Dharitri News
ଜାତୀୟ |

ଭାରତୀୟ ସେନା ପାଖରେ ଆଣ୍ଟି ଟ୍ୟାଙ୍କ କ୍ଷେପଣାସ୍ତ୍ରର ଅଭାବ

 ଭାରତୀୟ ସେନା ପାଖରେ ଆଣ୍ଟି ଟ୍ୟାଙ୍କ କ୍ଷେପଣାସ୍ତ୍ରର ଅଭାବ ନୂଆଦିଲ୍ଲୀ, ୨୮।୧: ଭାରତୀୟ ସେନା ପାଖରେ ଆଣ୍ଟି ଟ୍ୟାଙ୍କ କ୍ଷେପଣାସ୍ତ୍ରର ଅଭାବ ରହିଛି। ଏହା ସହିତ ବିଭିନ୍ନ ପ୍ରକାର ଲଞ୍ଚର ମଧ୍ୟ ସେନା ଆବଶ୍ୟକ କରୁଛି। ଭାରତୀୟ ସେନା ୬୮ ହଜାର ଆଣ୍ଟିଟ୍ୟାଙ୍କ କ୍ଷେପଣାସ୍ତ୍ର ଓ ୮୫୦ ବିଭିନ୍ନ ପ୍ରକାର ଲଞ୍ଚର ଆବଶ୍ୟକ କରୁଛି ବୋଲି ପ୍ରତିରକ୍ଷା ସୂତ୍ରରୁ ଜଣାପଡିଛି। ସୀମାରେ ଶତ୍ରୁପକ୍ଷ ଟ୍ୟାଙ୍କ୍‌କୁ ପ୍ରତିରୋଧ କରିବା ପାଇଁ ଆଣ୍ଟି ଟ୍ୟାଙ୍କ କ୍ଷେପଣାସ୍ତ୍ରର ଆବଶ୍ୟକତା ପଡିଥାଏ। ଭାରତ-ପାକିସ୍ତାନ ସୀମାରେ ଏଭଳି କ୍ଷେପଣାସ୍ତ୍ର ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଇତିମଧ୍ୟରେ ସେନା ୨୫ହଜାର ଆଣ୍ଟି ଟ୍ୟାଙ୍କ୍‌ କ୍ଷେପଣାସ୍ତ୍ର ଓ ୯୬ ଲଞ୍ଚର କିଣିବାର ଯୋଜନା କରିଛି। ଇସ୍ରାଏଲରଠାରୁ ସ୍ପାଇକ୍‌ କିମ୍ବା ଆମେରିକାଠାରୁ ଏଫ୍‌ଜିଏମ୍‌-୧୪୮ ଆଣ୍ଟିଟ୍ୟାଙ୍କ୍‌ କ୍ଷେପଣାସ୍ତ୍ର କିଣିବାର ଉଦ୍ୟମ ଆରମ୍ଭ ହୋଇଛି। ଗତବର୍ଷ ସରକାର ଇସ୍ରାଏଲ୍‌ ସହିତ ୩୨ଶହ କୋଟି ଟଙ୍କାର ପ୍ରତିରକ୍ଷା ଚୁକ୍ତି ରଦ୍ଦ କରିଛନ୍ତି। ଏହି ଚୁକ୍ତି ୨୦୦୯ରେ ହୋଇଥିଲା। ଚୁକ୍ତି ଅନୁସାରେ ଇସ୍ରାଏଲ୍‌ ଭାରତକୁ ୮,୩୫୬ଟି ମଧ୍ୟମ ଦୂରଗାମୀ ଆଣ୍ଟିଟ୍ୟାଙ୍କ୍‌ କ୍ଷେପଣାସ୍ତ୍ର, ୩୨୧ ଲଞ୍ଚର ଓ ୧୫ଟି ସିମୁଲେଟର ଯୋଗାଇ ଦେଇଥାନ୍ତା। ଇସ୍ରାଏଲ୍‌ ପ୍ରଧାନମନ୍ତ୍ରୀ ବେଞ୍ଜାମିନ୍‌ ନେତାନେହ୍ୟୁ ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ମଧ୍ୟରେ କଥାବାର୍ତ୍ତା ପରେ ଏ ନେଇ କିଛି ଅଗ୍ରଗତି ହେବାର ଆଶା ରହିଛି।

