ମେଟ୍ରୋ |

ଧାନ ଗବେଷକ ସଂଘର ଆନ୍ତର୍ଜାତିକ ସମ୍ମିଳନୀ ଉଦ୍‌ଘାଟିତ: ବନ୍ୟା, ମରୁଡ଼ି ସହନଶୀଳ ବିହନ ଉଦ୍ଭାବନ ଉପରେ ଗୁରୁତ୍ୱ

ଧାନ ଗବେଷକ ସଂଘର ଆନ୍ତର୍ଜାତିକ ସମ୍ମିଳନୀ ଉଦ୍‌ଘାଟିତ: ବନ୍ୟା, ମରୁଡ଼ି ସହନଶୀଳ ବିହନ ଉଦ୍ଭାବନ ଉପରେ ଗୁରୁତ୍ୱ

କଟକ ଅଫିସ, ୬।୨- ଭାରତରେ ପ୍ରାୟ ୪୦ ପ୍ରତିଶତ ଧାନ ଜମି ବର୍ଷାଜଳ ଉପରେ ନିର୍ଭର କରୁଛି। ଜଳବାୟୁ ପରିବର୍ତ୍ତନଜନିତ ମରୁଡି ଓ ବନ୍ୟା ଦ୍ୱାରା ଧାନ ଫସଲ କ୍ଷତିଗ୍ରସ୍ତ ହେଉଛି। ତେଣୁ ମରୁଡି ଓ ବନ୍ୟା ସହନଶୀଳ, ଲବଣ ପ୍ରବଣ ଚାଷଜମି ତଥା ସ୍ବଳ୍ପ ଖାଦ୍ୟସାର ଥିବା ମୃତ୍ତିକା ପାଇଁ ଉପଯୁକ୍ତ କିସମ ବିହନ ଉଦ୍ଭାବନ ଜରୁରୀ ବୋଲି ଭାରତୀୟ କୃଷି ଅନୁସନ୍ଧାନ ପରିଷଦର ପୂର୍ବତନ ମହାନିର୍ଦ୍ଦେଶକ ପଦ୍ମଭୂଷଣ ପ୍ରଫେସର ଭି.ଏଲ୍‌. ଚୋପ୍ରା କହିଛନ୍ତି। ମଙ୍ଗଳବାର ଧାନ ଗବେଷକ ସଂଘର ତୃତୀୟ ଆନ୍ତର୍ଜାତିକ ସମ୍ମିଳନୀକୁ ଉଦ୍‌ଘାଟନ କରି ମୁଖ୍ୟ ଅତିଥି ପ୍ରଫେସର ଚୋପ୍ରା ଉପସ୍ଥିତ କୃଷି ବୈଜ୍ଞାନିକମାନଙ୍କୁ ଏହି ପରାମର୍ଶ ଦେଇଛନ୍ତି।
କଟକ ବିଦ୍ୟାଧରପୁରସ୍ଥିତ ଜାତୀୟ ଧାନ ଗବେଷଣା ପ୍ରତିଷ୍ଠାନ (ଏନ୍‌ଆର୍‌ଆର୍‌ଆଇ) ପରିସରରେ ୯ ତାରିଖ ପର୍ଯ୍ୟନ୍ତ ଏହି ସମ୍ମିଳନୀ ଚାଲିବ। ପ୍ରସଙ୍ଗ ରହିଛି ‘ଧାନର ଉପତ୍ାଦକତା, ଲାଭ ଏବଂ ଜଳବାୟୁ ଅନୁକୂଳତା ବୃଦ୍ଧି ପାଇଁ ଧାନ ଗବେଷଣାର ନୂତନ ଦିଗନ୍ତ’। ଏହି ସମ୍ମିଳନୀରେ ସମ୍ମାନିତ ଅତିଥି ଭାରତ ସରକାରଙ୍କ କୃଷି ଗବେଷଣା ଏବଂ ଶିକ୍ଷା ମନ୍ତ୍ରଣାଳୟ ସଚିବ ତଥା ଭାରତୀୟ କୃଷି ଅନୁସନ୍ଧାନ ପରିଷଦର ମହାନିର୍ଦ୍ଦେଶକ ଡ. ତ୍ରିଲୋଚନ ମହାପାତ୍ର ଯୋଗଦେଇ କହିଲେ, ୨୦୨୨ ସୁଦ୍ଧା ଚାଷୀଙ୍କ ଆୟ ଦ୍ୱିଗୁଣିତ କରିବାକୁ ହେବ। ଧାନଚାଷ ଦ୍ୱାରା ଭାରତବର୍ଷରୁ ଭୋକ, କୁପୋଷଣ ଓ ଦାରିଦ୍ର୍ୟ ଦୂରୀକରଣ ସହ ଏକ ସମୃଦ୍ଧ ଭାରତ ଗଠନ କରିବା ପାଇଁ କୃଷି ଗବେଷକମାନଙ୍କୁ ସେ ଆହ୍ବାନ ଦେଇଥିଲେ। ଜାତୀୟ ଧାନ ଗବେଷଣା ପ୍ରତିଷ୍ଠାନର ନିର୍ଦ୍ଦେଶକ ଡ. ହିମାଂଶୁ ପାଠକ ପ୍ରତିଷ୍ଠାନରୁ ବିକଶିତ ପୁଷ୍ଟିସାରଯୁକ୍ତ ଧାନ କିସମ ଯଥା ସିଆର୍‌ ଧାନ ୩୧୦ ଏବଂ ସିଆର୍‌ ଧାନ ୩୧୧ (୧୦.୫ %ରୁ ଅଧିକ ପୁଷ୍ଟିସାର), ପରିବର୍ତ୍ତିତ ଜଳବାୟୁ ସହ ଖାପଖୁଆଇ ପାରୁଥିବା, ଜୈବିକ ଓ ଅଜୈବିକ ପରିସ୍ଥିତି ସହନଶୀଳ କ୍ଷମତାଥିବା ଧାନ ବିଷୟରେ ଆଲୋକପାତ କରିଥିଲେ। ଧାନ ଗବେଷକ ସଂଘର ଅଧ୍ୟକ୍ଷ ଡ. ସତ୍ୟରଞ୍ଜନ ଦାସ ସମ୍ମିଳନୀରେ ଅଧ୍ୟକ୍ଷତା କରି ଧାନର ଜୈବ ବିବିଧତାର ସଂଗ୍ରହ, ସଂରକ୍ଷଣ ଏବଂ ସହନଶୀଳ, ଗୁଣବତ୍ତା ସମ୍ବନ୍ଧୀୟ ଜିନ୍‌ଗୁଡ଼ିକୁ ଆନୁବଂଶିକ ପଦ୍ଧତିରେ ବ୍ୟବହାର କରିବା ପାଇଁ ପରାମର୍ଶ ଦେଇଥିଲେ। ଡ. ବିପିନ୍‌ ବିହାରୀ ପଣ୍ଡା ଧନ୍ୟବାଦ ଦେଇଥିଲେ।
ଏହି ସମ୍ମିଳନୀରେ ସମାନ୍ତରାଳ ଭାବେ ଛଅଟି ବିଷୟବସ୍ତୁ ଉପରେ ବୈଷୟିକ ଆଲୋଚନା ଚକ୍ର, ପୋଷ୍ଟର ପ୍ରଦର୍ଶନ ଓ କୃଷି ପ୍ରଦର୍ଶନୀ ଅନୁଷ୍ଠିତ ହୋଇଥିଲା ା ଚାଇନା, ଫିଲିପାଇନସ୍‌, ଅଷ୍ଟ୍ରେଲିଆ, ଆମେରିକା, ଭିଏତନାମ ଆଦି ଦେଶରୁ ୪୦୦ ଜଣ ପ୍ର୍ରତିନିଧି ଅଂଶ ଗ୍ରହଣ କରିଛନ୍ତି। ଅତିଥିମାନେ ସମ୍ମିଳନୀର ଲୋଗୋ, ସ୍ମରଣିକା, ସାରାଂଶ ଓ ଅନ୍ୟ ଦୁଇଟି ବହି ଉନ୍ମୋଚନ କରିଥିଲେ। ତିନି ଦିନଧରି ଅନ୍‌ଲାଇନ୍‌ରେ Slido ଆପ୍‌ ଜରିଆରେ ପ୍ରଶ୍ନୋତ୍ତର କାର୍ଯ୍ୟକ୍ରମ କରାଯିବ। ସାରା ବିଶ୍ୱର କୃଷି ଗବେଷକମାନେ ସମ୍ମିଳନୀ ସହ ସିଧା ଯୋଗାଯୋଗ କରି ପ୍ରଶ୍ନୋତ୍ତରରେ ଭାଗ ନେଇପାରିବେ।

