ଖେଳ |

କଟକ, କମିଶନରେଟ୍‌ ଦଳଗତ ଚାମ୍ପିୟନ

ଭୁବନେଶ୍ୱର, ୫।୨(ସ୍ପୋଟର୍‌ସ ବ୍ୟୁରୋ)- ସ୍ଥାନୀୟ କଳିଙ୍ଗ ଷ୍ଟାଡିୟମରେ ଗତ ୪ ଦିନ ଧରି ଚାଲିଥିବା ରାଜ୍ୟ ପୋଲିସ ଆଥ୍‌ଲେଟିକ୍‌ ମିଟ୍‌ର ୭୦ତମ ସଂସ୍କରଣ ସୋମବାର ରଙ୍ଗାରଙ୍ଗ ଉତ୍ସବ ମଧ୍ୟରେ ଉଦ୍‌ଯାପିତ ହୋଇଯାଇଛି। ପୋଲିସ ଡିଜି ଡ. ରାଜେନ୍ଦ୍ର ପ୍ରସାଦ ଶର୍ମା ଏଥିରେ ମୁଖ୍ୟ ଅତିଥି ଭାବେ ଯୋଗ ପୁରସ୍କାର ପ୍ରଦାନ କରିଥିଲେ। ଉତ୍ସବରେ ଅନୁଷ୍ଠିତ ୧୦୦ ମିଟର ପୁରୁଷ ରେସ୍‌ରେ ୫ମ ଆଇଆର୍‌ ବାଟାଲିୟନ ବୌଦ୍ଧର ମଧୁସୂଦନ ଶବର ପ୍ରଥମ ସ୍ଥାନ ହାସଲ କରିଥିଲେ। ଓଏସ୍‌ଏପି ୬ଷ୍ଠ ବାଟାଲିୟନ କଟକର ଏସ୍‌.ଏନ୍‌. ନାୟକ ଓ କମିଶନରେଟ ପୋଲିସ-ବି’ର ରାଜେନ୍ଦ୍ର ଟପ୍ପୋ ଯଥାକ୍ରମେ ୨ୟ ଓ ୩ୟ ସ୍ଥାନରେ ରହିଥିଲେ। ଦ୍ରୁତତମ ପୁରୁଷ ଧାବକ ବିବେଚିତ ହୋଇଥିବା ମଧୁସୂଦନଙ୍କୁ ସୁଜୟ ମେମୋରିଆଲ ଟ୍ରଫି ସହ ରାଜ୍ୟ ସରକାରଙ୍କ କ୍ରୀଡ଼ା ଓ ଯୁବ ସେବା ବିଭାଗ ପକ୍ଷରୁ ୧୦ ହଜାର ଟଙ୍କା ପ୍ରଦାନ କରାଯାଇଥିଲା। ସେହିଭଳି ମହିଳା ୧୦୦ ମିଟର ବିଭାଗରେ ବରଗଡ଼ ଜିଲା ପୋଲିସର ଦମୟନ୍ତୀ ବାରିକ ପ୍ରଥମ ସ୍ଥାନ ହାସଲ କରି ଦ୍ରୁତତମ ମହିଳା ଆଥ୍‌ଲେଟ୍‌ ବିବେଚିତ ହୋଇଥିଲେ। ଏଥିରେ କମିଶନରେଟ୍‌ ପୋଲିସ-ଏ’ର ବୋନିତା ଲାକ୍ରା ଓ ବାଲେଶ୍ୱରର ପୁଷ୍ପାଞ୍ଜଳି ମଲ୍ଲିକ ରୌପ୍ୟ ଓ ବ୍ରୋଞ୍ଜ ପଦକ ହାସଲ କରିଥିଲେ। ଚାରି ଗୁଣନ ୪୦୦ ମିଟର ପୁରୁଷ ରିଲେରେ ଓଏସ୍‌ଏପି ୬ଷ୍ଠ ବାଟାଲିୟନ କଟକ ଏବଂ ମହିଳା ବର୍ଗରେ କମିଶନରେଟ୍‌-ଏ ଦଳ ସ୍ବର୍ଣ୍ଣପଦକ ଜିତିଥିଲେ। ପୁରୁଷ ମାରାଥନରେ ପ୍ରଥମ ଆଇଆର୍‌ ବାଟାଲିୟନ କୋରାପୁଟର ରୋହିତ କାରା, ମାଲକାନଗିରି ଜିଲା ପୋଲିସର ବୁଦ୍ରାବିଶି ନାଏକ ଓ ୪ର୍ଥ ଆଇଆର୍‌ ବାଟାଲିୟନ ଦେବଗଡ଼ର ଖତୁ ମୁଣ୍ଡା ଯଥାକ୍ରମେ ସ୍ବର୍ଣ୍ଣ, ରୌପ୍ୟ ଓ ବ୍ରୋଞ୍ଜ ପଦକ ଅର୍ଜନ କରିବା ସହ ୧୦ ହଜାର, ୭.