ସମ୍ପାଦକୀୟ |

ବଜେଟରେ ଉପେକ୍ଷିତ କୃଷି ଓ କୃଷକ

ବଜେଟରେ ଉପେକ୍ଷିତ କୃଷି ଓ କୃଷକ
ଭାଲଚନ୍ଦ୍ର ଷଡ଼ଙ୍ଗୀ / ଦେଶର କୃଷି କ୍ଷେତ୍ରରେ ଦେଖାଯାଇଥିବା ଗଭୀର ସଙ୍କଟ, କୃଷକମାନଙ୍କ କ୍ରମ ବର୍ଦ୍ଧମାନ ଋଣଗ୍ରସ୍ତତା, ଆତ୍ମହତ୍ୟା ଓ ଗଭୀର ଅସନ୍ତୋଷ ପରିପ୍ରେକ୍ଷୀରେ ଚଳିତ ବଜେଟ ନେଇ ମୋଦି ସରକାରଙ୍କଠାରୁ ଅନେକ କିଛି ଆଶା କରାଯାଉଥିଲା। ବିଶେଷକରି ବିମୁଦ୍ରୀକରଣ ଓ ଜିଏସ୍‌ଟି ଲାଗୁହେବା ଫଳରେ ଅର୍ଥନୀତିର ଅନ୍ୟାନ୍ୟ କ୍ଷେତ୍ର ସହିତ କୃଷି କ୍ଷେତ୍ରରେ ମଧ୍ୟ ସଙ୍କଟ ଉତ୍କଟ ହୋଇଥିବାରୁ ଏବଂ ଦେଶବ୍ୟାପୀ କୃଷକ ଅସନ୍ତୋଷର ପ୍ରଭାବ ନିକଟରେ ହେବାକୁ ଯାଉଥିବା କେତେକ ରାଜ୍ୟର ବିଧାନସଭା ଓ ଆଗାମୀ ସାଧାରଣ ନିର୍ବାଚନରେ ଭାଜପା ପାଇଁ ମହଙ୍ଗା ପ୍ରମାଣିତ ହେବାର ଆଶଙ୍କା ଥିବାରୁ ଚଳିତ ବଜେଟରେ ସରକାର କୃଷକଙ୍କ ପାଇଁ କିଛି ବଡ଼ଧରଣର ପ୍ୟାକେଜ୍‌ ଘୋଷଣା କରିବେ ବୋଲି ଗଣମାଧ୍ୟମରେ ଚର୍ଚ୍ଚା ହେଉଥିଲା। କୃଷକ ଏବଂ ଗରିବ ଲୋକଙ୍କୁ ସହାୟତା କରିବାକୁ ଯାଇ ସରକାର ବଜେଟରେ କୃଷିଋଣ ଛାଡ଼, କୃଷିଜାତ ଦ୍ରବ୍ୟର ସହାୟକ ମୂଲ୍ୟ ବୃଦ୍ଧି ଏବଂ ସାର୍ବଜନୀନ ମୌଳିକ ଆୟ ପରି କିଛି ଲୋଭାଣିଆ ଘୋଷଣା କରିବା ନେଇ ଅନେକେ ଅନୁମାନ କରୁଥିଲେ। କିନ୍ତୁ ଅର୍ଥମନ୍ତ୍ରୀ ଜେଟ୍‌ଲୀଙ୍କ ଦ୍ୱାରା ଆଗତ ଏ ବର୍ଷର ବଜେଟ ଉପରୋକ୍ତ ସମସ୍ତ କଳ୍ପନାଜଳ୍ପନାକୁ ଭୁଲ୍‌ ପ୍ରମାଣିତ କରିବା ସହ ଦେଶର କୃଷକ, ଶ୍ରମିକ ଏପରି କି ମଧ୍ୟମବର୍ଗଙ୍କୁ ନିରାଶ କରିଛି। ନିଜର ବଜେଟ ଭାଷଣରେ ଅର୍ଥମନ୍ତ୍ରୀ ଦେଶର କୃଷି ଓ ଗ୍ରାମାଞ୍ଚଳ ଅର୍ଥନୀତି ପାଇଁ କିଛି ଠୋସ୍‌ ବ୍ୟୟବରାଦ କରିବା ପରିବର୍ତ୍ତେ କେବଳ ନିଜ ସରକାରକୁ କୃଷକଦରଦୀ ଭାବେ ଦେଖାଇବାର ପ୍ରୟାସ କରିଛନ୍ତି। ଏପରି କି ଦେଶର କୃଷକମାନଙ୍କୁ ସିଧାସଳଖ ପ୍ରଭାବିତ କରିବା ପାଇଁ ସେ ତାଙ୍କ ଭାଷଣର ପ୍ରଥମ ୨୦ ମିନିଟ୍‌ କେବଳ କୃଷକଙ୍କ ଉପରେ ହିନ୍ଦୀରେ ଖୁବ୍‌ ବଡ଼ ବଡ଼ କଥା କହିଛନ୍ତି। କିନ୍ତୁ ପର୍ବତର ମୂଷିକ ପ୍ରସବ ପରି ଯଦି ଅର୍ଥମନ୍ତ୍ରୀଙ୍କ ବଜେଟକୁ ତଥ୍ୟର ଆଧାରରେ ବିଚାର କରାଯିବ, ତା’ହେଲେ ତାହା କୃଷି ଓ କୃଷକଙ୍କ ପାଇଁ କାମ କମ୍‌ କଥା ବେଶି ପରି ମନେହେବ। ବଜେଟରେ ଜିଡିପି ଅନୁପାତରେ ସରକାର କୃଷି ଓ ଗ୍ରାମ୍ୟ ଉନ୍ନୟନ ବାବଦରେ ବ୍ୟୟବରାଦ ବଢ଼ାଇବା ପରିବର୍ତ୍ତେ ଗତବର୍ଷର ୧.