ଖେଳ |

୩-୦ ଅଗ୍ରଣୀ ଲକ୍ଷ୍ୟରେ ଭାରତ

କେପ୍‌ ଟାଉନ୍‌,୬ା୨(ପି.ଟି.)- ପ୍ରଥମ ଦୁଇଟି ଦିନିକିଆରେ ବିଜୟ ହାସଲ କରି ଚଳିତ ୬ ମ୍ୟାଚ ବିଶିଷ୍ଟ ସିରିଜରେ ଦମ୍‌ଦାର ଆରମ୍ଭ କରିଥିବା ଭ୍ରମଣକାରୀ ଭାରତ ବୁଧବାର ତୃତୀୟ ମୁକାବିଲାରେ ଦକ୍ଷିଣ ଆଫ୍ରିକାକୁ ଭେଟିବ। ସ୍ଥାନୀୟ ନ୍ୟୁଲାଣ୍ଡ୍ସ ଗ୍ରାଉଣ୍ଡରେ ଖେଳାଯିବାକୁ ଥିବା ଏହି ମ୍ୟାଚ ଉଭୟ ଦଳ ପାଇଁ ବିଶେଷ ଭାବେ ଗୁରୁତ୍ୱ ବହନ କରୁଛି। ଏପର୍ଯ୍ୟନ୍ତ ଦକ୍ଷିଣ ଆଫ୍ରିକା ମାଟିରେ ଭାରତ ପ୍ରତ୍ୟେକ ଦିନିକିଆ ସିରିଜରେ ପରାସ୍ତ ହୋଇ ଆସିଛି। ତେବେ ଏହି ମ୍ୟାଚରେ ବିଜୟୀ ହେଲେ ଭାରତ ୩-୦ରେ ଅଗ୍ରଣୀ ହେବ ଓ ଅତିକମ୍‌ରେ ସିରିଜ ପରାଜୟ ବରଣ କରିବ ନାହିଁ। ଫଳରେ ବିଜୟୀ ହେଲେ ଭାରତ ଇତିହାସ ସୃଷ୍ଟି କରିବ। ଅପରପକ୍ଷରେ ଆଘାତ ସମସ୍ୟା ଜର୍ଜରିତ ଦକ୍ଷିଣ ଆଫ୍ରିକା ବିଜୟୀ ହୋଇ ସିରିଜକୁ ପ୍ରତ୍ୟାବର୍ତ୍ତନ କରିବା ଲକ୍ଷ୍ୟରେ ରହିଛି। ଡର୍ବାନରେ ଭାରତ ପ୍ରଥମ ଦିନିକିଆକୁ ୬ ଉଇକେଟରେ ଓ ସେଞ୍ଚୁରିଅନରେ ଦ୍ୱିତୀୟ ଦିନିକିଆରେ ୯ ଉଇକେଟରେ ବିଜୟ ହାସଲ କରି ଘରୋଇ ଦଳ ଉପରେ ଆଧିପତ୍ୟ ବିସ୍ତାର କରି ଖେଳିଛି। ଦକ୍ଷିଣ ଆଫ୍ରିକାରେ ଭାରତ ୧୯୯୨-୯୩ ଓ ୨୦୧୦-୧୧ରେ ଖେଳାଯାଇଥିବା ଦ୍ୱିପାକ୍ଷିକ ସିରିଜ୍‌ରେ ଦୁଇଟି ବିଜୟ ହାସଲ କରିବାରେ ସକ୍ଷମ ହୋଇଥିଲେ ମଧ୍ୟ ସିରିଜରେ ପରାସ୍ତ ହୋଇଥିଲା। ତେବେ ଏଥର ସେଭଳି ହେବା ଭଳି ଲାଗୁ ନାହିଁ। ଦୁଇ ଅଭିଜ୍ଞ ବ୍ୟାଟ୍ସମ୍ୟାନ ଏବି ଡି’ଭିଲର୍ସ ଓ ଅଧିନାୟକ ଫାଫ୍‌ ଡୁପ୍ଲେସିଙ୍କ ପରେ ଯୁବ ଉଇକେଟ କିପର ବ୍ୟାଟ୍ସମ୍ୟାନ କ୍ୱିଣ୍ଟନ ଡି’କକ୍‌ ମଧ୍ୟ ବାକିଥିବା ଦିନିକିଆ ମ୍ୟାଚ ଓ ଟି୨୦ ସିରିଜରୁ ବାଦ ପଡିଛନ୍ତି। ତେବେ ଡି’ଭିଲର୍ସ ଚତୁର୍ଥ ଦିନିକିଆରେ ପ୍ରତ୍ୟାବର୍ତ୍ତନ କରିବେ। ଏହା ସତ୍ତ୍ୱେ ଭାରତ ପାଇଁ ସୁଯୋଗ ସୃଷ୍ଟି ହୋଇଛି। ଡି’କକ୍‌ଙ୍କ ବଦଳ ଖେଳାଳିଙ୍କ ନାମ କ୍ରିକେଟ ସାଉଥ ଆଫ୍ରିକା ଘୋଷଣା କରି ନ ଥିଲେ ମଧ୍ୟ ହେନରିଚ୍‌ କ୍ଲାସେନ୍‌ ଦିନିକିଆର ପଦାର୍ପଣ କରିବା ସମ୍ଭାବନା ରହିଛି। ଘରୋଇ ଦିନିକିଆ ଟୁର୍ନାମେଣ୍ଟରେ କ୍ଲାସେନ୍‌ ତୃତୀୟ ସର୍ବାଧିକ ସ୍କୋରର ବିବେଚିତ ହୋଇଛନ୍ତି। ଅବଶ୍ୟ ଡି’କକ୍‌ ଦୁର୍ବଳ ଫର୍ମ ଦେଇ ଗତି କରୁଥିଲେ। ଟେଷ୍ଟ ଓ ଦିନିକିଆରେ ଗତ ୮ଟି ଇନିଂସରେ ସେ ଥରେ ହେଲେ ବି ୫୦ରୁ ଊର୍ଦ୍ଧ୍ୱ ରନ ସ୍କୋର କରିବାରେ ବିଫଳ ହୋଇଛନ୍ତି। ତେଣୁ କ୍ଲାସେନଙ୍କୁ ଦଳରେ ସାମିଲ କଲେ ଦକ୍ଷିଣ ଆଫ୍ରିକା ପାଇଁ ଲାଭଜନକ ହୋଇପାରେ। ଗତ ଦୁଇଟି ମ୍ୟାଚରେ ମୋଟ ୧୩ଟି ଉଇକେଟ ହାସଲ କରିଥିବା ଦୁଇ ଭାରତୀୟ ରିଷ୍ଟ ସ୍ପିନର ୟଜବେନ୍ଦ୍ର ଚହଲ ଓ କୁଲଦୀପ ଯାଦବଙ୍କ ବଲକୁ ବୁଝିବା କ୍ଲାସେନଙ୍କ ପାଇଁ କଷ୍ଟକର ହେବ। ଅଭିଜ୍ଞ ହାସିମ ଅମଲା, ଜେପି ଡୁମିନି, ଡେଭିଡ ମିଲର ଓ କାମଚଳା ଅଧିନାୟକ ତଥା ଯୁବ ବ୍ୟାଟ୍ସମ୍ୟାନ ଏଡେନ ମାରକ୍ରାମଙ୍କୁ ଦମ୍‌ ଦେଖାଇବାକୁ ପଡିବ। ଏପର୍ଯ୍ୟନ୍ତ ସିରିଜରେ କୌଣସି ଦକ୍ଷିଣ ଆଫ୍ରିକା ବ୍ୟାଟ୍ସମ୍ୟାନ ସଫଳ ହୋଇ ପାରିନାହାନ୍ତି। ଗତମ୍ୟାଚରେ ପଦାର୍ପଣରେ ଖାୟା ଜୋଣ୍ଡୋ ୪୫ ବଲରୁ ୨୫ ରନ ସଂଗ୍ରହ କରିଥିଲେ। ସେହିପରି ଡୁମିନି ମଧ୍ୟ ୨୫ ରନ ସଂଗ୍ରହ କରିଥିଲେ। ଭାରତୀୟ ରିଷ୍ଟ ସ୍ପିନରଙ୍କୁ କିପରି ମୁକାବିଲା କରାଯିବ ସେ ନେଇ ଦକ୍ଷିଣ ଆଫ୍ରିକା ଟିମ୍‌ ମ୍ୟାନେଜମେଣ୍ଟ ଅବଶ୍ୟ ଚିନ୍ତିତ ଥିବ। ଦଳରେ ଦୁଇଜଣ ସ୍ପିନର ଇମ୍ରାନ ତାହିର ଓ ତାବ୍ରେଜ୍‌ ଶାମସି ରହିଛନ୍ତି। ଦ.ଆଫ୍ରିକା ଏହି ଦୁଇ ସ୍ପିନରଙ୍କୁ ଖେଳାଇବ କି ନା ତାହା ମ୍ୟାଚ ଆରମ୍ଭ ହେଲା ପରେ ଜଣାପଡିବ। ଅପରପକ୍ଷରେ ଭାରତ ବୋଲିଂ, ବ୍ୟାଟିଂ ଓ ଫିଲ୍ଡିଂ ୩ଟି ବିଭାଗରେ ଉଚ୍ଚକୋଟୀର ପ୍ରଦର୍ଶନ କରିଛି। ଫଳରେ ଦଳରେ କୌଣସି ସମସ୍ୟା ଥିବା ଭଳିି ଲାଗୁନାହିଁ। କ୍ରମାଗତ ଦୁଇଟି ବିଜୟ ହାସଲ କରିଥିବାରୁ ଭାରତୀୟ ଦଳରେ କୌଣସି ପରିବର୍ତ୍ତନ ନ ହେବା ନିଶ୍ଚିତ ମନେହେଉଛି। ଦ. ଆଫ୍ରିକା ମାଟିରେ ପୂର୍ବରୁ ଭାରତ କେବେବି ୩ଟି ମ୍ୟାଚରେ ବିଜୟୀ ହୋଇନାହିଁ। ତେଣୁ ନ୍ୟୁଲାଣ୍ଡ୍ସରେ ସଫଳ ହେଲେ ଭାରତ ଇତିହାସ ସୃଷ୍ଟି କରିବ। ପୂର୍ବରୁ ଏଠାରେ ଭାରତ ୪ଟି ଦିନିକିଆ ଖେଳିଛି ଓ ଦୁଇଟିରେ ବିଜୟୀ ହେବା ସହ ଗୋଟିଏରେ ପରାଜୟ ବରଣ କରିଛି। ଇତିମଧ୍ୟରେ ଆନ୍ତର୍ଜାତିକ କ୍ରିକେଟ କାଉନସିଲ୍‌ (ଆଇସିସି) ଦିନିକିଆ ର଼୍ୟାଙ୍କିଙ୍ଗରେ ଭାରତ ଶୀର୍ଷ ସ୍ଥାନ ହାସଲ କରିଛି। ତେଣୁ ବିଜୟୀ ହେଲେ ଭାରତ ତା’ର ଏହି ସ୍ଥାନ ଆହୁରି ଦୃଢ଼ କରିବ। ନ ହେଲେ ଭାରତ ଦ୍ୱିତୀୟ ସ୍ଥାନକୁ ଖସିବ। ଅନ୍ୟପଟେ ନ୍ୟୁଲାଣ୍ଡ୍ସରେ ଦକ୍ଷିଣ ଆଫ୍ରିକାର ରେକର୍ଡ ଜବରଦସ୍ତ ରହିଛି। ଘରୋଇ ଦଳ ଏଠାରେ ୩୩ଟି ମ୍ୟାଚ୍‌ ଖେଳିଥିବାବେଳେ ୨୮ଟିରେ ବିଜୟୀ ହୋଇଛି। ଏଠାରେ ଗତ ୬ଟି ଦିନିକିଆରେ ପ୍ରଥମ ଇନିଂସରେ ହାରାହାରି ସ୍କୋର ୩୧୧ ରହିଛି। ପାରମ୍ପରିକ ଭାବେ ଏହି ପିଚ୍‌ ବ୍ୟାଟ୍ସମ୍ୟାନଙ୍କୁ ସୁହାଇ ଥାଏ। ତେଣୁ ବ୍ୟାଟ୍ସମ୍ୟାନ ଏଠାରେ ଦମ୍‌ ଦେଖାଇବା ଆଶା କରାଯାଉଛି। ଡୁମିନି ଓ ଅମଲା ଏହି ପିଚ୍‌ରେ ଭଲ ପ୍ରଦର୍ଶନ କରିଛନ୍ତି। ଟସ୍‌ର ଭୂମିକା ମଧ୍ୟ ଗୁରୁତ୍ୱପୂର୍ଣ୍ଣ ହେବ, ଏହି ମ୍ୟାଚ୍‌ ରୋମାଞ୍ଚକ ହେବ ବୋଲି ଆଶା କରାଯାଉଛି। ଭାରତୀୟ ଦଳ: ବିରାଟ କୋହଲି (ଅଧିନାୟକ), ଶିଖର ଧାଓ୍ବନ, ରୋହିତ ଶର୍ମା, ଅଜିଙ୍କ୍ୟ ରାହାନେ, ଶ୍ରୋୟାସ ଆୟର, ମନୀଷ ପାଣ୍ଡେ, ଦୀନେଶ କାର୍ତ୍ତିକ, କେଦାର ଯାଦବ, ମହେନ୍ଦ୍ର ସିଂ ଧୋନୀ, ହାର୍ଦ୍ଦିକ ପାଣ୍ଡ୍ୟା, ୟୁଜବେନ୍ଦ୍ର ଚହଲ, କୁଲଦୀପ ଯାଦବ, ଅକ୍ଷର ପଟେଲ, ଭୁବନେଶ୍ୱର କୁମାର, ଯଶପ୍ରୀତ ବୁମ୍‌ରା, ମହମ୍ମଦ ସାମି ଓ ଶାର୍ଦ୍ଦୁଳ ଠାକୁର। ଦକ୍ଷିଣ ଆଫ୍ରିକା ଦଳ: ଏଡେନ ମାରକ୍ରାମ (ଅଧିନାୟକ), ହାସିମ ଅମଲା, ଜେପି ଡୁମିନି, ଇମ୍ରାନ ତାହିର, ଡେଭିଡ ମିଲର, ମର୍ନେ ମୋର୍କେଲ, କ୍ରିସ୍‌ ମୋରିସ୍‌, ଲୁଙ୍ଗିସାନି ଏନ୍‌ଗିଡି, ଆଣ୍ଡିଲ ଫେଲୁକ୍ୱାଓ, ଖାୟା ଜୋଣ୍ଡୋ, ଫରହାନ ବେହାର ଡିନ୍‌ ଓ ହେନରିଚ୍‌ କ୍ଲାସେନ। ସମୟ: ଅପରାହ୍ନ ୪ଟା ୩୦। ପ୍ରସାରଣ: ସୋନି ଟେନ୍‌। ସ୍ଥାନ: କେପ୍‌ ଟାଉନ୍‌।
All Right Reserved By

