ରାୟଗଡା

ପ୍ରେମ ପରେ ପ୍ରତାରଣା: ବଳାତ୍କାର ଅଭିଯୋଗରେ ଯୁବକ ଗିରଫ

ପ୍ରେମ ପରେ ପ୍ରତାରଣା: ବଳାତ୍କାର ଅଭିଯୋଗରେ ଯୁବକ ଗିରଫ

ପାରଳାଖେମୁଣ୍ଡି, ୭।୨(ସ୍ବ.ପ୍ର.)-ପ୍ରଥମେ ପ୍ରେମ, ପରେ ପ୍ରତାରଣା। ଜଣେ ନାବାଳିକାଙ୍କୁ ପ୍ରେମ ଜାଲରେ ଫସାଇ ବଳାତ୍କାର କରିବା ଅଭିଯୋଗରେ ଗଜପତି ଜିଲା ରାୟଗଡ ଥାନା ଅଧୀନ ସୋରଡା ଗ୍ରାମର ରାଜୁ ଗୌଡ(୨୦)ଙ୍କୁ ପୋଲିସ ଗିରଫ କରିଛି। ସେ ପ୍ରାୟ ଦେଢମାସ ହେଲା ଫେରାର ଥିଲେ। ରାଜୁ ହାଇଦ୍ରାବାଦରେ ଥିବା ପୋଲିସ କୌଣସି ସୂତ୍ରରୁ ଜାଣିବାକୁ ପାଇଥିଲା। ଏହାପରେ ରାୟଗଡ ଥାନା ସବ୍‌ଇନ୍ସପେକ୍ଟର ଆର୍‌.କେ.ମୁନିଙ୍କ ନେତୃତ୍ୱରେ ପୋଲିସ୍‌ର ଏକ ଟିମ୍‌ ସେଠାକୁ ଯାଇ ତାଙ୍କୁ ଗିରଫ କରି ଆଣିଛି। ବୁଧବାର ତାଙ୍କୁ କୋର୍ଟ ଚାଲାଣ କରାଯାଇଛି । ପାରଳାଖେମୁଣ୍ଡିଠାରେ ବୁଧବାର ଏକ ଖବରଦାତା ସମ୍ମିଳନୀରେ ଏସ୍‌ଡିପିଓ ଠାକୁର ପ୍ରସାଦ ପାତ୍ର ଏହି ସୂଚନା ଦେଇଛନ୍ତି।
ଘଟଣାରୁ ପ୍ରକାଶ ଯେ, ଗତ ୨୦୧୫ ମସିହାରେ ଜଣେ ନାବାଳିକାଙ୍କ ସହ ରାଜୁ ଗୌଡ଼ ପ୍ରେମ ସମ୍ପର୍କ ସ୍ଥାପନ କରିଥିଲେ। ପରେ ସେ ତାଙ୍କ ସହ ଶାରିରୀକ ସମ୍ପର୍କ ରଖିଥିଲେ। ଫଳରେ ଉକ୍ତ ନାବାଳିକା ଗର୍ଭବତୀ ହୋଇଥିଲେ। ଏହା ଜାଣିବା ପରେ ରାଜୁ ତାଙ୍କୁ ମିଥ୍ୟା ପ୍ରତିଶ୍ରୁତି ଦେଇ ଗର୍ଭ ନଷ୍ଟ କରାଇଥିଲେ । ୪ମାସ ତଳେ ନାବାଳିକାଙ୍କୁ ନେଇ ହାଇଦ୍ରାବାଦ ପଳାଇଥିଲେ । ସେଠାରେ ଦୁହେଁ ପ୍ରାୟ ଦେଢମାସ ଏକାଠି ରହିଥିଲେ। ଗତ ଡିସେମ୍ବରରେ ନାବାଳିକାଙ୍କୁ ସାଥିରେ ଧରି ରାଜୁ ନିଜ ଗ୍ରାମକୁ ଫେରିଆସିଥିଲେ। କିନ୍ତୁ ତାଙ୍କ ପରିବାରବର୍ଗ ଏମାନଙ୍କୁ ସ୍ବୀକାର କରିନଥିଲେ । ପରେ ଦୁହେଁ ସ୍ଥାନୀୟ ୱାର୍ଡମେମ୍ବର ପ୍ରଫୁଲ୍ଲ ରାଉତଙ୍କୁ ସମସ୍ତ ଘଟଣା ଜଣାଇଥିଲେ । ଗ୍ରାମବାସୀଙ୍କ ସହ ୱାର୍ଡମେମ୍ବର ରାଉତ ବୈଠକ କରି ୨ଜଣ ଏକାଠି ହୋଇ ଗ୍ରାମରେ ରହିବାର ବ୍ୟବସ୍ଥା କରାଇଥିଲେ। ତେବେ ରାଜୁ ହଠାତ ଫେରାର ହୋଇଯାଇଥିଲେ। ଏପରିକି ସମ୍ପୃକ୍ତ ନାବାଳିକାଙ୍କ ସହ ଦୀର୍ଘଦିନ ଧରି କୌଣସି ଯୋଗାଯୋଗ ରଖିନଥିଲେ। ଏଥିଯୋଗୁ ନାବାଳିକା ଜଣକ ଅସହାୟ ହୋଇପଡିଥିଲେ। ସେ ୨୦୧୭ ଡିସେମ୍ବର ୧୯ରେ ରାୟଗଡ ଥାନାରେ ରାଜୁଙ୍କ ନାମରେ ବଳାତ୍କାର ଅଭିଯୋଗ କରିଥିଲେ। ଏ ସଂକ୍ରାନ୍ତରେ କେସ୍‌ ନଂ.୬୪/୧୭ ରୁଜୁ କରି ପୋଲିସ ଅନୁସନ୍ଧାନ ଜାରି ରଖିଥିଲା।

