ମେଟ୍ରୋ |

ପୁରୀରେ ଅଗ୍ନିଶମ ବିଭାଗର ଯାଞ୍ଚ: ୨୪ ପ୍ରତିଷ୍ଠାନକୁ ଜାରି ହେବ ନୋଟିସ

ପୁରୀରେ ଅଗ୍ନିଶମ ବିଭାଗର ଯାଞ୍ଚ: ୨୪ ପ୍ରତିଷ୍ଠାନକୁ ଜାରି ହେବ ନୋଟିସ
ପୁରୀ ଅଫିସ, ୩୧।୧: ଅଗ୍ନିଶମ ବିଭାଗ ପକ୍ଷରୁ ବୁଧବାର ପୁରୀ ସହରର ୨୩ ଏବଂ ସତ୍ୟବାଦୀର ଗୋଟିଏ ପ୍ରତିଷ୍ଠାନ କୋଠାର ଅଗ୍ନି ନିରାପତ୍ତା ବ୍ୟବସ୍ଥା ଯାଞ୍ଚ କରାଯାଇଛି। ଏଥିରେ ୧୨ଟି ହୋଟେଲ, ୫ଟି ହସ୍‌ପିଟାଲ, ୩ଟି ମଲ୍‌ ଓ ୪ଟି ଆପାର୍ଟମେଣ୍ଟ ରହିଛି। ଏଗୁଡିକରୁ କାହାର ବି ଅଗ୍ନି ନିରାପତ୍ତା ବ୍ୟବସ୍ଥା ସନ୍ତୋଷଜନକ ନୁହେଁ। ଆଗାମୀ ୭ଦିନ ମଧ୍ୟରେ ଏହି ୨୪ଟିକୁ ଅଗ୍ନିଶମ ବିଭାଗ ପକ୍ଷରୁ ନୋଟିସ ଜାରି କରାଯିବ। ସେମାନଙ୍କ କ’ଣ ସମସ୍ୟା ଏବଂ କ’ଣ ପଦକ୍ଷେପ ନେବାକୁ ପଡିବ ତାହା ଦର୍ଶାଯିବ। ଆବଶ୍ୟକ ପଦକ୍ଷେପ ନେବାକୁ ଉକ୍ତ କୋଠା ମାଲିକଙ୍କୁ ୨ରୁ ୩ ମାସ ସମୟ ଦିଆଯିବ। ଏହି ସମୟ ମଧ୍ୟରେ କୌଣସି ପଦକ୍ଷେପ ନ ନେଲେ ଫାୟାର ପ୍ରିଭେନ୍‌ଶନ ଆଣ୍ଡ ଫାୟାର ସେଫ୍ଟି ରୁଲ୍‌ସ ୨୦୧୭ ଅନୁଯାୟୀ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ପ୍ରଥମେ ସେଗୁଡିକର ବିଜୁଳି ଓ ପାଣି ସଂଯୋଗ ଛିନ୍ନ ହେବ। ଏହାପରେ ଲାଇସେନ୍ସ ବାତିଲ ଲାଗି ଉନ୍ନୟନ କର୍ତ୍ତୃପକ୍ଷଙ୍କୁ ଚିଠି କରାଯିବ। ଏପରି କି ଆବଶ୍ୟକ ପଡିଲେ ଉକ୍ତ କୋଠାକୁ ମଧ୍ୟ ସିଲ୍‌ କରି ଦିଆଯାଇପାରିବ ବୋଲି ରାଜ୍ୟ ମୁଖ୍ୟ ଅଗ୍ନିଶମ ଅଧିକାରୀ (ଫାୟାର ପ୍ରିଭେନ୍‌ଶନ୍‌) ବ୍ରଜେନ୍ଦୁ ଭୂଷଣ ଦାସ ସୂଚନା ଦେଇଛନ୍ତି। ଓଡ଼ିଶା ଅଗ୍ନିଶମ ବିଭାଗ ପକ୍ଷରୁ ଯାଞ୍ଚ ପାଇଁ ପୁରୀର ୨୪ଟି ପ୍ରତିଷ୍ଠାନକୁ ନୋଟିସ ଜାରି କରାଯାଇଥିଲା। ଏଥିଲାଗି ୧୨ଟି ଟିମ୍‌ ଗଠନ କରାଯାଇଥିଲା। ପ୍ରତି ଟିମ୍‌ରେ ୮ଜଣ ଲେଖାଏ ଅଧିକାରୀ ଓ କର୍ମଚାରୀ ରହିଥିଲେ। ବୁଧବାର ମଧ୍ୟାହ୍ନ ୧୨ଟାରେ ଯାଞ୍ଚ ପ୍ରକ୍ରିୟା ଆରମ୍ଭ କରାଯାଇଥିଲା। ପୁରୀର ଅନନ୍ୟା ପ୍ରାଇଡ୍‌ ରିସୋର୍ଟ, ହୋଟେଲ ହଲିଡେ ରିସୋର୍ଟ, ଦି ହଂସକୋକପାମ୍‌, ରୟାଲ ହେରିଟେଜ୍‌, ହୋଟେଲ ବଙ୍ଗଲକ୍ଷ୍ମୀ, ତୋଷାଳି ସ୍ୟାଣ୍ଡ ରିସୋର୍ଟ ଲିଃ, ହୋଟେଲ ଏମ୍ପାୟର, ହୋଟେଲ ମେ ଫେୟାର, ଦି ଚାରିୟଟ୍‌ ରିସୋର୍ଟ, ପୁରୀ ହୋଟେଲ, ହୋଟେଲ ବ୍ଲୁ ଲିଲି, ହୋଟେଲ ଗୋଲ୍‌ଡେନ ପ୍ୟାଲେସ, ବଜାର କୋଲ୍‌କାତା, ଗୁରୁ ଏମ୍ପାୟର, ବିଶାଲ ଶପିଙ୍ଗ୍‌ ମଲ୍‌, ଜେନା ଆପାର୍ଟମେଣ୍ଟ, ଶାନ୍ତି ଆପାର୍ଟମେଣ୍ଟ, ତୁଳସୀ ଆପାର୍ଟମେଣ୍ଟ, ଶ୍ରୀ ପ୍ୟାଲେସ, ଇ-୨୪ ହସ୍‌ପିଟାଲ, ଶ୍ରୀକୃଷ୍ଣ ହେଲ୍‌ଥ କେୟାର, ସଞ୍ଜୀବନୀ ହସ୍‌ପିଟାଲ, ଶରଧା ନର୍ସିଂହୋମ ଏବଂ ସତ୍ୟବାଦୀର ଗୋପୀନାଥ ହସ୍‌ପିଟାଲରେ ଯାଞ୍ଚ କରାଯାଇଛି। ଏହି ଯାଞ୍ଚ ବେଳେ ୨ଟି ସ୍ଥାନରେ ଅଗ୍ନିଶମ ବାହିନୀ ହୋଟେଲ କର୍ତ୍ତୃପକ୍ଷଙ୍କ ବିରୋଧର ସମ୍ମୁଖୀନ ହୋଇଥିବା ଜଣାପଡିଛି। କୌଣସି ଗୋଟିଏ ବି ପ୍ରତିଷ୍ଠାନରେ ଅଗ୍ନି ନିରାପତ୍ତା ସନ୍ତୋଷଜନକ ନୁହେଁ ବୋଲି ଯାଞ୍ଚ ବେଳେ ସ୍ପଷ୍ଟ ହୋଇଛି। ଅଧିକାଂଶ ପ୍ରତିଷ୍ଠାନର ପ୍ରସ୍ଥାନ ପଥ ଠିକ୍‌ ଭାବେ ରଖାଯାଇନାହିଁ। ଯେଉଁଠି ବି ପ୍ରସ୍ଥାନ ପଥ, ଏସ୍‌କେପ୍‌ ରୁଟ୍‌, ଓପନ୍‌ ସ୍ପେସ୍‌ ଓ କରିଡର ଆଦି ରହିଛି, ତାହାକୁ ଅବରୋଧ କରାଯାଇଥିବା ମୁଖ୍ୟ ଅଗ୍ନିଶମ ଅଧିକାରୀ ଦାସ କହିଛନ୍ତି। ଯାଞ୍ଚ ବେଳେ ଏକ ପ୍ରତିଷ୍ଠାନକୁ ପିକେଡିଏ ପକ୍ଷରୁ ଜି ପ୍ଲସ୍‌ ୨ କମର୍ସିଆଲ କମ୍‌ ରେସିଡେନ୍ସିଆଲ କୋଠା କରିବାକୁ ଅନୁମତି ଦିଆଯାଇଥିଲା। ଉକ୍ତ କୋଠାରେ ବର୍ତ୍ତମାନ ହୋଟେଲ ଚାଲିଥିବା ଯାଞ୍ଚରୁ ଜଣାପଡିଛି। ଚକ୍ରତୀର୍ଥ ରୋଡ୍‌ର ଏକ ପ୍ରତିଷ୍ଠିତ ହୋଟେଲରେ ଶିଶୁମାନଙ୍କ ପାଇଁ ରହିଥିବା ଗେମ୍‌ ପାର୍ଲର ନିକଟରେ ୫ଶହ କେଭି କ୍ଷମତାସମ୍ପନ୍ନ ଟ୍ରାନ୍ସଫର୍ମର ସ୍ଥାପନ କରାଯାଇଥିବା ସେ କହିଛନ୍ତି। ଏପରି କି ଏହି ଯାଞ୍ଚ ବେଳେ ଏକ ହୋଟେଲରେ ଇଲେକ୍ଟ୍ରିକ୍‌ ପ୍ୟାନେଲ ନିକଟରେ ଦହନଶୀଳ ପଦାର୍ଥ ରଖାଯାଇଥିବା ଦେଖିବାକୁ ମିଳିଥିଲା। ଏହି ସବୁ ଅବ୍ୟବସ୍ଥା ରହିଥିବା ହୋଟେଲ ଗୁଡିକର ନାମ ଅଗ୍ନିଶମ ବିଭାଗ ପକ୍ଷରୁ ପ୍ରକାଶ କରାଯାଇନାହିଁ। ନୋଟିସ ଜାରି ବେଳେ ନାମ ପ୍ରକାଶ କରାଯିବ ବୋଲି ମୁଖ୍ୟ ଅଗ୍ନିଶମ ଅଧିକାରୀ କହିଛନ୍ତି। ଅଗ୍ନିଶମ ବିଭାଗ ପକ୍ଷରୁ ପ୍ରଥମ ପର୍ଯ୍ୟାୟରେ ୨୭୦ଟି ହୋଟେଲର ତାଲିକା ପ୍ରସ୍ତୁତ ହୋଇଛି। ଖୁବ୍‌ଶୀଘ୍ର ସେମାନଙ୍କୁ ନୋଟିସ ଜାରି କରାଯିବ ବୋଲି ସେ କହିଛନ୍ତି। ଅନ୍ୟପକ୍ଷରେ ଗତ ୨୩ତାରିଖରେ ଭିଆଇପି ରୋଡ୍‌ସ୍ଥିତ ଅନନ୍ୟା ପ୍ରାଇଡ୍‌ ରିସୋର୍ଟର ଚତୁର୍ଥ ମହଲାସ୍ଥିତ ପ୍ୟାଣ୍ଟ୍ରି ୟୁଟିଲିଟି ଷ୍ଟୋରରେ ନିଆଁ ଲାଗିଥିଲା। ଅଗ୍ନିଶମ ବିଭାଗ ପକ୍ଷରୁ ଯାଞ୍ଚ ବେଳେ ଉକ୍ତ କକ୍ଷକୁ ସିଲ୍‌ କରି ଦିଆଯାଇଥିବା ଦାସ ସୂଚନା ଦେଇଛନ୍ତି।
All Right Reserved By

