ରାଜ୍ୟ |

କେନ୍ଦ୍ରକୁ ସୁପ୍ରିମ୍‌କୋର୍ଟ ଧକ୍କା

କେନ୍ଦ୍ରକୁ ସୁପ୍ରିମ୍‌କୋର୍ଟ ଧକ୍କା

ନୂଆଦିଲ୍ଲୀ,୨୪ା୧(ସ୍ବ.ପ୍ର.): ଓଡ଼ିଶାର ଜୀବନରେଖା ମହାନଦୀକୁ ନେଇ ସୁପ୍ରିମକୋର୍ଟ ମଙ୍ଗବାର ଏକ ଗୁରୁତ୍ୱପୂର୍ଣ୍ଣ ରାୟ ଦେଇଛନ୍ତି। ମାସକ ମଧ୍ୟରେ ଟ୍ରିବ୍ୟୁନାଲ ଗଠନ ପାଇଁ ବିଜ୍ଞପ୍ତି ପ୍ରକାଶ କରିବାକୁ ସର୍ବୋଚ୍ଚ ନ୍ୟାୟାଳୟ ନିର୍ଦ୍ଦେଶ ଦେଇଛନ୍ତି। ଏହି ରାୟକୁ ଓଡ଼ିଶାର ସାଢ଼େ ଚାରି କୋଟି ଲୋକଙ୍କ ବିଜୟ ଭାବେ ବିବେଚନା କରାଯାଉଥିବା ବେଳେ ଓଡ଼ିଶା ପ୍ରତି ପାତରଅନ୍ତର ମନୋଭାବ ପୋଷଣ କରୁଥିବା କେନ୍ଦ୍ର ସରକାରଙ୍କୁ ଏକ ଶକ୍ତ ଧକ୍କା ଲାଗିଥିବା କୁହାଯାଉଛି।
ସୁପ୍ରିମ୍‌କୋର୍ଟର ବିଚାରପତି ଏସ୍‌.ଏ. ବୋବଡେ ଏବଂ ଏଲ୍‌. ନାଗେଶ୍ୱର ରାଓଙ୍କ ଖଣ୍ଡପୀଠ ମଙ୍ଗଳବାର ମହାନଦୀ ବିମାଦ ସଂକ୍ରାନ୍ତ ମାମଲାର ଶୁଣାଣି କରିଥିଲେ। ଏକମାସ ମଧ୍ୟରେ ଟ୍ରିବ୍ୟୁନାଲ ଗଠନ ପାଇଁ କେନ୍ଦ୍ରକୁ ନିର୍ଦ୍ଦେଶ ଦେଇଛନ୍ତି। କେନ୍ଦ୍ର ସରକାରଙ୍କ ପକ୍ଷରୁ ଅତିରିକ୍ତ ସଲିସିଟର ଜେନେରାଲ ଆତ୍ମାରାମ ନାଦକର୍ମୀ ଯୁକ୍ତି ବାଢ଼ିଥିଲେ ଯେ କେନ୍ଦ୍ର ଏହି ବିବାଦକୁ ଆଲୋଚନା ଦ୍ୱାରା ସମାଧାନ କରିବାକୁ ଚାହୁଁଛି। ଓଡ଼ିଶା ସରକାର ଆଲୋଚନାରେ ସହଯୋଗ କରୁନାହାନ୍ତି। ତେଣୁ ମୁଖ୍ୟମନ୍ତ୍ରୀ ସ୍ତରୀୟ ଆଲୋଚନା ଦ୍ୱାରା ବିବାଦ ସମାଧାନ ପାଇଁ ସୁଯୋଗ ଦିଆଯାଉ। ଏହି ଯୁକ୍ତିରେ ଖଣ୍ଡପୀଠ କହିଥିଲେ ଯେ, ଏହାର ଅର୍ଥ ହେଉଛି କେନ୍ଦ୍ର ସରକାର ଆଲୋଚନା