Dharitri News
ରାଜ୍ୟ |

ବିଭାଜନ ମୁହଁା ମାହାଙ୍ଗା ଭାଜପା :ପ୍ରଭାତ ମିଶ୍ରଙ୍କ ଫେସ୍‌ବୁକ ମେସେଜକୁ ନେଇ ଚର୍ଚ୍ଚା

ବିଭାଜନ ମୁହଁା ମାହାଙ୍ଗା ଭାଜପା :ପ୍ରଭାତ ମିଶ୍ରଙ୍କ ଫେସ୍‌ବୁକ ମେସେଜକୁ ନେଇ ଚର୍ଚ୍ଚା କଟକ ଅଫିସ, ୩।୨- ‘ମୂର୍ଖ ସମାବେଶରେ ପ୍ରତିଭା ପ୍ରଦର୍ଶନ ନ କରି ନୀରବ ରହିବା ବୁଦ୍ଧିମାନର କାର୍ଯ୍ୟ।’ ଚୌଧୁରୀ ପ୍ରଭାତ କେଶରୀ ମିଶ୍ରଙ୍କ ଏହି ଫେସବୁକ୍‌ ମେସେଜକୁ ୨୪ ଘଣ୍ଟାରେ ମିଳିଛି ୬୧ କମେଣ୍ଟ, ୨୨୨ ଲାଇକ୍‌। ମାତ୍ର ଏହାକୁ ନେଇ ମାହାଙ୍ଗା ସମେତ କଟକ ରାଜନୀତି ସରଗରମ ହୋଇଉଠିଛି। ମିଶ୍ର ହେଉଛନ୍ତି ଭାଜପାର ଜଣେ ଜଣାଶୁଣା ନେତା ତଥା ୨୦୦୯ ସାଧାରଣ ନିର୍ବାଚନରେ ଦଳୀୟ ଟିକେଟରେ ବିଧାୟକ ପ୍ରାର୍ଥୀ ହୋଇଥିଲେ। ତେବେ ମିଶ୍ରଙ୍କ ଏହି ମେସେଜ୍‌ ପରେ ମାହାଙ୍ଗା ଭାଜପାର ବିଭାଜନକୁ ନେଇ ଚର୍ଚ୍ଚା ଜୋର୍‌ଧରିଛି। ଶୁକ୍ରବାର ମାହାଙ୍ଗାରେ ଭାଜପା ପକ୍ଷରୁ ସଙ୍କଳ୍ପ ସମାବେଶର ଆୟୋଜନ କରାଯାଇଥିଲା। ଏହି ସମାବେଶରେ ୨୦୧୪ ସାଧାରଣ ନିର୍ବାଚନରେ ସ୍ବାଧୀନ ବିଧାୟକ ପ୍ରାର୍ଥୀଭାବେ ଲଢି ପରାଜିତ ହୋଇଥିବା ସାରଦା ପ୍ରଧାନ ନିଜ ସମର୍ଥକଙ୍କ ସହିତ ଭାଜପାରେ ଯୋଗଦେଇଥିଲେ। ଉତ୍ସବରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ସମେତ ଭାଜପାର ବହୁ ରାଜ୍ୟସ୍ତରୀୟ ନେତା ଉପସ୍ଥିତ ଥିଲେ। ମିଶ୍ର ମଧ୍ୟ ଉକ୍ତ ସଭାମଞ୍ଚରେ ଥିଲେ। ହେଲେ ତାଙ୍କୁ କହିବାକୁ ସୁଯୋଗ ମିଳି ନ ଥିଲା। ଏହାପରେ ରାତି ୧୦ଟାରେ ନିଜ ଫେସ୍‌ବୁକ୍‌ରେ ମିଶ୍ର ଏଭଳି ମନ୍ତବ୍ୟ ରଖିଥିଲେ। ଏ ସମ୍ପର୍କରେ ମିଶ୍ରଙ୍କୁ ପଚାରିବାରୁ ସେ କହିଲେ, ଏକ ଇଂଲିଶର ରୁଢୀକୁ ମଁୁ ଟ୍ରାନ୍ସଲେଟ କରିଛି। ଏହା କାହା ଉଦ୍ଦେଶ୍ୟରେ ଲେଖାଯାଇନାହିଁ। କିନ୍ତୁ ମୋତେ ନିଜର ପ୍ରତିଦ୍ୱନ୍ଦୀ ବୋଲି ଭାବୁଥିବା କେତେଜଣ ଲୋକ ଏହି ମେସେଜକୁ ନେଇ ରାଜନୀତି କରୁଛନ୍ତି ବୋଲି ସେ କହିଥିଲେ। ମାତ୍ର ସମୀକ୍ଷକଙ୍କ ମତରେ ଭାଜପାର ଏହି ସମାବେଶ ପରେ ଦଳ ଭିତରେ ଥିବା ଅସନ୍ତୋଷର ଏହା ଏକ ସ୍ପଷ୍ଟ ପ୍ରତିଫଳନ। ସାରଦା ଭାଜପାରେ ଯୋଗଦେବା ପରେ ଦଳର ମୂଳ ସଂଗଠକମାନେ ଅସନ୍ତୁଷ୍ଟ ଅଛନ୍ତି। ସେମାନଙ୍କ ଭବିଷ୍ୟତ ସ୍ଥିତି ପ୍ରଭାବିତ ହେବା ଆଶଙ୍କା କରୁଛନ୍ତି। ଆଗାମୀ ଦିନରେ ଦଳରେ ସେମାନଙ୍କ ଭୂମିକା କ’ଣ ରହିବ ତାହା ଅଧିକ ରାଜନତିକ ଗୁରୁତ୍ୱ ରଖୁଛି ବୋଲି ସମୀକ୍ଷକମାନେ ସିଧାସଳଖ କହିଛନ୍ତି। ଏପରିକି ନୂଆ-ପୁରୁଣା ଭାଜପା ମଧ୍ୟରେ ଆରମ୍ଭ ହୋଇଥିବା ଏଭଳି କନ୍ଦଳ ମାହାଙ୍ଗାରେ ଦଳକୁ ବିଭାଜନ ଆଡ଼କୁ ଟାଣୁଥିବା ନେଇ ଚର୍ଚ୍ଚା ଜୋର ଧରିଛି। ଏଭଳି