ଖେଳ |

ଆଇପିଏଲ: ଉନାଡକଟ୍‌ ଦାମୀ ଭାରତୀୟ

ଆଇପିଏଲ: ଉନାଡକଟ୍‌ ଦାମୀ ଭାରତୀୟ
ବାଙ୍ଗାଲୋର, ୨୮ା୧(ପି.ଟି.) ଇଣ୍ଡିଆନ ପ୍ରିମିୟର ଲିଗ୍‌ (ଆଇପିଏଲ)ର ଚଳିତ ବର୍ଷ ସଂସ୍କରଣ ପାଇଁ ଦୁଇଦିନିଆ ଖେଳାଳି ନିଲାମ ପ୍ରକ୍ରିୟା ଶେଷ ହୋଇଯାଇଛି। ରବିବାର ଦ୍ୱିତୀୟ ତଥା ଅନ୍ତିମ ଦିବସରେ ବାମହାତୀ ପେସ୍‌ ବୋଲର ଜୟଦେବ ଉନାଡ୍‌କଟ୍‌ ସବୁଠାରୁ ଦାମୀ ଭାରତୀୟ ଖେଳାଳି ବିବେଚିତ ହୋଇଛନ୍ତି। ରାଜସ୍ଥାନ ରୟାଲ୍ସ ତାଙ୍କୁ ୧୧.୫ କୋଟି ଟଙ୍କାରେ କ୍ରୟ କରିଥିବାବେଳେ ଅଷ୍ଟ୍ରେଲିଆ ପେସ୍‌ ବୋଲର ଆଣ୍ଡ୍ର୍ୟୁ ଟାଇଙ୍କୁ କିଙ୍ଗ୍ସ ଇଲେଭେନ ପଞ୍ଜାବ ୭.୨ କୋଟି ଟଙ୍କାରେ ଖରିଦ କରିଛି। ଦ୍ୱିତୀୟ ଦିବସରେ ଉନାଡ୍‌କଟ ଓ ଟାଇ ସବୁଠାରୁ ଅଧିକ ମୂଲ୍ୟରେ ବିକ୍ରି ହୋଇଛନ୍ତି। ଅନ୍ୟପକ୍ଷରେ ନେପାଳର ୧୭ ବର୍ଷୀୟ ଖେଳାଳି ସନ୍ଦୀପ ଲାମିଚାନେ ପ୍ରଥମ ଥର ଆଇପିଏଲ ଖେଳିବାକୁ ଯାଉଛନ୍ତି। ଦିଲ୍ଲୀ ଡେୟାର ଡେଭିଲ୍ସ ତାଙ୍କୁ ତାଙ୍କ ବେସ୍‌ ପ୍ରାଇସ୍‌ ମୂଲ୍ୟ ୨୦ ଲକ୍ଷ ଟଙ୍କାରେ କ୍ରୟ କରିଛି। ଆଫଗାନିସ୍ତାନର ସ୍ବଳ୍ପବୟସ୍କ ସ୍ପିନ ପ୍ରତିଭା ୧୬ ବର୍ଷୀୟ ମୁଜିବ ଜାଡ୍ରାନଙ୍କୁ କିଙ୍ଗ୍ସ ଇଲେଭେନ ପଞ୍ଜାବ ୪ କୋଟି ଟଙ୍କାରେ କ୍ରୟ କରିଛି। ପୂର୍ବରୁ ଆଫଗାନିସ୍ତାନର ଅନ୍ୟ ଜଣେ ଖେଳାଳି ଲେଗ୍‌ ସ୍ପିନର ରଶିଦ ଖାଁ ୯ କୋଟି ଟଙ୍କାରେ ବିକ୍ରି ହୋଇଛନ୍ତି। ୨୦୧୬ରେ ବାଂଲାଦେଶରେ ୧୯ ବର୍ଷରୁ କମ୍‌ ବିଶ୍ୱକପ୍‌ ବେଳେ ଦ୍ୱିତୀୟ ସର୍ବାଧିକ ଉଇକେଟ ହାସଲକାରୀ ବୋଲର ବିବେଚିତ ହୋଇ ଅନ୍ୟମାନଙ୍କ ଦୃଷ୍ଟି ଆକର୍ଷଣ କରିଥିଲେ। ସେ ୬ଟି ଇନିଂସରେ ୧୭ରନ ଆଭରେଜରେ ମୋଟ ୧୪ଟି ଉଇକେଟ ଅକ୍ତିଆର କରିଥିଲେ। ତନ୍ମଧ୍ୟରେ ତାଙ୍କର ଏକ ହ୍ୟାଟ୍ରିକ ସାମିଲ ରହିଥିଲା। ତାଙ୍କର ଏହି ସଫଳତା ଅଷ୍ଟ୍ରେଲିଆର ପୂର୍ବତନ ଅଧିନାୟକ ମାଇକେଲ କ୍ଲାର୍କଙ୍କୁ ପ୍ରଭାବିତ କରିଥିଲା। ଅଷ୍ଟ୍ରେଲିଆରେ ନ୍ୟୁ ସାଉଥ୍‌ ଓ୍ବେଲ୍ସ ପ୍ରିମିୟର କ୍ରିକେଟ ସିଜନ ପାଇଁ ସେ ଏହି ଲେଗ୍‌ ସ୍ପିନରଙ୍କୁ ନିଜ ଦଳ ଓ୍ବେଷ୍ଟର୍ନ ସବ୍‌ଅର୍ବସରେ ଖେଳିବା ପାଇଁ ଆମନ୍ତ୍ରଣ କରିଥିଲେ। କ୍ରିସ୍‌ ଗେଲଙ୍କ ପ୍ରଶଂସକମାନଙ୍କୁ ଆଶ୍ୱସ୍ତି ମିଳିଛି। ଦିନର ଶେଷଭାଗରେ କିଙ୍ଗ୍ସ ଇଲେଭେନ ପଞ୍ଜାବ ତାଙ୍କୁ ତାଙ୍କ ବେସ୍‌ ପ୍ରାଇସ୍‌ ୨ କୋଟି ଟଙ୍କାରେ କ୍ରୟ କରିଛି। ଗେଲ ଦୁଇଥର ଅଲୋଡା ରହିବା ପରେ ତୃତୀୟ ଥର ବିକ୍ରି ହୋଇଥିଲେ। ଆଫଗାନିସ୍ତାନର ସ୍ବଳ୍ପବୟସ୍କ ଜାଡ୍ରାନ ଉଚ୍ଚସ୍ତରରେ ଖେଳି ସାରିଛନ୍ତି। ବର୍ତ୍ତମାନ ସେ ନ୍ୟୁଜିଲାଣ୍ଡରେ ୧୯ ବର୍ଷରୁ କମ୍‌ ବିଶ୍ୱକପ୍‌ ଦଳର ଅନ୍ୟତମ ସଦସ୍ୟ ରହିଛନ୍ତି। ତାଙ୍କ ଟିମ୍‌ମେଟ୍‌ ଜାହିର ଖାଁଙ୍କୁ ରାଜସ୍ଥାନ ରୟାଲ୍ସ ୬୦ଲକ୍ଷ ଟଙ୍କାରେ କ୍ରୟ କରିଛି। କିଙ୍ଗ୍ସ ଇଲେଭେନ ପଞ୍ଜାବ ଓ ରାଜସ୍ଥାନ ରୟାଲ୍ସ ଅଧିକ ଅର୍ଥ ସହ ନିଲାମକୁ ଓହ୍ଲାଇଥିଲେ। ଉଭୟେ ଜଣେ ଲେଖାଏଁ ଖେଳାଳିଙ୍କୁ ଦଳରେ ବଜାୟ ରଖିଥିଲେ। କିନ୍ତୁ ଦିନର ଶେଷ ଭାଗରେ କୋଲକାତା ନାଇଟ୍‌ ରାଇଡର୍ସ ଏହି ଦୁଇ ଫ୍ରାଞ୍ଚାଇଜକୁ ବ୍ୟୟ କରିବାରେ ପଛରେ ପକାଇ ଦେଇଥିଲା। କେତେଜଣ ଖେଳାଳିଙ୍କୁ କ୍ରୟ କରିବାରେ ସମସ୍ତ ୮୦କୋଟି ଟଙ୍କା ବ୍ୟୟ କରିଦେଇଥିଲା। ଚେନ୍ନାଇ ସୁପର କିଙ୍ଗ୍ସ ୬.୫ କୋଟି ଟଙ୍କା ବଳକା ରଖିଥିବାବେଳେ ଅନ୍ୟ ସମସ୍ତ ଫ୍ରାଞ୍ଚାଇଜ ସେମାନଙ୍କ ପାଣ୍ଠିକୁ ପ୍ରାୟ ଖର୍ଚ୍ଚ କରିଦେଇଥିଲେ। ରୟାଲ୍ସ ଖର୍ଚ୍ଚବେଳେ ଆଗପଛ ସବୁ ଦିଗରୁ ବିଚାର କରିଥାଏ। ଦଳ କର୍ନାଟକ ଅଫ୍‌ ସ୍ପିନର କ୍ରିଷ୍ଣାପ୍ପା ଗୋଥାମଙ୍କୁ ୬.