ମେଟ୍ରୋ |

କାମ କରୁନି ଇଟିପି: ଶ୍ରୀମନ୍ଦିର ପ୍ରଶାସନକୁ କାରଣ ଦର୍ଶାଅ ନୋଟିସ

କାମ କରୁନି ଇଟିପି: ଶ୍ରୀମନ୍ଦିର ପ୍ରଶାସନକୁ କାରଣ ଦର୍ଶାଅ ନୋଟିସ
ପୁରୀ ଅଫିସ, ୬।୨: ଶ୍ରୀମନ୍ଦିର ରୋଷଘରୁ ନିଷ୍କାସିତ ପେଯକୁ ବିଶୋଧନ କରିବା ଲାଗି ସ୍ଥାପନ ହୋଇଛି ଇଟିପି (ଏଫୁଲାଣ୍ଟ ଟ୍ରିଟମେଣ୍ଟ ପ୍ଲାଣ୍ଟ)। ବର୍ଷେ ପୂର୍ବରୁ ସ୍ଥାପନ ହୋଇଥିବା ଏହି ପ୍ଲାଣ୍ଟ ଏବେ ଠିକ୍‌ ଭାବେ କାମ କରୁନି। ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡ (ଏସପିସିବି) ଏଥିଲାଗି ଗତ ଅଗଷ୍ଟ ମାସରେ ଜୁସ୍‌କୋକୁ ତାଗିଦ୍‌ କରିବା ସହ ଚିଠି ଲେଖିଥିଲା। ଜୁସ୍‌କୋ ପକ୍ଷରୁ ଚିଠିର ଉତ୍ତର ରଖାଗଲା ନାହିଁ କି ଇଟିପି ସ୍ଥିତିରେ ସୁଧାର ଅଣାଗଲା ନାହିଁ। ବର୍ତ୍ତମାନ ବି ପଚା ପେଯ ଗନ୍ଧରେ ନାକ ଫାଟିପଡୁଛି। ଶେଷରେ କଠୋର ଆଭିମୁଖ୍ୟ ଗ୍ରହଣ କରିଛି ଏସପିସିବି। ମଙ୍ଗଳବାର ଶ୍ରୀମନ୍ଦିର ପ୍ରଶାସନକୁ କାରଣ ଦର୍ଶାଅ ନୋଟିସ (ଚିଠି ନଂ. ୪୪୫/୬।୨।୧୮) ଜାରି କରାଯାଇଛି। ୱାଟର ପ୍ରିଭେନସନ୍‌ ଆଣ୍ଡ କଣ୍ଟ୍ରୋଲ ଅଫ୍‌ ପଲ୍ୟୁଶନ ଆକ୍ଟ ୧୯୭୪ର ଧାରା ୩୩(ଏ) ବଳରେ ନୋଟିସ ଜାରି କରାଯାଇଛି। କାହିଁକି କାର୍ଯ୍ୟାନୁଷ୍ଠାନ ଗ୍ରହଣ କରା ନ ଯିବ ୧୫ଦିନ ମଧ୍ୟରେ ଉତ୍ତର ରଖିବାକୁ ନିର୍ଦ୍ଦେଶ ରହିଛି। ଅବଢ଼ାରୁ ବାହାରୁଥିବା ପେଯ ଏବଂ ପରିବା ଧୁଆ ପାଣି ଏକ ସ୍ବତନ୍ତ୍ର ନଳା ଦେଇ ଶ୍ରୀମନ୍ଦିର ଦକ୍ଷିଣ ଦ୍ୱାର ପାର୍ଶ୍ୱ ମେଘନାଦ ପାଚେରି କଡ ଡ୍ରେନରେ ପଡିଥାଏ। ଏଥି ଯୋଗୁ ପ୍ରଦୂଷଣ ବୃଦ୍ଧି ପାଉଥିବା ନେଇ ୨୦୧୩ରେ କଲିକତାର ସୁବାସ ଦତ୍ତ ଜାତୀୟ ଗ୍ରୀନ ଟ୍ରିବ୍ୟୁନାଲ (ଏନ୍‌ଜିଟି)ରେ ଅଭିଯୋଗ କରିଥିଲେ। ଏହାପରେ ପେଯକୁ ବିଶୋଧିତ କରି ନିଷ୍କାସନ କରିବା ଲାଗି ଏନ୍‌ଜିଟି ନିର୍ଦ୍ଦେଶ ଦେଇଥିଲା। ଏଥିଲାଗି ଇଟିପି ସ୍ଥାପନ କରିବା ଲାଗି ଶ୍ରୀମନ୍ଦିର ପ୍ରଶାସନ ଓ ଜିଲା ପ୍ରଶାସନକୁ ନିର୍ଦ୍ଦେଶ ରହିଥିଲା। ୨୦୧୬ରେ ପ୍ରାୟ ୧କୋଟି ଟଙ୍କା ବ୍ୟୟରେ ଜୁସ୍‌କୋ ଜରିଆରେ ପେଯନଳାର ଅପରପାର୍ଶ୍ୱରେ ଇଟିପି ସଂସ୍ଥାପନ କରାଯାଇଥିଲା। ଏହାର ପରିଚାଳନା ଦାୟିତ୍ୱ ମଧ୍ୟ ଜୁସ୍‌କୋ ହାତରେ ନ୍ୟସ୍ତ ରହିଛି। ପେଯ ନଳାରୁ ନିର୍ଗତ ପେଯ ସିଧାସଳଖ ଇଟିପିକୁ ଯାଇ ସେଠାରେ ବିଶୋଧନ ହେବା ପରେ ଡ୍ରେନକୁ ଛଡାଯାଉଛି। ଗତ ଜୁଲାଇ ୨୬ରେ ଏସପିସିବିର ଆସିଷ୍ଟାଣ୍ଟ ଏନଭାଇରନମେଣ୍ଟ ଇଞ୍ଜିନିୟର ଆର.କେ. ସେଠୀ ଏକ ସ୍ବତନ୍ତ୍ର ଟିମ୍‌ ସହ ଆସି ଇଟିପିରୁ ପେଯ ନମୁନା ସଂଗ୍ରହ କରି ପରୀକ୍ଷା ନିମନ୍ତେ ସେଣ୍ଟ୍ରାଲ ଲାବରେଟୋରୀକୁ ପଠାଇଥିଲେ। ରିପୋର୍ଟରୁ ଇଟିପି ଠିକ୍‌ ଭାବେ କାର୍ଯ୍ୟ କରୁ ନ ଥିବା ଜଣାପଡିଥିଲା। ଇଟିପିରେ ବିଶୋଧନ ହେବା ପରେ ୧ଲିଟର ପେଯରେ ଟୋଟାଲ ସସ୍‌ପେନସନ୍‌ ସଲିଡ (ଟିଏସ୍‌ଏସ୍‌) ୧୦୦ ମିଲିଗ୍ରାମ, ବାୟୋଲୋଜିକାଲ ଅକ୍ସିଜେନ ଡିମାଣ୍ଡ( ବିଓଡି) ୩୦ ମିଲି ଗ୍ରାମ, କେମିକାଲ ଅକ୍ସିଜେନ ଡିମାଣ୍ଡ(ସିଓଡି) ୨୫୦ମିଲିଗ୍ରାମ ରହିବା କଥା। କିନ୍ତୁ ଇଟିପିରୁ ବିଶୋଧନ ହୋଇ ନିଷ୍କାସିତ ହେଉଥିବା ୧ଲିଟର ପେଯରେ ଟିଏସ୍‌ଏସ୍‌ ୫୦୧ ମିଲିଗ୍ରାମ, ବିଓଡି ୧୮୮୭ ମିଲି ଗ୍ରାମ ଏବଂ ସିଓଡି ୨୫୦୭ ମିଲି ଗ୍ରାମ ରହୁଛି। ଇଟିପିର କାର୍ଯ୍ୟ ସନ୍ତୋଷଜନକ ନୁହେଁ ବୋଲି ଏସପିସିବି ଜୁସ୍‌କୋକୁ ଚିଠି ଲେଖିଥିଲା। ତୁରନ୍ତ ସୁଧାର ଆଣିବା ପାଇଁ ବୋର୍ଡ ପକ୍ଷରୁ ଜୁସ୍‌କୋକୁ ଗତ ଅଗଷ୍ଟ ୨୩ରେ ନିର୍ଦ୍ଦେଶ ଦିଆଯାଇଥିଲା। ଏ ସମ୍ପର୍କରେ ଶ୍ରୀମନ୍ଦିର ପ୍ରଶାସନ ଏବଂ ଜିଲାପାଳଙ୍କୁ ମଧ୍ୟ ଅବଗତ କରାଯାଇଥିଲା। କିନ୍ତୁ ଜୁସ୍‌କୋ ପକ୍ଷରୁ କୌଣସି ପଦକ୍ଷେପ ନ ନେବା ଫଳରେ ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡ ଶେଷରେ ଶ୍ରୀମନ୍ଦିର ପ୍ରଶାସନକୁ କାରଣ ଦର୍ଶାଅ ନୋଟିସ ଜାରି କରିଛି।
All Right Reserved By

