ଖେଳ |

ଷ୍ଟୋକ୍ସ ସବୁଠୁ ଦାମୀ, ଗେଲ୍‌ ଅଲୋଡ଼ା

ଷ୍ଟୋକ୍ସ ସବୁଠୁ ଦାମୀ, ଗେଲ୍‌ ଅଲୋଡ଼ା
ବାଙ୍ଗାଲୋର, ୨୭ା୧ (ପି.ଟି.)- ଇଣ୍ଡିଆନ ପ୍ରିମିୟର ଲିଗ୍‌ (ଆଇପିଏଲ)ର ୧୧ତମ ସଂସ୍କରଣ ପାଇଁ ଶନିବାର ଅନୁଷ୍ଠିତ ଖେଳାଳି ନିଲାମର ପ୍ରଥମ ଦିବସରେ ଭାରତୀୟ ଖେଳାଳିମାନଙ୍କ ଚାହିଦା ରହିଥିଲେ ମଧ୍ୟ ଇଂଲଣ୍ଡ ଅଲରାଊଣ୍ଡର ବେନ୍‌ ଷ୍ଟୋକ୍ସ ସବୁଠାରୁ ଦାମୀ ଖେଳାଳି ବିବେଚିତ ହୋଇଛନ୍ତି। ଭାରତୀୟ ଖେଳାଳିଙ୍କ ମଧ୍ୟରେ ଲୋକେଶ ରାହୁଲ ଓ ମନୀଷ ପାଣ୍ଡେ ଅଧିକ ଦାମ୍‌ରେ ବିକ୍ରି ହୋଇଛନ୍ତି। ଫିଲ୍ଡ ବାହାରେ ଗଣ୍ଡଗୋଳ ଯୋଗୁ ବିବାଦୀୟ ହୋଇପଡ଼ିଥିଲେ ସୁଦ୍ଧା ଷ୍ଟୋକ୍ସଙ୍କୁ ରାଜସ୍ଥାନ ରୟାଲ୍ସ ୧୨.୫ କୋଟି ଟଙ୍କା (୧.୯୬ ନିୟୁତ ଆମେରିକୀୟ ଡଲାର)ରେ କ୍ରୟ କରିଛି। ଇଂଲଣ୍ଡ ଅଲରାଉଣ୍ଡରଙ୍କୁ ନେବା ଲାଗି ବିଡିଂ ଯୁଦ୍ଧରେ ଚେନ୍ନାଇ ସୁପର କିଙ୍ଗ୍ସ (ସିଏସ୍‌କେ) ଓ କିଙ୍ଗ୍ସ ଇଲେଭେନ ପଞ୍ଜାବ ମଧ୍ୟ ଅବତ୍ତୀର୍ଣ୍ଣ ହୋଇଥିଲେ। ବର୍ତ୍ତମାନ ଭାରତୀୟ ଦଳର ଖେଳାଳିମାନଙ୍କୁ ନେବା ଲାଗି ଫ୍ରାଞ୍ଚାଇଜ୍‌ଗୁଡ଼ିକ ବିଶେଷ ଆଗ୍ରହ ପ୍ରକାଶ କରିଥିଲେ। ଷ୍ଟାଇଲିଶ ଓପନର ରାହୁଲ ଓ ମିଡିଲ ଅର୍ଡର ବ୍ୟାଟ୍ସମ୍ୟାନ ପାଣ୍ଡେଙ୍କୁ ଯଥାକ୍ରମେ କିଙ୍ଗ୍ସ ଏକାଦଶ ପଞ୍ଜାବ ଓ ସନରାଇଜର୍ସ ହାଇଦ୍ରାବାଦ ୧୧ କୋଟି ଟଙ୍କା (୧.୭୩ ନିୟୁତ ଡଲାର)ରେ କ୍ରୟ କରିଥିଲେ। ଏହି ଖେଳାଳିଦ୍ୱୟ ଏତେ ଦାମ୍‌ରେ ବିକ୍ରି ହୋଇଥିଲେ ମଧ୍ୟ ସେମାନଙ୍କ ମୂଳ ଫ୍ରାଞ୍ଚାଇଜ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଓ କୋଲକାତା ନାଇଟ୍‌ ରାଇଡର୍ସ ସେମାନଙ୍କ ରାଇଟ୍‌ ଟୁ ମ୍ୟାଚ୍‌ (ଆଟିଏମ୍‌) କାର୍ଡ ବ୍ୟବହାର କରି ନ ଥିଲେ। ଆଫଗାନିସ୍ତାନ ଲେଗ୍‌ ସ୍ପିନର ରଶିଦ ଖାଁଙ୍କୁ ସନରାଇଜର୍ସ ହାଇଦ୍ରାବାଦ ପୁଣି ନେବାକୁ ଚାହିଁଥିଲା। ଏଥର ଦଳ ରାଇଟ୍‌ ଟୁ ମ୍ୟାଚ କାର୍ଡ ଜରିଆରେ ତାଙ୍କୁ ୯ କୋଟି ଟଙ୍କା (୧.