୨କୋଟି ଟଙ୍କା ବିନିମୟରେ ଖରିଦ କରିଥିଲା। ଦିବସରେ ଉନାଡକଟଙ୍କୁ ନେବାଲାଗି ଚେନ୍ନାଇ ସୁପର କିଙ୍ଗ୍ସ ଓ କିଙ୍ଗ୍ସ ଇଲେଭେନ ପଞ୍ଜାବ ମଧ୍ୟରେ ତୀବ୍ର ପ୍ରତିଦ୍ୱନ୍ଦ୍ୱିତା ହୋଇଥିଲା। ମାତ୍ର ଶେଷରେ ରାଜସ୍ଥାନ ରୟାଲ୍ସ ତାଙ୍କୁ ଅଧିକ ମୂଲ୍ୟରେ କିଣି ନେଇଥିଲା। ଉନାଡକଟଙ୍କ ବେସ୍‌ ପ୍ରାଇସ୍‌ ୧.୫ କୋଟି ଟଙ୍କା ରହିଥିବାବେଳେ ସେ ୧୧.୫ କୋଟି ଟଙ୍କାରେ ବିକ୍ରି ହୋଇଥିଲେ। ଟି୨୦ ସ୍ପେଶାଲିଷ୍ଟ ଉନାଡକଟ ଏତେ ଦାମ୍‌ରେ ବିକ୍ରି ହେବା ପଛରେ ଯଥେଷ୍ଟ କାରଣ ରହିଛି। ଗତ ସିଜନରେ ସେ ରାଇଜିଂ ପୁଣେ ସୁପର ଜିଆଣ୍ଟ୍ସ ତରଫରୁ ଖେଳି ୧୩.୪୧ ଆଭରେଜରେ ୨୪ଟି ଉଇକେଟ ଅକ୍ତିଆର କରିଥିଲେ। ସେ ଆହୁରି ମଧ୍ୟ ଭାରତର ଶ୍ରୀଲଙ୍କା ବିପକ୍ଷ ଟି୨୦ ସିରିଜରେ ମ୍ୟାନ ଅଫ୍‌ ଦି ସିରିଜ ବିବେଚିତ ହୋଇଥିଲେ। ରୟାଲ୍ସ ଶନିବାର ନିଲାମିର ସବୁଠାରୁ ଦାମୀ ଖେଳାଳି ଇଂଲଣ୍ଡ ଅଲରାଉଣ୍ଡର ବେନ୍‌ ଷ୍ଟୋକ୍ସଙ୍କୁ ୧୨.୫ କୋଟି ଟଙ୍କାରେ କ୍ରୟ କରିଥିଲା। ରବିବାର ବହୁ ମୂଲ୍ୟରେ ବିକ୍ରି ହୋଇଥିବା ଅନ୍ୟ ଜଣେ ଖେଳାଳି ହେଲେ ଅଫ୍‌ ସ୍ପିନର ଗୋଥାମ। ସେ ତାଙ୍କ ବେସ୍‌ ପ୍ରାଇସ ୨୦ ଲକ୍ଷ ଟଙ୍କାର ୩୧ ଗୁଣା ଅଧିକ ମୂଲ୍ୟରେ ବିକ୍ରି ହୋଇଥିଲେ। ଭାରତୀୟ ଖେଳାଳିଙ୍କ ପ୍ରତି ସେମାନଙ୍କ ଆଗ୍ରହ ଜାରି ରଖିଥିଲେ। ସ୍ପିନ ବୋଲିଂ ଅଲରାଉଣ୍ଡର ଓ୍ବାଶିଂଟନ ସୁନ୍ଦରଙ୍କୁ ଆରସିବି ୩.୨କୋଟି ଟଙ୍କାରେ କ୍ରୟ କରିଥିଲା। ସେହିପରି ପଞ୍ଜାବ ପେସ୍‌ ବୋଲର ସନ୍ଦୀପ ଶର୍ମାଙ୍କୁ ସନରାଇଜର୍ସ ହାଇଦ୍ରାବାଦ ୩ କୋଟି ଟଙ୍କାରେ ନେଇଥିବାବେଳେ କିଙ୍ଗ୍ସ ଏକାଦଶ ପଞ୍ଜାବ ଏହାର ରାଇଟ୍‌ ଟୁ ମ୍ୟାଚ୍‌ (ଆରଟିଏମ) ଜରିଆରେ ମୋହିତ ଶର୍ମାଙ୍କୁ ୨.