ମେଟ୍ରୋ |

ନେତାଜୀ ଜୟନ୍ତୀରେ ସ୍ବତନ୍ତ୍ର ଲଫାପା ଉନ୍ମୋଚିତ

ନେତାଜୀ ଜୟନ୍ତୀରେ ସ୍ବତନ୍ତ୍ର ଲଫାପା ଉନ୍ମୋଚିତ

କଟକ ଅଫିସ୍‌, ୨୩।୧: ନେତାଜୀ ଜୟନ୍ତୀ ଅବସରରେ କଟକ ଜିପିଓ ଡାକ ଘରେ ସାଇକେଲ ରିକ୍ସା ବାହିତ ସ୍ବତନ୍ତ୍ର ଲଫାପା ଉନ୍ମୋଚିତ ହୋଇଛି।

ବିଧାୟକଙ୍କୁ ଗିରଫ ଦାବି: ବେଗୁନିଆ ଥାନାରେ ଭଙ୍ଗାରୁଜା

ବିଧାୟକଙ୍କୁ ଗିରଫ ଦାବି: ବେଗୁନିଆ ଥାନାରେ ଭଙ୍ଗାରୁଜା

ଖୋର୍ଦ୍ଧା ଅଫିସ/ବେଗୁନିଆ, ୨୩।୧(ଡି.ଏନ୍‌.ଏ.): ବେଗୁନିଆ ବିଧାୟକ ପ୍ରଶାନ୍ତ କୁମାର ଜଗଦେବଙ୍କୁ ଗିରଫ ଦାବିରେ ବୁଧବାର ବେଗୁନିଆ ଥାନାରେ ପଶି ଲୋକେ ଭଙ୍ଗାରୁଜା କରିଛନ୍ତି।  ଏଥିସହ ସେମାନେ ବେଗୁନିଆ ଦେଇ ଯାଇଥିବା ୫୭ ନଂ. ଜାତୀୟ ରାଜପଥକୁ ଅବରୋଧ କରିଥିବା ଜଣାପଡ଼ିଛି। ଦାବି ପୂରଣ ନ ହେବା ପର୍ଯ୍ୟନ୍ତ ଆନ୍ଦୋଳନ ଜାରି ରହିବ ବୋଲି ସେମାନେ ଚେନାବନୀ ଦେଇଛନ୍ତି।