All Right Reserved By

Model This Week

ସୌମ୍ୟ

ରାୟଗଡା

ତୈଳ ଦର ବୃଦ୍ଧି ପ୍ରତିବାଦରେ ଧାରଣା ପାଇଁ ବିଜେଡିର ବୈଠକ

ତୈଳ ଦର ବୃଦ୍ଧି ପ୍ରତିବାଦରେ ଧାରଣା ପାଇଁ ବିଜେଡିର ବୈଠକ

ମାଲାକାନଗିରି,୨୭।୫(ସ୍ବ.ପ୍ର)- ପେଟ୍ରୋଲ ଓ ଡିଜେଲ ଦର ବୃଦ୍ଧି ପ୍ରତିବାଦରେ ମାଲକାନଗିରି ଜିଲା ବିଜେଡି ତରଫରୁ ବିଧାୟକ ମାନସ ମାଡକାମିଙ୍କ ବାସଭବନରେ ଏକ ବୈଠକ ଅନୁଷ୍ଠିତ ହୋଇଯାଇଛି। ତୈଳ ଦର ବୃଦ୍ଧି କରି କେନ୍ଦ୍ର ସରକାର ସାଧାରଣ ଜନତାଙ୍କ ସ୍ବାର୍ଥକୁ ବାରମ୍ବାର କୁଠାରଘାତ କରି ତୈଳ କମ୍ପାନୀକୁ ମୁନାଫା ଯୋଗାଇ ଚାଲିଛନ୍ତି। ଏହାର ପ୍ରତିବାଦରେ ମାଲାକାନଗିରି ଜିଲା ବିଜେଡି ପକ୍ଷରୁ ଜିଲାର ସମସ୍ତ ବ୍ଲକ କାର୍ଯ୍ୟାଳୟ ସମ୍ମୁଖରେ ମେ ୨୯ ଓ ୩୦ ତାରିଖରେ ଧାରଣା ଓ ବିକ୍ଷୋଭ ପ୍ରଦର୍ଶନ କରି ରାଷ୍ଟ୍ରପତିଙ୍କ ଉଦ୍ଦେଶ୍ୟରେ ବିଡିଓଙ୍କ ଜରିଆରେ ଦାବିପତ୍ର ପ୍ରଦାନ କରାଯିବାର କାର୍ଯ୍ୟକ୍ରମ ରହିଛ ।

