ରାଜ୍ୟ |

ଓଲିଉଡ୍‌ ସିନେମା ସାର୍ଟିଫିକେଶନ୍‌: ସ୍କ୍ରିନିଂ କରୁଛନ୍ତି ଅଣଓଡ଼ିଆ ଅଧିକାରୀ

ଓଲିଉଡ୍‌ ସିନେମା ସାର୍ଟିଫିକେଶନ୍‌: ସ୍କ୍ରିନିଂ କରୁଛନ୍ତି ଅଣଓଡ଼ିଆ ଅଧିକାରୀ

କଟକ ଅଫିସ, ୩।୨- ୪ ଦିନରେ ୪ ଓଡ଼ିଆ ସିନେମାର ସ୍କ୍ରିନିଂ। କଟକସ୍ଥିତ ସେଣ୍ଟ୍ରାଲ ବୋର୍ଡ ଅଫ୍‌ ଫିଲ୍ମ ସାର୍ଟିଫିକେଶନ (ସିବିଏଫ୍‌ସି)ରେ ପୂର୍ବରୁ କେବେ ଏତେ ଶୀଘ୍ର ଏପରି ଫିଲ୍ମ ସାର୍ଟିଫିକେଶନ କରାଯାଇ ନ ଥିବା ଜଣାଯାଏ। ତେବେ କେହି ଆଞ୍ଚଳିକ ଅଧିକାରୀ ନ ଥିବାରୁ ୨ ମାସରୁ ଊର୍ଦ୍ଧ୍ୱ ସମୟ ଧରି ନିରବୀ ଯାଇଥିବା ସିବିଏଫ୍‌ସିର ଚଳଚ୍ଚିତ୍ର ଭବନ ଜାନୁୟାରୀର ଶେଷ ଆଡ଼କୁ ହଠାତ୍‌ ଚଳଚଞ୍ଚଳ ହୋଇଉଠିବା ଏବେ ଚର୍ଚ୍ଚିତ ପ୍ରସଙ୍ଗ ହୋଇଛି। ସିବିଏଫ୍‌ସିର ଆଞ୍ଚଳିକ ଅଧିକାରୀ ଭାବେ କଲିକତା ସିବିଏଫ୍‌ସିର ଆଞ୍ଚଳିକ ଅଧିକାରୀ ସମ୍ରାଟ ବନ୍ଦୋପାଧ୍ୟାୟ ଅସ୍ଥାୟୀ ଦାୟିତ୍ୱ ନେଇଛନ୍ତି। ତେବେ ଓଡ଼ିଆ ଫିଲ୍ମକୁ ସାର୍ଟିଫିକେଟ ପ୍ରଦାନ ଦାୟିତ୍ୱ ଜଣେ ଅଣଓଡ଼ିଆ ଅଧିକାରୀଙ୍କ ଉପରେ ନ୍ୟସ୍ତ କରାଯିବାକୁ ସହଜରେ ଗ୍ରହଣ କରିପାରୁନାହାନ୍ତି ସିନେପ୍ରେମୀ। ଏହା ସରକାରଙ୍କ ବେପରୁଆ ମନୋଭାବ ଓ ଓଲିଓଡ୍‌ ଶିଳ୍ପ ପ୍ରତି ବେଖାତିର ବୋଲି ସେମାନେ କହିଛନ୍ତି।
ପ୍ରତ୍ୟେକ ସିନେମାର ପ୍ରଦର୍ଶନ ପାଇଁ ପ୍ରଯୋଜକଙ୍କୁ ଏକ ସେନ୍‌ସର ବୋର୍ଡ ସାର୍ଟିଫିକେଟ ହାସଲ କରିବାକୁ ପଡ଼ିଥାଏ। ଓଲିଉଡ୍‌ ଇଣ୍ଡଷ୍ଟ୍ରିକୁ କଟକସ୍ଥିତ ସେଣ୍ଟ୍ରାଲ ବୋର୍ଡ ଅଫ୍‌ ଫିଲ୍ମ ସାର୍ଟିଫିକେଶନ (ସିବିଏଫ୍‌ସି) ଏହି ସାର୍ଟିଫିକେଟ ପ୍ରଦାନ କରିଥାନ୍ତି। କେହି ଚାହିଁଲେ ସିବିଏଫ୍‌ସିର ବମ୍ବେ ମୁଖ୍ୟାଳୟରୁ ମଧ୍ୟ ସ୍କ୍ରିନିଂ କରାଇ ସେନ୍‌ସର ସାର୍ଟିଫିକେଟ ହାସଲ କରିପାରିବେ। ମାତ୍ର ବମ୍ବେଠାରେ କରାଇବା ବ୍ୟୟ ବହୁଳ ହୋଇଥିବାରୁ କଟକ ହିଁ ଉପଯୁକ୍ତ ହୋଇଥାଏ। ସିନେମାକୁ ସେନ୍‌ସର ସାର୍ଟିଫିକେଟ ପ୍ରଦାନ କ୍ଷେତ୍ରରେ ସେନ୍‌ସର ବୋର୍ଡର ମୁଖ୍ୟ ଭାବେ ଆଞ୍ଚଳିକ ଅଧିକାରୀଙ୍କ ଗୁରୁତ୍ୱପୂର୍ଣ୍ଣ ଭୂମିକା ରହିଛି। ସିବିଏଫ୍‌ସିର କଟକ ଆଞ୍ଚଳିକ ଅଧିକାରୀ ପ୍ରସନ୍ନ କୁମାର ଦାସଙ୍କ ଅନ୍ୟତ୍ର ବଦଳି ହୋଇଯିବାରୁ ଗତ ନଭେମ୍ବର ୨୩ ତାରିଖରୁ ଏହି ପଦ ଖାଲି ପଡ଼ିଥିଲା। ଫଳରେ କେତେଜଣ ପ୍ରଯୋଜକ ଅନ୍ୟ ଉପାୟ ନ ପାଇ ଫିଲ୍ମ ସାର୍ଟିଫିକେଶନ ପାଇଁ ବମ୍ବେ ଯିବାକୁ ବାଧ୍ୟ ହୋଇଥିଲେ। ଚଳଚ୍ଚିତ୍ର ଭବନରେ ଏଭଳି ଅବସ୍ଥାକୁ ନେଇ ଚଳଚ୍ଚିତ୍ର ଶିଳ୍ପ ସହ ଯୋଡିହୋଇଥିବା ପ୍ରଯୋଜକ, ନିର୍ଦ୍ଦେଶକମାନେ ବମ୍ବେ ମୁଖ୍ୟାଳୟକୁ ଅନେକ ଅଭିଯୋଗ, ଦାବି ସମ୍ବଳିତ ପତ୍ର ପ୍ରେରଣ କରିଛନ୍ତି। ହେଲେ କିଛି ଲାଭ ହୋଇ ନ ଥିଲା। ଫଳରେ ଆଞ୍ଚଳିକ ଅଧିକାରୀଙ୍କ ଅନୁପସ୍ଥିତିରେ ବମ୍ବେରେ ୫ଟି ସିନେମାର ସାର୍ଟିଫିକେଶନ କରାଯାଇଥିଲା। ସେଥିମଧ୍ୟରୁ ଲୈଲା ଓ ଲୈଲା କମର୍ସିଆଲ ହୋଇଥିବାବେଳେ ସପନଟିଏ- ଏ ଡ୍ରିମ୍‌, କ୍ଷଣିକା- ଦି ଲଷ୍ଟ୍‌ ଆଇଡିଆ, ଦୃଷ୍ଟାନ୍ତ ଏବଂ ହ୍ୟାଲୋ ଆସି ନାମକ ୪ଟି ପ୍ରାମାଣିକ ଚଳଚ୍ଚିତ୍ର। ଆଉ କେତେଜଣ ପ୍ରଯୋଜକ ମଧ୍ୟ ଅପେକ୍ଷାରେ ଥିଲେ। ଜାନୁୟାରୀ ୨୯ରେ ସିବିଏଫ୍‌ସିର ଆଞ୍ଚଳିକ ଅଧିକାରୀ ଭାବେ ଅତିରିକ୍ତ ଦାୟିତ୍ୱ ନେଇ ଯୋଗଦେଇଥିଲେ ସମ୍ରାଟ ବନ୍ଦୋପାଧ୍ୟାୟ। ସେ ପଡ଼ି ରହିଥିବା ସିନେମାଗୁଡ଼ିକୁ ସାର୍ଟିଫିକେଶନ କରାଇବାକୁ ତୁରନ୍ତ ପଦକ୍ଷେପ ନେଇଥିଲେ। ପ୍ରତି ସିନେମାର ସାର୍ଟିଫିକେଶନ ପାଇଁ ଆଞ୍ଚଳିକ ଅଧିକାରୀଙ୍କ ନେତୃତ୍ୱରେ କେତେଜଣ ପ୍ୟାନେଲ ମେମ୍ବର ସିନେମା ସ୍କ୍ରିନିଂ କରିଥାନ୍ତି, ଯାହାକୁ ସେନ୍‌ସର ବୋର୍ଡ ବୋଲି କୁହାଯାଏ। ସିବିଏଫ୍‌ସି କଟକରେ ୧୦ ଜଣ ପ୍ୟାନାଲ ମେମ୍ବର ଅଛନ୍ତି। ତେବେ କାହାକୁ କେଉଁ ସିନେମାରେ ପ୍ୟାନେଲ ମେମ୍ବର କରାଇବେ ତାହା ଆଞ୍ଚଳିକ ଅଧିକାରୀଙ୍କ ଉପରେ ନିର୍ଭର କରେ। ସିନେମାର କେଉଁ ଦୃଶ୍ୟକୁ କଟାଯିବ, କେଉଁ ସଂଳାପ ବାଦ ଦିଆଯିବ ତାହା ସେନ୍‌ସର୍‌ ବୋର୍ଡ ହିଁ ସ୍ଥିର କରିଥାଏ। ସାର୍ଟିଫିକେଶନ ପାଇଁ ଆବେଦନଠାରୁ ସାର୍ଟିଫିକେଟ ହାସଲ କରିବା ଯାଏ ୬୮ ଦିନ ସମୟ ରହିଛି। ଆବଶ୍ୟକ କାଗଜପତ୍ର ଠିକ୍‌ ଥିଲେ ଏହା ୧୦ ଦିନ ମଧ୍ୟରେ ବି ହୋଇଯାଇଥାଏ। ତେବେ ସିବିଏଫ୍‌ସରେ ଜାନୁୟାରୀ ୩୦ରୁ ଫେବୃୟାରୀ ୨ ମଧ୍ୟରେ ଅନ୍‌ଲାଇନ୍‌ ଅପଲୋଡ୍‌, ସ୍କ୍ରିନିଂ ସାର୍ଟିଫିକେଟ ପ୍ରସ୍ତୁତି ସମସ୍ତ କାର୍ଯ୍ୟ ସମାପନ ହୋଇଥିଲା। ୩୦ ତାରିଖ ଗୋଟିଏ ଦିନରେ ୩ଟି ଫିଲ୍ମ ଓ ପରଦିନ ଆଉ ଗୋଟିଏ ସିନେମାର ସ୍କ୍ରିନିଂ କରାଗଲା। ସେଗୁଡ଼ିକ ହେଲା ଦୀପୁ- ଦି ଡ୍ୟାନ୍ସ ବୟ, ହତ୍ୟା, ଗୁଡୁ ଆଣ୍ଡ ଗୁଡି, ମନର ମାନସୀ। ୫ମ ସିନେମା ‘ରହସ୍ୟ’ ସାର୍ଟିଫିକେଶନ ପ୍ରକ୍ରିୟାରେ ରହିଛି। ଅନ୍ୟ ଏକ ଗୁରୁତ୍ୱପୂର୍ଣ୍ଣ କଥା ହେଲା ଏଗୁଡ଼ିକ କମର୍ସିଆଲ ସିନେମା। ଅସ୍ଥାୟୀ ଦାୟିତ୍ୱରେ ଥିବା ବନ୍ଦୋପାଧ୍ୟାୟ ଏଠାରେ ତୁରନ୍ତ କାର୍ଯ୍ୟ ସାରି କଲିକତାସ୍ଥିତ ସିବିଏଫ୍‌ସକୁ ପ୍ରତ୍ୟାବର୍ତ୍ତନ କରିବେ। ତେଣୁ ଫିଲ୍ମଗୁଡିକର ଠିକ୍‌ ସାର୍ଟିଫିକେଟଶନ ହୋଇ ନ ଥିବା ଅଭିଯୋଗ ଉଠୁଛି।
ଶନିବାର ସାର୍ଟିଫିକେଟ ନେବାକୁ ଆସିଥିବା ହତ୍ୟା ସିନେମାର ପ୍ରଯୋଜକ ଶରତ ଚନ୍ଦ୍ର ପଟ୍ଟନାୟକ କୁହନ୍ତି, ଏତେ ଦିନ ଧରି ଏପରି ଏକ ଗୁରୁତ୍ୱପୂର୍ଣ୍ଣ ପଦବୀ ଖାଲି ରହିବା କଥା ନୁହେଁ। ପ୍ରଯୋଜକମାନେ ବହୁ କଷ୍ଟରେ ଅର୍ଥ ବ୍ୟୟ କରି ସିନେମାଟିଏ କରୁଛନ୍ତି। ସାର୍ଟିଫିକେଟ ହାସଲ କରିବା ପାଇଁ ଏତେ ଦିନ ଅପେକ୍ଷା କରିବା ସମ୍ଭବ ନୁହେଁ। ପୁଣି ବମ୍ବେ ଯାଇ ସାର୍ଟିଫିକେଶନ କରାଇବା ବ୍ୟୟ ବହୁଳ ମଧ୍ୟ। ତେଣୁ ଜଣେ ଓଡ଼ିଆ ଅଧିକାରୀଙ୍କୁ ସ୍ଥାୟୀ ଭାବେ ନିଯୁକ୍ତି ଦିଆଯିବା କଥା। ଆଞ୍ଚଳିକ ଅଧିକାରୀ ସମ୍ରାଟ ବନ୍ଦୋପାଧ୍ୟାୟ କୁହନ୍ତି, ମୁଁ ଭଲ ଓଡ଼ିଆ କହି ନ ପାରିଲେ ବି ବୁଝିପାରିବି। ଏଥିସହ ଓଡ଼ିଆ ପ୍ୟାନେଲ ମେମ୍ବରମାନେ ତ ଅଛନ୍ତି, ତେଣୁ ସ୍କ୍ରିନିଂରେ ଅସୁବିଧା ନାହିଁ। ପୂର୍ବରୁ କଲିକତା ସିବିଏଫ୍‌ସିରେ ୮ ଦିନ ମଧ୍ୟରେ ୩୩ଟି ଫିଲ୍ମକୁ ସେନ୍‌ସର ସାର୍ଟିଫିକେଟ ପ୍ରଦାନ କରିଛି। ତେଣୁ ଏଠାରେ କରିବାରେ କିଛି ଅସୁବିଧା ନାହିଁ।

