ରାଜ୍ୟ |

ମାଲବାହୀ ଟ୍ରେନ୍‌ ଲାଇନଚ୍ୟୁତ

ମାଲବାହୀ ଟ୍ରେନ୍‌ ଲାଇନଚ୍ୟୁତ
ବାଲୁଗଁ।/ଜଟଣୀ,୩୦।୧(ଡି.ଏନ.ଏ.)-ଖୋର୍ଦ୍ଧାରୋଡ଼ ରେଳ ଡିଭିଜନର ବ୍ରହ୍ମପୁର ସେକ୍ସନ ଅନ୍ତର୍ଗତ ବାଲୁଗାଁ ଓ ଚିଲିକା ଷ୍ଟେଶନ ମଧ୍ୟବର୍ତ୍ତୀ କିଲୋମିଟର ନଂ. ୫୩୦/୩୯ ନିକଟରେ ମଙ୍ଗଳବାର ମଧ୍ୟାହ୍ନରେ ଏକ ମାଲବାହୀ ଟ୍ରେନ୍‌ର ଗୋଟିଏ ୱାଗନ ଲାଇନଚ୍ୟୁତ ହୋଇଛି। ଫଳରେ ଅପ୍‌ଲାଇନ୍‌ରେ ଟ୍ରେନ୍‌ ଚଳାଚଳ ବାଧାପ୍ରାପ୍ତ ହୋଇଛି। କେତେକ ଟ୍ରେନ୍‌କୁ ସମ୍ପୂର୍ଣ୍ଣ ଓ ଆଉ କେତେଗୋଟି ଟ୍ରେନ୍‌କୁ ସାମୟିକ ବାତିଲ କରାଯାଇଛି। ତେବେ ଏକ ବଡ଼ଧରଣର ଦୁର୍ଘଟଣାକୁ ଏଡ଼ାଇବାରେ ପ୍ରମୁଖ ଭୂମିକା ନେଇଥିବା ବଡକୂଳ ରେଳଫାଟକର ଗେଟ୍‌ ମ୍ୟାନ୍‌, ଡ୍ରାଇଭର ଓ ଆସିଷ୍ଟାଣ୍ଟ ଡ୍ରାଇଭରଙ୍କୁ ସମ୍ବର୍ଦ୍ଧିତ କରାଯିବ ବୋଲି ରେଲୱେ ପକ୍ଷରୁ ସୂଚନା ଦିଆଯାଇଛି। ରାଉରକେଲା ନିକଟ ବୀରମିତ୍ରପୁର ଷ୍ଟେଶନରୁ ଡୋଲମାଇଟ୍‌ ଲୋଡ୍‌ କରି ବିଶାଖାପାଟଣା ଷ୍ଟିଲ ପ୍ଲାଣ୍ଟ ଅଭିମୁଖେ ଯାଉଥିବା ବେଳେ ଏହି ମାଲବାହୀ ଟ୍ରେନ୍‌ଟି ଦୁର୍ଘଟଣାଗ୍ରସ୍ତ ହୋଇଥିଲା। ବାଲୁଗାଁ ନିକଟ ଲେଭଲ୍‌ କ୍ରସିଂ ଅତିକ୍ରମ କରୁଥିବା ସମୟରେ ଲାଇନଚ୍ୟୁତ ହୋଇଥିବା ୱାଗନ୍‌ରୁ ଶବ୍ଦ ଓ ଧୂଆଁ ବାହାରୁଥିବା ଦେଖି ଗେଟ୍‌ମ୍ୟାନ୍‌ ତୁରନ୍ତ ଡ୍ରାଇଭରଙ୍କୁ ଜଣାଇଥିଲେ। ଫଳରେ ଡ୍ରାଇଭର ଟ୍ରେନ୍‌କୁ ଅଟକାଇଥିଲେ ମଧ୍ୟ ଗୋଟିଏ ୱାଗନ ଲାଇନଚ୍ୟୁତ ହୋଇଯାଇଥିଲା। ଦୁର୍ଘଟଣାସ୍ଥଳର ପଛକୁ ପ୍ରାୟ ୪ କିଲୋମିଟର ପର୍ଯ୍ୟନ୍ତ ରେଳ ଟ୍ରାକ୍‌ ନଷ୍ଟ ହୋଇଯାଇଛି। ଏଣୁ ୪ କିଲୋମିଟର ପଛରୁ ଏହି ମାଲବାହୀ ଟ୍ରେନ୍‌ଟି ବିପଦସଙ୍କୁଳ ଅବସ୍ଥାରେ ଆସିଥିବା ଏଥିରୁ ସ୍ପଷ୍ଟ ହେଉଛି। ଘଟଣାସ୍ଥଳରେ ଡିଭିଜନର ଡିଆର୍‌ଏମ୍‌ ଓ ଅନ୍ୟ ଅଧିକାରୀମାନେ ପହଞ୍ଚତ୍ କିପରି ଟ୍ରେନ୍‌ ଚଳାଚଳ ସ୍ବାଭାବିକ ହେବ ଉଦ୍ୟମ କରିବା ସହ ଦୁର୍ଘଟଣାର କାରଣ ଅନୁଧ୍ୟାନ କରୁଛନ୍ତି। ଲାଇନଚ୍ୟୁତ ୱାଗନକୁ କ୍ରେନ୍‌ ମାଧ୍ୟମରେ ଉଠାଯାଇଥିଲେ ମଧ୍ୟ ନଷ୍ଟ ହୋଇଯାଇଥିବା ୪ କିଲୋମିଟର ପର୍ଯ୍ୟନ୍ତ ଅପ୍‌ଲାଇନ୍‌ ଟ୍ରାକ୍‌ର ମରାମତି କାର୍ଯ୍ୟ ଚାଲୁଥିବାରୁ କେବଳ ଡାଉନଲାଇନ୍‌ରେ ଟ୍ରେନ୍‌ ଚଳାଚଳ କରାଯାଉଛି। ଫଳରେ ଭୁବନେଶ୍ୱର-ପଲାସା ପାସେଞ୍ଜର, କଟକ-ବ୍ରହ୍ମପୁର ପାସେଞ୍ଜର ଟ୍ରେନ୍‌କୁ ମଙ୍ଗଳବାର ପାଇଁ ବାତିଲ କରାଯାଇଛି। ସେହିପରି ବିଶାଖାପାଟଣା-ଭୁବନେଶ୍ୱର ଇଣ୍ଟରସିଟି ଏକ୍ସପ୍ରେସ୍‌ ବ୍ରହ୍ମପୁର ପର୍ଯ୍ୟନ୍ତ ଚଳାଚଳ କରିବ। ବୁଧବାର ପାଇଁ ପଲାସା-ଭୁବନଶ୍ୱେର ପାସେଞ୍ଜର, ବ୍ରହ୍ମପୁର-କଟକ ପାସେଞ୍ଜର, ଭୁବନେଶ୍ୱର-ବ୍ରହ୍ମପୁର-ଭୁବନେଶ୍ୱର ପାସେଞ୍ଜର ଟ୍ରେନ୍‌କୁ ବାତିଲ କରାଯାଇଛି। ଭୁବନେଶ୍ୱର-ବିଶାଖାପାଟଣା ଇଣ୍ଟରସିଟି ଏକ୍ସପ୍ରେସ୍‌ ଭୁବନେଶ୍ୱର ପରିବର୍ତ୍ତେ ବ୍ରହ୍ମପୁରରୁ ବିଶାଖାପାଟଣା ଯାତ୍ରା କରିବ ବୋଲି ରେଲୱେ ପକ୍ଷରୁ ସୂଚନା ଦିଆଯାଇଛି। ଏହାଛଡ଼ା ଅନେକ ଟ୍ରେନ୍‌ ବିଳମ୍ବରେ ଯାତ୍ରା କରୁଛି। ବଡ଼ଧରଣର ଦୁର୍ଘଟଣା ଏଡାଇବାରେ ପ୍ରମୁଖ ଭୂମିକା ନେଇଥିବା ଗେଟ୍‌ମ୍ୟାନ୍‌ ବି.କେ. ସେଠୀ, ଟ୍ରେନ୍‌ ଡ୍ରାଇଭର ଏସ୍‌.ଏନ୍‌. ପଟ୍ଟନାୟକ, ଆସିଷ୍ଟାଣ୍ଟ ଡ୍ରାଇଭର ଏସ୍‌.କେ. ସାହୁଙ୍କ ପ୍ରଶଂସନୀୟ କାର୍ଯ୍ୟ ପାଇଁ ଭୁବନେଶ୍ୱରସ୍ଥିତ ଇଷ୍ଟକୋଷ୍ଟ ରେଲୱେର ରେଳସଦନରେ ସେମାନଙ୍କୁ ଜେନେରାଲ ମ୍ୟାନେଜରଙ୍କ ଦ୍ୱାରା ସମ୍ବର୍ଦ୍ଧିତ କରାଯିବ ବୋଲି ରେଲୱେ ପକ୍ଷରୁ ଏକ ପ୍ରେସ୍‌ ବିଜ୍ଞପ୍ତିରେ କୁହାଯାଇଛି।
All Right Reserved By

