ସମ୍ବଲପୁର

ଶିକ୍ଷା ବିଭାଗର ସମୀକ୍ଷା: କର୍ତ୍ତବ୍ୟରେ ଅବହେଳା ପାଇଁ କାର୍ଯ୍ୟାନୁଷ୍ଠାନ


ସୋନପୁର,୭।୨(ନି.ପ୍ର.)-କର୍ତ୍ତବ୍ୟରେ ଗୁରୁତର ଅବହେଳା ପ୍ରଦର୍ଶନ କରିଥିବା ଶିକ୍ଷା ବିଭାଗର ୧୦ କର୍ମଚାରୀଙ୍କ ବିରୋଧରେ ସୁବର୍ଣ୍ଣପୁର ଜିଲାପାଳ ଦାଶରଥି ଶତପଥୀ କଠୋର ପଦକ୍ଷେପ ନେଇଛନ୍ତି। ଜଣେ ବିଇଓଙ୍କ ସମେତ ଶିକ୍ଷା ବିଭାଗର ୧୦ କର୍ମଚାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ ପାଇଁ ମଙ୍ଗଳବାର ନିର୍ଦ୍ଦେଶ ଦେଇଛନ୍ତି। ତରଭା ବିଇଓ କେଶବ ମେହେରଙ୍କ ବିରୋଧରେ ଜିଲାପାଳଙ୍କ ନିର୍ଦ୍ଦେଶକ୍ରମେ ଡ୍ରାଫ୍ଟ ପ୍ରୋସିଡିଂ ହୋଇଛି। କାର୍ଯ୍ୟାନୁଷ୍ଠାନ ଗ୍ରହଣ ପାଇଁ ଜିଲାପାଳ ଶତପଥୀ ବିଦ୍ୟାଳୟ ଓ ଗଣଶିକ୍ଷା ବିଭାଗକୁ ସୁପାରିଶ କରିଛନ୍ତି। ତରଭା ବ୍ଲକ ସିଂଘାରୀ କ୍ଲଷ୍ଟରର ସିଆରସିସି ସୁରେନ୍ଦ୍ର କୁମାର ସୁନା ଓ ପୁଟୁକିପାଲି ପ୍ରାଥମିକ ବିଦ୍ୟାଳୟର ସହକାରୀ ଶିକ୍ଷକ ସୁରେଶ ଚନ୍ଦ୍ର ବାଗଙ୍କୁ ଡିଇଓ ପୁଷ୍ପା ମିଞ୍ଜ ମଙ୍ଗଳବାର ନିଲମ୍ବନ କରିଛନ୍ତି। ପୁଟୁକିପାଲି ପ୍ରାଥମିକ ବିଦ୍ୟାଳୟର କନିଷ୍ଠ ଶିକ୍ଷକ ସତ୍ୟବ୍ରତ ଦାଶଙ୍କୁ ସର୍ବ ଶିକ୍ଷା ଅଭିଯାନର ପ୍ରକଳ୍ପ ସଂଯୋଜକ କାର୍ଯ୍ୟରୁ ଅନ୍ତର କରିବେ। ପୁଟୁକିପାଲି ବିଦ୍ୟାଳୟର ଶିକ୍ଷକ ସୁରେଶ ଓ ସତ୍ୟବ୍ରତ ଦୁହେଁ ବିଦ୍ୟାଳୟରେ ପାଠ ପଢାଉ ନଥିଲେ। ଅନ୍ୟ ୨ ଜଣ ପ୍ରୋକ୍ସି ଶିକ୍ଷକ ପାଠ ପଢାଉ ଥିବା ତରଭା ବିଡିଓ ପ୍ରସନ୍ନ କୁମାର ପାଣ୍ଡେ ଜିଲାପାଳଙ୍କ ନିକଟରେ ପୂର୍ବରୁ ଅଭିଯୋଗ କରିଥିଲେ। ସ୍ଥାନୀୟ ସିଆରସିସି ସୁନା ଓ ବିଇଓ ମେହେର ଏ ସମ୍ପର୍କରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରି ନ ଥିବା ଅଭିଯୋଗ ରହିଛି। ବିନିକା ବ୍ଲକ ନାଗପାଲି ପ୍ରାଥମିକ ବିଦ୍ୟାଳୟର ସହକାରୀ ଶିକ୍ଷକ ବୀରେନ୍ଦ୍ର କୁମାର ପୂଜାହାରୀ ଓ ସେଲେଡି କ୍ଲଷ୍ଟରର ସିଆରସିସି ଗଙ୍ଗାଧର ଦାଶଙ୍କୁ ମଧ୍ୟ ଡିଇଓ ମିଞ୍ଜ ନିଲମ୍ବନ କରିଛନ୍ତି। ଅତିରିକ୍ତ ବ୍ଲକ ଶିକ୍ଷା ଅଧିକାରୀ ବସନ୍ତ ଭୋଇଙ୍କୁ ନିଲମ୍ବନ ପାଇଁ ଜିଲାପାଳ ରାଜ୍ୟ ସରକାରଙ୍କୁ ସୁପାରିଶ କରିଛନ୍ତି। ନାଗପାଲି ବିଦ୍ୟାଳୟରେ ଉପସ୍ଥାନ ଥିବା ଛାତ୍ରୀଛାତ୍ରଙ୍କଠାରୁ ଢେର ଅଧିକ ଦର୍ଶାଇ ମଧ୍ୟାହ୍ନ ଭୋଜନ ଅର୍ଥକୁ ହଡ଼ପ କରାଯାଉଥିଲା। ସୁବର୍ଣ୍ଣପୁର ଜିଲା ଦାୟିତ୍ୱରେ ଥିବା ନୋଡାଲ ଅଧିକାରୀ ତଥା ହସ୍ତତନ୍ତ ଓ ବୟନ ଶିଳ୍ପ ସଚିବ ଶୋଭା ଶର୍ମା ଗତ ଶନିବାର କ୍ଷେତ୍ର ପରିଦର୍ଶନ ସମୟରେ ଏହା ତାଙ୍କ ଦୃଷ୍ଟିକୁ ଆସିଥିଲା। ସିଆରସିସି ଓ ବିନିକା ଏବିଇଓ ନିଜ ଦାୟିତ୍ୱ ନିର୍ବାହରେ ଅବହେଳା ପ୍ରଦର୍ଶନ କରିଥିଲେ। ଏବିଇଓ ଭୋଇ ସଚିବଙ୍କ ବିଦ୍ୟାଳୟ ପରିଦର୍ଶନ ସମୟରେ ଅନୁପସ୍ଥିତ ମଧ୍ୟ ଥିଲେ।
ସେହିପରି ସର୍ବଶିକ୍ଷା ଅଭିଯାନର ବାଳିକା ସଂଯୋଜକ ମାନସ ରଞ୍ଜନ ସେଠ୍‌, ପେଡାଗୋଜି ସଂଯୋଜକ ଅକ୍ଷୟ କୁମାର ସାହୁ ଓ ଆର୍ଥତ୍କ ପରାମର୍ଶଦାତା ସନ୍ତୋଷ କୁମାର ଜେନାଙ୍କୁ କାର୍ଯ୍ୟରୁ ଅନ୍ତର ପାଇଁ ଜିଲାପାଳ ନିର୍ଦ୍ଦେଶ ଦେଇଛନ୍ତି। ବାଳିକା ସଂଯୋଜକ ସେଠ୍‌ କସ୍ତୁରବା ଗାନ୍ଧୀ ବାଳିକା ବିଦ୍ୟାଳୟ(କେଜିଭିବି)କୁ ନିୟମିତ ପରିଦର୍ଶନ କରୁ ନ ଥିଲେ। ସେହିପରି ପେଡାଗୋଜି ସଂଯୋଜକ ସାହୁଙ୍କ ଜିଲାରେ ସିଆରସିସି ନିଯୁକ୍ତି ପରିଚାଳନାରେ ବିଫଳତା, ୟୁସି ପ୍ରଦାନ ନ କରିବା ଓ ଆର୍ଥତ୍କ ପରାମର୍ଶଦାତା ଜେନାଙ୍କ ନାମରେ ସର୍ବଶିକ୍ଷାର କୋଟି କୋଟି ଟଙ୍କା ଏକ ପ୍ରାଇଭେଟ୍‌ ବ୍ୟାଙ୍କରେ ରଖିବା ଭଳି ଅଭିଯୋଗ ରହିଛି। ଜିଲାପାଳ ମଙ୍ଗଳବାର ସଭାଗୃହରେ ଶିକ୍ଷା ବିଭାଗର ସମୀକ୍ଷା କରିବା ସମୟରେ ଏହି ନିର୍ଦ୍ଦେଶ ଦେଇଥିଲେ। ବିଦ୍ୟାଳୟଗୁଡିକରେ ଶୈକ୍ଷିକ ବାତାବରଣ ସୃଷ୍ଟି କରିବା, ଗୁଣାତ୍ମକ ଶିକ୍ଷା ପ୍ରଦାନ, ଅନୁସୂଚିତ ଜାତି ଓ ଜନଜାତି ଉନ୍ନୟନ ବିଭାଗ ଦ୍ୱାରା ପରିଚାଳିତ ବିଦ୍ୟାଳୟ ଗୁଡିକର ଭିତ୍ତିଭୂମି ନିର୍ମାଣ ସମ୍ପର୍କରେ ଆଲୋଚନା କରିଥିଲେ। ବୈଠକରେ ଜିଲା ଶିକ୍ଷା ଅଧିକାରୀ ପୁଷ୍ପା ମିଞ୍ଜ, ଜିଲା ମଙ୍ଗଳ ଅଧିକାରୀ ଚାରୁଲତା ମଲ୍ଳିକ, ଡିପିସି ବେଣୁଧର ବେହେରା ସମସ୍ତ ବ୍ଲକର ବିଇଓ, ଏବିଇଓ, ସିଆରସିସି ଓ ଆଶ୍ରମ ସ୍କୁଲର ପ୍ରଧାନଶିକ୍ଷକମାନେ ଯୋଗ ଦେଇଥିଲେ।