ଖେଳ |

‘ହକି ହେ ଜିନ୍ଦେଗୀ’ ପୁସ୍ତକ ଉନ୍ମୋଚିତ  ଓଡ଼ିଶା ଆଥଲେଟିକ୍ସର ପ୍ରାଣକେନ୍ଦ୍ର ସୁନ୍ଦରଗଡ଼: ଧର୍ମେନ୍ଦ୍ର

‘ହକି ହେ ଜିନ୍ଦେଗୀ’ ପୁସ୍ତକ ଉନ୍ମୋଚିତ ଓଡ଼ିଶା ଆଥଲେଟିକ୍ସର ପ୍ରାଣକେନ୍ଦ୍ର ସୁନ୍ଦରଗଡ଼: ଧର୍ମେନ୍ଦ୍ର

ଭୁବନେଶ୍ୱର, ୧୫।୧୨(କ୍ରୀଡ଼ା ପ୍ରତିନିଧି)-ଓଡ଼ିଶାରେ ହକି ବିଶ୍ୱକପ ଚାଲିଥିବାବେଳେ ଓଡ଼ିଶାର ଜନଜାତୀ ହକି ଖେଳାଳିଙ୍କ କୃତି ଉପରେ ଆଧାରିତ ପୁସ୍ତକ ‘ହକି ହେ ଜିନ୍ଦେଗୀ’ ଉନ୍ମୋଚିତ ହୋଇଛି। 

ଯୋଜନାବଦ୍ଧ ଟ୍ରେନିଂ ଅଷ୍ଟ୍ରେଲିଆ ସଫଳତାର ରହସ୍ୟ

ଯୋଜନାବଦ୍ଧ ଟ୍ରେନିଂ ଅଷ୍ଟ୍ରେଲିଆ ସଫଳତାର ରହସ୍ୟ

ଭୁବନେଶ୍ୱର, ୧୫।୧୨(କ୍ରୀଡ଼ା ପ୍ରତିନିଧି)-ଚଳିତ ହକି ବିଶ୍ୱକପର ଦ୍ୱିତୀୟ ସେମିଫାଇନାଲ ଗତଥରର ଚାମ୍ପିୟନ ଅଷ୍ଟ୍ରେଲିଆ ଓ ରନର୍ସଅପ୍‌ ନେଦରଲାଣ୍ଡ୍ସ ମଧ୍ୟରେ ଶନିବାର  ଅନୁଷ୍ଠିତ ହେବ। ୧୯୭୮ଠାରୁ ବିଶ୍ୱକପର ପ୍ରତି ସଂସ୍କରଣରେ ଅଷ୍ଟ୍ରେଲିଆ ସେମିଫାଇନାଲ ଖେଳି ଆସିଛି। 

