ସମ୍ବଲପୁର

ବିଦ୍ୟାଳୟ, ଅଙ୍ଗନୱାଡି କବାଟ ଭାଙ୍ଗି ହାତୀ ଖାଇଲେ ଚାଉଳ

ବିଦ୍ୟାଳୟ, ଅଙ୍ଗନୱାଡି କବାଟ ଭାଙ୍ଗି ହାତୀ ଖାଇଲେ ଚାଉଳ

ଲହୁଣୀପଡ଼ା,୪।୨(ଡି.ଏନ.ଏ.)- ସୁନ୍ଦରଗଡ଼ ଜିଲା ଲହୁଣୀପଡ଼ା ବ୍ଲକ ଦର୍ଜିଂ ପଞ୍ଚାୟତ ବିରତୋଳାଠାରେ ଶୁକ୍ରବାର ବିଳମ୍ବିତ ରାତିରେ ହାତୀପଲ ଉଚ୍ଚ ପ୍ରକଳ୍ପ ବିଦ୍ୟାଳୟ ଓ ଅଙ୍ଗନୱାଡି କେନ୍ଦ୍ର କବାଟ ଝରକା ଭାଙ୍ଗି ମଧ୍ୟାହ୍ନ ଭୋଜନ ଚାଉଳ ଖାଇବା ସହ ତାରବାଡକୁ ମାଡି ଦଳି ନଷ୍ଟ କରିଛନ୍ତି। ବିଦ୍ୟାଳୟର ଏକ କୋଠରୀରେ ମହଜୁଦ ଥିବା ପ୍ରାୟ ୨ କୁଇଣ୍ଟାଲ ଚାଉଳ ହାତୀମାନେ ବାରଣ୍ଡାକୁ ଟାଣି ଆଣି ଖାଇଦେଇଥିବା ଜଣାପଡ଼ିଛି। ବିଦ୍ୟାଳୟ ଓ ଅଙ୍ଗନଓ୍ବାଡ଼ି କେନ୍ଦ୍ରର କବାଟ, ଝରକାକୁ ଦାନ୍ତରେ ଭୂଷି କଣା କରାଯାଇଥିବାରୁ ହାତୀପଲରେ ଦନ୍ତା ହାତୀ ରହିଥିବା ଅନୁମାନ କରାଯାଇଛି। ହାତୀମାନେ ବନବିଭାଗ ପକ୍ଷରୁ ବରଘାଟଠାରେ ହୋଇଥିବା ନର୍ସରିକୁ ମଧ୍ୟ ଉଜାଡ଼ିଛନ୍ତି। ନର୍ସରୀ କର୍ମଚାରୀମାନଙ୍କ ପାଇଁ ଗଚ୍ଛିତ ଥିବା ଚାଉଳ ଖାଇ ଦେଇଛନ୍ତି। ସୂଚନା ପାଇ ବନ ବିଭାଗ କର୍ମଚାରୀ ହାତୀ ଉପଦ୍ରବ ସ୍ଥଳ ବୁଲି ଦେଖି ସ୍ଥିତି ଅନୁଧ୍ୟାନ କରିଛନ୍ତି। ପଲରେ ଥିବା ୧୮ରୁ ୨୦ ହାତୀ ଏଭଳି କାଣ୍ଡ ଭିଆଇଥିବା ବନ ବିଭାଗ ପକ୍ଷରୁ କୁହାଯାଇଛି। ଏମାନେ ବିଭିନ୍ନ ସମୟରେ ଦୁଇ ଭାଗରେ ବିଭକ୍ତ ହୋଇ ଉତ୍ପାତ କରିଆସୁଛନ୍ତି। ରାତିରେ ଜଙ୍ଗଲ ତଳି ଗ୍ରାମାଞ୍ଚଳରେ ଖାଦ୍ୟ ଅନ୍ବେଷଣରେ ଉପଦ୍ରବ ଚଳାଇ ହାତୀମାନେ ସଂରକ୍ଷିତ ଜଙ୍ଗଲକୁ ଚାଲିଯାଉଛନ୍ତି। ୩ ରୁ ୪ ଦିନର ବ୍ୟବଧାନ ପରେ ହାତୀପଲଙ୍କ ଏଭଳି ଦୌରାତ୍ମ୍ୟକୁ ନେଇ ବନ ବିଭାଗୀୟ ଅଧିକାରୀ ଓ କର୍ମଚାରୀ ତତ୍ପର ହୋଇଉଠିଛନ୍ତି। ଆତଙ୍କରେ ଥିବା ଗ୍ରାମବାସୀଙ୍କୁ ସତର୍କ ରହିବାକୁ ଚେତାଇ ଦେଇଛନ୍ତି।