ବିଫଳ ହୋଇଥିବା ସ୍ବୀକାର କରୁଛନ୍ତି। ଆତ୍ମାରାମ ଏହାପରେ କହିଥିଲେ ଯେ ସରକାର ଟ୍ରିବ୍ୟୁନାଲ ଗଠନକୁ ବିରୋଧ କରୁନାହାନ୍ତି। କେବଳ ମହାନଦୀ ବିବାଦକୁ ନେଇ ସ୍ବତନ୍ତ୍ର ଟ୍ରିବ୍ୟୁନାଲ ପରିବର୍ତ୍ତେ ସରକାର ଦେଶର ସମସ୍ତ ଆନ୍ତଃରାଜ୍ୟ ଜଳ ବଣ୍ଟନ ବିବାଦକୁ ନେଇ ଏକ ଟ୍ରିବ୍ୟୁନାଲ ଗଠନ କରିବେ। ଛତିଶଗଡ଼ ସରକାର ଏହି ମାମଲାର ପକ୍ଷଭୁକ୍ତ ଥିବାରୁ ତାଙ୍କ ଓକିଲ କହୁଥିଲେ ଯେ, ପୋଲାଭରମ ମାମଲା ଯେପରି ଆପୋସ ଆଲୋଚନା ମାଧ୍ୟମରେ ସମାଧାନ ହୋଇଛି ଏବଂ ବିଶେଷକରି ୧୯୮୩ ମସିହାର ଯୁଗ୍ମ ଆଲୋଚନା ବୋର୍ଡ ନିୟମରେ ଆଲୋଚନା ଦ୍ୱାରା ଆମେ ଏହି ମାମଲାର ସମାଧାନ କରିବାକୁ ଚେଷ୍ଟା କରିବୁ। ଛତିଶଗଡ଼ ପ୍ରତିନିଧିଙ୍କ ଏହି କଥାରେ ଖଣ୍ଡପୀଠ ବିରକ୍ତି ପ୍ରକାଶ କରି କହିଥିଲେ ଯେ, ସେ କେନ୍ଦ୍ର ସରକାରଙ୍କ ପକ୍ଷ ହୋଇ କହିବା କୌଣସି ଯୁକ୍ତିସଙ୍ଗତ ନୁହେଁ।
ଓଡ଼ିଶା ସରକାରଙ୍କ ପକ୍ଷରୁ ବରିଷ୍ଠ ଆଇନଜୀବୀ ମୁକୁଲ ରୋହତୋଗୀ କହିଥିଲେ ଯେ, କେନ୍ଦ୍ର ସରକାରଙ୍କ କଥାରେ କୌଣସି ତାଳମେଳ ନାହିଁ। କେନ୍ଦ୍ର ସରକାର ପୂର୍ବରୁ କହିଥିଲେ ଯେ, ୨୦୧୭ ନଭେମ୍ବର ୧୯ ତାରିଖ
ସୁଦ୍ଧା ଟ୍ରିବ୍ୟୁନାଲ ଗଠନ ପାଇଁ ବିଜ୍ଞପ୍ତି ପ୍ରକାଶ କରାଯିବ। କିନ୍ତୁ ଡିସେମ୍ବର ୫ ଶୁଣାଣିରେ କେନ୍ଦ୍ର ନିଜ ପ୍ରତିଶ୍ରୁତିରୁ ଓହରିଯାଇ ଆଲୋଚନା ମାଧ୍ୟମରେ ସମାଧାନ କରିବାକୁ କହିଥିଲେ, ଯେଉଁଥିପାଇଁ କୋର୍ଟ କେନ୍ଦ୍ରକୁ ଭର୍ତ୍ସନା କରିଥିଲେ। ତା’ଛଡ଼ା ପୂର୍ବ ଜଳସମ୍ପଦ ରାଷ୍ଟ୍ରମନ୍ତ୍ରୀ ସଞ୍ଜୀବ ବାଲ୍ୟାନ ଟ୍ରିବ୍ୟୁନାଲ ଗଠନ ହେବ ବୋଲି ପାର୍ଲାମେଣ୍ଟରେ କହିଥିବା ବେଳେ ପରବର୍ତ୍ତୀ ସମୟରେ ନୂଆ ଜଳ ସମ୍ପଦ ମନ୍ତ୍ରୀ ନୀତିନ ଗଡ଼କରୀ ଏକକ ଟ୍ରିବ୍ୟୁନାଲ ଗଠନ ହେବ ବୋଲି ପାର୍ଲାମେଣ୍ଟରେ କହିଛନ୍ତି। ଏହାଦ୍ୱାରା କାହାରି କଥାରେ କୌଣସି ତାଳମେଳ ନ ଥିବା ରୋହତୋଗୀ କହିଥିଲେ। ତାଛଡ଼ା ରାଜ୍ୟ ମୁଖ୍ୟମନ୍ତ୍ରୀ ଆଲୋଚନା ପରିବର୍ତ୍ତେ ଟ୍ରିବ୍ୟୁନାଲ ଗଠନ ପାଇଁ ବହୁ ପୂର୍ବରୁ କେନ୍ଦ୍ରକୁ ଚିଠି ଲେଖି ସାରିଛନ୍ତି। କେନ୍ଦ୍ର ଗୋଟିଏ ପଟେ ଆଲୋଚନା ପାଇଁ କହୁଥିବା ବେଳେ ଅନ୍ୟପଟେ ଛତିଶଗଡ଼ ଦ୍ୱାରା ନିର୍ମାଣାଧୀନ ବ୍ୟାରେଜଗୁଡିକୁ ବନ୍ଦ କରିବାକୁ ନିର୍ଦ୍ଦେଶ ଦେଉନାହାନ୍ତି। ଏଣୁ ଓଡ଼ିଶା ସରକାର କେବଳ ଟ୍ରିବ୍ୟୁନାଲ ଗଠନ ଚାହାନ୍ତି।
ସବୁ ପକ୍ଷର ଯୁକ୍ତି ଶୁଣିବା ପରେ ମାସକ ମଧ୍ୟରେ ଟ୍ରିବ୍ୟୁନାଲ ଗଠନ ଲାଗି ବିଜ୍ଞପ୍ତି ପ୍ରକାଶ କରିବାକୁ ଖଣ୍ଡପୀଠ କେନ୍ଦ୍ରକୁ ନିର୍ଦ୍ଦେଶ ଦେଇଛନ୍ତି। ଓଡ଼ିଶା ସରକାରଙ୍କ ପ୍ରତିନିଧି ଏହା ମଧ୍ୟ କହିଥିଲେ ଯେ, ଛତିଶଗଡ଼କୁ ବ୍ୟାରେଜ ନିର୍ମାଣ ବନ୍ଦ କରିବା ଏବଂ ଭବିଷ୍ୟତରେ ଓଡ଼ିଶାକୁ ଅବଗତ ନ କରାଇ କୌଣସି ବ୍ୟାରେଜ ନିର୍ମାଣ ନ କରିବାକୁ କୋର୍ଟ ନିର୍ଦ୍ଦେଶ ଦିଅନ୍ତୁ। ଏହା ଉପରେ ଖଣ୍ଡପୀଠ କୌଣସି ରାୟ ଦେଇ ନ ଥିଲେ କିନ୍ତୁ କହିଥିଲେ ଯେ, ଟ୍ରିବ୍ୟୁନାଲ ଗଠନ ପରେ ରାଜ୍ୟ ସରକାର ଟ୍ରିବ୍ୟୁନାଲ ନିକଟରେ ଏଥିପାଇଁ ଆବେଦନ କରିପାରିବେ।