ସଂଗ୍ରହାଳୟରେ ନେତାଜୀ ଜୟନ୍ତୀ

ସଂଗ୍ରହାଳୟରେ ନେତାଜୀ ଜୟନ୍ତୀ

ପୁରୀ ଅଫିସ,୨୩ା୧: ନେତାଜୀ ସୁଭାଷ ବୋଷଙ୍କ ୧୨୨ତମ ଜୟନ୍ତୀ ବୁଧବାର ସ୍ଥାନୀୟ ନେତାଜୀ ସଂଗ୍ରହାଳୟ ପରିସରରେ ପାଳିତ ହୋଇଯାଇଛି । ଏଥିରେ ଜିଲାପାଳ ଜ୍ୟୋତିପ୍ରକାଶ ଦାସ ମୁଖ୍ୟଅତିଥି ଭାବେ ଯୋଗଦେଇ ନେତାଜୀଙ୍କ ସଂଗ୍ରାମୀ ଜୀବନୀ ଉପରେ ଆଲୋକପାତ କରିଥିଲେ । 

ଘନ କୁହୁଡ଼ିରେ ବୁଡ଼ିଯିବ ଉପକୂଳ,  ୧୨ ଜିଲାକୁ ସତର୍କ ସୂଚନା ଜାରି କଲା ପାଣିପାଗ ବିଭାଗ

ଘନ କୁହୁଡ଼ିରେ ବୁଡ଼ିଯିବ ଉପକୂଳ, ୧୨ ଜିଲାକୁ ସତର୍କ ସୂଚନା ଜାରି କଲା ପାଣିପାଗ ବିଭାଗ

ଭୁବନେଶ୍ୱର,୨୩।୧(ବ୍ୟୁରୋ)-ଆସନ୍ତା ୪୮ ଘଣ୍ଟା ମଧ୍ୟରେ ଉପକୂଳ ଓଡିଶାକୁ ଘନ କୁହୁଡି ଘେରିଯିବ। ୧୦୦ ମିଟର ଯାଏ ମଧ୍ୟ ଦେଖିବା ସମ୍ଭବ ହେବ ନାହିଁ।  ଯାନବାହନ ଚଳାଇବା ବେଳେ ସାବଧାନତା ଅବଲମ୍ବନ କରିବାକୁ ପାଣିପାଗ ବିଭାଗ ୧୨ ଜିଲାକୁ ସତର୍କ ସୂଚନା ଜାରି କରିଛି। ଦୁଇଦିନ ପର୍ଯ୍ୟନ୍ତ କୁହୁଡିର ପ୍ରଭାବ ଜାରି ରହିବ।

 କୋଷ୍ଟାଲ ହାଇୱେ ବାବଦରେ ଧର୍ମେନ୍ଦ୍ରଙ୍କ ଖବରଦାତା ସମ୍ମିଳନୀ  ପ୍ରାୟୋଜିତ, ‘ନିର୍ବାଚନୀ ଚାନ୍ଦା ପାଇଁ ଭାଜପାର ଅଭିସନ୍ଧି’: ପ୍ରତାପ ଜେନା

କୋଷ୍ଟାଲ ହାଇୱେ ବାବଦରେ ଧର୍ମେନ୍ଦ୍ରଙ୍କ ଖବରଦାତା ସମ୍ମିଳନୀ ପ୍ରାୟୋଜିତ, ‘ନିର୍ବାଚନୀ ଚାନ୍ଦା ପାଇଁ ଭାଜପାର ଅଭିସନ୍ଧି’: ପ୍ରତାପ ଜେନା

ଭୁବନେଶ୍ୱର,୨୩।୧(ବ୍ୟୁରୋ)- କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମଙ୍ଗଳବାର ଦିଲ୍ଲୀରେ ଓଡ଼ିଶାର ଉପକୂଳ ରାଜପଥ (କୋଷ୍ଟାଲ ହାଇୱେ) ବାବଦରେ କରିଥିବା ଖବରଦାତା ସମ୍ମିଳନୀ କେତେକ ଠିକାଦାରଙ୍କ ଦ୍ୱାରା ପ୍ରାୟୋଜିତ। ଭାଜପା ଏବଂ କେନ୍ଦ୍ରମନ୍ତ୍ରୀ ଅଭ୍ୟାସଗତ ଭାବେ ମିଛୁଆ। ତାଙ୍କ ଦ୍ୱାରା କୋଷ୍ଟାଲ ହାଇୱେ ସମ୍ପର୍କରେ ଦିଲ୍ଲୀରେ ରଖାଯାଇଥିବା ମନ୍ତବ୍ୟ ତାହା ଅମୂଳକ ଓ ଭିତ୍ତିହୀନ।