ବିବାହ ବନ୍ଧନରେ ସାଇନା-କାଶ୍ୟପ

ବିବାହ ବନ୍ଧନରେ ସାଇନା-କାଶ୍ୟପ

ହାଇଦ୍ରାବାଦ, ୧୫।୧୨ (ପି.ଟି.)- ଦୁଇ ଭାରତୀୟ ତାରକା ବ୍ୟାଡ୍‌ମିଣ୍ଟନ ଖେଳାଳି ସାଇନା ନେହ୍ବାଲ ଓ ପାରୁପଲ୍ଲୀ କାଶ୍ୟପ ଶୁକ୍ରବାର ବିବାହ ବନ୍ଧନରେ ଆବଦ୍ଧ ହୋଇଛନ୍ତି। ‘କୋର୍ଟ ନିୟମ ଅନୁଯାୟୀ, ଶୁକ୍ରବାର ପୂର୍ବାହ୍ନ ୧୧ଟା ୩୦ରେ ସାଇନା ବିବାହ କରିଛନ୍ତି’ ବୋଲି ତାଙ୍କ ବାପା ହରବୀର ସିଂ କହିଛନ୍ତି। 

ବସନ୍ତଙ୍କୁ ୬ ଉଇକେଟ୍‌: ରାଜସ୍ଥାନକୁ ୧୩୫ରେ ରୋକିଲା ଓଡ଼ିଶା

ବସନ୍ତଙ୍କୁ ୬ ଉଇକେଟ୍‌: ରାଜସ୍ଥାନକୁ ୧୩୫ରେ ରୋକିଲା ଓଡ଼ିଶା

ଭୁବନେଶ୍ୱର, ୧୫।୧୨(ସ୍ପୋଟର୍‌ସ ବ୍ୟୁରୋ)- ସ୍ଥାନୀୟ ବିକାଶ କ୍ରିକେଟ୍‌ ଗ୍ରାଉଣ୍ଡରେ ଶୁକ୍ରବାରଠାରୁ ରାଜସ୍ଥାନ ବିପକ୍ଷରେ ଆରମ୍ଭ ହୋଇଥିବା ରଣ୍‌ଜୀ ଟ୍ରଫି ଗ୍ରୁପ୍‌-ସି ମୁକାବିଲାରେ ଘରୋଇ ଓଡ଼ିଶା ଦମ୍‌ଦାର ପ୍ରଦର୍ଶନ କରିଛି। ଅଭିଜ୍ଞ ବସନ୍ତ ମହାନ୍ତିଙ୍କ ବୋଲିଂକୁ ସାମ୍ନା କରି ନ ପାରି ପ୍ରଥମେ ବ୍ୟାଟିଂ କରିଥିବା ରାଜସ୍ଥାନ ମାତ୍ର ୧୩୫ ରନରେ ଅଲ୍‌ଆଉଟ୍‌ ହୋଇଯାଇଥିଲା। 

ରାଜ୍ୟ ସିନିୟର ରୋଇଂ ଦଳ ଘୋଷିତ

ରାଜ୍ୟ ସିନିୟର ରୋଇଂ ଦଳ ଘୋଷିତ

କଟକ ଅଫିସ, ୧୫ା୧୨- ଆସନ୍ତା ୧୭ରୁ ୨୩ ତାରିଖ ପର୍ଯ୍ୟନ୍ତ ମହାରାଷ୍ଟ୍ର ପୁଣେସ୍ଥିତ ଏଆରଏନ୍‌ ସେଣ୍ଟରଠାରେ ୩୭ତମ ସିନିୟର ଜାତୀୟ ରୋଇଂ ଚାମ୍ପିୟନଶିପ୍‌ ଅନୁଷ୍ଠିତ ହେବ। ଏହି ପ୍ରତିଯୋଗିତା ନିମନ୍ତେ ଓଡ଼ିଶା ଆସୋସିଏଶନ ଫର୍‌ ରୋଇଂ ଆଣ୍ଡ୍‌ ସ୍କଲିଂ ପକ୍ଷରୁ ଶୁକ୍ରବାର ରାଜ୍ୟ ଦଳ ଘୋଷଣା କରାଯାଇଛି। ଦଳରେ ଜଣେ ପୁରୁଷ ଓ ୧୦ ଜଣ ମହିଳା ଖେଳାଳି ସାମିଲ ହୋଇଛନ୍ତି। 

ପ୍ରୋ-ଭଲିବଲ ଲିଗ୍‌: ରଣଜିତ୍‌ ସିଂ ଦାମୀ ଖେଳାଳି

ପ୍ରୋ-ଭଲିବଲ ଲିଗ୍‌: ରଣଜିତ୍‌ ସିଂ ଦାମୀ ଖେଳାଳି

ନୂଆଦିଲ୍ଲୀ, ୧୫ା୧୨ (ପି.ଟି.)- ପ୍ରଥମ ପ୍ରୋ-ଭଲିବଲ ଲିଗ୍‌  (ପିଭିଏଲ)ପାଇଁ ଏଠାରେ ଶୁକ୍ରବାର ଖେଳାଳି ନିଲାମ ଅନୁଷ୍ଠିତ ହୋଇଯାଇଛି।  ଏଥିରେ ୬ ବିଦେଶୀ ଖେଳାଳି ଏବଂ ୧୧୭ ଭାରତୀୟ ଖେଳାଳି ସାମିଲ ଥିଲେ। 