୪୧ ନିୟୁତ ଡଲାର) ବିନିମୟରେ କ୍ରୟ କରିଥିଲା। ଭାରତୀୟ ଦଳରୁ ବାଦ୍‌ ପଡ଼ିଥିବା କରୁଣ ନାୟାରଙ୍କୁ ନେବାଲାଗି କିଙ୍ଗ୍ସ ଏକାଦଶ ପଞ୍ଜାବକୁ ଅନ୍ୟ ଦଳ ସହିତ ସଂଘର୍ଷ କରିବାକୁ ପଡ଼ିଥିଲା। ତେବେ ଶେଷରେ ଦଳ ୫.୬୦ କୋଟି (୮୮୦,୦୦୦ ଡଲାର)ଟଙ୍କାରେ କ୍ରୟ କରିନେଇଥିଲା। ବ୍ୟାଟିଂ ଅଲରାଉଣ୍ଡ କ୍ୱାଲିଟି ପାଇଁ କେଦାର ଯାଦବଙ୍କୁ ମହେନ୍ଦ୍ର ସିଂ ଧୋନୀଙ୍କ ନେତୃତ୍ୱାଧୀନ ଚେନ୍ନାଇ ସୁପର କିଙ୍ଗ୍ସ ୭.୮୦ କୋଟି ଟଙ୍କାରେ କ୍ରୟ କରିଥିଲା। ଚେନ୍ନାଇ କିନ୍ତୁ ଏଥର ରବିଚନ୍ଦ୍ରନ ଅଶ୍ୱିନଙ୍କୁ ନେବା ଲାଗି ଆଗ୍ରହ ପ୍ରକାଶ କରି ନ ଥିଲା। କିଙ୍ଗ୍ସ ଏକାଦଶ ପଞ୍ଜାବ ତାଙ୍କୁ ୭.୬୦ କୋଟି (୧.୧୯ ନିୟୁତ ଡଲାର) ଟଙ୍କା ବିନିମୟରେ ନେଇଥିଲା। ସଞ୍ଜୁ ସାମସନଙ୍କ ଭଳି କେତେଜଣ ଟି୨୦ ସ୍ପେଶାଲିଷ୍ଟଙ୍କ ଚାହିଦା ରହିଥିଲା। ସଞ୍ଜୁଙ୍କୁ ରାଜସ୍ଥାନ ରୟାଲ୍ସ ୮ କୋଟି ଟଙ୍କାରେ କ୍ରୟ କରିଥିବାବେଳେ ରବିନ ଉଥପ୍ପାଙ୍କୁ କେକେଆର ୬.୪ କୋଟି ଟଙ୍କାରେ ଖରିଦ କରିଥିଲା। ଲେଗ୍‌ ସ୍ପିନରମାନଙ୍କ ଚାହିଦା ମଧ୍ୟ ପରିଲକ୍ଷିତ ହୋଇଥିଲା। କର୍ନ ଶର୍ମାଙ୍କୁ ୫ କୋଟି ଟଙ୍କା (୭୮୬,୦୦୦ ଡଲାର)ରେ ସିଏସ୍‌କେ ନେଇଥିବାବେଳେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲାର ୟୁଜବେନ୍ଦ୍ର ଚହଲଙ୍କୁ ୬କୋଟି ଟଙ୍କା (ଆରଟିଏମ ଜରିଆରେ) ଏବଂ କୁଲଦୀପ ଯାଦବଙ୍କୁ କୋଲକାତା ନାଇଟ ରାଇଡର୍ସ ୫.୮ କୋଟି ଟଙ୍କା (ଆରଟିଏମ ଜରିଆରେ)ରେ କ୍ରୟ କରିଥିଲା। ଅନ୍ୟପକ୍ଷରେ ଏପର୍ଯ୍ୟନ୍ତ ଭାରତୀୟ ଦଳରେ ପ୍ରତିନିଧିତ୍ୱ କରି ନ ଥିବା ରାହୁଲ ଟଓ୍ବୋଟିଆଙ୍କୁ ଦିଲ୍ଲୀ ଡେୟାର ଡେଭିଲ୍ସ ୩ କୋଟି ଟଙ୍କା (୪୭୧,୦୦୦ ଡଲାର)ରେ ଖରିଦ କରିଥିଲା। ମଧ୍ୟରେ ଦୀନେଶ କାର୍ତ୍ତିକ ଲୋଭନୀୟ ମୂଲ୍ୟରେ ବିକ୍ରି ହୋଇଛନ୍ତି। କେକେଆର ତାଙ୍କୁ ୭.