ମେଟ୍ରୋ |

ଡିଜେ ସାଉଣ୍ଡରେ ଥରିଲା ଶ୍ରୀକ୍ଷେତ୍ର:ବାଦ୍‌ ପଡିଲାନି ଶ୍ରୀମନ୍ଦିର ଚତୁଃପାର୍ଶ୍ୱ

ଡିଜେ ସାଉଣ୍ଡରେ ଥରିଲା ଶ୍ରୀକ୍ଷେତ୍ର:ବାଦ୍‌ ପଡିଲାନି ଶ୍ରୀମନ୍ଦିର ଚତୁଃପାର୍ଶ୍ୱ
ପୁରୀ ଅଫିସ: ପୁରୀରେ ଶବ୍ଦ ପ୍ରଦୂଷଣ ମାତ୍ରା ଦିନକୁ ଦିନ ବଢିଚାଲିଛି। ଗଳିକନ୍ଦିରେ ଡିଜେ ସାଉଣ୍ଡରେ ଘର ଭିତରେ ଲୋକ ଅସ୍ତବ୍ୟସ୍ତ ହୋଇପଡୁଛନ୍ତି। ବିଶେଷକରି ବର୍ତ୍ତମାନ ଠାକୁରଙ୍କ ଭସାଣି ଶୋଭାଯାତ୍ରା ଏହି ଶବ୍ଦ ପ୍ରଦୂଷଣକୁ ଅଧିକ କରିଛି। ଗଣେଶ ଏବଂ ଖୁଦୁରୁକୁଣୀ ମୂର୍ତ୍ତି ଭସାଣି ଶୋଭାଯାତ୍ରାରେ ଦୁଲୁକୁଛି ଶ୍ରୀକ୍ଷେତ୍ରରେ ସାହିଗଳି ଓ ବଡ଼ଦାଣ୍ଡ। ଏଥିରୁ ବାଦ୍‌ ପଡୁନି ଶ୍ରୀମନ୍ଦିର ବେଢା ଚତୁଃପାର୍ଶ୍ୱ। ସୋମବାର ରାତି ସାଢେ ୮ଟା ପରଠାରୁ ସ୍ଥିତି ଅସମ୍ଭାଳ ହୋଇପଡିଥିଲା। ଗଣେଶ ଓ ଖୁଦୁରୁକୁଣୀ ଭସାଣି ଶୋଭାଯାତ୍ରା ବଡ଼ଦାଣ୍ଡକୁ କବ୍‌ଜା କରିଥିଲା। ଗୋଟିଏ ପରେ ଗୋଟିଏ ସାହିର ମେଢ ବଡ଼ଦାଣ୍ଡକୁ ବାହାରୁଥିଲା। ସେହିପରି ଶ୍ରୀମନ୍ଦିର ବେଢା ଚାରିପାଖ ଏପରି କି ସିଂହଦ୍ୱାର ସମ୍ମୁଖ ଡିଜେ ସାଉଣ୍ଡରେ ଥରିଉଠୁଥିଲା। ସରକାରୀ କଟକଣାକୁ ନ ମାନି ଅଧିକ ଡେସିବଲରେ କମ୍ପୁଥିଲା ଡିଜେ। ଏହି ଡିଜେ ସାଉଣ୍ଡକୁ ନେଇ ଶ୍ରୀମନ୍ଦିରକୁ ଆସିଥିବା ଭକ୍ତ ଅସନ୍ତୋଷ ପ୍ରକାଶ କରିଥିଲେ। କେନ୍ଦ୍ରାପଡ଼ାର ରବୀନ୍ଦ୍ର ସାହୁ କହିଥିଲେ, ଶ୍ରୀମନ୍ଦିର ବେଢା ଚାରିପାଖରେ ଏତେ ଜୋର୍‌ ଶବ୍ଦ ହେବା ଅନୁଚିତ। ଏହାଦ୍ୱାରା ମନ୍ଦିର ଉପରେ ତ ପ୍ରଭାବ ପଡିବ ଠାକୁର ମଧ୍ୟ ବ୍ୟତିବ୍ୟସ୍ତ ହୋଇପଡିବେ। ତେଣୁ ପ୍ରଶାସନ ଏହି ଡିଜେ ସାଉଣ୍ଡ ଉପରେ କଟକଣା ଲଗାଇବା ଉଚିତ। ସେହିପରି କଟକ ପିଠାପୁରର ସୌମେନ୍ଦ୍ର ପରିଡ଼ା କହିଥିଲେ, ଶ୍ରୀମନ୍ଦିର ଚତୁଃପାର୍ଶ୍ୱ ଦେଇ ବିଭିନ୍ନ ଦେବଦେବୀ ବିସର୍ଜନକୁ ଯିବା ଭଲ କଥା। କିନ୍ତୁ ଏବେ ଯେଉଁ ଢଙ୍ଗରେ ଠାକୁରଙ୍କୁ ଭସାଣି ପାଇଁ ନିଆଯାଉଛି ସେପରି ହେବା କଥା ନୁହେଁ। ବିଭିନ୍ନ ବାଜା ଓ ଡିଜେରେ ପାଦତଳ ଥରିଲା ଭଳି ଲାଗୁଛି। ତେଣୁ ଶୋଭାଯାତ୍ରାରେ ଯାଉଥିବା ବ୍ୟକ୍ତିମାନେ ଏ ଦିଗରେ ସଚେତନ ହେବା ଦରକାର। ଏ ସମ୍ପର୍କରେ ଶ୍ରୀମନ୍ଦିର ମୁଖ୍ୟ ପ୍ରଶାସକ କହିଥିଲେ, ଶବ୍ଦ ପ୍ରଦୂଷଣର କୁପ୍ରଭାବ ନିଶ୍ଚିତ ଭାବେ ମନ୍ଦିର ଉପରେ ପଡ଼ିବ। ସୁଚିନ୍ତିତ ଯୋଜନା ଅନୁଯାୟୀ ଏ ଦିଗରେ ପଦକ୍ଷେପ ନିଆଯିବ। କୌଣସି ଏକ ନିଷ୍ପତ୍ତି ନେବା ଯାହା ଦୀର୍ଘସ୍ଥାୟୀ ହୋଇପାରିବ। ତେଣୁ ଏ ନେଇ ଜିଲା ପ୍ରଶାସନ ଏବଂ ଏସ୍‌ପିଙ୍କ ସହିତ ବିଚାର ବିମର୍ଶ କରାଯାଇ ପଦକ୍ଷେପ ଗ୍ରହଣ କରାଯିବ।
All Right Reserved By

