ରାଜ୍ୟ |

ବିଧାୟକଙ୍କୁ ଟ୍ରକ ଚଢ଼ାଇ ମାରିଦେବାକୁ ଉଦ୍ୟମ

ବିଧାୟକଙ୍କୁ ଟ୍ରକ ଚଢ଼ାଇ ମାରିଦେବାକୁ ଉଦ୍ୟମ
କଟକ ଅଫିସ, ୨୭।୧-ସାଲେପୁର ବିଧାୟକ ପ୍ରକାଶ ଚନ୍ଦ୍ର ବେହେରାଙ୍କୁ ହତ୍ୟା କରିବାକୁ ହୋଇଛି ଷଡଯନ୍ତ୍ର। ଏପରି କି ଟ୍ରକ ଚଢାଇ ମାରିଦେବାକୁ ହୋଇଥିଲା ଉଦ୍ୟମ। ଫଳରେ ବିଧାୟକ ବେହେରାଙ୍କ କାରଟି ଭାଙ୍ଗି ଚୂରମାର ହୋଇଯାଇଛି। ଦୁର୍ଘଟଣା ସମୟରେ କାର ଭିତରେ ବିଧାୟକଙ୍କ ସମେତ ତାଙ୍କ ପିଏସ୍‌ଓ ଓ ଡ୍ରାଇଭର ଥିଲେ। ସମସ୍ତେ ଅଳ୍ପକେ ବର୍ତ୍ତିଯାଇଛନ୍ତି। ଘଟଣା ସମ୍ପର୍କରେ ବିଧାୟକଙ୍କ କାର୍‌ ଡ୍ର୍ରାଇଭର ଅବଦୁଲ ରହିମ ଶୁକ୍ରବାର ଟାଙ୍ଗୀ ଥାନାରେ ଏତଲା ଦେଇଛନ୍ତି। ଏତଲାକୁ ଆଧାର କରି ପୋଲିସ ଥାନାରେ ଏକ ମାମଲା ରୁଜୁ କରିବା ସହିତ ଟ୍ରକ୍‌ ଡ୍ରାଇଭର ଜିତେନ୍ଦ୍ର ପ୍ରଧାନଙ୍କୁ ଗିରଫ କରି କୋର୍ଟ ଚାଲାଣ କରିଛି। ଘଟଣାର ତଦନ୍ତ ଜାରି ରହିଥିବା ଗ୍ରାମାଞ୍ଚଳ ଏସପି ମାଧବ ଚନ୍ଦ୍ର ସାହୁ କହିଛନ୍ତି। ଘଟଣାଟି ଘଟିଛି ଜାନୁୟାରୀ ୨୫ ତାରିଖ ଅପରାହ୍ନରେ। ବିଧାୟକ ବେହେରା ନିର୍ବାଚନମଣ୍ଡଳୀ ଅଧୀନ ଗରୁଡଗଁା ପଞ୍ଚାୟତରୁ ବିଭିନ୍ନ କାର୍ଯ୍ୟକ୍ରମରେ ଯୋଗଦେଇ ନିଜ ଏଣ୍ଡୋଭର(ଓଡ଼ି-୦୫ଏମ-୦୦୦୭) କାର ଯୋଗେ ସପନପୁର ଯାଉଥିଲେ। ଏହି ସମୟରେ ସଫା-ସପନପୁର ରାସ୍ତାରେ ବିପରୀତ ଦିଗରୁ ଏକ ଟ୍ରକ ( ଓଡ଼ି-୦୫ଏମ-୦୫୬୧) ଦ୍ରୁତବେଗରେ ଆସୁଥିଲା। ଟ୍ରକର ଗତିକୁ ଦେଖି ବିଧାୟକଙ୍କ ଡ୍ରାଇଭର କାର୍‌ଟିକୁ ରାସ୍ତାର ବାମପାର୍ଶ୍ୱରେ ରାସ୍ତାରୁ ତଳକୁ ଖସାଇ ଛିଡ଼ା କରି ଦେଇଥିଲେ। ମାତ୍ର ଟ୍ରକଟି ନିଜ ସାଇଡ ଛାଡ଼ି ଡାହାଣପଟକୁ ଆସି ବିଧାୟକଙ୍କ କାର୍‌କୁ ଧକ୍କା ଦେଇଥିଲା। ଟ୍ରକ୍‌ ଧକ୍କାରେ ବିଧାୟକଙ୍କ କାର୍‌ ଭାଙ୍ଗିରୁଜି ଚୂରମାର ହୋଇଯାଇଥିଲା। ସ୍ଥାନୀୟ ଲୋକେ ସେଠାରେ ରୁଣ୍ଡ ହୋଇ ଟ୍ରକ୍‌ ଓ ଡ୍ରାଇଭର ଜିତେନ୍ଦ୍ରଙ୍କୁ ଅଟକାଇ ପୋଲିସକୁ ଖବର ଦେଇଥିଲେ। ହେଲେ ଘଟଣା ଘଟାଇବା ପରେ ଟ୍ରକ୍‌ ଟ୍ରାଇଭର ଜିତେନ୍ଦ୍ର ଦମ୍ଭର ସହିତ କହିଥିଲେ, ଚଢିଗଲା କ’ଣ ହେଲା। ଗୋଟିଏ କେସ୍‌ ହେବ। ଏ ଟ୍ରକ୍‌ ହେଉଛି ପପୁ ଭାଇଙ୍କର ଓ ତପୁ ଭାଇଙ୍କ ଅଣ୍ଡରରେ ଚାଲୁଛି। ବିଧାୟକ ବେହେରା କହିଛନ୍ତି ଯେ, ଟ୍ରକ ଡ୍ରାଇଭରଙ୍କ କଥା ଶୁଣି ସନ୍ଦେହ ଉପୁଜିଥିଲା। ମୋତେ ହତ୍ୟା କରିବା ପାଇଁ ଏହା