ମେଟ୍ରୋ |

ଆଜିଠାରୁ ବିଧାନସଭା

ଆଜିଠାରୁ ବିଧାନସଭା

ଭୁବନେଶ୍ୱର,୧୬।୧୧(ବ୍ୟୁରୋ): ପଞ୍ଚଦଶ ବିଧାନସଭାର ଶୀତ ଅଧିବେଶନ ଶୁକ୍ରବାରଠାରୁ ଆରମ୍ଭ ହେଉଛି। ଏହା ଆସନ୍ତା ଡିସେମ୍ବର ୧୫ ତାରିଖ ଯାଏ ଚାଲିବ। ଏଥିରେ ମୋଟ ୨୩ଟି କାର୍ଯ୍ୟଦିବସ ରହିଛି। 

ମହାନଦୀ, ପୋଲାଭରମ ପ୍ରସଙ୍ଗକୁ ଢାଲ କରିବ ବିଜେଡି

ମହାନଦୀ, ପୋଲାଭରମ ପ୍ରସଙ୍ଗକୁ ଢାଲ କରିବ ବିଜେଡି

ଭୁବନେଶ୍ୱର, ୧୬।୧୧(ବ୍ୟୁରୋ): ପଞ୍ଚଦଶ ବିଧାନସଭାର ଚତୁର୍ଦ୍ଦଶ ଅଧିବେଶନ ଶୁକ୍ରବାରଠାରୁ ଆରମ୍ଭ ହେବ। ଏଥିପାଇଁ ଗୃହକୁ ଯିବା ପୂର୍ବରୁ ଉଭୟ ଶାସକ ଏବଂ ବିରୋଧୀ ନିଜ ନିଜର ରଣନୀତି ପ୍ରସ୍ତୁତ କରିଛନ୍ତି। ୨୦୧୯ ନିର୍ବାଚନ ପୂର୍ବରୁ ଏହା ଶେଷ ଅଧିବେଶନ ହେବ ବୋଲି କୁହାଯାଉଛି। 

ଓଆର୍‌ଏସ୍‌ପି ରୁଲ୍ସ-୨୦୦୮: କର୍ମଚାରୀଙ୍କ ମହଙ୍ଗା ଭତ୍ତା ବଢ଼ିଲା

ଭୁବନେଶ୍ୱର,୧୬।୧୧(ବ୍ୟୁରୋ): ଓଡ଼ିଶା ରିଭାଇଜ୍‌ଡ ପେ’ ସ୍କେଲ୍‌-୨୦୦୮ରେ କାର୍ଯ୍ୟ କରୁଥିବା ରାଜ୍ୟ ସରକାରୀ କର୍ମଚାରୀମାନଙ୍କ ମହଙ୍ଗା ଭତ୍ତା ୧୪୨%ରୁ ୧୪୮% ପ୍ରତିଶତକୁ ବୃଦ୍ଧି ପାଇଛି। ଅର୍ଥମନ୍ତ୍ରୀ ଶଶିଭୂଷଣ ବେହେରା ଏ ସଂକ୍ରାନ୍ତ ପ୍ରସ୍ତାବକୁ ମଞ୍ଜୁର କରିଛନ୍ତି। ଏଣିକି ରାଜ୍ୟ ସରକାରଙ୍କ ଅଧୀନସ୍ଥ କର୍ମଚାରୀ ଓଡ଼ିଶା ରିଭାଇଜ୍‌ଡ ପେ’ ସ୍କେଲ୍‌-୨୦୦୮ ଅନୁସାରେ ସେମାନଙ୍କ ମହଙ୍ଗା ଭତ୍ତା ୬ ପ୍ରତିଶତ ବୃଦ୍ଧି କରାଯାଇଛି। 