୫ ହଜାର ଓ ୫ ହଜାର ଟଙ୍କା ପୁରସ୍କାର ରାଶି ରାଜ୍ୟ କ୍ରୀଡ଼ା ବିଭାଗ ପକ୍ଷରୁ ପାଇଥିଲେ। ଜୟପୁର କ୍ରସ କଣ୍ଟ୍ରି କପ୍‌ ୪ର୍ଥ ଆଇଆର୍‌ ଦେବଗଡ଼ ଜିତିଥିଲା। ସେହିଭଳି ଓଏସ୍‌ଏପି ୨ୟ ବାଟାଲିୟନ ଝାରସୁଗୁଡ଼ାର ପି. ଛେତ୍ରୀ ଶ୍ରେଷ୍ଠ ଡେକାଥଲନ ଆଥ୍‌ଲେଟ୍‌ ପୁରସ୍କାର ବାବଦକୁ ହୁବାକ୍‌ ସିଲ୍ଡ ହାସଲ କରିଥିଲେ। ୧୦ ହଜାର ମିଟର ଓ ୫ ହଜାର ମିଟର ଦୌଡ଼ରେ ୮ମ ସ୍ପେଶାଲ ଆଇଆର୍‌, ଭଞ୍ଜନଗର ଅଶୋକ ଦଣ୍ଡସେନା ବାଜିମାତ୍‌ କରିଥିଲେ। ଉଭୟ ପୁରସ୍କାର ବାବଦକୁ ସେ ଯଥାକ୍ରମେ ବିଦ୍ୟାଧର ବେହେରା ମେମୋରିଆଲ ସିଲ୍ଡ ଓ ଶାନ୍ତିଲତା ମେମୋରିଆଲ ଟ୍ରଫି ହାସଲ କରିଥିଲେ। ୩ ହଜାର ମିଟର ଷ୍ଟିପଲଚେଜରେ ବୁନିପ ପ୍ରଧାନ (୬ଷ୍ଠ ଆଇଆର୍‌, ଖୋର୍ଦ୍ଧା) ସ୍ବର୍ଗତ ବୀର ରାଘବ ଦାସ ଟ୍ରଫି, ପ୍ରମିଜିଂ ଆଥ୍‌ଲେଟ୍‌ ପୁରସ୍କାର ବାବଦକୁ ମିତାଲି ମଲ୍ଲିକ (ଓଆଇଏସ୍‌ଏଫ୍‌, ଭୁବନେଶ୍ୱର) ସ୍ବର୍ଗତ ପ୍ରସନ୍ନ କୁମାର ପାଢ଼ୀ ଟ୍ରଫି, ଶ୍ରେଷ୍ଠ ଜିଲା ଟିମ୍‌ ବାବଦକୁ ରାଉରକେଲା ପୂର୍ଣ୍ଣଚନ୍ଦ୍ର ମୁର୍ମୁ ସିଲ୍ଡ, ଅଲ୍‌ରାଉଣ୍ଡ ପ୍ରଦର୍ଶନ ବାବଦକୁ ଓଏସ୍‌ଏପି ୮ମ ବାଟାଲିୟମ ଛତ୍ରପୁର ଦି ଗଭନର୍ସ କପ୍‌ ଜିତିଥିଲା। ଓଏସ୍‌ଏପି ୬ଷ୍ଠ ବାଟାଲିୟନ (କଟକ) ପୁରୁଷ ବର୍ଗରେ ଦଳଗତ ଚାମ୍ପିୟନ ହୋଇ ପ୍ରିମିୟର ଚ୍ୟାଲେଞ୍ଜ ସିଲ୍ଡ ଜିତିବା ସହ ରାଜ୍ୟ ପୋଲିସ ବିଭାଗ ପକ୍ଷରୁ ୧୦ ହଜାର ଟଙ୍କା ପୁରସ୍କାର ହାସଲ କରିଥିଲା। ସେହିଭଳି ଓଏସ୍‌ଏପି ୪ର୍ଥ ବାଟାଲିୟନ (ରାଉରକେଲା) ଦଳଗ ଭାବେ ରନର୍ସଅପ୍‌ ହୋଇ ରାଜା ମାଣ୍ଡସା ଚ୍ୟାଲେଞ୍ଜ ସିଲ୍ଡ ସହ ୭ ହଜାର ୫୦୦ ଟଙ୍କା ପାଇଥିଲା। କମିଶନରେଟ୍‌-ଏ ଏବଂ ଓଆଇଏସ୍‌ଏଫ୍‌ (ଭୁବନେଶ୍ୱର) ଟିମ୍‌ ଯଥାକ୍ରମେ ମହିଳା ଦଳଗତ ଚାମ୍ପିୟନ ଓ ରନର୍ସଅପ୍‌ ହୋଇଥିଲେ। ନୟାଗଡ଼ ଜିଲା ପୋଲିସର ସରସ୍ବତୀ ଚାନ୍ଦ ଓ ଓଆଇଏସ୍‌ଏଫ୍‌ ୬ଷ୍ଠ ବାଟାଲିୟନର କୌଶଲ୍ୟ କୁମାର ନାୟକ ଯଥାକ୍ରମେ ଶ୍ରେଷ୍ଠ ମହିଳା ଓ ପୁରୁଷ ଆଥ୍‌ଲେଟ୍‌ ବିବେଚିତ ହୋଇଥିଲେ। ଉଭୟ ସରସ୍ବତୀ ଓ କୌଶଲ୍ୟ ଟ୍ରଫି ସହ ୧୦ ହଜାର ଟଙ୍କା ପୁରସ୍କାର ରାଶି ରାଜ୍ୟ କ୍ରୀଡ଼ା ବିଭାଗ ପକ୍ଷରୁ ପ୍ରଦାନ କରାଯାଇଥିଲା। ମିଟ୍‌ରେ ଅମୀୟ କୁମାର ମହାନ୍ତ (ଟ୍ରିପଲ ଜମ୍ପ୍‌), କୌଶଲ୍ୟ କୁମାର ନାୟକ (୪୦୦ ମିଟର ହର୍ଡଲ୍ସ), ଓଏସ୍‌ଏପି ୬ଷ୍ଠ ବାଟାଲିୟନ କଟକ (୪ ଗୁଣା ୧୦୦ ମିଟର) ଓ ରୀନା ବା (ଲଙ୍ଗ ଜମ୍ପ୍‌)ରେ ନୂତନ ମିଟ୍‌ ରେକର୍ଡ ପ୍ରତିଷ୍ଠା କରିଥିଲେ। ସେହିଭଳି ଜାତୀ\ୟଓ ଅନ୍ତର୍ଜାତୀୟସ୍ତରରେ ସଫଳତା ଲାଗି ଭାରୋତ୍ତଳକ କେ. ରବିକୁମାର, ଧାବକ ବିଘ୍ନରାଜ ମିରିଡା, ଯୋଗରେ ଚନ୍ଦ୍ରକାନ୍ତ ବାରିକ, ରେସଲିଂ କ୍ଲଷ୍ଟରରେ ଅନୁପମା ସ୍ବାଇଁଙ୍କୁ ସମ୍ବର୍ଦ୍ଧିତ କରାଯାଇଥିଲା। ସେହିଭଳି ସଫଳ ପ୍ରଦର୍ଶନ ଲାଗି କଳାହାଣ୍ଡି ଜିଲା ପୋଲିସର ମଧୁସ୍ମିତା ନାୟକ ଓ ୪ର୍ଥ ବାଟାଲିୟନ ରାଉରକେଲାର ଜିତନ କୁମାର ପ୍ରଧାନଙ୍କୁ ଡିଜି ରାଜେନ୍ଦ୍ର ପ୍ରସାଦ ଶର୍ମା ପ୍ରମୋଶନ ପ୍ରଦାନ କରିଥିଲେ। ପ୍ରଥମ, ୨ୟ ଓ ୩ୟ ସ୍ଥାନ ହାସଲ କରିଥିବା ପ୍ରତିଯୋଗୀଙ୍କ ପୁରସ୍କାର ରାଶିକୁ ବୃଦ୍ଧି କରି ଏଥର ଯଥାକ୍ରମେ ଏକ ହଜାର, ୭୫୦ ଓ ୫୦୦ ଟଙ୍କା ପ୍ରଦାନ କରାଯାଇଥିଲା। ଏହି ପୁରସ୍କାର ବିତରଣ ଉତ୍ସବରେ ଏଡିଜି ସତ୍ୟଜିତ୍‌ ମହାନ୍ତି ଓ ଆୟୋଜକ କମିଟି ସମ୍ପାଦକ ସଞ୍ଜୀବ ପଣ୍ଡା ଉପସ୍ଥିତ ରହିଥିଲେ। ପ୍ରଥମଥର ଲାଗି ଏହି ପୋଲିସ୍‌ ମିଟ୍‌କୁ ସିନ୍ଥେଟିକ୍‌ ଟ୍ରାକରେ ଆୟୋଜନ କରାଯାଇଥିଲା। ‘ବର୍ଷ ସାରା ସିନ୍ଥେଟିକ ସୁଯୋଗ ମିଳିଲେ ଆହୁରି ଉନ୍ନତ ପ୍ରଦର୍ଶନ କରିବି’ ପୋଲିସ ଆଥ୍‌ଲେଟିକ୍‌ ମିଟ୍‌ରେ ଓଏସ୍‌ଏପି ୬ଷ୍ଠ ବାଟାଲିୟନ କଟକର କୌଶଲ୍ୟ କୁମାର ନାୟକ ଶ୍ରେଷ୍ଠ ଆଥ୍‌ଲେଟ୍‌ ବିବେଚିତ ହୋଇଛନ୍ତି। କୌଶଲ୍ୟ ୪୦୦ ମିଟର ହର୍ଡଲ୍ସ, ୧୦୦ ମିଟର ଓ ୪୦୦ ମିଟର ରିଲେରେ ସ୍ବର୍ଣ୍ଣପଦକ ଜିତିଥିବାବେଳେ ୪୦୦ ମିଟର ରେସ୍‌ରେ ୨ୟ ସ୍ଥାନ ହାସଲ କରିଥିଲେ। ଅଭ୍ୟାସ ଲାଗି କମାଣ୍ଡାଣ୍ଟ ଲିଙ୍ଗରାଜ ପରିଡ଼ା ଆମକୁ ପର୍ଯ୍ୟାପ୍ତ ସୁଯୋଗ ଦେଇଥିଲେ, ଯାହା ଉନ୍ନତ ପ୍ରଦର୍ଶନ କରିବାରେ ସହାୟକ ହେଲା ବୋଲି କୌଶଲ୍ୟ ତାଙ୍କ ପ୍ରତିକ୍ରିୟାରେ କହିଛନ୍ତି। ସେହିଭଳି ପ୍ରଥମଥର ଲାଗି ରାଜ୍ୟ ପୋଲିସ୍‌ ମିଟ୍‌ ଗ୍ରାସରୁ ସିନ୍ଥେଟିକ ଟ୍ରାକରେ ଆୟୋଜନ କରାଯିବା ନେଇ କୌଶଲ୍ୟ କହିଛନ୍ତି ଯଦି ବର୍ଷା ସାରା ଏଭଳି ସିନ୍ଥେଟିକ୍‌ ଟ୍ରାକର ସୁଯୋଗ ମିଳନ୍ତା ତେବେ ପ୍ରଦର୍ଶନରେ ଆହୁରି ଉନ୍ନତି ହୁଅନ୍ତା ବୋଲି ସେ କହିଛନ୍ତି।
All Right Reserved By

