Dharitri News
ରାୟଗଡା

ପୃଥକ୍‌ସ୍ଥାନରୁ ୪୪୧ କେଜି ଗଞ୍ଜେଇ ଜବତ: ବାହାର ରାଜ୍ୟର ୪ ମହିଳାଙ୍କ ସମେତ ୭ ଗିରଫ

ପୃଥକ୍‌ସ୍ଥାନରୁ ୪୪୧ କେଜି ଗଞ୍ଜେଇ ଜବତ: ବାହାର ରାଜ୍ୟର ୪ ମହିଳାଙ୍କ ସମେତ ୭ ଗିରଫ ମାଲକାନଗିରି, ୬।୨(ଡି.ଏନ୍‌.ଏ./ସ୍ବ.ପ୍ର.)- ଦିନକୁ ଦିନ ମାଲକାନଗିରି ଜିଲାରେ ଗଞ୍ଜେଇ କାରବାର ବଢିବାରେ ଲାଗିଛି। ଏଥିରେ ବାହାର ରାଜ୍ୟର ମହିଳାଙ୍କ ସମ୍ପୃକ୍ତି ଘଟଣାକୁ ବେଶି ଗୁରୁତର କରୁଛି। ପୋଲିସ ଓ ଅବକାରୀ ବିଭାଗ ଜିଲାର ପୃଥକ ସ୍ଥାନରେ ଚଢାଉ କରି ବିପୁଳ ଗଞ୍ଜେଇ ଜବତ କରିଛି। ଚିତ୍ରକୋଣ୍ଡା ଅଞ୍ଚଳରୁ ୪୧କେଜି ଓ ପଦ୍ମଗିରି ଅଞ୍ଚଳରୁ ୪ କୁଇଣ୍ଟାଲ ଗଞ୍ଜେଇ ଜବତ କରାଯାଇଛି। ଏଥିରେ ଗିରଫ ହୋଇଥିବା ୭ଜଣଙ୍କ ମଧ୍ୟରୁ ୪ ମହିଳା ଅଛନ୍ତି। ସେମାନେ ବାହାର ରାଜ୍ୟର ବୋଲି ଜଣାପଡିଛି। ଚିତ୍ରକୋଣ୍ଡା ପୋଲିସ ଗଞ୍ଜେଇ ଚୋରା ଚାଲାଣ ଅଭିଯୋଗରେ ୪ ମହିଳାଙ୍କ ସମେତ ୬ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି। ଜଣେ ମାଲକାନଗିରି ଜିଲାର ଓ ଅନ୍ୟ ୫ ଜଣ ଦିଲ୍ଲୀର ବୋଲି ଜଣାପଡ଼ିଛି । ସେମାନେ ଏକ ଅଟୋ ଯୋଗେ ବାଲିମେଳାକୁ ଗଞ୍ଜେଇ ନେଇ ଯାଉଥିଲେ। ଗିରଫ ଅଭିଯୁକ୍ତ ହେଲେ ଚିତ୍ରକୋଣ୍ଡା ବ୍ଲକ ଜାନୀଗୁଡ଼ା ଗ୍ରାମର ଅଟୋ ଡ୍ରାଇଭର ମୁକୁନ୍ଦ ପାଙ୍ଗି, ଦିଲ୍ଲୀ ନାରେଲା ଥାନା ଅଧୀନ ସେଖ ହାଉସ ଅଞ୍ଚଳର ନୁର ଇସଲାମ ଶେଖ, ନଜମା ବିବି, ରୁବେୟା, ନୁରଜାହନ ବିବି, ନିସ୍ତରା ଖାତନ। ପୋଲିସ ସେମାନଙ୍କଠାରୁ ୪୧ କେ.ଜି ୪୫୦ ଗ୍ରାମ ଗଞ୍ଜେଇ ଜବତ କରିଛି। ସୋମବାର ବିଳମ୍ବିତ ରାତିରେ ଏକ ଅଟୋ ଯୋଗେ ଅଭିଯୁକ୍ତମାନେ ବାଲିମେଳାକୁ ଗଞ୍ଜେଇ ନେଇ ଯାଉଥିବା ବେଳେ ଉକ୍ତ ଅଟୋଟିକୁ ପୋଲିସ ଯାଞ୍ଚ କରି ଗଞ୍ଜେଇ ଜବତ କରିଥିଲା। ଚିତ୍ରକୋଣ୍ଡା ଥାନାରେ କେଶ୍‌ ନଂ ୧୫/୧୮ରେ ମାମଲା ରୁଜୁ ପରେ ସେମାନଙ୍କୁ କୋର୍ଟଚାଲାଣ କରାଯାଇଥିବା ଚିତ୍ରକୋଣ୍ଡା ଥାନା ଭାରପ୍ରାପ୍ତ ନିରୀକ୍ଷକ ଅଜିତ କୁମାର ସ୍ବାଇଁ ପ୍ରକାଶ କରିଛନ୍ତି। ସେହିଭଳି ଅବକାରୀ ବିଭାଗ ମଙ୍ଗଳବାର ପଦ୍ମଗିରି ଅଞ୍ଚଳ ଏମ୍‌ଭି-୮୪ ଗ୍ରାମର ମହାଦେବ ବିଶ୍ୱାସଙ୍କ ଘରୁ ୪ କୁଇଣ୍ଟାଲ ଗଞ୍ଜେଇ ଜବତ କରି ତାଙ୍କୁ ଗିରଫ କରିଛନ୍ତି। ଜିଲା ଅବକାରୀ ଅଧୀକ୍ଷକ ଅଶୋକ କୁମାର ସେଠ ପ୍ରକାଶ କରିଛନ୍ତି ଯେ, ମହାଦେବ ନିଜ ଘରେ ଗଞ୍ଜେଇ ଗଚ୍ଛିତ ରଖି ଏହାକୁ ଚୋରାଚାଲାଣ କରିବା ପାଇଁ ଚେଷ୍ଟା ଚଳାଇଥିବା ବିଭାଗ ବିଶେଷ ସୂତ୍ରରୁ ଖବର ପାଇଥିଲା। ଗଞ୍ଜେଇର ଆନୁମାନିକ ମୂଲ୍ୟ ୨୦ ଲକ୍ଷ ଟଙ୍କାରୁ ଊର୍ଦ୍ଧ୍ୱ ହେବ ବୋଲି ସେ କହିଛନ୍ତି।

