ସମ୍ପାଦକୀୟ |

ପୁନଶ୍ଚ ଦୁର୍ଭିକ୍ଷ

ପୁନଶ୍ଚ ଦୁର୍ଭିକ୍ଷ
ବୈକୁଣ୍ଠନାଥ ମିଶ୍ର/ ଊନବିଂଶ ଶତାବ୍ଦୀର ମଧ୍ୟଭାଗ ଓଡ଼ିଶା ପାଇଁ ଥିଲା ଚରମ ଦୁର୍ଦ୍ଦିନର ସମୟ। ୧୮୬୬ର ନ’ଅଙ୍କ ଦୁର୍ଭିକ୍ଷ ସମସ୍ତ ବିପତ୍ତିକୁ ବଳିଗଲା। ୧୮୬୫ରେ ଏକ ଭୟଙ୍କର ମରୁଡ଼ି ହେଲା। କୃଷି ସମ୍ପୂର୍ଣ୍ଣ ଉଜୁଡ଼ିଗଲା। ଲୋକମାନେ ତାଙ୍କ ସଞ୍ଚିତ ଖାଦ୍ୟଶସ୍ୟରେ ଅତି କଷ୍ଟରେ ସେହି ବର୍ଷଟି ଚଳାଇନେଲେ। ୧୮୬୬ର ପ୍ରାରମ୍ଭରୁ ଖାଦ୍ୟାଭାବର ଉତ୍କଟ ସ୍ଥିତି ତିନୋଟି ଉପକୂଳବର୍ତ୍ତୀ ଜିଲା ଯଥା କଟକ, ପୁରୀ ଓ ବାଲେଶ୍ୱରକୁ ସମ୍ପୂର୍ଣ୍ଣ କବଳିତ କରିଦେଲା। ଜଳସେଚନର ସୁବିଧା ନ ଥିବାରୁ କେବଳ ବୃଷ୍ଟିଜଳ ଉପରେ କୃଷି ନିର୍ଭରଶୀଳ ଥିଲା। ଜମିଦାରଙ୍କ ବ୍ୟତୀତ ସାଧାରଣ ଲୋକଙ୍କ ପାଇଁ ଦାନାଗଣ୍ଡାକ ସ୍ବପ୍ନ ହୋଇଗଲା। ଜମିଦାରମାନେ ସେମାନଙ୍କ ଗଚ୍ଛିତ ଧନକୁ ରାଜ୍ୟ ବାହାର ବ୍ୟବସାୟୀଙ୍କୁ ଚଢ଼ା ଦରରେ ବିକ୍ରି କରି ବେଶ୍‌ ଲାଭବାନ ହେଲେ। ଲୋକଙ୍କ ହିତ ଚିନ୍ତା ନ କରି ସେମାନେ ନିଜର ପୁଞ୍ଜି ବୃଦ୍ଧି କରି ଚାଲିଲେ। ତିନି ଜିଲାର ମାଜିଷ୍ଟ୍ରେଟମାନେ କଟକସ୍ଥିତ ଡିଭିଜନାଲ କମିଶନର ଟି.ଇ. ରେଭେନ୍ସାଙ୍କ ଦୃଷ୍ଟି ଆକର୍ଷଣ କରି ତୁରନ୍ତ ପ୍ରତିକାର ପାଇଁ ଅନୁରୋଧ କଲେ। କମିଶନର ସାହେବ କିଛି ତ୍ୱରିତ ପଦକ୍ଷେପ ନେବା ପରିବର୍ତ୍ତେ କେତେକ ଜମିଦାରଙ୍କ ପରାମର୍ଶ ଲୋଡିଲେ। ସ୍ବାର୍ଥପର ଜମିଦାରମାନେ ଶଠତା ଆଚରଣ କରି କମିଶନରଙ୍କୁ ଭ୍ରମିତ କଲେ। ସେମାନଙ୍କ ମତରେ ଲୋକଙ୍କ ନିକଟରେ ପ୍ରଚୁର ଖାଦ୍ୟଶସ୍ୟ ଅଛି, ଯଦ୍ଦ୍ବାରା ବାହାର ରାଜ୍ୟକୁ ଧାନ ବିକ୍ରି କରାଯାଉଛି। ପୁନଶ୍ଚ ପୁରପଲ୍ଲୀରେ ନାରୀମାନଙ୍କ ହାତରେ ଥିବା ସୁନାଚୁଡି ବିକ୍ରି କରି ସେମାନେ ପାଞ୍ଚବର୍ଷ ଖାଦ୍ୟାଭାବ ମେଣ୍ଟାଇପାରିବେ। କମିଶନର ମାଜିଷ୍ଟ୍ରେଟମାନଙ୍କୁ ବିଶ୍ୱାସ ନ କରିବା ଥିଲା ସାଂଘାତିକ ଭୁଲ। ବାଲେଶ୍ୱର ଜିଲା ମାଜିଷ୍ଟ୍ରେଟଙ୍କଠାରୁ ଖବର ପାଇ ବଙ୍ଗର ଗଭର୍ନର ‘ସାର୍‌ ସେସିଲ ବିଡନ’ ସେହିବର୍ଷ ଫେବୃୟାରୀରେ କଟକ ଆସିଲେ। ସେ ମଧ୍ୟ ପ୍ରତାରଣାର ଶିକାର ହୋଇ କଲିକତା ଫେରିଗଲେ। ଏଣେ ଉତ୍କଟ ଖାଦ୍ୟାଭାବ ଭୟଙ୍କର ଅବସ୍ଥା ଧାରଣ କଲା। ଲୋକେ ଅଖାଦ୍ୟ ଖାଇ ହଇଜା ଓ ମହାମାରୀରେ ଆକ୍ରାନ୍ତ ହୋଇ ପୋକମାଛି ପରି ମୃତ୍ୟୁବରଣ କଲେ। ମୃତ୍ୟୁ ଏଭଳି ଆସିଲା ଯେ ଶବବାହକ ମିଳିଲେ ନାହିଁ। ବର୍ତ୍ତମାନର ଶବବାହକ କିଛି ସମୟ ପରେ ନିଜେ ଶବ ପାଲଟିଲା। ସେତେବେଳେ ଉପକୂଳ ଓଡିଶାର ଏହି ତିନୋଟି ଜିଲାର ଲୋକସଂଖ୍ୟା ଥିଲା ମାତ୍ର ୩ ଲକ୍ଷ ୭୦ ହଜାର। ତନ୍ମଧ୍ୟରୁ ପ୍ରାୟ ଏକତୃତୀୟାଂଶ ଅର୍ଥାତ୍‌ ଏକଲକ୍ଷରୁ ଊର୍ଦ୍ଧ୍ୱ ଲୋକ ମୃତ୍ୟୁବରଣ କଲା ପରେ କମିଶନରଙ୍କର ଚେତା ପଶିଲା। ସେ ତ୍ୱରିତ ପଦକ୍ଷେପ ସ୍ବରୂପ ଜମିଦାରମାନଙ୍କୁ ମାଗଣା ଖାଦ୍ୟ କେନ୍ଦ୍ର ଖୋଲିବାକୁ ନିର୍ଦ୍ଦେଶ ଦେଲେ। କେତେକ ଜମିଦାର ଅବଶ୍ୟ ରିଲିଫ କେନ୍ଦ୍ର ଖୋଲିଲେ, ମାତ୍ର ସେଥିରେ ସମୀପବର୍ତ୍ତୀ ଗାଁମାନଙ୍କର କିଛି ଲୋକ ଖାଦ୍ୟ ପାଇଲେ ସିନା, ଆଭ୍ୟନ୍ତରୀଣ ଗ୍ରାମଗୁଡିକର ଅବସ୍ଥା ଶୋଚନୀୟ ହୋଇପଡିଲା। ଏ କରାଳ ଚିତ୍ର ବର୍ଣ୍ଣନା କରିବାକୁ ଭାଷା ନାହିଁ। ଶିଶୁ ସାହିତି୍ୟକ ରାମକୃଷ୍ଣ ନନ୍ଦ ୧୯୩୬ରେ ଲେଖିଥିବା ‘ନ’ଅଙ୍କ ଦୁର୍ଭିକ୍ଷ’ କବିତାଟି ପାଠକଙ୍କ ମାନସପଟରେ ଗଭୀର ରେଖାପାତ କରିଥିଲା। କାବ୍ୟନାୟକ ସନାତନ ପାଠକର ହୃଦୟକୁ ବିଗଳିତ କରିଥିଲା। କବିତାର କିଛି ଅଂଶ ଏହିପରି- ସତୁରି ବରଷ ତଳେ ଓଡିଶାରେ ପଡିଥିଲା ଘୋର କାଳ, ନ’ଅଙ୍କ ଦୁର୍ଭିକ୍ଷ ପଡିଲା ଦେଶରେ ଲୋକେ ମଲେ ମାଳମାଳ। ପେଟ ବିକଳରେ ସିଝାଇ ଖାଇଲେ ତେନ୍ତୁଳିପତର ଆଣି, ସେ ମରମଫଟା କାହାଣୀ ଶୁଣିଲେ ପଥର ହୁଅଇ ପାଣି। ସନାତନ ବୋଲି ବାଳୁତ ସେ ଏକ ଦୂର ଗାଁଗଣ୍ଡା ବୁଲି, ମା’ଭାଇ ପାଇଁ ଭିକ ମାଗୁଥିଲା କାନ୍ଧେ ଧରି ଭିକ୍ଷା ଝୁଲି। ସାତଦିନ ହେଲା ଖାଇନାହିଁ କିଛି ନ ଚଳଇ ଗୋଡ଼ହାତ, ଦେଖି ତା’ ବିକଳ ଦୟାବତୀ ଜଣେ ଆଣିଦେଲେ ଗଣ୍ଡେ ଭାତ। ଭାତ ଗଣ୍ଡାକ ଧରି ସନାତନ ଘର ଅଭିମୁଖେ ବାହୁଡିଲା ସିନା, ହେଲେ ଘରେ ପହଞ୍ଚିପାରିଲା ନାହିଁ। ଅଧାବାଟରେ ତା’ ପ୍ରାଣବାୟୁ ଉଡିଗଲା। ଏତେ ସବୁ ଘଟିଗଲା ପରେ ବ୍ରିଟିଶ ସରକାରଙ୍କ ନିଦ ଭାଙ୍ଗିଲା। କମିଶନର ସାହେବ ନିଜ ଭୁଲ୍‌ ବୁଝିପାରିଲେ। ବ୍ରିଟିଶ ପାର୍ଲାମେଣ୍ଟ ତାଙ୍କୁ କଡ଼ା ଭର୍ତ୍ସନା କଲେ। ରେଙ୍ଗୁନ ଓ ବଙ୍ଗଳାରୁ ଖାଦ୍ୟ ମଗାଗଲା। ଏହା ଥିଲା ମେ’ମାସ ଶେଷ ଓ ଜୁନ୍‌ର ପ୍ରଥମ ଭାଗ। ମୌସୁମୀ ବୃଷ୍ଟି ଆରମ୍ଭ ହୋଇଯାଇଥିବାରୁ ସ୍ଥଳ ପରିବହନ ସମ୍ଭବ ନ ଥିଲା। ଜଳପଥରେ ଖାଦ୍ୟଶସ୍ୟ ପହଞ୍ଚିଲା ବେଳକୁ ଅଗଷ୍ଟ ଶେଷ ପ୍ରାୟ। ଏହାପରେ ରେଭେନ୍ସା ସାହେବ ନିଜକୁ ଓଡିଶାର ବନ୍ଧୁ ଭାବେ ପ୍ରତିପାଦିତ କରିବାକୁ ଚେଷ୍ଟା କଲେ। କୃଷି, ଜଳସେଚନ ଓ ଶିକ୍ଷା କ୍ଷେତ୍ରରେ ମଧ୍ୟ ବିକାଶ ହେବାକୁ ଲାଗିଲା। ଦୁର୍ଭିକ୍ଷର ୧୭ ବର୍ଷ ପରେ ୧୮୮୩ରେ ପ୍ରଥମ କରି ଉତ୍ତରଓଡିଶା କେନାଲ ପ୍ରକଳ୍ପ କାର୍ଯ୍ୟକାରୀ ହେଲା। ପରେ ପରେ ଅନ୍ୟ ଜଳସେଚନ ପ୍ରକଳ୍ପ କାର୍ଯ୍ୟକାରୀ ହେଲା। ନ’ଅଙ୍କ ପରି ଭୟଙ୍କର ବିନାଶକାରୀ ବିପର୍ଯ୍ୟୟ ଆଉ ଓଡିଶାବାସୀ ଅଙ୍ଗେ ନିଭାଇ ନାହାନ୍ତି। ଯଦିଓ ବନ୍ୟା, ବାତ୍ୟା, ମରୁଡି ପ୍ରାୟତଃ ଲାଗିରହିଛି। ହେଲେ ଏତେ ସଂଖ୍ୟାରେ ଏକକାଳୀନ ମୃତ୍ୟୁ ହୋଇନାହିଁ। ଯେଉଁ କଥାଟି ସର୍ବାଧିକ ଗୁରୁତ୍ୱ ବହନ କରେ, ତାହା ହେଲା ଏଭଳି ଦୁର୍ବିପାକ ସତ୍ତ୍ୱେ ଜଣେ ହେଲେ ଆତ୍ମହତ୍ୟା କରିଥିବା ନଜିର ନାହିଁ। ସନାତନ ଭଳି ଅନେକେ ଭିକ୍ଷାବୃତ୍ତି କରିଥିଲେ ବି ଆତ୍ମହତ୍ୟା କଥା ଚିନ୍ତା କରି ନ ଥିଲେ। ଦେଶରେ ଜନପ୍ରିୟ ଗଣତାନ୍ତ୍ରିକ ସରକାର ପ୍ରତିଷ୍ଠିତ ହୋଇଛି। ସଡ଼କ ଯୋଗାଯୋଗର ପର୍ଯ୍ୟାପ୍ତ ସୁବିଧା ଉପଲବ୍ଧ ହୋଇଛି। ସବୁ ଜିନିଷ ହାତପାଆନ୍ତାରେ ଥାଇ ମାତ୍ର ଗୋଟିଏ ବର୍ଷର ଫସଲ ନଷ୍ଟ ପାଇଁ ଚରମ ପଦକ୍ଷେପ ସ୍ବରୂପ ଆତ୍ମହତ୍ୟା! ଏକ ରିପୋର୍ଟ ଅନୁଯାୟୀ, ୨୦୦୫ରୁ ୨୦୧୫ ମଧ୍ୟରେ ଓଡିଶାରେ ଫସଲ କ୍ଷତି ଓ ଋଣଭାରରେ ପ୍ରାୟ ପାଞ୍ଚହଜାର ଚାଷୀ ଆତ୍ମହତ୍ୟା କରିଛନ୍ତି। ଚାଷୀ ଭଲଭାବେ ଜାଣେ ଗୋଟିଏ ବର୍ଷର ଫସଲ ନଷ୍ଟ ହେଲେ, ପରବର୍ଷ ଭରଣା ହୋଇପାରିବ। ରବି ଫସଲ କିମ୍ବା ଉଦ୍ୟାନ କୃଷିରେ କ୍ଷତି ଭରଣା କରିହେବ। କିନ୍ତୁ ସେ ପର୍ଯ୍ୟନ୍ତ ଅପେକ୍ଷା ନ କରି ଆତ୍ମହତ୍ୟାର ମାର୍ଗ ବାଛିନେବାର ରହସ୍ୟ କ’ଣ? ପ୍ରଥମତଃ ମଣିଷ ମଧ୍ୟରେ ପରଶ୍ରୀକାତରତା ଓ ହିଂସା ଏତେ ବଢ଼ିଯାଇଛି ଯେ, ଦୁର୍ଦ୍ଦିନରେ ଚାଷୀକୁ ସାହାଯ୍ୟର ହାତ କେହି ବଢ଼ାଉନାହିଁ। ଗାଁରେ ଥିଲାବାଲାଙ୍କ କରୁଣା ନଜର ତା’ ପ୍ରତି ପଡେନାହିଁ। ଦ୍ୱିତୀୟରେ ଚାଷୀର ଆୟ ତା’ ବ୍ୟୟ ତୁଳନାରେ ଯଥେଷ୍ଟ କମ୍‌। ସୀମିତ ଆୟରେ ପିଲାମାନଙ୍କର ଅସୀମିତ ଆଧୁନିକ ଆବଶ୍ୟକତା ପୂରଣ କରିବା ସମ୍ଭବ ନୁହେଁ। ତଥାପି ବର୍ଷଯାକର ଖର୍ଚ୍ଚ ମେଣ୍ଟାଇବାକୁ ଥିବା ହସିଲା ଫସଲ ଯେତେବେଳେ ଉଜୁଡିଯାଉଛି ତାକୁ ଦେଖି ସେ ହତାଶ ହୋଇପଡୁଛି। ତୃତୀୟତଃ ଚାଷୀ ନିଜକୁ ସରକାରଙ୍କ ସର୍ବନିମ୍ନ କର୍ମଚାରୀ ପିଅନ ସହ ତୁଳନା କରି ବିଦ୍ରୋହୀ ହୋଇଉଠୁଛି। ଜଣେ ପିଅନର ମାସିକ ଆୟ ୩୦ ହଜାର ହୋଇଥିବାବେଳେ ତା’ ରୋଜଗାର କିଛି ନୁହେଁ। ଏକ ରିପୋର୍ଟ ଅନୁସାରେ, ଆମ ଦେଶରେ ଗୋଟିଏ ଚାଷୀର ମାସିକ ଆୟ ୬୪୨୪ ଟଙ୍କା ଥିବାବେଳେ ଓଡିଶା ଚାଷୀର ମାସିକ ଆୟ ମାତ୍ର ୪୯୭୬ ଟଙ୍କା। ଗତବର୍ଷ ପାର୍ଲାମେଣ୍ଟରେ କୃଷିମନ୍ତ୍ରୀ ବିବୃତି ରଖି କହିଲେ ଯେ, ପାରିବାରିବ ଅଶାନ୍ତି ଓ ବିଫଳ ପ୍ରେମ ଚାଷୀ ଆତ୍ମହତ୍ୟାର ଅନ୍ୟତମ କାରଣ। କଥାଟା ଆଂଶିକ ସତ୍ୟ। ପତ୍ନୀ ଯେତେବେଳେ ପଡିଶା ପିଅନର ସ୍ତ୍ରୀପିଲାଙ୍କ ଚଳଣି ସହ ନିଜ ପରିବାରକୁ ତୁଳନା କରୁଛନ୍ତି, ସେତେବେଳେ ସ୍ବାମୀଙ୍କର ଅଯୋଗ୍ୟତାକୁ ସେ ଧିକ୍‌କାର କରୁଛନ୍ତି। ସ୍ବାମୀଙ୍କର ଶିକ୍ଷାଗତ ଯୋଗ୍ୟତା ପିଅନଠାରୁ ଯଥେଷ୍ଟ ଅଧିକ ଥିଲେ ମଧ୍ୟ ଉଭୟଙ୍କ ଚଳଣିରେ ଆକାଶପାତାଳ ପ୍ରଭେଦ। ସ୍ବାମୀ ସବୁ ସହିନେଉଛନ୍ତି, ମାତ୍ର ସହଧର୍ମିଣୀଙ୍କ କଟୁ ମନ୍ତବ୍ୟ ତାଙ୍କ ପାଇଁ ଅସହ୍ୟ। ତେଣୁ ସେ ଆତ୍ମହତ୍ୟାକୁ ଆଦରି ନେଉଛନ୍ତି। ଏସବୁ ବିଷୟକୁ ଚିନ୍ତା କରି ସରକାର ଅତିଶୀଘ୍ର ବିହିତ ପଦକ୍ଷେପ ନେବା ଜରୁରୀ। ଧାନର ସହାୟକ ମୂଲ୍ୟ ବୃଦ୍ଧି, କୃଷକ ପେନ୍‌ସନ ବ୍ୟବସ୍ଥା, ବ୍ୟକ୍ତିଗତ ଫସଲବୀମା ଇତ୍ୟାଦି ବ୍ୟବସ୍ଥା ଯୁଦ୍ଧକାଳୀନ ଭିତ୍ତିରେ ଗ୍ରହଣ କରାଯିବା ବାଞ୍ଛନୀୟ। ନଚେତ୍‌ ପ୍ରତିବର୍ଷ କୃଷକ ଆତ୍ମହତ୍ୟା ବୃଦ୍ଧି ପାଇବ। ପରିଶେଷରେ କୃଷିକର୍ମ ବନ୍ଦ ହୋଇଯିବ ଓ ଖୁବ୍‌ଶୀଘ୍ର ଆମକୁ ପୁନଶ୍ଚ ଦୁର୍ଭିକ୍ଷକୁ ସାମ୍ନା କରିବାକୁ ହେବ। (ସିଦ୍ଧଳ, ଜଗତ୍‌ସିଂହପୁର, ମୋ-୯୯୩୭୪୫୦୫୪୦)
All Right Reserved By