All Right Reserved By
Karnatak Exit Poll

Model This Week

ସନ୍ତୋଷ

ସମ୍ବଲପୁର

ଜନ ପ୍ରତିନିଧିଙ୍କ ଅନଶନ ଚେତାବନୀ ପରେ ବିଧାୟକଙ୍କ ଭରତାପୁର ପଞ୍ଚାୟତ ଗସ୍ତ

ଜନ ପ୍ରତିନିଧିଙ୍କ ଅନଶନ ଚେତାବନୀ ପରେ ବିଧାୟକଙ୍କ ଭରତାପୁର ପଞ୍ଚାୟତ ଗସ୍ତ

ରେଢ଼ାଖୋଲ,୨୨।୫(ଡି.ଏନ.ଏ.) ରେଢ଼ାଖୋଲ ବ୍ଲକ ଭରତାପୁର ପଞ୍ଚାୟତର ବିଭିନ୍ନ ସମସ୍ୟାର ସମାଧାନ ଦାବିରେ ପଞ୍ଚାୟତର ନିର୍ବାଚିତ ପ୍ରତିନିଧିମାନେ ଗତ ମାର୍ଚ୍ଚ ୧୨ ତାରିଖରେ ଉପଜିଲାପାଳଙ୍କୁ ଏକ ଦାବି ପତ୍ର ପ୍ରଦାନ କରିଥିଲେ। ହେଲେ ଦୀର୍ଘ ୨ ମାସ ପରେ ମଧ୍ୟ ଏ ନେଇ କୌଣସି ପଦକ୍ଷେପ ନିଆ ନ ଯିବା ଯୋଗୁ ଚଳିତ ମାସ ୨୩ ତାରିଖ ଉପଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଅନଶନ ବସିବାକୁ ଗତ ୧୬ ତାରିଖ ଜନ ପ୍ରତିନିଧିମାନେ ଉପଜିଲାପାଳ ପ୍ରସନ୍ନ ଦାସଙ୍କୁ ଲିଖିତ ଭାବେ ଜଣାଇଥିଲେ। ଏହି ଘଟଣା ବିଧାୟକ ରୋହିତ ପୂଜାରୀଙ୍କ ଦୃଷ୍ଟି ଆସିବା ପରେ ପଞ୍ଚାୟତର ବିଭିନ୍ନ ଗ୍ରାମକୁ ଗସ୍ତ କରି ଲୋକଙ୍କ ସହିତ ସିଧାସଳଖ ଭାବେ ବିଭିନ୍ନ ସମସ୍ୟା ସମାଧାନ ପାଇଁ ଆଲୋଚନା କରିଛନ୍ତି।