ରାୟଗଡା

ରାଜନୈତିକ ଆକ୍ରୋଶରେ ବଳି ପଡୁଛି ରାଜାରାଜୁଡ଼ା ଅମଳର ରାସ୍ତା

ରାଜନୈତିକ ଆକ୍ରୋଶରେ ବଳି ପଡୁଛି ରାଜାରାଜୁଡ଼ା ଅମଳର ରାସ୍ତା

ଜୟପୁର,୨୨।୨(ଡି.ଏନ୍‌.ଏ.) ରାଜରାଜୁଡା ସମୟର ଆମ୍ବାଗୁଡା ପଞ୍ଚାୟତର ମଜରୁମୁଣ୍ଡାକୁ ସଂଯୋଗ କରୁଥିବା ଅଢେଇ କିଲୋମିଟର ରାସ୍ତା ନିଜ ଅସ୍ତିତ୍ୱ ହରାଇଲାଣି। ମରାମତି ଅଭାବରୁ ରାସ୍ତାର ଦୁରାବସ୍ଥା ଯୋଗୁ ୨ଟି ଗ୍ରାମର ପ୍ରାୟ ୨୫୦୦ ବାସିନ୍ଦା ହନ୍ତସନ୍ତ ହେଉଛନ୍ତି। ଶାସକ ଓ ବିରୋଧୀ ଦଳର ରାଜନୈତିକ ଆକ୍ରୋଶ ଯୋଗୁ ଏଠାରେ ରାସ୍ତା ନିର୍ମାଣରେ ସମସ୍ୟା ଦେଖାଦେଉଛି ବୋଲି ସ୍ଥାନୀୟ ଲୋକେ ଅଭିଯୋଗ କରିଛନ୍ତି।

