ଖେଳ |

ପାକିସ୍ତାନକୁ ହରାଇ ଫାଇନାଲରେ ଭାରତ

ପାକିସ୍ତାନକୁ ହରାଇ ଫାଇନାଲରେ ଭାରତ
ଖ୍ରୀଷ୍ଟଚର୍ଚ୍ଚ, ୩୦।୧(ପି.ଟି.)- ଚଳିତ ଆଇସିସି ୧୯ ବର୍ଷରୁ କମ୍‌ କ୍ରିକେଟ ବିଶ୍ୱକପର ଫାଇନାଲର ଭାରତ ପ୍ରବେଶ କରିଛି। ମଙ୍ଗଳବାର ଅନୁଷ୍ଠିତ ସେମିଫାଇନାଲରେ ଭାରତ ୨୦୩ ରନରେ ପାରମ୍ପରିକ ପ୍ରତିଦ୍ୱନ୍ଦ୍ୱୀ ପାକିସ୍ତାନକୁ ପରାସ୍ତ କରିଛି। ଭାରତ ଫାଇନାଲରେ ଅଷ୍ଟ୍ରେଲିଆକୁ ଭେଟିବ। ଫେବୃୟାରୀ ୩ରେ ହେବାକୁଥିବା ଫାଇନାଲ ୨୦୧୨ ସଂସ୍କରଣର ରି ମ୍ୟାଚ ସଦୃଶ ହେବ। ସେତେବେଳେ ଅଷ୍ଟ୍ରେଲିଆକୁ ହରାଇ ଭାରତ ଚାମ୍ପିୟନ ହୋଇଥିଲା। ରାହୁଲ ଡ୍ର୍ରାଭିଡଙ୍କ ପ୍ରଶିକ୍ଷଣରେ ଭାରତ କ୍ରମାଗତ ଦ୍ୱିତୀୟଥରପାଇଁ ଫାଇନାଲ ଖେଳିବାକୁ ଯାଉଛି। ଓଭରଅଲ୍‌ ଦେଖିବାକୁ ଗଲେ ୧୯ ବର୍ଷରୁ କମ୍‌ କ୍ରିକେଟ ବିଶ୍ୱକପରେ ଭାରତର ଏହା ୬ଷ୍ଠ ଫାଇନାଲ ପ୍ରବେଶ। ଜୁନିୟର ବର୍ଗରେ ପାକିସ୍ତାନ ବିପକ୍ଷରେ ଏହାଥିଲା ଭାରତର ସର୍ବବୃହତ୍‌ ବିଜୟ। ଭାରତ ୨୦୦୦ରେ ମହମ୍ମଦ କୈଫ, ୨୦୦୮ରେ ବିରାଟ କୋହଲି ଓ ୨୦୧୨ରେ ଉନ୍ମୁକ୍ତ ଚାନ୍ଦଙ୍କ ନେତୃତ୍ୱରେ ଚାମ୍ପିୟନ ହୋଇଥିବାବେଳେ ୨୦୦୬ରେ ଚେତେଶ୍ୱର ପୂଜାରା ଓ ୨୦୧୬ରେ ଇଷାନ କିଶାନଙ୍କ ଅଧିନାୟକତ୍ୱରେ ରନର୍ସଅପ୍‌ରେ ସନ୍ତୁଷ୍ଟ ହୋଇଥିଲା। ଏଠାରେ ଭାରତ ପକ୍ଷରୁ ଧାର୍ଯ୍ୟ ୨୭୩ ରନ ବିଜୟ ଲକ୍ଷ୍ୟର ପିଛା କରିଥିବା ପାକିସ୍ତାନ ୨୯.୩ ଓଭରରେ ୬୯ ରନରେ ଅଲଆଉଟ ହୋଇ ଯାଇଥିଲା। ଟସ୍‌ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିବା ଭାରତ ଶୁଭମ୍‌ ଗିଲ୍‌ଙ୍କ ଦ୍ରୁତ ଶତକ ସହାୟତାରେ ୫୦ ଓଭରରେ ୯ ଉଇକେଟ ହରାଇ ୨୭୨ ରନ କରିଥିଲା। ଅଧିନାୟକ ପୃଥ୍ବୀ ଶ’ ଓ ମନୋଜ କାଲ୍‌ରା ଓପନିଂ ଯୋଡ଼ିରେ ୮୯ ରନ କରି ବଡ଼ ସ୍କୋର ପାଇଁ ପ୍ଲାଟ୍‌ଫର୍ମ ପ୍ରସ୍ତୁତ କରିଥିଲେ। ପରେ ଗିଲ୍‌ ୯୪ ବଲ୍‌ରୁ ୧୦୨ ରନ(୭ ଚୌକା)ରେ ଅପରାଜିତ ରହି ଭାରତକୁ ଦୃଢ଼ ସ୍ଥିତିରେ ପହଞ୍ଚାଇ ଦେଇଥିଲେ। ପୃଥ୍ବୀ ୪୨ ବଲ୍‌ରୁ ୪୧, କାଲ୍‌ରା ୫୯ ବଲ୍‌ରୁ ୪୭ ଓ ଲୋୟର ଅର୍ଡରରେ ଅନୁକୂଳ ରୟ ୩୩ ରନର ଉପଯୋଗୀ ଇନିଂସ ଖେଳିଥିଲେ। ପାକିସ୍ତାନ ପକ୍ଷରୁ ମହମ୍ମଦ ମୁସା ୪ଟି, ଅର୍ଶଦ ଇକବାଲ ୩ଟି ଓ ଶାହିନ ଆଫ୍ରିଦୀ ଗୋଟିଏ ଉଇକେଟ ନେଇଥିଲେ। ଇଶାନ ପୋରେଲ ଘାତକ ବୋଲିଂ କରି ପାକିସ୍ତାନର ଟପ୍‌ ଅର୍ଡର ବ୍ୟାଟିଂ ବିପର୍ଯ୍ୟୟ ଘଟାଇଥିଲେ। ଫଳରେ ଶେଷ ପର୍ଯ୍ୟନ୍ତ ପାକିସ୍ତାନ ଚାପସ୍ଥିତିରୁ ମୁକୁଳି ପାରି ନ ଥିଲା। ବ୍ୟାଟିଂ ଅର୍ଡରର ୩ ନମ୍ବରରେ ଆସିଥିବା ରୋହାଲି ନାଜିର ସର୍ବାଧିକ ୧୮ ରନ କରିଥିବାବେଳେ ୮ ଜଣ ଦୁଇଅଙ୍କ ଛୁଇଁପାରି ନ ଥିଲେ। ପୋରେଲ ନିଜ ୬ ଓଭର ସ୍ପେଲରେ ୨ଟି ମେଡେନ ନେବା ସହ ମାତ୍ର ୧୭ ରନ ଦେଇ ୪ଟି ଉଇକେଟ ଅକ୍ତିଆର କରିଥିଲେ। ଶିବା ସିଂ ୮-୦-୨୦-୨ ଓ ରିୟାନ ପାରଗ ୪-୧-୬-୨ ମଧ୍ୟ ଭଲ ବୋଲିଂ ଫିଗର ପାଇଥିଲେ। ଅନୁକୂଳ ରୟ ଓ ଅଭିଷେକ ଶର୍ମାଙ୍କୁ ଗୋଟିଏ ଲେଖାଏ ଉଇକେଟ ମିଳିଥିଲା। ଶୁଭମ୍‌ ଗିଲ୍‌ ମ୍ୟାନ ଅଫ ଦି ମ୍ୟାଚ ବିବେଚିତ ହୋଇଥିଲେ। ସଂକ୍ଷିପ୍ତ ସ୍କୋର ଭାରତ ୫୦ ଓଭରରେ ୨୭୨/୯(ଗିଲ୍‌-୧୦୨*, କାଲ୍‌ରା-୪୭, ପୃଥ୍ବୀ-୪୧, ମୁସା-୪/୬୭, ଇକବାଲ-୩/୫୧, ଶାହିନ-୧/୬୨)। ପାକିସ୍ତାନ ୨୯.୩ ଓଭରରେ ୬୯/ଅଲଆଉଟ(ରୋହାଲି-୧୮, ପୋରେଲ-୪/୧୭, ଶିବା-୨/୨୦, ପାରଗ-୨/୬, ଅନୁକୂଳ-୧/୧୧, ଅଭିଷେକ-୧/୦)।
All Right Reserved By

