ଜାତୀୟ |

ଭୋଟ ଉପରେ ଜେଟ୍‌ଲୀଙ୍କ ନଜର

ଭୋଟ ଉପରେ ଜେଟ୍‌ଲୀଙ୍କ ନଜର

ନୂଆଦିଲ୍ଲୀ,୧।୨ (ପି.ଟି./ ଆଇ.ଏ.ଏନ୍‌.ଏସ୍‌.) : ଗ୍ରାମାଞ୍ଚଳ, ଗରିବ ଜନତା, କୃଷକଙ୍କୁ ପ୍ରାଧାନ୍ୟ ଦେଇ କେନ୍ଦ୍ର ଅର୍ଥମନ୍ତ୍ରୀ ଅରୁଣ ଜେଟ୍‌ଲୀ ଗୁରୁବାର ଲୋକ ସଭାରେ ୨୦୧୮-୧୯ ଆର୍ଥିକ ବର୍ଷର ସାଧାରଣ ବଜେଟ୍‌ ଉପସ୍ଥାପନ କରିଛନ୍ତି । ଏହା ହେଉଛି ତାଙ୍କର ଏକାଦିକ୍ରମେ ପଞ୍ଚମ ଏବଂ ୨୦୧୯ ସାଧାରଣ ନିର୍ବାଚନ ପୂର୍ବରୁ ଶେଷ ପୂର୍ଣ୍ଣାଙ୍ଗ ବଜେଟ୍‌। ସାଧାରଣ ନିର୍ବାଚନ ଏବଂ ଆଗାମୀ ଦିନରେ ହେବାକୁ ଯାଉଥିବା ୮ଟି ରାଜ୍ୟର ବିଧାନସଭା ନିର୍ବାଚନକୁ ଦୃଷ୍ଟିରେ ରଖି ଜେଟ୍‌ଲୀ ତାଙ୍କ ବଜେଟରେ ଗରିବମାନଙ୍କୁ ଆକର୍ଷିତ କରିବା ପାଇଁ ବାସଗୃହ, ସ୍ବାସ୍ଥ୍ୟ ବିମା, ଶିକ୍ଷା ସୁବିଧା ଭଳି ଅନେକ ଘୋଷଣା କରିଛନ୍ତି। ମଧ୍ୟବିତ୍ତଙ୍କ ସକାଶେ ଅର୍ଥମନ୍ତ୍ରୀ ଏଥର ବଜେଟରେ ସେଭଳି କୌଣସି ବଡ ଘୋଷଣା କରିନାହାନ୍ତି। ଆୟକର ଛାଡ ସୀମାକୁ ଅପରିବର୍ତ୍ତିତ ରଖି ଟିକସଦାତା ଆୟକାରୀ ବର୍ଗଙ୍କୁ ନିରାଶ କରିଛନ୍ତି । ଆୟକର ଦାତାଙ୍କ ସକାଶେ ଷ୍ଟାଣ୍ଡାର୍ଡ ଡିଡକ୍‌ସନ୍‌ ପ୍ରକ୍ରିୟାର ପୁନଃ ଆରମ୍ଭ ଏକ ଆଶ୍ୱାସନା ମାତ୍ର । ଗ୍ରାମାଞ୍ଚଳରେ ଜୀବନଧାରଣର ମାନ ଏବଂ ଭିତ୍ତିଭୂମିର ବିକାଶ ପାଇଁ ସଂପୃକ୍ତ ମନ୍ତ୍ରଣାଳୟକୁ ୧୪.୩୪ ଲକ୍ଷକୋଟି ବ୍ୟୟବରାଦ କରି ପ୍ରକୃତ ଭାରତ ଗ୍ରାମାଞ୍ଚଳରେ ରହିଛି ବୋଲି ସେ ପ୍ରମାଣିତ କରିଛନ୍ତି । ସ୍ବାସ୍ଥ୍ୟ, ନିଯୁକ୍ତି କ୍ଷେତ୍ର ଏବଂ ଘରୋଇ ନିବେଶକୁ ଅର୍ଥମନ୍ତ୍ରୀ ତାଙ୍କ ବଜେଟ୍‌ରେ ଗୁରୁତ୍ୱ ଦେଇଥିବା ବେଳେ ଆଗାମୀ ଆର୍ଥିକ ବର୍ଷରେ ବିତ୍ତୀୟ ନିଅଣ୍ଟ ୩.୩ ପ୍ରତିଶତ ହେବ ବୋଲି ଆକଳନ କରାଯାଇଛି, ଯାହାକି ପୂର୍ବର ୩ ପ୍ରତିଶତ ଟାର୍ଗେଟଠାରୁ ଅଧିକ । ଅର୍ଥମନ୍ତ୍ରୀ ବଜେଟର ମୋଟ ବ୍ୟୟ ଅଟକଳ ୨୪.୪୨ ଲକ୍ଷ କୋଟି ବୋଲି ଦର୍ଶାଇଛନ୍ତି । ଖରିଫ୍‌ ଋତୁ ସକାଶେ ଶସ୍ୟର ସର୍ବନିମ୍ନ ସହାୟକ ମୂଲ୍ୟ ବୃଦ୍ଧି ଘୋଷଣା କରାଯାଇଛି। ଏତଦ୍‌ବ୍ୟତୀତ କୃଷିଋଣ ପରିମାଣ ବୃଦ୍ଧି, ଆୟୁଷ୍ମାନ ଭାରତ କାର୍ଯ୍ୟକ୍ରମ ଜରିଆରେ ଦେଢଲକ୍ଷ ସ୍ବାସ୍ଥ୍ୟ ସେବା କେନ୍ଦ୍ର ପ୍ରତିଷ୍ଠା, ଜାତୀୟ ସ୍ବାସ୍ଥ୍ୟ ସୁରକ୍ଷା ଯୋଜନା ଅଧୀନରେ ୫୦ କୋଟି ଗରିବ ହିତାଧିକାରୀଙ୍କୁ ବାର୍ଷିକ ୫ ଲକ୍ଷ ଟଙ୍କା କରି ଚିକିତ୍ସା ଖର୍ଚ୍ଚ ପ୍ରଦାନ, ୨୦୨୨ ସୁଦ୍ଧା ଚାଷୀଙ୍କ ଆୟ ଦୁଇଗୁଣ କରିବା ଲକ୍ଷ୍ୟରେ ଦେଶର ବିଭିନ୍ନ ସ୍ଥାନରେ ସ୍ବତନ୍ତ୍ର କୃଷି ଉତ୍ପାଦ କ୍ଲଷ୍ଟର ବିକଷିତ କରାଇବା, ପ୍ରତି ଗ୍ରାମକୁ ସ୍ବଚ୍ଛ ରଖିବା ପାଇଁ ‘ଗୋବର୍ଦ୍ଧନ’ ନାମରେ ନୂଆ ଯୋଜନା ଆଦିର ପ୍ରସ୍ତାବ ଜେଟ୍‌ଲୀଙ୍କ ବଜେଟ୍‌ରେ ରହିଛି। ସରକାରଙ୍କ ମେକ୍‌ ଇନ୍‌ ଇଣ୍ଡିଆ କାର୍ଯ୍ୟକ୍ରମକୁ ଗୁରୁତ୍ୱ ଦେବା ପାଇଁ ଅର୍ଥମନ୍ତ୍ରୀ ଆମଦାନୀ କୃତ ଅନେକ ସାମଗ୍ରୀ ଯଥା କାର, ବାଇକ୍‌, ମୋବାଇଲ ଫୋନ, ଅତର, ସୁନା, ହୀରା, ଫଳ ଏବଂ ପନିପରିବା ରସ ଆଦି ସାମଗ୍ରୀ ଉପରେ ଟିକସ ବୃଦ୍ଧି କରିଛନ୍ତି । ଫଳରେ ଏହି ସବୁ ସାମଗ୍ରୀ ମହଙ୍ଗା ହେବ । ଆମଦାନୀ କୃତ ଟାୟାର ଉପରେ ୫ ପ୍ରତିଶତ ଉତ୍ପାଦଶୁଳ୍କ ବୃଦ୍ଧି କରାଯାଇଛି । ଆମଦାନୀ ହେଉଥିବା ଅନେକ ସାମଗ୍ରୀ ଉପରେ ଟିକସକୁ ଦୁଇଗୁଣା କରିଦିଆଯାଇଛି । ଗରିବମାନଙ୍କ ସକାଶେ ଅର୍ଥମନ୍ତ୍ରୀ ତାଙ୍କ ବଜେଟ୍‌ରେ ଭଣ୍ଡାର ଖୋଲି ଦେଇଛନ୍ତି। ଏଥିରେ କୁହାଯାଇଛି ଯେ ଦେଶର ସବୁ ଗରିବଙ୍କୁ ୨୦୨୨ ସୁଦ୍ଧା ପକ୍କାଘର ଯୋଗାଇ ଦିଆଯିବ । ୨୦୧୮-୧୯ ବର୍ଷରେ ୧.୮୮ କୋଟି ଶୌଚାଳୟ ନିର୍ମାଣ କରାଯିବ । ଗ୍ରାମ୍ୟ ବିକାଶ ପାଇଁ ଜେଟ୍‌ଲୀ ତାଙ୍କ ବଜେଟରେ ୧,୩୮,୦୯୭ କୋଟି ବ୍ୟୟବରାଦ କରିଛନ୍ତି । ତଫସିଲଭୁକ୍ତ ଜାତିଙ୍କ କଲ୍ୟାଣ ନିମନ୍ତେ ୫୬.୬୧୯ କୋଟିର ବ୍ୟବସ୍ଥା ରହିଛି । ସେହିପରି ତଫସିଲଭୁକ୍ତ ଉପଜାତିଙ୍କ କଲ୍ୟାଣ ସକାଶେ ୩୯.୧୩୫ କୋଟିର ବ୍ୟୟବରାଦ ହୋଇଛି। ଜେଟ୍‌ଲୀ ଏହି ବଜେଟ୍‌ରେ ସୂକ୍ଷ୍ମ, ଲଘୁ ଓ ମଧ୍ୟମ ଉଦ୍ୟୋଗ କ୍ଷେତ୍ର ପାଇଁ ୩,୭୯୪ କୋଟିର ବ୍ୟୟ ପ୍ରସ୍ତାବ ରଖିଛନ୍ତି । ଆଗାମୀ ଆର୍ଥିକ ବର୍ଷରେ ୩ ଲକ୍ଷ କୋଟି ଟଙ୍କାର ମୁଦ୍ରାଋଣ ପ୍ରଦାନ ପ୍ରସ୍ତାବ ରହିଛି । ଏତଦ୍‌ବ୍ୟତୀତ ସଙ୍ଗଠିତ କ୍ଷେତ୍ରରେ ୭୦ ଲକ୍ଷ ଅଧିକ ନିଯୁକ୍ତି ସୃଷ୍ଟିର ଲକ୍ଷ୍ୟ ରଖାଯାଇଛି । ‘ସୁସ୍ଥ ଭାରତ, ସମୃଦ୍ଧ ଭାରତ’। ଏହାକୁ ମୁଣ୍ଡରେ ରଖି ଅର୍ଥମନ୍ତ୍ରୀ ଅରୁଣ ଜେଟ୍‌ଲୀ ଏଥର ବଜେଟ୍‌ରେ ସ୍ବାସ୍ଥ୍ୟସେବା କ୍ଷେତ୍ରକୁ ଯଥେଷ୍ଟ ଗୁରୁତ୍ୱ ଦେଇଛନ୍ତି । ଜାତୀୟ ସ୍ବାସ୍ଥ୍ୟ ସୁରକ୍ଷା ଯୋଜନା ନାମରେ ଏକ ନୂଆ କାର୍ଯ୍ୟକ୍ରମର ପ୍ରସ୍ତାବ ରଖି ଅର୍ଥମନ୍ତ୍ରୀ କହିଛନ୍ତି ଯେ, ଏହାଦ୍ୱାରା ୧୦ କୋଟି ଗରିବ ପରିବାରର ହାରାହାରି ୫୦ କୋଟି ଲୋକ ଉପକୃତ ହେବେ । ଏହି ଯୋଜନାରେ ହିତାଧିକାରୀମାନଙ୍କୁ ଯେ କୌଣସି ସରକାରୀ ହସ୍ପିଟାଲରେ ବାର୍ଷିକ ୫ ଲକ୍ଷ ଟଙ୍କାର ଚିକିତ୍ସା ଖର୍ଚ୍ଚ ଉପଲବ୍ଧ ହେବ। ସେ ଏହାକୁ ପୃଥିବୀର ସର୍ବବୃହତ୍‌ ସ୍ବାସ୍ଥ୍ୟସେବା ଯୋଜନା ବୋଲି ଅଭିହିତ କରିଛନ୍ତି । ଏବେ ଦେଶରେ ରାଷ୍ଟ୍ରୀୟ ସ୍ବାସ୍ଥ୍ୟ ବୀମା ଯୋଜନା (ଆର.ଏସ.ବି.ଓ୍ବାଇ.) କାଯର୍‌ୟକାରୀ ହେଉଛି । ଏହି ଯୋଜନାରେ ଗରିବ ପରିବାରଗୁଡିକୁ ମାତ୍ର ୩୦ ହଜାର ଟଙ୍କାର ଚିକିତ୍ସା ଖର୍ଚ୍ଚ ମିଳୁଛି । ଗୁଣାତ୍ମକ ଡାକ୍ତରୀ ଚିକିତ୍ସା ଏବଂ ସ୍ବାସ୍ଥ୍ୟସେବା ଯୋଗାଇ ଦେବା ଉଦ୍ଦେଶ୍ୟରେ ସରକାର ଦେଶରେ ୨୪ଟି ନୂଆ ମେଡିକାଲ କଲେଜ ହସ୍ପିଟାଲ ଖୋଲିବେ । ବର୍ତ୍ତମାନର ଜିଲା ସଦର ହସ୍ପିଟାଲଗୁଡିକୁ ଉନ୍ନୀତ କରାଯାଇ ଏହା ଖୋଲାଯିବ । ପ୍ରତ୍ୟେକ ୩ଟି ସଂସଦୀୟ କ୍ଷେତ୍ରରେ ଯେପରି ଗୋଟିଏ ମେଡିକାଲ କଲେଜ ହସ୍ପିଟାଲ ରହେ ତାହାକୁ ସୁନିଶ୍ଚିତ କରାଯିବ ବୋଲି ଜେଟ୍‌ଲୀ କହିଛନ୍ତି । ଏତଦ୍‌ବ୍ୟତୀତ ଦେଶରେ ୧.