ଏକ ଷଡଯନ୍ତ୍ର। ଅନ୍ୟପକ୍ଷରେ ଘଟଣାକୁ ନେଇ ଟାଙ୍ଗୀ-ସାଲେପୁର ଅଞ୍ଚଳରେ ଚର୍ଚ୍ଚା ଜୋର ଧରିଛି। ବିଧାୟକଙ୍କୁ ହତ୍ୟା ଉଦ୍ୟମ ପଛର କାରଣ କ’ଣ ଏବଂ କେଉଁମାନେ ଏହା ପଛରେ ରହିଛନ୍ତି। ଟ୍ରକ୍‌ ଡ୍ରାଇଭର ଜିତେନ୍ଦ୍ର ଯେଉଁ ଦୁଇଭାଇଙ୍କ ନାମ ନେଇଛନ୍ତି ସେମାନଙ୍କ ସହିତ ବିଧାୟକଙ୍କର କ’ଣ ରହିଛି ଶତ୍ରୁତା। ହେଲେ ପୂର୍ବରୁ ତାଙ୍କୁ ଫୋନ୍‌ ଯୋଗେ ହତ୍ୟା ଧମକ ମିଳିଥିବା କଥା କହିଛନ୍ତି ବିଧାୟକ ବେହେରା। ବିଧାୟକଙ୍କ କହିବାନୁଯାୟୀ, ଗତ ପଞ୍ଚାୟତ ନିର୍ବାଚନ ସମୟରେ ବିଭିନ୍ନ ବେନାମୀ ନମ୍ବରରୁ ତାଙ୍କୁ ଧମକ ଆସୁଥିଲା। ଆମ ରାସ୍ତାରୁ ହଟିଯାଅ। ନଚେତ୍‌ ଅସୁବିଧା ହେବ ବୋଲି ଧମକ ମିଳୁଥିଲା। ଏ ସମ୍ପର୍କରେ ବିଧାୟକ ବେହେରା ସେତେବେଳେ ଗ୍ରାମାଞ୍ଚଳ ଏସପି ଓ କଟକ ଡିସିପିଙ୍କୁ ଜଣାଇଥିବା କହିଛନ୍ତି। ହେଲେ ପୋଲିସ ଅଦ୍ୟାବଧି ସେମାନଙ୍କୁ ଠାବ କରିପାରି ନ ଥିବା ବେହେରା କହିଛନ୍ତି। ଏବେ ପୁନର୍ବାର ତାଙ୍କ ଉପରେ ଏଭଳି ବିପଦ ଆସିଥିବାରୁ ଏହାର ଏକ ବିଧିବଦ୍ଧ ତଦନ୍ତ ଆବଶ୍ୟକ ବୋଲି ସେ ଦାବି କରିଛନ୍ତି। ଟାଙ୍ଗୀ ଥାନାର ଭାରପ୍ରାପ୍ତ ଅଧିକାରୀ ବଳଭଦ୍ର ମିଶ୍ର କହିଛନ୍ତି ଯେଉଁ ସ୍ଥାନରେ ଟ୍ରକଟି ଧକ୍କା ଦେଇଛି ସେଠାରେ ରାସ୍ତା ବହୁତ ଚଉଡା ରହିଛି। ତେଣୁ ଟ୍ରକ୍‌ଟି ଉଦ୍ଦେଶ୍ୟମୂଳକ ଭାବେ ବିଧାୟକଙ୍କ କାର୍‌କୁ ଧକ୍କା ଦେଇଥିବା କ୍ଷେତ୍ର ତଦନ୍ତରୁ ଆମେ ଜାଣିବାକୁ ପାଇଛୁ। ଘଟଣାର ତଦନ୍ତ କରାଯାଉଛି। ଏହା ପଛରେ କ’ଣ ସବୁ କାରଣ ରହିଛି ତାହା ଖୁବ୍‌ଶୀଘ୍ର ଲୋକଲୋଚନକୁ ଆସିବ ବୋଲି ମିଶ୍ର ସୂଚନା ଦେଇଛନ୍ତି। ସୂଚନାଥାଉକି, ୨୦୦୨ରେ ୧୬ ନମ୍ବର ଜାତୀୟ ରାଜପଥର ସର୍ଦ୍ଧଳା ନିକଟରେ ଏକ ଢାବା ନିକଟରେ ଦୁଇଜଣ ଯୁବନେତାଙ୍କୁ ଟ୍ରକ ଚଢାଇ ହତ୍ୟା କରାଯାଇଥିଲା। ହତ୍ୟାର ଶିକାର ହୋଇଥିଲେ କୋଟସାହି ପଞ୍ଚାୟତର ସମିତିସଭ୍ୟ ତ୍ରିଲୋଚନ ପାତ୍ର ଓରଫ ବାବୁଲା ଓ ଜଣାଶୁଣା ଯୁବନେତା ବୁଲୁ ସାହୁ। ରାତିରେ ଉଭୟେ ଉକ୍ତ ଢାବାରୁ ଖାଇସାରି ଫେରୁଥିବା ବେଳେ ଏକ ଟ୍ରକ ସେମାନଙ୍କ ଉପରେ ଚଢ଼ିଯାଇ ବିଲ ଭିତରକୁ ଗଡି ଯାଇଥିଲା। ଉକ୍ତ ଘଟଣାର କ୍ରାଇମବ୍ରାଞ୍ଚ ତଦନ୍ତ କରାଯାଇଥିଲା। ହେଲେ ଅଦ୍ୟାବଧି ଉକ୍ତ ହତ୍ୟାକାଣ୍ଡର ରହସ୍ୟ ଉନ୍ମୋଚିତ ହୋଇପାରିନାହିଁ।
All Right Reserved By