୧୫%ରୁ ୧.୦୮%କୁ ହ୍ରାସ କରିଛନ୍ତି। ଅର୍ଥମନ୍ତ୍ରୀ ତାଙ୍କ ବଜେଟରେ ୨୦୨୨ ସୁଦ୍ଧା କୃଷକଙ୍କ ଆୟକୁ ଦ୍ୱିଗୁଣିତ କରିବା କଥାକୁ ଦୋହରାଇଛନ୍ତି। ୨୦୧୪ରେ ଭାଜପା ତା’ର ନିର୍ବାଚନୀ ଇସ୍ତାହାରରେ ଏହି ପ୍ରତିଶ୍ରୁତି ଦେଇଥିଲେ ମଧ୍ୟ ଗତ ୩ ବର୍ଷ ୮ ମାସର ଶାସନ କାଳରେ ଏହାକୁ କାର୍ଯ୍ୟକାରୀ କରିବାରେ ବିଫଳ ହୋଇଛି। ବର୍ତ୍ତମାନ ଏହି ଲକ୍ଷ୍ୟକୁ ସେମାନେ ୨୦୨୨ ସୁଦ୍ଧା ପୂରଣ କରିବେ ବୋଲି ଯାହା କହୁଛନ୍ତି ତାହା ବି ଅସମ୍ଭବ ମନେହୁଏ। କାରଣ କୃଷି ଆୟକୁ ଦ୍ୱିଗୁଣିତ କରିବାକୁ ହେଲେ ଜିଡିପିରେ କୃଷିର ହାରକୁ ଅତି କମ୍‌ରେ ୧୨%ରେ ପହଞ୍ଚାଇବାକୁ ପଡ଼ିବ। କିନ୍ତୁ ବାସ୍ତବତା ହେଲା ଦେଶର ଜିଡିପିରେ କୃଷିର ଅଂଶ କ୍ରମାଗତଭାବେ ହ୍ରାସ ପାଉଛି ଏବଂ ମୋଦି ସରକାରଙ୍କ ଶାସନ କାଳରେ ଏହା ବାର୍ଷିକ ହାରାହାରି ୧.୯%କୁ ହ୍ରାସ ପାଇଛି। କୃଷକମାନଙ୍କୁ ସେମାନଙ୍କ ଉପତ୍ାଦିତ ଫସଲର ଉପଯୁକ୍ତ ଦାମ୍‌ ନ ମିଳିବା ଆଜି କୃଷି ସଙ୍କଟର ପ୍ରମୁଖ କାରଣ ହୋଇଛି। ଆମ ଦେଶରେ ପ୍ରଚଳିତ ସହାୟକ ମୂଲ୍ୟ ବ୍ୟବସ୍ଥା ଅତ୍ୟନ୍ତ ତ୍ରୁଟିପୂର୍ଣ୍ଣ, ଅପର୍ଯ୍ୟାପ୍ତ ଏବଂ ସୀମିତ। ଦେଶରେ କୃଷକମାନଙ୍କ ଦ୍ୱାରା ହଜାର ହଜାର ପ୍ରକାର ଫସଲ ଉପତ୍ାଦିତ ହେଉଥିବା ବେଳେ କେବଳ ୨୪ଟି ଫସଲରେ ହିଁ ସରକାର ସମର୍ଥନ ମୂଲ୍ୟ ଘୋଷଣା କରୁଛନ୍ତି। ମୋଦିଙ୍କ ଶାସନ କାଳରେ ସରକାରୀ ଘୋଷିତ ସମର୍ଥନ ମୂଲ୍ୟ ବି ଫସଲର ମୋଟ ଉପତ୍ାଦନ ଖର୍ଚ୍ଚଠାରୁ ୨୦% କମ୍‌ ଥିବା ଜଣାପଡ଼ିଛି। ତେବେ ଏ ନେଇ ଅତୀତରେ ଉପା ସରକାର ଦ୍ୱାରା ଗଠିତ ଏମ୍‌ଏସ୍‌ ସ୍ବାମୀନାଥନ୍‌ କମିଶନ୍‌ ନିଜ ରିପୋର୍ଟରେ ଫସଲର ମୋଟ ଉପତ୍ାଦନ ମୂଲ୍ୟରେ ପଚାଶ ଭାଗ ଲାଭ ମିଶାଇ କୃଷକଙ୍କୁ ସମର୍ଥନ ମୂଲ୍ୟ ଦେବାକୁ ସରକାରଙ୍କୁ ସୁପାରିସ କରିଛନ୍ତି। ତେବେ କମିଶନଙ୍କ ଏହି ଖର୍ଚ୍ଚ ହିସାବରେ ଉପତ୍ାଦନ ଖର୍ଚ୍ଚରେ କୃଷକର ପାରିବାରିକ ଶ୍ରମ ଏବଂ ଜମିର ଭଡ଼ା ବି ସାମିଲ କରାଯାଇଛି। କ୍ଷମତାକୁ ଆସିବା ପୂର୍ବରୁ ଭାଜପା ବି ନିଜ ଇସ୍ତାହାରରେ ସ୍ବାମୀନାଥନ୍‌ କମିଶନ୍‌ଙ୍କ ସୁପାରିସକୁ ସମର୍ଥନ କରିବା ସହ କ୍ଷମତାକୁ ଆସିଲେ ତାକୁ କାର୍ଯ୍ୟକାରୀ କରିବାକୁ ପ୍ରତିଶ୍ରୁତି ଦେଇଥିଲା। କିନ୍ତୁ ଅର୍ଥମନ୍ତ୍ରୀ ନିଜ ବଜେଟରେ ସ୍ବାମୀନାଥନ୍‌ କମିଶନଙ୍କ ସୁପାରିସ ପ୍ରକାରେ ସମର୍ଥନ ମୂଲ୍ୟ ଦେବାକୁ ଘୋଷଣା କରିବା ପରିବର୍ତ୍ତେ ବର୍ତ୍ତମାନ ରବି ଫସଲରେ ଉପତ୍ାଦନ ଖର୍ଚ୍ଚର ଦେଢ଼ଗୁଣା ସମର୍ଥନ ମୂଲ୍ୟ ଦିଆଯାଉଛି ଏବଂ ଆଗାମୀ ଦିନରେ ଖରିଫ୍‌ ଫସଲରେ ବି ତାହା ଦିଆଯିବ ବୋଲି ଡାହା ମିଛ କହି ଦେଶବାସୀଙ୍କୁ ଭୁଆଁ ବୁଲେଇଛନ୍ତି। ବଜେଟକୁ କୃଷି ଓ କୃଷକ ସପକ୍ଷବାଦୀ କହିବା ପଛରେ ସରକାରଙ୍କ ଅନ୍ୟତମ ଯୁକ୍ତି ହେଲା ବ୍ୟାଙ୍କ ଓ ସମବାୟ ସମିତି ଜରିଆରେ ଆନୁଷ୍ଠାନିକ ଋଣ ପ୍ରଦାନର ସୀମାକୁ ୧୦ ଲକ୍ଷ କୋଟିରୁ ୧୨.୬ ଲକ୍ଷ କୋଟିକୁ ବୃଦ୍ଧି କରିବା, ଯାହା କି ମୋଦି ସରକାରଙ୍କ ସମୟରେ ଦେଶରେ ମୋଟ କୃଷିଋଣରେ ୫୫% ବୃଦ୍ଧିକୁ ଦର୍ଶାଉଛି। ଏହା ସତ ଯେ, ଦେଶର କୃଷକମାନଙ୍କ ବର୍ଦ୍ଧିତ ଋଣଗ୍ରସ୍ତତା ଉଦ୍‌ବେଗଜନକ ସ୍ଥିତିରେ ପହଞ୍ଚିଛି ଏବଂ କ୍ରମବର୍ଦ୍ଧମାନ କୃଷକ ଆତ୍ମହତ୍ୟାର ଏହା ହିଁ ପ୍ରମୁଖ କାରଣ। ଅତଏବ କୃଷକଙ୍କୁ ଋଣମୁକ୍ତ କରି ଏହି ସଙ୍କଟରୁ ଉଦ୍ଧାର କରିବା ପାଇଁ କୃଷିଋଣ ଛାଡ଼ କରିବା କୃଷକ ସଙ୍ଗଠନଗୁଡ଼ିକର ପ୍ରମୁଖ ଦାବି ହୋଇ ଆସିଛି। କିନ୍ତୁ ସରକାର ବଜେଟରେ କୃଷିଋଣ ଛାଡ଼ିବାକୁ ଘୋଷଣା କରିବା ପରିବର୍ତ୍ତେ ବ୍ୟାଙ୍କ ଓ ସମବାୟ ସମିତିମାନଙ୍କ ଜରିଆରେ ଆନୁଷ୍ଠାନିକ ଋଣ ପ୍ରଦାନର ସୀମାକୁ ବଢ଼ାଇବାକୁ ଘୋଷଣା କରିଛନ୍ତି। ସରକାରଙ୍କ ଏଭଳି ଘୋଷଣା କୃଷକଙ୍କୁ ଋଣମୁକ୍ତ କରିବା ପରିବର୍ତ୍ତେ ଅଧିକରୁ ଅଧିକ ଋଣଯନ୍ତା ଭିତରକୁ ଠେଲିବାକୁ ଯାଉଛି। ବଜେଟରେ ସରକାର ଫସଲ ବୀମା ବାବଦରେ ୧୦ହଜାର କୋଟିର ବ୍ୟୟବରାଦ କରିଛନ୍ତି। ଦେଶର କୃଷକମାନଙ୍କୁ ପ୍ରାକୃତିକ ବିପର୍ଯ୍ୟୟ ଏପରି କି ରୋଗପୋକରେ ଫସଲହାନିଜନିତ ବିପଦରୁ ଉଦ୍ଧାର କରିବା ପାଇଁ ସରକାରଙ୍କ ରିଲିଫ୍‌ କୋଡ୍‌ରେ ସଂଶୋଧନ କରି କ୍ଷତିପୂରଣର ରାଶିକୁ ବଢ଼ାଇ ତୁରନ୍ତ କ୍ଷତିପୂରଣ ଦେବାକୁ ବ୍ୟବସ୍ଥା କରିବା ପରିବର୍ତ୍ତେ ମୋଦି ସରକାର ଗତ ଦୁଇବର୍ଷ ହେଲା କୃଷକଙ୍କୁ ବିଦେଶୀ ବୀମା କମ୍ପାନୀଙ୍କ ଦୟାରେ ଛାଡ଼ିଦେଇଛନ୍ତି। ନିକଟରେ ରାଜ୍ୟ ସଭାରେ ଏକ ପ୍ରଶ୍ନର ଉତ୍ତରରେ ଖୋଦ୍‌ ସରକାର ସ୍ବୀକାର କରିଛନ୍ତି ଯେ, ବୀମା କମ୍ପାନୀଗୁଡ଼ିକ ଗତବର୍ଷ ୨୨ ହଜାର କୋଟି ଟଙ୍କା ପ୍ରିମିୟମ୍‌ ବାବଦରେ ନେଇଥିବା ବେଳେ କୃଷକଙ୍କୁ ମାତ୍ର ୧୦ ହଜାର କୋଟିର କ୍ଷତିପୂରଣ ରାଶି ପ୍ରଦାନ କରିଛନ୍ତି। ଦେଶର କୃଷକ ଓ କୃଷି ଶ୍ରମିକମାନଙ୍କ ପାଇଁ ସାର୍ବଜନୀନ ପେନ୍‌ସନ୍‌ ଯୋଜନା ଘୋଷଣା କରିବାରେ ଚଳିତ ବଜେଟ ବିଫଳ ହୋଇଛି। ବର୍ତ୍ତମାନ ଚାଲିଥିବା ପେନ୍‌ସନ୍‌ ଯୋଜନା ନାମକୁ ମାତ୍ର ଓ ସମସ୍ତଙ୍କ ପାଇଁ ଉପଲବ୍ଧ ନୁହେଁ। ଅନେକ ରାଜ୍ୟରେ ବାର୍ଦ୍ଧକ୍ୟ, ବିଧବା ଓ ଭିନ୍ନକ୍ଷମମାନଙ୍କୁ ପେନ୍‌ସନ୍‌ ରୂପେ ମାସିକ ୧୦୦୦ରୁ ୧୫୦୦ ଟଙ୍କା ମିଳୁଥିବା ବେଳେ ଓଡ଼ିଶାରେ ମାସିକ ମାତ୍ର ତିନିଶହ ଟଙ୍କା ଦିଆଯାଉଛି। ଅର୍ଥମନ୍ତ୍ରୀ ଦେଶର କୃଷିଜାତ ଦ୍ରବ୍ୟର ରପ୍ତାନିକୁ ୧୦୦ ବିଲିୟନ୍‌ ଡଲାରକୁ ବୃଦ୍ଧି କରିବାକୁ ଘୋଷଣା କରିଛନ୍ତି। କିନ୍ତୁ ବାସ୍ତବତା ହେଉଛି, ୨୦୧୩-୧୪ରେ ଦେଶରେ କୃଷିଜାତ ଦ୍ରବ୍ୟର ରପ୍ତାନି ୧.୩୭ ଲକ୍ଷ କୋଟି ଥିବା ବେଳେ ବର୍ତ୍ତମାନ ତାହା ୧.୦୬ ଲକ୍ଷ କୋଟି ଟଙ୍କା ବା ପ୍ରାୟ ୧୭ ବିଲିୟନ୍‌ ଡଲାରକୁ ହ୍ରାସ ପାଇଛି। ଅତଏବ ଚଳିତ ବଜେଟକୁ ସରକାର କୃଷି ଓ କୃଷକଙ୍କ ପାଇଁ ଉଦ୍ଦିଷ୍ଟ କହିି ଯେତେ ଡିଣ୍ଡିମ ପିଟିଲେ ବି ତାହା ନିରାଧାର ଏବଂ ଦେଶର ସର୍ବାଧିକ ଲୋକ ନିର୍ଭର କରୁଥିବା ଏହି କ୍ଷେତ୍ରକୁ ପୂର୍ବ ବର୍ଷଗୁଡ଼ିକ ଭଳି ଚଳିତବର୍ଷ ବି ସରକାର ପ୍ରତାରିତ କରିଛନ୍ତି। (ମୋ- ୯୪୩୭୧୬୬୩୯୧, bhalachandra.odisha@gmail.com)
All Right Reserved By