All Right Reserved By

Model This Week

ସନ୍ତୋଷ

ସମ୍ବଲପୁର

ବାଇକ ସହ ଗଞ୍ଜେଇ ଜବତ, ୨ଗିରଫ

ବାଇକ ସହ ଗଞ୍ଜେଇ ଜବତ, ୨ଗିରଫ

ଉଲୁଣ୍ଡା,୨୬ା୫(ଡି.ଏନ.ଏ.) ସୁବର୍ଣ୍ଣପୁର ଜିଲା ଉଲୁଣ୍ଡା ପୋଲିସ ଗଞ୍ଜେଇ ଚୋରାଚାଲାଣ କରୁଥିବା ଅଭିଯୋଗରେ ଶନିବାର ୨ଜଣଙ୍କୁ କୋର୍ଟଚାଲାଣ କରିଛି। ଅଭିଯୁକ୍ତମାନେ ହେଲେ ସମ୍ବଲପୁର ମାରୱାଡି ଦଲେଇପଡାର ଅଶୋକ ୟାଦବ ଏବଂ କାମଦେବ ସାହା(୨୧)।

ଶତ୍ସ୍ୟବୀମାରୁ ବାଦ୍‌, ଆର୍‌ଆଇ ଅଫିସ ସମ୍ମୁଖରେ ଧାରଣା

ଶତ୍ସ୍ୟବୀମାରୁ ବାଦ୍‌, ଆର୍‌ଆଇ ଅଫିସ ସମ୍ମୁଖରେ ଧାରଣା

ଅତାବିରା, ୨୬।୫ (ଡି.ଏନ.ଏ) ଗତ ଖରିଫ ଋତୁରେ କ୍ଷୟକ୍ଷତି ହୋଇଥିବା ଫସଲ ଉପରେ ଭେଡେନ ତହସିଲ ତଥା ବ୍ଲକର ସମସ୍ତ ପଞ୍ଚାୟତ ଫସଲ ବୀମା ଅନ୍ତର୍ଭୁକ୍ତ ହୋଇଥିବା ବେଳେ ଡାଳବ ପଞ୍ଚାୟତକୁ ଫସଲ ବୀମାରୁ ବଞ୍ଚତ୍ତ କରାଯାଇଛି ।