All Right Reserved By
I&PR

Model This Week

ସନ୍ତୋଷ

ରାଜ୍ୟ |

ପୋଲ ତଳକୁ ଖସିଲା ଟ୍ରକ୍‌, ଜଣେ ମୃତ

ପୋଲ ତଳକୁ ଖସିଲା ଟ୍ରକ୍‌, ଜଣେ ମୃତ

ଆନନ୍ଦପୁର, ୨୩।୫(ସ୍ବ.ପ୍ର.): ଘସିପୁରା ଥାନା ବେଲବାହାଳି ସେତୁ ତଳକୁ ବୁଧବାର ଏକ ଦଶଚକିଆ ଟ୍ରକ୍‌ ଖସି ପଡିବାରୁ ଚାଳକ ଗୁରୁତର ଆହତ ହୋଇଥିବା ବେଳେ ହେଲପର୍‌ଙ୍କ ମୃତ୍ୟୁ ଘଟିଛି। (ଓଆର୦୪ଜି-୯୬୩୬) ନମ୍ବର ଏକ ଦଶଚକିଆ ଭାରିଯାନ ଯାଜପୁରରୁ କେନ୍ଦୁଝର ଅଭିମୁଖେ ଯାଉଥିବା ବେଳେ ବେଲବାହାଳିଠାରେ ଥିବା ବ୍ରିଟିଶ୍‌ ଅମଳର ପୋଲ ଉପରୁ ଭାରସାମ୍ୟ ହରାଇ ୫୦ ଫୁଟ ତଳକୁ ଖସି ପଡିଥିଲା।

ଜୁନ୍‌ ୨୨ରୁ ମାଟ୍ରିକ ସପ୍ଲିମେଣ୍ଟାରୀ: ବୁଧବାରଠାରୁ ଅନ୍‌ଲାଇନ୍‌ ଫର୍ମ ପୂରଣ

ଜୁନ୍‌ ୨୨ରୁ ମାଟ୍ରିକ ସପ୍ଲିମେଣ୍ଟାରୀ: ବୁଧବାରଠାରୁ ଅନ୍‌ଲାଇନ୍‌ ଫର୍ମ ପୂରଣ

କଟକ ଅଫିସ, ୨୩ା୫: ଚଳିତ ମାଟ୍ରିକ ସପ୍ଲିମେଣ୍ଟାରୀ ପରୀକ୍ଷା ଆସନ୍ତା ଜୁନ୍‌ ୨୨ ତାରିଖରୁ ୨୬ ତାରିଖ ଯାଏ ଅନୁଷ୍ଠିତ ହେବ। ପ୍ରତିଦିନ ସକାଳ ୮ଟାରୁ ୧୧.୩୦ ମିନିଟ ଯାଏ ପରୀକ୍ଷା ହେବ। କେବଳ ଗଣିତରେ ଅଧିକ ୧୫ ମିନିଟ୍‌ ସମୟ ଦିଆଯିବ। ଏଥର ତୃତୀୟ ଭାଷା ହିନ୍ଦୀ ଓ ସଂସ୍କୃତ ଦୁଇଟି ପରୀକ୍ଷା ଅଲଗା ଅଲଗା ଦିନରେ କରାଯିବାକୁ ସ୍ଥିର ହୋଇଛି।