ସମ୍ପାଦକୀୟ |

ନେତାଗିରି ଲୋଭ

ନେତାଗିରି ଲୋଭ


ଦିଲ୍ଲୀକା ବାବୁ/ ଦିଲୀପ ଚେରିଏନ୍‌

ଆଜିକାଲି ବାବୁମାନଙ୍କର ନେତାଗିରି ପ୍ରତି ଲୋଭ ବଢ଼ିଯାଇଛି। ରାଜସ୍ଥାନରେ ବିଧାନସଭା ନିର୍ବାଚନ ଆଉ ଅଳ୍ପଦିନ ବାକି ଥିବାବେଳେ ଟିକେଟ୍‌ ପାଇଁ ନେତାମାନଙ୍କୁ ପୂର୍ବତନ ଆଇଏଏସ୍‌ ଓ ଆଇପିଏସ୍‌ ବାବୁମାନଙ୍କ ସହ ପ୍ରତିଦ୍ୱନ୍ଦ୍ୱିତା କରିବାକୁ ପଡ଼ୁଛି। ଉଭୟ ଜାତୀୟ ଦଳ ଭାଜପା ଓ କଂଗ୍ରେସରେ ଯୋଗଦେବା ଓ ଟିକେଟ୍‌ ପାଇବା ପାଇଁ ପୂର୍ବତନ ବାବୁମାନେ ଧାଡ଼ି ଲଗାଇଥିବା ...

କଶ୍ମୀର ମିଶ୍ରଣର ଅଜଣା ତଥ୍ୟ

କଶ୍ମୀର ମିଶ୍ରଣର ଅଜଣା ତଥ୍ୟ

ଡ. ବାଞ୍ଛାନିଧି ପଣ୍ଡା

କଶ୍ମୀର ମହାରାଜା ହରି ସିଂ କଶ୍ମୀରକୁ ଭାରତ କିମ୍ବା ପାକିସ୍ତାନରେ ବିଲୟ କରାଇବେ ଏ ନେଇ ଦ୍ୱିଧାରେ ଥିଲେ। କଶ୍ମୀରକୁ ଭାରତରେ ବିଲୟ କରିବା ପାଇଁ ଆରଏସ୍‌ଏସ୍‌ କାର୍ଯ୍ୟକର୍ତ୍ତାମାନେ ରାଜାଙ୍କୁ ପ୍ରଭାବିତ କରିବା ପାଇଁ ଚେଷ୍ଟା କଲେ। କଶ୍ମୀରର ସଂଘଚାଳକ ପ୍ରେମନାଥ ଡୋଗ୍ରା ଏବଂ ପଞ୍ଜାବର ସଂଘଚାଳକ ରାୟବାହାଦୁର ଶ୍ରୀ ବଦ୍ରିନାଥ ମହାରାଜାଙ୍କ ସହିତ ଭାରତରେ ମିଶ୍ରଣ ସଂକ୍ରାନ୍ତରେ କଥାବାର୍ତ୍ତା କରିଥିଲେ। ଇତିମଧ୍ୟରେ ୧୯୪୭ ଅକ୍ଟୋବର ୧୧ ତାରିଖରେ ପାକିସ୍ତାନ ଭାରତବର୍ଷ ଉପରେ ଆକ୍ରମଣ ...

ୟୁ.ଏସ୍‌. କନ୍‌ସୁଲେଟ୍‌ର ସେବା

ୟୁ.ଏସ୍‌. କନ୍‌ସୁଲେଟ୍‌ର ସେବା

କାଥେରିନ ହଡ୍ଡା 

ଦଶବର୍ଷ ତଳେ ୨୦୦୮ରେ ଆମେରିକୀୟ ଧ୍ୱଜା ହାଇଦ୍ରାବାଦସ୍ଥିତ ୟୁ.ଏସ୍‌. କନ୍‌ସୁଲେଟ (ବାଣିଜ୍ୟ ଦୂତାବାସ)ରେ ପ୍ରଥମଥର ଉତ୍ତୋଳନ ହୋଇଥିଲା। ଆମେରିକା ସରକାରଙ୍କ ଦ୍ୱାରା ଏଭଳି ବୈଦେଶିକ କେନ୍ଦ୍ର ସ୍ଥାପନ କରିବା ବିରଳ ହୋଇଥିବା ବେଳେ, ହାଇଦ୍ରାବାଦ ଟେକ୍ନୋଲୋଜି ଓ ସମୃଦ୍ଧିର କେନ୍ଦ୍ର ହୋଇଥିବାରୁ, ଆମ ସରକାର ଆମେରିକା ଓ ଭାରତ ମଧ୍ୟରେ ବୈଦେଶିକ ଓ ...