All Right Reserved By
Karnatak Exit Poll

Model This Week

ସନ୍ତୋଷ

ରାଜ୍ୟ |

ବିଜୁ ଯୁବ ବାହିନୀର ପ୍ରଶିକ୍ଷଣ ଶିବିର ଅନୁଷ୍ଠିତ

ବିଜୁ ଯୁବ ବାହିନୀର ପ୍ରଶିକ୍ଷଣ ଶିବିର ଅନୁଷ୍ଠିତ

କାମାକ୍ଷାନଗର,୨୨।୫(ଡି.ଏନ୍‌.ଏ.): ଢେଙ୍କାନାଳ ଜିଲା କାମାକ୍ଷାନଗର ବ୍ଲକ ସଭାଗୃହ ପରିସରରେ ବିଜୁ ଯୁବ ବାହିନୀର ଏକ ପ୍ରଶିକ୍ଷଣ ଶିବିର ମଙ୍ଗଳବାର ଅନୁଷ୍ଠିତ ହୋଇଯାଇଛି।

ଆଖି ବୁଜିଲା ଚିକିତ୍ସାଧୀନ ଦନ୍ତା

ଆଖି ବୁଜିଲା ଚିକିତ୍ସାଧୀନ ଦନ୍ତା

ଝାରସଗୁଡ଼ା ଅଫିସ,୨୨।୫: ଝାରସୁଗୁଡା ଜିଲା କୋଲାବିରା ରେଞ୍ଜ୍‌ର ସୁନାମାଲ ଜଙ୍ଗଲରେ ଚିକିତ୍ସାଧୀନ ଥିବା ଦନ୍ତା ହାତୀର ମଙ୍ଗଳବାର ଭୋର ସମୟରେ ମୃତ୍ୟୁ ହୋଇଛି। ଏହାକୁ ମିଶାଇ ଗତ ୪ ମାସ ମଧ୍ୟରେ ଜିଲାରେ ହାତୀମୃତ୍ୟୁ ସଂଖ୍ୟା ୮ରେ ପହଞ୍ଚିଛି।

ବିଦ୍ୟୁତ୍‌ ଆଘାତରେ ଗୁରୁତର ବୃଦ୍ଧଙ୍କ ମୃତ୍ୟୁ: କ୍ଷତିପୂରଣ ଦାବିରେ ରାସ୍ତାରୋକୋ

ବିଦ୍ୟୁତ୍‌ ଆଘାତରେ ଗୁରୁତର ବୃଦ୍ଧଙ୍କ ମୃତ୍ୟୁ: କ୍ଷତିପୂରଣ ଦାବିରେ ରାସ୍ତାରୋକୋ

ମହାକାଳପଡ଼ା,୨୨।୫: କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ଅଧୀନ ବିଜୟନଗର ପଞ୍ଚାୟତର ସାହାବାନିପୁର ଗ୍ରାମରେ ଶନିବାର ଅପରାହ୍ନରେ ବିଦ୍ୟୁତ୍‌ ଆଘାତରେ ଗୁରୁତର ହୋଇଥିବା ବୃଦ୍ଧଙ୍କ ସୋମବାର ବିଳମ୍ବିତ ରାତିରେ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଛି। ମୃତକ ହେଲେ ଜଗବନ୍ଧୁ ସାମଲ(୮୨)।