୪ କୋଟି ଟଙ୍କା (୧.୧୬ ନିୟୁତ ଡଲାର) ରେ କିଣିଛି। ରିଦ୍ଧିମାନ ସାହଙ୍କୁ ସନରାଇଜର୍ସ ହାଇଦ୍ରାବାଦ ୫ କୋଟି ଟଙ୍କା (୭୮୬,୦୦୦ଡଲାର)ରେ କ୍ରୟ କରିଥିବାବେଳେ ପାର୍ଥିବ ପଟେଲଙ୍କ ପ୍ରତି କୌଣସି ଫ୍ରାଞ୍ଚାଇଜ୍‌ ଆଗ୍ରହ ପ୍ରକାଶ କରି ନ ଥିଲେ। ନିଲାମରେ ଷ୍ଟୋକ୍ସଙ୍କ ପାଖକୁ କେହି ସ୍ପର୍ଶ କରିପାରି ନ ଥିଲେ। ପବ୍‌ରେ ଝଗଡ଼ା ପାଇଁ ଇଂଲଣ୍ଡ ଆଶେସ ଦଳରୁ ବାଦ୍‌ ପଡ଼ିଥିଲେ ହେଁ ଏହା ତାଙ୍କ ଚାହିଦା ଉପରେ କୌଣସି ଫରକ ଆଣି ନ ଥିଲା। ଗତବର୍ଷ ନିଲାମରେ ରାଇଜିଂ ପୁଣେ ସୁପର ଜିଆଣ୍ଟ୍ସ ଷ୍ଟୋକ୍ସଙ୍କୁ ୧୪.୫ କୋଟି ଟଙ୍କା (୨.୨୮ ନିୟୁତ ଡଲାର)ରେ କ୍ରୟ କରିଥିଲା। ତାଙ୍କ ଅଲରାଉଣ୍ଡ ପ୍ରଦର୍ଶନକୁ ପାଥେୟ କରି ଦଳ ଫାଇନାଲରେ ପ୍ରବେଶ କରିଥିଲା। ଏଥର ଷ୍ଟୋକ୍ସଙ୍କୁ ନେବା ଲାଗି କିଙ୍ଗ୍ସ ଇଲେଭେନ ପଞ୍ଜାବ ଓ ଚେନ୍ନାଇ ସୁପର କିଙ୍ଗ୍ସ ଏକାଧିକ ବାର ବୋଲି ଲଗାଇଥିଲେ। କିନ୍ତୁ ପୁଣେ ଫ୍ରାଞ୍ଚାଇଜ୍‌ର ଅଧିନାୟକ ଷ୍ଟିଭ୍‌ ସ୍ମିଥ୍‌ ଏହି ଖେଳାଳିଙ୍କୁ ନେବା ଲାଗି ଅଡି ବସିଥିଲେ। ସ୍ମିଥ୍‌ଙ୍କ ମତାମତକୁ ଫ୍ରାଞ୍ଚାଇଜ୍‌ ମାଲିକମାନେ ସମ୍ମାନ ଦେଇଥାନ୍ତି। ଅଷ୍ଟ୍ରେଲୀୟ ଖେଳାଳିଙ୍କ ମଧ୍ୟରେ ମିଚେଲ ଷ୍ଟାର୍କ ଅଧିକ ମୂଲ୍ୟରେ ବିକ୍ରି ହୋଇଥିଲେ। ତାଙ୍କୁ କୋଲକାତା ନାଇଟ ରାଇଡର୍ସ ୯.୬୦ କୋଟି (୧.୫ ନିୟୁତ ଡଲାର) ଟଙ୍କାରେ କ୍ରୟ କରିଥିଲା। ୧୬ଜଣ ମାର୍କି ଖେଳାଳିଙ୍କ ମଧ୍ୟରୁ ଅଧିକ ମୂଲ୍ୟରେ ବିକ୍ରି ହୋଇଥିବା ଅନ୍ୟ ଖେଳାଳିଙ୍କ ମଧ୍ୟରେ ରହିଛନ୍ତି ଗ୍ଲେନ ମାକ୍ସଓ୍ବେଲ। ସେ ୯କୋଟି ଟଙ୍କା ବିନିମୟରେ ୫ ବର୍ଷ ବ୍ୟବଧାନରେ ଦିଲ୍ଲୀ ଡେୟାର ଡେଭିଲ୍ସକୁ ଫେରିଛନ୍ତି। ତାଙ୍କୁ ନେବାଲାଗି ଫ୍ରାଞ୍ଚାଇଜ୍‌ଗୁଡ଼ିକ ମଧ୍ୟରେ ପ୍ରତିଦ୍ୱନ୍ଦ୍ୱିତା ହୋଇଥିଲା। କେକେଆର ଏଥର ଗୌତମ ଗମ୍ଭୀରଙ୍କୁ ରଖିବାକୁ ଚାହିଁ ନ ଥିଲା। ଦିଲ୍ଲୀ ଡେୟାର ଡେଭିଲ୍ସ ତାଙ୍କୁ ୨.