ଏଇ ଭାରତରେ

ଏଇ ଭାରତରେ

କେତେକ ରୋଗ ଔଷଧ ଦ୍ୱାରା ଆରୋଗ୍ୟ ହୋଇ ନ ପାରିଲେ ଅସ୍ତ୍ରୋପଚାର ଦରକାର ପଡେ। ନ ହେଲେ ବଞ୍ଚତ୍ବା ମୁସ୍କିଲ। ଏପରି ଦୁରାରୋଗ୍ୟ ବ୍ୟାଧିର ଶିକାର ହୋଇଥିବା ଏକ ୩ମାସର ଶିଶୁକନ୍ୟାର ହୃତ୍‌ପିଣ୍ଡ ଅସ୍ତ୍ରୋପଚାର ପାଇଁ ଦିନ ଧାର୍ଯ୍ୟ କରାଯାଇଛି। ଏପରି...

ଆଜିର ଅର୍ଥନୀତି/ କୃଷିକୁ ଅଣଦେଖା

ଆଜିର ଅର୍ଥନୀତି/ କୃଷିକୁ ଅଣଦେଖା

ମେକ୍‌ ଇନ୍‌ ଓଡ଼ିଶା କନ୍‌କ୍ଲେଭ୍‌ର ଦ୍ୱିତୀୟ ସଂସ୍କରଣ ଶେଷ ହୋଇଛି। ଏହି ଅବସରରେ ୧୮୩ଟି ପ୍ରସ୍ତାବ ମାଧ୍ୟମରେ ୪.୨ ଲକ୍ଷ କୋଟି ଟଙ୍କାର ପୁଞ୍ଜିନିବେଶ ପାଇଁ ପ୍ରତିଶ୍ରୁତି ମିଳିଛି। ଯଦି ପ୍ରତିଶ୍ରୁତି ପୂର୍ଣ୍ଣରୂପେ କାର୍ଯ୍ୟକାରୀ ହୁଏ, ତେବେ ଏହାଦ୍ୱାରା ପାଞ୍ଚଲକ୍ଷରୁ ଅଧିକ କର୍ମନିଯୁକ୍ତି ସୃଷ୍ଟି ହୋଇପାରିବ। ଉକ୍ତ ଚାରିଦିନିଆ କାର୍ଯ୍ୟକ୍ରମରେ ରାଜ୍ୟ ସରକାରଙ୍କ ସହ ଅଂଶୀଦାର ଭାବେ ଏହି ପ୍ରଚେଷ୍ଟାରେ ସାମିଲ ହେବା ପାଇଁ ଭାରତର ୨୧ଟି ରାଜ୍ୟ ଏବଂ ଭାରତ ବାହାରୁ ୨୦ରୁ ଊର୍ଦ୍ଧ୍ୱ ଦେଶର ଅଂଶଗ୍ରହଣକାରୀ ଯୋଗ ...

ଖବରକାଗଜର ଅନବଦ୍ୟ ସେବା

ଖବରକାଗଜର ଅନବଦ୍ୟ ସେବା

ବୈକୁଣ୍ଠନାଥ ମିଶ୍ର

ଗଣତନ୍ତ୍ରର ଚତୁର୍ଥ ସ୍ତମ୍ଭ ଖବରକାଗଜ ଏକ ବଳିଷ୍ଠ ତଥା ଲୋକପ୍ର୍ରିୟ ଗଣମାଧ୍ୟମ। ଅଧୁନା ଖବରକାଗଜଗୁଡିକ ପାଠକୀୟ ଆଦୃତି ସହ ବ୍ୟବସାୟିକ ସଫଳତା ହାସଲ କରିଛନ୍ତି। ସହରଠାରୁ ଗ୍ରାମାଞ୍ଚଳ ଓ ଧନୀଠାରୁ ଦରିଦ୍ର ସବୁଠାରେ ଖବରକାଗଜର ଜନପ୍ରିୟତା ପରିଦୃଷ୍ଟ। ବେତାର ଓ ଦୂରଦର୍ଶନରେ ଖବର ପ୍ରସାରିତ ହେଉଥିଲେ ମଧ୍ୟ ଏଗୁଡିକର ସମୟାନୁବର୍ତ୍ତିତା ବହୁ ସମୟରେ ଖବର ଶ୍ରବଣରେ ବ୍ୟାଘାତ ଉପୁଜାଏ। ନିର୍ଦ୍ଧାରିତ ସମୟରେ ଟିଭି ପାଖରେ ନ ବସିଲେ ଖବର ହାତଛଡ଼ା ହୋଇଯାଏ। ବିଦ୍ୟୁତ୍‌ ବିଭ୍ରାଟ କି...