ରାଜ୍ୟ |

ଅଜଣା ଗାଡ଼ି ଧକ୍କାରେ ଯୁବକଙ୍କ ମୃତ୍ୟୁ, ଉତ୍ତେଜନା

ଅଜଣା ଗାଡ଼ି ଧକ୍କାରେ ଯୁବକଙ୍କ ମୃତ୍ୟୁ, ଉତ୍ତେଜନା

ବଡ଼ସାହି,୨୦।୨(ସ୍ବ.ପ୍ର.): ବଡ଼ସାହି ଥାନା ଅଧୀନ ବାରିପଦା-ଉଦଳା ରାସ୍ତାର ବାଲିଯୋଡ଼ାଠାରେ ଅଜଣା ଗାଡ଼ି ଧକ୍କାରେ ଜଣେ ଯୁବକଙ୍କ ମୃତ୍ୟୁ ଘଟିଛି। ସେ ହେଲେ ତାଳନ୍ଦ ଗ୍ରାମର ସତ୍ୟବାନ ନାୟକ। 

ଘନ କୁହୁଡ଼ି ଯୋଗୁ ଘର ଉପରେ ମାଡ଼ିଗଲା ଟ୍ରକ: ଡ୍ରାଇଭର, ହେଲ୍‌ପର ଗୁରୁତର

ଘନ କୁହୁଡ଼ି ଯୋଗୁ ଘର ଉପରେ ମାଡ଼ିଗଲା ଟ୍ରକ: ଡ୍ରାଇଭର, ହେଲ୍‌ପର ଗୁରୁତର

ନିଶ୍ଚିନ୍ତକୋଇଲି,୨୦।୨(ସ୍ବ.ପ୍ର.): ଘନ କୁହୁଡ଼ି ଯୋଗୁ ପି.ପି. କଲେଜ ଛକରେ ବୁଧବାର ସକାଳେ ଏକ ଦୁର୍ଘଟଣା ଘଟିଛି। କେନ୍ଦ୍ରାପଡ଼ାରୁ କଟକ ଅଭିମୁଖେ ଦ୍ରୁତ ଗତିରେ ଆସୁଥିବା ଏକ ହାଇଓ୍ବା ଟ୍ରକ୍‌ ଭାରସାମ୍ୟ ହରାଇ ଉକ୍ତ ଛକରେ ଥିବା ଡମ୍ବରୁଧର ସାହୁଙ୍କ ଘର ଉପରକୁ ମାଡ଼ି ଯାଇଥିଲା। 

