Dharitri News
ମେଟ୍ରୋ |

ସହପାଠୀଙ୍କ ଷଡ଼ଯନ୍ତ୍ର: ଛାତ୍ରୀଙ୍କୁ ନିଶା ଦେଇ ଅଶ୍ଳୀଳ ଭିଡିଓ ପ୍ରସ୍ତୁତି ଉଦ୍ୟମ

ସହପାଠୀଙ୍କ ଷଡ଼ଯନ୍ତ୍ର: ଛାତ୍ରୀଙ୍କୁ ନିଶା ଦେଇ ଅଶ୍ଳୀଳ ଭିଡିଓ ପ୍ରସ୍ତୁତି ଉଦ୍ୟମ ଭୁବନେଶ୍ୱର, ୩୦।୧(ବ୍ୟୁରୋ)- ରାଜଧାନୀର ଏକ ସରକାରୀ କଲେଜରେ ଜଣେ ନାବାଳିକା ଛାତ୍ରୀଙ୍କୁ ନିଶା ଦେଇ ଅଶ୍ଳୀଳ ଭିଡିଓ ପ୍ରସ୍ତୁତି ପାଇଁ ଉଦ୍ୟମ କରାଯାଇଛି। ଏଭଳି ଷଡ଼ଯନ୍ତ୍ର ରଚିଛନ୍ତି ସମ୍ପୃକ୍ତ ଛାତ୍ରୀଙ୍କ ଜଣେ ସହପାଠୀ। ଏହାର ଶିକାର ହୋଇଥିବା ଛାତ୍ରୀଙ୍କ ବାପା ମଙ୍ଗଳବାର ଖାରବେଳନଗର ଥାନାରେ ଅଭିଯୋଗ କରିଛନ୍ତି। ଅଭିଯୋଗ ଅନୁଯାୟୀ, ସମ୍ପୃକ୍ତ ଛାତ୍ରୀ ସୋମବାର ସକାଳ ୮ଟାରେ ପରୀକ୍ଷା ଦେବା ପାଇଁ କଲେଜକୁ ଯାଇଥିଲେ। ତାଙ୍କ ବାପା ତାଙ୍କୁ କଲେଜରେ ଛାଡ଼ି ଆସିଥିଲେ। ସାଢ଼େ ୧୨ଟା ସୁଦ୍ଧା ସେ ଘରକୁ ନ ଫେରିବାରୁ ତାଙ୍କ ବଡ଼ ଭଉଣୀ କଲେଜ ଯାଇ ତାଙ୍କୁ ଘରକୁ ଆଣିଥିଲେ। ସେତେବେଳେ ସେ କଲେଜ କ୍ଲାସରୁମରେ ନିସ୍ତେଜ ଅବସ୍ଥାରେ ବସିରହିଥିଲେ। ବଡ଼ ଭଉଣୀ ସହ ଘରକୁ ଆସିବା ପରେ ଅଚେତ ହୋଇପଡ଼ିଥିଲେ। ତୁରନ୍ତ ତାଙ୍କୁ କ୍ୟାପିଟାଲ ହସ୍ପିଟାଲ ନିଆଯାଇଥିଲା। ସେଠାରେ ଚିକିତ୍ସା ପରେ ତାଙ୍କର ଚେତା ଫେରିଥିଲା। ଏହାପରେ ଛାତ୍ରୀ ଜଣକ ତାଙ୍କ ସହ ହୋଇଥିବା ଷଡ଼ଯନ୍ତ୍ର ବିଷୟରେ ତାଙ୍କ ବାପାଙ୍କୁ ପୋଲିସ ଏବଂ ଡାକ୍ତରଙ୍କ ଉପସ୍ଥିତିରେ କହିଥିଲେ। ବାପା ଥାନାରେ ଅଭିଯୋଗ କରିଛନ୍ତି ଯେ, ତାଙ୍କ ଝିଅକୁ ତାଙ୍କର ଜଣେ ସହପାଠୀ ୨ଟି ଚକୋଲେଟ ଦେଇଥିଲେ। ଏହାପରେ ସେ ଦୁର୍ବଳ ଅନୁଭବ କରିବା ସହ ନିସ୍ତେଜ ହୋଇପଡ଼ିଥିଲେ। ପୂର୍ବରୁ ଝିଅ ଶୌଚାଳୟକୁ ଯାଇଥିବାବେଳେ ସମ୍ପୃକ୍ତ ସହପାଠୀ ଏବଂ ଜଣେ ବରିଷ୍ଠ ଛାତ୍ରୀ ତାଙ୍କର ଅଶ୍ଳୀଳ ଫଟୋ ଉଠାଇଥିଲେ। ଏହାକୁ ଦେଖାଇ ତାଙ୍କୁ ବ୍ଲାକମେଲ୍‌ କରିବା ସହ ଟଙ୍କା ପଇସା ମାଗିନେଉଥିଲେ। ଟଙ୍କା ନ ଦେଲେ ତାଙ୍କର ଅଶ୍ଳୀଳ ଭିଡିଓ ପ୍ରସ୍ତୁତ କରି ଭାଇରାଲ କରିବାକୁ ଧମକ ଦେଉଥିଲେ। ସୋମବାର ଘଟଣା ପରେ ତାଙ୍କ ଝିଅକୁ ନିଶା ଦେଇ ଅଶ୍ଳୀଳ ଭିଡିଓ ପ୍ରସ୍ତୁତ କରିବାକୁ ଉଦ୍ୟମ କରାଯାଇଥିବା ଛାତ୍ରୀଙ୍କ ବାପା ଅଭିଯୋଗରେ ଦର୍ଶାଇଛନ୍ତି। ଅନ୍ୟପଟେ ଛାତ୍ରୀ ଜଣକ ପୋଲିସକୁ ବୟାନ ଦେଇଛନ୍ତି ଯେ, ସମୀର ନାମକ ଜଣେ ଯୁବକ କଲେଜର କେତେଜଣ ଛାତ୍ରୀଙ୍କ ଜରିଆରେ ଅନ୍ୟ ଝିଅମାନଙ୍କ ଅଶ୍ଳୀଳ ଫଟୋ ହାତେଇ ସେମାନଙ୍କୁ ବ୍ଲାକମେଲ୍‌ କରୁଛନ୍ତି। ଖାରବେଳନଗର ଥାନା ଅଧିକାରୀ ଅନୁପ କାନୁନ୍‌ଗୋ କହିଛନ୍ତି, ଛାତ୍ରୀଙ୍କ ପରିବାର ଲୋକ ଅଭିଯୋଗ କରିବା ପରେ ଅନୁସନ୍ଧାନ ଆରମ୍ଭ ହୋଇଛି। ଡାକ୍ତରଙ୍କ ଉପସ୍ଥିତିରେ ପୋଲିସ ଛାତୀଙ୍କ ବୟାନ ରେକର୍ଡ କରିଛି। ଅଭିଯୁକ୍ତଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।