ବୋଝର ଛାଇ

ବୋଝର ଛାଇ

ଡ. ସୁବାସ ଚନ୍ଦ୍ର ପାତ୍ର

କୁହାଯାଏ ବୋଝର ଓଜନ ବୋଝଟିକୁ ଓଜନିଆ କରିଦିଏନି ବରଂ ତାକୁ ଓଜନିଆ କରିଦିଏ ବହନ କରିବାର ଶୈଳୀ ବା କୌଶଳ। ମୁଣ୍ଡରେ ବୁହାଯାଉଥିବା ବୋଝ ହୁଏ ତ କାନ୍ଧକୁ ହାଲୁକା ଲାଗିପାରେ, ଖାଲିକାନ୍ଧରେ ବୁହାଯାଉଥିବା ବୋଝକୁ ବାହୁଙ୍ଗିରେ ବହନ କଲେ ତାହା ଅପେକ୍ଷାକୃତ ହାଲୁକା ଲାଗିପାରେ; କାନ୍ଧ ବା ମୁଣ୍ଡରେ ବୁହାଯାଉଥିବା ବୋଝକୁ ଗୋଟିଏ ଚକଲଗା ଠେଲାରେ ନେଲେ ତାହା ଆହୁରି ହାଲୁକା ଲାଗିବ ଏବଂ ସେଥିରେ ଆଉ ଟିକିଏ ଅଧିକ ବୋଝ ଲଦିଦେବାକୁ ହୁଏ ତ ଲୋଭ ବି ଆସିପାରେ। ...

ଏଇ ଭାରତରେ

ଏଇ ଭାରତରେ

ସମାଜରେ ଅନେକ ସ୍ଥଳରେ ଦେଖାଯାଏ ଶାଶୁ-ବୋହୂଙ୍କ ମଧ୍ୟରେ ପଡେନାହିଁ। ନିତିଦିନ କଳିକଜିଆ ଲାଗେ। ଏପରି କି ଶାଶୁବୋହୂ ମଧ୍ୟରେ ଅହି-ନକୁଳ ସମ୍ପର୍କ ଦେଖିବାକୁ ମିଳେ। କିନ୍ତୁ କେତେକ ସ୍ଥଳରେ ବୋହୂ ଜଣକ ଶାଶୁଙ୍କ ଆଜ୍ଞାଧୀନ ହୋଇ ଚଳିଥାଆନ୍ତି। ...

କୁକୁଡ଼ା ମାଂସରେ ବିଷ

କୁକୁଡ଼ା ମାଂସରେ ବିଷ

ପରିବେଶ ପରିଚିନ୍ତା/ ମାନେକା ଗାନ୍ଧୀ

”ଆମ ଘରକୁ କିଛି ଅତିଥି ଆସିଛନ୍ତି। ପ୍ରିୟେ! ସେମାନଙ୍କ ପାଇଁ ଆର୍ସେନିକ୍‌ ବିଷଯୁକ୍ତ ସ୍ବାଦିଷ୍ଠ କୁକୁଡ଼ାମାଂସ ତରକାରି ତିଆରି କର। କ’ଣ, କରିପାରିବନି? ତା’ହେଲେ ଚାଲ ସେମାନଙ୍କୁ ଏକ ଭଲ ହୋଟେଲକୁ ନେଇ ଆର୍ସେନିକ୍‌ ବିଷଯୁକ୍ତ ତନ୍ଦୁରି ଚିକେନ୍‌ ଖାଇବାକୁ ଦେବା।“- ଏହା କୌଣସି ସଦ୍ୟ ବଲିଉଡ୍‌ ହତ୍ୟାରହସ୍ୟ ସ୍କ୍ରିପ୍ଟର ପଂକ୍ତି ନୁହେଁ। ଏହା ବାସ୍ତବ ଜୀବନର ଘଟଣା। ଆର୍ସେନିକ୍‌ ଏପରି ଏକ ମାରାତ୍ମକ ବିଷ, ଯାହାଦ୍ୱାରା ବିଭିନ୍ନ ନାଟକ, ଉପନ୍ୟାସ ଓ ଚଳଚ୍ଚିତ୍ର ପ୍ରଭୃତିର କେତେ ଚରିତ୍ରଙ୍କୁ ହତ୍ୟା କରାଯାଇଛି...