ଖେଳ |

ଅଷ୍ଟ୍ରେଲିଆ ଫୁଟ୍‌ବଲ ପରିଚାଳନା କରିବ ଫିଫା

ସିଡ୍‌ନୀ,୧୭।୮(ଏଏଫ୍‌ପି)- ଫୁଟ୍‌ବଲ ଫେଡେରେଶନ ଅଷ୍ଟ୍ରେଲିଆ (ଏଫ୍‌ଏଫ୍‌ଏ) ମୁଖ୍ୟ ଷ୍ଟିଭେନ ଲୋୟ ପୁନଃ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବେ ନାହିଁ ବୋଲି ଶୁକ୍ରବାର କହିଛନ୍ତି। ଫଳରେ ଅଷ୍ଟ୍ରେଲିଆ ଫୁଟ୍‌ବଲକୁ ଅନ୍ତର୍ଜାତୀୟ ଫୁଟ୍‌ବଲ ପରିଚାଳକ ସଂସ୍ଥା (ଫିଫା) ପରିଚାଳିତ କରିବ ବୋଲି ସ୍ପଷ୍ଟ ହୋଇଛି। 

ଏସିଆନ ଗେମ୍ସରୁ ଓହରିଲେ ପେସ୍‌

ଏସିଆନ ଗେମ୍ସରୁ ଓହରିଲେ ପେସ୍‌

ଜାକର୍ତ୍ତା, ୧୭ା୮ (ପି.ଟି.)-ଜଣେ ସ୍ପେଶାଲିଷ୍ଟ ପୁରୁଷ ପାର୍ଟନର ନ ପାଇବାରୁ ଭେଟେରାନ ଟେନିସ ଷ୍ଟାର ଲିଆଣ୍ଡର ପେସ୍‌ ଶେଷରେ  ଶନିବାର ଆରମ୍ଭ ହେବାକୁଥିବା ୧୮ତମ ଏସିଆନ ଗେମ୍ସରୁ ଓହରି ଯାଇଛନ୍ତି। ୪୫ ବର୍ଷୀୟ ଭାରତୀୟ ଖେଳାଳି ଇତିମଧ୍ୟରେ ୧୮ଗ୍ରାଣ୍ଡସ୍ଲାମ ଟାଇଟଲ ଜିତି ସାରିଛନ୍ତି। ସର୍ବଭାରତୀୟ ଟେନିସ ଆସୋସିଏଶନ (ଆଇଟା) ପକ୍ଷରୁ ପେସ୍‌ଙ୍କୁ ସିଙ୍ଗଲ୍ସ ଖେଳାଳି ସୁମିତ ନାଗାଲଙ୍କୁ ପାର୍ଟନର କରି ଖେଳିବାକୁ କୁହାଯାଇଥିଲା। ନାଗାଲ କିନ୍ତୁ ଏବେ ଭଲ ଫର୍ମରେ ନାହାନ୍ତି। ଏହା ପେସ୍‌ଙ୍କ ପାଇଁ ସମସ୍ୟା ହୋଇଥିଲା। ଅନ୍ୟପକ୍ଷରେ ଏସିଆନ ଗେମ୍ସରେ ସେମାନଙ୍କୁ ଯୋଡ଼ିଦାର ହୋଇ ଖେଳିବା ଲାଗି ସୁଯୋଗ ଦେବା ପାଇଁ ଦେଶର ଟପ୍‌ ଡବଲ୍ସ ଯୋଡ଼ି ରୋହନ ବୋପାନ୍ନା ଓ ଡିଭିଜ  ଶରନ   ସର୍ବଭାରତୀୟ ଟେନିସ ଆସୋସିଏଶନ (ଆଇଟା)କୁ ଅନୁରୋଧ କରିଥିଲେ। 