ସାଧାରଣ ନିର୍ବାଚନ ୨୦୧୯; ବିଜେଡି ବହୁତ ଭଲ ପ୍ରଦର୍ଶନ କରିବ:ମୁଖ୍ୟମନ୍ତ୍ରୀ

ସାଧାରଣ ନିର୍ବାଚନ ୨୦୧୯; ବିଜେଡି ବହୁତ ଭଲ ପ୍ରଦର୍ଶନ କରିବ:ମୁଖ୍ୟମନ୍ତ୍ରୀ

ଭୁବନେଶ୍ୱର,୨୩।୧(ବ୍ୟୁରୋ)- ସାଧାରଣ ନିର୍ବାଚନକୁ ପ୍ରାୟ ୧୦୦ ଦିନରୁ କମ୍‌ ସମୟ ରହିଛି। ମାର୍ଚ୍ଚ ପ୍ରଥମ ସପ୍ତାହରେ ନିର୍ବାଚନ ତାରିଖ ଘୋଷଣା ହେବାର ଯଥେଷ୍ଟ ସମ୍ଭାବନା ରହିଛି। ୨୦୦୪ରୁ ଓଡ଼ିଶାରେ ଲୋକସଭା ସଙ୍ଗରେ ବିଧାନସଭା ନିର୍ବାଚନ ହୋଇଆସୁଛି। ତେଣୁ ରାଜ୍ୟରେ ନିର୍ବାଚନକୁ ନେଇ ଉତ୍ସାହ ଦେଖିବାକୁ ମିଳିଥାଏ। 

ଆଜି ନେତାଜୀ ଜୟନ୍ତୀ: ଝଲସୁଛି ସ୍ମୃତି ସୌଧ

ଆଜି ନେତାଜୀ ଜୟନ୍ତୀ: ଝଲସୁଛି ସ୍ମୃତି ସୌଧ

କଟକ ଅଫିସ,୨୩|୧- ବୁଧବାର ନେତାଜୀ ସୁଭାଷ ଚନ୍ଦ୍ର ବୋଷଙ୍କ ଜନ୍ମ ଦିବସ। ଏହି ଉପଲକ୍ଷେ ନେତାଜୀଙ୍କ ଅନ୍ତୁଡ଼ିଶାଳ କୁହାଯାଉଥିବା ଓଡ଼ିଆ ବଜାରସ୍ଥିତ ତାଙ୍କ ବାସଭବନ କୋଠା ପରିସର ସହରର ସବୁଠାରୁ ଆକର୍ଷଣୀୟ ସ୍ଥାନ ପାଲଟିଛି। 

ଜେଲ୍‌ ସଂସ୍କାର ମାମଲା: କ୍ଷେତ୍ର ପରିଦର୍ଶନ କରିବେ ନ୍ୟାୟିକ ଅଧିକାରୀ

କଟକ ଅଫିସ, ୨୩।୧- ରାଜ୍ୟର ଦୁଇ ପ୍ରମୁଖ ଜେଲ୍‌ ଚୌଦ୍ୱାର ମଣ୍ଡଳ କାରାଗାର ଓ ଭୁବନେଶ୍ୱରର ଝାରପଡ଼ା ଜେଲ୍‌ରେ ଭିତ୍ତିଭୂମିର ଘୋର ଅଭାବ ରହିଛି।  ଏହାବ୍ୟତୀତ କଏଦୀମାନଙ୍କୁ ସରକାର ସର୍ବନିମ୍ନ ସୁବିଧା ଯୋଗାଇଦେବାରେ ବିଫଳ ହୋଇଛନ୍ତି। 