ରାଜ୍ୟସ୍ତରୀୟ ଆଦିବାସୀ କ୍ରୀଡାରେ ଭାଗ ନେବେ ୬୬ ପ୍ରତିଯୋଗୀ

ମାଲକାନଗିରି, ୨୭।୫(ସ୍ବ.ପ୍ର)- ମେ ୩୦ରୁ ଜୁନ ୧ ପର୍ଯ୍ୟନ୍ତ କଟକ ଓ ଭୁବନେଶ୍ୱରର ୩ଟି ସ୍ଥାନରେ ହେବାକୁ ଥିବା ରାଜ୍ୟସ୍ତରୀୟ ଆଦିବାସୀ କ୍ରୀଡା ପ୍ରତିଯୋଗିତାରେ ମାଲକାନଗିରି ଜିଲାର ବିଭିନ୍ନ ବ୍ଲକରୁ ଚୟନ ହୋଇଥିବା ୬୬ ଜଣ ପ୍ରତିଯୋଗୀ ଭାଗ ନେବେ

୬ ଦିନରେ ଗ୍ରାମୀଣ ଡାକସେବକଙ୍କ ଧର୍ମଘଟ, ଡାକସେବା ବାଧାପ୍ରାପ୍ତ

୬ ଦିନରେ ଗ୍ରାମୀଣ ଡାକସେବକଙ୍କ ଧର୍ମଘଟ, ଡାକସେବା ବାଧାପ୍ରାପ୍ତ

ମାଲକାନଗିରି, ୨୭।୫(ସ୍ବ.ପ୍ର)- ଗ୍ରାମୀଣ ଡାକ ସେବକମାନେ ସପ୍ତମ ବେତନ କମିଶନ କମଲେଶ ଚନ୍ଦ୍ରା ରିପୋର୍ଟକୁ ତୁରନ୍ତ ଲାଗୁ କରିବା ଦାବିରେ ଅଖିଳ ଭାରତ ଗ୍ରାମୀଣ ଡାକ ସେବକ ସଂଘ ଡାକରାରେ ଗତ ୨୨ ତାରିଖରୁ ଆରମ୍ଭ ହୋଇଥିବା ଧର୍ମଘଟ ରବିବାର ଷଷ୍ଠ ଦିନରେ ପହଞ୍ଚିଛି। ଚିତ୍ରକୋଣ୍ଡା ଉପ ଡାକଘର ସମ୍ମୁଖରେ ଗ୍ରାମୀଣ ଡାକ ସେବକମାନେ ଧାରଣାରେ ବସିଥିବାର ଅଞ୍ଚଳରେ ଡାକସେବା ବାଧାପ୍ରାପ୍ତ ହୋଇପଡିଛି।

ଦେଢକୋଟି ଟଙ୍କାର ଗଞ୍ଜେଇ ଜବତ, ୨ ଗିରଫ

ଦେଢକୋଟି ଟଙ୍କାର ଗଞ୍ଜେଇ ଜବତ, ୨ ଗିରଫ

ମାଲକାନଗିରି, ୨୭।୫(ସ୍ବ.ପ୍ର)- ଏକ ଲୁଣ ବୋଝେଇ ଟ୍ରକରେ ମାଲକାନଗିରି ଜିଲାରୁ ମହାରାଷ୍ଟ୍ରର ନାସିକକୁ ଗଞ୍ଜେଇ ଚୋରା ଚାଲାଣ ହେଉଥିବା ବେଳେ ବାଲିମେଳା ଛକଠାରେ ଓର୍କେଲ ପୋଲିସ ଓ ନାର୍କୋଟିସ କଣ୍ଟ୍ରୋଲ ବୋର୍ଡ ମିଳିତ ଭାବେ ଚଢାଉ କରି ୧୫୯୮ କେଜି ଗଞ୍ଜେଇ ଜବତ କରିଛି। ଯାହାର ଆନୁମାନିକ ମୂଲ୍ୟ ପ୍ରାୟ ଦେଢ କୋଟି ଟଙ୍କା ହେବ ବୋଲି ଜଣାପଡିଛି।