ବିଶ୍ୱନାଥପୁରରେ ପାଇକ ବିଦ୍ରୋହ ସ୍ମୃତିଚାରଣ ମହୋତ୍ସବ

ବିଶ୍ୱନାଥପୁରରେ ପାଇକ ବିଦ୍ରୋହ ସ୍ମୃତିଚାରଣ ମହୋତ୍ସବ

ଲାଞ୍ଜିଗଡ଼,୨୬।୫(ଡି.ଏନ.ଏ.)- ବୀର ରକ୍ତର ଶୋଧନରେ ଏ ମାଟି ପବିତ୍ର ହୋଇଉଠିଛି । ବୀର ପ୍ରସବିନୀ ଏହି ମାଟିର ଇତିହାସ ସୃଷ୍ଟି କରିବାରେ ଓଡ଼ିଆ ବୀର ପାଇକଙ୍କ ଅବଦାନ ଅତୁଳନୀୟ । ଏ ଜାତିର ତ୍ୟାଗ ଓ ବଳିଦାନ ଉପରେ ଆଜି ସୁରକ୍ଷିତ ଭାବେ ଦଣ୍ଡାୟମାନ ହୋଇଛି ଅନେକ ଐତିହ୍ୟ ଓ କୀର୍ତ୍ତିରାଜି। ଇତିହାସ ପ୍ରସିଦ୍ଧ କଳାହାଣ୍ଡିର ଗୌରବର ଗାଥା ପାଇକ ଜାତିର ରକ୍ତରେ ଲେଖାଯାଇଛି ବୋଲି ଶନିବାର କଳାହାଣ୍ଡି ଜିଲା ବିଶ୍ୱନାଥପୁରଠାରେ ଅନୁଷ୍ଠିତ ପାଇକ ବିଦ୍ରୋହ ସ୍ମୃତିଚାରଣ ମହୋତ୍ସବରେ ଅତିଥିମାନେ ମତ ପ୍ରକାଶ କରିଛନ୍ତି। ବିଶ୍ୱନାଥପୁରସ୍ଥିତ ମା’ ହୀରାନୀଳା ସାଂସ୍କୃତିକ ଅନୁଷ୍ଠାନ ଦ୍ୱାରା କଲେଜଛକ ନିକଟସ୍ଥ ଆମ୍ବତୋଟାଠାରେ ଆୟୋଜିତ ସମାରୋହରେ କଳାହାଣ୍ଡି, ରାୟଗଡ଼ା, ନୂଆପଡ଼ା, ବଲାଙ୍ଗୀର, ନବରଙ୍ଗପୁର, କନ୍ଧମାଳ ଜିଲାରୁ ଶତାଧିକ ଜନସାଧାରଣଙ୍କ ସମାଗମ ହୋଇଥିଲା ।

ବାତେଲିମାରେ ଗୌରବ ଯାତ୍ରା ଓ ସ୍ବଚ୍ଛତା ଉତ୍ସବ

ବାତେଲିମାରେ ଗୌରବ ଯାତ୍ରା ଓ ସ୍ବଚ୍ଛତା ଉତ୍ସବ

ଲାଞ୍ଜିଗଡ଼,୨୬।୫(ଡି.ଏନ.ଏ.)- ଗ୍ରାମୀଣ ସ୍ବଚ୍ଛ ଭାରତ ମିଶନରେ ସମ୍ପୂର୍ଣ୍ଣ ସ୍ବଚ୍ଛତା ସହିତ ଖୋଲା ମଳମୁକ୍ତ ଗ୍ରାମ ଭାବେ ଘୋଷଣା ପାଇଁ ଶନିବାର କଳାହାଣ୍ଡି ଜିଲା ଲାଞ୍ଜିଗଡ ବ୍ଲକ ବାତେଲିମାଠାରେ ଗୌରବ ଯାତ୍ରା ଓ ସ୍ବଚ୍ଛତା ଉତ୍ସବ ପାଳିତ ହୋଇଯାଇଛି । ଜିଲା ପ୍ରଶାସନ ଓ ଜିଲା ଗ୍ରାମ ଓ ପରିମଳ ମିଶନ ମିଳିତ ଆନୁକୂଲ୍ୟରେ ଆୟୋଜିତ ଉତ୍ସବରେ ମୁଖ୍ୟଅତିଥି ଭାବେ କଳାହାଣ୍ଡି ଜିଲା ଯୋଜନା ବୋର୍ଡ ଅଧ୍ୟକ୍ଷ ତଥା ଲାଞ୍ଜିଗଡ଼ ବିଧାୟକ ବଳଭଦ୍ର ମାଝି, ସମ୍ମାନିତ ଅତିଥି ଭାବେ ଜିଲା ଗ୍ରାମ୍ୟ ଉନ୍ନୟନ ସଂସ୍ଥା ପ୍ରକଳ୍ପ ନିର୍ଦ୍ଦେଶକ ପ୍ରସନ୍ନ ଷଡଙ୍ଗୀ, ଜିଲା ଜଳ ଓ ପରିମଳ ମିଶନ ନିର୍ବାହୀ ଯନ୍ତ୍ରୀ ଅଜୟ ବେହେରା, ବେଦାନ୍ତ ଲିମିଟେଡ ଅର୍ଥ ବିଭାଗ ମୁଖ୍ୟ ଜଳଜ ମାଲପାଣି, ସିଏସ୍‌ଆର୍‌ ମୁଖ୍ୟ ହରମିତ ସେହରା, ଲାଞ୍ଜିଗଡ ବ୍ଲକ ଅଧ୍ୟକ୍ଷ ଇଂ. ଫକୀର ମୋହନ ମାଝି, ବ୍ଲକ ଉପାଧ୍ୟକ୍ଷା ତୁଳସୀ ନାଏକ, ବିଡିଓ ବାସୁଦେବ ନାୟକ, ଏବିଡିଓ ବିଭୁତିଭୂଷଣ ଶତପଥୀ, ତହସିଲଦାର ସରୋଜ ପଟ୍ଟନାୟକ, ସିଡିପିଓ କୁସୁମ ମଞ୍ଜରୀ ପ୍ରହରାଜ, ବ୍ଲକ ଯୋଗାଣ ଅଧିକାରୀ ଶିବ ପ୍ରସାଦ ମହାନ୍ତି, ବ୍ଲକ ଜୀବିକା ମିଶନ ସଂଯୋଜକ ଜଳନ୍ଧର ତାଣ୍ଡି, ଆର୍‌ଡବ୍ଲ୍ୟୁଏସ୍‌ଏସ୍‌ କନିଷ୍ଠ ଯନ୍ତ୍ରୀ ଯଶମତ ମାଝି, ବେଦାନ୍ତ ଲୋକ ସମ୍ପର୍କ ବିଭାଗ ମୁଖ୍ୟ ଶିବାନନ୍ଦ ମହାନ୍ତିଙ୍କ ସମେତ ଜିଲା ଓ ବ୍ଲକସ୍ତରୀୟ ବିଭିନ୍ନ ବିଭାଗ ଅଧିକାରୀମାନେ ଯୋଗଦେଇଥିଲେ।