୪ କୋଟି ଟଙ୍କା ବିନିମୟରେ ରଖିଥିଲା। ସେହିପରି ଝାଡ଼ଖଣ୍ଡ ସ୍ପିନର ଶାହବାଜ ନଦିମଙ୍କୁ ଦିଲ୍ଲୀ ଡେୟାର ଡେଭିଲ୍ସ ୩.୨କୋଟି ଟଙ୍କାରେ କ୍ରୟ କରିଥିବା ବେଳେ ମହମ୍ମଦ ସାଇରାଜଙ୍କୁ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ୨.୬ କୋଟି ଟଙ୍କାରେ ଖରିଦ କରିଥିଲା। ଶନିବାର ଭଳି କୋଲକାତା ନାଇଟ ରାଇଡର୍ସ ଦ୍ୱିତୀୟ ଦିବସରେ ପ୍ରତିଭା ଖେଳାଳିଙ୍କ ସନ୍ଧାନରେ ରହିଥିଲା। ପ୍ରଥମ ଦିବସରେ କମଳେଶ ନାଗରକୋଟିି ଓ ଶୁଭ ଗିଲ୍‌ଙ୍କ ପରେ ଭାରତୀୟ ୧୯ ବର୍ଷରୁ କମ୍‌ ଦଳର ଅନ୍ୟ ଜଣେ ଖେଳାଳି ଶିଭମ ମାଭିଙ୍କୁ ୩କୋଟି ଟଙ୍କାରେ ନେଇଥିଲା। ଚେନ୍ନାଇ ସୁପର କିଙ୍ଗ୍ସ ଦକ୍ଷିଣ ଆଫ୍ରିକା ପେସ୍‌ ବୋଲର ଲୁଙ୍ଗି ଏନ୍‌ଗିଡିଙ୍କୁ ତାଙ୍କ ବେସ୍‌ ପ୍ରାଇସ୍‌ ୫୦ଲକ୍ଷ ଟଙ୍କାରେ କ୍ରୟ କରିଥିଲା। ଶ୍ରୀଲଙ୍କା ଖେଳାଳିଙ୍କ ଉପରେ ଡେରିରେ ନଜର ପଡ଼ିଥିଲା। ଆକିଲା ଦନଞ୍ଜୟ ତାଙ୍କ ବେସ୍‌ ପ୍ରାଇସ୍‌ ୫୦ଲକ୍ଷ ଟଙ୍କାରେ ବିକ୍ରି ହୋଇଥିଲେ। ଦୁଷ୍ମନ୍ତ ଚାମିରାଙ୍କୁ ଦ୍ୱିତୀୟ ଶ୍ରୀଲଙ୍କା ଖେଳାଳି ଭାବେ ରୟାଲ୍ସ ୫୦ ଲକ୍ଷ ଟଙ୍କାରେ କ୍ରୟ କରିଥିଲା। ଅଷ୍ଟ୍ରେଲିଆର ପୂର୍ବତନ ପେସ୍‌ ବୋଲର ମିଚେଲ ଜନସନଙ୍କୁ କୋଲକାତା ୨ କୋଟି ଟଙ୍କାରେ ନେଇଥିଲା। ରବିବାର ଯେଉଁ କେତେଜଣ ଜଣାଶୁଣା ଅନ୍ତର୍ଜାତୀୟ ଖେଳାଳି ବିକ୍ରି ହୋଇ ପାରି ନ ଥିଲେ ସେମାନେ ହେଲେ- ଦକ୍ଷିଣ ଆଫ୍ରିକାର ଡେଲ୍‌ ଷ୍ଟେଇନ୍‌ ଓ ମର୍ନେ ମୋର୍କେଲ, ଇଂଲଣ୍ଡର ଇଅନ ମୋର୍ଗାନ, ନ୍ୟୁଜିଲାଣ୍ଡର କୋରେ ଆଣ୍ଡରସନ ଓ ମାର୍ଟିନ ଗୁପ୍‌ଟିଲ ଏବଂ ଅଷ୍ଟ୍ରେଲିଆର ଶନ୍‌ ମାର୍ଶ।
All Right Reserved By