ସମ୍ପାଦକୀୟ |

ସମ୍ପାଦକୀୟ/ ଟ୍ରାଙ୍କୁଲାଇଜର, ବନ୍ଧୁକ

ସମ୍ପାଦକୀୟ/ ଟ୍ରାଙ୍କୁଲାଇଜର, ବନ୍ଧୁକ

ରାଜଧାନୀରେ ବାଘ ବୁଲୁଛିି ବୋଲି ଫେବୃୟାରୀ ୧୮ରେ କଥା ବ୍ୟାପିବା ପରେ ଲୋକେ ଆତଙ୍କିତ ହୋଇପଡ଼ିଥିଲେ। ବିଶେଷକରି ପଳାଶପଲ୍ଲୀ ଅଞ୍ଚଳରେ ଏ ନେଇ କୋକୁଆଭୟ ସୃଷ୍ଟି ହୋଇଥିଲା। ଭୁବନେଶ୍ୱରର ବିଜୁ ପଟ୍ଟନାୟକ ଅନ୍ତର୍ଜାତୀୟ ବିମାନବନ୍ଦର ଓ ମୁଖ୍ୟମନ୍ତ୍ରୀଙ୍କ ବାସଭବନ ନବୀନ ନିବାସଠାରୁ  ଚିତାବାଘ ଦୃଶ୍ୟମାନ ହେଉଥିବା  ବ୍ୟକ୍ତିଙ୍କ ଘର ମାତ୍ର ଏକ କିଲୋମିଟର ଅ..