ଜାତୀୟ |

 ନାଗାଲାଣ୍ଡ ବିଧାନସଭା ନିର୍ବାଚନ: ୫୯ ପ୍ରତିଶତ ପ୍ରାର୍ଥୀ କୋଟିପତି

ନାଗାଲାଣ୍ଡ ବିଧାନସଭା ନିର୍ବାଚନ: ୫୯ ପ୍ରତିଶତ ପ୍ରାର୍ଥୀ କୋଟିପତି

କୋହିମା, ୨୨।୨: ଆସନ୍ତା ଫେବୃୟାରୀ ୨୭ରେ ନାଗାଲାଣ୍ଡରେ ବିଧାନସଭା ନିର୍ବାଚନ ହେବ। ନିର୍ବାଚନରେ ଛିଡା ହୋଇଥିବା ୧୯୬ ପ୍ରାର୍ଥୀଙ୍କ ମଧ୍ୟରୁ ୧୯୩ ଜଣ ସେମାନଙ୍କ ପାଖରେ ଥିବା ସମ୍ପତ୍ତି ସମ୍ପର୍କରେ ସତ୍ୟପାଠ ଦାଖଲ କରିଛନ୍ତି। ସେମାନଙ୍କ ମଧ୍ୟରୁ ୫୯ ପ୍ରତିଶତ ପ୍ରାର୍ଥୀ ଅର୍ଥାତ୍‌ ୧୧୪ ଜଣ କୋଟିପତି ବୋଲି ଦାଖଲ ହୋଇଥିବା ସତ୍ୟପାଠରୁ ଜଣାପଡିଛି। ଆସୋସିଏସନ୍‌ ଅଫ୍‌ ଡେମୋକ୍ରାଟିକ୍‌ ରିଫର୍ମସ୍‌(ଏଡିଆର୍‌) ସଂଗଠନ ପକ୍ଷରୁ ଏନେଇ ଏକ ରିପୋର୍ଟ ପ୍ରସ୍ତୁତ କରାଯାଇଛି। ୩ ଜଣ ପ୍ରାର୍ଥୀଙ୍କ ସତ୍ୟପାଠରେ କିଛି ଭୁଲ୍‌ ଥିବାରୁ ଏହାକୁ ଗ୍ରହଣ କରାଯାଇ ନାହିଁ।

 ନୌସେନାର ଶକ୍ତି ବୃଦ୍ଧି: ବ୍ରିଟେନ୍‌ରୁ ଆସିବ ସବ୍‌ମେରାଇନ୍‌ ରେସ୍‌କ୍ୟୁ ସିଷ୍ଟମ

ନୌସେନାର ଶକ୍ତି ବୃଦ୍ଧି: ବ୍ରିଟେନ୍‌ରୁ ଆସିବ ସବ୍‌ମେରାଇନ୍‌ ରେସ୍‌କ୍ୟୁ ସିଷ୍ଟମ

ଲଣ୍ଡନ/ନୂଆଦିଲ୍ଲୀ, ୨୨।୨: ଭାରତୀୟ ନୌସେନାର ଶକ୍ତି ବୃଦ୍ଧି କରିବାକୁ ଯୋଜନା କରାଯାଇଛି। ଏଥିପାଇଁ ନୌସେନାକୁ ବ୍ରିଟେନ୍‌ ସବ୍‌ମେରାଇନ୍‌ ରେସକ୍‌ୟୁ ସିଷ୍ଟମ୍‌ ଯୋଗାଇଦେବ। ଆସନ୍ତା ମାସରେ ଏହା ନୌସେନାକୁ ମିଳିବାର ସମ୍ଭାବନା ରହିଛି। ସ୍କଟଲ୍ୟାଣ୍ଡ କମ୍ପାନୀ ଜେଏଫ୍‌ଡି ଭାରତକୁ ଏହା ଯୋଗାଇଦେବ। ଭାରତୀୟ ନୌସେନା ସହିତ ଏନେଇ ଜେଏଫ୍‌ଡି ୧୯୩ ନିୟୁତ ପାଉଣ୍ଡର ଚୁକ୍ତି ସ୍ବାକ୍ଷରିତ କରିଥିଲା।