୮୦ କୋଟି ଟଙ୍କାରେ ଖରିଦ କରିଛି। ଏହି ଦଳ ଆରଟିଏମ ଜରିଆରେ କ୍ରିସ୍‌ ଲିନ୍‌ଙ୍କୁ ୯.୬୦କୋଟି (୧.୫୧ ନିୟୁତ ଡଲାର) ଟଙ୍କାରେ କ୍ରୟ କରିଥିଲା। ଅନ୍ୟପକ୍ଷରେ ଓ୍ବେଷ୍ଟଇଣ୍ଡିଜର ବିସ୍ଫୋରକ ବ୍ୟାଟ୍ସମ୍ୟାନ କ୍ରିସ୍‌ ଗେଲ୍‌ ଆଶ୍ଚର୍ଯ୍ୟଜନକ ଭାବେ ବିକ୍ରି ହୋଇପାରି ନ ଥିଲେ। ଇଂଲଣ୍ଡ ଟେଷ୍ଟ ଅଧିନାୟକ ଜୋ ରୁଟ୍‌ ମଧ୍ୟ ଅଲୋଡା ହୋଇପଡିଥିଲେ। କିନ୍ତୁ ତାଙ୍କ ଟିମ୍‌ମେଟ ଅଲରାଉଣ୍ଡର କ୍ରିସ୍‌ ଓକ୍ସଙ୍କୁ ୭.୪୦ କୋଟି ଟଙ୍କାରେ ଆରସିବି କ୍ରୟ କରିଥିଲା। ବିକ୍ରି ହୋଇ ପାରି ନ ଥିବା ଅନ୍ୟ ପ୍ରମୁଖ ଭାରତୀୟ ଖେଳାଳିଙ୍କ ମଧ୍ୟରେ ଈଶାନ୍ତ ଶର୍ମା ଓ ମୁରଲୀ ବିଜୟ ରହିଛନ୍ତି। ଭେଟେରାନ ଖେଳାଳି ଯୁବରାଜ ସିଂଙ୍କୁ କିଙ୍ଗ୍ସ ଇଲେଭେନ ପଞ୍ଜାବ ୨ କୋଟି ଟଙ୍କାରେ ଖରିଦ କରିଛି। ଅନ୍ୟପକ୍ଷରେ ସିଏସକେ ଆରଟିଏମ କାର୍ଡ ବ୍ୟବହାର କରି ଡ୍ବେନ ବ୍ରାଭୋଙ୍କୁ ୬.୪୦କୋଟି ଟଙ୍କାରେ କ୍ରୟ କରିଛି। ସେହିପରି ମୁମ୍ବାଇ ଇଣ୍ଡିଆନ୍ସ ଆରଟିଏମ ବ୍ୟବହାର କରି କିରନ ପୋଲାର୍ଡଙ୍କୁ ୫.୪୦କୋଟି ଟଙ୍କାରେ କିଣିଛି। ସନରାଇଜର୍ସ ହାଇଦ୍ରାବାଦ ଶିଖର ଧାଓ୍ବନଙ୍କୁ ୫.୨ କୋଟି ଟଙ୍କାରେ ନେଇଛି। ଫାଫ୍‌ ଡୁପ୍ଲେସିଙ୍କୁ ସିଏସକେ ୧.୬୦କୋଟି ଟଙ୍କାରେ ଖରିଦ କରିଥିବାବେଳେ ରାଜସ୍ଥାନ ରୟାଲ୍ସ ଆରଟିଏମ ବ୍ୟବହାର କରି ଅଜିଙ୍କ୍ୟ ରାହାନେଙ୍କୁ ୪କୋଟି ଟଙ୍କା ବିନିମୟରେ ନେଇଛି। କେନ୍‌ ଓ୍ବିଲିୟମ୍ସ ୩ କୋଟି ଟଙ୍କା ବିନିମୟରେ ସନରାଇଜର୍ସ ହାଇଦ୍ରାବାଦକୁ ଫେରିଛନ୍ତି।
All Right Reserved By