ସେଣ୍ଟ୍‌ଲୁଇସ, ରାପିଡ୍‌, ବ୍ଲିଜ୍‌ ଚେସ୍‌: ଆନନ୍ଦଙ୍କୁ ଅନ୍ତିମ ସ୍ଥାନ

ସେଣ୍ଟ୍‌ଲୁଇସ, ରାପିଡ୍‌, ବ୍ଲିଜ୍‌ ଚେସ୍‌: ଆନନ୍ଦଙ୍କୁ ଅନ୍ତିମ ସ୍ଥାନ

ସେଣ୍ଟ୍‌ଲୁଇସ୍‌ (ଆମେରିକା),୧୭ା୮ (ପି.ଟି.)-ସେଣ୍ଟ ଲୁଇସ୍‌ ରାପିଡ୍‌ ଓ ବ୍ଲିଜ୍‌ ଚେସ୍‌ ଟୁର୍ନାମେଣ୍ଟରେ ଭାରତର ବିଶ୍ୱନାଥନ ଆନନ୍ଦଙ୍କ ପ୍ରଦର୍ଶନ ଅତ୍ୟନ୍ତ ନୈରାଶ୍ୟଜନକ ରହିଛି। ୫ଥର ବିଶ୍ୱ ଚାମ୍ପିୟନ ଏଥିରେ ସମ୍ଭାବ୍ୟ ୨୭ ରୁ ୧୩.୫ ପଏଣ୍ଟ ସ୍କୋର କରି ଅନ୍ତିମ ସ୍ଥାନରେ ରହିଛନ୍ତି। ଆନନ୍ଦ ଅନ୍ତିମ ଦିବସରେ ସମ୍ଭାବ୍ୟ ୯ରୁ ୪ ପଏଣ୍ଟ ସ୍କୋର କରିଥିଲେ। ବ୍ଲିଜ୍‌  ବିଭାଗରେ ତାଙ୍କ ପଏଣ୍ଟ ସଂଖ୍ୟା ୭.୫/୧୮ ରହିଥିଲା, ଯାହାକି ତାଙ୍କୁ ବିଶେଷ ସହାୟକ ହୋଇ ନ ଥିଲା। ଅନ୍ୟପକ୍ଷରେ ହିକାରୁ ନାକାମୁରା  ଆଉ ଗୋଟିଏ ରାଉଣ୍ଡ ଖେଳ ବାକି ଥାଇ ଇଭେଣ୍ଟକୁ ପୂର୍ବରୁ ଜିତି ସାରିଥିଲେ।  ଆମେରିକାର ଏହି ଖେଳାଳି ମୋଟ ୨୨.୫ ପଏଣ୍ଟ ସ୍କୋର କରିଥିଲେ। 

ଘାସିରାମଙ୍କ ‘ବି’ ନମୁନା ପଜିଟିଭ୍‌

ଘାସିରାମଙ୍କ ‘ବି’ ନମୁନା ପଜିଟିଭ୍‌

ବ୍ରହ୍ମପୁର ଅଫିସ୍‌,୧୭ା୮-ଓଡ଼ିଶା ଭାରୋତ୍ତୋଳନ ଜଗତରେ କଳଙ୍କିତ ଫର୍ଦ୍ଦ ଯୋଡ଼ି ହୋଇଯାଇଛି । ଜାତୀୟସ୍ତରୀୟ ପ୍ରତିଯୋଗିତାରେ ସଫଳତା ହାସଲ କରିବା ପାଇଁ ନିଷିଦ୍ଧ ଔଷଧ ସେବନ  ଅଭିଯୋଗରେ ଛନ୍ଦି ହୋଇପଡ଼ିଛନ୍ତି ଯୁବ ଭାରୋତ୍ତୋଳକ ଘାସିରାମ୍‌ ଖରା । ଗତ ଫେବୃୟାରୀରେ ତାଙ୍କ ‘ଏ’ ନମୁନା ପରୀକ୍ଷା ହୋଇଥିଲା। ଯେଉଁଥିରେ ତାଙ୍କ ନମୁନା ପଜିଟିଭ୍‌ ବାହାରିଥିଲା । ଫଳରେ ଘାସିରାମ୍‌ ଖରା ‘ବି’ ନମୁନା ପରୀକ୍ଷା କରିବାକୁ ଆବେଦନ କରିଥିଲେ। ହେଲେ ‘ବି’ ନମୁନା ମଧ୍ୟ ପଜିଟିଭ୍‌ ବାହାରିଛି । ଫଳରେ ୫୦ହଜାର ଟଙ୍କା ଜରିମାନା ଦେବା ପାଇଁ ନିର୍ଦ୍ଦେଶ ଦିଆଯାଇଛି। ଏଥି  ସହ ନିୟମ ଅନୁଯାୟୀ ତାଙ୍କ ଉପରେ ୪ବର୍ଷର ନିଲମ୍ବନ ମଧ୍ୟ ଲାଗୁହେବାର ସମ୍ଭାବନା ରହିଛି ।