ଆମ ଗାଁ, ଆମ ବିକାଶ କାର୍ଯ୍ୟକ୍ରମ:  ୧୦୮ ପଞ୍ଚାୟତ ପାଇଁ ୨୯.୫୦ କୋଟି ମଞ୍ଜୁରୀ

ଆମ ଗାଁ, ଆମ ବିକାଶ କାର୍ଯ୍ୟକ୍ରମ: ୧୦୮ ପଞ୍ଚାୟତ ପାଇଁ ୨୯.୫୦ କୋଟି ମଞ୍ଜୁରୀ

ଭୁବନେଶ୍ୱର, ୨୩।୫(ବ୍ୟୁରୋ): ବୁଧବାରଠାରୁ ବ୍ଲକସ୍ତରରେ ଆମ ଗାଁ, ଆମ ବିକାଶ କାର୍ଯ୍ୟକ୍ରମ ଆରମ୍ଭ ହୋଇଛି। ୪ ବ୍ଲକର ୧୦୮ ପଞ୍ଚାୟତ ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ୨୯.୫୦ କୋଟି ଟଙ୍କା ମଞ୍ଜୁର କରିଛନ୍ତି। ଗଞ୍ଜାମ ଜିଲା ରଙ୍ଗେଇଲୁଣ୍ଡା ବ୍ଲକର ୩୨ ପଞ୍ଚାୟତ ପାଇଁ ୮.୧୨ କୋଟି, କୋରାପୁଟ ଲମତାପୁଟ ବ୍ଲକର ୧୫ ପଞ୍ଚାୟତ ପାଇଁ ୪.୩୮ କୋଟି, ଭଦ୍ରକ ଚାନ୍ଦବାଲି ବ୍ଲକର ୩୬ ପଞ୍ଚାୟତ ପାଇଁ ୯ କୋଟି ଏବଂ ଯାଜପୁର ଜିଲା ସଦର ବ୍ଲକର ୨୫ ପଞ୍ଚାୟତ ପାଇଁ ୮ କୋଟି ଟଙ୍କାର ପ୍ରକଳ୍ପକୁ ମଞ୍ଜୁରୀ କରିଛନ୍ତି।

ବାସୁଙ୍ଗାପାଟ ଅନୁଧ୍ୟାନ ପାଇଁ ଗଲେ ଦଇତା

ବାସୁଙ୍ଗାପାଟ ଅନୁଧ୍ୟାନ ପାଇଁ ଗଲେ ଦଇତା

ପୁରୀ ଅଫିସ,୨୩ା୫: ଅଣସର ସମୟରେ ମହାପ୍ରଭୁଙ୍କ ଗୁପ୍ତନୀତି ପାଇଁ ଆବଶ୍ୟକ ପଡ଼େ ବାସୁଙ୍ଗାପାଟ। ଆଗକୁ ଅଣସର ଆସୁଥିବାରୁ ଏ ଦିଗରେ ତତ୍ପରତା ପ୍ରକାଶ କରିଛି ଶ୍ରୀମନ୍ଦିର ପ୍ରଶାସନ। ଏଥିପାଇଁ ବୁଧବାର ଦଇତାପତିଙ୍କ ଏକ ଟିମ୍‌ ବାସୁଙ୍ଗାପାଟ ଅନୁଧ୍ୟାନ ଲାଗି କଟକ ତିଗିରିଆର ନୂଆପାଟଣା ଗସ୍ତ କରିଛି।

ବିଷ ପିଇ ଯୁବତୀଙ୍କ ଆତ୍ମହତ୍ୟା

ବିଷ ପିଇ ଯୁବତୀଙ୍କ ଆତ୍ମହତ୍ୟା

ବୁର୍ଲା, ୨୩।୫ (ଡି.ଏନ.ଏ)-କୌଣସି କାରଣ ନେଇ ଜଣେ ଯୁବତୀ ବିଷ ପିଇ ଆତ୍ମହତ୍ୟା ଉଦ୍ୟମ କରିଥିଲେ। ବୁର୍ଲା ଭିମସାର ମେଡିକାଲରେ ଚିକିତ୍ସାଧୀନ ଅବସ୍ଥାରେ ତାଙ୍କର ବୁଧବାର ମୃତ୍ୟୁ ଘଟିଛି। ମୃତ ଯୁବତୀ ଜଣକ ହେଲେ ବୌଦ୍ଧ ଜିଲା ପୁରୁଣାକଟକ ଥାନା ଅନ୍ତର୍ଗତ ଜାମପଦର ଗ୍ରାମର ସନାତନ ପ୍ରଧାନଙ୍କ ଝିଅ ସୁପ୍ରିୟା ପ୍ରଧାନ (୧୯)। ମେଡିକାଲ ଫାଣ୍ଡି ପୋଲିସ ମୃତଦେହକୁ ଜବତ କରି ଏକ ଅପମୃତ୍ୟୁ ମାମଲା ରୁଜୁ କରିଛି।