ଖେଳ |

ଏସିଆନ୍‌ ଗେମ୍ସ ଉଦ୍‌ଘାଟନୀ ଉତ୍ସବ

ଏସିଆନ୍‌ ଗେମ୍ସ ଉଦ୍‌ଘାଟନୀ ଉତ୍ସବ

ଏସିଆନ୍‌ ଗେମ୍ସ ଉଦ୍‌ଘାଟନୀ ଉତ୍ସବ ବେଶ୍‌ ମନମୋହକ ହେବ। ଏଥିପାଇଁ ଆୟୋଜକ ଇଣ୍ଡୋନେସିଆ ସବୁ ପ୍ରକାର ପ୍ରୟାସ ତଥା ପସ୍ତୁତି ପର୍ବ ଶେଷ କରିଛି। ଏଥିପାଇଁ ବହୁତ ସମୟ ଓ ପ୍ରତିଭାର ପ୍ରୟୋଗ କରାଯାଇଛି। ଏକ ଆନ୍ତର୍ଜାତିକ ଇଭେଣ୍ଟକୁ ସଫଳଭାବେ ଆୟୋଜନ କରିବାକୁ ଇଣ୍ଡୋନେସିଆ ସୁଯୋଗ ହାସଲ କରିଛି ଓ ସାରା ବିଶ୍ୱକୁ ନିଜର ଦକ୍ଷତାର ପ୍ରମାଣ ଦେବାକୁ ଚେଷ୍ଟିତ ହେବ। ପ୍ରଥମଥର ପାଇଁ ଏସିଆନ ଗେମ୍ସର ଉଦ୍‌ଘାଟନୀ ଉତ୍ସବକୁ ଦୁଇଟି ସହର ଜାକର୍ତ୍ତା ଓ ପାଲେମବାଙ୍ଗ ମିଳିତ ଭାବେ ଆୟୋଜନ କରିବେ। ତେବେ ଏହା ଜାକର୍ତ୍ତାର ଜିବିକେ ମୁଖ୍ୟ ଷ୍ଟାଡିୟମରେ ପ୍ରଥମେ ଆରମ୍ଭ ହେବ। ୪୦ଟି କ୍ରୀଡ଼ା ଓ ୬୭ଟି ବିଭାଗରେ ପ୍ରତିଯୋଗିତା ଆୟୋଜନ ହେବ। ଏଥିରେ ୨୮ଟି ନୂଆ ଅଲିମ୍ପିକ୍‌ କ୍ରୀଡ଼ା, ୪ଟି ନୂଆ ଅଲିମ୍ପିକ କ୍ରୀଡ଼ା, ୮ଟି ଅଣ- ଅଲିମ୍ପିକ କ୍ରୀଡ଼ା ସାମିଲ ରହିଛି। 

ଭାରତ ପାଇଁ କର ଅବା ମର

ଭାରତ ପାଇଁ କର ଅବା ମର

ନଟ୍ଟିଂହାମ, ୧୭।୮(ପି.ଟି.)-
ଭାରତ ଓ ଇଂଲଣ୍ଡ ମଧ୍ୟରେ ଚଳିତ ସିରିଜର ତୃତୀୟ ଟେଷ୍ଟ ଶନିବାର ଏଠାରେ ଆରମ୍ଭ ହେବାକୁ ଯାଉଛି। ପ୍ରଥମ ୨ଟି ଟେଷ୍ଟ ହାରିସାରିଥିବାରୁ ଭାରତ ପାଇଁ ଏହି ଟେଷ୍ଟର ଗୁରୁତ୍ୱ ବହୁ ପରିମାଣରେ ବଢ଼ି ଯାଇଛି। ଇଂଲଣ୍ଡ ମ୍ୟାଚ ଜିତିଲେ ୫ ମ୍ୟାଚ ବିଶିଷ୍ଟ ସିରିଜରେ ୩-୦ରେ ଅଗ୍ରଣୀ ନେବା ସହିତ ଏହାକୁ ଆଗୁଆ ଜିତିଯିବ। ତେଣୁ ଭାରତ ପାଇଁ ଏହି ଟେଷ୍ଟ ‘କର ଅବା ମର’ ସଦୃଶ ହୋଇଛି।