ଶିଶୁ ଉତ୍ପୀଡ଼ନ ସନ୍ଦେହରେ ଯୁବକଙ୍କୁ ପିଟିପିଟି ହତ୍ୟା

ଶିଶୁ ଉତ୍ପୀଡ଼ନ ସନ୍ଦେହରେ ଯୁବକଙ୍କୁ ପିଟିପିଟି ହତ୍ୟା

ଜୟପୁର,୨୨।୨: ଜଣେ ୩ ବର୍ଷୀୟା ବାଳିକାଙ୍କୁ ଉତ୍ପୀଡ଼ନ କରାଯାଇଥିବା ସନ୍ଦେହରେ ଯୁବକଙ୍କୁ ପିଟିପିଟି ହତ୍ୟା କରାଯାଇଛି। ଫେବୃୟାରୀ ୩ରେ ଘଟିଥିବା ଏହି ଘଟଣାରେ ଅଭିଯୁକ୍ତଙ୍କର ବୁଧବାର ମୃତ୍ୟୁ ଘଟିଥିବା ଜଣାପଡିଛି।

 ଆତଙ୍କବାଦୀ ଆକ୍ରମଣ: ସେନା କମାଣ୍ଡୋ ଗୁରୁତର

ଆତଙ୍କବାଦୀ ଆକ୍ରମଣ: ସେନା କମାଣ୍ଡୋ ଗୁରୁତର

ଶ୍ରୀନଗର, ୨୨।୨: ଜମ୍ମୁ-କଶ୍ମୀର ବନ୍ଦିପୁରା ଜିଲା ହାଜିନ୍‌ ଅଞ୍ଚଳରେ ଆତଙ୍କବାଦୀ ଆକ୍ରମଣରେ ୩୧ ରାଷ୍ଟ୍ରୀୟ ରାଇଫଲର ଜଣେ କମାଣ୍ଡୋ ଗୁରୁତର ଆହତ ହୋଇଛନ୍ତି। ଏଠାରେ ୨-୩ଜଣ ଆତଙ୍କବାଦୀ ଲୁଚିଥିବା ଖବର ପାଇ ସେନା ପକ୍ଷରୁ ଏହି ଅଞ୍ଚଳରେ ଗୁରୁବାର ସର୍ଚ୍ଚ ଅପରେଶନ ହେଉଥିବାବେଳେ ଏହା ଘଟିଛି।

 ମସ୍ତିଷ୍କରୁ ବାହାରିଲା ୧.୮୭୩ କିଗ୍ରା ଟ୍ୟୁମର

ମସ୍ତିଷ୍କରୁ ବାହାରିଲା ୧.୮୭୩ କିଗ୍ରା ଟ୍ୟୁମର

ନୂଆଦିଲ୍ଲୀ, ୨୨।୨: ବମ୍ବେ ସ୍ଥିତ ନାୟାର ହସ୍ପିଟାଲରେ ଜଣେ ରୋଗୀଙ୍କ ମସ୍ତିଷ୍କରୁ ସଫଳତାର ସହିତ ୧.୮୭୩ କିଗ୍ରା ଓଜନର ବୃହତ୍‌ ଟ୍ୟୁମର ଅପରେଶନ୍‌ କରାଯାଇଛି। ନ୍ୟୁରୋ ସର୍ଜନ ଡାକ୍ତର ତିରୁମତି ନାଦକର୍ନିଙ୍କ ନେତୃତ୍ୱରେ ଏକ ଡାକ୍ତର ଦଳ ୩୧ ବର୍ଷ ବୟସ୍କ ଜଣେ ବ୍ୟକ୍ତିଙ୍କ ଅପରେଶନ କରି ଏହି ସଫଳତା ହାସଲ କରିଛନ୍ତି।