ତୁଣ୍ଡଲାରେ ଯୁବକଙ୍କ ମୃତଦେହ ଉଦ୍ଧାର, ହତ୍ୟା ସନ୍ଦେହ

ତୁଣ୍ଡଲାରେ ଯୁବକଙ୍କ ମୃତଦେହ ଉଦ୍ଧାର, ହତ୍ୟା ସନ୍ଦେହ

ତୁଣ୍ଡଲା ,୨୨। ୫ (ଡି.ଏନ୍‌.ଏ.): କଳାହାଣ୍ଡି ଜିଲା କେସିଙ୍ଗା ବ୍ଲକ ତୁଣ୍ଡଲାଠାରେ ଜଣେ ଯୁବକଙ୍କୁ ସୋମବାର ବିଳମ୍ବିତ ରାତିରେ କେହି ହତ୍ୟା କରି ଫିଙ୍ଗି ଦେଇଥିବା ଅଭିଯୋଗ ହୋଇଛି l ମୃତକ ହେଲେ ତୁଣ୍ଡଲା ଗ୍ରାମର ଦୁର୍ଗେଶ୍ୱର ପଧାନ (୨୮)। ତାଙ୍କ ମୁଣ୍ଡରେ କ୍ଷତ ଚିହ୍ନ ସହ ତଣ୍ଟିରେ କଳାଦାଗ ରହିଥିବା ଦେଖିବାକୁ ମିଳିଛି।

ପାଲା, ଦଣ୍ଡ ନାଚ କଳାକାର ବଖାଣିଲେ ସରକାରୀ ଯୋଜନାର ରୂପରେଖ

ରେଢ଼ାଖୋଲ,୨୧।୫ (ଡି.ଏନ.ଏ.)-ରେଢ଼ାଖୋଲ ବ୍ଲକ ଗରଗଡବାହାଳ ପଞ୍ଚାୟତରେ ଗ୍ରାମ ଯୋଗାଯୋଗ ଓ ସହଭାଗିତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ସରପଞ୍ଚ ଦୀପ୍ତିବାଳ ଗଡନାୟକ କାର୍ଯ୍ୟକ୍ରମକୁ ଉଦ୍‌ଘାଟନ କରିଥିଲେ। ବ୍ଲକ କଳା ଓ ସଂସ୍କୃତି ସଂଘର ସହଭାଗିତାରେ ଅନୁଷ୍ଠିତ କାର୍ଯ୍ୟକ୍ରମରେ ଏସ୍‌ଇଓ ତ୍ରିଲୋଚନ ସେଠୀ, ବ୍ଲକ କଳା ସଂସ୍କୃତି ସଂଘର ଉପସଭାପତି ସାଲେଗ୍ରାମ ନାଏକ ଯୋଗ ଦେଇଥିଲେ।

ସମ୍ବଲପୁର ପଧାନପାଲି ଟୋଲପ୍ଲାଜାରେ ଟୋଲ୍‌ ଆଦାୟ ପ୍ରସଙ୍ଗ : ୨୬ରୁ ସବୁ ଟୋଲଗେଟ୍‌ ସମ୍ମୁଖରେ ବିକ୍ଷୋଭ, ଧାରଣା

ସମ୍ବଲପୁର ପଧାନପାଲି ଟୋଲପ୍ଲାଜାରେ ଟୋଲ୍‌ ଆଦାୟ ପ୍ରସଙ୍ଗ : ୨୬ରୁ ସବୁ ଟୋଲଗେଟ୍‌ ସମ୍ମୁଖରେ ବିକ୍ଷୋଭ, ଧାରଣା

ସମ୍ବଲପୁର,୨୨। ୫(ବ୍ୟୁରୋ) ସମ୍ବଲପୁର-ରାଉରକେଲା ବିଜୁ ଏକ୍ସପ୍ରେସ ୱେର ପ୍ରଧାନପାଲି ଟୋଲପ୍ଲାଜାରେ ଟିକସ ଆଦାୟକୁ ବିରୋଧ କରି ଦୀର୍ଘ ୩ ମାସ ହେବ ହାଇୱେ ୟୁଜର ଫୋରମ ପକ୍ଷରୁ ଆନ୍ଦୋଳନ ଜାରି ରହିଛି। ସରକାରଙ୍କୁ ଦାବିପତ୍ର ଦିଆଯାଇଛି। ଜିଲାପାଳଙ୍କ ସହିତ ତ୍ରିପାକ୍ଷିକ ଆଲୋଚନା ହୋଇଛି।