୫ ଲକ୍ଷ ଆରୋଗ୍ୟ କେନ୍ଦ୍ର (ହେଲ୍‌ଥ ଓ୍ବେଲନେସ୍‌ ସେଣ୍ଟର) ଖୋଲାଯିବ ବୋଲି ଅର୍ଥମନ୍ତ୍ରୀ ତାଙ୍କ ବଜେଟ୍‌ରେ ପ୍ରସ୍ତାବ ରଖିଛନ୍ତି । ଦେଶର ୪୦ ପ୍ରତିଶତ ଲୋକଙ୍କୁ ସ୍ବାସ୍ଥ୍ୟବୀମା ସୁବିଧା ମିଳିବ। ଏଥିରେ ୧୦ କୋଟି ଗରିବ ପରିବାର ଉପକୃତ ହେବେ। ଚିକିତ୍ସା ପାଇଁ ଯକ୍ଷ୍ମାରୋଗୀଙ୍କୁ ମାସିକ ୫୦୦ଟଙ୍କା ପ୍ରଦାନର ପ୍ରସ୍ତାବ ମଧ୍ୟ ବଜେଟ୍‌ରେ ରଖାଯାଇଛି। ଏଥିପାଇଁ ଅତିରିକ୍ତ ୬୦୦କୋଟିର ବ୍ୟବସ୍ଥା କରାଯାଇଛି । କୃଷି ଏବଂ କୃଷକର କଲ୍ୟାଣ ପାଇଁ ଅର୍ଥମନ୍ତ୍ରୀ ତାଙ୍କ ବଜେଟ୍‌ରେ ଏକାଧିକ ଘୋଷଣା କରିଛନ୍ତି। କୃଷକମାନଙ୍କର ଆୟବୃଦ୍ଧି ସରକାରଙ୍କର ଲକ୍ଷ୍ୟ ବୋଲି ପ୍ରକାଶ କରି ଜେଟ୍‌ଲୀ କହିଛନ୍ତି ଯେ, ଆଗାମୀ ଆର୍ଥିକ ବର୍ଷରେ କୃଷିଋଣ ପରିମାଣ ୧୦ ପ୍ରତିଶତ ବୃଦ୍ଧି କରାଯାଇଛି। ଅର୍ଥାତ୍‌ କୃଷିଋଣ ବାବଦରେ ସରକାର ବର୍ତ୍ତମାନର ୧ ଲକ୍ଷ କୋଟି ଟଙ୍କାରୁ ବଢାଇ ୧୧ ଲକ୍ଷ କୋଟିର ବ୍ୟବସ୍ଥା କରିଛନ୍ତି । ଖରିଫଋତୁରେ ଉତ୍ପାଦିତ ଶସ୍ୟ, ବିଶେଷ କରି ଧାନ ପାଇଁ ସର୍ବନିମ୍ନ ସହାୟକ ମୂଲ୍ୟ (ଏମ୍‌.ଏସ୍‌.ପି.) ଉତ୍ପାଦନ ଖର୍ଚ୍ଚଠାରୁ ୫୦ ପ୍ରତିଶତ ଅଧିକ ହେବ । ଅର୍ଥାତ୍‌ ଏମ୍‌.ଏସ୍‌.ପି.କୁ ଉତ୍ପାଦନ ମୂଲ୍ୟର ଦେଢଗୁଣା କରାଯାଇଛି। ୨୦୨୨ ସୁଦ୍ଧା କୃଷକମାନଙ୍କର ଆୟ ଦୁଇଗୁଣ କରିବା ସକାଶେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଯେଉଁ ଆହ୍ବାନ ଦେଇଛନ୍ତି ତାହା ବାସ୍ତବ ରୂପ ନେବ ବୋଲି ଜେଟ୍‌ଲୀ ତାଙ୍କ ବଜେଟ୍‌ ଭାଷଣ ବେଳେ ସୁଚିତ କରିଛନ୍ତି । ମୂଲ୍ୟରେ ହ୍ରାସ ଘଟିଲେ ମଧ୍ୟ ଚାଷୀ ଯେପରି ତା’ର ଉତ୍ପାଦିତ ଶସ୍ୟର ସର୍ବନିମ୍ନ ସହାୟକ ମୂଲ୍ୟ ପାଏ ସେଥିପାଇଁ ସରକାର ସୁନିଶ୍ଚିତ କରିବେ। ଏଥିସକାଶେ ନୀତି ଆୟୋଗ ରାଜ୍ୟଗୁଡିକ ସହ ଆଲୋଚନା କରିବେ । ଏତଦ୍‌ବ୍ୟତୀତ ସରକାର ମତ୍ସ୍ୟ ସମ୍ପଦ ଇନ୍‌ଫ୍ରା ପାଣ୍ଠି, ପଶୁଧନ ଇନ୍‌ଫ୍ରା ପାଣ୍ଠି ଗଠନ କରିବେ । ଏଥି ସକାଶେ ୧୦,୦୦୦ କୋଟିର ଅଟକଳ ହୋଇଛି । ଅର୍ଥମନ୍ତ୍ରୀ ମଧ୍ୟ ଖାଦ୍ୟ ପ୍ରକ୍ରିୟାକରଣ ମନ୍ତ୍ରଣାଳୟର ବ୍ୟୟ ଅଟକଳକୁ ୧,୪୦୦ କୋଟିକୁ ବୃଦ୍ଧି କରିଛନ୍ତି । ଅର୍ଥମନ୍ତ୍ରୀ କହିଛନ୍ତି ଯେ, ଗ୍ରାମାଞ୍ଚଳର କୃଷି ବଜାରକୁ ଉନ୍ନତ କରିବା ସକାଶେ ୨ ହଜାର କୋଟି ଟଙ୍କାର ଏକ ପାଣ୍ଠି ଗଠନ କରାଯିବ । ଜୈବିକ କୃଷିକୁ ପ୍ରୋତ୍ସାହିତ କରାଯିବ। ବିଶେଷ କରି ମହିଳା ସ୍ବୟଂସହାୟକ ଗୋଷ୍ଠୀ (ଏସ୍‌.