 ନିଆଁ ସଙ୍ଗେ ଖେଳୁଛି ପାକିସ୍ତାନ

ନିଆଁ ସଙ୍ଗେ ଖେଳୁଛି ପାକିସ୍ତାନ

ବିପିନ ବିହାରୀ ମିଶ୍ର 

କଶ୍ମୀରର ପୁଲଓ୍ବାମା ଜିଲାର ଅବନ୍ତିପୁରା ନିକଟରେ ସିଆର୍‌ପି ଗାଡ଼ି ଉପରେ ଯେଭଳି ବିସ୍ଫୋରକ ଦ୍ରବ୍ୟ ଭର୍ତ୍ତିକରି ଏକ କାର ଧକ୍କା ଦେଲା ଓ ସଙ୍ଗେସଙ୍ଗେ ଲୁଚିଥିବା ସନ୍ତ୍ରାସବାଦୀମାନେ ଗୁଳି ଚଳେଇଲେ, ତାହା ସାରା ଦେଶକୁ ବିବ୍ରତ ଓ କ୍ଷୁବ୍ଧ କରିଛି। ଆମେରିକାର ରାଷ୍ଟ୍ରପତି ଟ୍ରମ୍ପ୍‌, ରୁଷ୍‌ର ପୁଟିନ୍‌ ଏବଂ ଫ୍ରାନ୍ସ, ଜର୍ମାନୀ ଓ ଇଂଲଣ୍ଡର ପ୍ରଧାନମନ୍ତ୍ରୀମାନେ ଏହାର ଘୋର ନିନ୍ଦା କରିଛ..

ଭାଷା, ଜାତି ଓ ଜାତୀୟତା

ଭାଷା, ଜାତି ଓ ଜାତୀୟତା

ଡ. ଅନ୍ତର୍ଯ୍ୟାମୀ ମିଶ୍ର

ଭାଷା ହେଉଛି ବ୍ୟକ୍ତି ଓ ଜାତିର ପରିଚୟ। ଭାଷାକୁ ଆଧାର କରି ପୃଥିବୀର ସକଳ ସଭ୍ୟଜାତି ବିକଶିତ ହୋଇଛନ୍ତି। ଭାଷା ହିଁ ଜାତୀୟତାର ପ୍ରଧାନ ପ୍ରତୀକ। କୌଣସି ବଙ୍ଗାଳି ଓଡ଼ିଆ ଭାଷାରେ ନିଜକୁ ପ୍ରକାଶ କରନ୍ତି ନାହିଁ ବା କୌଣସି ଇଂରେଜ ଫରାସୀ ଭାଷାରେ ନିଜକୁ ପ୍ରକାଶ କରନ୍ତି ନାହିଁ। ସଭିଏଁ ନିଜ ନିଜ ଭାଷାରେ ଆପଣାକୁ ପ୍ରକାଶ କରିଥାନ୍ତି। କିନ୍ତୁ ଆମ ଓ..

ଏଇ ଭାରତରେ

ଏଇ ଭାରତରେ

ମାନସିକ ପୂରଣ ପାଇଁ କିଏ କେତେ ପ୍ରକାର ପନ୍ଥା ଅବଲମ୍ବନ କରନ୍ତି। କିନ୍ତୁ ଏଥିପାଇଁ ସମାଧିପୀଠରେ ଜୋତାମାଡ କରାଯିବା କଥା ନିଆରା ନିଶ୍ଚୟ। ଉତ୍ତରପ୍ରଦେଶର ଇଟାଓ୍ବା ଜିଲା ମୁଖ୍ୟ କାର୍ଯ୍ୟାଳୟଠାରୁ ୩ କି.ମି. ଦୂର ଇଟାଓ୍ବା-ବରେଲୀ ରାଜମାର୍ଗ ଉପରେ ଭୋଲୁ ସୟଦ୍‌ଙ୍କର ପୁରୁଣା ମକ୍‌ବରା ରହିଛି। ଏଠାରେ ବାବାଙ୍କ ସମାଧି ଉପରେ ଫୁଲ ନୁହେଁ, ବରଂ ଜୋତାମାଡ଼ କରାଯାଏ। ଶ୍ରଦ୍ଧାଳୁଙ୍କ..

