କଟକ ଅଫିସ, ୧।୨: ରୋଜଭ୍ୟାଲି ଚିଟଫଣ୍ଡ ଠକେଇ ମାମଲାରେ ଜଡିତ ତୃଣମୂଳ କଂଗ୍ରେସ ଏମ୍ପି ତାପସ ପାଲଙ୍କୁ ଗୁରୁବାର ସର୍ତ୍ତମୂଳକ ଜାମିନ ମିଳିଛି। ୧ କୋଟି ଟଙ୍କା, ପାସପୋର୍ଟ ଦାଖଲ ଓ ୨ ଲକ୍ଷ୍ୟ ଟଙ୍କିଆ ଜାମିନଦାରଙ୍କ ବଦଳରେ ତାଙ୍କୁ ଏହି ଜାମିନ ମିଳିଛି। ପୂର୍ବ ନିର୍ଦ୍ଦେଶ ଅନୁସାରେ ଧାରା ୧୬୪ରେ ରେକର୍ଡ କରାଯାଇଥିବା ସାକ୍ଷୀଙ୍କ ବୟାନକୁ ଆଧାରକରି ଏମ୍ପି ପାଲଙ୍କ ବିରୋଧରେ ନିର୍ଦ୍ଧିଷ୍ଟ ଭାବେ ଏହାର ଶୁଣାଣି ହୋଇଥିଲା। ବିଚାରପତି ଜେ.ପି ଦାସଙ୍କୁ ନେଇ ଗଠିତ ଖଣ୍ଡପୀଠ ତାପସଙ୍କ ଜାମିନ ଆବେଦନର ଶୁଣାଣି ଶେଷକରି ଡିସେମ୍ବର ୧୩କୁ ରାୟ ସଂରକ୍ଷିତ ରଖିଛନ୍ତି। ସୂଚନାଯୋଗ୍ୟ, ରୋଜଭ୍ୟାଲି ଚିଟଫଣ୍ଡ ଠକେଇ ମାମଲାରେ ୨୦୧୬ ଡିସେମ୍ବର ୩୦ରେ ଏମ୍ପି ତାପସ ପାଲଙ୍କୁ ଗିରଫ କରାଯାଇଥିଲା। ତାପସଙ୍କ ଜାମିନ ଆବେଦନକୁ ୨୦୧୭ ଏପ୍ରିଲ ୧୨ରେ ହାଇକୋର୍ଟ ଖାରଜ କରିଥିଲେ।