All Right Reserved By

Model This Week

ସନ୍ତୋଷ

ମେଟ୍ରୋ |

ସୋସିଆଲ ମିଡିଆରେ ପିଲାଚୋର ଗ୍ୟାଙ୍ଗ ଘୂରି ବୁଲୁଥିବା ଘଟଣା ଗୁଜବ: ଡିଜି

ସୋସିଆଲ ମିଡିଆରେ ପିଲାଚୋର ଗ୍ୟାଙ୍ଗ ଘୂରି ବୁଲୁଥିବା ଘଟଣା ଗୁଜବ: ଡିଜି

ଭୁବନେଶ୍ୱର,୨୭।୫(ବ୍ୟୁରୋ): ଗତ କିଛି ଦିନ ଧରି ସୋସିଆଲ ମିଡିଆରେ କିଛି ପିଲାଚୋର ଗ୍ୟାଙ୍ଗ ରାୟଗଡାକୁ ଆସିଥିବା ଖବର ଭାଇରାଲ ହେବାରେ ଲାଗିଛି। ଏହା ଫେସ୍‌ବୁକ ତଥା ହ୍ବାଟ୍ସଆପ୍‌ରେ ଘୂରିବୁଲିବା ସହ ଲୋକଙ୍କୁ ଆତଙ୍କିତ କରୁଛି। ତେବେ ଏହା ଉପରେ ଡିଜି ଆର ପି ଶର୍ମା ରବିବାର ପ୍ରତିକ୍ରିୟା ରଖିଛନ୍ତି। ସେ କହିଛନ୍ତି, ଉକ୍ତ ଖବର ସମ୍ପୂର୍ଣ୍ଣ ମିଥ୍ୟା।

ଶିଶୁଙ୍କ ଉପରେ ଯୌନ ନିର୍ଯାତନା ରୋକିବାକୁ ପୋଲିସର ପ୍ରୟାସ: ଉନ୍ମୋଚନ ହେଲା  ‘ପରୀ ପାଇଁ କଥାଟିଏ’ର ଲୋଗୋ, ଅଡିଓ

ଶିଶୁଙ୍କ ଉପରେ ଯୌନ ନିର୍ଯାତନା ରୋକିବାକୁ ପୋଲିସର ପ୍ରୟାସ: ଉନ୍ମୋଚନ ହେଲା ‘ପରୀ ପାଇଁ କଥାଟିଏ’ର ଲୋଗୋ, ଅଡିଓ

ଭୁବନେଶ୍ୱର,୨୭।୫(ବ୍ୟୁରୋ): ରାଜ୍ୟରେ କୋମଳମତି ଶିଶୁକନ୍ୟାଙ୍କ ଉପରେ ହେଉଥିବା ଯୌନ ନିର୍ଯାତନା ତଥା ବଳାତ୍କାରକୁ ରୋକିବା ପାଇଁ ଓଡ଼ିଶା ପୋଲିସର ଅଭିନବ ପ୍ରୟାସ। ଲୋକଙ୍କୁ ସଚେତନ କରିବା ପାଇଁ ‘ପରୀ ପାଇଁ କଥାଟିଏ’ କାର୍ଯ୍ୟକ୍ରମ ଆରମ୍ଭ କରାଯାଇଛି।