ଖେଳ |

ଟେଷ୍ଟରେ ଓପନ କରିବାକୁ ମୁଁ ପ୍ରସ୍ତୁତ- ରୋହିତ

ଟେଷ୍ଟରେ ଓପନ କରିବାକୁ ମୁଁ ପ୍ରସ୍ତୁତ- ରୋହିତ

ମୁମ୍ବାଇ,୧୭।୮- ଇଂଲଣ୍ଡ ଗସ୍ତରେ ଥିବା ଭାରତୀୟ ଦଳର ଓପନରମାନେ ସମ୍ପୂର୍ଣ୍ଣ ବିଫଳ ହୋଇଛନ୍ତି।  ମୁରଲୀ ବିଜୟ, ଶିଖର ଧାଓ୍ବନ ଓ ଲୋକେଶ ରାହୁଲଙ୍କ ମଧ୍ୟରୁ କୌଣସି ବ୍ୟାଟ୍ସମ୍ୟାନ ଏପର୍ଯ୍ୟନ୍ତ ଆଖିଦୃଶିଆ ପ୍ରଦର୍ଶନ କରି ପାରି ନାହାନ୍ତି। ଅନ୍ୟପକ୍ଷରେ ଦିନିକିଆ ଓ ଟି୨୦ ଫର୍ମାଟରେ ସଫଳତମ ଭାରତୀୟ ଓପନର ରୋହିତ ଶର୍ମା ଟେଷ୍ଟରେ ମଧ୍ୟ ଓପନିଂ କରିବାକୁ ପ୍ରସ୍ତୁତ ବୋଲି କହିଛନ୍ତି।

ଅଷ୍ଟ୍ରେଲିଆ ଫୁଟ୍‌ବଲ ପରିଚାଳନା କରିବ ଫିଫା

ସିଡ୍‌ନୀ,୧୭।୮(ଏଏଫ୍‌ପି)- ଫୁଟ୍‌ବଲ ଫେଡେରେଶନ ଅଷ୍ଟ୍ରେଲିଆ (ଏଫ୍‌ଏଫ୍‌ଏ) ମୁଖ୍ୟ ଷ୍ଟିଭେନ ଲୋୟ ପୁନଃ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବେ ନାହିଁ ବୋଲି ଶୁକ୍ରବାର କହିଛନ୍ତି। ଫଳରେ ଅଷ୍ଟ୍ରେଲିଆ ଫୁଟ୍‌ବଲକୁ ଅନ୍ତର୍ଜାତୀୟ ଫୁଟ୍‌ବଲ ପରିଚାଳକ ସଂସ୍ଥା (ଫିଫା) ପରିଚାଳିତ କରିବ ବୋଲି ସ୍ପଷ୍ଟ ହୋଇଛି। 