ମେଟ୍ରୋ |

ରାଜ୍ୟରେ ସମ୍ଭାବ୍ୟ ବର୍ଷାକୁ ନେଇ ସତର୍କ ରୁହନ୍ତୁ ଚାଷୀ, ଆପଦକାଳୀନ ଫସଲ ଯୋଜନା ଗ୍ରହଣ କରିବାକୁ ପରାମର୍ଶ

ରାଜ୍ୟରେ ସମ୍ଭାବ୍ୟ ବର୍ଷାକୁ ନେଇ ସତର୍କ ରୁହନ୍ତୁ ଚାଷୀ, ଆପଦକାଳୀନ ଫସଲ ଯୋଜନା ଗ୍ରହଣ କରିବାକୁ ପରାମର୍ଶ

ଭୁବନେଶ୍ୱର,୧୩।୧୨(ବ୍ୟୁରୋ): ଦକ୍ଷିଣ ବଙ୍ଗୋପସାଗରରେ ସୃଷ୍ଟ ଲଘୁଚାପ ବୁଧବାର ଡିପ୍ରେସନରେ ପରିଣତ ହୋଇଛି। ଏହା ଆଗାମୀ ୨୪ଘଣ୍ଟାରେ ଡିପ୍‌ ଡିପ୍ରେସନରେ ପରିଣତ ହେବାର ସମ୍ଭାବନା ରହିଛି।