ଛାତ୍ର ସଂସଦ ନିର୍ବାଚନ: ଏକ ଅନୁଶୀଳନ

ଛାତ୍ର ସଂସଦ ନିର୍ବାଚନ: ଏକ ଅନୁଶୀଳନ

ଅଚ୍ୟୁତ ସାମନ୍ତ

ମୋର ମନେପଡ଼େ ଆମ ବିଦ୍ୟାଳୟରେ ଶ୍ରେଣୀପ୍ରତିନିଧି ବା ମନିଟର ଚୟନ କରାଯାଏ। ଶ୍ରେଣୀ ପ୍ରତିନିଧି ବ୍ୟତୀତ ସମଗ୍ର ବିଦ୍ୟାଳୟର ଛାତ୍ରପ୍ରତିନିଧି ମଧ୍ୟ ଚୟନ କରାଯାଏ। ମୁଁ କଟକ ଜିଲା ରଘୁନାଥପୁର ଅନ୍ତର୍ଗତ କଲରାବାଙ୍କ ପ୍ରାଥମିକ ବିଦ୍ୟାଳୟ, ପୂର୍ଣ୍ଣଚନ୍ଦ୍ର ବିଦ୍ୟାମନ୍ଦିରରେ ମାଧ୍ୟମିକ ଶିକ୍ଷା ଲାଭ କରିଥିଲି। ପ୍ରାଥମିକ ଓ ମଧ୍ୟ ଇଂରାଜୀ ବିଦ୍ୟାଳୟରେ ପଢ଼ିବା ସମୟରେ ମଧ୍ୟ ମୋତେ ଶ୍ରେଣୀପ୍ରତିନିଧିର ଦାୟିତ୍ୱ ଦିଆଯାଇଥିଲା। ବିଦ୍ୟାଳୟରେ ଅନେକ ସ୍ବଚ୍ଛଳ ଓ ସ୍ବାସ୍ଥ୍ୟବାନ୍‌ ପିଲା ଥାଉଥାଉ ମୋତେ କାହିଁକି ମନିଟର କରାଯାଉଛି ବୋଲି ଜାଣିପାରୁ ନ ଥିଲି। ପରେ ଜାଣିବାକୁ ପାଇଲି, ମୁଁ ଶ୍ରେଣୀରେ ଓ ସ୍କୁଲ୍‌ରେ ଭଲ ପାଠ ପଢ଼ୁଥିବାରୁ ...

ମିଛ ଭିକାରି, ମିଛ ଭେକ

ମିଛ ଭିକାରି, ମିଛ ଭେକ

ଛନ୍ଦା ମିଶ୍ର

କୁହାଯାଏ, ଭେକ ଥିଲେ ଭିକ ମିଳେ। କୋଟ୍‌, ଟାଇ ପିନ୍ଧା ଭଦ୍ରବ୍ୟକ୍ତିଟି ପାଇଁ ଆପଣଙ୍କ ପକେଟରୁ ଦୁଇଟଙ୍କିଆଟିଏ ବାହାରିବ କି? ତେଣୁ ଭିକ ମାଗିବାକୁ ଆସୁଥିବା ଲୋକେ ଚିରାଫଟା ପିନ୍ଧି, ଆଲୁରୁବାଲୁରୁ ମୁଣ୍ଡ କରି, ଛିଣ୍ଡାଚପଲ ଓ କଣା ଟିଣଡବା ଧରି ଆପଣଙ୍କ ନିକଟରେ ହାତ ପତାନ୍ତି। ତାଙ୍କ ଦୟନୀୟ ଅବସ୍ଥା ଦେଖି ଆପଣଙ୍କ ପାଖରେ ଥିବା ଖୁଚୁରାଗୁଡ଼ିକ ଟିଣଡବା ଭିତରକୁ ଡେଇଁପଡିବାକୁ ବିକଳ ହୋଇଉଠନ୍ତି। ଆଉ ଭିକ୍ଷାପ୍ରାର୍ଥୀ ଯଦି ବିକଳାଙ୍ଗ ବା ସାଥିରେ ଥାଏ ଲଙ୍ଗଳା ଶିଶୁଟିଏ, ତେବେ ଆପଣଙ୍କ ମୁଣାରେ ଥିବା କାଗଜ ନୋଟ୍‌ଗୁଡ଼ିକ ବି ହୋଇଉଠନ୍ତି ଚଞ୍ଚଳ। ମନ୍ଦିରଗୁଡ଼ିକରେ ଆମଠାରୁ ଦାନ ଗ୍ରହଣ କରିବା ପାଇଁ ଯେଉଁ ଜୁଲମ ହୁଏ, ...

ଏଇ ଭାରତରେ

ଏଇ ଭାରତରେ

ବର୍ତ୍ତମାନର ଯୁଗକୁ ଇଣ୍ଟରନେଟ୍‌ ଯୁଗ କୁହାଯାଉଥିବା ବେଳେ ଏବକାର ପିଲାମାନେ ମଧ୍ୟ କୌଣସି ଗୁଣରେ କମ୍‌ ନୁହନ୍ତି। ସହଜାତ ଗୁଣ ଯୋଗୁ କେତେକ ପିଲା ଖୁବ୍‌ କମ୍‌ ବୟସରେ ଅସାଧ୍ୟ ସାଧନ କରିପାରନ୍ତି ଯାହା ଜଣେ ବୟସ୍କ ଲୋକ ପକ୍ଷରେ ସମ୍ଭବ ହୋଇ ନ ଥାଏ। ଏପରି ଜଣେ ବିରଳ ପ୍ରତିଭାର ଅଧିକାରୀ ହେଉଛନ୍ତି ମୁମ୍ବାଇର ୧୩ ବର୍ଷ ବୟସ୍କା ପିଙ୍ଗ୍‌ଲା ରାହୁଲ। ତାଙ୍କୁ ବୁଧବାର ‘ଡୁଡଲ୍‌ ଫର୍‌...