ଚର୍ଚ୍ଚା ପଛରେ ଅନେକ କାରଣ ମଧ୍ୟ ରହିଛି। ଫେବୃଆରୀ ୨ରେ ସଙ୍କଳ୍ପ ସମାବେଶ ହେବ ବୋଲି ସାରଦାଙ୍କ ଗୋଷ୍ଠୀ ମାହାଙ୍ଗାର ବିଭିନ୍ନ ସ୍ଥାନରେ ବ୍ୟାନର, ତୋରଣରେ ପ୍ରଚାର କରିଥିଲେ। ମାତ୍ର ମୂଳ ଭାଜପା ସଂଗଠକମାନେ ଏହା ସଙ୍କଳ୍ପ ସମାବେଶ ନୁହେଁ, ବରଂ ମିଶ୍ରଣ ପର୍ବ ବୋଲି କହି ସେମାନଙ୍କ ପକ୍ଷରୁ ସମାନ୍ତରାଳଭାବେ ବ୍ୟାନର ଲଗାଇଥିଲେ। ସଙ୍କଳ୍ପ ସମାବେଶ ବ୍ୟାନରରେ ସାରଦାଙ୍କ ଫଟୋ ସହିତ ଦଳର ଛାମୁଆ ନେତାମାନଙ୍କ ଫଟୋ ରହିଥିଲା। ହେଲେ ମିଶ୍ରଣପର୍ବ ସମ୍ପର୍କରେ ଲଗାଯାଇଥିବା ବ୍ୟାନରରେ ସାରଦାଙ୍କ ଫଟୋ ନ ଥିଲା। ଏହାପରେ ଦଳର ରାଜ୍ୟସ୍ତରୀୟ ନେତାମାନେ ଏକ ଖବରଦାତା ସମ୍ମିଳନୀ ଡକାଇ ସଙ୍କଳ୍ପ ନୁହେଁ, ବରଂ ଏହା ମିଶ୍ରଣ ପର୍ବ ବୋଲି କହିଥିଲେ। ହେଲେ ମିଶ୍ରଣ ପର୍ବ ସମାବେଶରେ ଦଳର ମୂଳ ସଂଗଠକମାନଙ୍କୁ କହିବାକୁ ସୁଯୋଗ ମିଳି ନ ଥିଲା। ମାହାଙ୍ଗାରେ ମିଶ୍ରଣ ପର୍ବ ଆୟୋଜନ କରି ଭାଜପା ଶକ୍ତି ବୃଦ୍ଧି କରିଥିବା କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଥିଲେ। ହେଲେ ମିଶ୍ରଣ ପର୍ବକୁ ୨୪ଘଣ୍ଟା ନ ପୁରୁଣୁ ଭାଜପା ନେତାଙ୍କ ଫେସବୁକ ମେସେଜ ଘରେ ନ ପଶୁଣୁ ଚାଳ ବାଜିବା ଭଳି ହୋଇଛି। ବିଶେଷକରି ରାଜ୍ୟର ବିଭିନ୍ନ ସ୍ଥାନରେ ଭାଜପାର ନୂଆ ପୁରୁଣାଙ୍କ ମଧ୍ୟରେ ଯେଭଳି ଲଢେଇ ଚାଲିଛି ତାହାର ପୁନରାବୃତ୍ତି ଏବେ ମାହାଙ୍ଗାରେ ଆରମ୍ଭ ହୋଇଥିବା ସମୀକ୍ଷକମାନେ ମତ ଦେଇଛନ୍ତି। ରେଭେନ୍ସା ବିଶ୍ୱବିଦ୍ୟାଳୟର ରାଜନୀତି ବିଜ୍ଞାନ ବିଭାଗର ଅଧ୍ୟାପକ ଡ. ଓମକାର ରାଉତ କୁହନ୍ତି, ଭାଜପାର ମିଶ୍ରଣପର୍ବ ଆଗାମୀ ଦିନରେ ଦଳ ପାଇଁ ବୁମେରାଂ ସାଜିବ। ଦଳ ଭିତରେ ମତଭେଦ, ଅର୍ନ୍ତଦ୍ୱନ୍ଦ୍ୱ ଏବେ ଧିରେ ଧିରେ ପଦାକୁ ଆସୁଛି। ବିଜେପୁରରେ ଦଳ ନିଜର ମୂଳ ନେତାଙ୍କୁ ଅଣଦେଖା କରିବାରୁ ସେମାନେ ଏବେ ଦଳ ଛାଡିବାରେ ଲାଗିଛନ୍ତି। ସେହିପରି ଯେଉଁମାନେ ବିଜେଡିରୁ ଟିକେଟ ପାଇବାର ଆଶା ହରାଉଛନ୍ତି ଓ କଂଗ୍ରେସରୁ ଟିକେଟ ପାଇଲେ ମଧ୍ୟ ଜିତିବାର ସମ୍ଭାବନା ରଖୁନାହାନ୍ତି ସେମାନେ ଏବେ ଭାଜପାକୁ ବିକଳ୍ପଭାବେ ବାଛୁଛନ୍ତି। ହେଲେ ଏମାନଙ୍କ ଅନୁପ୍ରବେଶ ମୂଳ ସଂଗଠକମାନଙ୍କୁ ଦଳ ଛାଡିବାକୁ ବାଧ୍ୟ କରୁଛି। ଏଭଳି ପ୍ରକ୍ରିୟା ଲାଗି ରହିଲେ ଦଳ ବିଭାଜନ ହେବା ଆଶଙ୍କାକୁ ମଧ୍ୟ ଏଡାଇ ଦେଇ ହେବ ନାହିଁ ବୋଲି ରାଉତ ମତ ଦେଇଛନ୍ତି। ଭାଜପାର କଟକ ଜିଲା ସଭାପତି ଚୌଧୂରୀ ହେମନ୍ତ ସାହୁ କୁହନ୍ତି, ମିଶ୍ରଙ୍କ ମେସେଜ ଦଳ ପାଇଁ ଠିକ୍‌ ନୁହେଁ। ମଁୁ ଭାବୁଛି ଏହା ହୁଏତ ତାଙ୍କର ବ୍ୟକ୍ତିଗତ ମତ ହୋଇଥାଇପାରେ।