ବସ୍‌-ବାଇକ୍‌ ମୁହିଁମୁହିଁ ଧକ୍କା, ୨ ବାଇକ୍‌ ଆରୋହୀଙ୍କ ଘଟଣାସ୍ଥଳରେ ମୃତ୍ୟୁ

ବସ୍‌-ବାଇକ୍‌ ମୁହିଁମୁହିଁ ଧକ୍କା, ୨ ବାଇକ୍‌ ଆରୋହୀଙ୍କ ଘଟଣାସ୍ଥଳରେ ମୃତ୍ୟୁ

ସୁନ୍ଦରଗଡ଼, ୨୩।୫(ଡି.ଏନ.ଏ.)-ସମ୍ବଲପୁର-ରାଉରକେଲା ବିଜୁ ଏକ୍ତସପ୍ରେସ ଓ୍ବେର ସୁନ୍ଦରଗଡ଼ ଉପକଣ୍ଠ ଜଗତଗଡ଼ଠାରେ ବୁଧବାର ଅପରାହ୍ନ ସାଢେ ୩ଟାରେ ଏକ ମର୍ମନ୍ତୁଦ ଦୁର୍ଘଟଣା ଘଟିଛି। ଗୋଟିଏ ଯାତ୍ରୀବାହୀ ବସ୍‌ ଏବଂ ଏକ ବାଇକ୍‌ ମଧ୍ୟରେ ମୁହାଁମୁହିଁ ଧକ୍କା ହୋଇଛି।

ରାଜଧାନୀରେ କାଳବୈଶାଖୀ ତାଣ୍ଡବ: ଛେଚିଲା ୨ଘଣ୍ଟା

ରାଜଧାନୀରେ କାଳବୈଶାଖୀ ତାଣ୍ଡବ: ଛେଚିଲା ୨ଘଣ୍ଟା

ଭୁବନେଶ୍ୱର, ୨୩।୫(ବ୍ୟୁରୋ): ପ୍ରବଳ ବିଜୁଳି ଓ ଘଡ଼ଘଡ଼ିରେ ବୁଧବାର ଥରିଉଠିଲା ରାଜଧାନୀ। ସକାଳ ୫ଟାରୁ ଘୋଟି ଆସିଲା କଳାହାଣ୍ଡିଆ ମେଘ। ପୂର୍ବାହ୍ନ ୮ଟାରୁ ପ୍ରବଳ ବର୍ଷାରେ ଉବୁଟୁବୁ ହେଲା ରାଜଧାନୀ। ୨ ଘଣ୍ଟାରୁ ଊର୍ଦ୍ଧ୍ୱ କାଳ ମୂଷଳ ଧାରାରେ ବର୍ଷିଲା। ଆଚାର୍ଯ୍ୟବିହାର, କଟକରୋଡ, ନୟାପଲ୍ଲୀ ବେହେରା ସାହି, ପୁରୁଣା ଭୁବନେଶ୍ୱର ଏବଂ ରାଜଧାନୀର ତଳି ଅଞ୍ଚଳ ନିମିଷକ ମଧ୍ୟରେ ଜଳାର୍ଣ୍ଣବ ହୋଇଗଲା।