ଖେଳ |

ଭିନୁ ମଙ୍କଡ ଟ୍ରଫି: ମେଘାଳୟର ବୃହତ ବିଜୟ

ଭିନୁ ମଙ୍କଡ ଟ୍ରଫି: ମେଘାଳୟର ବୃହତ ବିଜୟ

ଭୁବନେଶ୍ୱର, ୨୦।୧୦(ସ୍ପୋଟର୍‌ସ ବ୍ୟୁରୋ)- ଭୁବନେଶ୍ୱରର ବିଭିନ୍ନ ଗ୍ରାଉଣ୍ଡରେ ବିସିସିଆଇ ଆନୁକୂଲ୍ୟରେ ଚାଲିଥିବା ୧୯ ବର୍ଷରୁ  କମ୍‌ ଭିନୁ ମଙ୍କଡ ଟ୍ରଫି କ୍ରିକେଟ ପ୍ରତିଯୋଗିତାରେ ଶନିବାର ୩ଟି ମ୍ୟାଚ୍‌ ଖେଳାଯାଇଛି। କିଟ୍‌ ଗ୍ରାଉଣ୍ଡରେ ଖେଳାଯାଇଥିବା ଏକ ମ୍ୟାଚ୍‌ରେ ମେଘାଳୟ ୧୯୮ ରନର ବୃହତ ବ୍ୟବଧାନରେ ସିକିମକୁ ପରାସ୍ତ କରିଛି। 

ଇଂଲଣ୍ଡ ସିରିଜ ବିଜୟୀ

ଇଂଲଣ୍ଡ ସିରିଜ ବିଜୟୀ

କାଣ୍ଡି (ଶ୍ରୀଲଙ୍କା), ୨୦।୧୦(ଏଏଫ୍‌ପି)- ଘରୋଇ ଶ୍ରୀଲଙ୍କା ବିପକ୍ଷରେ ଶନିବାର ଏଠାରେ ଅନୁଷ୍ଠିତ ୪ର୍ଥ ଦିନିକିଆ କ୍ରିକେଟ ମ୍ୟାଚ୍‌କୁ ଇଂଲଣ୍ଡ ଡିଏଲ୍‌ଏସ୍‌ ପଦ୍ଧତିରେ ୧୮ ରନରେ ଜିତି ନେଇଛି। 

ମୁମ୍ବାଇ ଜିତିଲା ବିଜୟ ହଜାରେ ଟ୍ରଫି

ମୁମ୍ବାଇ ଜିତିଲା ବିଜୟ ହଜାରେ ଟ୍ରଫି

ବେଙ୍ଗାଲୁରୁ,୨୦।୧୦- ଚଳିତ ବିଜୟ ହଜାରେ ଟ୍ରଫି ଦିନିକଆ ଟୁର୍ନାମେଣ୍ଟରେ ମୁମ୍ବାଇ ଦଳ ଚାମ୍ପିୟନ ହୋଇଛି। ମୋଟ ଉପରେ ୩ୟ ଥର ପାଇଁ ମୁମ୍ବାଇ ଦଳ ଏହ ସଫଳତା ପାଇଛି।

‘ରାୟୁଡୁ ୪ର୍ଥ କ୍ରମରେ ବ୍ୟାଟିଂ କଲେ ମଧ୍ୟକ୍ରମର ଅବସ୍ଥା ସୁଧିରିପାରିବ’