ଏସିଆନ ଗେମ୍ସରୁ ଓହରିଲେ ପେସ୍‌

ଏସିଆନ ଗେମ୍ସରୁ ଓହରିଲେ ପେସ୍‌

ଜାକର୍ତ୍ତା, ୧୭ା୮ (ପି.ଟି.)-ଜଣେ ସ୍ପେଶାଲିଷ୍ଟ ପୁରୁଷ ପାର୍ଟନର ନ ପାଇବାରୁ ଭେଟେରାନ ଟେନିସ ଷ୍ଟାର ଲିଆଣ୍ଡର ପେସ୍‌ ଶେଷରେ  ଶନିବାର ଆରମ୍ଭ ହେବାକୁଥିବା ୧୮ତମ ଏସିଆନ ଗେମ୍ସରୁ ଓହରି ଯାଇଛନ୍ତି। ୪୫ ବର୍ଷୀୟ ଭାରତୀୟ ଖେଳାଳି ଇତିମଧ୍ୟରେ ୧୮ଗ୍ରାଣ୍ଡସ୍ଲାମ ଟାଇଟଲ ଜିତି ସାରିଛନ୍ତି। ସର୍ବଭାରତୀୟ ଟେନିସ ଆସୋସିଏଶନ (ଆଇଟା) ପକ୍ଷରୁ ପେସ୍‌ଙ୍କୁ ସିଙ୍ଗଲ୍ସ ଖେଳାଳି ସୁମିତ ନାଗାଲଙ୍କୁ ପାର୍ଟନର କରି ଖେଳିବାକୁ କୁହାଯାଇଥିଲା। ନାଗାଲ କିନ୍ତୁ ଏବେ ଭଲ ଫର୍ମରେ ନାହାନ୍ତି। ଏହା ପେସ୍‌ଙ୍କ ପାଇଁ ସମସ୍ୟା ହୋଇଥିଲା। ଅନ୍ୟପକ୍ଷରେ ଏସିଆନ ଗେମ୍ସରେ ସେମାନଙ୍କୁ ଯୋଡ଼ିଦାର ହୋଇ ଖେଳିବା ଲାଗି ସୁଯୋଗ ଦେବା ପାଇଁ ଦେଶର ଟପ୍‌ ଡବଲ୍ସ ଯୋଡ଼ି ରୋହନ ବୋପାନ୍ନା ଓ ଡିଭିଜ  ଶରନ   ସର୍ବଭାରତୀୟ ଟେନିସ ଆସୋସିଏଶନ (ଆଇଟା)କୁ ଅନୁରୋଧ କରିଥିଲେ। 

ସେଣ୍ଟ୍‌ଲୁଇସ, ରାପିଡ୍‌, ବ୍ଲିଜ୍‌ ଚେସ୍‌: ଆନନ୍ଦଙ୍କୁ ଅନ୍ତିମ ସ୍ଥାନ

ସେଣ୍ଟ୍‌ଲୁଇସ, ରାପିଡ୍‌, ବ୍ଲିଜ୍‌ ଚେସ୍‌: ଆନନ୍ଦଙ୍କୁ ଅନ୍ତିମ ସ୍ଥାନ

ସେଣ୍ଟ୍‌ଲୁଇସ୍‌ (ଆମେରିକା),୧୭ା୮ (ପି.ଟି.)-ସେଣ୍ଟ ଲୁଇସ୍‌ ରାପିଡ୍‌ ଓ ବ୍ଲିଜ୍‌ ଚେସ୍‌ ଟୁର୍ନାମେଣ୍ଟରେ ଭାରତର ବିଶ୍ୱନାଥନ ଆନନ୍ଦଙ୍କ ପ୍ରଦର୍ଶନ ଅତ୍ୟନ୍ତ ନୈରାଶ୍ୟଜନକ ରହିଛି। ୫ଥର ବିଶ୍ୱ ଚାମ୍ପିୟନ ଏଥିରେ ସମ୍ଭାବ୍ୟ ୨୭ ରୁ ୧୩.୫ ପଏଣ୍ଟ ସ୍କୋର କରି ଅନ୍ତିମ ସ୍ଥାନରେ ରହିଛନ୍ତି। ଆନନ୍ଦ ଅନ୍ତିମ ଦିବସରେ ସମ୍ଭାବ୍ୟ ୯ରୁ ୪ ପଏଣ୍ଟ ସ୍କୋର କରିଥିଲେ। ବ୍ଲିଜ୍‌  ବିଭାଗରେ ତାଙ୍କ ପଏଣ୍ଟ ସଂଖ୍ୟା ୭.୫/୧୮ ରହିଥିଲା, ଯାହାକି ତାଙ୍କୁ ବିଶେଷ ସହାୟକ ହୋଇ ନ ଥିଲା। ଅନ୍ୟପକ୍ଷରେ ହିକାରୁ ନାକାମୁରା  ଆଉ ଗୋଟିଏ ରାଉଣ୍ଡ ଖେଳ ବାକି ଥାଇ ଇଭେଣ୍ଟକୁ ପୂର୍ବରୁ ଜିତି ସାରିଥିଲେ।  ଆମେରିକାର ଏହି ଖେଳାଳି ମୋଟ ୨୨.୫ ପଏଣ୍ଟ ସ୍କୋର କରିଥିଲେ। 