ବିଜେପୁର ନିର୍ବାଚନ ଫଳାଫଳ

ବିଜେଡି 0
ବିଜେପି 0
କଂଗ୍ରେସ 0
  ଅନ୍ୟାନ୍ୟ 0

Model This Week

ସ୍ୱପ୍ନା

ମେଟ୍ରୋ |

ଅଙ୍ଗନଓ୍ବାଡି କର୍ମୀଙ୍କ ଗୋଡ ଉପରେ ଚଢ଼ିଗଲା ହାଇଓ୍ବା

ଅଙ୍ଗନଓ୍ବାଡି କର୍ମୀଙ୍କ ଗୋଡ ଉପରେ ଚଢ଼ିଗଲା ହାଇଓ୍ବା

ରଘୁନାଥପୁର, ୨୫।୨(ଡି.ଏନ.ଏ.): କିଶୋରନଗର ଥାନା ଅନ୍ତର୍ଗତ ଉତ୍ତରକୂଳ ଷ୍ଟେଟବ୍ୟାଙ୍କ ନିକଟରେ ଏକ ଦୁର୍ଘଟଣା ଘଟିଛି। ଏକ ବାଲି ବୋଝେଇ ହାଇଓ୍ବା ବାଇକ୍‌କୁ ଧକ୍କା ଦେବା ଫଳରେ ବାଇକ୍‌ରେ ବସିଥିବା ଜଣେ ଅଙ୍ଗନଓ୍ବାଡି କର୍ମୀ ଗୁରୁତର ଆହତ ହୋଇଛନ୍ତି। ସେ ହେଲେ ରଘୁନାଥପୁର କପାଳେଶ୍ୱର ଗ୍ରାମର ଗୀତାଞ୍ଜଳି ବେହେରା। ତାଙ୍କ ଗୋଡର ଆଣ୍ଠୁର ତଳଭାଗ ସମ୍ପୂର୍ଣ୍ଣ ନଷ୍ଟ ହୋଇଯାଇଛି। ତାଙ୍କୁ ଚିକିତ୍ସା ନିମନ୍ତେ କଟକ ବଡ ମେଡିକାଲକୁ ପଠାଯାଇଛି।

କେନ୍ଦ୍ରର ଶ୍ରମିକ ମାରଣ ନୀତିକୁ ବିରୋଧ

କେନ୍ଦ୍ରର ଶ୍ରମିକ ମାରଣ ନୀତିକୁ ବିରୋଧ

ପୁରୀ ଅଫିସ, ୨୫।୨:ଉଭୟ ରାଜ୍ୟ ଓ କେନ୍ଦ୍ର ସରକାର ହେଉଛନ୍ତି ଶ୍ରମିକ ବିରୋଧୀ। ଶ୍ରମିକମାନଙ୍କ ଆର୍ଥିକ ମାନଦଣ୍ଡର ବିକାଶ ଲାଗି ସରକାରଙ୍କ ପକ୍ଷରୁ କୌଣସି ଗୁରୁତ୍ୱ ଦିଆଯାଉନାହିଁ। ନିକଟରେ କେନ୍ଦ୍ର ସରକାର ଆଗତ କରିଥିବା ବଜେଟରେ ପୁଞ୍ଜିପତିମାନଙ୍କୁ ଗୁରୁତ୍ୱ ଦିଆଯାଇଥିବା ବେଳେ ଶ୍ରମିକ ଓ ସାଧାରଣ ଗରିବମାନଙ୍କ ପାଇଁ ସେଭଳି କୌଣସି ବ୍ୟବସ୍ଥା କରାଯାଇନାହିଁ ବୋଲି ମିଳିତ କ୍ରିୟାନୁଷ୍ଠାନ କମିଟି ପକ୍ଷରୁ ରବିବାର ଆୟୋଜିତ ଏକ ଗଣ ସମାବେଶରେ କମିଟିର ଆବାହକ ଶ୍ରୀକାନ୍ତ ପରିଜା କହିଛନ୍ତି।

ଯାଦବ ମହାସଭାର ରାଜ୍ୟସ୍ତରୀୟ ସମ୍ମିଳନୀ

ଯାଦବ ମହାସଭାର ରାଜ୍ୟସ୍ତରୀୟ ସମ୍ମିଳନୀ

ପୁରୀ ଅଫିସ, ୨୫।୨: ପୁରୀ ଓ ଭୁବନେଶ୍ୱର ଯାଦବ ମହାସଭା ଆନୁକୂଲ୍ୟରେ ସ୍ଥାନୀୟ ଗୋପବନ୍ଧୁ ଆୟୁର୍ବେଦ କଲେଜ ସମ୍ମିଳନୀ କକ୍ଷରେ ରାଜ୍ୟସ୍ତରୀୟ ସମ୍ମିଳନୀ ରବିବାର ଅନୁଷ୍ଠିତ ହୋଇଯାଇଛି। ଏହି ସମ୍ମିଳନୀରେ ରାଜ୍ୟର ବିଭିନ୍ନ ଜିଲାରୁ ଯାଦବ ଓ ଆଇନଜୀବୀମାନେ ଅଂଶଗ୍ରହଣ କରିଛନ୍ତି। ଯାଦବ ଗୋପାଳଚନ୍ଦ୍ର ବେହେରା ଏଥିରେ ସଭାପତିତ୍ୱ କରିଥିଲେ।