ଗ୍ରାମୀଣ ଗୃହ ନିର୍ମାଣ ଯୋଜନାରେ ଲାଞ୍ଚ: ଭିଜିଲାନ୍ସକୁ ଆସିଛି ୧୧୧୧ ଫୋନ

କଟକ ଅଫିସ, ୨୩।୧- ବିଜୁ ପକ୍କା ଘର କିମ୍ବା ପ୍ରଧାନମନ୍ତ୍ରୀ ଆବାସ ଯୋଜନା ପାଇଁ ବ୍ଲକରେ ଲାଞ୍ଚ ନ ଦେଲେ ଫାଇଲ ଘୁଞ୍ଚୁନି। କାର୍ଯ୍ୟାଦେଶଠାରୁ ଆରମ୍ଭ କରି ଚୂଡ଼ାନ୍ତ ବିଲ୍‌ ପର୍ଯ୍ୟନ୍ତ ହିତାଧିକାରୀମାନେ ପ୍ରତି ପର୍ଯ୍ୟାୟରେ ହାତଗୁଞ୍ଜା ନିଆଯାଉଛି।

ନିକିତା ମୃତ୍ୟୁ ମାମଲା: ଶାଶୁ, ଶ୍ୱଶୁରଙ୍କୁ ହାଜର ପାଇଁ ୭ ଦିନ ମହଲତ

ନିକିତା ମୃତ୍ୟୁ ମାମଲା: ଶାଶୁ, ଶ୍ୱଶୁରଙ୍କୁ ହାଜର ପାଇଁ ୭ ଦିନ ମହଲତ

କଟକ ଅଫିସ, ୨୩|୧-ଅଭିନେତ୍ରୀ ନିକିତା ଓରଫ୍‌ ଲକ୍ଷ୍ମୀପ୍ରିୟା ବେହେରାଙ୍କ ମୃତ୍ୟୁ ମାମଲାରେ ଚାଉଳିଆଗଞ୍ଜ ପୋଲିସ ନିକିତାଙ୍କ ଶାଶୁ ଓ ଶ୍ୱଶୁରଙ୍କୁ ଥାନାରେ ହାଜର ହେବା ପାଇଁ ଆଉ ୭ ଦିନ ସମୟ ଦେଇଛି। 

କଜଳକଣା ବସ୍‌ ଦୁର୍ଘଟଣାର ତଦନ୍ତ ଆରମ୍ଭ: ଘଟଣାସ୍ଥଳରେ ୩ ଜଣିଆ ଟିମ୍‌ର ଛାନଭିନ୍‌

କଟକ ଅଫିସ, ୨୩|୧- ୫୫ ନମ୍ବର ଜାତୀୟ ରାଜପଥର ଚୌଦ୍ୱାର ଥାନା ଅନ୍ତର୍ଗତ କଜଳକଣା  ନିକଟରେ ସୋମବାର ଘଟିଥିବା ଯାତ୍ରୀବାହୀ ବସ୍‌ ଦୁର୍ଘଟଣାରେ ୨ଜଣଙ୍କ ମୃତ୍ୟୁ ଘଟିଥିବାବେଳେ ୧୦ ଜଣ ଆହତ ହୋଇଥିଲେ। 

ନିଶାମୁକ୍ତ ନିର୍ବାଚନ ଚିନ୍ତା:  ମତଦାନର ୪୮ ଘଣ୍ଟା ପୂର୍ବରୁ ସିଲ୍‌ ହେବ ସୀମାନ୍ତ

ନିଶାମୁକ୍ତ ନିର୍ବାଚନ ଚିନ୍ତା: ମତଦାନର ୪୮ ଘଣ୍ଟା ପୂର୍ବରୁ ସିଲ୍‌ ହେବ ସୀମାନ୍ତ

କଟକ ଅଫିସ, ୨୩।୧- ଆଗାମୀ ସାଧାରଣ ନିର୍ବାଚନ ସମୟରେ ନିଶା କାରବାର ଉପରେ ତୀକ୍ଷ୍‌ଣ ନଜର ରହିବ।