ଏଚ.ଜି.)ଗୁଡିକ ଯେପରି ଏଥିପ୍ରତି ଆଗ୍ରହ ପ୍ରକାଶ କରନ୍ତି ତାହା ଉପରେ ଗୁରୁତ୍ୱ ଦିଆଯିବ । କିଶନ କ୍ରେଡିଟ୍‌ କାର୍ଡ ସୁବିଧା ମଧ୍ୟ ମତ୍ସ୍ୟସମ୍ପଦ ଏବଂ ପଶୁଧନ କ୍ଷେତ୍ରରେ ମିଳିବ । ବରିଷ୍ଠ ନାଗରିକମାନଙ୍କ ସକାଶେ କେତେକ ରିହାତି ଘୋଷଣା କରିଛନ୍ତି । ସେମାନେ ସଞ୍ଚୟ ଜମା ଉପରେ ପାଉଥିବା ସୁଧହାର ୫୦ ହଜାର ଟଙ୍କା ଉପରେ ଟିକସ ଧାର୍ଯ୍ୟ ହେବ ନାହିଁ । ସେମାନଙ୍କ ସକାଶେ ପରିବର୍ଦ୍ଧିତ ସ୍ବାସ୍ଥ୍ୟ ବୀମା ସହାୟତା ମଧ୍ୟ ଅର୍ଥମନ୍ତ୍ରୀ ଘୋଷଣା କରିଛନ୍ତି । ଦୀର୍ଘ ଏକ ଘଣ୍ଟା ୪୫ ମିନିଟର ବଜେଟ୍‌ ଭାଷଣ ଶେଷ ଭାଗରେ ଜେଟ୍‌ଲୀ ପ୍ରତ୍ୟକ୍ଷ ଓ ପରୋକ୍ଷକର ସମ୍ପର୍କରେ ସୂଚନା ଦେଇଥିଲେ । ସେ କହିଥିଲେ ଯେ, ସରକାର ପୂର୍ବପରି ପ୍ରତ୍ୟକ୍ଷ ଟିକସ (ଆୟକର) ସ୍ଲାବକୁ ଅପରିବର୍ତ୍ତିତ ରଖିଛନ୍ତି। ଯେହେତୁ ଗତ ତିନିବର୍ଷ ମଧ୍ୟରେ ବ୍ୟକ୍ତିଗତ ଆୟକର କ୍ଷେତ୍ରରେ ସରକାର ଏକାଧିକ ପରିବର୍ତ୍ତନ କରିଛନ୍ତି, ତେଣୁ ଏଥର ଏହାକୁ ଅପରିବର୍ତ୍ତିତ ରଖାଗଲା ବୋଲି ଜେଟ୍‌ଲୀ କହିଥିଲେ । ତେବେ ପରିବହନ ଭତ୍ତା ଏବଂ ଚିକିତ୍ସା ଖର୍ଚ୍ଚ ଆଦି ଫେରିପାଇବା (ରିସୋର୍ସ) କ୍ଷେତ୍ରରେ ଷ୍ଟାଣ୍ଡାର୍ଡ ଡିଡକ୍‌ସନ୍‌ ପ୍ରକ୍ରିୟାକୁ ପୁନଃ ଆରମ୍ଭ କରାଯାଇଛି । ୪୦ ହଜାର ଟଙ୍କା ପର୍ଯ୍ୟନ୍ତ ଏହି ଅର୍ଥ ବାର୍ଷିକ ଦରମାରୁ ବାଦ୍‌ ଦେଇ ଅବଶିଷ୍ଟ ଅର୍ଥ ଉପରେ ଟିକସ ହିସାବ ହେବ । ଏହି ପ୍ରକ୍ରିୟା ପେନ୍‌ସନଧାରୀଙ୍କୁ ମଧ୍ୟ ଲାଭ ଦାୟକ ହେବ । ଏତଦ୍‌ବ୍ୟତୀତ ଅର୍ଥମନ୍ତ୍ରୀ ଶିଳ୍ପ ଏବଂ ବ୍ୟବସାୟ କ୍ଷେତ୍ର ପାଇଁ ମଧ୍ୟ କେତେକ ରିହାତି ଘୋଷଣା କରିଛନ୍ତି । ଶିକ୍ଷା ଏବଂ ସ୍ବାସ୍ଥ୍ୟ ଉପରେ ସେସ୍‌କୁ ୧ ପ୍ରତିଶତ ବୃଦ୍ଧି କରାଯାଇଛି ।