ଝୁଲନ୍ତା ଅବସ୍ଥାରେ ଯୁବତୀଙ୍କ ମୃତଦେହ ଉଦ୍ଧାର

ଝୁଲନ୍ତା ଅବସ୍ଥାରେ ଯୁବତୀଙ୍କ ମୃତଦେହ ଉଦ୍ଧାର

କଟକ ରୋଡ, ୨୫।୨(ଡି.ଏନ.ଏ.): ରବିବାର ଲକ୍ଷ୍ମୀସାଗର ଥାନା ପୋଲିସ ଜଣେ ଯୁବତୀଙ୍କ ଝୁଲନ୍ତା ମୃତଦେହ ଉଦ୍ଧାର କରିଛି। ସେ ହେଲେ ଭଦ୍ରକ ଜିଲା ସୋର ଅଞ୍ଚଳରେ ରହୁଥିବା ଲିଲି ଜେନା(୨୫)।

ବିଚ୍‌ କାର୍ନିଭାଲ: ନାଚି ନଚାଇଲେ ପ୍ରକୃତି

ବିଚ୍‌ କାର୍ନିଭାଲ: ନାଚି ନଚାଇଲେ ପ୍ରକୃତି

ପୁରୀ ଅଫିସ,୨୪।୨: ପୁରୀ ବିଚ୍‌ କାର୍ନିଭାଲର ଶନିବାର ଚତୁର୍ଥ ସନ୍ଧ୍ୟାର ଆକର୍ଷଣ ଥିଲେ ଓଲିଉଡ୍‌ ଅଭିନେତ୍ରୀ ପ୍ରକୃତି ମିଶ୍ର। ବେଳାଭୂମିର ଶୀତୁଆ ସନ୍ଧ୍ୟାରେ ନିଜେ ନାଚି ଦର୍ଶକଙ୍କୁ ନଚାଇଥିଲେ। କାର୍ନିଭାଲ ଗାର୍ଲଙ୍କ ସହ ସବ୍‌କୋ ସ୍ବାଗତ ସଙ୍ଗୀତର ତାଳେ ତାଳେ ମଞ୍ଚକୁ ପ୍ରବେଶ କରିଥିବା ପ୍ରକୃତି ଆଖିରେ ଇସାରା ଦେଇ ଯୁବଗୋଷ୍ଠୀଙ୍କୁ ମତୁଆଲା କରିଥିଲେ।

ବାଏ ଅଫ୍‌ର ଚତୁର୍ଥ ସନ୍ଧ୍ୟା: ଆତ୍ମହତ୍ୟା ସମାଧାନ ନୁହେଁ

ବାଏ ଅଫ୍‌ର ଚତୁର୍ଥ ସନ୍ଧ୍ୟା: ଆତ୍ମହତ୍ୟା ସମାଧାନ ନୁହେଁ

ପୁରୀ ଅଫିସ, ୨୪।୨: ନିକଟରେ ବ୍ଲୁ ହ୍ବେଲ ଗେମ୍‌କୁ ନେଇ ସମଗ୍ର ବିଶ୍ୱରେ ବେଶ୍‌ ଚର୍ଚ୍ଚା ହୋଇଥିଲା। ଏମିତି ଏକ ମୃତ୍ୟୁର ଖେଳକୁ ସହଜରେ ଆପଣାଇଥିଲେ ତରୁଣୀ ତରୁଣ। ଭାରତ ଏପରି କି ଓଡ଼ିଶାରେ ବି ଏହି ମୃତ୍ୟୁର ଖେଳ ତା’ର ଉପସ୍ଥିତି ଜାହିର କରିଥିଲା। ପରିଣତି ବି ଥିଲା ବେଶ୍‌ ଭୟଙ୍କର। କିଏ ହାତ କାଟି ଦେଉଥିଲେ ତ ଆଉ କେହି କୋଠା ଛାତରୁ ଡେଇଁବାକୁ ଭୟ କରୁ ନ ଥିଲେ। ପୁଣି କେହି ରାତି ଅନିଦ୍ରା ହୋଇ ବିଶାଦଗ୍ରସ୍ତ ହୋଇ ଆତ୍ମହତ୍ୟାକୁ ବାଛି ନେଉଥିଲେ।