ପାକିସ୍ତାନ ସୀମାରେ ଶାନ୍ତି ପ୍ରତିଷ୍ଠା କରିବାକୁ ଚାହୁଁ ନାହିଁ: ବିଏସ୍‌ଏଫ୍‌

ପାକିସ୍ତାନ ସୀମାରେ ଶାନ୍ତି ପ୍ରତିଷ୍ଠା କରିବାକୁ ଚାହୁଁ ନାହିଁ: ବିଏସ୍‌ଏଫ୍‌

ଶ୍ରୀନଗର, ୨୨।୨: ପାକିସ୍ତାନ ସୀମାର ଅନ୍ତର୍ଜାତୀୟ ନିୟନ୍ତ୍ରଣ ରେଖାଠାରେ ଶାନ୍ତି ପ୍ରତିଷ୍ଠା କରିବାକୁ ଚାହୁଁ ନାହିଁ ବୋଲି କମ୍ମୁ-କଶ୍ମୀର ସୀମା ସୁରକ୍ଷାବଳ (ବିଏସ୍‌ଏଫ୍‌) ପକ୍ଷରୁ ସୂଚିତ କରାଯାଇଛି। ଏନେଇ ଗୁରୁବାର ବିଏସ୍‌ଏଫ୍‌ ଆରକ୍ଷୀ ମହାନିର୍ଦ୍ଦେଶକ ସୋନାଲୀ ମିଶ୍ର କହିଛନ୍ତି। ଫଳରେ ଭାରତ-ପାକିସ୍ତାନ ସୀମାରେ ଉତ୍ତେଜନା ବୃଦ୍ଧି ପାଇବାରେ ଲାଗିଛି।

ବ୍ଲୁଟୁଥ୍‌ ମାର୍ଗ ନିଦର୍ଶକ ହେଲମେଟ୍‌ ନିର୍ମାଣ କଲେ ଛାତ୍ର

ବ୍ଲୁଟୁଥ୍‌ ମାର୍ଗ ନିଦର୍ଶକ ହେଲମେଟ୍‌ ନିର୍ମାଣ କଲେ ଛାତ୍ର

ଗୁଲବର୍ଗ, ୨୨।୨: କର୍ନାଟକ ଗୁଲବର୍ଗ ଜିଲାର ୨ ଛାତ୍ର ଯୋଗୋ ଓ ଅଭିଜିତ୍‌ ବ୍ଲୁଟୁଥ୍‌ ମାର୍ଗ ନିଦର୍ଶକ ହେଲମେଟ୍‌ ନିର୍ମାଣ କରିଛନ୍ତି। ପିଡିଏ କଲେଜରେ ଚତୁର୍ଥ ବାର୍ଷିକ ଛାତ୍ର ଭାବେ ଅଧ୍ୟୟନ କରୁଥିବା ଏହି ଛାତ୍ରଙ୍କ ସୃଜନ ସଫଳତା ନେଇ ଚର୍ଚ୍ଚା ଜାରି ରହିଛି। ଏହି ହେଲମେଟ୍‌ ପିନ୍ଧିଥିବା ବ୍ୟକ୍ତି ସହଜରେ ନିଜ ଲକ୍ଷ୍ୟସ୍ଥଳରେ ପହଞ୍ଚିପାରିବେ। ଏଥିରେ ଇନବିଲ୍ଟ୍‌ ବ୍ଲୁଟୁଥ୍‌ ସ୍ପିକର ରହିଛି।