ବର୍ଷକରେ ୫ଶହ ଶିଶୁ ଅପପୁଷ୍ଟିର ଶିକାର

ବର୍ଷକରେ ୫ଶହ ଶିଶୁ ଅପପୁଷ୍ଟିର ଶିକାର

ବ୍ରହ୍ମପୁର ଅଫିସ୍‌,୨୨।୫: ନଗଡ଼ାକୁ କେହି ଭୁଲିପାରିନାହାନ୍ତି। ଭୁଲିପାରିନାହାନ୍ତି ଅପପୁଷ୍ଟିରେ ଆକ୍ରାନ୍ତ ଶିଶୁଙ୍କ ହୃଦୟବିଦାରକ ଫଟୋଚିତ୍ରକୁ। ପେଟଫୁଲା ଏବଂ ଗୋଡ଼ ସରୁ ହୋଇଯାଇଥିବା ଶିଶୁଙ୍କ କ୍ରନ୍ଦନରତ ଫଟୋ ସାରା ଦେଶକୁ ନଗଡ଼ା ଆଡ଼କୁ ଚାହିଁବାକୁ ବାଧ୍ୟ କରିଥିଲା। ସ୍ବାଧୀନତାର ସାତ ଦଶନ୍ଧି ପରେ ମଧ୍ୟ ଉପଯୁକ୍ତ ଖାଦ୍ୟ ନ ପାଇ ଶିଶୁଙ୍କ ମୃତ୍ୟୁ ସଭ୍ୟ ସମାଜ ପାଇଁ ଲଜ୍ଜାର ବିଷୟ ବୋଲି ସେହି ସମୟରେ ଆଲୋଚନା ହୋଇଥିଲା।

ମନ୍ତ୍ରୀଙ୍କୁ ଥ୍ରୀ ‘ଡି’ ମନ୍ତ୍ର

ମନ୍ତ୍ରୀଙ୍କୁ ଥ୍ରୀ ‘ଡି’ ମନ୍ତ୍ର

ଭୁବନେଶ୍ୱର,୨୨।୫(ବ୍ୟୁରୋ): ବିଜେଡି ସରକାରର ୪ର୍ଥ ପାଳିର ୪ର୍ଥ ବର୍ଷ ପୂରିଯାଇଛି। ଗତ ସାଧାରଣ ନିର୍ବାଚନ ବେଳେ ବିଜେଡି ଦେଇଥିବା ପ୍ରତିଶ୍ରୁତି କେତେ ପାଳନ କରିଛି ଓ କେତେ ଅଧା ରହିଯାଇଛି ସେ ନେଇ ସୋମବାର ସଚିବାଳୟଠାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ ମନ୍ତ୍ରୀ ପରିଷଦ ବୈଠକରେ ହୋଇଥିଲା ମାନସମନ୍ଥନ।

କଟକ ସଦରରେ ପୁଣି ଏନ୍‌କାଉଣ୍ଟର: ଯୁଗ ଗୁରୁତର

କଟକ ସଦରରେ ପୁଣି ଏନ୍‌କାଉଣ୍ଟର: ଯୁଗ ଗୁରୁତର

କଟକ ଅଫିସ,୨୨।୫: କଟକ ସଦର ଥାନା ଅଞ୍ଚଳରେ ୨୪ ଘଣ୍ଟା ମଧ୍ୟରେ ପୁଣି ଶୁଭିଛି ପୋଲିସ ଗୁଳିର ଶବ୍ଦ। ଏହି ଏନ୍‌କାଉଣ୍ଟରରେ ଶିକାର ହୋଇଛନ୍ତି ଯୁଗ ଓରଫ ବାସିର ଖାଁ। ତାଙ୍କୁ ଏସ୍‌ସିବି ମେଡିକାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଛି।