‘ରାୟୁଡୁ ୪ର୍ଥ କ୍ରମରେ ବ୍ୟାଟିଂ କଲେ ମଧ୍ୟକ୍ରମର ଅବସ୍ଥା ସୁଧିରିପାରିବ’

ଗୁଆହାଟି,୨୦।୧୦- ବରିଷ୍ଠ ବ୍ୟାଟ୍ସମ୍ୟାନ ଅମ୍ବାତି ରାୟୁଡୁ ଦଳର ୪ର୍ଥ କ୍ରମରେ ସ୍ଥାନ ପକ୍କା କଲେ ମଧ୍ୟକ୍ରମର ଅବସ୍ଥା ସୁଧିରି ପାରିବ ବୋଲି ଭାରତୀୟ ଅଧିନାୟକ ବିରାଟ କୋହଲି ଶନିବାର କହିଛନ୍ତି। 

ଦିନିକିଆରେ ପଦାର୍ପଣ କରିବେ ପନ୍ତ

ଦିନିକିଆରେ ପଦାର୍ପଣ କରିବେ ପନ୍ତ

ଗୁଆହାଟି,୨୦।୧୦- ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) ଓ୍ବେଷ୍ଟଇଣ୍ଡିଜ୍‌ ବିପକ୍ଷ ପ୍ରଥମ ଦିନିକିଆ ଲାଗି ଶନିବାର ୧୨ ଜଣିଆ ଭାରତୀୟ ଦଳ ଘୋଷଣା କରିଛି। ୨୦ ବର୍ଷୀୟ ଉଇକେଟକିପର ବ୍ୟାଟ୍ସମ୍ୟାନ ରିଶଭ ପନ୍ତ ଏଥିରେ ସ୍ଥାନ ମିଳିଛି। 

ମହିଳା କରନୀ ସେନା ମୁଖ୍ୟ ଜାଡେଜାଙ୍କ ପତ୍ନୀ

ମହିଳା କରନୀ ସେନା ମୁଖ୍ୟ ଜାଡେଜାଙ୍କ ପତ୍ନୀ

ରାଜକୋଟ,୨୦।୧୦- କ୍ଷେତ୍ରୀୟ ରାଜପୁତ ସମୁଦାୟ କରନୀ ସେନା ନୀର୍ଦ୍ଧଷ୍ଟ ଭାବେ ଗୁଜରାଟ ଓ ରାଜସ୍ଥାନରେ ସକ୍ରିୟ ଅଛନ୍ତି। ଏହି ଗ୍ରୁପ ଗତବର୍ଷ ରିଲିଜ୍‌ ହୋଇଥିବା ଫିଲ୍ମ ‘ପଦ୍ମାବତ’କୁ ସର୍ବଭାରତୀୟ ସ୍ତରରେ କଡ଼ା ବିରୋଧ କରିଥିଲେ। 

ଡେନମାର୍କ ଓପନ: ସେମିରେ ସାଇନା, କିଡାମ୍ବି

ଡେନମାର୍କ ଓପନ: ସେମିରେ ସାଇନା, କିଡାମ୍ବି

ଓଡେନ୍‌ସେ(ଡେନମାର୍କ),୨୦।୧୦(ପି.ଟି.)- ଭାରତୀୟ ଷ୍ଟାର ଶଟଲର ସାଇନା ନେହ୍ବାଲ ଓ କିଡାମ୍ବି ଶ୍ରୀକାନ୍ତ ଏଠାରେ ଚାଲିଥିବା ଡେନମାର୍କ ଓପନ ବ୍ୟାଡ୍‌ମିଣ୍ଟନ ଟୁର୍ନାମେଣ୍ଟ ସେମିଫାଇନାଲରେ ପ୍ରବେଶ କରିଛନ୍ତି। 