ନୀରବଙ୍କ ୯ ବିଳାସପୂର୍ଣ୍ଣ କାର ଜବତ କଲା ଇଡି

ନୀରବଙ୍କ ୯ ବିଳାସପୂର୍ଣ୍ଣ କାର ଜବତ କଲା ଇଡି

ନୂଆଦିଲ୍ଲୀ, ୨୨।୨: ପିଏନ୍‌ବି ଠକେଇ ମାମଲାରେ ପ୍ରବର୍ତ୍ତନ ନର୍ଦ୍ଦେଶାଳୟ(ଇଡି)ପକ୍ଷରୁ ନୀରବ ମୋଦିଙ୍କ ବିଭିନ୍ନ ବ୍ୟବସାୟିକ କାର୍ଯ୍ୟାଳୟ ତଥା ବାସସ୍ଥାନରେ ଚଢ଼ାଉ ଜାରି ରହିଛି। ଗୁରୁବାର ଇଡି ନୀରବଙ୍କ ୯ଟି ବିଳାସପୂର୍ଣ୍ଣ କାର ଜବତ କରିବା ସହିତ ୯୪ କୋଟି ଟଙ୍କାର ମୁଚ୍ୟୁଆଲ ଫଣ୍ଡ୍‌ ଶେୟାର ଜବତ କରିଛି।

କାନାଡା ପ୍ରଧାନମନ୍ତ୍ରୀଙ୍କ କାର୍ଯ୍ୟକ୍ରମରେ ଖଲିସ୍ତାନ ଆତଙ୍କବାଦୀ

କାନାଡା ପ୍ରଧାନମନ୍ତ୍ରୀଙ୍କ କାର୍ଯ୍ୟକ୍ରମରେ ଖଲିସ୍ତାନ ଆତଙ୍କବାଦୀ

ବମ୍ବେ,୨୨।୨: କାନାଡା ପ୍ରଧାନମନ୍ତ୍ରୀ ଜଷ୍ଟିନ୍‌ ଟ୍ରୁଡେଙ୍କ ଭାରତଗସ୍ତ ସମୟରେ ଦିଲ୍ଲୀ ଓ ବମ୍ବେରେ ଆୟୋଜିତ କାର୍ଯ୍ୟକ୍ରମ ପାଇଁ ଜଣେ ଖଲିସ୍ତାନ ଆତଙ୍କବାଦୀଙ୍କୁ ନିମନ୍ତ୍ରଣ କରାଯାଇଥିବା ସୂଚନା ମିଳିଛି।

ଇତିହାସ ରଚିଲେ ମହିଳା ପାଇଲଟ୍‌ ଅବନୀ ଚତୁର୍ବେଦୀ

ଇତିହାସ ରଚିଲେ ମହିଳା ପାଇଲଟ୍‌ ଅବନୀ ଚତୁର୍ବେଦୀ

ନୂଆଦିଲ୍ଲୀ,୨୨।୨: ଭାରତୀୟ ବାୟୁସେନାର ମହିଳା ଫ୍ଲାଇଂ ଅଫିସର ଅବନୀ ଚତୁର୍ବେଦୀ ମିଗ୍‌-୨୧ ବାଇସନ୍‌ ବିମାନ ଉଡାଇ ଇତିହାସ ରଚିଛନ୍ତି।