ରାଜ୍ୟ |

ସରୁନି ଜଗମୋହନ ମରାମତି: ଦୁଇବର୍ଷ ହେଲା ମହାପ୍ରଭୁଙ୍କୁ ପାଖରୁ ଦେଖିପାରୁନାହାନ୍ତି ଭକ୍ତ

ସରୁନି ଜଗମୋହନ ମରାମତି: ଦୁଇବର୍ଷ ହେଲା ମହାପ୍ରଭୁଙ୍କୁ ପାଖରୁ ଦେଖିପାରୁନାହାନ୍ତି ଭକ୍ତ

ପୁରୀ ଅଫିସ,୧୮ା୨: ଜଗମୋହନ ମରାମତି କାମକୁ ଇତିମଧ୍ୟରେ ଦୁଇବର୍ଷ ଅତିକ୍ରାନ୍ତ ହେଲାଣି। ବିପଦସଙ୍କୁଳ ସ୍ଥିତିରେ ଥିବା ଜଗମୋହନ ସୁରକ୍ଷା ପାଇଁ ପୋର୍ଟାଲ ଫ୍ରେମ୍‌ ଦିଆସରିଲାଣି। ବର୍ତ୍ତମାନ ଜଗମୋହନ ସୁରକ୍ଷିତ ବୋଲି କୁହାଯାଉଛି। ଏହାସତ୍ତ୍ବେ ଜଗମୋହନ କାମ ସରିବାର ନା ଧରୁନି।

୬ ଦାବି ମାନିଲେ ସରକାର: ଓଡ଼ିଶା ସ୍କୁଲ କଲେଜ ଶିକ୍ଷକ ମିଳିତ ମଞ୍ଚର ଆନ୍ଦୋଳନ ସ୍ଥଗିତ

୬ ଦାବି ମାନିଲେ ସରକାର: ଓଡ଼ିଶା ସ୍କୁଲ କଲେଜ ଶିକ୍ଷକ ମିଳିତ ମଞ୍ଚର ଆନ୍ଦୋଳନ ସ୍ଥଗିତ

ଭୁବନେଶ୍ୱର,୧୮।୨ (ବ୍ୟୁରୋ): ଆଉ ୮ଦିନ ପରେ ରାଜ୍ୟରେ ମାଟ୍ରିକ୍‌ ପରୀକ୍ଷା ଆରମ୍ଭ। ପରୀକ୍ଷାକୁ ଦୃଷ୍ଟିରେ ରଖି ସରକାର ଶିକ୍ଷକଙ୍କ ପାଖରେ ନରମିଛନ୍ତି। ଏପରିକି, ରବିବାର ସଚିବାଳୟ ଛୁଟି ଥିଲେ ମଧ୍ୟ ଶିକ୍ଷକଙ୍କ ସହିତ ଆଲୋଚନା ପାଇଁ ଖୋଲାଯାଇଥିଲା। ସକାଳ ୮ଟାରେ ଉଚ୍ଚଶିକ୍ଷା ମନ୍ତ୍ରୀ ଅନନ୍ତ ଦାସ, ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ବଦ୍ରିନାରାୟଣ ପାତ୍ର, ଉଚ୍ଚଶିକ୍ଷା ସଚିବ ଜି.ଭି.ଭି ଶର୍ମା ଏବଂ ବିଦ୍ୟାଳୟ ଓ ଗଣଶିକ୍ଷା ପ୍ରମୁଖ ସଚିବ ପି.କେ ମହାପାତ୍ର ସଚିବାଳୟ ଆସିଥିଲେ। ଓଡ଼ିଶା ସ୍କୁଲ କଲେଜ ଶିକ୍ଷକ କର୍ମଚାରୀ ମିଳିତ ମଞ୍ଚର ୭ ଦଫା ଦାବିପତ୍ର ଉପରେ ସରକାର ଆଲୋଚନା କରି ୭ଦଫା ଦାବି ମଧ୍ୟରୁ ୬ଟି ଦାବିକୁ ପୂରଣ କରିବା ପାଇଁ ପ୍ରତିନିଧି ଦଳଙ୍କୁ ପ୍ରତିଶ୍ରୁତି ଦେଇଛନ୍ତି। ପ୍ରତିଶ୍ରୁତି ପାଇବା ପରେ ମିଳିତ ମଞ୍ଚ ମାର୍ଚ୍ଚ ୮ ତାରିଖ ପର୍ଯ୍ୟନ୍ତ ଆନ୍ଦୋଳନକୁ ସାମୟିକ ଭାବେ ସ୍ଥଗିତ ରଖିଛନ୍ତି ବୋଲି ଓଡ଼ିଶା ସ୍କୁଲ କଲେଜ ଶିକ୍ଷକ କର୍ମଚାରୀ ମିଳିତ ମଞ୍ଚର ଆବାହକ ପବିତ୍ର ମହାଲା କହିଛନ୍ତି। ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ବଦ୍ରିନାରାୟଣ ପାତ୍ର କହିଛନ୍ତି ଯେ, ଶିକ୍ଷକଙ୍କ ଦାବିକୁ ସରକାର ବିଚାର କରୁଛନ୍ତି।