ରାଧା ପାଦ ଦର୍ଶନ ପାଇଁ ବ୍ୟବସ୍ଥାବଳୀ ଜାରି

ରାଧା ପାଦ ଦର୍ଶନ ପାଇଁ ବ୍ୟବସ୍ଥାବଳୀ ଜାରି

ପୁରୀ ଅଫିସ,୧୬|୧୧: ଆସନ୍ତା ୧୭ ତାରିଖ ପବିତ୍ର ଅଁଳା ନବମୀରେ ସତ୍ୟବାଦୀ ବ୍ଲକ୍‌ ସାକ୍ଷୀଗୋପାଳସ୍ଥିତ ଗୋପୀନାଥ ଦେବ ମନ୍ଦିରରେ ଓଡ଼ିଆଣୀ ବେଶରେ ଦର୍ଶନ ଦେବେ ରାଧାରାଣୀ। 

ରୋକାଯିବ ମାତୃ, ଶିଶୁ ମୃତ୍ୟୁ ହାର: ଏସ୍‌ସିବିରେ ‘ଆକ୍ସନ ଟ୍ରାଏଲ୍‌’ ପ୍ରକଳ୍ପ

ରୋକାଯିବ ମାତୃ, ଶିଶୁ ମୃତ୍ୟୁ ହାର: ଏସ୍‌ସିବିରେ ‘ଆକ୍ସନ ଟ୍ରାଏଲ୍‌’ ପ୍ରକଳ୍ପ

କଟକ ଅଫିସ, ୧୬।୧୧- ଭାରତରେ ମାତୃ ଓ ଶିଶୁ ମୃତ୍ୟୁହାର ରୋକିବା ପାଇଁ ବିଶ୍ୱ ସ୍ବାସ୍ଥ୍ୟ ସଂଗଠନ (ଡବ୍ଲ୍ୟୁଏଚ୍‌ଓ) ଅଣ୍ଟା ଭିଡ଼ିଛି। ଓଡ଼ିଶାର ଏସ୍‌ସିବି ମେଡିକାଲ କଲେଜ ସମେତ ଦେଶର ୪ଟି ମେଡିକାଲ କଲେଜରେ ବିଶ୍ୱ ସ୍ବାସ୍ଥ୍ୟ ସଂଗଠନ ‘ଆକ୍ସନ ଟ୍ରାଏଲ’ ନାମରେ ଏକ ପ୍ରକଳ୍ପ ଆରମ୍ଭ କରିଛି।

ରେଭେନ୍‌ଶାରେ ସ୍ଥାପିତ ହେଲା ବୁଦ୍ଧଙ୍କ ପ୍ରତିମୂର୍ତ୍ତି

ରେଭେନ୍‌ଶାରେ ସ୍ଥାପିତ ହେଲା ବୁଦ୍ଧଙ୍କ ପ୍ରତିମୂର୍ତ୍ତି

କଟକ ଅଫିସ,୧୬|୧୧- ରେଭେନ୍‌ଶା ବିଶ୍ୱବିଦ୍ୟାଳୟର ୱେଷ୍ଟ ହଷ୍ଟେଲ ସମ୍ମୁଖ ଅଶ୍ୱସ୍ତ ଗଛ ମୂଳରେ ଗୁରୁବାର ପୂର୍ବାହ୍ନରେ ସ୍ଥାପିତ ହୋଇଛି ଗୌତମ ବୁଦ୍ଧଙ୍କର  ସାଢ଼େ ୭ ଫୁଟର ପ୍ରତିମୂର୍ତ୍ତି। 