All Right Reserved By

ଜାତୀୟ |

ନାଳନ୍ଦାରେ ବୋମା ବିସ୍ଫୋରଣ: ୫ ଗୁରୁତର

ନାଳନ୍ଦାରେ ବୋମା ବିସ୍ଫୋରଣ: ୫ ଗୁରୁତର

ନାଳନ୍ଦା,୧୫।୮: ବିହାରର ନାଳନ୍ଦା ଜିଲା ଅନ୍ତର୍ଗତ ରହୁଇ ଅଞ୍ଚଳରେ ବୁଧବାର ଏକ ଘରେ ବୋମା ବିସ୍ଫୋରଣ ହେବାରୁ ୪ ଶିଶୁଙ୍କ ସମେତ ଅନୂ୍ୟନ ୫ଜଣ ଗୁରୁତର ହୋଇଛନ୍ତି। ଅନେକ ଦିନ ଧରି ପରିତ୍ୟକ୍ତ ଅବସ୍ଥାରେ ପଡ଼ିରହିଥିବା ଏକ ଘରେ ଏହି ବିସ୍ଫୋରଣ ଘଟିଛି। ସଫା କରାଯିବା ଲାଗି ଘରଟି ଖୋଲା ଯାଇଥିବାବେଳେ ବୋମା ବିସ୍ଫୋରଣ ଘଟିଥିଲା। 

ସ୍ବାଧୀନତା ଦିବସରେ ମାଓବାଦୀ ଆକ୍ରମଣ: ଆଇଡି ବିସ୍ଫୋରଣରେ ୨ ଯବାନ ଆହତ

ସ୍ବାଧୀନତା ଦିବସରେ ମାଓବାଦୀ ଆକ୍ରମଣ: ଆଇଡି ବିସ୍ଫୋରଣରେ ୨ ଯବାନ ଆହତ

ରାୟପୁର,୧୫।୮: ଛତିଶଗଡ଼ର ରାଜନନ୍ଦଗାଁ ଜିଲାର ମିସ୍ତ୍ରୀ ଗ୍ରାମରେ ବୁଧବାର ସ୍ବାଧୀନତା ଦିବସ ଅବସରରେ ମାଓବାଦୀମାନେ ଆଇଡି ବିସ୍ଫୋରଣ ଘଟାଇଛନ୍ତି। ଏକ ପ୍ରେସର ବୋମା ବିସ୍ଫୋରଣ ଘଟାଇବାରୁ ଦୁଇ ଆଇଟିବିପି ଯବାନ ଆହତ ହୋଇଛନ୍ତି। 

ଭାରତ-ଚାଇନା ମଧ୍ୟରେ ସ୍ବତନ୍ତ୍ର ବୈଠକ

ଭାରତ-ଚାଇନା ମଧ୍ୟରେ ସ୍ବତନ୍ତ୍ର ବୈଠକ

ଗାଙ୍ଗଟକ,୧୫।୮: ସ୍ବାଧୀନତା ଦିବସ ଅବସରରେ ବୁଧବାର ଭାରତୀୟ ସେନା ଏବଂ ଚାଇନାର ପିପୁଲ୍ସ ଲିବରେଶନ ଆର୍ମି(ପିଏଲ୍‌ଏ) ମଧ୍ୟରେ ସିକ୍କିମ୍‌ର ନାଥୁ ଲା ପାସ୍‌ଠାରେ ଏକ ସ୍ବତନ୍ତ୍ର ସୀମା ବୈଠକ ଅନୁଷ୍ଠିତ ହୋଇଯାଇଛି। ଉଭୟ ଦେଶର ସେନା ମିଳିତ ଭାବେ ଭାରତର ସ୍ବାଧୀନତା ଦିବସ ପାଳନ କରିଛନ୍ତି।

