡି ପଞ୍ଚାୟତ ସମିତି ସଭାଗୃହଠାରେ ବିଜୁ ଯୁବ ବାହିନୀର ବୈଠକ ଅନୁଷ୍ଠିତ ହୋଇଯାଇଛି । ଏଥିରେ ଗୋଷ୍ଠୀ ଉନ୍ନୟନ ଅଧିକାରୀ ତାପସ କୁମାର ଭୋଇ ସଭାପତିତ୍ୱ କରି ବିଜୁ ଯୁବ ବାହିନୀର ଲକ୍ଷ୍ୟ ସମ୍ପର୍କରେ ଉପସ୍ଥିତ ବିଜୁ ବାହିନୀକୁ ସଚେତନ କରାଇଥିଲେ । ପ୍ରତ୍ୟେକ ଗ୍ରାମରେ ଯୁବକମାନେ ଉକ୍ତ ଯୁବବାହିନୀରେ ଯୋଗଦେଇ ଗ୍ରାମାଞ୍ଚଳରେ ସ୍ବେଚ୍ଛାସେବୀ ଭାବେ ଜନସାଧାରଣଙ୍କ ସେବା କରିବା ସହିତ ଏକତା ଓ ଭାଇଚାରା ସୃଷ୍ଟି କରିବାକୁ ଆଲୋଚନା କରାଯାଇଥିଲା । ବିଭିନ୍ନ ଗ୍ରାମରୁ ପଞ୍ଜୀକୃତ ହୋଇଥିବା ତାଲିକା ବ୍ଲକ ସଂଯୋଜକ ଗୋବିନ୍ଦ୍ର ଚନ୍ଦ୍ର ମାଝି ପଠନ କରିଥିଲେ। ବାଦ୍‌ ପଡିଥିବା ଯୁବ ବାହିନୀ ତାଲିକା ଅତିଶୀଘ୍ର ପଞ୍ଜିକୃତ କରି ପ୍ରକାଶ କରାଯିବା ପାଇଁ ଆଲୋଚନା ହୋଇଥିଲା ।

ଡାବୁଗାଁରେ ବାଳିକା ବ୍ୟକ୍ତିତ୍ୱ ବିକାଶ ଶିବିର ଉଦଯାପିତ

ଡାବୁଗାଁରେ ବାଳିକା ବ୍ୟକ୍ତିତ୍ୱ ବିକାଶ ଶିବିର ଉଦଯାପିତ

ଡାବୁଗାଁ, ୨୦।୫ (ଡି.ଏନ.ଏ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ କୋଇଲାରି କସ୍ତୁରବା ଗାନ୍ଧୀ ବାଳିକା ବିଦ୍ୟାଳୟଠାରେ ବାଳିକା ବ୍ୟକ୍ତିତ୍ୱ ବିକାଶ ଶିବିର ଉଦଯାପିତ ହୋଇଯାଇଛି । ଏହି କାର୍ଯ୍ୟକ୍ରମରେ ପ୍ରଥମେ ଅତିଥିମାନଙ୍କ ଦ୍ୱାରା ପ୍ରଦୀପ ପ୍ରଜ୍ୱଳନ କରାଯିବା ପରେ ଛାତ୍ରୀମାନେ ସ୍ବାଗତ ସଙ୍ଗୀତ ଗାନ କରିଥିଲେ । ସଭାରେ ପ୍ରଧାନ ଶିକ୍ଷୟିତ୍ରୀ ବିଷ୍ଣୁପ୍ରିୟା ବେହେରା ଅତିଥି ମାନଙ୍କ ପରିଚୟ ପ୍ରଦାନ କରିବା ସହ ବାଳିକାମାନଙ୍କ ବିକାଶ ଉପରେ ବକ୍ତବ୍ୟ ଦେଇଥିଲେ। ଉଦଯାପନୀ ଉତ୍ସବରେ ଉପସ୍ଥିତ ଅତିଥିମାନେ ବାଳିକାମାନଙ୍କ ବ୍ୟକ୍ତିତ୍ୱ ବିକାଶ ଉପରେ ବିଭିନ୍ନ ଉପଦେଶ ଦେଇଥିଲେ।