ଘାସିରାମଙ୍କ ‘ବି’ ନମୁନା ପଜିଟିଭ୍‌

ଘାସିରାମଙ୍କ ‘ବି’ ନମୁନା ପଜିଟିଭ୍‌

ବ୍ରହ୍ମପୁର ଅଫିସ୍‌,୧୭ା୮-ଓଡ଼ିଶା ଭାରୋତ୍ତୋଳନ ଜଗତରେ କଳଙ୍କିତ ଫର୍ଦ୍ଦ ଯୋଡ଼ି ହୋଇଯାଇଛି । ଜାତୀୟସ୍ତରୀୟ ପ୍ରତିଯୋଗିତାରେ ସଫଳତା ହାସଲ କରିବା ପାଇଁ ନିଷିଦ୍ଧ ଔଷଧ ସେବନ  ଅଭିଯୋଗରେ ଛନ୍ଦି ହୋଇପଡ଼ିଛନ୍ତି ଯୁବ ଭାରୋତ୍ତୋଳକ ଘାସିରାମ୍‌ ଖରା । ଗତ ଫେବୃୟାରୀରେ ତାଙ୍କ ‘ଏ’ ନମୁନା ପରୀକ୍ଷା ହୋଇଥିଲା। ଯେଉଁଥିରେ ତାଙ୍କ ନମୁନା ପଜିଟିଭ୍‌ ବାହାରିଥିଲା । ଫଳରେ ଘାସିରାମ୍‌ ଖରା ‘ବି’ ନମୁନା ପରୀକ୍ଷା କରିବାକୁ ଆବେଦନ କରିଥିଲେ। ହେଲେ ‘ବି’ ନମୁନା ମଧ୍ୟ ପଜିଟିଭ୍‌ ବାହାରିଛି । ଫଳରେ ୫୦ହଜାର ଟଙ୍କା ଜରିମାନା ଦେବା ପାଇଁ ନିର୍ଦ୍ଦେଶ ଦିଆଯାଇଛି। ଏଥି  ସହ ନିୟମ ଅନୁଯାୟୀ ତାଙ୍କ ଉପରେ ୪ବର୍ଷର ନିଲମ୍ବନ ମଧ୍ୟ ଲାଗୁହେବାର ସମ୍ଭାବନା ରହିଛି ।

ଆବୁଧାବି ମାଷ୍ଟର୍ସ ଚେସ୍‌ରେ ଦେବାଶିଷଙ୍କ ସଫଳତା

ଆବୁଧାବି ମାଷ୍ଟର୍ସ ଚେସ୍‌ରେ ଦେବାଶିଷଙ୍କ ସଫଳତା

ଭୁବନେଶ୍ୱର, ୧୭।୮(କ୍ରୀଡ଼ା ପ୍ରତିନିଧି)-ଆବୁଧାବି ମାଷ୍ଟର୍ସ ଚେସ୍‌ ବୁଧବାର ଉଦ୍‌ଯାପିତ ହୋଇଛି। ୯ ରାଉଣ୍ଡ ବିଶିଷ୍ଟ ଟୁର୍ନାମେଣ୍ଟରେ ରୁଷିଆ ଗ୍ରାଣ୍ଡମାଷ୍ଟର ଡୁବୋଭ ଡାନିଲ ୭.୫ ପଏଣ୍ଟ ପାଇ ଚାମ୍ପିୟନ ହୋଇଛନ୍ତି। ଓଡ଼ିଶା ପ୍ରତିଯୋଗୀଙ୍କ ମଧ୍ୟରେ ଗ୍ରାଣ୍ଡମାଷ୍ଟର ଦେବାଶିଷ ଦାସ ଆକର୍ଷଣୀୟ ପ୍ରଦର୍ଶନ କରି ୬.୫ ପଏଣ୍ଟ ସହିତ ୧୫ତମ ସ୍ଥାନରେ ରହିଛନ୍ତି। ସେ ୩୬ତମ ସ୍ଥାନରେ ରହି ଖେଳିବା ଆରମ୍ଭ କରିଥିଲେ। 