ପାସେଞ୍ଜର ଟ୍ରେନରୁ ୧୫୦ କେଜି ଚନ୍ଦନ କାଠ ଜବତ

ପାସେଞ୍ଜର ଟ୍ରେନରୁ ୧୫୦ କେଜି ଚନ୍ଦନ କାଠ ଜବତ

ସେମିଳିଗୁଡା,୨୭।୫(ସ୍ବ.ପ୍ର): କୋରାପୁଟ ଜିଲା ନନ୍ଦପୁର ବ୍ଲକ ପାତୁଆ ରେଲ ଷ୍ଟେସନ ନିକଟରେ ବିଶାଖାପାଟଣାରୁ କେରେଣ୍ଡୁଳ ଅଭିମୁଖେ ଯାଉଥିବା ପାସେଞ୍ଜର ଟ୍ରେନରୁ ୧୫୦ କେଜି ଚନ୍ଦନ କାଠ ବନବିଭାଗ ଜବତ କରିଛି। କୋରାପୁଟ ଡିଏଫଓଙ୍କ ନିର୍ଦ୍ଦେଶ କ୍ରମେ ବାଲଡା ରେଞ୍ଜର ସିକୁନ ଗୁଣ୍ଠା ସଦଳବଳ ପାତୁଅ ରେଳ ଷ୍ଟେସନ ନିକଟରେ ପହଞ୍ଚିଥିଲେ। ପାସେଞ୍ଜର ଟ୍ରେନ ପହଞ୍ଚିବା ପରେ ତଲାସୀ କରିଥିଲେ। ମୋଟ ୯ଟି ପ୍ୟାକେଟରେ ୧୫୦ କେଜି ଚନ୍ଦନ କାଠ ଜବତ କରିଥିଲେ। ଚନ୍ଦନ କାଠ ମାଫିଆ ଧରା ପଡି ନଥିଲେ। ଏହି ଚନ୍ଦନ କାଠର ମୂଲ୍ୟ ୨ ଲକ୍ଷରୁ ଊର୍ଦ୍ଧ୍ୱ ହେବ ବୋଲି ଅନୁମାନ କରାଯାଉଛି।

ଅଗ୍ନି ଗଙ୍ଗମା’ଙ୍କ ଘଟଯାତ୍ରା

ଅଗ୍ନି ଗଙ୍ଗମା’ଙ୍କ ଘଟଯାତ୍ରା

ସେମିଳିଗୁଡା,୨୭।୫(ସ୍ବ.ପ୍ର)-କୋରାପୁଟ ଜିଲା ସେମିଳିଗୁଡାରେ ଅଗ୍ନି ଗଙ୍ଗା ମା’ଙ୍କ ଘଟଯାତ୍ରା ଆରମ୍ଭ ହୋଇଛି। ପାରମ୍ପାରିକ ରୀତିନୀତି ଅନୁସାରେ ଅଗ୍ନି ଗଙ୍ଗା ମା’ ପାଟିରେ କୁକୁଡା ଧରି ଓ ନିଆଁ ଉପରେ ଚାଲିଥିଲେ। ପରମ୍ପରା ଅନୁସାରେ ଦିନକ ପାଇଁ ମା’ଙ୍କ ଘଟ ସେମିଳିଗୁଡା ଥାନାରେ ରହିବ। ସେଠାରେ ମା’ ପୂଜା ପାଇବେ। ସେମିଳିଗୁଡା ଭାରପ୍ରାପ୍ତ ଥାନା ଅଧିକାରୀ ସମ୍ବିତ ବେହେରାଙ୍କ ସହ କର୍ମଚାରୀମାନେ ମା’ଙ୍କୁ ରାସ୍ତାରୁ ପାଛୋଟି ନେଇଥିଲେ। ଥାନାରେ ମା’ଙ୍କ ପାଇଁ ଅସ୍ଥାୟୀ କୁଟୀର କରାଯାଇଛି। ସେଠାରୁ ବାହାରି ପୁଣି ଗ୍ରାମ ପରିକ୍ରମା କରିବେ।