ବଜ୍ରପାତ ଯୋଗୁ ଅଗ୍ନିକାଣ୍ଡ: ଜଳିଗଲା ୪ ବଖରା

ବଜ୍ରପାତ ଯୋଗୁ ଅଗ୍ନିକାଣ୍ଡ: ଜଳିଗଲା ୪ ବଖରା

ହାଟଡିହୀ,୨୩।୫(ଡି.ଏନ୍‌.ଏ.): କେନ୍ଦୁଝର ଜିଲା ହାଟଡିହୀ ବ୍ଲକ ଝଣଝଣା ଗ୍ରାମରେ ବଜ୍ରପାତ ଯୋଗୁ ଅଗ୍ନିକାଣ୍ଡ ଘଟି ଗ୍ରାମର ମୁରଲୀ ବେହେରା ଏବଂ ସାଗର ବେହେରାଙ୍କର ୪ ବଖରା ଘର ସମ୍ପୂର୍ଣ୍ଣ ଧ୍ୱଂସ ହୋଇଯାଇଛି। ଏଥିରେ ସାଗରଙ୍କ ସ୍ତ୍ରୀ ପୂର୍ଣ୍ଣିମାଙ୍କ ଦେହରେ ନିଆଁ ଲାଗିଯିବାରୁ ସେ ଗୁରୁତର ଆହତ ହୋଇଛନ୍ତି। ତାଙ୍କୁ ଆନନ୍ଦପୁର ଡାକ୍ତରଖାନାରେ ଭର୍ତ୍ତି କରାଯାଇଛି। ଏଥିସହ ଗୁହାଳରେ ବନ୍ଧା ହୋଇଥିବା ୨ଟି ଗାଈଙ୍କ ମୃତ୍ୟୁ ହୋଇଛି।

ଭାରତୀୟ ଗ୍ରାମୀଣ ଡାକସେବକ ସଂଘର ଆନ୍ଦୋଳନ

ଭାରତୀୟ ଗ୍ରାମୀଣ ଡାକସେବକ ସଂଘର ଆନ୍ଦୋଳନ

ଭଟଲି,୨୩।୫(ଡି.ଏନ.ଏ)- ବରଗଡ଼ ଜିଲା ଭଟଲି ଉପ ଡାକଘର ସମ୍ମୁଖରେ ଗ୍ରାମୀଣ ଡାକ ସେବକମାନେ ବୁଧବାରଠାରୁ ଅନିର୍ଦ୍ଧିଷ୍ଟକାଳ ଧର୍ମଘଟ ଆରମ୍ଭ କରିଛନ୍ତି। ଅଖିଳ ଭାରତୀୟ ଗ୍ରାମୀଣ ଡାକସେବକ ସଂଘର ଆହ୍ବାନ କ୍ରମେ ଏହି ଧର୍ମଘଟରେ ମୂଲବାର ବିପିଏମ୍‌ ରାଜାମାଣିକେଶ୍ୱର ସେଠ୍‌, ନୂଆଁଗଡ଼ ବିପିଏମ୍‌ ବିଜୟ ଭୁଏ, କନକବିରା ବିପିଏମ୍‌ ସୋନିଆଁ ପ୍ରଧାନ, ବି.ବଡ଼ମାଲ ବିପିଏମ୍‌ କୁମୁଦ ଚରଣ ସାହୁ, ଚଢ଼େଇଗାଁ ବିପିଏମ୍‌ ବଳରାମ ଦାଶ, ଗୋପାଲପୁର ବିପିଏମ୍‌ ପଞ୍ଚାନନ ସାହୁ, ରାଉତପଡ଼ା ବିପିଏମ୍‌ ଅଶୋକ କୁମାର ବାରିକ, ଭଟଲିର ପେକର ରୁଦ୍ରଦେବ ସାହୁ, କନକବିରା ଏମ୍‌ସି ଶିଶୁପାଲ ପଟେଲ ସାମିଲ ଥିଲେ।