ରାଜ୍ୟ |

ହକି ବିଶ୍ୱକପ୍‌ ସମ୍ପର୍କିତ ତଥ୍ୟ ସର୍ବସାଧାରଣରେ ପ୍ରକାଶ ଦାବିରେ ବିକ୍ଷୋଭ

ହକି ବିଶ୍ୱକପ୍‌ ସମ୍ପର୍କିତ ତଥ୍ୟ ସର୍ବସାଧାରଣରେ ପ୍ରକାଶ ଦାବିରେ ବିକ୍ଷୋଭ

ଭୁବନେଶ୍ୱର, ୧୭।୧(ବ୍ୟୁରୋ)- ଭୁବନେଶ୍ୱରରେ ଅନୁଷ୍ଠିତ ହୋଇଥିବା ହକି ବିଶ୍ୱକପ ସମ୍ପର୍କିତ ତଥ୍ୟ ରାଜ୍ୟ ସରକାର ସୂଚନା ଅଧିକାର ଆଇନ ବଳରେ ଦେଉନାହାନ୍ତି। ଫଳରେ ହକି ଖେଳ ଆୟୋଜନ ପାଇଁ ଖର୍ଚ୍ଚ ହୋଇଥିବା ଅର୍ଥରୁ କୋଟି କୋଟି ଟଙ୍କା ବାଟମାରଣା ହୋଇଛି ବୋଲି ଅଭିଯୋଗ କରିଛି ଓଡ଼ିଶା ସୂଚନା ଅଧିକାର ଅଭିଯାନ। 