ପୁରୀରୁ ରାଜସ୍ଥାନ ଚାଲାଣ ହେଉଛନ୍ତି ଯୁବତୀ

ପୁରୀରୁ ରାଜସ୍ଥାନ ଚାଲାଣ ହେଉଛନ୍ତି ଯୁବତୀ

ପୁରୀ ଅଫିସ, ୨୨।୫ ପୁରୀରୁ ରାଜସ୍ଥାନକୁ ଯୁବତୀ ଚାଲାଣ ହେଉଥିବା ଜଣାପଡିଛି। ଗତ ୫ମାସ ମଧ୍ୟରେ ପୁରୀ ସହର ସମେତ ଆଖପାଖ ଅଞ୍ଚଳରୁ ପ୍ରାୟ ୪୦ଜଣ ଯୁବତୀ ଚାଲାଣ ହୋଇଥିବା ଜଣାପଡିଛି। କେବଳ ବାସେଳିସାହି ଥାନା ଅଧୀନ ପାର୍ବତୀପୁର ଅଞ୍ଚଳରୁ ଗତ କିଛିଦିନ ମଧ୍ୟରେ ୭ ଜଣ ଯୁବତୀ ଚାଲାଣ ହୋଇଥିବା ସ୍ଥାନୀୟ ଲୋକଙ୍କଠାରୁ ଜଣାପଡିଛି।

ଭିଜିଲାନ୍ସ ଜାଲରେ ପ୍ରଧାନଶିକ୍ଷକ: ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢ଼ାଉ ଜାରି

ଭିଜିଲାନ୍ସ ଜାଲରେ ପ୍ରଧାନଶିକ୍ଷକ: ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢ଼ାଉ ଜାରି

କୁଆଁରମୁଣ୍ଡା,୨୨।୫(ଡି.ଏନ୍‌.ଏ.): ଏଥର ଭିଜିଲାନ୍ସ ଜାଲରେ ଛନ୍ଦି ହୋଇଛନ୍ତି ପ୍ରଧାନଶିକ୍ଷକ। ସୁନ୍ଦରଗଡ଼ ଜିଲା ବିରମିତ୍ରପୁର ପୌରପାଳିକା ଅନ୍ତର୍ଗତ ରାଏବଗା ରୋଡ଼ ଅଞ୍ଚଳରେ ରହୁଥିବା ଜଲଙ୍ଗବିରା ପ୍ରୋଜେକ୍ଟ ୟୁପି ସ୍କୁଲର ପ୍ରଧାନଶିକ୍ଷକ ରାମଲାଲ ତନ୍ତିଙ୍କ ଘରେ ମଙ୍ଗଳବାର ଭୋର ୬ଟାରୁ ରାଉରକେଲ ଭିଜିଲାନ୍ସ ପକ୍ଷରୁ ଚଢ଼ାଉ ଜାରି ରହିଛି।

ପେଟ୍ରୋଲ ଡିଜେଲର ନମୁନା ସଂଗ୍ରହ

ପେଟ୍ରୋଲ ଡିଜେଲର ନମୁନା ସଂଗ୍ରହ

ଜିଲା ଯୋଗାଣ ବିଭାଗ ପକ୍ଷରୁ ସୋମବାର ମଧ୍ୟାହ୍ନରେ ଗୋପ-ବାଲିଘାଇ ରାସ୍ତା ଓ ଗୋପ-ଚାରିଛକ ରାସ୍ତାରେ ଥିବା ଦୁଇଗୋଟି ପେଟ୍ରୋଲ ପମ୍ପ ଉପରେ ଚଢ଼ାଉ କରାଯିବା ସହ ମାପ ଓଜନ ସମ୍ପର୍କରେ ତଦନ୍ତ କରାଯାଇଛି। ପ୍ରକାଶ ଯେ, କିଛିଦିନ ଧରି ଗୋପ ଅଞ୍ଚଳରେ ଥିବା କେତେକ ପେଟ୍ରୋଲ ପମ୍ପରେ ମାପ ଓଜନରେ ଠକେଇ ଓ ପେଟ୍ରୋଲ, ଡିଜେଲରେ ଅପମିଶ୍ରଣ ନେଇ ପୁରୀ ଜିଲାପାଳ ଅରବିନ୍ଦ ଅଗ୍ରୱାଲଙ୍କ ନିକଟରେ ଅଭିଯୋଗ ହୋଇଆସୁଥିଲା। ଜିଲାପାଳଙ୍କ ନିର୍ଦ୍ଦେଶରେ ସୋମବାର ଜିଲା ସହକାରୀ ଯୋଗାଣ ଅଧିକାରୀ ପୂର୍ଣ୍ଣଚନ୍ଦ୍ର ପାଣିଗ୍ରାହୀଙ୍କ ନେତୃତ୍ୱରେ ଏକ ୫ ଜଣିଆ ଟିମ୍‌ ପ୍ରଥମେ ଗଣେଶ୍ୱର ନିକଟରେ ଥିବା ପେଟ୍ରୋଲ ପମ୍ପ ଓ ଜମରା ନିକଟରେ ଥିବା ଏକ ପେଟ୍ରୋଲ ପମ୍ପ ଉପରେ ଚଢ଼ାଉ କରିଥିଲେ।