ପ୍ରତିଶ୍ରୁତି ପରେ ଅନଶନରୁ ଓହରିଲେ ଭରତାପୁର ପଞ୍ଚାୟତର ଜନପ୍ରତିନିଧି

ପ୍ରତିଶ୍ରୁତି ପରେ ଅନଶନରୁ ଓହରିଲେ ଭରତାପୁର ପଞ୍ଚାୟତର ଜନପ୍ରତିନିଧି

ରେଢ଼ାଖୋଲ,୨୩।୫(ଡି.ଏନ.ଏ.)-ସମ୍ବଲପୁର ଜିଲା ରେଢ଼ାଖୋଲ ବ୍ଲକ ଭରତାପୁର ପଞ୍ଚାୟତର ୮ଦଫା ଦାବି ପୂରଣ ନେଇ ବୁଧବାର ସକାଳ ୮ଟାରେ ସରପଞ୍ଚ ଦୁଃଖବନ୍ଧୁ ପ୍ରଧାନଙ୍କ ନେତୃତ୍ୱରେ ସମସ୍ତ ନିର୍ବାଚିତ ଜନ ପ୍ରତିନିଧି ଓ ଜନସାଧାରଣ ଉପଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ରିଲେ ଅନଶନରେ ବସିଥିଲେ। ଦାବି ପୂରଣ ହେବା ପର୍ଯ୍ୟନ୍ତ ଅନିର୍ଦ୍ଦିଷ୍ଟ କାଳ ପାଇଁ ସକାଳ ୮ଟାରୁ ଦିନ ପ୍ରାୟ ସାଢେ ୧୨ଟା ପର୍ଯ୍ୟନ୍ତ ଏହି ଅନଶନ ଚାଲୁ ରହିଥିଲା। ପଞ୍ଚାୟତରେ ବସବାସ କରୁଥିବା ଭୂମିହୀନମାନଙ୍କୁ ଜମି ପଟ୍ଟା ପ୍ରଦାନ, ଠେଲକ ଦାଦରଠାରେ ସୁରୁବାଲି ଯୋର ଉପରେ ବ୍ୟାରେଜ ନିର୍ମାଣ କରି କେନାଲ ଯୋଗେ ଚୁଡାପୁଡୁଗ, ଭରତାପୁର, ତେନ୍ତେଳାଖୋଲ, ଭଥରା, ଝମକରାଇ ପ୍ରଭୃତି ଗ୍ରାମର ଚାଷ ଜମିକୁ ଜଳସେଚନ, ଭଥରା ଅରଖ କୁଦ ରାସ୍ତାର ସୁରୁବାଲି ଯୋର ଉପରେ ପୋଲ ନିର୍ମାଣ, ଝମକରେ ଦେଉଳଝରି ଦେବପୀଠକୁ ରାସ୍ତାନିର୍ମାଣ ସହ ପର୍ଯ୍ୟଟନସ୍ଥଳର ମାନ୍ୟତା, ରାମପୁର -ଗୋବିନ୍ଦପୁର ପୂର୍ତ୍ତବିଭାଗ ରାସ୍ତାରୁ ଭଥରା ବିଶ୍ୱନାଥପୁର ଦେଇ ସୋନପୁର ସୀମା ପର୍ଯ୍ୟନ୍ତ ସମ୍ପ୍ରସାରଣ ଓ ଭରତାପୁର ଚୁଡାପୁଡୁଗ ରଙ୍ଗମାଟିଆ, ଭାଲୁଚୁଆ ଗ୍ରାମକୁ ପାଇପ ଯୋଗେ ପାନୀୟ ଜଳ ଯୋଗାଣ ପ୍ରଭୃତି ୮ଦଫା ଦାବି ନେଇ ଏହି ଅନଶନ କରାଯାଇଥିଲା।

ଗ୍ରାମୀଣ ଡାକ ସେବକ ସଂଘର ଧର୍ମଘଟ, ଉପଭୋକ୍ତା ହନ୍ତସନ୍ତ

ଗ୍ରାମୀଣ ଡାକ ସେବକ ସଂଘର ଧର୍ମଘଟ, ଉପଭୋକ୍ତା ହନ୍ତସନ୍ତ

ବଡ଼ସାହି,୨୩ା୫(ସ୍ବ.ପ୍ର.): ଅଖିଳ ଭାରତ ଗ୍ରାମୀଣ ଡାକ ସେବକ ସଂଘର ଆହ୍ବାନ କ୍ରମେ ମୟୂରଭଞ୍ଜ ଜିଲା ବଡ଼ସାହି ଡିଭିଜନର ସମସ୍ତ ଗ୍ରାମୀଣ ଡାକ ସେବକ(ଜିଡିଏସ୍‌)କର୍ମଚାରୀ ୨୨ତାରିଖରୁ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ଧର୍ମଘଟ ଆରମ୍ଭ କରିଛନ୍ତି।

ପଠାଣି ସାମନ୍ତ ପରୀକ୍ଷାରେ ବେଲପାଳ ଶିଶୁମନ୍ଦିରର କୃତିତ୍ୱ

ପଠାଣି ସାମନ୍ତ ପରୀକ୍ଷାରେ ବେଲପାଳ ଶିଶୁମନ୍ଦିରର କୃତିତ୍ୱ

ବଡ଼ସାହି,୨୩ା୫(ନି.ପ୍ର.): ମୟୂରଭଞ୍ଜ ଜିଲା ବଡ଼ସାହି ବ୍ଲକରେ ପଠାଣି ସାମନ୍ତ ଗଣିତ ମେଧାବୃତ୍ତିର ୬ଷ୍ଠ ଶ୍ରେଣୀ ପରୀକ୍ଷା ଫଳ ପ୍ରକାଶ ପାଇଛି । ବ୍ଲକର ବେଲପାଳସ୍ଥିତ ସରସ୍ବତୀ ଶିଶୁମନ୍ଦିରର ୩ ପରୀକ୍ଷାର୍ଥୀ ପ୍ରଥମରୁ ତୃତୀୟ ସ୍ଥାନ ଅଧିକାର କରିଛନ୍ତି।