ପିପିଲି ଗଣବଳାତ୍କାର, ହତ୍ୟା ମାମଲା: ତଳକୋର୍ଟଙ୍କ ରାୟ ବିରୋଧରେ କ୍ରାଇମବ୍ରାଞ୍ଚ ହାଇକୋର୍ଟଙ୍କ ଦ୍ୱାରସ୍ଥ

ପିପିଲି ଗଣବଳାତ୍କାର, ହତ୍ୟା ମାମଲା: ତଳକୋର୍ଟଙ୍କ ରାୟ ବିରୋଧରେ କ୍ରାଇମବ୍ରାଞ୍ଚ ହାଇକୋର୍ଟଙ୍କ ଦ୍ୱାରସ୍ଥ

କଟକ ଅଫିସ, ୧୭।୧- ବହୁଚର୍ଚ୍ଚିତ ପିପିଲି ଗଣବଳାତ୍କାର ଓ ହତ୍ୟା ମାମଲା ଏବେ ହାଇକୋର୍ଟରେ ପହଞ୍ଚତ୍ଛି। ଭୁବନେଶ୍ୱର ପ୍ରଥମ ଅତିରିକ୍ତ ଜିଲା ଦୌରାଜଜ୍‌ଙ୍କ ରାୟ ବିରୋଧରେ କ୍ରାଇମବ୍ରାଞ୍ଚ ହାଇକୋର୍ଟଙ୍କ ଦ୍ୱାରସ୍ଥ ହୋଇଛି। ତଳ କୋର୍ଟଙ୍କ ରାୟକୁ ରଦ୍ଦ କରିବା ସହିତ ନିର୍ଦ୍ଦୋଷରେ କୋର୍ଟରୁ ମୁକୁଳିଥିବା ଦୁଇ ଅଭିଯୁକ୍ତଙ୍କ ବିରୋଧରେ ଦଣ୍ଡବିଧାନ ପାଇଁ କ୍ରାଇମବ୍ରାଞ୍ଚ ଆବେଦନ କରିଛି। 

ଆଇପିଏସ୍‌ ସମ୍ମିଳନୀ ଆରମ୍ଭ: ନିର୍ବାଚନ ପାଇଁ ପ୍ରସ୍ତୁତ ରହିବାକୁ ପରାମର୍ଶ

ଆଇପିଏସ୍‌ ସମ୍ମିଳନୀ ଆରମ୍ଭ: ନିର୍ବାଚନ ପାଇଁ ପ୍ରସ୍ତୁତ ରହିବାକୁ ପରାମର୍ଶ

ଭୁବନେଶ୍ୱର, ୧୭ା୧(ବ୍ୟୁରୋ)- ଆଗକୁ ସାଧାରଣ ନିର୍ବାଚନ ହେବାକୁ ଯାଉଛି। ଏହା ପୋଲିସ ପାଇଁ ଏକ ବଡ ଚ୍ୟାଲେଞ୍ଜ ହେବ। କିଭଳି ନିର୍ବାଚନକୁ ସୁରୁଖୁରୁରେ ସମାପନ କରିହେବ ସେଥିଲାଗି ପୋଲିସକୁ ସ୍ବତନ୍ତ୍ର ରଣକୌଶଳ ଆପଣାଇବାକୁ ପଡିବ। 