ଖତ ଖାଉଛି ୧୦ କୋଟି ବ୍ୟୟରେ ନିର୍ମିତ ମାତୃ ଓ ଶିଶୁ ଚିକିତ୍ସାଳୟ

ଖତ ଖାଉଛି ୧୦ କୋଟି ବ୍ୟୟରେ ନିର୍ମିତ ମାତୃ ଓ ଶିଶୁ ଚିକିତ୍ସାଳୟ

ଜୟପୁର,୨୩।୨(ନି.ପ୍ର.) ଆଦିବାସୀ ଅଧ୍ୟୁଷିତ ଜିଲା କୋରାପୁଟରେ ସ୍ବାସ୍ଥ୍ୟସେବାରେ ଉନ୍ନତି ପାଇଁ ଜୟପୁରରେ ମାତୃ ଓ ଶିଶୁ ଚିକିତ୍ସାଳୟ ପ୍ରତିଷ୍ଠା ହେଲା। ୧୦ କୋଟି ଟଙ୍କା ବ୍ୟୟରେ ଯୁଦ୍ଧକାଳୀନ ଭିତ୍ତିରେ ଏହି ଚିକିତ୍ସାଳୟ ପ୍ରତିଷ୍ଠା ହେବାର ୨ ବର୍ଷ ବିତିଥିଲେ ମଧ୍ୟ ଲୋକଙ୍କ କାମରେ ଆସୁନାହିଁ ।

ମଦ ନେଲା ବାପାର ଜୀବନ:ସନ୍ଦେହ ଘେରରେ ପୁଅ

ମାଲକାନଗିରି,୨୨।୨(ଡି.ଏନ୍‌.ଏ) ମାଲକାନଗିରି ଜିଲା ପଡ଼ିଆ ଥାନା ସିଲାକୋଟା ଗ୍ରାମରେ ଗୁରୁବାର ଏକ ଅଭାବନୀୟ ଘଟଣା ଦେଖିବାକୁ ମିଳିଛି। ସିଲାକୋଟା ଗ୍ରାମର ଭୀମା କୁଞ୍ଜାମୀ (୬୦)ଙ୍କୁ ଗତ ରାତିରେ ହତ୍ୟା କରାଯାଇଛି।

ଜିଲାପାଳଙ୍କୁ ସ୍ମାରକପତ୍ର ଦେଲା ଭାଜପା

ବୈପାରୀଗୁଡ଼ା,୨୨।୨(ଡି.ଏନ୍‌.ଏ.) ବୈପାରୀଗୁଡା ବ୍ଲକର ବିଭିନ୍ନ ସମସ୍ୟା ନେଇ ଗୁରୁବାର ଜିଲା ଭାଜପା ଉପସଭାପତି ତଥା ସ୍ଥାନୀୟ ନେତା ଚନ୍ଦ୍ରଶେଖର ରଥଙ୍କ ନେତୃତ୍ବରେ ଜିଲାପାଳଙ୍କୁ ଏକ ସ୍ମାରକ ପତ୍ର ଦିଆଯାଇଛି।

ବଳାତ୍କାର ଅଭିଯୋଗରେ ଯୁବକ ଗିରଫ

କୋରାପୁଟ,୨୨।୨(ସ୍ବ.ପ୍ର.): ନନ୍ଦିଗାଁ ପଞ୍ଚାୟତରେ ମହିଳାଙ୍କୁ ବଳାତ୍କାର କରିବା ଅଭିଯୋଗରେ ଜଣେ ଯୁବକଙ୍କୁ ଗିରଫ କରି କୋରାପୁଟ ସଦର ପୋଲିସ କୋର୍ଟ ଚାଲାଣ କରିଛି।