ପୂର୍ଣ୍ଣ କାର୍ଯ୍ୟକ୍ଷମ ହେଲା ହାଇକୋର୍ଟ

ପୂର୍ଣ୍ଣ କାର୍ଯ୍ୟକ୍ଷମ ହେଲା ହାଇକୋର୍ଟ

କଟକ ଅଫିସ,୧୬|୧୧- ହାଇକୋର୍ଟ ଚାଲୁଥିଲା। ବିଚାରପତିମାନେ ଆସୁଥିଲେ। ଆଇନଜୀବୀଙ୍କ କାର୍ଯ୍ୟବନ୍ଦ ଆନ୍ଦୋଳନ ଯୋଗୁ ୭୮ ଦିନ ଧରି କୋର୍ଟ ପୂର୍ଣ୍ଣମାତ୍ରାରେ କାର୍ଯ୍ୟକ୍ଷମ ହୋଇପାରୁ ନ ଥିଲା କିମ୍ବା ମାମଲା ବିଚାର ହୋଇପାରୁ ନ ଥିଲା। ଓକିଲ-ପୋଲିସ ବିବାଦକୁ ନେଇ ଏପରି ଅଚଳାବସ୍ଥା ଲାଗି ରହିଥିଲା।

ରେଭେନ୍‌ଶା ବିଶ୍ୱବିଦ୍ୟାଳୟର ଦ୍ୱାଦଶ ସ୍ମରଣୋତ୍ସବ: ‘ରେଭେନ୍‌ଶା ଛାତ୍ରୀଛାତ୍ର ଭାବେ ଗର୍ବ ଅନୁଭବ କର’

ରେଭେନ୍‌ଶା ବିଶ୍ୱବିଦ୍ୟାଳୟର ଦ୍ୱାଦଶ ସ୍ମରଣୋତ୍ସବ: ‘ରେଭେନ୍‌ଶା ଛାତ୍ରୀଛାତ୍ର ଭାବେ ଗର୍ବ ଅନୁଭବ କର’

କଟକ ଅଫିସ,୧୬|୧୧- ରେଭେନ୍‌ଶାରେ ପଢ଼ିବାକୁ ରାଜ୍ୟର ପ୍ରତ୍ୟେକ ଛାତ୍ରୀଛାତ୍ରଙ୍କ ଇଚ୍ଛା ଥାଏ।  ଶିକ୍ଷାଦାନର ଏକ ଉତ୍କୃଷ୍ଟ କ୍ଷେତ୍ର କହିଲେ, ରେଭେନ୍‌ଶା ବିଶ୍ୱବିଦ୍ୟାଳୟକୁ ବୁଝାଏ। ରାଜ୍ୟ ତଥା ଦେଶର ବିଭିନ୍ନ କ୍ଷେତ୍ରରେ ରେଭେନ୍‌ଶାର ଛାତ୍ରୀଛାତ୍ର ଭଲ ପ୍ରଦର୍ଶନ କରି ବେଶ୍‌ ପ୍ରତିଷ୍ଠିତ ହୋଇପାରିଛନ୍ତି।  

ପରୀକ୍ଷାରେ ପାସ୍‌ କରାଇଦେବାକୁ ଲାଞ୍ଚ: ଭିଜିଲାନ୍ସ ଜାଲରେ ନିମାପଡ଼ା କଲେଜ ଅଧ୍ୟାପକ

ପରୀକ୍ଷାରେ ପାସ୍‌ କରାଇଦେବାକୁ ଲାଞ୍ଚ: ଭିଜିଲାନ୍ସ ଜାଲରେ ନିମାପଡ଼ା କଲେଜ ଅଧ୍ୟାପକ

କଟକ ଅଫିସ/ ନିମାପଡ଼ା (ଡି.ଏନ୍‌.ଏ.) ୧୬।୧୧- ପରୀକ୍ଷାରେ ପାସ୍‌ କରାଇଦେବା ପାଇଁ ଛାତ୍ରଙ୍କଠାରୁ ୧୦ ହଜାର ଟଙ୍କା ଲାଞ୍ଚ ନେଉଥିବାବେଳେ ଭିଜିଲାନ୍ସ ହାତରେ ଧରାପଡ଼ିଛନ୍ତି ଜଣେ ଅଧ୍ୟାପକ।