ବାଲାଂଦେଶ ପଟୁ ଭାରତରେ ଅନୁପ୍ରବେଶ: ଚାଇନା ସହ ହାତ ମିଳାଇଛି ପାକିସ୍ତାନ

ବାଲାଂଦେଶ ପଟୁ ଭାରତରେ ଅନୁପ୍ରବେଶ: ଚାଇନା ସହ ହାତ ମିଳାଇଛି ପାକିସ୍ତାନ

ନୂଆଦିଲ୍ଲୀ, ୨୨।୨: ଭାରତରେ ବାଲାଂଦେଶ ପଟୁ ଅନୁପ୍ରବେଶ ବଢ଼ିବାରେ ଲାଗିଛି। ଏଥିପାଇଁ ଚାଇନା ଓ ପାକିସ୍ତାନ ମିଳିତ ଯୋଜନା ପ୍ରସ୍ତୁତ କରିଛନ୍ତି। ଏନେଇ ଭାରତୀୟ ସେନାଧ୍ୟକ୍ଷ ବିପିନ ରାଓ୍ବତ୍‌ ଗୁରୁବାର ସୂଚନା ଦେଇଛନ୍ତି। ବାଲାଂଦେଶରୁ ଭାରତକୁ ବର୍ଷର ବିଭିନ୍ନ ସମୟରେ ଅନେକ ଲୋକ ସ୍ଥାନାନ୍ତର ହୋଇଥାନ୍ତି। ଏହାର ଦୁଇଟି ପ୍ରମୁଖ କାରଣ ହେଉଛି, ସେଠାରେ ରହିବା ପାଇଁ କମ୍‌ ସ୍ଥଳଭାଗ ରହିଛି ଏବଂ ବର୍ଷାଋତୁରେ ଏଠାରେ ବନ୍ୟା ସ୍ଥିତି ସୃଷ୍ଟି ହୋଇଥାଏ। ଏହାର ସୁଯୋଗ ନେଇ ବାଲାଂଦେଶୀଙ୍କ ସହିତ ପାକିସ୍ତାନ ଓ ଚାଇନା ଅନୁପ୍ରବେଶ କାର୍ଯ୍ୟକୁ ତ୍ୱରାନ୍ବିତ କରୁଛନ୍ତି।

 କମିଶନରଙ୍କୁ ସମାନ ସାମ୍ବିଧାନିକ ସୁରକ୍ଷା: ଆଇନ ମନ୍ତ୍ରଣାଳୟ ଅମଙ୍ଗ

କମିଶନରଙ୍କୁ ସମାନ ସାମ୍ବିଧାନିକ ସୁରକ୍ଷା: ଆଇନ ମନ୍ତ୍ରଣାଳୟ ଅମଙ୍ଗ

ନୂଆଦିଲ୍ଲୀ, ୨୧।୨(ପି.ଟି.): ମୁଖ୍ୟ ନିର୍ବାଚନ କମିଶନର (ସିଇସି)ଙ୍କ ବହିଷ୍କାର ନେଇ ଏବେ ଅଲଗା ନିୟମ ପ୍ରଚଳିତ ହେଉଛି। କିନ୍ତୁ ତାଙ୍କୁ ମିଳୁଥିବା ସାମ୍ବିଧାନିକ ସୁରକ୍ଷାକୁ ଆଉ ବ୍ୟାପକ କରାଯିବ ନାହିଁ। ଅର୍ଥାତ୍‌ ସିଇସିଙ୍କ ଭଳି ଅନ୍ୟ ଦୁଇ କମିଶନରଙ୍କୁ ସାମ୍ବିଧାନିକ ସୁରକ୍ଷା ଯୋଗାଇବା ସପକ୍ଷରେ ନାହାନ୍ତି କେନ୍ଦ୍ର ସରକାର। ଦୁଇ ଦଶନ୍ଧି ପୂର୍ବେ ସୁପ୍ରିମ୍‌କୋର୍ଟ ଦେଇଥିବା ରାୟକୁ ଆଧାରକରି ଆଇନ ମନ୍ତ୍ରଣାଳୟ ପକ୍ଷରୁ ଏହି ନିଷ୍ପତ୍ତି ଗ୍ରହଣ ହୋଇଥିବା ବରିଷ୍ଠ ଅଧିକାରୀମାନେ ସୂଚନା ଦେଇଛନ୍ତି। ଏ ପ୍ରସଙ୍ଗରେ ସୁପ୍ରିମ୍‌କୋର୍ଟରେ ମଧ୍ୟ ଏକ ଜନସ୍ବାର୍ଥ ଆବେଦନ ହୋଇଛି। ସୋମବାର ଏହା ଉପରେ ଶୁଣାଣି କରି ସର୍ବୋଚ୍ଚ ଅଦାଲତ କେନ୍ଦ୍ରର ଜବାବ ଲୋଡ଼ିଛନ୍ତି।