ପିଇଓ, ଜିଆରଏସ୍‌ଙ୍କ କଲମଛାଡ଼ ଆନ୍ଦୋଳନ

ପିଇଓ, ଜିଆରଏସ୍‌ଙ୍କ କଲମଛାଡ଼ ଆନ୍ଦୋଳନ

ପଟ୍ଟାଙ୍ଗି,୨୨।୨(ଡି.ଏନ୍‌.ଏ.) ପଟ୍ଟାଙ୍ଗି ବ୍ଲକ ୧୪ଟି ପଞ୍ଚାୟତ ନିର୍ବାହୀ ଅଧିକାରୀ ଓ ଗ୍ରାମ ରୋଜଗାର ସେବକ ଗୁରୁବାରଠାରୁ କଲମ ଛାଡ ଆନ୍ଦୋଳନ କରିଛନ୍ତି।

ଅଙ୍ଗନଓ୍ବାଡ଼ି କେନ୍ଦ୍ରରେ ବଳାତ୍କାର, ଗୁରୁତର ନାବାଳିକା ହସ୍ପିଟାଲରେ ଭର୍ତ୍ତି

ଅଙ୍ଗନଓ୍ବାଡ଼ି କେନ୍ଦ୍ରରେ ବଳାତ୍କାର, ଗୁରୁତର ନାବାଳିକା ହସ୍ପିଟାଲରେ ଭର୍ତ୍ତି

ବିଷମକଟକ,୨୨ା୨(ଡି.ଏନ୍‌.ଏ.): ପଡ଼ୋଶୀ କଳାହାଣ୍ଡି ଜିଲା ଗୋଲାମୁଣ୍ଡା ଥାନା ବନ୍ଧଗାଁରେ ଜଣେ ନାବାଳିକାଙ୍କୁ ବଳାତ୍କାର ହୋଇଛି। ଗୁରୁତର ଅବସ୍ଥାରେ ତାଙ୍କୁ ଗୁରୁବାର ବିଷମକଟକ ଖ୍ରୀଷ୍ଟିଆନ୍‌ ହସ୍ପିଟାଲରେ ଭର୍ତ୍ତି କରାଯାଇଛି। ବନ୍ଧଗାଁ ସ୍କୁଲରେ ପଞ୍ଚମ ଶ୍ରେଣୀରେ ପଢୁଥିବା ଉକ୍ତ ନାବଳିକା ଜଣକ ବୁଧବାର ଦିନ ପ୍ରାୟ ୨ଟା ବେଳେ ଘରଠାରୁ ୧୦୦ ମିଟର ଦୂରରେ ଥିବା ଅଙ୍ଗନଓ୍ବାଡି କେନ୍ଦ୍ରରେ ଥିବା ନଳକୂଅକୁ ଗାଧୋଇବାକୁ ଯାଇଥିଲେ। ସେଠାରେ ରହୁଥିବା ୩୫ ବର୍ଷୀୟ ଜଣେ ଯୁବକ ତାଙ୍କୁ ବଳପୂର୍ବକ ଅଙ୍ଗନଓ୍ବାଡ଼ି କେନ୍ଦ୍ରକୁ ନେଇ ବଳାତ୍କାର କରିଥିଲା।