ଆବୁଧାବି ମାଷ୍ଟର୍ସ ଚେସ୍‌ରେ ଦେବାଶିଷଙ୍କ ସଫଳତା

ଆବୁଧାବି ମାଷ୍ଟର୍ସ ଚେସ୍‌ରେ ଦେବାଶିଷଙ୍କ ସଫଳତା

ଭୁବନେଶ୍ୱର, ୧୭।୮(କ୍ରୀଡ଼ା ପ୍ରତିନିଧି)-ଆବୁଧାବି ମାଷ୍ଟର୍ସ ଚେସ୍‌ ବୁଧବାର ଉଦ୍‌ଯାପିତ ହୋଇଛି। ୯ ରାଉଣ୍ଡ ବିଶିଷ୍ଟ ଟୁର୍ନାମେଣ୍ଟରେ ରୁଷିଆ ଗ୍ରାଣ୍ଡମାଷ୍ଟର ଡୁବୋଭ ଡାନିଲ ୭.୫ ପଏଣ୍ଟ ପାଇ ଚାମ୍ପିୟନ ହୋଇଛନ୍ତି। ଓଡ଼ିଶା ପ୍ରତିଯୋଗୀଙ୍କ ମଧ୍ୟରେ ଗ୍ରାଣ୍ଡମାଷ୍ଟର ଦେବାଶିଷ ଦାସ ଆକର୍ଷଣୀୟ ପ୍ରଦର୍ଶନ କରି ୬.୫ ପଏଣ୍ଟ ସହିତ ୧୫ତମ ସ୍ଥାନରେ ରହିଛନ୍ତି। ସେ ୩୬ତମ ସ୍ଥାନରେ ରହି ଖେଳିବା ଆରମ୍ଭ କରିଥିଲେ। 

୧୫ ବର୍ଷରୁ କମ୍‌ ସାଫ୍‌ ଫୁଟବଲ:ନେପାଳକୁ ହରାଇ ଭାରତ ଫାଇନାଲରେ

୧୫ ବର୍ଷରୁ କମ୍‌ ସାଫ୍‌ ଫୁଟବଲ:ନେପାଳକୁ ହରାଇ ଭାରତ ଫାଇନାଲରେ

ଥିମ୍ଫୁ(ଭୁଟାନ), ୧୭।୮-ଏଠାରେ ଚାଲିଥିବା ୧୫ ବର୍ଷରୁ କମ୍‌ ସାଫ୍‌ ଫୁଟବଲ ଚାମ୍ପିୟନଶିପ୍‌ର ଫାଇନାଲରେ ଭାରତ ପ୍ରବେଶ କରିଛି। ଗୁରୁବାର ଅନୁଷ୍ଠିତ ସେମିଫାଇନାଲରେ ଭାରତ ୨-୧ ଗୋଲରେ ନେପାଳକୁ ପରାସ୍ତ କରିଛି। ୩୧ତମ ମିନିଟରେ ଲିଣ୍ଡା କମ୍‌ ଓ ୫୮ତମ ମିନିଟରେ କ୍ରିଟିନା ଦେବୀଙ୍କ ଗୋଲ ଭାରତର ବିଜୟ ପାଇଁ ପର୍ଯ୍ୟାପ୍ତ ହୋଇଥିଲା। ନେପାଳ ପକ୍ଷରୁ ୩୭ତମ ମିନିଟରେ ରଜନୀ ଠୋକର ଗୋଟିଏ ଗୋଲ ପରିଶୋଧ କରିବାକୁ ସକ୍ଷମ ହୋଇଥିଲେ। ଦ୍ୱିତୀୟ ସେମିଫାଇନାଲରେ ଆୟୋଜକ ଭୁଟାନ ଓ ବାଂଲାଦେଶ ମଧ୍ୟରେ ମୁକାବିଲା ହେବ। ଏହାର ବିଜେତାକୁ ଭାରତ ୧୮ ତାରିଖରେ ଫାଇନାଲରେ ଭେଟିବ।