୧୫ ବର୍ଷରୁ କମ୍‌ ସାଫ୍‌ ଫୁଟବଲ:ନେପାଳକୁ ହରାଇ ଭାରତ ଫାଇନାଲରେ

୧୫ ବର୍ଷରୁ କମ୍‌ ସାଫ୍‌ ଫୁଟବଲ:ନେପାଳକୁ ହରାଇ ଭାରତ ଫାଇନାଲରେ

ଥିମ୍ଫୁ(ଭୁଟାନ), ୧୭।୮-ଏଠାରେ ଚାଲିଥିବା ୧୫ ବର୍ଷରୁ କମ୍‌ ସାଫ୍‌ ଫୁଟବଲ ଚାମ୍ପିୟନଶିପ୍‌ର ଫାଇନାଲରେ ଭାରତ ପ୍ରବେଶ କରିଛି। ଗୁରୁବାର ଅନୁଷ୍ଠିତ ସେମିଫାଇନାଲରେ ଭାରତ ୨-୧ ଗୋଲରେ ନେପାଳକୁ ପରାସ୍ତ କରିଛି। ୩୧ତମ ମିନିଟରେ ଲିଣ୍ଡା କମ୍‌ ଓ ୫୮ତମ ମିନିଟରେ କ୍ରିଟିନା ଦେବୀଙ୍କ ଗୋଲ ଭାରତର ବିଜୟ ପାଇଁ ପର୍ଯ୍ୟାପ୍ତ ହୋଇଥିଲା। ନେପାଳ ପକ୍ଷରୁ ୩୭ତମ ମିନିଟରେ ରଜନୀ ଠୋକର ଗୋଟିଏ ଗୋଲ ପରିଶୋଧ କରିବାକୁ ସକ୍ଷମ ହୋଇଥିଲେ। ଦ୍ୱିତୀୟ ସେମିଫାଇନାଲରେ ଆୟୋଜକ ଭୁଟାନ ଓ ବାଂଲାଦେଶ ମଧ୍ୟରେ ମୁକାବିଲା ହେବ। ଏହାର ବିଜେତାକୁ ଭାରତ ୧୮ ତାରିଖରେ ଫାଇନାଲରେ ଭେଟିବ।

ଇଣ୍ଡିପେଣ୍ଡେନ୍ସ ଡେ’ କ୍ରିକେଟ: ଟାଇଟଲ ବଜାୟ ରଖିଲା କଟକ

ଇଣ୍ଡିପେଣ୍ଡେନ୍ସ ଡେ’ କ୍ରିକେଟ: ଟାଇଟଲ ବଜାୟ ରଖିଲା କଟକ

ଭୁବନେଶ୍ୱର, ୧୭।୮(ସ୍ପୋଟର୍‌ସ ବ୍ୟୁରୋ)-ଓଡ଼ିଶା ୟୁଥ୍‌ ଆନୁକୂଲ୍ୟରେ ବେଙ୍ଗାଲୁରୁରେ ଇଣ୍ଡିପେଣ୍ଡେନ୍ସ ଡେ’ କ୍ରିକେଟ ଲିଗ୍‌ ବୁଧବାର ଶେଷ ହୋଇଛି। ଫାଇନାଲରେ ଭୁବନେଶ୍ୱର ଦଳକୁ ୨୮ ରନରେ ହରାଇ କଟକ ଟାଇଟଲ ବଜାୟ ରଖିଛି। ଟସ୍‌ଜିତି ପ୍ରଥମେ ବ୍ୟାଟିଂ କରିଥିବା କଟକ ନିର୍ଦ୍ଧାରିତ ୨୦ ଓଭରରେ ୧୫୨ ରନକରି ଅଲଆଉଟ ହୋଇ ଯାଇଥିଲା। ଜବାବରେ ଭୁବନେଶ୍ୱର ଦଳ ୧୮.୨ ଓଭରରେ ୧୨୪ ରନକରି ଅଲଆଉଟ ହୋଇ ଯାଇଥିଲା। ୩୦ ବଲ୍‌ରୁ ୬୯ ରନ କରିଥିବା ବିଜୟୀ ଦଳର ରୋହିତ ପାଟିଲ ମ୍ୟାନ ଅଫ ଦି ମ୍ୟାଚ ବିବେଚିତ ହୋଇଥିଲେ। 