ଗ୍ରାମୀଣ ଡାକ ସେବକମାନଙ୍କ ଧର୍ମଘଟ ଜାରି

ଗ୍ରାମୀଣ ଡାକ ସେବକମାନଙ୍କ ଧର୍ମଘଟ ଜାରି

କୋକସରା,୨୬।୫(ଡି.ଏନ୍‌.ଏ.)- ଗତ ୨୨ତାରିଖଠାରୁ ଆରମ୍ଭ ହୋଇଥିବା ଡାକ ବିଭାଗ କର୍ମଚାରୀଙ୍କ ଧର୍ମଘଟ ଶନିବାର ଚତୁର୍ଥ ଦିବସରେ ପହଞ୍ଚତ୍ଛି। କମଲେଶ ଚନ୍ଦ୍ରା କମିଶନଙ୍କ ରିପୋର୍ଟକୁ କାର୍ଯ୍ୟକାରୀ କରିବା ଦାବି ନେଇ ଡାକ ସଂଘ କର୍ମଚାରୀ ଧର୍ମଘଟ ଜାରି ରଖିଛି। ଦାବିଗୁଡିକ ତଦନ୍ତ କରି ଆବଶ୍ୟକ ପଦକ୍ଷେପ ଗ୍ରହଣ ନ କଲେ ଆମାଗୀ ଦିନରେ ରାଜ୍ୟସାରା ଅର୍ଥନୈତିକ ଅବରୋଧ କରାଯିବ ବୋଲି କୋକସରା ଡାକ ବିଭାଗ କର୍ମଚାରୀ ନେତା ଜିତେନ୍ଦ୍ର ପଟ୍ଟନାୟକ କହିଛନ୍ତି।

