ସମ୍ପାଦକୀୟ |

ନିଜ ରୁଚିରେ ଭୋଜନ

ନିଜ ରୁଚିରେ ଭୋଜନ

ଡ. ନିଖିଳାନନ୍ଦ ପାଣିଗ୍ରାହୀ/ଆଜିକାଲି ସୁସ୍ଥତା-ଶିଳ୍ପ (ଓ୍ବେଲନେସ୍‌ ଇଣ୍ଡଷ୍ଟ୍ରି) ବିଷୟରେ ଅଧିକ ଆଲୋଚନା କରାଯାଉଛି। ଏହାର ମୂଳ କାରଣ ହେଉଛି ଆମେ ଚାହୁଁ ଉପଯୁକ୍ତ ଚେଷ୍ଟାକରି ନିଜ ମନ ଓ ଶରୀରକୁ ସୁସ୍ଥ ରଖିବାକୁ। ଏହା ଆମ ଜୀବନଶୈଳୀର କ୍ରମଶଃ ଏକ ଅପରିହାର୍ଯ୍ୟ ଦିଗ ଭାବେ ପ୍ରତିଷ୍ଠିତ ହୋଇସାରିଛି। ଗୋଟିଏ ଅଣଲାଭକାରୀ ଓ ଶୈକ୍ଷିକ ଅନୁଷ୍ଠାନ ‘ଗ୍ଲୋବାଲ ଓ୍ବେଲନେସ୍‌ ଇନ୍‌ଷ୍ଟିଚ୍ୟୁଟ’ (ଜିଡବ୍ଲ୍ୟୁଆଇ)ର ପରିସଂଖ୍ୟାନ ଦର୍ଶାଏ ଯେ, ୨୦୧୩ରୁ ୨୦୧୫ ମଧ୍ୟରେ ଏହି ଶିଳ୍ପରେ ୩.୭୨ ଟ୍ରିଲିଅନ ଆମେରିକୀୟ ଡଲାରର ବ୍ୟବସାୟ ହୋଇଛି ଏବଂ ଏହା ବିଶ୍ୱ ଅର୍ଥ ବ୍ୟବସ୍ଥାର ଶତକଡା ୧୦.୬ ଅଂଶ ଅକ୍ତିଆର କରିଛି। ବିଶ୍ୱ ଅର୍ଥ ବ୍ୟବସ୍ଥାରେ ଶତକଡା ୩.୬ ଭାଗ ହ୍ରାସ ଏହି ଅବଧିରେ ଘଟିଥିବାବେଳେ ସୁସ୍ଥତା-ଶିଳ୍ପର ଅଭିବୃଦ୍ଧି ନିଶ୍ଚୟ ଏକ ସ୍ବାଗତଯୋଗ୍ୟ ସୂଚନା। ଏହି ଅନୁଷ୍ଠାନର ବରିଷ୍ଠ ପରିସଂଖ୍ୟାନବିତ୍‌ କାରୋରିନ୍‌ ଜନଷ୍ଟନ ଓ ଓଫେଲିଆ ୟୁଙ୍ଗଙ୍କ ବକ୍ତବ୍ୟର ସତ୍ୟତା ଆମ ଦେଶରେ ମଧ୍ୟ ପରିଦୃଷ୍ଟ ହୋଇଛି। କଂଗ୍ରେସ ସାଂସଦ ଶଶୀ ଥରୁର ମତ ପ୍ରକାଶ କରିଛନ୍ତି ଯେ, ଆଗାମୀ ପାଞ୍ଚବର୍ଷ ମଧ୍ୟରେ ଏହି ଶିଳ୍ପ ଚଉଦ କୋଟି ନିଯୁକ୍ତି ସୃଷ୍ଟି କରିବ। ବିଶେଷତଃ ଅର୍ଦ୍ଧକୁଶଳୀ ବ୍ୟକ୍ତିମାନେ ଏଥିରେ କାର୍ଯ୍ୟ କରିପାରିବେ। ତଥାପି ପ୍ରଶ୍ନ ଉଠିପାରେ ଓ୍ବେଲନେସ୍‌ ଇଣ୍ଡଷ୍ଟ୍ରିର ମୂଳ ତଥାପି କ’ଣ ସୁଦୃଢ? ଶରୀରକୁ ସୁସ୍ଥ ରଖିବାକୁ ବିଭିନ୍ନ କୌଶଳ ମଧ୍ୟରେ ଖାଦ୍ୟକୁ ଗୁରୁତ୍ୱ ଦିଆଯାଇଥାଏ। ଏଥିରେ ମେଦବୃଦ୍ଧି ରୋକିବା ପ୍ରାଧାନ୍ୟ ପାଇଛି। ଓଜନକୁ ନିୟନ୍ତ୍ରଣ କରିବାରେ ଖାଦ୍ୟର ଭୂମିକା ଅନସ୍ବୀକାର୍ଯ୍ୟ। ୨୦୧୬ ଡିସେମ୍ବର ମାସର ଘଟଣା। ବକ୍ସ ଅଫିସରେ ଅପାର ସଫଳତା ହାସଲ କରିଥିବା ଫିଲ୍ମ ‘ଦଙ୍ଗଲ’ର ଶୁଟିଂ ବେଳର ଘଟଣା। ଏଥିରେ ମୁଖ୍ୟ ନାୟକ ଥିଲେ ଆମିର ଖାନ୍‌। ଫିଲ୍ମର ଚରିତ୍ର ଅନୁସାରେ ଆମିରଙ୍କୁ ପ୍ରଥମେ ୨୦ କିଲୋ ଯାଏ ଓଜନ ବଢାଇବା ଆବଶ୍ୟକ ଥିଲା ଦୁଇମାସ ଭିତରେ। ତେଣୁ ଜୀବନରେ ପୂର୍ବରୁ କେବେ ଖାଇ ନ ଥିବା ଜଙ୍କ ଫୁଡ୍‌ ଦିନକୁ ତିନି ଚାରିଥର ଖାଇଲେ। ପୁଣି ଖାଦ୍ୟ ତାଲିକାରେ ରହିଲା