ପ୍ରିୟଙ୍କାଙ୍କୁ ୪ ଉଇକେଟ, ଓଡ଼ିଶା ବିଜୟୀ

ପ୍ରିୟଙ୍କାଙ୍କୁ ୪ ଉଇକେଟ, ଓଡ଼ିଶା ବିଜୟୀ

କଟକ ଅଫିସ,୧୫ା୧୨- ସନ୍‌ସାଇନ୍‌ ଗ୍ରାଉଣ୍ଡରେ ଶୁକ୍ରବାର ଖେଳାଯାଇଥିବା ସିନିୟର ମହିଳା ଏକଦିବସୀୟ କ୍ରିକେଟ ଟୁର୍ନାମେଣ୍ଟର ଏକ ମ୍ୟାଚ୍‌ରେ ଓଡ଼ିଶା ୩ ଉଇକେଟରେ ରାଜସ୍ଥାନକୁ ପରାସ୍ତ କରିଛି। 

ଆରୋଜ-ଆଇଜଲ ମ୍ୟାଚ୍‌ ଗୋଲଶୂନ୍ୟ

ଆରୋଜ-ଆଇଜଲ ମ୍ୟାଚ୍‌ ଗୋଲଶୂନ୍ୟ

କଟକ ଅଫିସ,୧୫ା୧୨-ଭାରତୀୟ ଘରୋଇ ଫୁଟବଲ ଟୁର୍ନାମେଣ୍ଟ ଆଇ-ଲିଗ୍‌ରେ ଶୁକ୍ରବାର ସନ୍ଧ୍ୟାରେ ବାରବାଟୀ ଷ୍ଟାଡିୟମରେ ଖେଳାଯାଇଥିବା ଇଣ୍ଡିଆନ୍‌ ଆରୋଜ ଓ ଆଇଜଲ ଏଫ୍‌ସି ବିପକ୍ଷ ମ୍ୟାଚ୍‌ ଗୋଲଶୂନ୍ୟ ଭାବେ ଶେଷ ହୋଇଥିଲା। 

ବାଂଲାଦେଶ ସିରିଜ ବିଜୟୀ

ବାଂଲାଦେଶ ସିରିଜ ବିଜୟୀ

ସିଲ୍‌ହେଟ୍‌, ୧୫ା୧୨ (ଏଏଫ୍‌ପି)-ଓ୍ବେଷ୍ଟଇଣ୍ଡିଜ ବିପକ୍ଷ ତୃତୀୟ ତଥା ନିର୍ଣ୍ଣାୟକ ଅନ୍ତର୍ଜାତୀୟ ଦିନିକିଆ କ୍ରିକେଟ ମ୍ୟାଚରେ ବାଂଲାଦେଶ ୮ ଉଇକେଟରେ ବିଜୟ ହାସଲ କରିଛି। ଏଥିସହିତ ଦଳ ୩ ମ୍ୟାଚ ବିଶିଷ୍ଟ ସିରିଜକୁ ୨-୧ରେ ଜିତିନେଇଛି। 