କାବୁ ହେଲା କଲରାପତରିଆ ବାଘ, କୁକୁଡ଼ା ଖାଇବାକୁ ଆସି ଯନ୍ତାରେ ଫଶିଲା

କାବୁ ହେଲା କଲରାପତରିଆ ବାଘ, କୁକୁଡ଼ା ଖାଇବାକୁ ଆସି ଯନ୍ତାରେ ଫଶିଲା

ଭୁବନେଶ୍ୱର,୨୦।୨(ବ୍ୟୁରୋ): ଦୁଇ ଦିନ ଧରି ଭୁବନେଶ୍ୱରରେ ଆତଙ୍କ ଖେଳାଇଥିବା କଲରାପତରିଆ ବାଘ ଶେଷରେ ଧରାପଡ଼ିଛି। ମଙ୍ଗଳବାର ରାତି ପ୍ରାୟ୨.୩୦ମିନିଟ୍‌ରେ ବାଘଟିକୁ ବିମାନବନ୍ଦର କାର୍ଗୋ ଗେଟ୍‌ ପାଖରୁ ଧରାଯାଇଥିବା ଜଣାପଡ଼ିଛି। ପ୍ରଥମେ ତାକୁ ନନ୍ଦନକାନନ ନିଆଯାଇ ପ୍ରାଥମିକ ଚିକିତ୍ସା କରାଯାଇଥିଲା। ପରେ ତାକୁ ଚନ୍ଦକା ଗୋଡ଼ିବାରି ଜଙ୍ଗଲରେ ଛାଡ଼ି ଦିଆଯାଇଛି।

ବଢ଼ିଲା ତାତି, ମାଲକାନଗିରିରେ ୩୭ ଡିଗ୍ରୀ

ବଢ଼ିଲା ତାତି, ମାଲକାନଗିରିରେ ୩୭ ଡିଗ୍ରୀ

ଭୁବନେଶ୍ୱର, ୨୦।୨(ବ୍ୟୁରୋ)-ରାଜ୍ୟରେ ତାତି ବୃଦ୍ଧି ପାଇଛି। ମଙ୍ଗଳବାର ମାଲକାନଗିରିରେ ସର୍ବୋଚ୍ଚ ତାପମାତ୍ରା ୩୭ ଡିଗ୍ରୀ ସେଲସିୟସ ରେକର୍ଡ କରାଯାଇଛି। ସେହିପରି ୯ଟି ସ୍ଥାନରେ ପାରଦ ୩୩ ଡିଗ୍ରୀ ଉପରେ ରହିଛି। 

କାଳିଆ ସ୍କଲାରଶିପ୍‌ ଓ୍ବେବ୍‌ ପୋର୍ଟାଲ ଉନ୍ମୋଚିତ: ସରକାରୀ ବୈଷୟିକ ଅନୁଷ୍ଠାନରେ ପଢ଼ୁଥିବା ପିଲାଙ୍କ ସମସ୍ତ ଖର୍ଚ୍ଚ ବହନ କରିବେ ସରକାର

କାଳିଆ ସ୍କଲାରଶିପ୍‌ ଓ୍ବେବ୍‌ ପୋର୍ଟାଲ ଉନ୍ମୋଚିତ: ସରକାରୀ ବୈଷୟିକ ଅନୁଷ୍ଠାନରେ ପଢ଼ୁଥିବା ପିଲାଙ୍କ ସମସ୍ତ ଖର୍ଚ୍ଚ ବହନ କରିବେ ସରକାର

ଭୁବନେଶ୍ୱର, ୨୦।୨(ବ୍ୟୁରୋ)- ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଙ୍ଗଳବାର ସଚିବାଳୟଠାରେ କାଳିଆ ସ୍କଲାରଶିପ ଯୋଜନାର ଓ୍ବେବ୍‌ ପୋର୍ଟାଲ ଓ ଲୋଗୋ ଉନ୍ମୋଚନ କରିଛନ୍ତି। ଏହି ଅବସରରେ ମୁଖ୍ୟମନ୍ତ୍ରୀ କହିଛନ୍ତି ଯେ ଏହି ଯୋଜନା ଦ୍ୱାରା ଚାଷୀ ପରିବାରର ପିଲମାନେ ଡାକ୍ତର, ଇଞ୍ଜିନିୟର, କୃଷି ବୈଜ୍ଞାନିକ ଏବଂ ବିଭିନ୍ନ ବୈଷୟିକ ଓ ବୃତ୍ତିଗତ ଶିକ୍ଷା ଲାଭ କରିପାରିବେ। 