‘ଗଗନଯାନ’ ମିଶନ୍‌ ଚ୍ୟାଲେଞ୍ଜପୂର୍ଣ୍ଣ: ଇସ୍ରୋ ଅଧ୍ୟକ୍ଷ

‘ଗଗନଯାନ’ ମିଶନ୍‌ ଚ୍ୟାଲେଞ୍ଜପୂର୍ଣ୍ଣ: ଇସ୍ରୋ ଅଧ୍ୟକ୍ଷ

ବେଙ୍ଗାଲୁରୁ,୧୫।୮: ଭାରତୀୟ ମହାକାଶ ଗବେଷଣା ସଙ୍ଗଠନ(ଇସ୍ରୋ) ଅଧ୍ୟକ୍ଷ କେ. ଶିଭାନ ବୁଧବାର ଗଗନଯାନ ମିଶନ୍‌କୁ ଚ୍ୟାଲେଞ୍ଜପୂର୍ଣ୍ଣ ବୋଲି ଦର୍ଶାଇଛନ୍ତି। ମାତ୍ର ଏହା ହାସଲ କରାଯାଇପାରିବ ବୋଲି ମଧ୍ୟ ସେ କହିଛନ୍ତି। 

ଅଟାରି-ଓ୍ବାଘା ଏବଂ ଫୁଲଓ୍ବାରୀ ପୋଷ୍ଟରେ ମିଠା ଆଦାନ ପ୍ରଦାନ

ଅଟାରି-ଓ୍ବାଘା ଏବଂ ଫୁଲଓ୍ବାରୀ ପୋଷ୍ଟରେ ମିଠା ଆଦାନ ପ୍ରଦାନ

ଅଟାରି/ଓ୍ବାଘା, ୧୫।୮:  ଅଗଷ୍ଟ ୧୫ରେ ଭାରତରେ ୭୨ତମ ସ୍ବାଧୀନତା ଦିବସ ପାଳିତ ହୋଇଛି । ଏହି ଅବସରରେ ଭାରତ-ପାକିସ୍ତାନ ଅଟାରି-ଓ୍ବାଘା ସୀମାରେ ଉଭୟ ଦେଶର ସେନାଙ୍କ ମଧ୍ୟରେ ମିଠା ଆଦାନ ପ୍ରଦାନ କରାଯାଇଛି। 

ଆନନ୍ଦିବେନ ପଟେଲ ହେଲେ ଛତିଶଗଡ଼ ରାଜ୍ୟପାଳ

ଆନନ୍ଦିବେନ ପଟେଲ ହେଲେ ଛତିଶଗଡ଼ ରାଜ୍ୟପାଳ

ନୂଆଦିଲ୍ଲୀ,୧୫।୮: ମଧ୍ୟପ୍ରଦେଶ ରାଜ୍ୟପାଳ ଆନନ୍ଦିବେନ ପଟେଲ ଛତିଶଗଡ଼ ରାଜ୍ୟପାଳ ଭାବେ ଅତିରିକ୍ତ ଦାୟିତ୍ୱ ଗ୍ରହଣ କରିଛନ୍ତି। ବୁଧବାର ସେ ଶପଥ ଗ୍ରହଣ କରିଛନ୍ତି। ଛତିଶଗଡ଼ ରାଜ୍ୟପାଳ ବଳରାମଜୀ ଦାସ ଟଣ୍ଡନଙ୍କ ପରଲୋକ ହେବା ପରେ ଅସ୍ଥାୟୀ ଭାବେ ସେ ଏହି ଦାୟିତ୍ୱ ଗ୍ରହଣ କରିଛନ୍ତି। 

୧୮ ଯାଏ କୋଚି ବିମାନବନ୍ଦର ବନ୍ଦ

୧୮ ଯାଏ କୋଚି ବିମାନବନ୍ଦର ବନ୍ଦ

ଥିରୁଭାନନ୍ତପୁରମ୍‌,୧୫।୮: ବନ୍ୟା ଯୋଗୁ କେରଳର ଅବସ୍ଥା ବେହାଲ ହୋଇଛି। ପରିସ୍ଥିତିକୁ ଦୃଷ୍ଟିରେ ରଖି ପ୍ରଶାସନ ପକ୍ଷରୁ କୋଚି ଅନ୍ତର୍ଜାତୀୟ ବିମାନବନ୍ଦରକୁ ଆସନ୍ତା ୧୮ ତାରିଖ ଅପରାହ୍ନ ୨ଟା ପର୍ଯ୍ୟନ୍ତ ବନ୍ଦ ରଖାଯାଇଛି। ପେରିୟାର ନଦୀର ବନ୍ୟାଜଳ ବିମାନବନ୍ଦର ମଧ୍ୟକୁ ପ୍ରବେଶ କରିବାରୁ ଏଭଳି ପଦକ୍ଷେପ ନିଆଯାଇଛି। 