ଆମନ୍ତ୍ରଣୀୟ ଚେସ୍‌: ଆୟୁଷୀ ଚାମ୍ପିୟନ

ଆମନ୍ତ୍ରଣୀୟ ଚେସ୍‌: ଆୟୁଷୀ ଚାମ୍ପିୟନ

କଟକ ଅଫିସ,୧୭ା୮-ଏସ୍‌.ଆର୍‌ ଚେସ୍‌ ସେଣ୍ଟର ଆନୁକୂଲ୍ୟରେ ଏକ ଆମନ୍ତ୍ରଣୀୟ ଚେସ୍‌ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି। ୧୦ ରାଉଣ୍ଡ ବିଶିଷ୍ଟ ପ୍ରତିଯୋଗିତାର ବାଳିକା ବିଭାଗରେ ଆୟୁଷୀ ଦାସ ୯ ପଏଣ୍ଟ ହାସଲ କରି ଚାମ୍ପିୟନ ହୋଇଥିଲେ । ଏହି ବିଭାଗରେ ସିମୀ ସ୍ବୀକୃତି ୮ ପଏଣ୍ଟ ଓ ନୀତିଶା ସୁର ୬.୫ ପଏଣ୍ଟ ହାସଲ କରି ଯଥାକ୍ରମେ ଦ୍ୱିତୀୟ ଓ ତୃତୀୟ ସ୍ଥାନରେ ରହିଥିଲେ। ବାଳକ ବିଭାଗରେ ଆଦିତ୍ୟ ନାରାୟଣ ମହାନ୍ତି ୭.୫ ପଏଣ୍ଟ ପାଇ ଚାମ୍ପିୟନ ହୋଇଥିବା ବେଳେ ଅଭିଜିତ ଜେନା ୭ ପଏଣ୍ଟ, ଏ.ରାମାନୁଜନ ୬.୫ ପଏଣ୍ଟ ପାଇ ପୁରସ୍କୃତ ହୋଇଥିଲେ। ବିଗ୍‌ନର ବାଳକ ବିଭାଗରେ ଉମଙ୍ଗ ନେହେର ଓ ବାଳିକା ବିଭାଗରେ ନିଲୀସା ଚାମ୍ପିୟନ ହୋଇଥିଲେ।