ଅଧ୍ୟାପକ, ଶିକ୍ଷକଙ୍କ ଆନ୍ଦୋଳନ ଚେତାବନୀ: ପରୀକ୍ଷା ସମୟରେ ଛୁଟି ବାତିଲ କଲା ଉଚ୍ଚଶିକ୍ଷା ବିଭାଗ

ଅଧ୍ୟାପକ, ଶିକ୍ଷକଙ୍କ ଆନ୍ଦୋଳନ ଚେତାବନୀ: ପରୀକ୍ଷା ସମୟରେ ଛୁଟି ବାତିଲ କଲା ଉଚ୍ଚଶିକ୍ଷା ବିଭାଗ

ଭୁବନେଶ୍ୱର,୨୦।୨(ବ୍ୟୁରୋ)- ଆଉ ଦିନକ ପରେ ମାଟ୍ରିକ୍‌ ପରୀକ୍ଷା ଆରମ୍ଭ ହେଉଥିବା ବେଳେ ମାର୍ଚ୍ଚ ପ୍ରଥମ ସପ୍ତାହରୁ ଆରମ୍ଭ ହେବ ଯୁକ୍ତ୨ ପରୀକ୍ଷା। ପରୀକ୍ଷା ସୁପରିଚାଳନା ପାଇଁ ରାଜ୍ୟ ସରକାର ଚିନ୍ତା କରୁଥିବା ବେଳେ ବୁଧବାର ଓଡ଼ିଶା ସ୍କୁଲ କଲେଜ ଶିକ୍ଷକ କର୍ମଚାରୀ ମିଳିତ ମଞ୍ଚ ଆନ୍ଦୋଳନ ପାଇଁ ଚେତାବନୀ ଦେଇଛି। 

୯ମ ରାଜ୍ୟସ୍ତରୀୟ ଲୋକନୃତ୍ୟ ଓ ଲୋକସଙ୍ଗୀତ ମହୋତ୍ସବ ଉଦ୍‌ଘାଟିତ: ଜୁନ୍‌ ୧୪ ହେବ ଲୋକକଳା ଦିବସ

୯ମ ରାଜ୍ୟସ୍ତରୀୟ ଲୋକନୃତ୍ୟ ଓ ଲୋକସଙ୍ଗୀତ ମହୋତ୍ସବ ଉଦ୍‌ଘାଟିତ: ଜୁନ୍‌ ୧୪ ହେବ ଲୋକକଳା ଦିବସ

ଭୁବନେଶ୍ୱର,୨୦।୨(ବ୍ୟୁରୋ)- ଲୋକକଳାକୁ ଅଧିକ ଋଦ୍ଧିମନ୍ତ କରିବା ସହ ଜାତୀୟ ଓ ଅନ୍ତର୍ଜାତୀୟ ସ୍ତରରେ ଏହାର ପ୍ରଚାର ପ୍ରସାର ପାଇଁ ଏଣିକି ପାଳନ ହେବ ଲୋକକଳା ଦିବସ। ପ୍ରତିବର୍ଷ ଜୁନ୍‌ ୧୪ ତାରିଖକୁ ରାଜ୍ୟ ସରକାର ସ୍ବତନ୍ତ୍ର ଲୋକକଳା ଦିବସ ଭାବେ ପାଳନ କରିବେ। ଏ ନେଇ ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ ନିଷ୍ପତ୍ତି ନେଇଥିବା ବେଳେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ୨୧ ତାରିଖରେ ଏହାକୁ ବିଧିବଦ୍ଧ ଭାବେ ଘୋଷଣା କରିବେ। 