ବିଦ୍ୟୁତ୍‌ ବିଭ୍ରାଟ ଯେତୁ ୪ ଗାଁ ଅନ୍ଧାରରେ

ବାମରା, ୨୨।୫ (ସ୍ବ.ପ୍ର.) ସମ୍ବଲପୁର ଜିଲା ବାମରା ୱେସ୍କୋ ସେକ୍ସନ ଅନ୍ତର୍ଗତ ୪ଟି ଗ୍ରାମରେ ବିଦ୍ୟୁତ ବିଭ୍ରାଟ ଘଟି ପ୍ରାୟ ୪୮ଘଣ୍ଟା ହେବ ସଂପୂର୍ଣ୍ଣ ଅନ୍ଧାର ହୋଇପଡିଛି । ଝଡବର୍ଷା ଫଳରେ ଏହି ଭଳି ହୋଇଛି । ୩/୪ ଦିନ ଧରି ଲଗାତାର କାଳ ବୈଖାଖୀ ଯୋଗୁ ପ୍ରତିଦିନ ବିଦ୍ୟୁତ ବିଭ୍ରାଟ ଦେଖା ଦେଉଛି । ଏହା ସହିତ ରାସ୍ତାକଡରେ ଥିବା ବଡ ବଡ ଗଛ ଉପୁଡିବା କାରଣରୁ ବିଦ୍ୟୁତ ଖୁଣ୍ଟ ଉପରେ ପଡି ତାର ଛିଣ୍ଡି ବିଭ୍ରାଟ ଘଟିଥିଲା ।

ରେଲୱେ କର୍ମଚାରୀଙ୍କୁ ଆକ୍ରମଣ

ବାମରା, ୨୨।୫ (ସ୍ବ.ପ୍ର.) ସମ୍ବଲପୁର ଜିଲା ବାମରାଠାରୁ ପ୍ରାୟ ୭କି.ମି. ଦୂରବର୍ତ୍ତୀ ରାବଣଡିହି ରେଲୱେ ଫାଟକଠାରେ କାର୍ଯ୍ୟରତ ଜଣେ କର୍ମଚାରୀଙ୍କୁ ୩ଜଣ ବ୍ୟକ୍ତି ମାଡପିଟ କରିଥିବା ନେଇ ଜିଆରପି ଥାନାରେ ମାମଲା ରୁଜୁ ହୋଇଛି ।

ସମ୍ବଲପୁରରେ ୨୫ରେ ବନ୍ଦ ରହିବ ଘରୋଇ ଡାକ୍ତରଖାନା, କ୍ଲିନିକ୍‌

ସମ୍ବଲପୁରରେ ୨୫ରେ ବନ୍ଦ ରହିବ ଘରୋଇ ଡାକ୍ତରଖାନା, କ୍ଲିନିକ୍‌

ସମ୍ବଲପୁର, ୨୨।୫ (ବ୍ୟୁରୋ) ଘରୋଇ ଡାକ୍ତରଖାନା ପ୍ରତି ରାଜ୍ୟ ସରକାର ଉଦାସୀନ ମନୋଭାବ ପୋଷଣ କରୁଛନ୍ତି । ୨୦୧୪ ମସିହାରୁ ଟଙ୍କା ଜମା କରିଥିବା ସତ୍ତ୍ବେ ନିର୍ସିଂହୋମଗୁଡିକର ପଞ୍ଜିକରଣ ଓ ନବୀକରଣ ହୋଇପାରୁନାହିଁ । ତେଣୁ ଆସନ୍ତା ୨୫ ତାରିଖ ସକାଳ ୬ଟାରୁ ସମ୍ବଲପୁର ଜିଲାର ସମସ୍ତ ଘରୋଇ ଡାକ୍ତରଖାନା, ଡେଣ୍ଟାଲ କ୍ଲିନିକ, ପାଥୋଲୋଜିକ୍‌ କ୍ଲିନିକ, ଏକ୍ସରେ ଓ ଅଲ୍‌ଟ୍ରାସାଉଣ୍ଡ କ୍ଲିନିକ, ବେସରକାରୀ ଡାକ୍ତରୀ କ୍ଲିନିକ ଓ ପଲିକ୍ଲିନିକ ୨୪ଘଣ୍ଟା ପାଇଁ ବନ୍ଦ ରହିବ। ଏହି ଦିନ ସକାଳ ୮ଟାରୁ ସମଲେଶ୍ୱରୀ ମନ୍ଦିରରୁ ଜିଲାପାଳ ଅଫିସ ପର୍ଯ୍ୟନ୍ତ ରାଲି ବାହାରିବ । ଏଥିରେ ଜିଲାରେ ଥିବା ୧୫୦ଟି ଘରୋଇ ଡାକ୍ତରଖାନା, ଡେଣ୍ଟାଲ କ୍ଲିନିକ, ପାଥୋଲୋଜିକ୍‌ କ୍ଲିନିକ, ଏକ୍ସରେ ଓ ଅଲ୍‌ଟ୍ରାସାଉଣ୍ଡ କ୍ଲିନିକ, ବେସରକାରୀ ଡାକ୍ତରୀ କ୍ଲିନିକ ଓ ପଲିକ୍ଲିନିକର ସତ୍ତ୍ବାଧିକାରୀ, ଡାକ୍ତର ସାମିଲ ହେବେ। ସମ୍ବଲପୁର ହସ୍ପିଟାଲ ରୋଡ ସ୍ଥିତ ଆଇଏମଏ ହାଉସ୍‌ଠାରେ ଆୟୋଜିତ ଖବରଦାତା ସମ୍ମିଳନୀରେ ଜିଲା ନର୍ସିଂହୋମ ଆସୋସିଏସନ୍‌ କର୍ମକର୍ତ୍ତା ଏହି ସୂଚନା ଦେଇଛନ୍ତି ।

ଶୀତଳଷଷ୍ଠୀ ପୂର୍ବରୁ ମହାନଦୀ ଦ୍ୱିତୀୟ ସେତୁ ଉଦ୍‌ଘାଟନ ଦାବି

ସମ୍ବଲପୁର, ୨୨।୫ (ବ୍ୟୁରୋ) ସମ୍ବଲପୁର ନେଲସନ୍‌ ମଣ୍ଡେଲା-ଚାଉଁରପୁର ମହାନଦୀ ଉପରେ ଦ୍ୱିତୀୟ ସେତୁ ନିର୍ମାଣ ହୋଇଛି । ଏହାର ନିର୍ମାଣ ଶେଷ ପର୍ଯ୍ୟାୟରେ ପହଞ୍ଚତ୍ଛି । ଜୁନ ୧୮ ତାରିଖରେ ପ୍ରସିଦ୍ଧ ଶୀତଳଷଷ୍ଠୀ ଯାତ୍ରା ହେବ । ଏହାକୁ ଦୃଷ୍ଟିରେ ରଖି ଜିଲା ପ୍ରଶାସନ ମହାନଦୀ ସେତୁ ଶୀଘ୍ର ଉଦଘାଟନ କରିବାକୁ ଦାବି ହୋଇଛି ।

ନକଲି ଡାକ୍ତର ସାଜି ବେଆଇନ ଗର୍ଭପାତ କରିବା ଘଟଣା: କଲାମାଟି ସରପଞ୍ଚ ପଦରୁ ଶ୍ରୀହରି ନାଗ ନିଲମ୍ବିତ

ନକଲି ଡାକ୍ତର ସାଜି ବେଆଇନ ଗର୍ଭପାତ କରିବା ଘଟଣା: କଲାମାଟି ସରପଞ୍ଚ ପଦରୁ ଶ୍ରୀହରି ନାଗ ନିଲମ୍ବିତ