କଡ଼ା ହେଲା ବୋର୍ଡ

କଡ଼ା ହେଲା ବୋର୍ଡ

ଭୁବନେଶ୍ୱର, ୨୪।୨(ବ୍ୟୁରୋ)- ମାଟ୍ରିକ ପରୀକ୍ଷାର ପ୍ରଥମ ଦିନରେ ହ୍ବାଟ୍‌ସଆପରେ ପ୍ରଶ୍ନପତ୍ର ପ୍ରଘଟ ଅଭିଯୋଗ ହୋଇଥିଲା। ଏହାପରେ ମାଧ୍ୟମିକ ଶିକ୍ଷା ବୋର୍ଡ ପକ୍ଷରୁ କଡ଼ା ଆଭିମୂଖ୍ୟ ଗ୍ରହଣ କରାଯାଇଛି।

ହଳଦୀ, ଚନ୍ଦନରେ ରଙ୍ଗଖେଳ

ହଳଦୀ, ଚନ୍ଦନରେ ରଙ୍ଗଖେଳ

ଭୁବନେଶ୍ୱର, ୨୪।୨(ବ୍ୟୁରୋ)- ଆସନ୍ତା ମାର୍ଚ୍ଚ ୧ରେ ‘ସ୍ବପ୍ନାପତି ହର୍ବାଲ ହୋଲି ୨୦୧୮’ ସ୍ଥାନୀୟ ଏକ ହୋଟେଲରେ ଆୟୋଜିତ ହେବ। ସିନ୍ଥେଟିକ୍‌ ଏବଂ ରସାୟନ ରଙ୍ଗ ବଦଳରେ ପ୍ରାକୃତିକ ସାମଗ୍ରୀରୁ ପ୍ରାକୃତିକ ଉପାୟରେ ପ୍ରସ୍ତୁତ ହର୍ବାଲ ହୋଲି ପ୍ରତି ସହରବାସୀଙ୍କୁ ସଚେତନ କରିବା ଉଦ୍ଦେଶ୍ୟରେ ଏହି କାର୍ଯ୍ୟକ୍ରମର ଆୟୋଜନ କରାଯିବ ବୋଲି ସ୍ବପ୍ନା ପତି ଫାଉଣ୍ଡେଶନର ମୁଖ୍ୟ ତଥା ଅଭିନେତ୍ରୀ ସ୍ବପ୍ନା ପତି କହିଛନ୍ତି।

ଆରମ୍ଭ ହେଲା ନାଟକର ମହାକୁମ୍ଭ

ଆରମ୍ଭ ହେଲା ନାଟକର ମହାକୁମ୍ଭ

ଭୁବନେଶ୍ୱର, ୨୪।୨(ବ୍ୟୁରୋ)- ବିଶ୍ୱର ସର୍ବବୃହତ ମଞ୍ଚ ନାଟକ ଉତ୍ସବ ୮ମ ଥିଏଟର ଅଲିମ୍ପିକ୍ସ ଶନିବାରଠାରୁ ସ୍ଥାନୀୟ ରବୀନ୍ଦ୍ର ମଣ୍ଡପଠାରେ ଆରମ୍ଭ ହୋଇଛି। ଉଦ୍‌ଘାଟନୀ ଉତ୍ସବରେ ସଂସ୍କୃତି ବିଭାଗ ଶାସନ ସଚିବ ମନୋରଞ୍ଜନ ପାଣିଗ୍ରାହୀ ମୁଖ୍ୟଅତିଥିଭାବେ ଯୋଗଦେଇ କହିଥିଲେ, ଏଭଳି ଏକ ନାଟକ ମହୋତ୍ସବ ଭୁବନେଶ୍ୱରରେ ଆୟୋଜିତ ହେବା ସମସ୍ତଙ୍କ ପାଇଁ ଖୁସିର ବିଷୟ।