ଶହୀଦ ଯବାନଙ୍କୁ ଶ୍ରଦ୍ଧାଞ୍ଜଳି: ଆର୍ଟିଷ୍ଟ୍‌ କମ୍ୟୁନିଟି ପକ୍ଷରୁ କ୍ୟାଣ୍ଡେଲ ଶୋଭାଯାତ୍ରା

ଶହୀଦ ଯବାନଙ୍କୁ ଶ୍ରଦ୍ଧାଞ୍ଜଳି: ଆର୍ଟିଷ୍ଟ୍‌ କମ୍ୟୁନିଟି ପକ୍ଷରୁ କ୍ୟାଣ୍ଡେଲ ଶୋଭାଯାତ୍ରା

ଭୁବନେଶ୍ୱର,୨୦।୨(ବ୍ୟୁରୋ)- ପୁଲଓ୍ବାମାରେ ଆତଙ୍କବାଦୀ ଆକ୍ରମଣରେ ଶହୀଦ ହୋଇଥିବା ସିଆର୍‌ପିଏଫ୍‌ ଯବାନମାନଙ୍କ ପାଇଁ ସାରା ଦେଶ ଏକତ୍ରିତ ହୋଇଥିବା ବେଳେ ଏଥିରେ ସାମିଲ ହୋଇଛି ଆର୍ଟିଷ୍ଟ୍‌ କମ୍ୟୁନିଟି ଅଫ୍‌ ଭୁବନେଶ୍ୱର।

କିସ୍‌କୁ ‘ଲିଡର୍‌ଶିପ ପୁରସ୍କାର’

କିସ୍‌କୁ ‘ଲିଡର୍‌ଶିପ ପୁରସ୍କାର’

ଭୁବନେଶ୍ୱର,୨୦।୨(ବ୍ୟୁରୋ)- ରାଷ୍ଟ୍ରୀୟ ଅନୁସୂଚିତ ଜନଜାତି ଆୟୋଗ ପକ୍ଷରୁ କଳିଙ୍ଗ ଇନ୍‌ଷ୍ଟିଚ୍ୟୁଟ ଅଫ୍‌ ସୋସିଆଲ ସାଇନ୍ସେସ୍‌(କିସ୍‌)କୁ ସମ୍ମାନଜନକ ‘ଲିଡର୍‌ଶିପ ପୁରସ୍କାର’ ପ୍ରଦାନ କରାଯାଇଛି। ମଙ୍ଗଳବାର ନୂଆଦିଲ୍ଲୀଠାରେ ଅନୁଷ୍ଠିତ ଏକ ସ୍ବତନ୍ତ୍ର କାର୍ଯ୍ୟକ୍ରମରେ ଉପରାଷ୍ଟ୍ରପତି ଭେଙ୍କେୟା ନାଇଡୁଙ୍କଠାରୁ କିସ୍‌ ପ୍ରତିଷ୍ଠାତା ଅଚ୍ୟୁତ ସାମନ୍ତ ଏହି ପୁରସ୍କାର ଗ୍ରହଣ କରିଛନ୍ତି। 