ଉଡ଼ିଲାନି, ଖସିପଡ଼ିଲା ତ୍ରିରଙ୍ଗା: ଶାହଙ୍କୁ କଂଗ୍ରେସର ତାଚ୍ଛଲ୍ୟ

ଉଡ଼ିଲାନି, ଖସିପଡ଼ିଲା ତ୍ରିରଙ୍ଗା: ଶାହଙ୍କୁ କଂଗ୍ରେସର ତାଚ୍ଛଲ୍ୟ

ନୂଆଦିଲ୍ଲୀ,୧୫।୮: ସମଗ୍ର ଭାରତ ବୁଧବାର ୭୨ତମ ସ୍ବାଧୀନତା ଦିବସ ପାଳନ କରୁଛି। ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସକାଳେ ଲାଲକିଲ୍ଲାରେ ପତାକା ଉତ୍ତୋଳନ କରିବା ସହ ଦେଶବାସୀଙ୍କୁ ସମ୍ବୋଧିତ କରିଛନ୍ତି। ଏହି ପରିପ୍ରେକ୍ଷୀରେ ଭାଜପା ଅଧ୍ୟକ୍ଷ ଅମିତ୍‌ ଶାହ ମଧ୍ୟ ଦଳୀୟ କାର୍ଯ୍ୟାଳୟରେ ପତାକା ଉତ୍ତୋଳନ କରିଥିଲେ। 

ଜମ୍ମୁ-କଶ୍ମୀରରେ ଇଣ୍ଟରନେଟ୍‌ ସେବା ବନ୍ଦ

ଜମ୍ମୁ-କଶ୍ମୀରରେ ଇଣ୍ଟରନେଟ୍‌ ସେବା ବନ୍ଦ

ଶ୍ରୀନଗର,୧୫।୮: ସ୍ବାଧୀନତା ଦିବସ ଅବସରରେ ଜମ୍ମୁ-କଶ୍ମୀରରେ ସୁରକ୍ଷା ଦୃଷ୍ଟିରୁ ଇଣ୍ଟରନେଟ୍‌ ଓ ମୋବାଇଲ୍‌ ସେବାକୁ ବନ୍ଦ କରି ଦିଆଯାଇଛି। ସମ୍ବେଦନଶୀଳ ଅଞ୍ଚଳରେ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରାଯିବା ସହିତ ସୁରକ୍ଷାବଳଙ୍କୁ ମୁତୟନ କରାଯାଇଥିବା ପ୍ରଶାସନ ପକ୍ଷରୁ କୁହାଯାଇଛି। 

ଏଏପିରୁ ଇସ୍ତଫା ଦେଲେ ଆଶୁତୋଷ

ଏଏପିରୁ ଇସ୍ତଫା ଦେଲେ ଆଶୁତୋଷ

ନୂଆଦିଲ୍ଲୀ,୧୫।୮: ଆମ୍‌ ଆଦମୀ ପାର୍ଟି(ଏଏପି)ରୁ ବରିଷ୍ଠ ନେତା ଆଶୁତୋଷ ଗୁପ୍ତା ବୁଧବାର ସକାଳେ ଇସ୍ତଫା ଦେଇଛନ୍ତି। ବ୍ୟକ୍ତିଗତ କାରଣରୁ ସେ ଏପରି କରିଥିବା ଟୁଇଟ୍‌ କରି ପ୍ରକାଶ କରିଛନ୍ତି। 

୨୦୨୨ ସୁଦ୍ଧା ମହାକାଶକୁ ଯିବେ ଭାରତୀୟ ମହାକାଶଚାରୀ

୨୦୨୨ ସୁଦ୍ଧା ମହାକାଶକୁ ଯିବେ ଭାରତୀୟ ମହାକାଶଚାରୀ

ନୂଆଦିଲ୍ଲୀ,୧୫।୮: ମହାକାଶ ଗବେଷଣା କ୍ଷେତ୍ରରେ ଭାରତର ବିକାଶଧାରା ଜାରି ରହିଛି। ୨୦୨୨ ସୁଦ୍ଧା ଭାରତୀୟ ମହାକାଶଚାରୀ ମହାକାଶକୁ ଯିବେ ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ୭୨ ସ୍ବାଧୀନତା ଦିବସ ପାଳନ ଅବସରରେ ସୂଚିତ କରିଛନ୍ତି। 

ଶହୀଦଙ୍କୁ ଶ୍ରଦ୍ଧାଞ୍ଜଳି: ସୀମାରେ ୭ କିମି ମାନବ ଶୃଙ୍ଖଳ

ଶହୀଦଙ୍କୁ ଶ୍ରଦ୍ଧାଞ୍ଜଳି: ସୀମାରେ ୭ କିମି ମାନବ ଶୃଙ୍ଖଳ

ଜୟପୁର,୧୫।୮: ଶହୀଦଙ୍କୁ ଶ୍ରଦ୍ଧାଞ୍ଜଳି ଦେବା ପାଇଁ ରାଜସ୍ଥାନରେ ଭାରତ-ପାକିସ୍ତାନ ଅନ୍ତର୍ଜାତୀୟ ସୀମାରେ ୭ କିଲୋମିଟର ଲମ୍ବ ମାନବ ଶୃଙ୍ଖଳ କରାଯାଇଛି। ଏଥିରେ ରାଜ୍ୟର ହଜାର ହଜାର ଜନସାଧାରଣ ଅଂଶଗ୍ରହଣ କରିଛନ୍ତି। 

Model This Week

ଯସ୍ମିନ୍