ନିଶାରୁ ପେସା: ଘରେ ସାପ ପଶିଲେ ଖୋଜାପଡ଼ନ୍ତି ବ୍ରଜକିଶୋର

ନିଶାରୁ ପେସା: ଘରେ ସାପ ପଶିଲେ ଖୋଜାପଡ଼ନ୍ତି ବ୍ରଜକିଶୋର

କାକଟପୁର,୨୭।୫(ଡି.ଏନ୍‌.ଏ.): ପିଲାଟି ଦିନରୁ ସାପ ଧରିବା ଆଗ୍ରହ ଧୀରେ ଧୀରେ ନିଶା ପାଲଟିଥିଲା। ଆଉ ଏବେ ଏହି ନିଶା ପେସା ପାଲଟିଛି। ନିଜ କୌଳିକ ବୃତ୍ତିକୁ ନ ଆପଣାଇ ସାପ ଧରିବାକୁ ବୃତ୍ତି କରିଥିବା ଜଣେ ବ୍ୟକ୍ତିତ୍ୱ ହେଉଛନ୍ତି କାକଟପୁର ବ୍ଲକ ବାଜପୁର କୃଷ୍ଣନଗର ପାଟଣା ଗ୍ରାମର ବ୍ରଜ କିଶୋର ସାହୁ(୪୬)।

ହୋପ୍‌ ଇଜ୍‌ ଲାଇଫ୍‌ର ସଫେଇ କାର୍ଯ୍ୟକ୍ରମ

ହୋପ୍‌ ଇଜ୍‌ ଲାଇଫ୍‌ର ସଫେଇ କାର୍ଯ୍ୟକ୍ରମ

ପୁରୀ ଅଫିସ,୨୭।୫: ହୋପ୍‌ ଇଜ୍‌ ଲାଇଫ୍‌ ତରଫରୁ ପୁରୀ ବଡ଼ଶଙ୍ଖ ସରକାରୀ ବାଳିକା ଉଚ୍ଚ ବିଦ୍ୟାଳୟ ପରିସରରେ ରବିବାର ସଫେଇ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।

କାନ୍ଥ ଭୁଶୁଡ଼ି ଶିଶୁ ମୃତ: ମା’ବାପା ଗୁରୁତର

କାନ୍ଥ ଭୁଶୁଡ଼ି ଶିଶୁ ମୃତ: ମା’ବାପା ଗୁରୁତର

ଚୌଦ୍ୱାର,୨୭।୫(ଡି.ଏନ୍‌.ଏ.): କଟକ ଜିଲା ଟାଙ୍ଗୀ-ଚୌଦ୍ୱାର ବ୍ଲକ ଆଗ୍ରାହାଟ ପଞ୍ଚାୟତ ଭରାଣ୍ଡି ଗ୍ରାମରେ ଶନିବାର ବିଳମ୍ବିତ ରାତିରେ ଏକ ଅଭାବନୀୟ ଘଟଣା ଘଟିଛି। ଉକ୍ତ ଗ୍ରାମରେ ଟନି ପୁର୍ଲିଙ୍କ ଘରର କାନ୍ଥ ଭୁଶୁଡ଼ି ତାଙ୍କ ୫ ବର୍ଷୀୟ ପୁଅର ମୃତ୍ୟୁ ଘଟିଛି।

ପୁରୀରେ ପୁଣି ଭକ୍ତଙ୍କୁ ମାଡ଼ ବଡ଼ଦାଣ୍ଡରେ ଶ୍ରଦ୍ଧାଳୁଙ୍କ ମୁଣ୍ଡ ଫାଟିଲା

ପୁରୀରେ ପୁଣି ଭକ୍ତଙ୍କୁ ମାଡ଼ ବଡ଼ଦାଣ୍ଡରେ ଶ୍ରଦ୍ଧାଳୁଙ୍କ ମୁଣ୍ଡ ଫାଟିଲା

ପୁରୀ ଅଫିସ, ୨୭।୫: ପୁରୀରେ ଅସୁରକ୍ଷିତ ହୋଇପଡିଛନ୍ତି ଭକ୍ତ। କେତେବେଳେ ଶ୍ରୀମନ୍ଦିରରେ ଭକ୍ତଙ୍କୁ ମାଡ଼ ମରାଯାଇ ଲହୁଲୁହାଣ କରାଯାଉଛି ତ ପୁଣି କେତେବେଳେ ହୋଟେଲରେ ପର୍ଯ୍ୟଟକଙ୍କୁ ଆକ୍ରମଣ ହେଉଛି। ଦିନକୁ ଦିନ ଶ୍ରୀକ୍ଷେତ୍ର ମାଟିରେ ଏଭଳି ଲଜ୍ଜାଜନକ ଘଟଣା ବଢିବାରେ ଲାଗିଛି। ଶନିବାର ବଡ଼ଦାଣ୍ଡରେ ଘଟିଛି ଏମିତି ଏକ ଅଭାବନୀୟ ଘଟଣା।