ଧନ ଦେଇପାରିବିନି, ଜିଇଥିବା ଯାଏ ସେବା ଦେଉଥିବି

ଧନ ଦେଇପାରିବିନି, ଜିଇଥିବା ଯାଏ ସେବା ଦେଉଥିବି

ଢେଙ୍କାନାଳ ଅଫିସ,୨୨ା୫ପାଠ ନ ପଢ଼ି ବି ସେ ଶିକ୍ଷିତ, ସଚେତନ। ସ୍ବାସ୍ଥ୍ୟ ବିଭାଗର କର୍ମଚାରୀ ନ ହୋଇ ମଧ୍ୟ କରୁଛନ୍ତି ସ୍ବାସ୍ଥ୍ୟସେବା। ପଞ୍ଚାୟତର ସରପଞ୍ଚ ନ ଥିଲେ ବି ଭାରତ ସରକାରଙ୍କଠାରୁ ପାଇଛନ୍ତି ଦକ୍ଷ ପଞ୍ଚାୟତ ପ୍ରତିନିଧି ପୁରସ୍କାର। ଢେଙ୍କାନାଳ ଜିଲାର ମହିଳାଙ୍କ ପାଇଁ ଏପରି ଆଦର୍ଶ ଓ ପ୍ରେରଣାର ଉତ୍ସ ପାଲଟିଛନ୍ତି ଭୁବନ ବ୍ଲକ ବାରୁଆଁ(ବି) ପଞ୍ଚାୟତ ମାଳୁଆଗୋଡା ଗ୍ରାମର ନୟନା ପାତ୍ର(୫୦)। ମହିଳା ସଶକ୍ତୀକରଣର ସୁଫଳ କ’ଣ ତାହା ତାଙ୍କଠାରୁ ପାଉଛନ୍ତି ଗ୍ରାମବାସୀ। ମାନବ ସେବାକୁ ବ୍ରତ କରିଥିବା ନୟନା ଗ୍ରାମର ପିଲାମାନଙ୍କୁ ଶିକ୍ଷିତ କରିବାକୁ ସ୍ବପ୍ନ ଦେଖିଛନ୍ତି। ସେହିପରି ଗ୍ରାମର ସାମାଜିକ, ଅର୍ଥନୈତିକ ବ୍ୟବସ୍ଥା ସଜାଡିବା, ନିଃସହାୟଙ୍କ ସେବା କରିବା ତାଙ୍କ ଜୀବନର ପ୍ରଧାନ କର୍ମ ପାଲଟିଯାଇଛି। ମାଳୁଆଗୋଡା ଗ୍ରାମର ନୟନ ନୟନା କୁହନ୍ତି, କାହାକୁ ଧନ ସିନା ଦେଇପାରିବିନି, ହେଲେ ଜିଇଁଥିବା ଯାଏ ସେବା ଦେଉଥିବି।