ଦ୍ୱିତୀୟ ଟେଷ୍ଟ:  ଭାରତର ପ୍ରତ୍ୟାବର୍ତ୍ତନ ସତ୍ତ୍ୱେ ଭଲ ସ୍ଥିତିରେ ଅଷ୍ଟ୍ରେଲିଆ

ଦ୍ୱିତୀୟ ଟେଷ୍ଟ: ଭାରତର ପ୍ରତ୍ୟାବର୍ତ୍ତନ ସତ୍ତ୍ୱେ ଭଲ ସ୍ଥିତିରେ ଅଷ୍ଟ୍ରେଲିଆ

ପର୍ଥ, ୧୪।୧୨ (ପି.ଟି.)- ସ୍ଥାନୀୟ ପର୍ଥ ଷ୍ଟାଡିୟମରେ ଅଷ୍ଟ୍ରେଲିଆ ଓ ଭ୍ରମଣକାରୀ ଭାରତ ମଧ୍ୟରେ ଦ୍ୱିତୀୟ ଟେଷ୍ଟ ମ୍ୟାଚ୍‌ ଆରମ୍ଭ ହୋଇଛି। ପ୍ରଥମ ଦିନରେ ଉଭୟ ଦଳ ମିଶ୍ର ସଫଳତା ପାଇଛନ୍ତି। ଦ୍ରୁତ ବୋଲିଂକୁ ସୁହାଉଥିବା ଏହି ପିଚ୍‌ରେ ଟସ୍‌ ଜିତି ଅଷ୍ଟ୍ରେଲିଆ ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇ ବେଶ୍‌ ଭଲ ଆରମ୍ଭ କରିଥିଲା। ତେବେ ପରେ ଭାରତୀୟ ବୋଲରମାନେ ପ୍ରତ୍ୟାବର୍ତ୍ତନ କରିଥିଲେ ଓ ଶେଷ ଦୁଇଟି ସେସନରେ ୩ଟି ଲେଖାଏ ଉଇକେଟ ଅକ୍ତିଆର କରି ଘରୋଇ ଦଳକୁ ଝଟ୍‌କା ଦେଇଥିଲେ। ତେବେ ଏହା ସତ୍ତ୍ୱେ ସ୍ଥିତି ସମ୍ଭାଳିବା ସହ ଅଷ୍ଟ୍ରେଲିଆ ଭଲ ସ୍ଥିତିରେ ରହିଛି। ଲଞ୍ଚ୍‌ ପରେ ବୋଲରମାନଙ୍କୁ ସହାୟତା ମିଳିଥିଲା। ଭାରତୀୟ ବୋଲରମାନେ ଲାଇନ୍‌ ଓ ଲେନ୍ଥରେ ସୁଧାର ଆଣି ଅଷ୍ଟ୍ରେଲୀୟ ବ୍ୟାଟିଂ ଲାଇନ୍‌କୁ ଭାଙ୍ଗିବାରେ ସଫଳ ହୋଇଥିଲେ।
    ଟସ୍‌ ଜିତି ଅଷ୍ଟ୍ରେଲିଆ ପ୍ରଥମେ ବ୍ୟାଟିଂ କରି ପ୍ରଥମ ଦିବସ ଖେଳ ଶେଷ ସୁଦ୍ଧା ୯୦ ଓଭରରେ ୬ ଉଇକେଟ ହରାଇ ୨୭୭ ରନ ସଂଗ୍ରହ କରିଛି। ଷ୍ଟମ୍ପ ଅପସାରଣ ବେଳକୁ ଅଧିନାୟକ ତଥା ଉଇକେଟ କିପର ଟିମ୍‌ ପେନ୍‌ ୧୬ ଓ ପ୍ୟାଟ କୁମିନ୍ସ ୧୧ ରନ କରି ଅପରାଜିତ ରହିଛନ୍ତି।

 ହକି ବିଶ୍ୱକପ: ପ୍ରତିଶୋଧ ଅପେକ୍ଷାରେ ନେଦରଲାଣ୍ଡ୍ସ

ହକି ବିଶ୍ୱକପ: ପ୍ରତିଶୋଧ ଅପେକ୍ଷାରେ ନେଦରଲାଣ୍ଡ୍ସ

ଭୁବନେଶ୍ୱର, ୧୪।୧୨(କ୍ରୀଡ଼ା ପ୍ରତିନିଧି)-
ଚଳିତ ହକି ବିଶ୍ୱକପର ଦ୍ୱିତୀୟ ସେମିଫାଇନାଲ ବିଶ୍ୱ ଚାମ୍ପିୟନ ଅଷ୍ଟ୍ରେଲିଆ ଏବଂ ନେଦରଲାଣ୍ଡ୍ସ ମଧ୍ୟରେ ଅନୁଷ୍ଠିତ ହେବ। ପ୍ରତିଯୋଗିତାର ଗତ ସଂସ୍କରଣରେ ଏହି ଦୁଇ ଦଳ ମଧ୍ୟରେ ଟାଇଟଲ ମୁକାବିଲା ହୋଇଥିଲା। ୨୦୧୪ ଫାଇନାଲରେ ନେଦରଲାଣ୍ଡ୍ସକୁ ୬-୧ ଗୋଲରେ ହରାଇ ଅଷ୍ଟ୍ରେଲିଆ ଚାମ୍ପିୟନ ହୋଇଥିଲା। ଫଳରେ ନେଦରଲାଣ୍ଡ୍ସକୁ ରନର୍ସଅପ୍‌ରେ ସନ୍ତୁଷ୍ଟ ହେବାକୁ ପଡ଼ିଥିଲା। ତେଣୁ ଏଥରର ମୁକାବିଲା ଗତ ସଂସ୍କରଣର ରି ମ୍ୟାଚ ସଦୃଶ ହେବାକୁ ଯାଉଛି। ଏଥର କିନ୍ତୁ ଅଷ୍ଟ୍ରେଲିଆ ସହିତ ଲଢ଼ିବାକୁ ନେଦରଲାଣ୍ଡ୍ସ ପ୍ରସ୍ତୁତ। କାରଣ ୧୫,୦୦୦ ଦର୍ଶକଙ୍କ ଉପସ୍ଥିତିରେ କ୍ବାର୍ଟର ଫାଇନାଲରେ ଭାରତକୁ ହରାଇବାପରେ ଦଳର ଆତ୍ମବିଶ୍ୱାସ ବଢ଼ି ଯାଇଛି। ଗତ ସଂସ୍କରଣର ପରାଜୟ ଗ୍ଳାନି ମଧ୍ୟ ମନରୁ ଯାଇନି। ତେଣୁ ଏଥର ଅଷ୍ଟ୍ରେଲିଆଠାରୁ ମଧୁର ପ୍ରତିଶୋଧ ନେବାକୁ ନେଦରଲାଣ୍ଡ୍ସ ପ୍ରସ୍ତୁତ।