ବରିଷ୍ଠ ନାଗରିକଙ୍କୁ ଅଣଦେଖା କରୁଛନ୍ତି ସରକାର

ବରିଷ୍ଠ ନାଗରିକଙ୍କୁ ଅଣଦେଖା କରୁଛନ୍ତି ସରକାର

ବରଗଡ଼ ଅଫିସ୍‌,୨୬।୫- ବରିଷ୍ଠ ନାଗରିକଙ୍କ ପାଇଁ ସରକାରୀସ୍ତରରେ ବହୁବିଧ ଯୋଜନା ରହିଛି। ମାତ୍ର ସରକାରୀକଳର ଇଚ୍ଛାଶକ୍ତି ଅଭାବରୁ ସେହି ଯୋଜନାଗୁଡ଼ିକ ନାଲିଫିତାତଳେ ରହିଯାଇଛି। ଅନ୍ୟପଟେ ବରିଷ୍ଠ ନାଗରିକମାନେ ନାନା ଅସୁବିଧାର ସମ୍ମୁଖୀନ ହେଉଛନ୍ତି। ବରଗଡ଼ ପୁରୋହିତ ଭବନରେ ଶନିବାର ପୂର୍ବାହ୍ନରେ ଅନୁଷ୍ଠିତ ଏକ ଖବରଦାତା ସମ୍ମିଳନୀରେ ଜିଲା ବରିଷ୍ଠ ନାଗରିକ ସଂଘ ଏଭଳି ଅଭିଯୋଗ କରି ଉଦବେଗ ପ୍ରକାଶ କରିଛି। ଖବରଦାତା ସମ୍ମିଳନୀରେ ଜିଲା ବରିଷ୍ଠ ନାଗରିକ ସଂଘ ସଭାପତି ଦିବ୍ୟକିଶୋର ଆଚାର୍ଯ୍ୟ ସୂଚନା ଦେଇ କହିଥିଲେ, ୨୦୧୧ ଜଣଗଣନା ଅନୁସାରେ ରାଜ୍ୟରେ ୩୯ଲକ୍ଷ ୮୪ହଜାର ୪୪୮ ଜଣ ବରିଷ୍ଠ ନାଗରିକ ଅଛନ୍ତି।

ରାଜପଥରେ ଅଘଟଣ: ରାସ୍ତା କଡ଼ରେ ଶୋଇଥିବା ୩ ଜଣଙ୍କ ଉପରେ ମାଡିଗଲା ଟ୍ରକ୍‌

ରାଜପଥରେ ଅଘଟଣ: ରାସ୍ତା କଡ଼ରେ ଶୋଇଥିବା ୩ ଜଣଙ୍କ ଉପରେ ମାଡିଗଲା ଟ୍ରକ୍‌

କୁତ୍ରା,୨୬।୫(ଡି.ଏନ୍‌.ଏ.)- ସୁନ୍ଦରଗଡ଼ ଜିଲା ୧୦ ନମ୍ବର ରାଜ୍ୟ ରାଜପଥ କୁତ୍ରାଠାରେ ଶୁକ୍ରବାର ବିଳମ୍ବିତ ରାତିରେ ଏକ ଅଘଟଣ ଘଟିଛି। ରାସ୍ତା କଡରେ ଶୋଇଥିବା ୩ଜଣଙ୍କ ଉପରେ ଏକ ଟ୍ରକ ମାଡି ଯିବାରୁ ସେମାନଙ୍କର ମୃତ୍ୟୁ ଘଟିଛି। ସେମାନେ ହେଲେ ଉଦଳ ସୋନକର(୨୧), ଜିଲେଦାର ସୋନକର(୩୦) ଏବଂ ଧର୍ମେନ୍ଦ୍ର। ମିଳିଥିବା ସୂଚନା ମୁତାବକ, ଶୁକ୍ରବାର ରାତି ପ୍ରାୟ ୨ଟା ବେଳେ ରାଉରକେଲାରୁ ଏକ ଟ୍ରକ(ନଂ.ଓଡି ୧୪ ଡି-୩୮୦୯) ପାଣି ବୋତଲ ସହ ଥଣ୍ଡାପାନୀୟ ଧରି ବଲାଙ୍ଗୀର ଯାଉଥିଲା।