ବାଲିମେଳା ଡ୍ୟାମ୍‌ ପ୍ରସଙ୍ଗ: ଜଳ ସମ୍ପଦ ବିଭାଗକୁ ଟାର୍ଗେଟ କଲା କଂଗ୍ରେସ

ବାଲିମେଳା ଡ୍ୟାମ୍‌ ପ୍ରସଙ୍ଗ: ଜଳ ସମ୍ପଦ ବିଭାଗକୁ ଟାର୍ଗେଟ କଲା କଂଗ୍ରେସ

ବାଲିମେଳା,୨୨ା୨(ଡି.ଏନ୍‌.ଏ.): ମାଲକାନଗିରି ଜିଲା ଚିତ୍ରକୋଣ୍ଡାସ୍ଥିତ ବାଲିମେଳା ଡ୍ୟାମ୍‌ର ଜଳ ଆନ୍ଧ୍ରକୁ ଏପି ଟନେଲ ବାଟେ ବୋହିଯାଉଥିବା ଘଟଣାରେ ଜଳ ସମ୍ପଦ ବିଭାଗକୁ ଟାର୍ଗେଟ୍‌ କରିଛି କଂଗ୍ରେସ। ଗୁରୁବାର ସ୍ଥାନୀୟ କଂଗ୍ରେସ ନେତା ଶରତ ବୁରୁଦା ଏକ ଖବରଦାତା ସମ୍ମିଳନୀରେ କହିଛନ୍ତି ଯେ, ଏପି ଟନେଲ ଦେଇ ଜଳ ଆନ୍ଧ୍ରକୁ ଯାଉଥିବା ଜଳ ସମ୍ପଦ ବିଭାଗ ସ୍ବୀକାର କରିଛନ୍ତି ସତ; କିନ୍ତୁ କେତେ ପରିମାଣର ଜଳ ଆନ୍ଧ୍ରକୁ ଗଲା, ତାହାର ହିସାବ ଦେଇନାହାନ୍ତି। ସେମାନେ କହିଛନ୍ତି ଏହା ଦ୍ୱାରା ଜଳସେଚନରେ କିଛି ଅସୁବିଧା ହେବ ନାହିଁ। ବାଲିମେଳା ଡ୍ୟାମରୁ ପାଣି ଆନ୍ଧ୍ରକୁ ଚାଲିଗଲେ ମାଲକାନଗିରି ଜିଲାର ଚାଷୀଙ୍କ ଯେଉଁ କ୍ଷତି ହେବ, ତାହାର ଭରଣା ଜଳ ସମ୍ପଦ ବିଭାଗ କରିବେ ବୋଲି ଲିଖିତ ହେବେ ଦିଅନ୍ତୁ ବୋଲି ବୁରୁଦା ଦାବି କରିଛନ୍ତି।

ସର୍ଟ ସର୍କିଟ ଯୋଗୁ ଅଗ୍ନିକାଣ୍ଡ

ସର୍ଟ ସର୍କିଟ ଯୋଗୁ ଅଗ୍ନିକାଣ୍ଡ

ସେମିଳିଗୁଡା, ୨୧।୨(ଡି.ଏନ୍‌.ଏ.)- କୋରାପୁଟ ଜିଲା ସୁନାବେଡା ମ୍ୟୁନିସ୍‌ପାଲିଟିରେ କାର୍ଯ୍ୟରତ କର୍ମଚାରୀ ଅର୍ଜୁନ ସେଠୀଙ୍କ ବାସଭବନରେ ମଙ୍ଗଳବାର ବିଳମ୍ବିତ ରାତିରେ ନିଆଁଲାଗି ସମସ୍ତ ଆସବାବପତ୍ର ପୋଡିଯାଇଛି। ଯାହାର ଆନୁମାଲିକ ମୁଲ୍ୟ ୭୦ ହଚାର ଟଙ୍କା ବୋଲି ଜଣାପଡିଛି।