ଏସିଆନ ଗେମ୍ସ ଆଜିଠାରୁ:  ଐତିହାସିକ ପ୍ରଦର୍ଶନ ଲକ୍ଷ୍ୟରେ ଭାରତ

ଏସିଆନ ଗେମ୍ସ ଆଜିଠାରୁ: ଐତିହାସିକ ପ୍ରଦର୍ଶନ ଲକ୍ଷ୍ୟରେ ଭାରତ

ଜାକାର୍ତ୍ତା, ୧୭।୮(ପି.ଟି.)- ବିଶ୍ୱର ଅନ୍ୟତମ ସର୍ବବୃହତ୍‌ କ୍ରୀଡ଼ା ମହାକୁମ୍ଭ ଏସିଆନ ଗେମ୍ସ ୧୮ତମ ସଂସ୍କରଣ ଶନିବାରଠାରୁ ଆରମ୍ଭ ହେବାକୁ ଯାଉଛି। ସେପ୍ଟେମ୍ବର ୨ ତାରିଖ ପର୍ଯ୍ୟନ୍ତ ଚାଲିବାକୁ ଥିବା ଏହି କ୍ରୀଡ଼ା ଉତ୍ସବ ଉପରେ ସାରା ବିଶ୍ୱର ନଜର ରହିଛି। ବିଭିନ୍ନ ଦୃଷ୍ଟିକୋଣରୁ ଏହାର ଗୁରୁତ୍ୱ ରହିଛି। ଇଣ୍ଡୋନେସିଆ ରାଜଧାନୀ ଜାକର୍ତ୍ତାରେ ଖେଳାଯିବାକୁ ଥିବା ଏସିଆନ ଗେମ୍ସରେ ପୂର୍ବରୁ ସେତେଟା ପ୍ରଭାବୀ ପ୍ରଦର୍ଶନ କରିପାରି ନ ଥିବା ଭାରତ ଏବେ ଉନ୍ନତ ପ୍ରଦର୍ଶନ ଲଊକ୍ଷ୍ୟରେ ରହିଛି। କିଛିମାସ ତଳେ ରାଜ୍ୟଗୋଷ୍ଠୀ କ୍ରୀଡ଼ା ଦମ୍‌ଦାର ପ୍ରଦର୍ଶନ କରିଥିବା ଭାରତୀୟ ଆଥଲେଟମାନେ ଏହି କ୍ରୀଡ଼ାରେ ଏହାକୁ ଦୋହରାଇବା ଲକ୍ଷ୍ୟରେ ରହିଛନ୍ତି।  କେତୋଟି ତଥାକଥିତ ବିବାଦକୁ ପଛରେ ପକାଇ ଏଥର ଭାରତ ଏକ ସର୍ବବୃହତ୍‌ ଦଳ ଜାକର୍ତ୍ତା ପଠାଇଛି। ଆଥଲେଟ ଓ ଅଫିସିଆଲଙ୍କୁ ମିଶାଇ ଏକ ୮୦୪ ଜଣିଆ ଭାରତୀୟ ଦଳ ବିଭିନ୍ନ ପ୍ରତିଯୋଗିତାରେ ଅବତୀର୍ଣ୍ଣ ହେବ।

ପାକିସ୍ତାନରେ ପହଞ୍ଚତ୍ଲେ ସିଦ୍ଧୁ

ପାକିସ୍ତାନରେ ପହଞ୍ଚତ୍ଲେ ସିଦ୍ଧୁ

ଲାହୋର,୧୭।୮(ପି.ଟି.)- ଭାରତୀୟ ପୂର୍ବତନ କ୍ରିକେଟର ତଥା ରାଜନୈତିଜ୍ଞ ନବଜୋତ ସିଂ ସିଦ୍ଧୁ ଶୁକ୍ରବାର ପାକିସ୍ତାନରେ ପହଞ୍ଚତ୍ଛନ୍ତି। ସେ ପାକିସ୍ତାନର ଆଗାମୀ ପ୍ରଧାନମନ୍ତ୍ରୀ ହେବାକୁ ଯାଉଥିବା ଇମ୍ରାନ ଖଁାଙ୍କ ଶପତ ଗ୍ରହଣ ଉତ୍ସବରେ ଯୋଗ ଦେବାକୁ ଯାଇଛନ୍ତି।

ବିଶ୍ୱ ଜୁନିୟର ଟ୍ରାକ ସାଇକ୍ଲିଂ ଚାମ୍ପିୟନଶିପ୍‌: ଆଲବେନଙ୍କୁ ରୌପ୍ୟ

ନୂଆଦିଲ୍ଲୀ,୧୭।୮(ପି.ଟି.)- ଭାରତୀୟ ଟିନ ଏଜ ସାଇକେଲ ଚାଳକ ଇସୋ ଆଲବେନ ଶୁକ୍ରବାର ଇତିହାସ ସୃଷ୍ଟି କରିଛନ୍ତି। ସେ ପ୍ରଥମ ଭାରତୀୟ ସାଇକେଲିଷ୍ଟ ଭାବେ ବିଶ୍ୱ ଚାମ୍ପିୟନଶିପ୍‌ର ଟ୍ରାକ ସାଇକେଲ ଚାଳନା ଇଭେଣ୍ଟରେ ରୌପ୍ୟ ପଦକ ଜିତିଛନ୍ତି। 