ଜିଲାପାଳଙ୍କ ଅଫିସ ଆଗରେ କଂଗ୍ରେସର ଧାରଣା

ଜିଲାପାଳଙ୍କ ଅଫିସ ଆଗରେ କଂଗ୍ରେସର ଧାରଣା

ବରଗଡ଼ ଅଫିସ୍‌,୨୬।୫- କେନ୍ଦ୍ରର ମୋଦି ସରକାର ଗତ ୨୦୧୪ ସାଧାରଣ ନିର୍ବାଚନ ପୂର୍ବରୁ ନିର୍ବାଚନୀ ଇସ୍ତାହାରରେ ଦେଇଥିବା ପ୍ରତିଶ୍ରୁତି ଏ ପର୍ଯ୍ୟନ୍ତ ପାଳନ କରିପାରି ନାହିଁ। ଏହି ସରକାର କୃଷିଜାତ ଦ୍ରବ୍ୟର ସହାୟକ ମୂଲ୍ୟ ଦେଢ଼ଗୁଣା କରିବାର ପ୍ରତିଶ୍ରୁତି ଦେଇଥିଲା । ମାତ୍ର ତାହା ପାଣିର ଗାର ପାଲଟି ଯାଇଛି। ଅନ୍ୟପଟେ ମୋଦି ସରକାରଙ୍କ ଶାସନରେ ପେଟ୍ରୋଲ ଦରବୃଦ୍ଧି ସବୁ ରେକର୍ଡ଼ ଟପି ଗଲାଣି। ଏନେଇ ଜନସାଧାରଣ ଅସ୍ତବ୍ୟସ୍ତ ହୋଇ ପଡ଼ିଲେଣି। ସେହିପରି ମୋଦି ସରକାରଙ୍କ ବିମୁଦ୍ରୀକରଣ ଯୋଗୁ ଲୋକଙ୍କ ଦୁର୍ଦ୍ଦଶା ଏ ଯାଏ ଥମି ନାହିଁ।

ଆମ ଗାଁ ବିକାଶରେ ୬ କୋଟି ଟଙ୍କା ମଞ୍ଜୁର

ଆମ ଗାଁ ବିକାଶରେ ୬ କୋଟି ଟଙ୍କା ମଞ୍ଜୁର

ଟିଟିଲାଗଡ଼,୨୬।୫ (ଡି.ଏନ.ଏ.)- ବଲାଙ୍ଗୀର ଜିଲା ଟିଟିଲାଗଡ଼ ବ୍ଲକରେ ଆମ ଗାଁ ଆମ ବିକାଶ ଯୋଜନାରେ ୬ କୋଟି ଟଙ୍କା ମଞ୍ଜୁର ହୋଇଛି। ଏନେଇ ଖୋଲାନଠାରେ ଅନୁଷ୍ଠିତ କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭିଡିଓ କନଫରେସିଂ ଜରିଆରେ ୨୪ଟି ପଞ୍ଚାୟତରେ ଉନ୍ନୟନମୂଳକ କାର୍ଯ୍ୟ ପାଇଁ ସମୁଦାୟ ୨୩୧ଟି ପ୍ରକଲ୍ପ ପାଇଁ ୬ କୋଟି ଟଙ୍କା ମଞ୍ଜୁର ଘୋଷଣା କରିଥିଲେ। କାର୍ଯ୍ୟକ୍ରମରେ ଟିଟିଲାଗଡ଼ ବିଧାୟିକା ଟୁକୁନୀ ସାହୁ, ବଲାଙ୍ଗୀର ଏଡିଏମ୍‌ ଲକ୍ଷ୍ମୀକାନ୍ତ ପ୍ୟାରେଲାଲ, ଗ୍ରାମ୍ୟ ଉନ୍ନୟନ ସଂସ୍ଥା ପ୍ରକଲ୍ପ ନିର୍ଦ୍ଦେଶକ ମହେଶ୍ୱର ସ୍ବାଇଁ, ବିଡିଓ ମୋହନ ସାହୁ, ପଞ୍ଚାୟତ ସମିତି ଅଧ୍ୟକ୍ଷା ରମାକାନ୍ତି ପୁଟେଲ, ଉପାଧ୍ୟକ୍ଷା ଭୋଦର ମାଝି ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମ ସଞ୍ଚାଳନ କରିଥିଲେ।

୩ ଗ୍ରାମରେ ପାନୀୟ ଜଳ ସମସ୍ୟା ଉତ୍କଟ

୩ ଗ୍ରାମରେ ପାନୀୟ ଜଳ ସମସ୍ୟା ଉତ୍କଟ

ଅତାବିରା,୨୬।୫ (ଡି.ଏନ.ଏ)- ଅତାବିରା ବ୍ଲକ ଅଧୀନ ବୁଗବୁଗା ପଞ୍ଚାୟତର ପାଲିବୁଗବୁଗା, ବୁଗବୁଗା ଓ ଗମ୍ଭାଟିକ୍ରା ଗ୍ରାମକୁ ବିଶୁଦ୍ଧ ପାନୀୟ ଜଳଯୋଗାଣ ଅପହଞ୍ଚ ହୋଇପଡିଛି। ଏହି ତିନିଟି ଗ୍ରାମ ପାଇଁ ଲକ୍ଷାଧିକ ଟଙ୍କା ଅନୁଦାନରେ ଝାଉଁଯୋରରେ ପାନୀୟ ଜଳ ପ୍ରକଳ୍ପ ଖୋଳାଯାଇଥିଲା। କିନ୍ତୁ ଏହି ପ୍ରକଳ୍ପର ଉଚ୍ଚଶକ୍ତି ସମ୍ପନ୍ନ ପାଣି ପମ୍ପକୁ କେତେକ ବିଭାଗୀୟ କର୍ମଚାରୀ ଅତାବିରା ପମ୍ପ ହାଉସକୁ ନେଇଯାଇ ଏଠାରେ ଅନ୍ୟ ଏକ ମୋଟର ଲଗାଇଦେଲେ। ସେହି ଦିନଠାରୁ ଗମ୍ଭାଟିକ୍ରାକୁ ପାଇପ ଜଳଯୋଗାଣ ବନ୍ଦ ହୋଇଯାଇଥିଲା।