ସ୍ତ୍ରୀଙ୍କୁ ତଣ୍ଟିଚିପି ହତ୍ୟା, ସ୍ବାମୀ ଫେରାର

ସ୍ତ୍ରୀଙ୍କୁ ତଣ୍ଟିଚିପି ହତ୍ୟା, ସ୍ବାମୀ ଫେରାର

ବାଲିଅନ୍ତା, ୨୪।୨(ଡି.ଏନ୍‌.ଏ.): ବାଲିଅନ୍ତା ଥାନା ଅଧୀନ କାକରୁଦ୍ରପୁର ଗ୍ରାମର ମଲିକ ସାହିରେ ଶୁକ୍ରବାର ବିଳମ୍ବିତ ରାତିରେ ଜଣେ ମହିଳାଙ୍କୁ ଶୋଇଥିବା ଅବସ୍ଥାରେ ତାଙ୍କ ସ୍ବାମୀ ତଣ୍ଟିଚିପି ହତ୍ୟା କରିଛନ୍ତି। ଅଭିଯୁକ୍ତ ସ୍ବାମୀ ହେଲେ ଛବୀନ୍ଦ୍ର ମଲିକ।

ବିଦ୍ୟାଳୟରେ ଦେଖିଲେଖ ପ୍ରତିଯୋଗିତା

ବିଦ୍ୟାଳୟରେ ଦେଖିଲେଖ ପ୍ରତିଯୋଗିତା

ପୁରୀ ଅଫିସ, ୨୪।୨: ଭ୍ରାମ୍ୟମାଣ ସାହିତ୍ୟ ସଂସ୍ଥା ଟିକିତାରା ପକ୍ଷରୁ ଶନିବାର ଚାରିଶ୍ରୀ ନୋଡ଼ାଲ ଉଚ୍ଚ ବିଦ୍ୟାଳୟରେ ଷଷ୍ଠରୁ ନବମ ଶ୍ରେଣୀ ପିଲାଙ୍କ ମଧ୍ୟରେ ଦେଖିଲେଖ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି। ଏଥିରେ ୧୯୪ ଛାତ୍ରୀଛାତ୍ର ଅଂଶଗ୍ରହଣ କରିଥିଲେ।

ଆହତ ବୋଝିଆଙ୍କ ମୃତ୍ୟୁକୁ ନେଇ ଉତ୍ତେଜନା: ଶ୍ରୀମନ୍ଦିର କାର୍ଯ୍ୟାଳୟ ଆଗରେ ଧାରଣା

ଆହତ ବୋଝିଆଙ୍କ ମୃତ୍ୟୁକୁ ନେଇ ଉତ୍ତେଜନା: ଶ୍ରୀମନ୍ଦିର କାର୍ଯ୍ୟାଳୟ ଆଗରେ ଧାରଣା

ପୁରୀ ଅଫିସ, ୨୩।୨: ଶ୍ରୀମନ୍ଦିରରେ ଆହତ ହୋଇ ଚିକିତ୍ସାଧୀନ ଥିବା ଜଣେ ବୋଝିଆଙ୍କ ମୃତ୍ୟୁକୁ ନେଇ ଶୁକ୍ରବାର ବଡ଼ଦାଣ୍ଡରେ ସୃଷ୍ଟି ହୋଇଛି ଅଭାବନୀୟ ପରିସ୍ଥିତି। କ୍ଷତିପୂରଣ ଦାବିରେ ମୃତଦେହକୁ ଶ୍ରୀମନ୍ଦିର ପ୍ରଶାସନ କାର୍ଯ୍ୟାଳୟ ସମ୍ମୁଖରେ ରଖି ପ୍ରାୟ ୨୫୦ରୁ ଊର୍ଦ୍ଧ୍ୱ ବୋଝିଆ ଧାରଣା ବସିଥିଲେ। ପରେ ରେଡ୍‌କ୍ରସ୍‌ ପାଣ୍ଠିରୁ ୧୦ ହଜାର ଟଙ୍କା ପ୍ରାଥମିକ ସହାୟତା ପ୍ରଦାନ କରାଯିବା ପରେ ଧାରଣା ପ୍ରତ୍ୟାହୃତ ହୋଇଛି।