୩୬ ଘଣ୍ଟିଆ ‘ସ୍ମାର୍ଟ ଓଡ଼ିଶା ହାକାଥନ୍‌’ ଉଦ୍‌ଯାପିତ: ବିଜେତାଙ୍କୁ ପୁରସ୍କୃତ କଲେ ମୁଖ୍ୟମନ୍ତ୍ରୀ

୩୬ ଘଣ୍ଟିଆ ‘ସ୍ମାର୍ଟ ଓଡ଼ିଶା ହାକାଥନ୍‌’ ଉଦ୍‌ଯାପିତ: ବିଜେତାଙ୍କୁ ପୁରସ୍କୃତ କଲେ ମୁଖ୍ୟମନ୍ତ୍ରୀ

ଭୁବନେଶ୍ୱର,୧୬।୧୧(ବ୍ୟୁରୋ)- ‘ମେକ୍‌ ଇନ୍‌ ଓଡ଼ିଶା କନ୍‌କ୍ଲେଭ୍‌’ ଅବସରରେ ଦକ୍ଷତା ବିକାଶ ଓ ବୈଷୟିକ ଶିକ୍ଷା ବିଭାଗ ଏବଂ ବିଜୁ ପଟ୍ଟନାୟକ ବୈଷୟିକ ବିଶ୍ୱବିଦ୍ୟାଳୟର ମିଳିତ ଆନୁକୂଲ୍ୟରେ ଆୟୋଜିତ ‘ସ୍ମାର୍ଟ ଓଡ଼ିଶା ହାକାଥନ୍‌’ ଗୁରୁବାର ଉଦ୍‌ଯାପିତ ହୋଇଯାଇଛି। 

ଜାଗା ମିଶନର ଶୁଭାରମ୍ଭ, ଭୂମିହୀନ ବସ୍ତିବାସିନ୍ଦାଙ୍କୁ ପଟ୍ଟା ବଣ୍ଟନ

ଜାଗା ମିଶନର ଶୁଭାରମ୍ଭ, ଭୂମିହୀନ ବସ୍ତିବାସିନ୍ଦାଙ୍କୁ ପଟ୍ଟା ବଣ୍ଟନ

ପୁରୀ ଅଫିସ,୧୬ା୧୧: ସହରାଞ୍ଚଳରେ ବସବାସ କରୁଥିବା ଭୂମିହୀନ ବସ୍ତିବାସିନ୍ଦାଙ୍କ ପାଇଁ ରାଜ୍ୟ ସରକାର ଶ୍ରୀକ୍ଷେତ୍ର ମାଟିରୁ ଶୁଭାରମ୍ଭ କରିଛନ୍ତି ଜାଗା ମିଶନ୍‌। ଏହି ଅବସରରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭୂମିହୀନ ବସ୍ତିବାସିନ୍ଦାଙ୍କୁ ଭୂମି ଅଧିକାର ପ୍ରମାଣପତ୍ର ଏବଂ ଗୃହ ନିର୍ମାଣ ନିମନ୍ତେ ଅନୁମୋଦନ ପ୍ରମାଣପତ୍ର ପ୍ରଦାନ କରିଛନ୍ତି।

ଘରୋଇ ବିଦ୍ୟାଳୟ ମହାସଂଘ ଲୋଗୋ ଉନ୍ମୋଚିତ

ଭୁବନେଶ୍ୱର,୧୬।୧୧(ବ୍ୟୁରୋ)- ଓଡ଼ିଶା ରାଜ୍ୟ ଘରୋଇ ବିଦ୍ୟାଳୟ ମହାସଂଘର ଏକ ଲୋଗୋ ଗୁରୁବାର ଉନ୍ମୋଚିତ ହୋଇଯାଇଛି। ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ମନ୍ତ୍ରୀ ସୂର୍ଯ୍ୟନାରାୟଣ ପାତ୍ର ଏହି ଲୋଗୋକୁ ଉନ୍ମୋଚନ କରିଛନ୍ତି।