ପେଟ୍ରୋଲିୟମ ବିଭାଗର ବିଭିନ୍ନ ପ୍ରକଳ୍ପ କାର୍ଯ୍ୟକାରୀ ନିମନ୍ତେ ରାଜ୍ୟ ସରକାରଙ୍କ ସହଯୋଗ ଲୋଡିଲେ ଧର୍ମେନ୍ଦ୍ର

ପେଟ୍ରୋଲିୟମ ବିଭାଗର ବିଭିନ୍ନ ପ୍ରକଳ୍ପ କାର୍ଯ୍ୟକାରୀ ନିମନ୍ତେ ରାଜ୍ୟ ସରକାରଙ୍କ ସହଯୋଗ ଲୋଡିଲେ ଧର୍ମେନ୍ଦ୍ର

ଭୁବନେଶ୍ୱର,୧୩।୧୨(ବ୍ୟୁରୋ): ରାଜ୍ୟରେ ପ୍ରସ୍ତାବିତ କେନ୍ଦ୍ର ପେଟ୍ରୋଲିୟମ ବିଭାଗର ବିଭିନ୍ନ ପ୍ରକଳ୍ପ କାର୍ଯ୍ୟକାରୀ ହେଲେ ରାଜ୍ୟର ଯୁବପିଢ଼ୀଙ୍କ ଲାଗି ଚାକିରୀ ଓ ରୋଜଗାର ସମ୍ଭାବନା ସୃଷ୍ଟି ହେବ। ଏଥିସହ ଓଡ଼ିଶା ଦେଶର ଗ୍ୟାସ୍‌ ଓ ପେଟ୍ରୋକେମିକାଲ୍ସ ଶିଳ୍ପର ପେଣ୍ଠସ୍ଥଳୀ ଭାବେ ପରିଚିତ ହେବାର ସମ୍ଭାବନା ରହିଛି। 

ବିଦ୍ୟାଳୟ ଅଫିସ ତାଲାଭାଙ୍ଗି ଚୋରି

ବିଦ୍ୟାଳୟ ଅଫିସ ତାଲାଭାଙ୍ଗି ଚୋରି

କଣ୍ଟାପଡା, ୧୩।୧୨(ଡି.ଏନ୍‌.ଏ.): କଣ୍ଟାପଡା ବ୍ଲକ ଅନ୍ତର୍ଗତ ବ୍ରାହ୍ମଣସାଇଲୋ ଗ୍ରାମପଞ୍ଚାୟତର ଉରୁଜଙ୍ଗ ଭଗବତୀ ବିଦ୍ୟାମନ୍ଦିର ଅଫିସ ଘର ତାଲାଭାଙ୍ଗି ବୁଧବାର ରାତିରେ କେହି ଦୁର୍ବୃତ୍ତ ଅଲମିରାରେ ଥିବା ୫ ହଜାର ଟଙ୍କା ଚୋରି କରିନେଇଥିବା ଗୁରୁବାର ସକାଳେ ଗୋବିନ୍ଦପୁର ଥାନାରେ ଅଭିଯୋଗ ହୋଇଛି।

ରୋଗୀ ମୃତ୍ୟୁକୁ ନେଇ ଇଏସଆଇ ହସ୍ପିଟାଲରେ ଉତ୍ତେଜନା

ରୋଗୀ ମୃତ୍ୟୁକୁ ନେଇ ଇଏସଆଇ ହସ୍ପିଟାଲରେ ଉତ୍ତେଜନା

ଭୁବନେଶ୍ୱର, ୧୩।୧୨(ବ୍ୟୁରୋ): ରୋଗୀ ମୃତ୍ୟୁକୁ ନେଇ ନୟାପଲ୍ଲୀ ଥାନା ଅଞ୍ଚଳରେ ଥିବା ଇଏସଆଇ ହସ୍ପିଟାଲାରେ ଗୁରୁବାର ସକାଳେ ଉତ୍ତେଜନା ଦେଖିବାକୁ ମିଳିଛି। ଡାକ୍ତରଙ୍କ ଅବହେଳାକୁ ଦାୟୀ କରି ରୋଗୀଙ୍କ ସମ୍ପର୍କୀୟମାନେ ମୃତଦେହ ରଖି ମେଫେୟାର ହୋଟେଲ ଯିବା ରାସ୍ତାରେ ଧାରଣାରେ ବସିଥିଲେ।