ଜାମଶେଦ ୧୦ ବର୍ଷ ବାସନ୍ଦ

ଜାମଶେଦ ୧୦ ବର୍ଷ ବାସନ୍ଦ

କରାଚି,୧୭।୮(ଏଏଫ୍‌ପି)- ପୂର୍ବତନ ପାକିସ୍ତାନ ଟେଷ୍ଟ ଦଳର ଓପନର ନସିର ଜାମଶେଦଙ୍କୁ ୧୦ ବର୍ଷ ଲାଗି ପାକିସ୍ତାନ କ୍ରିକେଟ ବୋର୍ଡ (ପିସିବି) ପକ୍ଷରୁ ବାସନ୍ଦ କରାଯାଇଛି। ପାକିସ୍ତାନ ସୁପର ଲିଗ୍‌ରେ ସ୍ପଟ୍‌ ଫିକ୍ସିଂ ମାମଲରେ ସେ ଦୋଷୀ ସାବ୍ୟସ୍ତ ହୋଇଛନ୍ତି। 

ମାର୍ଟିନ ଡିଆଜଙ୍କ ଏଫ୍‌ସି ପୁନେ ଅନୁବନ୍ଧିତ

ପୁନେ,୧୭।୮(ପି.ଟି.)- ଇଣ୍ଡିଆନ ସୁପର ଲିଗ୍‌ (ଆଇଏସ୍‌ଏଲ) କ୍ଲବ ଏଫ୍‌ସି ପୁନେ ସିଟି ଉରୁଗୁଏର ସେଣ୍ଟର ବ୍ୟାକ ମାର୍ଟିନ ଡିଆଜଙ୍କ ସହ ଚୁକ୍ତି କରିଛି। ଏ ନେଇ କ୍ଲବ ପକ୍ଷରୁ ଶୁକ୍ରବାର ଘୋଷଣା କରାଯାଇଛି।

ଖରାପ ପାଗ: ଚତୁଃରାଷ୍ଟ୍ରୀୟ ସିରିଜ୍‌ ପ୍ରଥମ ଦୁଇ ମ୍ୟାଚ୍‌ ବାତିଲ

ଖରାପ ପାଗ: ଚତୁଃରାଷ୍ଟ୍ରୀୟ ସିରିଜ୍‌ ପ୍ରଥମ ଦୁଇ ମ୍ୟାଚ୍‌ ବାତିଲ

ବିଜୟଓ୍ବାଡା,୧୭।୮- ଏଠାରେ ଭାରତ ଏ, ଭାରତ ବି, ଦକ୍ଷିଣ ଆଫ୍ରିକା ଏ’ ଓ ଅଷ୍ଟ୍ରେଲିଆ ଏ’କୁ ନେଇ ଅନୁଷ୍ଠିତ ହେବାକୁ ଥିବା ଚତୁଃରାଷ୍ଟ୍ରୀୟ ସିରିଜ୍‌ର ପ୍ରଥମ ଦୁଇଟି ମ୍ୟାଚ୍‌କୁ ବିତାଲ କରିବାକୁ ପଡ଼ିଛି। 

ଟ୍ରେଣ୍ଟ ବ୍ରିଜ ଟେଷ୍ଟରେ ଖେଳିପାରନ୍ତି ପନ୍ତ

ନଟ୍ଟିଂହାମ,୧୭।୮- ଲଡର୍‌ସ ଟେଷ୍ଟ ଅଢ଼ଇ ଦିନରେ ପରାସ୍ତ ହୋଇଥିତ୍ବା ଭାରତୀୟ ଦଳକୁ ଟେଷ୍ଟ ସିରିଜ୍‌ରେ ତିଷ୍ଠିବା ଲାଗି କେତେକ ପରିବର୍ତ୍ତନର ଆବଶ୍ୟକତା ରହିଛି। ସେଗୁଡ଼ିକ ମଧ୍ୟରୁ ପ୍ରଥମ ହେଉଛି ଉଇକେଟକିପର ବ୍ୟାଟ୍ସମ୍ୟାନ ରିଶବ ପନ୍ତଙ୍କୁ ପଦାର୍ପଣ କରିବାକୁ ସୁଯୋଗ ମିଳିପାରେ।