ବିମାନରେ ବାର୍ଡ ହିଟ୍‌ : ବର୍ତ୍ତିଲେ ୧୯୧ଯାତ୍ରୀ

ବିମାନରେ ବାର୍ଡ ହିଟ୍‌ : ବର୍ତ୍ତିଲେ ୧୯୧ଯାତ୍ରୀ

ଭୁବନେଶ୍ୱର, ୧୮।୨(ବ୍ୟୁରୋ)- ଭୁବନେଶ୍ୱର ବିଜୁ ପଟ୍ଟନାୟକ ଅନ୍ତର୍ଜାତୀୟ ବିମାନବନ୍ଦରରେ ରବିବାର ଏକ ଇଣ୍ଡିଗୋ ବିମାନ ବାର୍ଡହିଟ୍‌ର ସମ୍ମୁଖୀନ ହୋଇଛି। ଫଳରେ ବିମାନଟି ଦୁର୍ଘଟଣାରୁ ଅଳ୍ପକେ ବର୍ତ୍ତିଯାଇଛି। ରବିବାର ସନ୍ଧ୍ୟା ୬ଟା ୨୯ରେ ଭୁବନେଶ୍ୱରରୁ ଦିଲ୍ଲୀ ଯିବା ପାଇଁ ଇଣ୍ଡିଗୋ ବିମାନ ୬ଇ୩୧୪ ଏୟାରବସ୍‌ ୩୨୦ ପ୍ରସ୍ତୁତ ହୋଇଥିଲା। ଏଥିରେ ୧୯୧ ଯାତ୍ରୀ ଥିଲେ। ଉଡ଼ାଣ ପୂର୍ବରୁ ବିମାନଟି ରନ୍‌ଓ୍ବେରେ ଚାଲୁଥିବାବେଳେ ସେଥିରେ ଏକ ପକ୍ଷୀ ମାଡ଼ ହୋଇ ରନ୍‌ଓ୍ବେରେ ପଡ଼ିଥିଲା।

କ୍ରମବର୍ଦ୍ଧିଷ୍ଣୁ ଶିଳ୍ପାୟନ ପ୍ରଭାବ: ସଙ୍କୁଚିତ ହେଉଛି ହେନ୍ତାଳ ବଣ

କ୍ରମବର୍ଦ୍ଧିଷ୍ଣୁ ଶିଳ୍ପାୟନ ପ୍ରଭାବ: ସଙ୍କୁଚିତ ହେଉଛି ହେନ୍ତାଳ ବଣ

ପାରାଦୀପ,୧୮ା୨(ସ୍ବ.ପ୍ର): ଉପକୂଳର ସୁରକ୍ଷା କବଚ ହେଉଛି ପ୍ରାକୃତିକ ସବୁଜିମାରେ ପୂର୍ଣ୍ଣ ହେନ୍ତାଳ ବଣ। ତେବେ କ୍ରମବର୍ଦ୍ଧିଷ୍ଣୁ ଶିଳ୍ପାୟନ ପ୍ରଭାବରେ ପାରାଦୀପରେ ଥିବା ଏହି ହେନ୍ତାଳବଣ ଏବେ ସଙ୍କୁଚିତ ହେବାରେ ଲାଗିଛି। ଏକଦା ମହାନଦୀ ମୁହାଣ ଓ ଜଟାଧାର ମୁହାଣ ମଧ୍ୟସ୍ଥଳରେ ଏହି ହେନ୍ତାଳବଣ ଭୁରପୁର ଥିଲା। ଏବେ ଅଠରବାଙ୍କୀରୁ ନେହେରୁ ବଙ୍ଗଳା ପର୍ଯ୍ୟନ୍ତ ଥିବା କାଉଡିଆ ନଦୀ ପାର୍ଶ୍ୱରେ ସେହି ହେନ୍ତାଳ ବଣ କିଛିକାଂଶରେ ସୁରକ୍ଷିତ ଅଛି। ସମ୍ପ୍ରତି ବନ୍ଦର ସମ୍ପ୍ରସାରଣ ପାଇଁ ଏହି ଜଙ୍ଗଲ ଲୀନ ହେବାକୁଯାଉଛି।