 ହକି ବିଶ୍ୱକପ: ବେଲଜିୟମକୁ ଟକ୍କର ଦେବ ଇଂଲଣ୍ଡ

ହକି ବିଶ୍ୱକପ: ବେଲଜିୟମକୁ ଟକ୍କର ଦେବ ଇଂଲଣ୍ଡ

ଭୁୁବନେଶ୍ୱର, ୧୪।୧୨(କ୍ରୀଡ଼ା ପ୍ରତିନିଧି)-
କଳିଙ୍ଗ ଷ୍ଟାଡିୟମରେ ଚାଲିଥିବା ହକି ବିଶ୍ୱକପର ପ୍ରଥମ ସେମିଫାଇନାଲ ଶନିବାର ଇଂଲଣ୍ଡ ଓ ବେଲଜିୟମ ମଧ୍ୟରେ ଅନୁଷ୍ଠିତ ହେବ। ର଼୍ୟାଙ୍କିଙ୍ଗ୍‌ ଏବଂ ସାମ୍ପ୍ରତିକ ପ୍ରଦର୍ଶନ ଦୃଷ୍ଟିରୁ ବେଲଜିୟମର ପଲା ଭାରି ରହୁଲେ ହେଁ କଡ଼ା ଟକ୍କର ଦେବ ଇଂଲଣ୍ଡ। କାରଣ ର଼୍ୟାଙ୍କିଙ୍ଗ୍‌ ଦୃଷ୍ଟିରୁ ଇଂଲଣ୍ଡ (୭ମ ର଼୍ୟାଙ୍କ୍‌) ପଛରେ ଥିଲେ ହେଁ ଚଳିତ ଟୁର୍ନାମେଣ୍ଟରେ ଏପଯର୍‌ୟନ୍ତ ଚମତ୍କାର ପ୍ରଦର୍ଶନ କରି ଆସିଛି। ଦଳ ଚାଇନା ସହିତ ୨-୨ ଗୋଲରେ ମ୍ୟାଚ ଡ୍ର ରଖି ଅଭିଯାନ ଆରମ୍ଭ କରିିଥିବାବେଳେ ଦ୍ୱିତୀୟ ମ୍ୟାଚରେ ଅଷ୍ଟ୍ରେଲିଆଠାରୁ ୦-୩ ଗୋଲରେ ପରାଜିତ ହୋଇଥିଲା। ମାତ୍ର ଏହାପରେ ଏହି ଦଳ ଆଉ ପଛକୁ ଫେରି ଚାହିଁନି। କ୍ରମାଗତ ୩ ବିଜୟ ସହ ଦଳ ସେମିଫାଇନାଲରେ ପ୍ରବେଶ କରିଛି। ଅୟର୍ଲାଣ୍ଡ ବିପକ୍ଷରେ ୪-୨ ଏବଂ ନ୍ୟୁଜିଲାଣ୍ଡ ବିପକ୍ଷରେ ୨-୦ ଗୋଲରେ ବିଜୟ ଦଳକୁ ଯେତେ ଆତ୍ମବିଶ୍ୱାସ ଯୋଗାଇ ନ ଥିଲା ଅଲିମ୍ପିକ୍ସ ଚାମ୍ପିୟନ ତଥା ବିଶ୍ୱର ୨ ନମ୍ବର ଦଳ ଆର୍ଜେଣ୍ଟିନାକୁ ୩-୨ ଗୋଲରେ ହରାଇବାପରେ ଦଳର ମନୋବଳ ବହୁ ପରିମାଣରେ ବଢ଼ି ଯାଇଛି। ବିଶ୍ୱର ୩ ନମ୍ବର ଦଳ ବେଲଜିୟମକୁ ଟକ୍କର ଦେବାକୁ ଏବେ ଇଂଲଣ୍ଡ ସମ୍ପୂର୍ଣ୍ଣ ପ୍ରସ୍ତୁତ।