ଥଇଥାନ ପୂର୍ବରୁ ବ୍ୟବସାୟୀଙ୍କୁ ଉଚ୍ଛେଦ

ଥଇଥାନ ପୂର୍ବରୁ ବ୍ୟବସାୟୀଙ୍କୁ ଉଚ୍ଛେଦ

ବଇଣ୍ଡା, ୨୨ା୫ (ଡି.ଏନ.ଏ.)ଆଠମଲ୍ଲିକ ଉପଖଣ୍ଡର ମୁଖ୍ୟ ବ୍ୟବସାୟିକ ପେଣ୍ଠସ୍ଥଳୀ ବଇଣ୍ଡା ଛକରୁ ଘରଦ୍ୱାର, ଦୋକାନ ବଜାର ଉଚ୍ଛେଦ ପରେ ଏହା ଏକ ପ୍ରକାର ନିଶ୍ଚିହ୍ନ ହୋଇଯାଇଛି। ୫୫ ନମ୍ବର ଜାତୀୟ ରାଜପଥ ୪ ଲେନ୍‌ କରାଯିବାକୁ ଏହି ଉଚ୍ଛେଦ କରାଯାଇଥିବାବେଳେ କ୍ଷତିଗ୍ରସ୍ତଙ୍କୁ କ୍ଷତିପୂରଣ ପ୍ରଦାନ ତଥା ସେମାନଙ୍କୁ ଥଇଥାନ କରା ନ ଯାଇଥିବା ନେଇ ସେମାନେ ଅଭିଯୋଗ କରିଛନ୍ତି। ଏଥିଯୋଗୁ ଛକରେ ଦୋକାନ କରି ଜୀବିକା ନିର୍ବାହ କରୁଥିବା ପ୍ରାୟ ୩ ଶହ ବ୍ୟବସାୟୀ ରୋଜଗାର ହରାଇ ଦୁର୍ଦ୍ଦଶା ଭୋଗୁଛନ୍ତି। ସେପଟେ ଠିକାସଂସ୍ଥା ଓ ବିଦ୍ୟୁତ୍‌ ବିଭାଗ ଏନ୍‌ଜେନ୍‌ ଅଧିକାରୀ ଜୁଲମ କରୁଥିବା ଅଞ୍ଚଳବାସୀ ପ୍ରକାଶ କରିଛନ୍ତି।

ଜଳ ଯୋଗାଣ ଦାବିରେ ରାସ୍ତାରୋକୋ

ଜଳ ଯୋଗାଣ ଦାବିରେ ରାସ୍ତାରୋକୋ

ପରଜଙ୍ଗ,୨୨ା୫(ଡି.ଏନ.ଏ.)ପାନୀଳ ଜଳ ଯୋଗାଣ ଦାବିରେ ପରଜଙ୍ଗ ବ୍ଲକ କୁମୁସି ଗ୍ରାମର ବିଭିନ୍ନ ସାହି ବାସିନ୍ଦା ସୋମବାର ଭାଲୁମୁଣ୍ଡା-ଆଲୁଅଝରଣ ପୂର୍ତ୍ତ ବିଭାଗ ରାସ୍ତା ଅବରୋଧ କରିଥିଲେ। କୁମୁସି ଗ୍ରାମରେ ପାନୀୟ ଜଳ ପ୍ରକଳ୍ପ ଥାଇ ମଧ୍ୟ ଗ୍ରାମର ରଞ୍ଜିତନଗର, ଦୁର୍ଗାପୁର, ଦେଶିରଗଡ଼ି ସାହିର ଲୋକମାନେ ପାନୀୟ ଜଳ ପାଇବାରୁ ବଞ୍ଚିତ ହେଉଥିବା ଅଭିଯୋଗ ହୋଇଛି। ଏହାର ପ୍ରତିବାଦରେ ସାହିର ମହିଳାମାନେ ପୂର୍ବାହ୍ନ ୧୦ଟାରୁ ମଧ୍ୟାହ୍ନ ୧୨ଟା ପର୍ଯ୍ୟନ୍ତ ରାସ୍ତାରେ ଗରା, ମାଠିଆ ରଖି ଧାରଣାରେ ବସିଥିଲେ।