ବରଯାତ୍ରୀ ଗାଡ଼ି ଦୁର୍ଘଟଣା: ବର ବାପା, ମାମୁଁ ମୃତ, ବର ସମେତ ୫ଜଣ ଗୁରୁତର

ବରଯାତ୍ରୀ ଗାଡ଼ି ଦୁର୍ଘଟଣା: ବର ବାପା, ମାମୁଁ ମୃତ, ବର ସମେତ ୫ଜଣ ଗୁରୁତର

ଭବାନୀପାଟଣା, ୧୮।୨ (ଡି.ଏନ୍‌.ଏ.)-କଳାହାଣ୍ଡି ଜିଲା ଭବାନୀପାଟଣାରୁ ୧୪ କି.ମି. ଦୂର କର୍ଲାପଡା ଅଭୟାରଣ୍ୟ ଖଇରମାଲ ଗ୍ରାମ ନିକଟରେ ରବିବାର ଭୋର ଏକ ବରଯାତ୍ରୀ ଗାଡ଼ି ଦୁର୍ଘଟଣାଗ୍ରସ୍ତ ହୋଇଛି। ଗାଡ଼ିଟି ଛତିଶଗଡ଼ ରାୟପୁରରୁ ଭବାନୀପାଟଣା ସହରର ଅର୍କାବାହାଲିପଡାକୁ ଆସୁଥିଲା। ଗାଡ଼ିରେ ବସିଥିବା ବର ବାପା, ମାମୁଁଙ୍କର ଘଟଣାସ୍ଥଳରେ ମୃତ୍ୟୁ ଘଟିଛି। ଗାଡ଼ି ଡ୍ରାଇଭର ଓ ବର ସମେତ ୫ଜଣ ଗୁରୁତର ଆହତ ହୋଇଛନ୍ତ। ସେମାନଙ୍କୁ ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି।

ମାର୍ଚ୍ଚ ୯ ଯାଏ ମିଳିତ ଶିକ୍ଷକ ମଞ୍ଚର ଆନ୍ଦୋଳନ ସ୍ଥଗିତ

ମାର୍ଚ୍ଚ ୯ ଯାଏ ମିଳିତ ଶିକ୍ଷକ ମଞ୍ଚର ଆନ୍ଦୋଳନ ସ୍ଥଗିତ

ଭୁବନେଶ୍ୱର, ୧୮।୨(ବ୍ୟୁରୋ): ଦଶଦିନ ଧରି ୭ ଦଫା ଦାବିନେଇ ଓଡ଼ିଶା ସ୍କୁଲ, କଲେଜ ଶିକ୍ଷକ ଓ କର୍ମଚାରୀ ମିଳିତ ମଞ୍ଚ ଆନ୍ଦୋଳନକୁ ଓହ୍ଲାଇଥିଲା। ରବିବାର ସରକାରଙ୍କଠାରୁ ୬ଟି ଦାବି ପୂରଣ କରାଯିବାର ପ୍ରତିଶ୍ରୁତି ମିଳିବା ପରେ ମାର୍ଚ୍ଚ ୯ ତାରିଖ ପର୍ଯ୍ୟନ୍ତ ଆନ୍ଦୋଳନକୁ ସାମୂହିକ ଭାବେ ସ୍ଥଗିତ ରଖିବା ପାଇଁ ମିଳିତ ଶିକ୍ଷକ ମଞ୍ଚ ନିଷ୍ପତ୍ତି ନେଇଛି।

ବାଇକ୍‌ ଉପରେ ଚଢ଼ିଗଲା ଟୁରିଷ୍ଟ ବସ୍‌, ଯୁବକ ମୃତ

ବାଇକ୍‌ ଉପରେ ଚଢ଼ିଗଲା ଟୁରିଷ୍ଟ ବସ୍‌, ଯୁବକ ମୃତ

ପୁରୀ ଅଫିସ/ବ୍ରହ୍ମଗିରି, ୧୮।୨(ଡି.ଏନ୍‌.ଏ.): ପୁରୀ-ବ୍ରହ୍ମଗିରି ଜାତୀୟ ରାଜପଥରେ ରବିବାର ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ଏକ ଟୁରିଷ୍ଟ ବସ୍‌ ବାଇକ୍‌ ଉପରେ ଚଢ଼ିଯିବାରୁ ଘଟଣାସ୍ଥଳରେ ବାଇକ୍‌ ଚାଳକଙ୍କ ମୃତ୍ୟୁ ଘଟିଛି। ମୃତକ ହେଲେ ବାସେଳିସାହି ଥାନା ଅଧୀନ ହାତୀକୁଞ୍ଜ ଲେନ୍‌ର ଦେବାଶିଷ ମହାପାତ୍ର(୩୦)।

କୁନ୍ଦୁଲୀ ଗଣବଳାତ୍କାର ମାମଲା: ଆନ୍ଦୋଳନ କରିବ କଂଗ୍ରେସ

କୁନ୍ଦୁଲୀ ଗଣବଳାତ୍କାର ମାମଲା: ଆନ୍ଦୋଳନ କରିବ କଂଗ୍ରେସ

ଭୁବନେଶ୍ୱର, ୧୮।୨(ବ୍ୟୁରୋ): କୁନ୍ଦୁଲି ଗଣବଳାତ୍କାର ମାମଲାରେ ପୀଡିତାଙ୍କୁ ନ୍ୟାୟ ଦେବାପାଇଁ କଂଗ୍ରେସ ଆନ୍ଦୋଳନ ଜାରି ରଖିବ । କଂଗ୍ରେସ ଭବନଠାରେ ରବିବାର ଆୟୋଜିତ ଖବରଦାତା ସମ୍ମିଳନୀରେ ଦଳର ଏସ୍‌ସି ମୋର୍ଚ୍ଚା ଅଧ୍ୟକ୍ଷ ତଥା ବିଧାୟକ କୃଷ୍ଣଚନ୍ଦ୍ର ଶଗରିଆ ଏହି ସୂଚନା ଦେଇଛନ୍ତି।