ନାବାଳିକା ବଳାତ୍କାର ମାମଲା: ୨ ଦୋଷୀଙ୍କୁ ୨୦ବର୍ଷ ଲେଖାଏଁ ଜେଲ୍‌

ନାବାଳିକା ବଳାତ୍କାର ମାମଲା: ୨ ଦୋଷୀଙ୍କୁ ୨୦ବର୍ଷ ଲେଖାଏଁ ଜେଲ୍‌

ବାଲେଶ୍ୱର ଅଫିସ, ୧୭।୧-ଏକ ନାବାଳିକା ବଳାତ୍କାର ମାମଲାର ବିଚାର କରି ବାଲେଶ୍ୱର ଅତିରିକ୍ତ ଦୌରାଜଜ୍‌ କମ୍‌ ପୋକ୍ସୋ ସ୍ପେଶାଲ ଜଜ୍‌ ଅଜନ୍ତା ଷଡ଼ଙ୍ଗୀ ଗୁରୁବାର ୨ ଅଭିଯୁକ୍ତଙ୍କୁ ଦୋଷୀ ସାବ୍ୟସ୍ତ କରିଛନ୍ତି। ଉଭୟଙ୍କୁ ୨୦ବର୍ଷ ଲେଖାଏଁ ଜେଲ୍‌ ଦଣ୍ଡ ସହ ୧୦ହଜାର ଟଙ୍କା ଜରିମାନା ଆଦେଶ ଦିଆଯାଇଛି। ଜରିମାନା ଅନାଦେୟ ଆଉ ୩ମାସ ଜେଲ୍‌ ଭୋଗିବାକୁ ରାୟରେ କୁହାଯାଇଛି। 

ପ୍ରେସର କୁକର୍‌ ଫାଟି ମାଇଁ ଭାଣିଜୀ ଗୁରୁତର

ପ୍ରେସର କୁକର୍‌ ଫାଟି ମାଇଁ ଭାଣିଜୀ ଗୁରୁତର

ଖୋର୍ଦ୍ଧା ଅଫିସ,୧୭ା୧: ଖୋର୍ଦ୍ଧା ଜିଲା ବୋଲଗଡ଼ ଥାନା ବାଙ୍କୋଇ ଫାଣ୍ଡି ବେଣାଗାଡିଆ ଗାଁରେ ଗୁରୁବାର ପୂର୍ବାହ୍ନ ପ୍ରାୟ ସାଢ଼େ ୧୧ଟାରେ ଏକ ଅଘଟଣ ଘଟିଛି। ଗ୍ରାମର ଏକ ପରିବାରର ମାଇଁ ଓ ଭାଣିଜୀ 

ମିଲର୍ସଙ୍କୁ ନିର୍ଦ୍ଦେଶ: ୪ ମଣ୍ଡିରୁ ଧାନ କଷ୍ଟମ ମିଲିଂ ଭାବେ ନିଆଯିବ

ଜୟପୁର,୧୭।୧(ଡି.ଏନ୍‌.ଏ.) କୋରାପୁଟ ଜିଲା ବୋରିଗୁମ୍ମା ବ୍ଲକ କାମତା ଲ୍ୟାମ୍ପର ପୋଡ଼ାପଦର, କୁମୁଲି, କାମତା, ତରାଭଟ୍ଟା ମଣ୍ଡିରେ ଚାଷୀଙ୍କ ଧାନ କ୍ରୟ ପରେ କଷ୍ଟମ ମିଲିଂ ଭାବେ ନେବେ ମିଲର୍ସ। ଜିଲା ପ୍ରଶାସନ ଏନେଇ କଡ଼ା ନିର୍ଦ୍ଦେଶ ଦେଇଛି।  ସ୍ଥାନୀୟ ଉପଜିଲାପାଳ ଲୋକନାଥ ଦଳବେହେରା ନିଜ କାର୍ଯ୍ୟାଳୟରେ ଚାଷୀ ଓ ମିଲ ମାଲିକଙ୍କ ସହ ଆଲୋଚନା କରିଛନ୍ତି । 

‘କାଳିଆ’ ଯୋଜନାରେ ସାମିଲ ହୋଇ ନାହାନ୍ତି ଆଖୁଚାଷୀ, ଏବେ ବରଗଡ଼ ସୁଗାର ମିଲ୍‌ ଉପରେ ସରକାରଙ୍କ ଆଖି: ସାଧୁ ନେପାକ

‘କାଳିଆ’ ଯୋଜନାରେ ସାମିଲ ହୋଇ ନାହାନ୍ତି ଆଖୁଚାଷୀ, ଏବେ ବରଗଡ଼ ସୁଗାର ମିଲ୍‌ ଉପରେ ସରକାରଙ୍କ ଆଖି: ସାଧୁ ନେପାକ

ଭୁବନେଶ୍ୱର/ବରଗଡ଼ ଅଫିସ, ୧୭।୧(ବ୍ୟୁରୋ): ବରଗଡ଼ ଜିଲାରେ ୪୦/୫୦ ବର୍ଷ ପୂର୍ବରୁ କଂଗ୍ରେସ ଅମଳରେ ପ୍ରତିଷ୍ଠିତ ସିମେଣ୍ଟ କାରଖାନାକୁ ବିକ୍ରି, ସୂତାକଳ, ସାର କାରଖାନା, ତେଲ ମିଲ, ପାଓ୍ବାରଲୁମ୍‌ ଆଦିକୁ ବନ୍ଦ କରିଦେବା ପରେ ଏବେ ସୁଗାର ମିଲ ଉପରେ ସରକାର ଆଖି ପକାଇଛନ୍ତି। ବରଗଡ଼ ପୂର୍ବ ବିଧାୟକ ସାଧୁ ନେପାକ କ୍ଷୋଭ ପ୍ରକାଶ କରି ଏହା କହିଛନ୍ତି। 