କାଉନସିଲରଙ୍କ ଘରୁ ଲକ୍ଷାଧିକ ଟଙ୍କା ଚୋରି

କାଉନସିଲରଙ୍କ ଘରୁ ଲକ୍ଷାଧିକ ଟଙ୍କା ଚୋରି

ଜୟପୁର,୨୧।୨(ନି.ପ୍ର.)- ଘରେ କେହି ନ ଥିବାର ସୁଯୋଗ ନେଇ ମଙ୍ଗଳବାର ବିଳମ୍ବିତ ରାତିରେ ଜୟପୁର ପୌରାଞ୍ଚଳର ଓାର୍ଡ -ନଂ ୧ କାଉନସିଲର ଆରତି ମିଶ୍ରଙ୍କ ଘରୁ ଦୁର୍ବୃତ୍ତମାନେ ଲକ୍ଷାଧିକ ଟଙ୍କାର ସୁନା ଗହଣା ଓ ନଗଦ ଚୋରି କରି ନେଇଛନ୍ତି। ଆରତିଙ୍କ ପଡୋଶୀଙ୍କଠାରୁ ଖବରପାଇ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।

ଅଜଣା ରୋଗରେ ପୀଡିତ ଶିଶୁ:ବୟସ ଅନୁସାରେ ବଢ଼ୁନି ନୟନୀଙ୍କ ଶରୀର

ଅଜଣା ରୋଗରେ ପୀଡିତ ଶିଶୁ:ବୟସ ଅନୁସାରେ ବଢ଼ୁନି ନୟନୀଙ୍କ ଶରୀର

ଜେକେପୁର, ୨୧।୨(ଡି.ଏନ୍‌.ଏ.) ଜେକେପୁରସ୍ଥିତ ଡାଙ୍ଗଲଡି ପଞ୍ଚାୟତ କୁଣ୍ଡମଗଁ।ର ବିଜୟ ପୁଲାକାଙ୍କ ଝିଅ ନୟନୀ ପୁଲାକାର । ବୟସ ୪ବର୍ଷ ୬ମାସ । ହେଲେ ଦେଖିବାକୁ ବର୍ଷକର ଶିଶୁ ପରି। ଅଜଣା ରୋଗରେ ପୀଡିତ ଏହି ଝିଅଟିର ଶରୀର ବୃଦ୍ଧି ହେଉନାହିଁ । ଫଳରେ ଶିଶୁଟି ଧୀରେ ଧୀରେ ବିକଳାଙ୍ଗ ହେବାକୁ ବସିଲାଣି ।

ଅଗ୍ନିଶମ ଆଇନକୁ ବେଖାତିର

ଅଗ୍ନିଶମ ଆଇନକୁ ବେଖାତିର

ରାୟଗଡା ଅଫିସ, ୨୧।୨ ରାୟଗଡା ଜିଲାର ପ୍ରମୁଖ ସହର ରାୟଗଡାରେ ସିନେମା ହଲ୍‌, ଆପାର୍ଟମେଣ୍ଟ, ହୋଟେଲ୍‌, ନର୍ସିଂ ହୋମ୍‌, କଲ୍ୟାଣମଣ୍ଡପ, ଛୋଟବଡ ଲଜ୍‌, ବହୁତାଲା ବିଶିଷ୍ଟ କୋଠା, ମାଲ ଗୋଦାମ ଗୃହ, କପା ମିଲ୍‌, ଶିଳ୍ପାନୁଷ୍ଠାନ, ଶପିଂ ମଲ ସମେତ ବହୁତାଲା ବିଶିଷ୍ଟ ଅନେକ କୋଠା ରହିଛି। ହେଲେ ଅଗ୍ନିଶମ ବିଭାଗର ସୁରକ୍ଷା ଅନୁମତି ନ ନେଇ ଏହି ପ୍ରତିଷ୍ଠାନଗୁଡିକ ଗଢ଼ି ଉଠୁଛି। କେହି ଜଣେ ବି ଅଗ୍ନି ସୁରକ୍ଷା ପ୍ରତି ଦୃଷ୍ଟି ଦେଉ ନାହାନ୍ତି । ସେମାନେ ଅଗ୍ନିଶମ ବିଭାଗଠାରୁ ଅଗ୍ନି ନିରାପତ୍ତା ପ୍ରମାଣ ପତ୍ର ନେଇ ନ ଥିବା ବିଭାଗ ପକ୍ଷରୁ ଜଣାପଡିଛି।