ଚିଟ୍‌ଫଣ୍ଡ ମାମଲା: ୩୦ ସଂସ୍ଥାକୁ ନୋଟିସ

କଟକ ଅଫିସ, ୧୭।୨- ଚିଟ୍‌ଫଣ୍ଡ ମାମଲାରେ ଶନିବାର ଜଷ୍ଟିସ୍‌ ମଦନମୋହନ ଦାସ ତଦନ୍ତ କମିଶନ ୩୦ଟି ସଂସ୍ଥାକୁ କ୍ଷୂଦ୍ର ଜମାକାରୀଙ୍କ ସମ୍ପର୍କରେ ପକ୍ଷ ରଖିବା ପାଇଁ ନୋଟିସ ଜାରି କରିଛନ୍ତି। ଉକ୍ତ ସଂସ୍ଥାଗୁଡିକର ପାଖାପାଖି ୩୦ହଜାରରୁ ଊର୍ଦ୍ଧ୍ୱ କ୍ଷୂଦ୍ର ଜମାକାରୀଙ୍କୁ ଚିହ୍ନଟ କରାଯାଇଛି। ଚିହ୍ନଟ ହୋଇଥିବା କ୍ଷୁଦ୍ର ଜମାକାରୀଙ୍କ ମଧ୍ୟରେ ଗ୍ରୀନ୍‌ ରେ’ ଇଣ୍ଟରନ୍ୟାଶନାଲ ପ୍ରାଇଭେଟ ଲିମିଟେଡ୍‌, ଆଇକୋର୍‌ ସର୍ଭିସ ଭଳି ଅନେକ ସଂସ୍ଥା ରହିଛି। ସୂଚନା ଥାଉକି, କମିଶନ ତାଙ୍କର ତଦନ୍ତ ଜାରି ରଖିଛନ୍ତି। ଇତି ମଧ୍ୟରେ ରାଜ୍ୟ ସରକାରଙ୍କୁ ୪ଟି ରିପୋର୍ଟ ପ୍ରଦାନ କରିଛନ୍ତି। ୫ମ ପର୍ଯ୍ୟାୟ ସତ୍ୟପାଠ ଯାଞ୍ଚ କରାଯାଇ କ୍ଷୂଦ୍ର ଜମାକାରୀ(୧୦ହଜାର ଟଙ୍କାରୁ କମ) ଚିହ୍ନଟ ପ୍ରକ୍ରିୟା ଜାରି ରହିଛି।