ଲାଞ୍ଚ ମାମଲା: କନିଷ୍ଠ ଯନ୍ତ୍ରୀଙ୍କୁ ୨ ବର୍ଷ ଜେଲ

ଲାଞ୍ଚ ମାମଲା: କନିଷ୍ଠ ଯନ୍ତ୍ରୀଙ୍କୁ ୨ ବର୍ଷ ଜେଲ

କଟକ ଅଫିସ,୧୩ା୧୨- ଏକ ଲାଞ୍ଚ ମାମଲାର ଶୁଣାଣି କରି ବୁଧବାର ଢେଙ୍କାନାଳ ସ୍ବତନ୍ତ୍ର ଭିଜିଲାନ୍ସ ଅଦାଲତ ଜଣେ ଅଭିଯୁକ୍ତ କନିଷ୍ଠ ଯନ୍ତ୍ରୀଙ୍କୁ ଜେଲ୍‌ ଓ ଜରିମାନା ଦଣ୍ଡରେ ଦଣ୍ଡିତ କରିଛନ୍ତି। ଅଭିଯୁକ୍ତ ଜଣକ ହେଉଛନ୍ତି ଢେଙ୍କାନାଳ ଜିଲା ଓଡ଼ାପଡ଼ା ବ୍ଲକର ପୂର୍ବତନ କନିଷ୍ଠ ଯନ୍ତ୍ରୀ ବସନ୍ତ କୁମାର ପାତ୍ର। ସମ୍ପ୍ରତି କନିଷ୍ଠ ଯନ୍ତ୍ରୀ ପାତ୍ର କାମାକ୍ଷାନଗର ବ୍ଲକରେ କାର୍ଯ୍ୟରତ। ଓଡ଼ାପଡ଼ାରେ ଥିବା ସମୟରେ ସେ ଢେଙ୍କାନାଳ ସଦର ଥାନା ଅଧୀନ କାଣ୍ଡବିନ୍ଧା ଗ୍ରାମର ରମେଶ ଚନ୍ଦ୍ର ସାହୁ ନାମକ ଜଣେ ବ୍ୟକ୍ତିଙ୍କଠାରୁ ୧୨ହଜାର ୫୦୦ ଟଙ୍କା ଲାଞ୍ଚ ନେଉଥିବାବେଳେ ଭିଜିଲାନ୍ସ ହାତରେ ଧରାପଡ଼ିଥିଲେ। 

ଲାଞ୍ଚ: ସେବା ସମବାୟ ସମିତି ସମ୍ପାଦକ ଗିରଫ

ଲାଞ୍ଚ: ସେବା ସମବାୟ ସମିତି ସମ୍ପାଦକ ଗିରଫ

କଟକ ଅଫିସ/ବଳଙ୍ଗା, ୧୩ା୧୨ (ଡି.ଏନ୍‌.ଏ.) - ୨୦ହଜାର ଟଙ୍କା ଲାଞ୍ଚ ନେଉଥିବା ବେଳେ ଭିଜିଲାନ୍ସ ହାତରେ ଧରାପଡ଼ିଛନ୍ତି ପୁରୀ ଜିଲା ଦନ୍ଦିପୁର ସେବା ସମବାୟ ସମିତିର ସମ୍ପାଦକ ସୁଦର୍ଶନ ସାହୁ। ବୁଧବାର ସମ୍ପାଦକ ସାହୁ ଏହି ଲାଞ୍ଚ ଦନ୍ଦିପୁର ଗ୍ରାମର ଦେବାଶିଷ ମୁଦୁଲିଙ୍କଠାରୁ ପୂର୍ବ ଦାବି ମୁତାବକ ଗ୍ରହଣ କରୁଥିଲେ। ଦେବାଶିଷ ଉକ୍ତ ଅଫିସରେ ଡାଟା ଏଣ୍ଟ୍ରି ଅପରେଟର ଭାବେ କାର୍ଯ୍ୟ କରନ୍ତି। 