ବୁର୍ଲା, ୨୨।୫ (ଡି.ଏନ.ଏ.) ସମ୍ବଲପୁର ଜିଲା ଧନକଉଡା ବ୍ଲକ୍‌ କଲାମାଟି ସରପଞ୍ଚ ଶ୍ରୀହରି ନାଗଙ୍କୁ ନକଲି ଡାକ୍ତର ସାଜି ଟଙ୍କା ରୋଜଗାର କରିବା ମୋହ ମହଙ୍ଗା ପଡିଛି। ବେଆଇନ ଭାବେ ଜଣେ ପ୍ରସୂତିଙ୍କ ଗର୍ଭପାତ କରାଇବା ଅଭିଯୋଗରେ ସେ ପୂର୍ବରୁ ଗିରଫ ହୋଇ ଜେଲରୁ ଫେରିଛନ୍ତି। ହେଲେ ତାଙ୍କର ଏଭଳି କାରନାମା ଯୋଗୁ ସରପଞ୍ଚ ପଦରୁ ନିଲମ୍ବିତ କରାଯାଇଛି। କଳାମାଟିରେ ସେ ବେଆଇନ ଭାବେ ଏକ କ୍ଲିନିକ୍‌ ଖୋଲିଥିଲେ। ସେଠାରେ ଜଣେ ପ୍ରତାରିତା ଗର୍ଭବତୀ ଯୁବତୀଙ୍କ ବେଆଇନ ଗର୍ଭପାତ କରାଇଥିବା ଅଭିଯୋଗ ନେଇ ଗତ ଏପ୍ରିଲ ୧୦ତାରିଖ ଅତାବିରା ପୋଲିସ ଦ୍ୱାରା ଗିରଫ ହୋଇ ଜେଲ ଯାଇଥିଲେ। ଏଣୁ ତାଙ୍କୁ ନିଳମ୍ବନ କରାଯିବାକୁ ଦାବି ଜୋର ଧରିଥିଲା। ଶେଷରେ ଘଟଣାର ତଦନ୍ତ ରିପୋର୍ଟ ଯିବା ପରେ ଓଡିଶା ସରକାରଙ୍କ ପଞ୍ଚାୟତିରାଜ ଓ ପାନୀୟ ଜଳ ବିଭାଗ ପକ୍ଷରୁ ଆଦେଶ ସଂଖ୍ୟା ୧୭ ପିଏଡିଏମ ୧୯- ୫୬୪୦, ୯୪୦୯/୧୭।୫।୨୦୧୮ ଅନୁସାରେ ତାଙ୍କୁ ନିଲମ୍ବନ କରାଯାଇଛି। ନାଏବ ସରପଞ୍ଚଙ୍କୁ ଦାୟିତ୍ୱ ହସ୍ତାନ୍ତର କରିବା ଦିଗରେ ପ୍ରକ୍ରିୟା କରାଯିବାକୁ ଜିଲାପାଳ ସମର୍ଥ ବର୍ମା ବିଡିଓ ସରୋଜ ବିଶ୍ୱାଲଙ୍କୁ ନିର୍ଦ୍ଦେଶ ଦେଇଛନ୍ତି।