 ଏସିଆନ ଗେମ୍ସ: ଆଥଲେଟିକ୍ସ ଭିଲେଜ୍‌ରେ ଉଡ଼ିଲା ତ୍ରିରଙ୍ଗା

ଏସିଆନ ଗେମ୍ସ: ଆଥଲେଟିକ୍ସ ଭିଲେଜ୍‌ରେ ଉଡ଼ିଲା ତ୍ରିରଙ୍ଗା

ଜାକର୍ତ୍ତା, ୧୬ା୮(ପି.ଟି.)-ଏସିଆନ ଗେମ୍ସ ଆଥଲେଟିକ୍ସ ଭିଲେଜ୍‌ରେ ଗୁରୁବାର ଭାରତୀୟ ଜାତୀୟ ପତାକା ଉତ୍ତୋଳନ କରାଯାଇଛି। ଏହି ଅବସରରେ ଆୟୋଜିତ ଉତ୍ସବରେ ଭାରତୀୟ ପୁରୁଷ ହକି ଷ୍ଟାର ଏବଂ ରେସଲରମାନେ ଉପସ୍ଥିତ ଥିଲେ। ଆଥଲେଟିକ୍ସ ଭିଲେଜରେ ହକି ଖେଳାଳି ଓ ରେସ୍‌ଲରମାନେ ପ୍ରଥମେ ପହଞ୍ଚତ୍ସାରିଥିବାରୁ ସେମାନେ ଏହି ଉତ୍ସବରେ ଯୋଗଦାନ କରି ପାରିଥିଲେ। ବ୍ୟାଡ୍‌ମିଣ୍ଟନ ଓ କବାଡ଼ି ଖେଳାଳିମାନେ ଗୁରୁବାର ଅପରାହ୍ନରେ ସିଙ୍ଗାପୁର ବାଟ ଦେଇ ଇଣ୍ଡୋନେସିଆ ରାଜଧାନୀରେ ପହଞ୍ଚତ୍ଛନ୍ତି।

ଏସିଆନ ଗେମ୍ସ : ଆଜାମ ସଫ୍ଟ ଟେନିସ ଟେକ୍ନିକାଲ ଅଫିସିଆଲ

ଏସିଆନ ଗେମ୍ସ : ଆଜାମ ସଫ୍ଟ ଟେନିସ ଟେକ୍ନିକାଲ ଅଫିସିଆଲ

ଭୁବନେଶ୍ୱର, ୧୬।୮(କ୍ରୀଡ଼ା ପ୍ରତିନିଧି)-
ଚଳିତମାସ ୧୮ରୁ ସେପ୍ଟେମ୍ବର ୨ ପର୍ଯ୍ୟନ୍ତ ଇଣ୍ଡୋନେସିଆରେ ହେବାକୁ ଯାଉଥିବା ଏସିଆନ ଗେମ୍ସର ସଫ୍ଟ ଟେନିସ ଇଭେଣ୍ଟ ପାଇଁ ଓଡ଼ିଶାର ମହମ୍ମଦ ଆଜମ ଟେକ୍ନିକାଲ ଅଫିସିଆଲ ମନୋନୀତ ହୋଇଛନ୍ତି। ପ୍ରତିଯୋଗିତାର ସଫ୍ଟ ଟେନିସ ଇଭେଣ୍ଟ ଆଗାମୀ ୨୮ରୁ ଆରମ୍ଭ ହୋଇ ସେପ୍ଟେମ୍ବର ୧ରେ ଶେଷ ହେବ। ନିଜ ଦାୟିତ୍ୱ ତୁଲାଇବା ପାଇଁ ଆଜମ ୨୪ ତାରିଖରେ ଇଣ୍ଡୋନେସିଆ ଯିବେ।

ଏସିଆନ୍‌ ଗେମ୍ସ: ପେସ୍‌ଙ୍କ ଖେଳିବା ନେଇ ଅନିଶ୍ଚିତତା

ଏସିଆନ୍‌ ଗେମ୍ସ: ପେସ୍‌ଙ୍କ ଖେଳିବା ନେଇ ଅନିଶ୍ଚିତତା

ପାଲେମ୍ବାଙ୍ଗ,୧୬।୮(ପି.ଟି.)- ଆସନ୍ତା ୧୮ ତାରିଖରୁ ଏସିଆନ୍‌ ଗେମ୍ସ ଆରମ୍ଭ ହେବାକୁ ଯାଉଛି। ଭାରତୀୟ ଟେନିସ୍‌ ଦଳ ଗୁରୁବାର ଏଠାରେ ପହଞ୍ଚତ୍ୟାଇଛି। ମାତ୍ର ଘୋଷିତ ଟେନିସ୍‌ ଦଳରେ ସ୍ଥାନ ପାଇଥିବା ଭେଟେରାନ ଲିଆଣ୍ଡର ପେସ ଏଠାରେ ଅନୁପସ୍ଥିତ ରହିଛନ୍ତି।