୩ ଲକ୍ଷ ୪ହଜାର ହେକ୍ଟର ଜମିରେ ହେବ ଖରିଫ ଚାଷ

୩ ଲକ୍ଷ ୪ହଜାର ହେକ୍ଟର ଜମିରେ ହେବ ଖରିଫ ଚାଷ

କୋରାପୁଟ,୨୭।୫(ସ୍ବ.ପ୍ର.): ଚଳିତ ଖରିଫଚାଷ ପାଇଁ କୋରାପୁଟ ଜିଲା ଷ୍ଟ୍ରାଟେଜି କମିଟିର ବୈଠକ ସ୍ଥାନୀୟ ସଦଭାବନା ସଭାଗୃହରେ ଅନୁଷ୍ଠିତ ହୋଇଛି। ଚଳିତ ଖରିଫ ଋତୁରେ କୋରାପୁଟ ଜିଲାର ୩ ଲକ୍ଷ ୪ ହଜାର ଜମିରେ ଚାଷ କରାଯିବା ନେଇ ନିଷ୍ପତି ହୋଇଥିବାବେଳେ ସେଥିରୁ ୮୪ ହଜାର ୧୫୦ ହେକ୍ଟର ଜମିରେ ଧାନ ଚାଷ କରାଯିବ। ୩୯ ହଜାର ୯୭୦ ହେକ୍ଟର ଜମିରେ ତୈଳବୀଜ ଚାଷ, ୨ହଜାର ହେକ୍ଟର ଜମିରେ ତନ୍ତୁଜାତୀୟ ଚାଷ, ୧୧ହଜାର ୬୦୦ ହେକ୍ଟର ଜମିରେ ପନିପରିବା, ୭ ହଜାର ହେକ୍ଟରରେ ମସଲା ଜାତୀୟ ଚାଷ, ୧୧୩୦ ହେକ୍ଟର ଜମିରେ ଲେମନ ଘାସ ଚାଷ ହେବ ବୋଲି ବୈଠକରେ ଜଣାପଡିଛି।

ବସ୍ତିବାସିନ୍ଦାଙ୍କୁ ଜମିପଟ୍ଟା ପାଇଁ ଡ୍ରୋନ୍‌ ସର୍ଭେ ଆରମ୍ଭ

ବସ୍ତିବାସିନ୍ଦାଙ୍କୁ ଜମିପଟ୍ଟା ପାଇଁ ଡ୍ରୋନ୍‌ ସର୍ଭେ ଆରମ୍ଭ

କୋଟପାଡ଼,୨୭।୫(ଡି.ଏନ.ଏ.): କୋଟପାଡ଼ ସହରାଞ୍ଚଳରେ ଡ୍ରୋନ୍‌ ମାଧ୍ୟମରେ ବସ୍ତି ଓ ସହରର ଜନସଂଖ୍ୟା ସର୍ଭେ କାର୍ଯ୍ୟ ଚାଲିଛି। ଜିଲାପାଳଙ୍କ ନିର୍ଦ୍ଦେଶ କ୍ରମେ କୋଟପାଡ଼ ଏନଏସି କାର୍ଯ୍ୟନିର୍ବାହୀ ଅଧିକାରୀ ଓ ତହସିଲଦାରଙ୍କ ଉପସ୍ଥିତିରେ ୧, ୨, ୩ ଓ ୪ନମ୍ବର ଓ୍ବାର୍ଡରେ ଏହି ସର୍ଭେ କରାଯାଇଛି। କୋଟପାଡ଼ ଏନଏସିରେ ଏକମାସ ଧରି ସର୍ଭେ ଏହି କାମ ଚାଲିବ ବୋଲି ଜଣାପଡ଼ିଛି।

ଗଳ୍ପ ସଂକଳନ ‘ସ୍ମୃତିରୁ ଖିଏ’ ଉନ୍ମୋଚିତ

ଗଳ୍ପ ସଂକଳନ ‘ସ୍ମୃତିରୁ ଖିଏ’ ଉନ୍ମୋଚିତ

କୁନ୍ଦୁରା,୨୭।୫ (ଡି.ଏନ୍‌.ଏ.): କୁନ୍ଦୁରା ସରସ୍ବତୀ ଶିଶୁ ବିଦ୍ୟାମନ୍ଦିରରେ କବୟିତ୍ରୀ ନମିତା ବେହେରାଙ୍କ ଗଳ୍ପ ସଂକଳନ ‘ସ୍ମୃତିରୁ ଖିଏ’ ଉନ୍ମୋଚିତ ହୋଇଛି। କବି ତଥା ଆଦିବାସୀ ଗବେଷଣା ମଞ୍ଚ ଆବାହକ ଡ. ରାଜେନ୍ଦ୍ର ପ୍ରସାଦ ପାଢ଼ୀଙ୍କ ସଭାପତିତ୍ୱରେ ମୁଖ୍ୟ ଅତିଥି ଭାବେ ସୁବାସ ଚନ୍ଦ୍ର ମିଶ୍ର, ମୁଖ୍ୟ ବକ୍ତା ଭାବେ ପ୍ରେମାନନ୍ଦ ଦାଶ, ସମ୍ମାନିତ ଅତିଥି ଭାବେ ତପନ କିରଣ ତ୍ରିପାଠୀ ଯୋଗ ଦେଇଥିଲେ।