ସମ୍ପାଦକୀୟ/ନିଯୁକ୍ତି ପାଇଁ ମାର୍କ

ସମ୍ପାଦକୀୟ/ନିଯୁକ୍ତି ପାଇଁ ମାର୍କ

ବିଶ୍ୱର ଦ୍ୱିତୀୟ ବୃହତ୍‌ ଜନବହୁଳ ଦେଶ ଭାରତରେ ବେକାର ସମସ୍ୟା ଅନ୍ୟତମ ବଡ଼ ପ୍ରସଙ୍ଗ ହୋଇଛି। ଯେଉଁ ହାରରେ ଜନସଂଖ୍ୟା ବୃଦ୍ଧି ପାଉଛି, ସେହି ଅନୁଯାୟୀ ଲୋକଙ୍କୁ କାମ ମିଳୁନାହିଁ। ଏହା ବିଗତ କିଛି ବର୍ଷ ମଧ୍ୟରେ ଗୁରୁତର ରୂପ ଧାରଣ କରିଛି। ନ୍ୟାଶନାଲ ସାମ୍ପୁଲ ସର୍ଭେ ଅଫିସ୍‌ (ଏନ୍‌ଏସ୍‌ଏସ୍‌ଓ) ଦ୍ୱାରା ନିକଟରେ ପ୍ରକାଶିତ ତଥ୍ୟରୁ ଜଣାପଡ଼ିଛି ଯେ, ୨୦୧୭-୧୮ରେ ଭାରତର ..

ବିଶ୍ୱାସରେ ସଂକଟ

ବିଶ୍ୱାସରେ ସଂକଟ

ବୈକୁଣ୍ଠନାଥ ମିଶ୍ର

ସଂସାରର ସବୁ ସମ୍ପଦ ମଧ୍ୟରେ ପ୍ରେମ, ବନ୍ଧୁତ୍ୱ ଓ ଭଲ ପାଇବାଠାରୁ ବଳି ମହତ୍ତର ଆଉ କିଛି ନାହିଁ। ଭଲ ପାଇବାରୁ ସୃଷ୍ଟି ହୁଏ ବନ୍ଧୁତ୍ୱ। ବନ୍ଧୁତାର ଅନାବିଳ ସ୍ନେହରେ ଆଦାନ ପ୍ରଦାନର କୌଣସି ସ୍ଥାନ ନାହିଁ। ବନ୍ଧୁତ୍ୱର ସ୍ବର୍ଗୀୟ ଭାବଧାରା ସଂକୀର୍ଣ୍ଣତାର ଊର୍ଦ୍ଧ୍ୱରେ। ଶ୍ରୀମା କହନ୍ତି- ”ସମସ୍ତଙ୍କ ସହିତ ଓ ସବୁକିଛି ସହିତ ଯେତିକି ଯେତିକି ତୁମେ ଏକାତ୍ମ ହେବ, ସେତିକି ସେତିକି ତୁମର ..

ପ୍ରୟାଗେ ସ୍ନାନ ମକରେ

ପ୍ରୟାଗେ ସ୍ନାନ ମକରେ

ଡ. ତୁଷାରକାନ୍ତି ଦାସ 

ପୁରାଣବର୍ଣ୍ଣିତ ସମୁଦ୍ରମନ୍ଥନ ସମୟରେ କ୍ଷୀରସମୁଦ୍ରରୁ ଐରାବତ ହସ୍ତୀ, ଲକ୍ଷ୍ମୀ, ଚନ୍ଦ୍ର, ରମ୍ଭା, ମେନକା ପ୍ରଭୃତି ଅପ୍‌ସରାଗଣ, କୌସ୍ତୁଭ, ହଳାହଳ ଓ ସର୍ବୋପରି ଅମୃତାଦି ବାହାରିଥିଲା। ହଳାହଳ ବିଷକୁ ପାନକରି ଶିବ ନୀଳକଣ୍ଠ ହୋଇଗଲେ ଓ ଅମୃତ ରାକ୍ଷସଙ୍କ ହାତରେ ପଡ଼ିବା ପୂର୍ବରୁ ବିଷ୍ଣୁ ମୋହିନୀ ରୂପ ଧାରଣ କରି ଅସୁରମାନଙ୍କ ଦୃଷ୍ଟି ଏଡ଼ାଇ ଅମୃତ କୁମ୍ଭକୁ ହରଣ କଲେ। ଠିକ୍‌ ଏହି ସମୟରେ ରାହୁ ଏହା ଜାଣିପାରି ପାର୍ଶ୍ୱ ବଦଳାଇ ଛଦ୍ମ ଦେବତା ରୂପ ଧାରଣ କରି ଅମୃତ ..