ଡକାୟତ ଗ୍ୟାଙ୍ଗର ୮ ଗିରଫ: ୬ ବାଇକ୍‌, ୭୬ ହଜାର ଟଙ୍କା, ସୁନା ଅଳଙ୍କାର, ୧୦ ମୋବାଇଲ ଜବତ

ଡକାୟତ ଗ୍ୟାଙ୍ଗର ୮ ଗିରଫ: ୬ ବାଇକ୍‌, ୭୬ ହଜାର ଟଙ୍କା, ସୁନା ଅଳଙ୍କାର, ୧୦ ମୋବାଇଲ ଜବତ

କଟକ ଅଫିସ, ୨୦।୨- କ୍ୟାଣ୍ଟନମେଣ୍ଟ ଥାନା ପୋଲିସ ଜାନୁୟାରୀ ୧ ତାରିଖରେ ଏକ ଲୁଟ୍‌ ଘଟଣାର ତଦନ୍ତ କରିବାକୁ ଯାଇ ମଙ୍ଗଳବାର ଡକାୟତ ଗ୍ୟାଙ୍ଗକୁ କାବୁ କରିଛି। ପୋଲିସ ଗ୍ୟାଙ୍ଗର ୮ ଜଣ ସଦସ୍ୟଙ୍କୁ ଗିରଫ କରିବା ସହ ସେମାନଙ୍କଠାରୁ ୬ ବାଇକ୍‌, ସୁନା ଅଳଙ୍କାର, ୧୦ ମୋବାଇଲ, ନଗଦ ୭୬ ହଜାର ଟଙ୍କା ସହ ଅନ୍ୟ ଜିନିଷ ଜବତ କରିଛି। 

ସାଇଡ୍‌ ମାରିବାରୁ ଉତ୍ତେଜନା: ସଂଖ୍ୟାଲଘୁଙ୍କ ମାଡ଼ରେ ୬ ଆହତ

ସାଇଡ୍‌ ମାରିବାରୁ ଉତ୍ତେଜନା: ସଂଖ୍ୟାଲଘୁଙ୍କ ମାଡ଼ରେ ୬ ଆହତ

ଖୋର୍ଦ୍ଧା ଅଫିସ, ୨୦।୨- ଖୋର୍ଦ୍ଧା ଟାଉନ ଥାନା ବାଘମାରୀ ଫାଣ୍ଡି ସାରୁଅ ଗ୍ରାମରେ ମଙ୍ଗଳବାର ରାତି ପ୍ରାୟ ସାଢେ ୮ଟାରେ ମାଛ ବୋଝେଇ ଟାଟା ଏସିଇ ସାଇଡ୍‌ ମାରିବାକୁ ନେଇ ଉତ୍ତେଜନା ପ୍ରକାଶ ପାଇଥିଲା। ବଚସାରୁ ମାରପିଟ୍‌ ହୋଇଥିଲା। ପରେ ୧୦୦ରୁ ଊର୍ଦ୍ଧ୍ୱ ସଂଖ୍ୟାଲଘୁ ଲୋକ ସାରୁଅରେ ପଶି ୩୦ରୁ ଅଧିକ ଲୋକଙ୍କ ଘର, ଦୋକାନ ଭଙ୍ଗାରୁଜା କରିଛନ୍ତି।

 ଶ୍ରୀମନ୍ଦିର ସଂସ୍କାର ମାମଲା: ୨୩ରେ ଆସିବେ ଆମିକସ୍‌ କ୍ୟୁରି

ଶ୍ରୀମନ୍ଦିର ସଂସ୍କାର ମାମଲା: ୨୩ରେ ଆସିବେ ଆମିକସ୍‌ କ୍ୟୁରି

ପୁରୀ ଅଫିସ,୨୦ା୨: ଶ୍ରୀମନ୍ଦିର ସଂସ୍କାର ମାମଲାରେ ସୁପ୍ରିମ୍‌କୋର୍ଟଙ୍କ ଦ୍ୱାରା ନିଯୁକ୍ତ ନୂତନ ଆମିକସ୍‌ କ୍ୟୁରି ରଞ୍ଜିତ କୁମାର ଆସନ୍ତା ୨୩ ତାରିଖରେ ପୁରୀ ଆସିବେ। ସେହିଦିନ ସେ ଶ୍ରୀମନ୍ଦିର ପ୍ରଶାସନ, ପରିଚାଳନା କମିଟି ଏବଂ ସେବାୟତ ନିଯୋଗଙ୍କ ସହ ଆଲୋଚନା କରିବେ। ବୋଲି ଶ୍ରୀମନ୍ଦିରର ଲୋକସମ୍ପର୍କ ଅଧିକାରୀ ଲକ୍ଷ୍ମୀଧର ପୂଜାପଣ୍ଡା ସୂଚନା ଦେଇଛନ୍ତି।