ମହାନଦୀ ପାଣି କମ୍ପାନୀକୁ ଦେବା ମାମଲା: ସରକାରଙ୍କ ସତ୍ୟପାଠରୁ ବାହାରିଲା ସତ

ମହାନଦୀ ପାଣି କମ୍ପାନୀକୁ ଦେବା ମାମଲା: ସରକାରଙ୍କ ସତ୍ୟପାଠରୁ ବାହାରିଲା ସତ

କଟକ ଅଫିସ, ୧୩ା୧୨- ମହାନଦୀ ପାଣିକୁ କମ୍ପାନୀଗୁଡ଼ିକ ହାତକୁ ଟେକି ଦିଆଯାଇଛି। ପାନୀୟ ଜଳ କିମ୍ବା କୃଷି କାର୍ଯ୍ୟରେ ଏହାକୁ ବିନିଯୋଗ କରା ନ ଯାଇ ଶିଳ୍ପାନୁଷ୍ଠାନକୁ ଦିଆଯିବା ନେଇ ହାଇକୋର୍ଟରେ ଜନସ୍ବାର୍ଥ ମାମଲା ଦାଏର ହୋଇଥିଲା।

ଟେଣ୍ଡର ଫିକ୍ସିଂ, ଦାଦାବଟି ମାମଲା: ଏସ୍‌ଡିଜେଏମ୍‌ କୋର୍ଟରେ ସାକ୍ଷ୍ୟଗ୍ରହଣ ଆରମ୍ଭ

ଟେଣ୍ଡର ଫିକ୍ସିଂ, ଦାଦାବଟି ମାମଲା: ଏସ୍‌ଡିଜେଏମ୍‌ କୋର୍ଟରେ ସାକ୍ଷ୍ୟଗ୍ରହଣ ଆରମ୍ଭ

କଟକ ଅଫିସ, ୧୩ା୧୨- ଧଳସାମନ୍ତ ଭ୍ରାତାଙ୍କ ସହଯୋଗୀଙ୍କ ଦ୍ୱାରା ଟେଣ୍ଡର ଫିକ୍ସିଂ ଓ ଦାଦାବଟି ମାମଲାରେ ଏସ୍‌ଡିଜେଏମ୍‌ କୋର୍ଟରେ ବୁଧବାରଠାରୁ ସାକ୍ଷ୍ୟଗ୍ରହଣ ଆରମ୍ଭ ହୋଇଛି। ଚାଉଳିଆଗଞ୍ଜ ଥାନାରେ ୨୦୧୬ ଏପ୍ରିଲ ୫ରେ ଏ ନେଇ ମାମଲା ରୁଜୁ ହୋଇଥିଲା। 

ଜୟପୁର ବିଧାନସଭା ନିର୍ବାଚନୀ ମାମଲା: ଇଭିଏମ୍‌ ଉପରୁ ପ୍ରତିବନ୍ଧକ ହଟିଲା

ଜୟପୁର ବିଧାନସଭା ନିର୍ବାଚନୀ ମାମଲା: ଇଭିଏମ୍‌ ଉପରୁ ପ୍ରତିବନ୍ଧକ ହଟିଲା

କଟକ ଅଫିସ,୧୩ା୧୨- ୨୦୧୪ ନିର୍ବାଚନରେ ଜୟପୁର ବିଧାନସଭା ନିର୍ବାଚନମଣ୍ଡଳୀରେ ବ୍ୟବହୃତ ଇଭିଏମ୍‌ ମେଶିନ ଉପରୁ ପ୍ରତିବନ୍ଧକ ହଟାଇଛନ୍ତି ହାଇକୋର୍ଟ। କାରଣ ଏହି ନିର୍ବାଚନମଣ୍ଡଳୀର ନିର୍ବାଚନକୁ ନେଇ ହାଇକୋର୍ଟରେ ମାମଲା ରୁଜୁ ହୋଇଥିଲା। ନିୟମ ଅନୁଯାୟୀ କୌଣସି ନିର୍ବାଚନୀ ମାମଲା ବିଚାରାଧୀନ ଥିବାବେଳେ ଉକ୍ତ ନିର୍ବାଚନମଣ୍ଡଳୀରେ ବ୍ୟବହୃତ ଇଭିଏମ୍‌ଗୁଡ଼ିକ ଷ୍ଟ୍ରଙ୍ଗ୍‌ ରୁମ୍‌ରେ ସଂରକ୍ଷିତ କରି ରଖାଯାଇଥାଏ।