ଛୋଲେ-ଭଟୁରେ, ପୁରୀ-ଆଳୁଦମ୍‌, ବଡା ପାଓ, ଆଇସ୍‌କ୍ରିମ, କେକ୍‌, ସିଙ୍ଗଡା, ବିରିଆନି। ଏମିତିରେ ଓଜନ ବଢିବା ପରେ ତତ୍‌କ୍ଷଣାତ୍‌ ଫିଲ୍ମ ପାଇଁ ଦରକାର ଥିବା ମୋଟେ ୯ ମିନିଟ୍‌ର ଶୁଟିଂ ଶେଷ କରାଗଲା। ତା’ପରେ ଆବଶ୍ୟକ ହେଲା ଓଜନ କମାଇବା ପାଇଁ। ଆମେରିକୀୟ ଡାଏଟିସିଆନ ନିଖିଲ ଧୁରନ୍ଧରଙ୍କ ପରାମର୍ଶକ୍ରମେ ଆମିର ଖାଇଲେ ଦିନ ପିଛା ମୋଟେ ୨୫ ଗ୍ରାମ୍‌ ଉପମା, ୧୦୦ ଗ୍ରାମ୍‌ ଅମୃତଭଣ୍ଡା, ପ୍ରୋଟିନ ସେକ୍‌ ଓ ସ୍ୟାଣ୍ଡଓ୍ବିଚ। ଖରାବେଳେ ମାତ୍ର ୩୦୦ ଗ୍ରାମ୍‌ ଗହମରୁ ପ୍ରସ୍ତୁତ ରୁଟି ଓ ଡାଲିପାଣି। ରାତିରେ ଗୋଟିଏ ଗିଲାସ ନଖଉଷୁମ ପାଣି। ବାସ୍‌, ଏମିତି ବାଇଶଦିନ କଟାଇବା ପରେ ପତଳା ଆମିର ଶୁଟିଂ ପାଇଁ ଫିଟ୍‌ ହେଲେ। ଏହି ଦୃଷ୍ଟାନ୍ତରୁ ଆମର ହୃଦ୍‌ବୋଧ ହୁଏ ଯେ, ଓଜନକୁ ଆଦର୍ଶ ଅଙ୍କରେ (ବିଏମ୍‌ଆଇ) ରଖିବାକୁ ଖାଦ୍ୟ ପ୍ରତି ବିଶେଷ ଧ୍ୟାନ ଦେବା ଜରୁରୀ। ଡାକ୍ତରଙ୍କ ପରାମର୍ଶ ତଥା ଶୁଣା କଥା ଅନୁସାରେ ଘିଅ ଖାଇଲେ ମୋଟା ହୋଇଯିବ, କୋଲେଷ୍ଟେରଲ ବଢିବ, ନାଲି ମଦ ପିଇଲେ ମଦୁଆ ହୋଇ ଶୀଘ୍ର ମରିବ, ଅଣ୍ଡାର କେବଳ ଧଳା ଅଂଶ ଖାଅ, କେଶର ପାଟିରେ ଦିଅନାହିଁ, ଚିନାବାଦାମ-ଲହୁଣି ବା ପି-ନଟ୍‌ ବଟରଠାରୁ ଦୂରେଇ ରୁହ ଇତ୍ୟାଦି। କିନ୍ତୁ ଏମିତି ଖାଦ୍ୟ ପରିତ୍ୟାଗ କରିବା ଦ୍ୱାରା ଆମେ ବହୁ ଉପାଦେୟ ଉପାଦାନରୁ ନିଜ ଶରୀରକୁ ବଞ୍ଚିତ କରୁ। ଯଥା- ଘିଅ ନ ଖାଇଲେ ଭିଟାମିନ ଏ, ଡି, ଇ (ଯାହା ହାଡର କ୍ୟାଲ୍‌ସିଅମ, ଆଖି, ଗଣ୍ଠି ଓ ଚର୍ମ ପାଇଁ ଦରକାର)ରୁ ବଞ୍ଚିତ ହେଉ। ଅଣ୍ଡାର କେଶରରେ ଖିୁନ୍ଦି ହୋଇ ରହିଛି ଭିଟାମିନ ଡି, ଏ, ଇ, ବି-୧, ୩, ୬, ୯, ୧୨ ଓ କେ, କ୍ୟାଲ୍‌ସିଅମ, ଫସ୍‌ଫରସ, ଜିଙ୍କ ପରି ପୁଷ୍ଟିକାରକ ଉପାଦାନ, ଯାହାକି ଅଣ୍ଡାର ଧଳା ଅଂଶରେ ନ ଥାଏ। ଚିନାବାଦାମ-ଲହୁଣି ଆମ ଓଜନ ହ୍ରାସ କରେ। ଏତଦ୍‌ବ୍ୟତୀତ ଏହି ତାଲିକାରେ ମେଦବୃଦ୍ଧି ପୃଷ୍ଠଭୂମିରେ ଅନାଦରଣୀୟ ହୋଇ ରହିଥିବା ଅନ୍ୟ ସୁସ୍ବାଦୁ ସାମଗ୍ରୀ ହେଉଛି: କଳା ଚକୋଲେଟ୍‌ (ଏହା ଏକ ଆଣ୍ଟି-ଅକ୍ସିଡାଣ୍ଟ, କ୍ୟାନ୍‌ସର ଓ ଡାଇବେଟିସ ରୋଧକ କିଛି ପରିମାଣରେ), ବିଲାତି ଆଳୁ (ପୋଟାସିଅମ୍‌, ତନ୍ତୁ, ଭିଟାମିନ ସି, କ୍ୟାଲ୍‌ସିଅମ, ମ୍ୟାଗ୍ନେସିଅମ୍‌ର ଗନ୍ତାଘର ହେବା ସହ ଏଥିରେ ଅସଂଖ୍ୟ ବ୍ୟଞ୍ଜନ ପ୍ରସ୍ତୁତ କରାଯାଇପାରିବ ଏବଂ ଏହା ହଜମ ଶକ୍ତି ବର୍ଦ୍ଧକ, ହୃତ୍‌ପିଣ୍ଡ ଓ ରୋଗ ପ୍ରତିରୋଧକତାର ଶକ୍ତ କାରକ, କୋଲେଷ୍ଟେରଲ-ସ୍ତର, ବାର୍ଦ୍ଧକ୍ୟର ଲକ୍ଷଣ, ରକ୍ତଚାପ ତଥା ନିଦ୍ରାହୀନତା ହ୍ରାସକାରୀ) ଓ କଦଳୀ (ଏଥିରେ କମ୍‌ ଚର୍ବି ଓ ସୋଡିଅମ୍‌ ଥିବାବେଳେ ପୋଟାସିଅମ୍‌, ଭିଟାମିନ ଏ, ଫୋଲିକ୍‌ ଏସିଡ୍‌ ଅଧିକ ଥିବାରୁ ମନ ସତେଜ ଏବଂ ଉଦର ଶାନ୍ତ ରଖେ, କେଶ ମଧ୍ୟ ସ୍ବାସ୍ଥ୍ୟ ଲାଭ କରେ) ପ୍ରଭୃତି। ତେବେ ଓଜନ ବୃଦ୍ଧି ପାଇଁ ସାଧାରଣ ଭାବେ ବିଶ୍ୱାସ କରାଯାଉଥିବା ଉପଯୁକ୍ତ ସୁଷମ ଖାଦ୍ୟ ଏବଂ ଶାରୀରିକ ପରିଶ୍ରମର ଅଭାବ ପରି କାରକମାନଙ୍କୁ ଯେମିତି ଦାୟୀ କରାଯାଉଛି, ଏଥିସହ ସମ୍ପୂର୍ଣ୍ଣ ସମ୍ମତ ହେଉନାହାନ୍ତି ଅନ୍ୟ କେତେକ ଗବେଷକ। ସେମାନେ ପ୍ରାୟତଃ ଅପରିବର୍ତ୍ତନୀୟ ଅତିରିକ୍ତ କାରଣ ସ୍ବରୂପ ଏଫ୍‌ଟିଓ ନାମକ ଏକ ଜିନ୍‌କୁ ଠାବ କରିଛନ୍ତି। ଏମ୍‌ଆଇଟି ଓ ହାଓ୍ବାର୍ଡ ୟୁନିଭର୍ସିଟିର ଗବେଷକମାନଙ୍କ ଏହି ନିଷ୍କର୍ଷ ନ୍ୟୁ ଇଂଲଣ୍ଡ ଜର୍ନାଲ ଅଫ୍‌ ମେଡିସିନ୍‌ରେ ସ୍ଥାନିତ ହୋଇଛି। ଏହି ପ୍ରକାରେ ବିଭିନ୍ନ କାରଣ, ଅକାରଣ ମଧ୍ୟରେ ଛନ୍ଦିହୋଇ ଜଣେ ବହୁଳ ପ୍ରସାରିତ ଢଗଢମାଳି ଅନୁସାରେ କାର୍ଯ୍ୟ କରିବା ସ୍ବାଭାବିକ- ପର ରୁଚିରେ ପହରଣ, ନିଜ ରୁଚିରେ ଭୋଜନ। ଅର୍ଥାତ୍‌ ପରର ରୁଚି ଅନୁସାରେ ପୋଷାକ ପିନ୍ଧିବା, ମାତ୍ର ନିଜ ପସନ୍ଦ ଅନୁସାରେ ଖାଇବା ଉଚିତ। ଖାଇବା ପିଇବାରେ ନାନା ପ୍ରକାର କଟକଣା ଦ୍ୱାରା ଅତିଷ୍ଠ ହୋଇ କେତେକ ବୟସ୍କ ବ୍ୟକ୍ତି ମଲା ବେଳକୁ କହିଥାନ୍ତି : ଧନେଷୁ ଜୀବିତେଷୁ ଚ ସ୍ତ୍ରୀଷୁ ଚାହାରକର୍ମସୁ। ଅତୃପ୍ତାଃ ପ୍ରାଣିନଃ ସର୍ବେ ଯାତା ଯାସ୍ୟନ୍ତି ଯାନ୍ତିି ଚ।ା ଅର୍ଥାତ୍‌ ଧନ, ଜୀବନ, ସ୍ତ୍ରୀ ଓ ଆହାରରେ ଅତୃପ୍ତ ହୋଇ ସମସ୍ତେ ସଂସାରରୁ ବିଦାୟ ନେଇଛନ୍ତି, ନେଉଛନ୍ତି ଏବଂ ନେବେ ମଧ୍ୟ। ପ୍ରିୟ ପାଠକେ! ଧନ, ଜୀବନ ଓ ସ୍ତ୍ରୀ ବିଷୟରେ ଆମେ ଏଠାରେ କିଛି କହୁନାହୁଁ। ମାତ୍ର ଆହାରରେ ଆମେ ଏତେ ବାରଣ (ଯାହାକି ତର୍କବିତର୍କରେ ବନ୍ଦୀ) ମାନି ଅଶାନ୍ତିରେ ଏହି ଧରାଧାମ କାହିଁକି ଛାଡିବା? ଯାହା ମନ ଲୋଡୁଛି ଖାଇବା ମନ ଭରି, ଲାଜ ଛାଡି। ଦରକାର ହେଲେ, ଚାର୍ବକଙ୍କ ନାଁ ସ୍ମରଣ କରି ‘ଋଣଂ କୃତ୍ୱା ଘୃତଂ ପିବେତ୍‌’ ନୀତି ପାଳନ କରିବା। େ ମା- ୯୪୩୭୦୨୬୬୫୧

All Right Reserved By

ସମ୍ପାଦକୀୟ |

ସମ୍ପାଦକୀୟ/ମାନ୍ୟତାରେ ସ୍ମାର୍ଟ

ସମ୍ପାଦକୀୟ/ମାନ୍ୟତାରେ ସ୍ମାର୍ଟ


୨୦୧୬ ଜାନୁୟାରୀରେ ଦେଶର ସ୍ମାର୍ଟ ସିଟି ତାଲିକାର ଏକ ନମ୍ବରରେ ଭୁବନେଶ୍ୱର ରହିଥିଲା। ଏହି ମାନ୍ୟତା ପାଇବା ପରେ ରାଜଧାନୀବାସୀଙ୍କ ମନରେ ଆନନ୍ଦ ଖେଳି ଯାଇଥିଲା। ଲୋକେ ଭାବିଲେ ସ୍ମାର୍ଟ ସିଟି ଯୋଗ୍ୟତା ହାସଲ ହୋଇ ପାରିଥିବାରୁ ପର୍ଯ୍ୟାପ୍ତ ଅର୍ଥ ବିନିଯୋଗ କରାଯାଇ ଭିତ୍ତିଭୂମି ସୁଦୃଢ଼ କରାଯିବ। ହେଲେ ଡ୍ରେନ୍‌ରେ ଭାସିଯାଇ ଲୋକଙ୍କ ମୃତ୍ୟୁ ଘଟିବା ଭଳି ଖବର ବିପରୀତ ଚିତ୍ର ପ୍ରଦର୍ଶନ କରୁଛି। ୨୦୧୮ ଅଗଷ୍ଟ ୧୩ ସନ୍ଧ୍ୟାରେ ୟୁନିଟ୍‌ ୬ ବନଦୁର୍ଗା ମନ୍ଦିର ନିକଟରେ ଜଣେ ବ୍ୟକ୍ତି ଖୋଲା ଡ୍ରେନ୍‌ରେ ଭାସିଯାଇ ପ୍ରାଣ ହରାଇଛନ୍ତି। ପ୍ରବଳ ବର୍ଷାରେ ସମ୍ପୃକ୍ତ ଅଞ୍ଚଳ ଜଳାର୍ଣ୍ଣବ ହୋଇଯାଇଥିଲା। ମେଲା ପଡ଼ିଥିବା ଡ୍ରେନ୍‌ ଉପରେ ଜଳସ୍ରୋତ ଚାଲିଥିବା ଜାଣି ....

 ଦଳିତ, ଅନୁସୂଚିତ ଜାତି ଓ ସମ୍ବିଧାନ

ଦଳିତ, ଅନୁସୂଚିତ ଜାତି ଓ ସମ୍ବିଧାନ

ଅନିଲ କୁମାର ମଲ୍ଲିକ

ଆମେ ଦଳିତ କାହାକୁ କହିବା? ଯେଉଁମାନେ ଦରିଦ୍ର ବା ଦାରିଦ୍ର୍ୟ ସୀମାରେଖା ତଳେ ବସବାସ କରୁଛନ୍ତି ନା ଯେଉଁମାନେ ଜାତି ଆଧାରରେ ଛୁଆଁ ଅଛୁଆଁ ଭେଦଭାବର ଶିକାର ହେଉଛନ୍ତି? ହଜାର ହଜାର ବର୍ଷ ଧରି କଳଙ୍କିତ ଜାତିପ୍ରଥାର ଶିକାର ହୋଇ ସମସ୍ତ ମୌଳିକ ଅଧିକାରରୁ ବଞ୍ଚିତ ହୋଇ ଅବହେଳିତ, ନିଷ୍ପେଷିତ ହୋଇ ରହିଥିବା ବର୍ଗ ଦଳିତ ନା ଜଣେ ସାଧାରଣ ବର୍ଗର ଲୋକ ଯିଏ ଜାତିପ୍ରଥାର ଶ୍ରେଷ୍ଠ ଆସନରେ ଆସୀନ, କିନ୍ତୁ କେବଳ ଦାରିଦ୍ର୍ୟ ସୀମାରେଖା ତଳେ ବସବାସ କରୁଛନ୍ତି ସେମାନେ?...

ଦେଶପ୍ରେମର ଗାନ

ଦେଶପ୍ରେମର ଗାନ

ଡ. କିଶୋର ମହାନ୍ତି

ଦେଶପ୍ରେମର ଗାନ ମାଧ୍ୟମରେ ମାଟି ମା’ର ପଦସେବା କରେ ଦେଶପ୍ରେମୀ ବିପ୍ଳବୀ କବି। ଏମିତି ବିପ୍ଳବୀ କବି ସୃଷ୍ଟି ହେଉଥିଲେ ଆମ ସ୍ବାଧୀନତା ସଂଗ୍ରାମ ସମୟରେ। ଗାନ୍ଧିଜୀଙ୍କ ଡାକରାରେ ସମଗ୍ର ଦେଶ ପ୍ରକମ୍ପିତ ହୋଇ ଉଠୁଥିଲା। ହିମାଚଳଠାରୁ କୁମାରିକା ଯାଏ କବିଙ୍କର ଗାନ ପ୍ରତିଟି ପ୍ରାଣରେ ଅଗ୍ନିସ୍ଫୁଲିଙ୍ଗ ସୃଷ୍ଟି କରିଥିଲା। ଜାତୀୟ ମୁକ୍ତି ସଂଗ୍ରାମକୁ ତୀବ୍ରତର କରିବା ପାଇଁ ସେମାନଙ୍କ ଲେଖନୀ ବଜ୍ରଠାରୁ କଠିନ ଓ ଶକ୍ତିଶାଳୀ ହୋଇଉଠିଥିଲା। ଭାରତଜନନୀର ଚରଣ ବନ୍ଦନା କରି କବି ନିଜେ ଗର୍ବିତ ହୁଏ ଯେମିତି ଆମ କବି ଗାଇ ଉଠିଥିଲେ- ”ତୁହି ମା ଜନମଭୂମି ପବିତ୍ର ଭାରତଭୂମି, ତୋହରି ସନ୍ତାନ ଆମେ ଅଟୁ ସରବେ...।“ (ଭକ୍ତକବି ମଧୁସୂଦନ)...

ଏଇ ଭାରତରେ

ଏଇ ଭାରତରେ

ଦିନକୁ ଦିନ ଦେଶରେ ସଡ଼କ ଦୁର୍ଘଟଣା ବୃଦ୍ଧି ପାଉଥିବା ବେଳେ ଏହାର ନିରାକରଣ ଲାଗି ଅନେକ ପ୍ରତିକାରମୂଳକ ପଦକ୍ଷେପ ଗ୍ରହଣ କରାଯାଉଛି। ବେଙ୍ଗାଲୁରୁରେ ସଡ଼କ ଦୁର୍ଘଟଣା ସମ୍ପର୍କରେ ସଚେତନତା ବୃଦ୍ଧି ଲାଗି ସ୍ଥାନୀୟ ପୋଲିସ ଏକ ଅଭିନବ ପନ୍ଥା ଆପଣାଇଛି। ଏଥିପାଇଁ ‘ଭଗବାନ୍‌ ଗଣେଶ’ଙ୍କ ସହାୟତା ନିଆଯାଇଛି। ମୃତ୍ୟୁର ଦେବତା ‘ଯମରାଜ’ଙ୍କ ପରେ ସେ ହେଉଛନ୍ତି ଦ୍ୱିତୀୟ ଧ...

 ଚିଲିକା ବଞ୍ଚାଅ

ଚିଲିକା ବଞ୍ଚାଅ

ସମ୍ପାଦକୀୟ/ତଥାଗତ ସତପଥୀ

ଓଡ଼ିଶାର ଚିଲିକା ହ୍ରଦ ତା’ର ବିଶେଷତ୍ୱ ପାଇଁ ସାରା ବିଶ୍ୱରେ ପରିଚିତ। ଲବଣ ଜଳର ଏହି ହ୍ରଦ ଜୈବ ବିବିଧତା ବଜାୟ ରଖିବାରେ ଭାରତର ପ୍ରଥମ ଆର୍ଦ୍ରଭୂମି ବା ସନ୍ତସନ୍ତିଆ ଅଞ୍ଚଳ ଭାବେ ୧୯୮୧ରେ ରାମ୍‌ସର କନ୍‌ଭେନ୍‌ଶନରେ ମାନ୍ୟତା ପାଇଥିଲା। ଉଲ୍ଲେଖଯୋଗ୍ୟ, ୧୯୭୧ ମସିହାରେ ଇରାନ୍‌ର ରାମ୍‌ସର ନଗରରେ ଅନ୍ତର୍ଜାତୀୟ ସମ୍ମିଳନୀ ଜରିଆରେ ଆର୍ଦ୍ରଭୂମି ସଂରକ୍ଷଣ ଲାଗି ପଦକ୍ଷେପ ଆରମ୍ଭ ହୋଇଥିଲା। ଚିଲିକା ୨୦୦୨ରେ ରାମ୍‌ସର କଞ୍ଜରଭେଶନ୍‌ ପୁରସ୍କାର ପାଇ ପୃଥିବୀର ପ୍ରକୃତିପ୍ରେମୀଙ୍କ ଦୃଷ୍ଟି ଆକର୍ଷଣ କରିଥିଲା। ଚିଲିକାକୁ ଦେଖିଥିବା ପର୍ଯ୍ୟଟକ ଜାଣନ୍ତି ଯେ କେବଳ ଭାରତ ନୁହେଁ, ଦୂରଦୂରାନ୍ତରୁ ମଧ୍ୟ ବିଭିନ୍ନ ପ୍ରକାରର ଚଢ଼େଇ ଏଠାକୁ ଅସ୍ଥାୟୀ ବାସ ଭାବେ ବାଛିଥାନ୍ତି। ଫ୍ଲାମିଙ୍ଗୋ, ନର୍ଦନ ପିନ୍‌ଟେଲସ୍‌ ଭଳି ପ୍ରାୟ ୧୬୦ରୁ ଊର୍ଦ୍ଧ୍ୱ ପ୍ରକାରର ବିଦେଶୀ ପକ୍ଷୀ ପ୍ରତ୍ୟେକ ବର୍ଷ ଚିଲିକାକୁ ଆସିଥାନ୍ତି। ଏଥିରୁ ବୁଝିବାକୁ ହେବ ଯେ, ଶୀତଋତୁରେ ଚିଲିକାକୁ ଭାରତୀୟ ଉପମହାଦେଶର ସର୍ବବୃହତ୍‌ ଭ୍ରମଣକାରୀ ପକ୍ଷୀଙ୍କୁ ଆକୃଷ୍ଟ କରୁଥିବା ସ୍ଥଳୀ ଭାବେ ଦିଆଯାଇଥିବା ମାନ୍ୟତାକୁ କୌଣସି ଅମଲାତାନ୍ତ୍ରିକ କିମ୍ବା ରାଜନୈତିକ ପେଞ୍ଚରେ ମିଳିପାରିବ ନାହିଁ। ଅ...

ଜିଡିପି ବଢୁଛି, ଗରିବି କମୁନାହିଁ

ଜିଡିପି ବଢୁଛି, ଗରିବି କମୁନାହିଁ

ସହଦେବ ସାହୁ

ଆଗକାଳରେ ଯେମିତି ବ୍ୟବସାୟ ବାଣିଜ୍ୟ ସମ୍ପଦ ତିଆରି କରୁଥିଲା ଏବେ କରୁଛି କି? ବିଶ୍ୱର ଶ୍ରେଷ୍ଠ ଧନୀ ଦେଶ ଆମେରିକା କଥା ଦେଖନ୍ତୁ। ଗତ କେତେକ ଦଶନ୍ଧିରେ ମାର୍କିନ୍‌ କମ୍ପାନୀମାନେ ଯେଉଁ ହାରରେ ସମ୍ପଦ ତିଆରି କରୁଥିଲେ ତହିଁରେ ଏବେ ଭଟ୍ଟା ପଡିଛି। ମାର୍କ ବୁଚାନାନ୍‌ ଜଣେ ପଦାର୍ଥବିଜ୍ଞାନୀ ଓ ବିଜ୍ଞାନ ଲେଖକ- ସେ ଅର୍ଥନୀତି ଉପରେ ବିଜ୍ଞାନ କ’ଣ କହୁଛି ସେ ବିଷୟରେ ଖଣ୍ଡିଏ ବହି ଲେଖିଛନ୍ତି- ବହିର ନାଁ ‘ଫୋର୍‌କାଷ୍ଟ୍‌: ହ୍ବାଟ୍‌ ଫିଜିକ୍ସ, ମିଟରୋଲଜି ଆଣ୍ଡ୍‌ ଦ ନ୍ୟାଚୁରାଲ୍‌ ସାଇନ୍ସେସ୍‌ କ୍ୟାନ୍‌ ଟିଚ୍‌ ଅସ୍‌ ଏବାଉଟ୍‌ ଇକୋନମିକ୍ସ’, ଭବିଷ୍ୟବାଣୀ- ପଦାର୍ଥବିଦ୍ୟା, ପାଣିପାଗବିଦ୍ୟା ଓ ପ୍ରାକୃତିକ ବିଜ୍ଞାନମାନ ଅର୍ଥନୀତି ବିଦ୍ୟା ଉପରେ ଆମକୁ...
ଇମେଲ୍‌: sahadevas@yahoo.com

ଖାଉଟି ସୁରକ୍ଷା ଏକ ବିଡ଼ମ୍ବନା

ଖାଉଟି ସୁରକ୍ଷା ଏକ ବିଡ଼ମ୍ବନା

ଜ୍ଞାନାଞ୍ଜଳି ପରିଡ଼ା

ଆଧୁନିକ ଯୁଗରେ ଖାଉଟି ବା ଗ୍ରାହକର ସ୍ଥାନ ଅତି ଶୀର୍ଷରେ। ପ୍ରତ୍ୟେକ ବ୍ୟବସାୟିକ ସଂସ୍ଥା ତିଷ୍ଠି ରହିବା ଏବଂ ତାଙ୍କର ଅଭିବୃଦ୍ଧି ମୁଖ୍ୟତଃ ଗ୍ରାହକର ଚାହିଦା ଉପରେ ନିର୍ଭର କରେ। ସେଥିପାଇଁ ବ୍ୟବସାୟୀମାନଙ୍କ ଦୃଷ୍ଟିରେ ଜଣେ ଗ୍ରାହକ ହେଉଛି ଭଗବାନଙ୍କ ସଦୃଶ (ଗରାଖ-ଈଶ୍ୱର)। କିନ୍ତୁ ବାସ୍ତବରେ ଆମ ଦେଶରେ ଖାଉଟି ସବୁବେଳେ ଅସାଧୁ ବ୍ୟବସାୟୀଙ୍କ ଦ୍ୱାରା ଠକାମିର ଶିକାର ହୋଇ ଆସୁଛି। ଠକ ବ୍ୟବସାୟୀମାନେ ଦ୍ରବ୍ୟ ଓ ସେବା ବାବଦରେ ସାଧାରଣ ଲୋକଙ୍କଠାରୁ ଅନେକ ତଥ୍ୟ ଗୋପନୀୟ ରଖିଥାନ୍ତି। ଯୋଜନାବଦ୍ଧ ଭାବରେ ଏମାନେ ଖାଉଟିକୁ ଲୁଟିଥାନ୍ତି। ଏହି ସମସ୍ୟାର ନିରାକରଣ ପାଇଁ ୧୯୮୬ ମସିହାରେ ସମଗ୍ର ଦେଶ ପାଇଁ ଖାଉଟି ସୁରକ୍ଷା ଆଇନ ...

ଅସୁରକ୍ଷିତ ନାରୀ ଓ ଶିଶୁ

ଅସୁରକ୍ଷିତ ନାରୀ ଓ ଶିଶୁ

ଝରଣା ପଣ୍ଡା

ସମଗ୍ର ବିଶ୍ୱରେ ଭାରତ ଦ୍ରୁତ ଅଭିବୃଦ୍ଧି ଓ ପ୍ରଗତିର ଦୌଡ଼ରେ ସାମିଲ ହୋଇଛି। ସୂଚନା ପ୍ରଯୁକ୍ତି ଓ ନାରୀ ସଶକ୍ତୀକରଣର ଜୋରଦାର ପ୍ରଚାର ପ୍ରସାର ହେଉଛି। ସରକାରୀ ଓ ବେସରକାରୀ ଭାବରେ ଲକ୍ଷ ଲକ୍ଷ ଟଙ୍କା ବିନିମୟରେ ଗଣମାଧ୍ୟମର ବିଜ୍ଞାପନରେ ନାରୀ ସଶକ୍ତୀକରଣର ଢୋଲ ପିଟା ଯାଉଥିବା ବେଳେ ସମଗ୍ର ଭାରତୀୟଙ୍କ ସାମଗ୍ରିକ ବିବେକ ଚେତନାକୁ ଦୋହଲାଇ ଦେଇଛି ବିହାର ...

ଏଇ ଭାରତରେ

ଏଇ ଭାରତରେ

ଜଣେ ମୁସଲମାନ ହିନ୍ଦୁଧର୍ମର ମହିଳାଙ୍କୁ ବିବାହ କରିଥିଲେ ବି ସ୍ତ୍ରୀଙ୍କ ମୃତ୍ୟୁପରେ ହିନ୍ଦୁଧର୍ମ ଅନୁଯାୟୀ ତାଙ୍କର ସଂସ୍କାର କରିଛନ୍ତି। ବହୁ ବାଧାବିଘ୍ନ ସତ୍ତ୍ୱେ ହିନ୍ଦୁଧର୍ମ ରୀତିନୀତି ଅନୁଯାୟୀ ତାଙ୍କ ଏକାଦଶାହ ମଧ୍ୟ ପାଳନ କରିଛନ୍ତି। ଇମ୍‌ତିଆଜୁର ରେହମନ୍‌ ନାମକ ଏହି  ...

ଏଇ ଭାରତରେ

ଏଇ ଭାରତରେ

କୁକୁରକୁ ବିଶ୍ୱସ୍ତ ପ୍ରାଣୀ କୁହାଯାଏ। ମଣିଷର ଆଦିମ ସାଥୀ ହେଉଛି କୁକୁର। ମଣିଷକୁ ଏହି ଇତର ପ୍ରାଣୀ ଦୁଃଖ ଦୁର୍ଦ୍ଦିନରେ ସହାୟତା କରେ। କେରଳର ଇଡ୍ଡୁକି ଜିଲାରେ ଏକ ପରିବାରକୁ ମୃତ୍ୟୁମୁଖରୁ ଉଦ୍ଧାର କରିଛି ତାଙ୍କ ପୋଷା କୁକୁର।  କେରଳର ଏହି ଜିଲାର ଗୋଟିଏ ଗଁାରେ ଗୁରୁବାର ପ୍ରବଳ ବର୍ଷା ହୋଇଥିଲା।...

ଗଣଭୋଟ ଓ ବ୍ରିଟେନ୍‌

ଗଣଭୋଟ ଓ ବ୍ରିଟେନ୍‌

ଆକାର ପଟେଲ କୌଣସି ଦେଶ ସିଧାସଳଖ କିଛି ନିଷ୍ପତ୍ତି ନିଏ ନାହିଁ। ଗଣତାନ୍ତ୍ରିକ ଦେଶଗୁଡ଼ିକ ବିଧାୟକ ବା ଲୋକପ୍ରତିନିଧିମାନଙ୍କ ଜରିଆରେ ନିଷ୍ପତ୍ତି ନିଅନ୍ତି। ଆମେରିକା ପରି ଦେଶରେ ଯେଉଁଠି ସର୍ବୋଚ୍ଚ କର୍ତ୍ତା (ରାଷ୍ଟ୍ରପତି) ସିଧାସଳଖ ନିର୍ବାଚିତ ହୁଅନ୍ତି, ସେଠାରେ ସେ ନିର୍ବାଚିତ ହେଲା ପରେ କ’ଣ କ’ଣ କରିବେ ତାହା ଆଗରୁ ଘୋଷଣା କରନ୍ତି ଏବଂ ତାହା ହେଉଛି ତାଙ୍କ ନିର୍ବାଚନୀ ଇସ୍ତାହାର। ...

ଧର୍ମ ବନାମ ଆଧ୍ୟାତ୍ମିକତା

ଧର୍ମ ବନାମ ଆଧ୍ୟାତ୍ମିକତା

ପ୍ରକାଶ ତ୍ରିପାଠୀ ଆଜିର ସମୟରେ ମଣିଷର ଧର୍ମୀୟ ଆଚରଣ ଦେଖିଲେ ମନେହୁଏ ସତେ ଯେମିତି ସବୁକିଛି ବାହ୍ୟ ପ୍ରଦର୍ଶନରେ ସୀମିତ। ଜଣେ ମଣିଷ ସକାଳୁ ଉଠି ଫୁଲ ତୋଳେ, ସ୍ନାନପୂର୍ବକ ଶୁଭ୍ର ବା ଗୈରିକ ବସ୍ତ୍ର ପରିଧାନ କରି ଫୁଲ, ଦୀପ, ନୈବେଦ୍ୟ ନେଇ ମନ୍ଦିର ଯାଏ। ଶରୀରକୁ ଚନ୍ଦନ, ସିନ୍ଦୂରରେ ଶୋଭିତ କରେ। ଠାକୁରଙ୍କ ଆଳତି ଦର୍ଶନ କରେ। ଦୁଇ ହାତ ଯୋଡ଼ି ଠାକୁରଙ୍କ ନାମ ସଂକୀର୍ତ୍ତନ କରେ ଓ ବାର ଦେଖି ଆମିଷ ବର୍ଜନ କରେ। ଏଭଳି ମଣିଷକୁ ଆମେ ଧାର୍ମିକ କହିପାରୁ। ମାତ୍ର ଏହି ମଣିଷଙ୍କଠାରେ ଯଦି ...

Model This Week

ଯସ୍ମିନ୍