ଯେଉଁଠି ସରକାରୀ ଅଧିକାରୀଙ୍କ ପାଦ ପଡ଼ିନାହିଁ

ଯେଉଁଠି ସରକାରୀ ଅଧିକାରୀଙ୍କ ପାଦ ପଡ଼ିନାହିଁ

ବଡଗାଁ,୨୨।୫(ଡି.ଏନ.ଏ.) ପ୍ରଶାସନିକ ଅଧିକାରୀମାନେ ଗାଁକୁ ଯାଇ ଲୋକଙ୍କ ଅଭିଯୋଗ, ଦାବି ଶୁଣି ସମସ୍ୟାର ସମାଧାନ କରିବାକୁ ରାଜ୍ୟ ସରକାରଙ୍କ ନିର୍ଦ୍ଦେଶ ରହିଛି। ହେଲେ ଏହାର ବାସ୍ତବ ଚିତ୍ର ତୃଣମୂଳ ସ୍ତରରେ ଭିନ୍ନ। ସୁନ୍ଦରଗଡ଼ ଜିଲା, ବଡଗାଁ ବ୍ଳକର ଝାଡଖଣ୍ଡ ରାଜ୍ୟ ସୀମାବର୍ତ୍ତୀ ଥିବା ଉପାନ୍ତ ଗ୍ରାମଗୁଡିକରେ ସ୍ବାଧୀନତା ପରଠାରୁ ବର୍ତ୍ତମାନ ସୁଦ୍ଧା କୌଣସି ସରକାରୀ ଅଧିକାରୀଙ୍କ ପାଦ ପଡି ନ ଥିବା ଅଭିଯୋଗ ହୋଇଛି। ସ୍ଥାନୀୟ ସରପଞ୍ଚ, ସମିତି ସଭ୍ୟଙ୍କ ବ୍ୟତୀତ ଅନ୍ୟ କେହି ଜନପ୍ରତିନିଧି ଏଠାକୁ ଆସି ନ ଥିବା ସ୍ଥାନୀୟ ଲୋକେ କହିଛନ୍ତି।

ଆଖି ବୁଜିଲା ଚିକିତ୍ସାଧୀନ ଦନ୍ତା

ଆଖି ବୁଜିଲା ଚିକିତ୍ସାଧୀନ ଦନ୍ତା

ଝାରସଗୁଡ଼ା ଅଫିସ,୨୨।୫: ଝାରସୁଗୁଡା ଜିଲା କୋଲାବିରା ରେଞ୍ଜ୍‌ର ସୁନାମାଲ ଜଙ୍ଗଲରେ ଚିକିତ୍ସାଧୀନ ଥିବା ଦନ୍ତା ହାତୀର ମଙ୍ଗଳବାର ଭୋର ସମୟରେ ମୃତ୍ୟୁ ହୋଇଛି। ଏହାକୁ ମିଶାଇ ଗତ ୪ ମାସ ମଧ୍ୟରେ ଜିଲାରେ ହାତୀମୃତ୍ୟୁ ସଂଖ୍ୟା ୮ରେ ପହଞ୍ଚିଛି।

ନାବାଳିକାଙ୍କୁ ଗଣ ବଳତ୍କାର ଘଟଣା: ୧୫ ଦିନରେ ପୋଲିସ ଦାଖଲ କଲା ଚାର୍ଜଶିଟ୍‌

ସମ୍ବଲପୁର,୨୨।୫ (ବ୍ୟୁରୋ) ସମ୍ବଲପୁର ଜିଲା ଶାସନ ଥାନା ଅଞ୍ଚଳରେ ଜଣେ ନାବାଳିକାଙ୍କୁ ସାହାଯ୍ୟ କରିବାକୁ କହି ଟେକି ନେଇ ବଳାତ୍କାର ଘଟଣାରେ ପୋଲିସ ୧୫ ଦିନ ଭିତରେ ଚାର୍ଜଶିଟ ପ୍ରଦାନ କରିଛି । ଏହି ମାମଲା ଫାଷ୍ଟଟ୍ରାକ୍‌ କୋର୍ଟରେ ବିଚାର କରିବା ପାଇଁ ଅନୁରୋଧ କରଯାଇଛି । ଉତ୍ତରାଞ୍ଚଳ ପୋଲିସ ଡିଆଇଜି ସତ୍ୟବ୍ରତ ଭୋଇ କହିଛନ୍ତି ଯେ, ଏହା ନାବାଳିକା ଗଣ ବଳାତ୍କାର ଭଳି ସମ୍ବୋଦନଶୀଳ ଘଟଣା ହୋଇଥିବାରୁ ଶୀଘ୍ର ଏହାର ତଦନ୍ତ କରାଯାଇଛି । ସେହି ଅନୁସାରେ ଶୀଘ୍ର ଏହି ମାମଲାରେ ଶୁଣାଣି କରି ଦଣ୍ଡାଦେଶ ଶୁଣାଇବାକୁ ଅନୁରୋଧ କରାଯାଇଛି।