ମୁମ୍ବାଇ ଇଣ୍ଡିଆନ୍ସ ଦଳରେ ଡିକକ୍‌

ମୁମ୍ବାଇ ଇଣ୍ଡିଆନ୍ସ ଦଳରେ ଡିକକ୍‌

ମୁମ୍ବାଇ,୨୦।୧୦- ଦକ୍ଷିଣ ଆଫ୍ରିକା ଉଇକେଟକିପର ବ୍ୟାଟ୍ସମ୍ୟାନ କ୍ୱିଣ୍ଟନ ଡି କକ୍‌ ନିଲାମ ପ୍ରକ୍ରିୟା ପୂର୍ବରୁ ପ୍ରଥମ ଖେଳାଳି ଭାବେ ଦଳ ପରିବର୍ତ୍ତନ କରିବାକୁ ଯାଉଛନ୍ତି। ଡି କକ୍‌ଙ୍କୁ ଗତ ଅକଶନରେ ରୟାଲ ଚ୍ୟାଲେଞ୍ଜର ବାଙ୍ଗଲୋର (ଆର୍‌ସିବି) ଦଳ ୨.୮ କୋଟି ଟଙ୍କାର କିଣିଥିଲା।

ପ୍ରବୀଣ କୁମାରଙ୍କ ଅବସର

ପ୍ରବୀଣ କୁମାରଙ୍କ ଅବସର

ଲକ୍ଷ୍ନୌ,୨୦।୧୦- ଭେଟେରାନ ପେସର ପ୍ରବୀଣ କୁମାର ଶନିବାର ସମସ୍ତ ପ୍ରକାର କ୍ରିକେଟରୁ ଅବସର ନେଇଛନ୍ତି। ଅନ୍ତର୍ଜାତୀୟ କ୍ରିକେଟରେ ପଦାର୍ପଣ କରିବାର ଦୀର୍ଘ ୧୧ ବର୍ଷ ପରେ ସେ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଇଛନ୍ତି। 

ଆବୁଧାବି ଟେଷ୍ଟ ଜିତିଲା ପାକିସ୍ତାନ

ଆବୁଧାବି ଟେଷ୍ଟ ଜିତିଲା ପାକିସ୍ତାନ

ଆବୁଧାବି,୧୯।୧୦- ପେସର ମହମ୍ମଦ ଆବାସଙ୍କ ଘାତକ ବୋଲିଂ ଆଗରେ ଅଷ୍ଟ୍ରେଲିଆ ବ୍ୟାଟିଂ ଲାଇନ୍‌ ଅଫ୍‌ ଛତ୍ରଭଙ୍ଗ ଦେଇଛି। ଆବାସ ଏହି ମ୍ୟାଚ୍‌ର ଉଭୟ ଇନିଂସ୍‌ରେ ୫ ଉଇକେଟ ପାଇଛନ୍ତି। 

ସଚିନଙ୍କୁ ଚକିତ କଲେ ଲାରା

ସଚିନଙ୍କୁ ଚକିତ କଲେ ଲାରା

ମୁମ୍ବାଇ,୧୯।୧୦- କିମ୍ବଦନ୍ତୀ ଭାରତୀୟ ବ୍ୟାଟ୍ସମ୍ୟାନ ସଚିନ ତେନ୍ଦୁଲକରଙ୍କୁ ଓ୍ବେଷ୍ଟଇଣ୍ଡିଜ୍‌ ପୂର୍ବତନ ଅଧିନାୟକ ବ୍ରାୟନ ଲାରା ଚକିତ କରି ଦେଇଛନ୍ତି। ଲାରା ଶୁକ୍ରବାର ହଠାତ ମୁମ୍ବାଇ ଗସ୍ତ କରିବା ସହ ସଚିନଙ୍କୁ ଭେଟିଛନ୍ତି। 

ଅନ୍ତର୍ଜାତୀୟ କ୍ରିକେଟର ବୁକି ପ୍ରାୟତଃ ଭାରତୀୟ

ଅନ୍ତର୍ଜାତୀୟ କ୍ରିକେଟର ବୁକି ପ୍ରାୟତଃ ଭାରତୀୟ

ନୂଆଦିଲ୍ଲୀ,୧୯।୧୦- ଅନ୍ତର୍ଜାତୀୟ କ୍ରିକେଟର ବୁକିମାନେ ପ୍ରାୟତଃ ଭାରତୀୟ ବୋଲି ଅନ୍ତର୍ଜାତୀୟ କ୍ରିକେଟ କାଉନ୍‌ସିଲ (ଆଇସିସି)ର ଜଣେ ବରିଷ୍ଠ କର୍ମକର୍ତ୍ତା କହିଛନ୍ତି।