ଇଣ୍ଡିପେଣ୍ଡେନ୍ସ ଡେ’ କ୍ରିକେଟ: ଟାଇଟଲ ବଜାୟ ରଖିଲା କଟକ

ଇଣ୍ଡିପେଣ୍ଡେନ୍ସ ଡେ’ କ୍ରିକେଟ: ଟାଇଟଲ ବଜାୟ ରଖିଲା କଟକ

ଭୁବନେଶ୍ୱର, ୧୭।୮(ସ୍ପୋଟର୍‌ସ ବ୍ୟୁରୋ)-ଓଡ଼ିଶା ୟୁଥ୍‌ ଆନୁକୂଲ୍ୟରେ ବେଙ୍ଗାଲୁରୁରେ ଇଣ୍ଡିପେଣ୍ଡେନ୍ସ ଡେ’ କ୍ରିକେଟ ଲିଗ୍‌ ବୁଧବାର ଶେଷ ହୋଇଛି। ଫାଇନାଲରେ ଭୁବନେଶ୍ୱର ଦଳକୁ ୨୮ ରନରେ ହରାଇ କଟକ ଟାଇଟଲ ବଜାୟ ରଖିଛି। ଟସ୍‌ଜିତି ପ୍ରଥମେ ବ୍ୟାଟିଂ କରିଥିବା କଟକ ନିର୍ଦ୍ଧାରିତ ୨୦ ଓଭରରେ ୧୫୨ ରନକରି ଅଲଆଉଟ ହୋଇ ଯାଇଥିଲା। ଜବାବରେ ଭୁବନେଶ୍ୱର ଦଳ ୧୮.୨ ଓଭରରେ ୧୨୪ ରନକରି ଅଲଆଉଟ ହୋଇ ଯାଇଥିଲା। ୩୦ ବଲ୍‌ରୁ ୬୯ ରନ କରିଥିବା ବିଜୟୀ ଦଳର ରୋହିତ ପାଟିଲ ମ୍ୟାନ ଅଫ ଦି ମ୍ୟାଚ ବିବେଚିତ ହୋଇଥିଲେ। 

ଆମନ୍ତ୍ରଣୀୟ ଚେସ୍‌: ଆୟୁଷୀ ଚାମ୍ପିୟନ

ଆମନ୍ତ୍ରଣୀୟ ଚେସ୍‌: ଆୟୁଷୀ ଚାମ୍ପିୟନ

କଟକ ଅଫିସ,୧୭ା୮-ଏସ୍‌.ଆର୍‌ ଚେସ୍‌ ସେଣ୍ଟର ଆନୁକୂଲ୍ୟରେ ଏକ ଆମନ୍ତ୍ରଣୀୟ ଚେସ୍‌ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି। ୧୦ ରାଉଣ୍ଡ ବିଶିଷ୍ଟ ପ୍ରତିଯୋଗିତାର ବାଳିକା ବିଭାଗରେ ଆୟୁଷୀ ଦାସ ୯ ପଏଣ୍ଟ ହାସଲ କରି ଚାମ୍ପିୟନ ହୋଇଥିଲେ । ଏହି ବିଭାଗରେ ସିମୀ ସ୍ବୀକୃତି ୮ ପଏଣ୍ଟ ଓ ନୀତିଶା ସୁର ୬.୫ ପଏଣ୍ଟ ହାସଲ କରି ଯଥାକ୍ରମେ ଦ୍ୱିତୀୟ ଓ ତୃତୀୟ ସ୍ଥାନରେ ରହିଥିଲେ। ବାଳକ ବିଭାଗରେ ଆଦିତ୍ୟ ନାରାୟଣ ମହାନ୍ତି ୭.୫ ପଏଣ୍ଟ ପାଇ ଚାମ୍ପିୟନ ହୋଇଥିବା ବେଳେ ଅଭିଜିତ ଜେନା ୭ ପଏଣ୍ଟ, ଏ.ରାମାନୁଜନ ୬.୫ ପଏଣ୍ଟ ପାଇ ପୁରସ୍କୃତ ହୋଇଥିଲେ। ବିଗ୍‌ନର ବାଳକ ବିଭାଗରେ ଉମଙ୍ଗ ନେହେର ଓ ବାଳିକା ବିଭାଗରେ ନିଲୀସା ଚାମ୍ପିୟନ ହୋଇଥିଲେ।

 ଏସିଆନ ଗେମ୍ସ: ଆଥଲେଟିକ୍ସ ଭିଲେଜ୍‌ରେ ଉଡ଼ିଲା ତ୍ରିରଙ୍ଗା

ଏସିଆନ ଗେମ୍ସ: ଆଥଲେଟିକ୍ସ ଭିଲେଜ୍‌ରେ ଉଡ଼ିଲା ତ୍ରିରଙ୍ଗା

ଜାକର୍ତ୍ତା, ୧୬ା୮(ପି.ଟି.)-ଏସିଆନ ଗେମ୍ସ ଆଥଲେଟିକ୍ସ ଭିଲେଜ୍‌ରେ ଗୁରୁବାର ଭାରତୀୟ ଜାତୀୟ ପତାକା ଉତ୍ତୋଳନ କରାଯାଇଛି। ଏହି ଅବସରରେ ଆୟୋଜିତ ଉତ୍ସବରେ ଭାରତୀୟ ପୁରୁଷ ହକି ଷ୍ଟାର ଏବଂ ରେସଲରମାନେ ଉପସ୍ଥିତ ଥିଲେ। ଆଥଲେଟିକ୍ସ ଭିଲେଜରେ ହକି ଖେଳାଳି ଓ ରେସ୍‌ଲରମାନେ ପ୍ରଥମେ ପହଞ୍ଚତ୍ସାରିଥିବାରୁ ସେମାନେ ଏହି ଉତ୍ସବରେ ଯୋଗଦାନ କରି ପାରିଥିଲେ। ବ୍ୟାଡ୍‌ମିଣ୍ଟନ ଓ କବାଡ଼ି ଖେଳାଳିମାନେ ଗୁରୁବାର ଅପରାହ୍ନରେ ସିଙ୍ଗାପୁର ବାଟ ଦେଇ ଇଣ୍ଡୋନେସିଆ ରାଜଧାନୀରେ ପହଞ୍ଚତ୍ଛନ୍ତି।