ଧନ୍ଦାମୂଳକ ଶିକ୍ଷା ତାଲିମ ଶିବିର ଉଦ୍‌ଘାଟିତ

ଧନ୍ଦାମୂଳକ ଶିକ୍ଷା ତାଲିମ ଶିବିର ଉଦ୍‌ଘାଟିତ

ସୋନପୁର,୨୬।୫(ନି.ପ୍ର.)- ସୁବର୍ଣ୍ଣପୁର ଜିଲାର ୩ଟି ଶିଶୁ ଗୃହ ଅନୁଷ୍ଠାନରେ ରହୁଥିବା ଅବହେଳିତ କିଶୋରୀ କିଶୋରମାନଙ୍କ ପାଇଁ ୭ ଦିନିଆ ଆବାସିକ ଧନ୍ଦାମୂଳକ ଶିକ୍ଷା ତାଲିମ କାର୍ଯ୍ୟକ୍ରମ ଉଦ୍‌ଘାଟିତ ହୋଇଯାଇଛି। ଜିଲାର ୩୦ଜଣ ଅବହେଳିତ ଛାତ୍ରୀଛାତ୍ର ଏଠାରେ ରହି ବିଭିନ୍ନ ପ୍ରକାରର ତାଲିମ ନେବେ। ଜିଲାପାଳ ଦାଶରଥି ଶତପଥୀ ମୁଖ୍ୟଅତିଥି ଭାବେ ଯୋଗଦେଇ ଶିବିରକୁ ଉଦ୍‌ଘାଟନ କରିଥିଲେ। ଗ୍ରୀଷ୍ମକାଳୀନ ଛୁଟି ସମୟରେ ଏହି ଅସହାୟ ଛାତ୍ରୀଛାତ୍ରମାନେ ଏଠାରେ ରହି ଏକ ନୂଆ ଅନୁଭୁତି ପାଇବେ।

ପୂର୍ବଶତ୍ରୁତାକୁ କେନ୍ଦ୍ରକରି ବୃଦ୍ଧଙ୍କୁ ଟାଙ୍ଗିଆରେ ଆକ୍ରମଣ

ପୂର୍ବଶତ୍ରୁତାକୁ କେନ୍ଦ୍ରକରି ବୃଦ୍ଧଙ୍କୁ ଟାଙ୍ଗିଆରେ ଆକ୍ରମଣ

ଜୁନାଗଡ଼,୨୬।୫(ଡି.ଏନ.ଏ.)- କଳାହାଣ୍ଡି ଜିଲା ଜୁନାଗଡ ଥାନା ଚିଲଗୁଡା ଫାଣ୍ଡି ଅଧୀନ ଗୌଡଛେଣ୍ଡିଆ ଗ୍ରାମରେ ପୂର୍ବଶତ୍ରୁତାକୁ କେନ୍ଦ୍ର କରି ଲଳିତ ସୁନାନୀ (୭୦) ନାମକ ଜଣେ ବୃଦ୍ଧଙ୍କୁ ସେହି ଗ୍ରାମର ଜୟଧର ସୁନାନୀ ଟାଙ୍ଗିଆରେ ଆକ୍ରମଣ କରିଛନ୍ତି। ଗୁରୁତର ଅବସ୍ଥାରେ ଲଳିତଙ୍କୁ ଉଦ୍ଧାର କରି ପରିବାର ଲୋକେ ପ୍ରଥମେ ଜୁନାଗଡ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ନେଇଥିଲେ। ଲଳିତଙ୍କ ଅବସ୍ଥା ଗୁରୁତର ଥିବାରୁ ତାଙ୍କୁ ଭବାନୀପାଟଣା ଜିଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଛି।