ଫୁରସତ |

ଝୁଲାପୋଲ

ଝୁଲାପୋଲ

ଦେଶ ସ୍ବାଧୀନତା ପ୍ରାପ୍ତିର ପ୍ରାୟ ୭୧ବର୍ଷ ହେଲାଣି । ଗାଁର ଉନ୍ନତି ପାଇଁ ସରକାରୀସ୍ତରରେ ଅନେକ ଯୋଜନା ଚାଲିଛି। ତଥାପି ଅନେକ ଗାଁକୁ ଏଯାଏ କଚ୍ଚାରାସ୍ତାଟିଏ ହୋଇପାରିନାହିଁ । ଏପରି କି ଗୋଟିଏ ପଟ ରାସ୍ତାରୁ ଆଉ ଗୋଟିଏ ପଟକୁ ଯିବାକୁ ହେଲେ କେତେକ ସ୍ଥାନରେ ଥିବା ନଦୀ ଉପରେ ସ୍ଥାୟୀ ପୋଲ ସଂଯୋଗ କରିଥାଏ। ମାତ୍ର ଓଡ଼ିଶାରେ ଏମିତି କେତେକ ସ୍ଥାନ ଅଛି ଯେଉଁଠି ରାସ୍ତା ନାହିଁ କି ସ୍ଥାୟୀ ପୋଲ ନାହିଁ। ଯିବା ଆସିବା ଆଉ ଯୋଗାଯୋଗ ପାଇଁ ଲୋକମାନେ ନିର୍ଭର କରିଥାନ୍ତି ଝୁଲାପୋଲ ଉପରେ। ଯାହା କି ଅନେକ ସମୟରେ ବିପଦ ଆଶଙ୍କା ବି ସୃଷ୍ଟି କରିଥାଏ। ତଥାପି ଯାତାୟାତର ଅନ୍ୟ କୌଣସି ମାଧ୍ୟମ ନ ଥିବାରୁ ଲୋକେ ବାଧ୍ୟହୋଇ ନିର୍ଭର କରନ୍ତି ଏହା ଉପରେ। ଏପରି ଝୁଲାପୋଲ ବର୍ଷେ କି ଦୁଇବର୍ଷ ପାଇଁ ନୁହେଁ, ବରଂ ବର୍ଷବର୍ଷଧରି ନଦୀଜଳ ଉପରେ ଝୁଲି ରହିଥାଏ ।

ଝୁଲାପୋଲରେ ଜୀବନଯାତ୍ରା:

ଆଦିବାସୀ ବହୁଳ ମାଲକାନଗିରି ଜିଲାର ଦୁର୍ଗମ ଅଞ୍ଚଳକୁ ଗମନାଗମନ ସୁବିଧା ନ ଥିବାରୁ ସେହି ଅଞ୍ଚଳରେ ବାସକରୁଥିବା ଅନେକ ଗ୍ରାମବାସୀ ରାସ୍ତାରେ ଯାତାୟାତ କରିବାର ସୁଯୋଗରୁ ବଞ୍ଚିତ ହୋଇଥାନ୍ତି। ତେବେ ଏହି ଦୁର୍ଗମ ଅଞ୍ଚଳର ଅନେକସ୍ଥାନରେ ମାଓବାଦୀ କାର୍ଯ୍ୟକଳାପ ମଧ୍ୟ ଘଟୁଛି। ତେବେ ଏଭଳି ଦୁର୍ଗମ ପଥରେ ଗ୍ରାମ ସହ ସହରକୁ ସିଧାସଳଖ ସଂଯୋଗ ପାଇଁ ଜିଲା ପ୍ରଶାସନ ପକ୍ଷରୁ ଆରମ୍ଭ କରାଯାଇଛି ବେଲିବ୍ରିଜ୍‌ ବା ଝୁଲାପୋଲ। ଏହି ଜିଲାରେ ପ୍ରାୟ୧୦ଟି ବ୍ରିଜ୍‌ ନିର୍ମାଣ କରାଯାଇଛି। ତେଲରାଇ ଗାଁର ଇର୍ମା କବାସୀ କୁହନ୍ତି, କାଲିମେଳା ବ୍ଲକରେ ଦୁଇଟି ପୋଲ ନିର୍ମାଣ କରାଯାଇଛି। ଏହି ଝୁଲାପୋଲ ଦ୍ୱାରା ବହୁ ଆଦିବାସୀ ଗ୍ରାମର ଲୋକେ ଉପକୃତ ହୋଇପାରିଛନ୍ତି। କମ୍‌ ସମୟ ମଧ୍ୟରେ ଏହି ଝୁଲାପୋଲର ନିର୍ମାଣ କାମ ହୋଇ ପାରୁଥିବାରୁ ଏଥିରେ ଗମନାଗମନର ସୁବିଧା ହୋଇପାରୁଛି। ଲାଲଗଡ଼ ଜିଲା ପ୍ରଶାସନ ତରଫରୁ ଏପରି ଝୁଲାପୋଲର ବ୍ୟବସ୍ଥା କରାଯାଇଛି। ଏହା ଆଦିବାସୀମାନଙ୍କ ପାଇଁ କେତେକ ସୁବିଧା ହୋଇପାରିଛି। କାଲିମେଳା ବ୍ଲକର ମୁଦାଖୋଲ ଓ କୋଇମେଟଲା ନିକଟରେ ଏପରି ଏକ ବେଲିବ୍ରିଜ ନିର୍ମାଣ କରାଯାଇ ସେହି ଅଞ୍ଚଳର ଗ୍ରାମପଞ୍ଚାୟତକୁ ସଂଯୋଗ କରାଯାଇଛି। କୋଇମେଟଲା ଗ୍ରାମ ନିକଟ ଗୁବୁଲୁର ନାଳ ଉପରେ ଏହି ଝୁଲାପୋଲ ନିର୍ମାଣ ହୋଇଛି। ଏଥିରେ ସ୍ଥାନୀୟ ଲୋକଙ୍କ ଯାତାୟାତ ହୋଇପାରୁଛି। ଏଥିଯୋଗୁ ଏହି ଅଞ୍ଚଳର ପ୍ରାୟ ୨୫ ହଜାର ଲୋକଙ୍କ ଗମନାଗମନର ସୁବିଧା ହୋଇପାରିଛି। ଶିକ୍ଷାବିତ୍‌ ନବକିଶୋର ମଲ୍ଲିକ କୁହନ୍ତି, ଏହି ପୋଲ ଦେଇ କୋଇମେଟଲା ଗ୍ରାମରୁ ଏମ.ଭି -୧୦୭ ଦେଇ ପଡ଼ିଆରୁ ଆସୁଥିବା ଲୋକମାନେ କମ୍‌ ଦୂରତାରେ ଏମଭି-୭୯ ଓ ମୋଟୁକୁ ଯିବାଆସିବା କରିଥାନ୍ତି। ଏଥିସହିତ ଟିଗଲ ପଞ୍ଚାୟତର ଏମ.ଭି -୧୧୨, ଉସକାଗୁଡ଼ା, ତାମନପାଲ୍ଲୀ,ଏମଭି-୧୨୯, ଏମ.ଭି-୭୮,ଏମପିଭି-୬୫, କୋଇମେଟଲା ଗ୍ରାମ ସହ ନାଲଗୁଣ୍ଠି ପଞ୍ଚାୟତର କୋୟାଗୁଡ଼ା, ପେଦବାଡ଼ା, ଇପାଗୁଡ଼ା ଆଦି ଗ୍ରାମର ଜନସାଧାରଣଙ୍କୁ ପଡ଼ିଆ ବ୍ଲକଦେଇ ଛତିଶଗଡ଼କୁ ଯିବାରେ ସୁବିଧା ହୋଇଥାଏ। ମାତ୍ର ବର୍ଷାଦିନେ ସେତେବେଳେ ଏହି ନାଳ ଉପରେ ବନ୍ୟାଜଳ ପ୍ରବାହିତ ହେଉଥିବାରୁ ଲୋକମାନେ ଘୋର ଅସୁବିଧାର ସମ୍ମୁଖୀନ ହେଉଥିଲେ । କିନ୍ତୁ ଏହି ଝୁଲାପୋଲ ଯୋଗୁ କୋଇମେଟଲା, ବଙ୍ଗାଳିଗ୍ରାମ କାଲିମେଳାର ଆଦିବାସୀ ଗ୍ରାମ ଓ ପଡ଼ିଆ ବ୍ଲକକୁ ରାସ୍ତାର ସିଧାସଳଖ ଯୋଗାଯୋଗ ହୋଇପାରୁଛି।

ମୁଦାଖୋଲ ନାଳରେ ଝୁଲାପୋଲ:

ସେହିପରି ଏହି ଜିଲାର ମୁଦାଖୋଲ ନାଳ ଉପରେ ନିର୍ମାଣ କରାଯାଇଥିବା ବେଲିବ୍ରିଜ ଦ୍ୱାରା ଗାଟିଏପଟେ ମୁଦାଖୋଲ , ଚିତ୍ରାଙ୍ଗ ପାଲ୍ଲୀ, ଦରାଗାଟା, ଏମଭି-୯, ଏମଭି-୫୪, ଏମଭି-୫୫ ଆଦିଗ୍ରାମ ସଂଯୋଗ କରୁଥିବା ବେଳେ ଆରପଟେ ଉଣ୍ଡୃକୋଣ୍ଡା, ସଙ୍ଗେଲ, ଏମଭି-୫୪ କନ୍ୟାଶ୍ରମ ସହ ସଂଯୋଗ କରୁଛି। ମଝିରେ ଉସ୍‌କା ପାଲ୍ଲୀ ଓ ଏମ.ଭି-୧୧୮ ଗ୍ରାମବାସୀ ମଧ୍ୟ ଉପକୃତ ହୋଇପାରୁଛନ୍ତି। ଆଇତା ମାର୍ଡ଼କାନି କୁହନ୍ତ, ଏହି ବ୍ରିଜ୍‌ ଦ୍ୱାରା ଉକ୍ତ ଅଞ୍ଚଳର ପ୍ରାୟ ୨୦ହଜାର ଲୋକଙ୍କ ସୁବିଧା ହୋଇପାରିଛି । ଏହି ବ୍ରିଜ୍‌ଟି ନିର୍ମାଣ ପାଇଁ ସେତେବେଳେ ପ୍ରାୟ ୨କୋଟି ଟଙ୍କା ଖର୍ଚ୍ଚ ହୋଇଥିବା ଜଣାପଡ଼ିଛି। ସୁମିତ୍ରା ମାଢି କୁହନ୍ତି, ଏହି ମୁଦାଖୋଲ ନାଳ ଓ କୋଇମେଟଲା ଉପରେ ନିର୍ମାଣ କରାଯାଇଥିବା ଏହି ବେଲିବ୍ରିଜ୍‌ ଦୁଇଟିର ନିର୍ମାଣ କାମ ସମ୍ପୂର୍ଣ୍ଣ ହେବା ପରେ ଏହି ବାଟ ଦେଇ ବିଭିନ୍ନ ମୋଟରଯାନ ଚାଲିପାରୁଛି। ସେହିପରି କାଇକାପାଲି ନାଳ ଓ ମୋଟୁ ଅଞ୍ଚଳର ମୁରଲୀଗୁଡା ଠାରେ ଏପରି ଝୁଲାପୋଲ ରହିଛି। ଏଥିଯୋଗୁ ରୋଗୀସେବା, ବ୍ୟବସାୟିକ ପରିବହନ ଆଦି କାର୍ଯ୍ୟ ସୁବିଧାରେ ହୋଇପାରୁଥିବା ବେଳେ ଦୂରତା କମିପାରିଛି।

ମହାନଦୀ ଝୁଲାପୋଲରେ ଭକ୍ତଙ୍କ ଭିଡ଼ ଜମେ:

କଟକ ଜିଲା ଆଠଗଡ଼ ବ୍ଲକ ଅନ୍ତର୍ଗତ ମଞ୍ଚେଶ୍ୱର ଗ୍ରାମପଞ୍ଚାୟତରେ ଥିବା ପ୍ରସିଦ୍ଧ ଶୈବପୀଠ ଶ୍ରୀ ଶ୍ରୀ ଧବଳେଶ୍ୱରଙ୍କ ମନ୍ଦିର ମହାନଦୀ ଗର୍ଭରେ ପ୍ରାୟ ୧୦ ଏକର ପରିମିତ କୁଦ ଉପରେ ଅବସ୍ଥିତ। ବିଷ୍ଣୁ ଚରଣ ପତି କୁହନ୍ତି, ଏଠାକୁ ବର୍ଷ ତମାମ ଶ୍ରଦ୍ଧାଳୁଙ୍କ ଭିଡ଼ ଲାଗିରହିଥାଏ। ବିଶେଷକରି ପଞ୍ଚକ, ବଡ଼ଓଷା, ଜାଗର, ଚନ୍ଦନ ଯାତ୍ରା ସମୟରେ ରାଜ୍ୟ ତଥା ରାଜ୍ୟ ବାହାରର ଭକ୍ତମାନେ ପ୍ରଭୁଙ୍କ ଦର୍ଶନ ନିମନ୍ତେ ଏଠାକୁ ଆସିଥାନ୍ତି। ଯାତାୟାତ ନିମନ୍ତେ ପୂର୍ବରୁ ଶ୍ରଦ୍ଧାଳୁମାନେ ମହାନଦୀରେ ଡଙ୍ଗା ସାହାଯ୍ୟରେ ଏହିପୀଠକୁ ପହଞ୍ଚୁ ଥିଲେ। ମାତ୍ର ମହାନଦୀରେ ବାରମ୍ବାର ଡଙ୍ଗାବୁଡ଼ି ଯୋଗୁ ବହୁ ଧନଜୀବନ ନଷ୍ଟ ହେଲା। ୧୯୯୦ ମସିହା ଡଙ୍ଗାବୁଡ଼ିରେ ଦୁଇଜଣ ପ୍ରାଣ ହରାଇଥିଲେ। ସେହି ଘଟଣା ଠାରୁ ମହାନଦୀରେ ପୋଲ ନିର୍ମାଣ ନିମନ୍ତେ ସ୍ଥାନୀୟ ଅଧିବାସୀମାନେ ସରକାରଙ୍କ ନିକଟରେ ଦାବି ଜଣାଇ ଆସୁଥିଲେ। କିନ୍ତୁ ମଞ୍ଚେଶ୍ୱର ଘାଟପଟେ ମହାନଦୀରେ ବିଶାଳ ଗଣ୍ଡ ରହିଛି। ଏହା ପ୍ରାୟ ୧୦୦ମିଟର ଗଭୀର ବୋଲି ଅନୁମାନ କରାଯାଏ। ସେହି ଦୃଷ୍ଟିକୋଣରୁ ମହାନଦୀ ଉପରେ ଝୁଲାପୋଲ ନିର୍ମାଣ ପାଇଁ ରାଜ୍ୟ ଗ୍ରାମଉନ୍ନୟନ ବିଭାଗ ଦ୍ୱାରା ଗତ ୨୦୦୪ ମସିହାରେ ଧବଳେଶ୍ୱରଙ୍କ ପୀଠକୁ ଯାତ୍ରୀଙ୍କ ଯାତାୟାତ ନିମନ୍ତେ ଝୁଲାପୋଲର ଶିଳାନ୍ୟାସ କରାଯାଇଥିଲା। ଗତ ୨୦ା୧୦ା୨୦୦୬ରେ ପ୍ରାୟ ୨କୋଟି ୫୪ଲକ୍ଷ ଟଙ୍କା ବ୍ୟୟରେ ୨୫୪ ମିଟର ଲମ୍ବର ଝୁଲାପୋଲ ନିର୍ମାଣ ହୋଇ ଯାତ୍ରୀଙ୍କ ଯାତାୟାତର ସୁବିଧା ହୋଇପାରିଛି । ଏହା ଦେଶର ଅନ୍ୟତମ ଲମ୍ବା ଝୁଲାପୋଲ ବୋଲି ଜଣାପଡ଼ିଛି। ପୋଲ ହୋଇଥିଲେ ବି ବଡ଼ଓଷା ଯାତ୍ରାରେ ଲକ୍ଷାଧିକ ଯାତ୍ରୀଙ୍କ ଭିଡ଼ଯୋଗୁ ୨୦୧୦ ମସିହାରେ ଡଙ୍ଗା ସାହାଯ୍ୟରେ ଯାତ୍ରୀ ପାର ହେଉଥିବାବେଳେ ଏହି ନଦୀରେ ପୁନର୍ବାର ଦୁର୍ଘଟଣା ଘଟିଥିଲା । କିରଣ ବିହାରୀ ଖଟୁଆ କୁହନ୍ତି, ପ୍ରଥମ ନିର୍ମାଣ ବେଳେ ଏହି ଝୁଲାପୋଲର କ୍ଷମତା ହଜାରଜଣ ରହିଥିଲା। ୫ ବର୍ଷ ପରେ ତାହା ୮୦୦କୁ ଖସିଥିଲା। ଏପରି କି ଗତ ୨୦୧୫ ମସିହାରେ ଝୁଲାପୋଲର ତାର ଦଉଡ଼ି ଦୁର୍ବଳ ରହିଥିବାରୁ ଗ୍ରାମ୍ୟ ଉନ୍ନୟନ ବିଭାଗ ପକ୍ଷରୁ ପଞ୍ଚକ ବଡ଼ଓଷା ଯାତ୍ରା ପୂର୍ବରୁ ଏହି ପୋଲର ମରାମତି କରାଯାଇଥିଲା । ଅଶୋକ ଖଟୁଆ କୁହନ୍ତି, ଅନ୍ୟପକ୍ଷେ ରାଜ୍ୟ ସରକାର ପ୍ରାୟ ୧୮ କୋଟି ଟଙ୍କା ବ୍ୟୟରେ ସ୍ଥାୟୀ ପୋଲ ନିର୍ମାଣ ନିମନ୍ତେ ପଦକ୍ଷେପ ଗ୍ରହଣ କରିଛନ୍ତି ଏହା ଏକ ସ୍ବାଗତ ଯୋଗ୍ୟ କାର୍ଯ୍ୟ।

ନାଗାବଳୀରେ ଝୁଲାପୋଲର କାହାଣୀ:

ରାୟଗଡ଼ା ଜିଲା କଲ୍ୟାଣସିଂହପୁର ବ୍ଲକର ବିନିଷପୁର ଗାଁ ନିକଟରେ ଥିବା ନାଗାବଳୀ ନଦୀର ଗଦଗଦ ଠାରେ ନିର୍ମାଣ ହୋଇଥିବା ଝୁଲାପୋଲଟି ଗତ ଜୁଲାଇମାସରେ ହୋଇଥିବା ବନ୍ୟାରେ ବନ୍ଧ ଭୁଶୁଡ଼ି ଯିବାରୁ ପୋଲଟି ନଦୀକୁ ଖସିପଡ଼ିଥିଲା। ଏଥିଯୋଗୁ ପ୍ରାୟ ୫ଗୋଟି ପଞ୍ଚାୟତର ୫୦ଖଣ୍ଡ ଗାଁର ବାସିନ୍ଦାଙ୍କ ଯାତାୟାତରେ ଘୋର ଅସୁବିଧା ହୋଇଥିଲା। ଶନେଶ୍ୱର କାର୍ଡ଼ଙ୍ଗ କୁହନ୍ତି, ଗମନାଗମନର ସୁବିଧା ପାଇଁ ଗ୍ରାମବାସୀ ଏକ ବୈଠକ କରି ୧୯ା୧୧ା୧୭ ଠାରୁ ଗାଁର ପ୍ରତ୍ୟେକ ପରିବାରରୁ କିଛିକିଛି ଟଙ୍କା ଆଦାୟ କରି ଏକ ଅସ୍ଥାୟୀ କାଠର ଝୁଲାପୋଲ ତିଆରି କରିଛନ୍ତି। ଉକ୍ତ କାଠପୋଲର ଲମ୍ବ ପ୍ରାୟ ୧୫୦ମିଟର ଓ ଚଉଡ଼ା ୫ଫୁଟ୍‌। ଏହି ପୋଲରେ ସ୍ଥାନୀୟ ଲୋକମାନେ ବିପଦସଙ୍କୁଳ ଅବସ୍ଥାରେ ଯାତାୟାତ କରିଥାନ୍ତି। ଅଶୋକ କାଡ଼ାକା କୁହନ୍ତି, ଏହି ପୋଲ ନିର୍ମାଣ ଯୋଗୁ ପ୍ରାୟ ୧୭କିମି ରାସ୍ତାର ଦୂରତା ପରିବର୍ତ୍ତେ ୨କିମି ବାଟ ମଧ୍ୟରେ ଏହି ଗ୍ରାମପଞ୍ଚାୟତର ଲୋକମାନେ ସ୍ଥାନୀୟ ବ୍ଲକକୁ ଯାତାୟାତ କରିଥାନ୍ତି। ଅନ୍ୟପକ୍ଷେ ତତ୍କାଳୀନ ଜିଲାପାଳ ନୀତିନ ଭାନୁଦାସ ଜାଓ୍ବଲେ ଉକ୍ତ କାଠପୋଲକୁ ଦେଖିଲା ପରେ ଏକ ଝୁଲାପୋଲ ନିର୍ମାଣ ପାଇଁ ସରକାରଙ୍କୁ ପ୍ରସ୍ତାବ ଦେଇଥିଲେ। ୨୦୧୩ ଅକ୍ଟୋବର ୨୬ତାରିଖରେ ଏଠାରେ ଏକ ଝୁଲାପୋଲ ଆରମ୍ଭ ହୋଇଥିଲା। ଏହାର ଓସାର ପ୍ରାୟ ୧.୨୮ମିଟର, ଲମ୍ବ ୧୨୦ମିଟର । ନଦୀଗର୍ଭରୁ ପୋଲର ଉଚ୍ଚତା ପ୍ରାୟ ୫୦ଫୁଟ୍‌ । ଏହି ପୋଲଟିର ନିର୍ମାଣ ଦାୟିତ୍ବ ଓଡ଼ିଶା ଷ୍ଟେଟ୍‌ ପୋଲିସ ହାଉସିଂ କର୍ପୋରେଶନ ନେଇଥିଲା। ଆଖପାଖ ଅଞ୍ଚଳବାସୀ ଏହି ପୋଲଦେଇ ଗମନାଗମନ କରିଥାନ୍ତି। ମାତ୍ର ଉକ୍ତପୋଲଟି ଭାଙ୍ଗି ଯିବାରୁ ଏବେ ଅସ୍ଥାୟୀ କାଠପୋଲ ହିଁ ଗମନାଗମନର ଭରସା ପାଲଟିଛି।

ଚେକାଗୁଡ଼ାରୁ ରାୟଗଡ଼ା ସହରକୁ ସଂଯୋଗ କରୁଛି ଝୁଲାପୋଲ:

ରାୟଗଡ଼ା ଜିଲାର ଅଧିକାଂଶ ଅଞ୍ଚଳକୁ ଘେରିରହିଛି ପାହାଡ଼ ପର୍ବତ । ଏହି ସହରର ଉପକଣ୍ଠରେ ଥିବା ଚେକାଗୁଡ଼ା ଗ୍ରାମପଞ୍ଚାୟତ ନିକଟରେ ବହିଯାଇଛି ନାଗାବଳୀ ନଦୀ। ପ୍ରଦୀପ ନାଏକ କୁହନ୍ତି ୨୦୧୧ ନଭେମ୍ବର ମାସରେ ଏଠାରେ ନିର୍ମାଣ ହୋଇଛି ଏକ ଝୁଲାପୋଲ। ଏହାର ସ୍ଥପତି ଥିଲେ ବିଜିଏସପିର ମୁଖ୍ୟ ଶିଶିର ଭରଦ୍ୱାଜ। ଆଇ.ଏ.ପି ଅଧୀନରେ ଜିଲା ପ୍ରଶାସନ ଦ୍ୱାରା ଏହି ପୋଲ ପାଇଁ ପ୍ରାୟ ଦେଢକୋଟି ଟଙ୍କା ଖର୍ଚ୍ଚ କରାଯାଇ ନିର୍ମାଣ କରାଯାଇଥିଲା। ଏହି ଝୁଲାପୋଲର ଦୈର୍ଘ୍ୟ ପ୍ରାୟ ୧୫୧ମିଟର ଓ ପ୍ରସ୍ଥ ୧.୫୦ମିଟର । ଏହା ଓଡ଼ିଶାର ଅନ୍ୟତମ ବୃହତ୍‌ ଝୁଲାପୋଲ। ଏହା ଦ୍ୱାରା ସେହି ଅଞ୍ଚଳର ବାଶିଙ୍ଗି, ଡାଙ୍ଗଲୋଡ଼ି, କାରୁବାଇ, ଇପଲଗୁଡ଼ା, ଦୁର୍ଗାପ ଡ଼ୁ, ମୀରାବାଲି, ବାଡାଲବାଡ଼ି ଓ କୁଲି ଆଦି ୮ଟି ଗ୍ରାମପଞ୍ଚାୟତର ପ୍ରାୟ ୬୩ଟି ଗ୍ରାମର ବାସିନ୍ଦା ଉପକୃତ ହୋଇପାରୁଛନ୍ତି। ନୀଳାଚଳ ମିଶ୍ର କୁହନ୍ତି, ପ୍ରଥମେ ରାୟଗଡ଼ା ଜିଲା ମୁଖ୍ୟାଳୟକୁ ଆସିବାକୁ ହେଲେ ସେହି ଅଞ୍ଚଳର ଗ୍ରାମବାସୀଙ୍କୁ ପ୍ରାୟ ୪୦କିମି ଦୂର ବୁଲି ଆସିବାକୁ ପଡ଼ୁଥିଲା । ଏହି ଝୁଲାପୋଲ ତିଆରି ଯୋଗୁ ଗମନାଗମନର ଦୂରତା ସେହି ଅଞ୍ଚଳପାଇଁ କମ୍‌ ହୋଇଛି। ଏପରି କି ମାତ୍ର ୫କିମି ରାସ୍ତା ଆସି ଏହି ପୋଲ ଉପରେ ପାର ହେଲେ ରାୟଗଡ଼ା ସହରକୁ ଆସିହେଉଛିି । ପୂର୍ବରୁ ଚେକାଗୁଡ଼ା ଗ୍ରାମବାସୀଙ୍କ ଉଦ୍ୟମରେ ବାଉଁଶରେ ତିଆରି ଏକ ଝୁଲାପୋଲ କରାଯାଇଥିଲା। ଏହି ପୋଲ ପାର ହୋଇ ଯାଉଥିବା ଯାତ୍ରୀଙ୍କ ଠାରୁ ପ୍ରାୟ ୫ଟଙ୍କା ଲେଖାଏଁ ଆଦାୟ କରାଯାଉଥିଲା। ମାତ୍ର ଜିଲାପାଳ ଶଶିଭୂଷଣ ପାଢୀଙ୍କ ଉଦ୍ୟମରେ ଜିଲା ପ୍ର୍ରଶାସନ ଓ ଭାରତ ଗ୍ରାମସେତୁ ଦ୍ୱାରା ଏହି ପୋଲ ନିର୍ମାଣ କରାଯାଇଥିଲା। ତେବେ ଓଡ଼ିଶାରେ ଥିବା ହାତଗଣତି କେତୋଟି ଝୁଲାପୋଲ ସେଠାକାର ଗ୍ରାମବାସୀଙ୍କ ପାଇଁ ପାଲଟିଛି ଗମନାଗମନର ମୁଖ୍ୟ ସଂଯୋଗ ପଥ।
-ବନବିହାରୀ ବେହେରା
ସୁରେଶ କୁମାର ପାଢୀ, ଜୀବନକୃଷ୍ଣ ଦାସ, ଯଶୋବନ୍ତ ବାରିକ, ଶ୍ରୀନିବାସ ବଳିଆରସିଂହ

All Right Reserved By

Model This Week

ସୌମ୍ୟ

ଫୁରସତ |

ଲିଭର ସମସ୍ୟା ଠିକ୍‌ କରେ ଜାମୁକୋଳି

ଲିଭର ସମସ୍ୟା ଠିକ୍‌ କରେ ଜାମୁକୋଳି

ଲିଭର ସାଧାରଣତଃ ହଜମ ଶକ୍ତିରେ ସହାୟକ ହେବା ସହ ଶରୀରରୁ ବର୍ଜ୍ୟବସ୍ତୁ ଅଲଗା କରିବାରେ ମୁଖ୍ୟ ଭୂମିକା ଗ୍ରହଣ କରିଥାଏ। ହେଲେ ବର୍ତ୍ତମାନର ଜୀବନଶୈଳୀ ଏବେ ପେଟ ସମସ୍ୟାକୁ ବଢାଇ ଦେଇଛି। ଏହାଫଳରେ ଲିଭର ମଧ୍ୟ ଅସୁସ୍ଥ ହୋଇ ପଡୁଛି।

ଯେଉଁଠି କଙ୍କାଳ ଦେଖାଏ ରାସ୍ତା...

ଯେଉଁଠି କଙ୍କାଳ ଦେଖାଏ ରାସ୍ତା...

ନୂଆଦିଲ୍ଲୀ : ବାଟଭୁଲା ପଥିକଙ୍କୁ ଜୀବିତ ଲୋକ ବାଟ ବତାଇଥାନ୍ତି। କିନ୍ତୁ ଏଭରେଷ୍ଟ ଶୃଙ୍ଗ ଆରୋହଣ କରିବାକୁ ଯାଉଥିବା ପର୍ବତାରୋହୀଙ୍କୁ ବାଟ ଦେଖାଇଥାନ୍ତି କଙ୍କାଳ। ଶୃଙ୍ଗ ଆରୋହଣ ସମୟରେ ମୃତ୍ୟୁ ବରଣକରିଥିବା ଅନେକ ପର୍ବତାରୋହୀଙ୍କ ମୃତ ଦେହକୁ ହଜାର ହଜାର ଫୁଟ ତଳକୁ ଆଣିବା କଷ୍ଟକର ହୋଇଥାଏ।

ମୃତ ପୁଅ-ଝିଅଙ୍କର ହୁଏ ବିବାହ

ମୃତ ପୁଅ-ଝିଅଙ୍କର ହୁଏ ବିବାହ

ବିବାହ ଏକ ଶୁଭ କାର୍ଯ୍ୟ ବୋଲି ବିବେଚନା କରାଯାଏ। ବିବାହକୁ ନେଇ ରହିଛି ଅନେକ ପରମ୍ପରା। କେଉଁଠି ଘୋଡା ଚଢି ତ ପୁଣି କେଉଁଠି ପାଲିଙ୍କି, ସବାରୀରେ ବରବଧୂ ବିବାହ ମଣ୍ଡପରେ ଆସି ବିବାହ କରିଥାଆନ୍ତି।

କେଉଁ ବ୍ଲଡ୍‌ ଗ୍ରୁପ୍‌ର ବ୍ୟକ୍ତିଙ୍କୁ ମଶା ଅଧିକ କାମୁଡନ୍ତି....

କେଉଁ ବ୍ଲଡ୍‌ ଗ୍ରୁପ୍‌ର ବ୍ୟକ୍ତିଙ୍କୁ ମଶା ଅଧିକ କାମୁଡନ୍ତି....

ଓ୍ବାଶିଂଟନ: କେତେକ ଲୋକଙ୍କୁ ମଶା ଅଧିକ କାମୁଡିଥାନ୍ତି। ପୁଣି କିଛି ଲୋକଙ୍କ ପାଖକୁ ମଶା ଆଦୌ ଯାଇ ନ ଥାନ୍ତି। ଏପରି କାହିଁକି ହୋଇଥାଏ? ସେ ସମ୍ପର୍କରେ ଜାଣିବାଲାଗି ଗବେଷକମାନେ ଦୀର୍ଘଦିନ ଧରି ଗବେଷଣା ଚଳାଇଥିଲେ। ତେବେ ଏସମ୍ପର୍କରେ ଏକ ଗବେଷଣା ତଥ୍ୟ ସାମନାକୁ ଆସିଛିି। ଏଥିରେ ଦର୍ଶାଯାଇଛି ଯେ, ‘ଓ’ ବ୍ଲଡ୍‌ ଗ୍ରୁପ୍‌ ଥିବା ବ୍ୟକ୍ତିଙ୍କ ପ୍ରତି ମଶା ଅଧିକ ଆକର୍ଷିତ ହୋଇଥାନ୍ତି।

ଧନ ପ୍ରାପ୍ତି ଓ ସ୍ଫଟିକ ମାଳା...

ଧନ ପ୍ରାପ୍ତି ଓ ସ୍ଫଟିକ ମାଳା...

ନୂଆଦିଲ୍ଲୀ : ଆର୍ଥିକ ସଙ୍କଟ ଦେଖା ଦେଉଥିଲେ ଏକ ସହଜ ଉପାୟ ଦ୍ୱାରା ଏହାର ସଫଳ ନିରାକରଣ କରାଯାଇପାରିବ। ଏ ସମ୍ପର୍କରେ ଜ୍ୟୋତିଷ ଶାସ୍ତ୍ରରେ ବର୍ଣ୍ଣନା କରାଯାଇଛି। ଏକ ସ୍ଫଟିକ ମାଳାକୁ ବିଧିବଦ୍ଧ ଭାବେ ପୂଜା କରି ମହାଲକ୍ଷ୍ମୀଙ୍କୁ ଅର୍ପଣ କଲେ ଧନ ଆଗମନ ହୋଇଥାଏ।

ତରଭୁଜର ଦାମ୍‌ ୧୯.୮୪ ଲକ୍ଷ

ତରଭୁଜର ଦାମ୍‌ ୧୯.୮୪ ଲକ୍ଷ

ଟୋକିଓ : ବର୍ତ୍ତମାନ ଖରାଦିନ। ତରଭୁଜର ଚାହିଦା ସବୁଆଡ଼େ। ଏଠାରେ ମିଳୁଥିବା ତରଭୁଜ କିଲୋପିଛା ୮ରୁ ୧୨ ଟଙ୍କା। କିନ୍ତୁ ତରଭୁଜ ଦାମ୍‌ ଯେ ଲକ୍ଷାଧିକ ଟଙ୍କା ହୋଇଥିବ,ଶୁଣିଲେ ଯେକେହି ଆଶ୍ଚର୍ଯ୍ୟ ହୋଇଯିବ! ତେବେ ନିକଟରେ ଜାପାନରେ ଏକ ତରଭୁଜ ୧୯.୮୪ ଲକ୍ଷ ଟଙ୍କାରେ ନିଲାମ ହୋଇଛି।

ଦାମୀ ସ୍ଥାପତ୍ୟ

ଦାମୀ ସ୍ଥାପତ୍ୟ

ଲକ୍ଷ ଲକ୍ଷ ଏମିତିକି କୋଟି କୋଟି ଟଙ୍କାରେ ପେଣ୍ଟିଂ ବିକ୍ରି ହେଉଥିବା କଥା ଅନେକେ ଜାଣିଥିବେ। ହେଲେ କୌଣସି ମୂର୍ତ୍ତି ଏଭଳି ଦାମ୍‌ରେ ବିକ୍ରି ହୋଇଥିବା କମ୍‌ ଜାଣିଥିବେ। ଜାଣନ୍ତୁ ସେମିତି କେତୋଟି ସ୍ଥାପତ୍ୟ ସମ୍ପର୍କରେ....

କାଗଜର ଥ୍ରୀଡି ଆର୍ଟ

କାଗଜର ଥ୍ରୀଡି ଆର୍ଟ

ଲଣ୍ଡନର ଡିଜାଇନର, ଆନିମେଟର ତଥା ଇଲୁଷ୍ଟ୍ରେଟର ଲିସା ଲୟଡ୍‌ କାଗଜରେ ତିଆରି କରିଛନ୍ତି ଅନେକ ଥ୍ରୀଡି ଆର୍ଟ। ସୁନ୍ଦର ରଙ୍ଗିନ ଚଢେଇ ହେଉକି ପ୍ରଜାପତି ଅବା ବହୁରୂପୀ ଏଣ୍ଡୁଅ କି କୀଟପତଙ୍ଗ ଏସବୁକୁ ସେ ବିଭିନ୍ନ ପ୍ରକାରର ରଙ୍ଗିନ କାଗଜକୁ କାଟି ତିଆରି କରିଛନ୍ତି।

ସବୁଠୁ ବଡ଼ ମଶା

ସବୁଠୁ ବଡ଼ ମଶା

ଏହି ମଶାର ଆକାର ସାଢେ ୪ ଇଞ୍ଚ। ଛୋଟ ଛୋଟ ମଶାଙ୍କର ପ୍ରାଦୁର୍ଭାବ ସମ୍ପର୍କରେ ତ ସମସ୍ତେ ଜାଣନ୍ତି। ଆଉ ଯେବେ ଏଭଳି ବଡ ମଶାକୁ ଘରେ ଦେଖିବେ ତେବେ ଅବସ୍ଥା କ’ଣ ହେବ ଭାବିଲେ। ନିଶ୍ଚୟ ଯେକେହି ବି ଡରିଯିବେ।

ଶୁଟର୍‌ ଜେଜେମା’

ଶୁଟର୍‌ ଜେଜେମା’

ଉତ୍ତରପ୍ରଦେଶର ବାଗପତ ଜିଲାସ୍ଥ ଜୋହରି ଗଁ।ର ଚନ୍ଦ୍ରୋ ତୋମର। ବୟସ ୮୬ ବର୍ଷ। ୮ ସନ୍ତାନର ଜନନୀ ସହ ନାତିନାତୁଣୀ ମିଶି ତାଙ୍କର ୧୫ ଜଣ। ଘର କାମରେ ସେ ବେଶ୍‌ ପାରଙ୍ଗମ। ଏତେବଡ ପରିବାର ପାଇଁ ରୋଷେଇ କରିବା ସହ ସଫାସଫି, ଗୋରୁ ଚରାଇବା ସବୁ କାମ ସେ କରନ୍ତି। ତା’ସହ ଆଉ ଏକ କାମ ସେ ବେଶ୍‌ ଭଲଭାବେ କରିପାରନ୍ତି। ସେ ହେଉଛି ଶୁଟିଂ।

ପ୍ରଥମ ରୋଜଗାର: ଦରମା ଟଙ୍କା ବାକି ଶୁଝିବାରେ ଖର୍ଚ୍ଚ ହୋଇଥିଲା

ପ୍ରଥମ ରୋଜଗାର: ଦରମା ଟଙ୍କା ବାକି ଶୁଝିବାରେ ଖର୍ଚ୍ଚ ହୋଇଥିଲା

ଖୋର୍ଦ୍ଧା ଜିଲା ବୋଲଗଡ଼ର ଚମ୍ପାଇଲୋ ଗାଁରେ ମୋର ଜନ୍ମ। ବାପା ଥିଲେ ଜଣେ ଗରିବ ଚାଷୀ ଆଉ ବୋଉ ବି ମୁଢି ବିକି ଆମକୁ ପଢାଉଥିଲେ। ଦୁଇ ଭାଇ ଭିତରୁ ମୁଁ ଥିଲି ଘରର ବଡ଼ ପୁଅ। ଅଭାବ ଅନଟନ ଭିତରେ ପିଚୁକୁଳି ଉଚ୍ଚ ବିଦ୍ୟାଳୟରୁ ନବମ ପାସ୍‌ କରିବା ପରେ ପଢାଛାଡି ପୁରୀରେ ଥିବା ଏକ ଲୁଗା ଦୋକାନରେ ଯାଇ କାମ କଲି।

ବିରଳ ପୂଜା ପରମ୍ପରା

ବିରଳ ପୂଜା ପରମ୍ପରା

ବୈଚିତ୍ର୍ୟମୟ ଓଡ଼ିଶା। ଅଦ୍ଭୁତ ତା’ର ପରମ୍ପରା । କାହିଁ କେଉଁ ଆବହମାନ କାଳରୁ ଓଡ଼ିଶାର ଅନେକ ସ୍ଥାନରେ ପ୍ରଚଳିତ ବହୁ ବିରଳ ପରମ୍ପରା। ଏମିତି କି କେଉଁଠି ସକାଳୁ ସକାଳୁ ଘରୁ ମହାଦେବଙ୍କୁ ନିଆଯାଇଥାଏ ମନ୍ଦିରକୁ ଏବଂ ସନ୍ଧ୍ୟାକୁ ଫେରାଇ ଆଣିଥାନ୍ତି ସ୍ବଗୃହକୁ । ଆଉ କେଉଁଠି ଠାକୁରାଣୀଙ୍କୁ ମାଟିହାଣ୍ଡି ଘୋଡ଼ାଇ ରଖାଯାଇଥାଏ ତ କେଉଁଠି ମହାପ୍ରଭୁୁ ପ୍ରାୟ ୩୬୨ଦିନ ଧରି ପୋଖରୀ ଜଳରେ ବୁଡ଼ି ରୁହନ୍ତି ।