ଅନନ୍ତ ବିଦ୍ୟାପୀଠରେ ‘ମୋ ସ୍କୁଲ ଅଭିଯାନ’

ଅନନ୍ତ ବିଦ୍ୟାପୀଠରେ ‘ମୋ ସ୍କୁଲ ଅଭିଯାନ’

କୁନ୍ଦୁରା,୨୭।୫ (ଡି.ଏନ୍‌.ଏ.): ଏକଦା କୁନ୍ଦୁରା ବ୍ଲକରେ ପ୍ରାୟ ୭୦ଭାଗ ଛାତ୍ରୀଛାତ୍ର ସ୍ଥାନୀୟ ମଧ୍ୟ ଇଂରାଜୀ ବିଦ୍ୟାଳୟର ସପ୍ତମ ଶ୍ରେଣୀ ପାଠ ସାରିବା ପରେ ଦୂରକୁ ଯାଇ ପାଠ ପଢ଼ିକୁ ମନ କରୁ ନ ଥିଲେ। ଧନିକ ଶ୍ରେଣୀର ପିଲା ପଡୋଶୀ ବ୍ଲକ କୋଟପାଡ କିମ୍ବା ଜୟପୁରରେ ଦଶମ ଶ୍ରେଣୀ ପର୍ଯ୍ୟନ୍ତ ପଢ଼ିବାକୁ ଇଚ୍ଛା କରୁଥିଲେ। ୧୯୯୧ରେ ସ୍ବର୍ଗତ ଅନନ୍ତ ଶତପଥୀଙ୍କ ନାମରେ କୁନ୍ଦୁରା ବ୍ଲକ ଡଙ୍ଗରପାଉଁସୀରେ ପ୍ରତିଷ୍ଠା ହେଲା ଅନନ୍ତ ବିଦ୍ୟାପୀଠ।

ପାପଡାହାଣ୍ଡି ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ରୋଗୀଙ୍କ ପାଇଁ ଦଦରା ବେଡ୍‌

ପାପଡାହାଣ୍ଡି ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ରୋଗୀଙ୍କ ପାଇଁ ଦଦରା ବେଡ୍‌

ନବରଙ୍ଗପୁର,୨୭।୫(ବି.ପ୍ର.)- ରୋଗୀଙ୍କୁ ମାଗଣା ସ୍ବାସ୍ଥ୍ୟ ସେବା ପାଇଁ ସରକାରଙ୍କ ପକ୍ଷରୁ ବ୍ୟାପକ ଅର୍ଥ ଖର୍ଚ୍ଚ କରାଯାଉଛି । ଭିତ୍ତି ଭୂମିର ବିକାଶ ଠାରୁ ମାଗଣା ନିଦାନ ସହ ନିରାୟମ ଯୋଜନାରେ ମାଗଣା ଔଷଧ ଯୋଗାଇ ଦିଆଯାଉଛି । କିନ୍ତୁ ରୋଗୀ ଶୋଇବା ପାଇଁ ଭଲ ବେଡ୍‌ ଖଣ୍ଡେ ମିଳୁ ନାହିଁ। ଭଙ୍ଗାଦଦରା ବେଡରେ ରୋଗୀମାନେ ଶୋଉଛନ୍ତି।

ମୋ ସ୍କୁଲ ଅଭିଯାନ ସଂକ୍ରାନ୍ତ ବୈଠକ

ମୋ ସ୍କୁଲ ଅଭିଯାନ ସଂକ୍ରାନ୍ତ ବୈଠକ

ଗୋଷାଣି,୨୭ ।୫(ଡି.ଏନ.ଏ.)- ଗଜପତି ଜିଲା ଗୋଷାଣି ବ୍ଲକସ୍ତରୀୟ ମୋ ସ୍କୁଲ ଅଭିଯାନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏଥିରେ ମୁଖ୍ୟ ଅତିଥି ଭାବେ ବିଡିଓ ଅଭିମନ୍ୟୁ ସାହୁ ଯୋଗଦେଇ ଏହି ଅଭିଯାନକୁ ସଫଳ କରିବା ପାଇଁ ସମସ୍ତଙ୍କ ସହଯୋଗ କାମନା କରିଥିଲେ।