ପ୍ରହସନ ପାଲଟିଛି ମଧୁବାବୁ ପେନସନ ଯୋଜନା : ଯୋଗ୍ୟ ହିତାଧିକାରୀଙ୍କୁ ମିଳୁନି ଭତ୍ତା

ପ୍ରହସନ ପାଲଟିଛି ମଧୁବାବୁ ପେନସନ ଯୋଜନା : ଯୋଗ୍ୟ ହିତାଧିକାରୀଙ୍କୁ ମିଳୁନି ଭତ୍ତା

ରାୟଗଡ଼ (ଗଜପତି), ୧୭ା୧(ଡି.ଏନ.ଏ)-୬୦ବର୍ଷ ବୟସରୁ ଊର୍ଦ୍ଧ୍ୱ ରାଜ୍ୟର ସମସ୍ତ ଯୋଗ୍ୟ ହିତାଧିକାରୀଙ୍କୁ ମଧୁବାବୁ ପେନସନ ଯୋଜନାରେ ଅନ୍ତର୍ଭୁକ୍ତ କରାଇ ଭତ୍ତା ଦେବା ପାଇଁ ସରକାରଙ୍କ ନିର୍ଦ୍ଦେଶ ରହିଛି। ମାତ୍ର ଗଜପତି ଜିଲା ରାୟଗଡ ବ୍ଲକରେ ଏହାର ବ୍ୟତିକ୍ରମ ଦେଖିବାକୁ ମିଳିଛି। ୬୦ବର୍ଷ ବୟସ ଟପିବା ପରେ ବି ଅନେକ ବୃଦ୍ଧାବୃଦ୍ଧ ଏହି ଯୋଜନାରୁ ବଞ୍ଚତ୍ତ ଅଛନ୍ତି। 

ହଜିବାର ୪ ଘଣ୍ଟା ପରେ ମନିପର୍ସ ଫେରିପାଇଲେ ସୁଲତା

ହଜିବାର ୪ ଘଣ୍ଟା ପରେ ମନିପର୍ସ ଫେରିପାଇଲେ ସୁଲତା

ବ୍ରହ୍ମପୁର ଅଫିସ,୧୭ା୧: ବ୍ରହ୍ମପୁର ବଡ଼ ମେଡିକାଲ ପରିସରରେ ଜଣେ ରୋଗୀଙ୍କ ସମ୍ପର୍କୀୟ ଗୁରୁବାର ନିଜର ମନିପର୍ସ ସହ କିଛି ମେଡିକାଲ ରିପୋର୍ଟ ହଜାଇ ଦେଇଥିଲେ। ମାତ୍ର ଏହାର ୪ ଘଣ୍ଟା ପରେ ସେ ନିଜର ହଜିଥିବା ପର୍ସଟି ଖୋଜି ପାଇଛନ୍ତି। ବଡ଼ ମେଡିକାଲ ଫାଣ୍ଡି ପୋଲିସର ସହାୟତା ଯୋଗୁ ଏପରି ଘଟିବା ସମ୍ଭବ ହୋଇଥିବାରୁ ରୋଗୀଙ୍କ ସମ୍ପର୍କୀୟଜଣଙ୍କ ନିଜର ଖୁସି ପ୍ରକାଶ କରିଛନ୍ତି।

ଗଦାଧର ଭୋଇଙ୍କୁ ଆକ୍ରମଣ ଘଟଣାରେ କାର୍ଯ୍ୟାନୁଷ୍ଠାନ ଦାବି: ଜାତୀୟ ଦଳିତ ଆଦିବାସୀ ମହାସଂଘ ପକ୍ଷରୁ ସତ୍ୟବାଦୀ ଥାନା ଘେରାଉ

ଗଦାଧର ଭୋଇଙ୍କୁ ଆକ୍ରମଣ ଘଟଣାରେ କାର୍ଯ୍ୟାନୁଷ୍ଠାନ ଦାବି: ଜାତୀୟ ଦଳିତ ଆଦିବାସୀ ମହାସଂଘ ପକ୍ଷରୁ ସତ୍ୟବାଦୀ ଥାନା ଘେରାଉ

ସାକ୍ଷୀଗୋପାଳ, ୧୭।୧(ଡି.ଏନ୍‌.ଏ)- ଦଳିତ ବର୍ଗର ଲୋକମାନଙ୍କ ଉପରେ କରାଯାଉଥିବା ନିର୍ଯାତନା ଅସହ୍ୟ ହେଲାଣି। ସତ୍ୟବାଦୀ ଥାନା ମହାବଳପଡା ଗ୍ରାମର ଗଦାଧର ଭୋଇଙ୍କୁ ଗତ ୭ମାସ ତଳେ ସେହି ଗ୍ରାମର କେତେକ ମୁଷ୍ଟିମେୟ ଲୋକ ଅପହରଣ କରି ଆକ୍ରମଣ କରିଥିବା ଅଭିଯୋଗ ହୋଇଥିଲା। 

ମକର ବୁଲିବାକୁ ଯାଉଥିବା ବେଳେ ଭାରସାମ୍ୟ ହରାଇ ଓଲଟିଲା ପିକ୍‌ଅପ୍‌ ଭ୍ୟାନ୍‌:୨ ମୃତ, ୪୦ରୁ ଊର୍ଦ୍ଧ୍ୱ ଆହତ

ମକର ବୁଲିବାକୁ ଯାଉଥିବା ବେଳେ ଭାରସାମ୍ୟ ହରାଇ ଓଲଟିଲା ପିକ୍‌ଅପ୍‌ ଭ୍ୟାନ୍‌:୨ ମୃତ, ୪୦ରୁ ଊର୍ଦ୍ଧ୍ୱ ଆହତ

ବାରିପଦା ଅଫିସ,୧୭।୧: ମୟୁରଭଞ୍ଚ ଜିଲା ଖୁଣ୍ଟା ଥାନା ଅଧୀନସ୍ଥ କହ୍ନୋଇନ୍ଦ ଧାନଘେରା ରାସ୍ତାରେ  ଗୁରୁବାର ଏକ ପିକ୍‌ ଅପ୍‌ ଭ୍ୟାନ ଓଲଟି ପଡ଼ିବା ଫଳରେ ୨ଜଣ ମହିଳାଙ୍କ ଘଟଣାସ୍ଥଳରେ ମୃତ୍ୟୁ ହୋଇଛି।  ଏଥିସହ  ଡ୍ରାଇଭର ସମେତ ୪୦ ରୁ ଉର୍ଦ୍ଧ ଆହତ ହୋଇଛନ୍ତି ।

ଆର୍‌ପିଡିଏସି ବୈଠକ ବର୍ଜନ କଲେ ଜନ ପ୍ରତିନିଧି

ଆର୍‌ପିଡିଏସି ବୈଠକ ବର୍ଜନ କଲେ ଜନ ପ୍ରତିନିଧି

ଅନୁଗୋଳ ଅଫିସ,୧୭।୧: ଏନ୍‌ଟିପିସି-ଟିଏସ୍‌ଟିପିଏସ୍‌ କଣିହାଁ ଓ ଏନ୍‌ଟିପିସି-ଟିଟିପିଏସ୍‌ ତାଳଚେରର ୮ମ ଆର୍‌ପିଡିଏସି ବୈଠକକୁ ବର୍ଜନ କଲେ ଜନ ପ୍ରତିନିଧି। ଗୁରୁବାର ଜିଲାପାଳଙ୍କ କାର୍ଯ୍ୟାଳୟରେ ବୈଠକ ଅନୁଷ୍ଠିତ ହେଉଥିଲା। ତେବେ ୨୦୧୬ ମସିହା ଏପ୍ରିଲ ମାସରେ ହୋଇଥିବା ବୈଠକରେ ନିଆଯାଇଥିବା ନିଷ୍ପତ୍ତି ଉପରେ କୌଣସି କାର୍ଯାନୁଷ୍ଠାନ ଗ୍ରହଣ କରାଯାଇ ନ ଥିବାରୁ ଜନ ପ୍ରତିନିଧିମାନେ ବୈଠକ ବର୍ଜନ କରିଥିବା ଜଣାପଡ଼ିଛି।