ଟେଷ୍ଟରେ ଓପନ କରିବାକୁ ମୁଁ ପ୍ରସ୍ତୁତ- ରୋହିତ

ଟେଷ୍ଟରେ ଓପନ କରିବାକୁ ମୁଁ ପ୍ରସ୍ତୁତ- ରୋହିତ

ମୁମ୍ବାଇ,୧୭।୮- ଇଂଲଣ୍ଡ ଗସ୍ତରେ ଥିବା ଭାରତୀୟ ଦଳର ଓପନରମାନେ ସମ୍ପୂର୍ଣ୍ଣ ବିଫଳ ହୋଇଛନ୍ତି।  ମୁରଲୀ ବିଜୟ, ଶିଖର ଧାଓ୍ବନ ଓ ଲୋକେଶ ରାହୁଲଙ୍କ ମଧ୍ୟରୁ କୌଣସି ବ୍ୟାଟ୍ସମ୍ୟାନ ଏପର୍ଯ୍ୟନ୍ତ ଆଖିଦୃଶିଆ ପ୍ରଦର୍ଶନ କରି ପାରି ନାହାନ୍ତି। ଅନ୍ୟପକ୍ଷରେ ଦିନିକିଆ ଓ ଟି୨୦ ଫର୍ମାଟରେ ସଫଳତମ ଭାରତୀୟ ଓପନର ରୋହିତ ଶର୍ମା ଟେଷ୍ଟରେ ମଧ୍ୟ ଓପନିଂ କରିବାକୁ ପ୍ରସ୍ତୁତ ବୋଲି କହିଛନ୍ତି।

ଅଷ୍ଟ୍ରେଲିଆ ଫୁଟ୍‌ବଲ ପରିଚାଳନା କରିବ ଫିଫା

ସିଡ୍‌ନୀ,୧୭।୮(ଏଏଫ୍‌ପି)- ଫୁଟ୍‌ବଲ ଫେଡେରେଶନ ଅଷ୍ଟ୍ରେଲିଆ (ଏଫ୍‌ଏଫ୍‌ଏ) ମୁଖ୍ୟ ଷ୍ଟିଭେନ ଲୋୟ ପୁନଃ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବେ ନାହିଁ ବୋଲି ଶୁକ୍ରବାର କହିଛନ୍ତି। ଫଳରେ ଅଷ୍ଟ୍ରେଲିଆ ଫୁଟ୍‌ବଲକୁ ଅନ୍ତର୍ଜାତୀୟ ଫୁଟ୍‌ବଲ ପରିଚାଳକ ସଂସ୍ଥା (ଫିଫା) ପରିଚାଳିତ କରିବ ବୋଲି ସ୍ପଷ୍ଟ ହୋଇଛି। 

ଏସିଆନ ଗେମ୍ସରୁ ଓହରିଲେ ପେସ୍‌

ଏସିଆନ ଗେମ୍ସରୁ ଓହରିଲେ ପେସ୍‌

ଜାକର୍ତ୍ତା, ୧୭ା୮ (ପି.ଟି.)-ଜଣେ ସ୍ପେଶାଲିଷ୍ଟ ପୁରୁଷ ପାର୍ଟନର ନ ପାଇବାରୁ ଭେଟେରାନ ଟେନିସ ଷ୍ଟାର ଲିଆଣ୍ଡର ପେସ୍‌ ଶେଷରେ  ଶନିବାର ଆରମ୍ଭ ହେବାକୁଥିବା ୧୮ତମ ଏସିଆନ ଗେମ୍ସରୁ ଓହରି ଯାଇଛନ୍ତି। ୪୫ ବର୍ଷୀୟ ଭାରତୀୟ ଖେଳାଳି ଇତିମଧ୍ୟରେ ୧୮ଗ୍ରାଣ୍ଡସ୍ଲାମ ଟାଇଟଲ ଜିତି ସାରିଛନ୍ତି। ସର୍ବଭାରତୀୟ ଟେନିସ ଆସୋସିଏଶନ (ଆଇଟା) ପକ୍ଷରୁ ପେସ୍‌ଙ୍କୁ ସିଙ୍ଗଲ୍ସ ଖେଳାଳି ସୁମିତ ନାଗାଲଙ୍କୁ ପାର୍ଟନର କରି ଖେଳିବାକୁ କୁହାଯାଇଥିଲା। ନାଗାଲ କିନ୍ତୁ ଏବେ ଭଲ ଫର୍ମରେ ନାହାନ୍ତି। ଏହା ପେସ୍‌ଙ୍କ ପାଇଁ ସମସ୍ୟା ହୋଇଥିଲା। ଅନ୍ୟପକ୍ଷରେ ଏସିଆନ ଗେମ୍ସରେ ସେମାନଙ୍କୁ ଯୋଡ଼ିଦାର ହୋଇ ଖେଳିବା ଲାଗି ସୁଯୋଗ ଦେବା ପାଇଁ ଦେଶର ଟପ୍‌ ଡବଲ୍ସ ଯୋଡ଼ି ରୋହନ ବୋପାନ୍ନା ଓ ଡିଭିଜ  ଶରନ   ସର୍ବଭାରତୀୟ ଟେନିସ ଆସୋସିଏଶନ (ଆଇଟା)କୁ ଅନୁରୋଧ କରିଥିଲେ।