୧୮ ଦୁର୍ବଳ ନଦୀବନ୍ଧ ଉପରେ ରହିବ ସତର୍କ ନଜର

୧୮ ଦୁର୍ବଳ ନଦୀବନ୍ଧ ଉପରେ ରହିବ ସତର୍କ ନଜର

ପୁରୀ ଅଫିସ, ୨୭।୫: ବର୍ତ୍ତମାନ ରାଜ୍ୟରେ ଚାଲିଛି କାଳବୈଶାଖୀର ତାଣ୍ଡବ। ଆଗକୁ ଆସୁଛି ବର୍ଷା। ଏହାକୁ ଦୃଷ୍ଟିରେ ରଖି ଆଗୁଆ ସତର୍କତା ମୂଳକ ପଦକ୍ଷେପ ଗ୍ରହଣ ନିମନ୍ତେ ଶନିବାର ଜିଲା ପ୍ରଶାସନ ପକ୍ଷରୁ ଜିଲାସ୍ତରୀୟ ପ୍ରାକୃତିକ ବିପର୍ଯ୍ୟୟ କମିଟି ବୈଠକ ଡକାଯାଇଥିଲା। ଜିଲାରୁ ପ୍ରତିନିଧିତ୍ୱ କରୁଥିବା ୬ ବିଧାୟକ ଏବଂ ୨ ଏମ୍‌ପି ମଧ୍ୟ ଅନୁପସ୍ଥିତ ଥିଲେ। ବୈଠକ ଆରମ୍ଭ ହେବାର ଘଣ୍ଟାଏ ବିଳମ୍ବରେ ଆସି ଅଧ୍ୟକ୍ଷତା କରିଥିଲେ ଜିଲାପାଳ ଅରବିନ୍ଦ ଅଗ୍ରଓ୍ବାଲ।

କଂଗ୍ରେସର ବିଶ୍ୱାସଘାତକ ଦିବସ : ମୋଦି ଦେଶବାସୀଙ୍କୁ ପ୍ରତାରଣା କରିଛନ୍ତି

କଂଗ୍ରେସର ବିଶ୍ୱାସଘାତକ ଦିବସ : ମୋଦି ଦେଶବାସୀଙ୍କୁ ପ୍ରତାରଣା କରିଛନ୍ତି

ପୁରୀ ଅଫିସ, ୨୭।୫: ଲୋକଙ୍କୁ ବିଭିନ୍ନ ପ୍ରତିଶ୍ରୁତି ଦେଇ ଏନ୍‌ଡିଏ ସରକାର ନିର୍ବାଚନରେ ବିଜୟୀ ହୋଇ କ୍ଷମତାସୀନ ହୋଇଛି। ମାତ୍ର ଗୋଟିଏ ବି ପ୍ରତିଶ୍ରୁତି କାର୍ଯ୍ୟକାରୀ ନ କରି କେନ୍ଦ୍ର ସରକାର ଦେଶବାସୀଙ୍କୁ ପ୍ରତାରଣା କରିଛନ୍ତି ବୋଲି ପୁରୀ ଜିଲା କଂଗ୍ରେସ ଅଭିଯୋଗ କରିଛି।