ଏଇ ଭାରତରେ

ଏଇ ଭାରତରେ

ଭାରତର ବିଭିନ୍ନ ଅଞ୍ଚଳରେ ଭିନ୍ନ ଭିନ୍ନ ପରମ୍ପରା ପ୍ରଚଳିତ। ଏ ସବୁ ପରମ୍ପରା ପଛରେ ବହୁ କାହାଣୀ ରହିଛି। ଉତ୍ତରପ୍ରଦେଶର ମହାରାଜଗଞ୍ଜ ଜିଲା ବେଲ୍‌ଓ୍ବା ଚୌଧୁରୀ ଗଁାରେ ରହିଛି ଏଭଳି ଏକ ଅଜବ ପରମ୍ପରା। ଏଠାରେ ବର୍ଷରେ ଗୋଟିଏ ଦିନ ବୁଦ୍ଧପୂର୍ଣ୍ଣିମାରେ ଗଁାର ସବୁ ଲୋକ ଘର ଛାଡି ବାହାରକୁ ପଳାଇଯାଆନ୍ତି। ସାଙ୍ଗରେ ଗୃହପାଳିତ ପଶୁଙ୍କୁ ମଧ୍ୟ ନେଇଯାଆ..

ଲଜ୍ଜିତ

ଲଜ୍ଜିତ

ତଥାଗତ ସତପଥୀ

ଜମ୍ମୁ ଓ କଶ୍ମୀରର ପୁଲ୍‌ଓ୍ବାମାରେ ୧୪ ଫେବୃୟାରୀ ୨୦୧୯ରେ କଶ୍ମୀରଭିତ୍ତିକ ଜୈଶ-ଇ-ମହମ୍ମଦ ସଙ୍ଗଠନ ଦ୍ୱାରା କରାଯାଇଥିବା ଆତଙ୍କବାଦୀ ଆକ୍ରମଣରେ କେନ୍ଦ୍ରୀୟ ରିଜର୍ଭ ପୋଲିସ ବଳ (ସିଆର୍‌ପିଏଫ୍‌)ର ୪୯ ଜଣ ଯବାନ ଓ ଅଧିକାରୀ ପ୍ରାଣ ହରାଇଛନ୍ତି।

ହଜିଯାଉଥିବା ନାରୀମାନେ

ହଜିଯାଉଥିବା ନାରୀମାନେ

ନାରାୟଣ ପଣ୍ଡା 

ନାରୀ ଓ ପୁରୁଷ ସମାନ ସଂଖ୍ୟାରେ ରହିବା ସମାଜ ପାଇଁ ପ୍ରାକୃତିକ ଅନୁପାତ। ଏଥିରେ ସାମାନ୍ୟ ବ୍ୟତିକ୍ରମ ହୁଏ ତ ବିଶେଷ ସମସ୍ୟା ସୃଷ୍ଟିକରି ନ ପାରେ, କିନ୍ତୁ ସୀମା ଅତିରିକ୍ତ ବ୍ୟବଧାନ ମଣିଷ ସମାଜ ପାଇଁ ବିପଜ୍ଜନକ ସାବ୍ୟସ୍ତ ହୁଏ। 

ସାର୍ବଜନୀନ ମହିମାମେଳା

ସାର୍ବଜନୀନ ମହିମାମେଳା

ଡ. ଉଦ୍ଧବ ଚରଣ ନାୟକ


ଓଡ଼ିଶାରେ ପାଳିତ ମେଳା ମହୋତ୍ସବ ମଧ୍ୟରେ ଯୋରନ୍ଦା ମହିମାଗାଦିର ମେଳା ଅନ୍ୟତମ। ଏହି ମେଳାର ସ୍ବାତନ୍ତ୍ର୍ୟ ରହିଛି। ପ୍ରତିବର୍ଷ ମାଘ ଶୁକ୍ଳ ଚତୁର୍ଦ୍ଦଶୀ ତିଥିରେ ଅନୁଷ୍ଠିତ ଢେଙ୍କାନାଳର ମହିମା ମେଳା ମହିମାଧର୍ମର ବାର୍ଷିକ ଉତ୍ସବ ଭାବରେ ଖ୍ୟାତ। 

ଏଇ ଭାରତରେ

ଏଇ ଭାରତରେ

ରାଜସ୍ଥାନରେ ଖାଦ୍ୟପେୟ ଯେତେ ଲୋକପ୍ରିୟ, ଏଠାକାର ଆଦିବାସୀ ସମାଜର ରୀତିନୀତି ମଧ୍ୟ ସେତିକି ବିଚିତ୍ର। ମାଉ ଅଞ୍ଚଳରେ ରହୁଥିବା ଜନଜାତି ସମାଜରେ ଝିଅଙ୍କ ବିବାହକୁ ନେଇ ରହିଛି ଏକ ନିଆରା ପରମ୍ପରା।