ଏସିଆନ ଗେମ୍ସ : ଆଜାମ ସଫ୍ଟ ଟେନିସ ଟେକ୍ନିକାଲ ଅଫିସିଆଲ

ଏସିଆନ ଗେମ୍ସ : ଆଜାମ ସଫ୍ଟ ଟେନିସ ଟେକ୍ନିକାଲ ଅଫିସିଆଲ

ଭୁବନେଶ୍ୱର, ୧୬।୮(କ୍ରୀଡ଼ା ପ୍ରତିନିଧି)-
ଚଳିତମାସ ୧୮ରୁ ସେପ୍ଟେମ୍ବର ୨ ପର୍ଯ୍ୟନ୍ତ ଇଣ୍ଡୋନେସିଆରେ ହେବାକୁ ଯାଉଥିବା ଏସିଆନ ଗେମ୍ସର ସଫ୍ଟ ଟେନିସ ଇଭେଣ୍ଟ ପାଇଁ ଓଡ଼ିଶାର ମହମ୍ମଦ ଆଜମ ଟେକ୍ନିକାଲ ଅଫିସିଆଲ ମନୋନୀତ ହୋଇଛନ୍ତି। ପ୍ରତିଯୋଗିତାର ସଫ୍ଟ ଟେନିସ ଇଭେଣ୍ଟ ଆଗାମୀ ୨୮ରୁ ଆରମ୍ଭ ହୋଇ ସେପ୍ଟେମ୍ବର ୧ରେ ଶେଷ ହେବ। ନିଜ ଦାୟିତ୍ୱ ତୁଲାଇବା ପାଇଁ ଆଜମ ୨୪ ତାରିଖରେ ଇଣ୍ଡୋନେସିଆ ଯିବେ।

ଏସିଆନ୍‌ ଗେମ୍ସ: ପେସ୍‌ଙ୍କ ଖେଳିବା ନେଇ ଅନିଶ୍ଚିତତା

ଏସିଆନ୍‌ ଗେମ୍ସ: ପେସ୍‌ଙ୍କ ଖେଳିବା ନେଇ ଅନିଶ୍ଚିତତା

ପାଲେମ୍ବାଙ୍ଗ,୧୬।୮(ପି.ଟି.)- ଆସନ୍ତା ୧୮ ତାରିଖରୁ ଏସିଆନ୍‌ ଗେମ୍ସ ଆରମ୍ଭ ହେବାକୁ ଯାଉଛି। ଭାରତୀୟ ଟେନିସ୍‌ ଦଳ ଗୁରୁବାର ଏଠାରେ ପହଞ୍ଚତ୍ୟାଇଛି। ମାତ୍ର ଘୋଷିତ ଟେନିସ୍‌ ଦଳରେ ସ୍ଥାନ ପାଇଥିବା ଭେଟେରାନ ଲିଆଣ୍ଡର ପେସ ଏଠାରେ ଅନୁପସ୍ଥିତ ରହିଛନ୍ତି। 

ଫିଫା ର଼୍ୟାଙ୍କିଙ୍ଗ୍‌:  ଶୀର୍ଷରେ ଫ୍ରାନ୍ସ, ୧୫କୁ ଖସିଲା ଜର୍ମାନୀ

ଫିଫା ର଼୍ୟାଙ୍କିଙ୍ଗ୍‌: ଶୀର୍ଷରେ ଫ୍ରାନ୍ସ, ୧୫କୁ ଖସିଲା ଜର୍ମାନୀ

ଜୁରିଖ,୧୬।୮- ବିଶ୍ୱ ଚାମ୍ପିୟନ ଫ୍ରାନ୍ସ ଫିଫା ର଼୍ୟାଙ୍କିଙ୍ଗ୍‌ରେ ଶୀର୍ଷକୁ ଉଠିଛି। ଏହା ଦର୍ଶାଇଛି ଗୁରୁବାର ପ୍ରକାଶ ପାଇଥିବା ନୂଆ ଫିଫା ର଼୍ୟାଙ୍କିଙ୍ଗ୍‌। ଅନ୍ୟପକ୍ଷରେ ପୂର୍ବରୁ ଶୀର୍ଷରେ ଥିବା ଜର୍ମାନୀ ଦଳ ବିଶ୍ୱକପ୍‌ ଗ୍ରୁପ ପର୍ଯ୍ୟାୟରୁ ବିଦାୟ ନେବା ଯୋଗୁ ଏବେ ୧୫ତମ ସ୍ଥାନକୁ ଖସିଛି।