ନବମ ଶ୍ରେଣୀ ଧନ୍ଦାମୂଳକ ପରୀକ୍ଷା ମାର୍ଚ୍ଚ ୭ରେ: ଅନ୍‌ଲାଇନ୍‌ରେ ଆଡ୍‌ମିଟ୍‌ କାର୍ଡ

ନବମ ଶ୍ରେଣୀ ଧନ୍ଦାମୂଳକ ପରୀକ୍ଷା ମାର୍ଚ୍ଚ ୭ରେ: ଅନ୍‌ଲାଇନ୍‌ରେ ଆଡ୍‌ମିଟ୍‌ କାର୍ଡ

କଟକ ଅଫିସ,୧୭।୨- ନବମ ଶ୍ରେଣୀ ଧନ୍ଦାମୂଳକ ଥିଓରି ପରୀକ୍ଷା ଆସନ୍ତା ମାର୍ଚ୍ଚ ୭ରେ ଅନୁଷ୍ଠିତ ହେବ। ସକାଳ ୯ଟାରୁ ୧୦ଟା ପର୍ଯ୍ୟନ୍ତ ମୋଟ ୬ଟି ଟ୍ରେଡ୍‌ରେ ପରୀକ୍ଷା ହେବ। ସେଗୁଡ଼ିକ ହେଲା ଟ୍ରାଭେଲ ଆଣ୍ଡ୍‌ ଟୁରିଜମ୍‌, ଇନ୍‌ଫରମେଶନ ଟେକ୍ନୋଲୋଜି ଏନାବ୍‌ଲଡ୍‌ ସର୍ଭିସ, ରିଟେଲ ଟ୍ରେଡ୍‌, ବ୍ୟାଙ୍କିଂ ଫାଇନାନ୍‌ସିଆଲ ସର୍ଭିସ ଆଣ୍ଡ୍‌ ଇନ୍‌ସ୍ୟୁରାନ୍ସ, ହେଲ୍‌ଥ କେୟାର, ବିଉଟି ଆଣ୍ଡ୍‌ ୱେଲନେସ୍‌। ରାଜ୍ୟର ୩୧୩ଟି ହାଇସ୍କୁଲର ଛାତ୍ରୀଛାତ୍ର ୩୧୧ଟି କେନ୍ଦ୍ରରେ ପରୀକ୍ଷା ଦେବେ। ସେହିପରି ପ୍ରାକ୍ଟିକାଲ ପରୀକ୍ଷା ଏପ୍ରିଲ ଦ୍ୱିତୀୟ ସପ୍ତାହରେ ହେବ। ଏଥିପାଇଁ ପରୀକ୍ଷାର୍ଥୀଙ୍କ ଆଡ୍‌ମିଟ୍‌ କାର୍ଡ ଶନିବାରଠାରୁ ଅନ୍‌ଲାଇନ୍‌ରେ ଉପଲବ୍ଧ ହୋଇଛି। ମାଧ୍ୟମିକ ଶିକ୍ଷା ପରିଷଦ (ବୋର୍ଡ)ର ୱେବ୍‌ସାଇଟ୍‌ (www.bseodisha.ac.in)ରେ ହାଇସ୍କୁଲ ମୁଖ୍ୟମାନେ ସ୍କୁଲ କୋଡ୍‌ ଓ ପାସ୍‌ୱାର୍ଡ ପ୍ରଦାନ କରି ପରୀକ୍ଷାର୍ଥୀଙ୍କ ଆଡ୍‌ମିଟ୍‌ କାର୍ଡ ଡାଉନଲୋଡ୍‌ କରିପାରିବେ ବୋଲି ବୋର୍ଡର ପରୀକ୍ଷା ନିୟନ୍ତ୍ରକ ଡ. ନୀହାର ରଞ୍ଜନ ମହାନ୍ତି ସୂଚନା ଦେଇଛନ୍ତି।

ସାରଥିଙ୍କ ବିରୋଧରେ ଇଡ଼ିର ମାମଲା: ଆଗୁଆ ଜାମିନ ପାଇଁ ହାଇକୋର୍ଟଙ୍କ ଦ୍ୱାରସ୍ଥ

ସାରଥିଙ୍କ ବିରୋଧରେ ଇଡ଼ିର ମାମଲା: ଆଗୁଆ ଜାମିନ ପାଇଁ ହାଇକୋର୍ଟଙ୍କ ଦ୍ୱାରସ୍ଥ

କଟକ ଅଫିସ, ୧୭।୨- ସାରଥି ଓରଫ ସନ୍ତୋଷ ରାଉଳଙ୍କ ବିରୋଧରେ ପ୍ରବର୍ତ୍ତନ ନିର୍ଦ୍ଦେଶାଳୟ(ଇଡି) ପକ୍ଷରୁ ଏକ ମାମଲା ରୁଜୁ କରାଯାଇଛି। ଏହି ମାମଲାରେ ଆଗୁଆ ଜାମିନ ପାଇଁ ସାରଥି ହାଇକୋର୍ଟଙ୍କ ଦ୍ୱାରସ୍ଥ ହୋଇଛନ୍ତି।

ସରକାରୀ ଅର୍ଥ ହେରଫେର: ପୂର୍ବତନ ବିଡିଓଙ୍କ ସମେତ ୩ ଦଣ୍ଡିତ

କଟକ ଅଫିସ, ୧୭।୨-ସରକାରୀ ଅର୍ଥ ହେରଫେର ମାମଲାରେ ଭିଜିଲାନ୍ସ ଅଦାଲତରେ ଦଣ୍ଡିତ ହୋଇଛନ୍ତି ନୂଆପଡା ଜିଲା ସିନାପାଲି ବ୍ଲକର ପୂର୍ବତନ ବିଡିଓ ସୁନୀଲ କୁମାର ସାହୁ। ଉକ୍ତ ମାମଲାରେ ବିଡିଓ ସାହୁଙ୍କ ସମେତ ବ୍ଲକର ତତ୍କାଳୀନ କିରାଣୀ ଦିବାକର ଦୁର୍ଗା ଓ ଖରିଆରରୋଡଠାରେ ଥିବା ଏକ ଘରୋଇ ସଂସ୍ଥାର ମାଲିକ ତାରା ଚାନ୍ଦ ଅଗ୍ରୱାଲଙ୍କୁ ମଧ୍ୟ ଦଣ୍ଡିତ କରାଯାଇଛି।