ଜେଲ୍‌ ଗଲେ ଭଣ୍ଡାରିପୋଖରୀ ଥାନାଧିକାରୀ-୨ଟି ସ୍ଥାନରେ ଭିଜିଲାନ୍ସ ଯାଞ୍ଚ

ଜେଲ୍‌ ଗଲେ ଭଣ୍ଡାରିପୋଖରୀ ଥାନାଧିକାରୀ-୨ଟି ସ୍ଥାନରେ ଭିଜିଲାନ୍ସ ଯାଞ୍ଚ

କଟକ ଅଫିସ,୧୩ା୧୨- ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଭଦ୍ରକ ଜିଲା ଭଣ୍ଡାରିପୋଖରୀ ଥାନା ଅଧିକାରୀ ଅମିତ କୁମାର ବିଶ୍ୱାଳଙ୍କୁ ବୁଧବାର ଭିଜିଲାନ୍ସ ଗିରଫ କରିଛି। ବାଲେଶ୍ୱର ଭିଜିଲାନ୍ସ ଥାନାରେ ୫୦/୨୦୧୮ରେ ଏକ ଫୌଜଦାରି ମାମଲା ରୁଜୁ ପରେ ବିଶ୍ୱାଳଙ୍କୁ କୋର୍ଟଚାଲାଣ କରାଯାଇଥିଲା।  ଜାମିନ ନାମଞ୍ଜୁର ହେବାରୁ ତାଙ୍କୁ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଛି।

୧୦ ସହରରେ ଆରମ୍ଭ ହେବ ଷ୍ଟୁଡେଣ୍ଟ ଟ୍ରାଫିକ୍‌ ଭଲ୍ୟୁଣ୍ଟିୟର ଯୋଜନା

୧୦ ସହରରେ ଆରମ୍ଭ ହେବ ଷ୍ଟୁଡେଣ୍ଟ ଟ୍ରାଫିକ୍‌ ଭଲ୍ୟୁଣ୍ଟିୟର ଯୋଜନା

କଟକ ଅଫିସ,୧୩ା୧୨- ଭୁବନେଶ୍ୱର ଓ କଟକରେ ଷ୍ଟୁଡେଣ୍ଟ ଟ୍ରାଫିକ୍‌ ଭଲ୍ୟୁଣ୍ଟିୟର ବ୍ୟବସ୍ଥାର ସଫଳତା ପରେ ଖୁବ୍‌ଶୀଘ୍ର ରାଜ୍ୟର ଅନ୍ୟ ୧୦ଟି ସହରରେ ଏହି ଯୋଜନା ଆରମ୍ଭ ହେବାକୁ ଯାଉଛି। 

ଗଣିଆ ଗଲା ୩ ରଥଚକ

ଗଣିଆ ଗଲା ୩ ରଥଚକ

ପୁରୀ ଅଫିସ, ୧୩ା୧୨: ବଡ଼ଠାକୁର ବଳଭଦ୍ର, ଦେବୀ ସୁଭଦ୍ରା ଏବଂ ମହାପ୍ରଭୁ ଶ୍ରୀଜଗନ୍ନାଥଙ୍କ ବିରାଜିତ ତିନିରଥର ୩ଟି ଚକ ବୁଧବାର ନୟାଗଡ଼ ଜିଲା ଗଣିଆକୁ ଯାଇଛି। ଏକ ବର୍ଣ୍ଣାଢ୍ୟ ସଂକୀର୍ତ୍ତନ ଶୋଭାଯାତ୍ରାରେ ଗଣିଆବାସୀ ରଥଚକକୁ ସାଥିରେ ନେଇ ଯାଇଛନ୍ତି।