ହୁଭାଷୀ ସିନ୍ଧୀ, ଓଡ଼ିଆ ନାଟ୍ୟ ସମାରୋହ ଅନ୍ନପୂର୍ଣ୍ଣାରେ ସିନ୍ଧୀ ନାଟକ ଅଧୁ ଆବାଦୀ

ହୁଭାଷୀ ସିନ୍ଧୀ, ଓଡ଼ିଆ ନାଟ୍ୟ ସମାରୋହ ଅନ୍ନପୂର୍ଣ୍ଣାରେ ସିନ୍ଧୀ ନାଟକ ଅଧୁ ଆବାଦୀ

ପୁରୀ ଅଫିସ, ୨୭।୫: ଅନ୍ନପୂର୍ଣ୍ଣା ରଙ୍ଗମଞ୍ଚରେ ଅନୁଷ୍ଠିତ ହେଉଛି ବହୁଭାଷୀ ସିନ୍ଧୀ, ଓଡ଼ିଆ ନାଟ୍ୟ ସମାରୋହ। ଏହି ଅବସରରେ ଶନିବାର ସନ୍ଧ୍ୟାରେ ମଞ୍ଚସ୍ଥ ହୋଇଛି ସିନ୍ଧୀ ନାଟକ ଅଧୁ ଆବାଦୀ। ଛତିଶଗଡ଼ ବିଳାସପୁରର କଳାକାରଙ୍କ ଦ୍ୱାରା ପରିବେଷିତ ଏହି ନାଟକର ଲେଖକ ଏବଂ ନିର୍ଦ୍ଦେଶକ ଥିଲେ ଶତ୍ରୁଘ୍ନ ଦେସୱାନୀ।

ଏଟିଏମ୍‌ରୁ ଟଙ୍କା ଚୋରି

ଏଟିଏମ୍‌ରୁ ଟଙ୍କା ଚୋରି

ନିରାକାରପୁର,୨୭।୫(ଡି.ଏନ୍‌.ଏ.): ଖୋର୍ଦ୍ଧା ଜିଲା ନିରାକାରପୁର ପଞ୍ଚାୟତ ରାମ୍‌ ବଜାରରେ ଥିବା ଆକ୍ସିସ୍‌ ବ୍ୟାଙ୍କ ଏଟିଏମ୍‌ରୁ ଶନିବାର ବିଳମ୍ବିତ ରାତିରେ ଚୋରି ହୋଇଛି।

ପୁରୀ ପୋଲିସର ଏନ୍‌କାଉଣ୍ଟର

ପୁରୀ ପୋଲିସର ଏନ୍‌କାଉଣ୍ଟର

ପୁରୀ ଅଫିସ, ୨୭।୫: ପିପିଲି ନିଜିଗଡ ଖୁରୁକି ବିର୍ଲା ଛକରେ ଶୁକ୍ରବାର ବିଳମ୍ବିତ ରାତିରେ ପୁରୀ ପୋଲିସ ଏନକାଉଣ୍ଟର କରିଛି। ପୋଲିସ ଗୁଳିରେ ବାସେଳି ସାହି ଥାନା ଅଧୀନ ଗୋଖା ସାହିର ସର୍ବେଶ୍ୱର ବେହେରା ଆହତ ହୋଇଛନ୍ତି। ଗୁଳି ତାଙ୍କ ବାମ ପାଦରେ ବାଜିଛି।

ଅନୁକୂଳ ହେଲା ଦଣ୍ଡା

ଅନୁକୂଳ ହେଲା ଦଣ୍ଡା

ପୁରୀ ଅଫିସ, ୨୭।୫: ରଥଖଳାରେ ତିନିରଥ ନିର୍ମାଣ କାମ ଚାଲିଛି। ତିନିରଥର ମୁଖ୍ୟ ବିଶ୍ୱକର୍ମାଙ୍କ ନେତୃତ୍ୱରେ ମହାରଣା ସେବକମାନେ କାମକୁ ଆଗେଇ ନେଉଛନ୍ତି। ଅଖ କାମ ପ୍ରାୟ ଶେଷ ହେବାକୁ ବସିଛି। ତିନିରଥର ମୋଟ ୨୧ଟି ଅଖ ମଧ୍ୟରୁ ନନ୍ଦିଘୋଷ ରଥର ୮ଟି ଏବଂ ତାଳଧ୍ୱଜ ରଥର ୭ଟି ଯାକ କାମ ଶେଷ ହୋଇଛି। ଦର୍ପଦଳନ ରଥର ୬ଟି ଅଖ ମଧ୍ୟରୁ ୫ଟି ସରିଛି।