Dharitri News
ଅନ୍ତର୍ଜାତୀୟ |

ବୟସ ୭ ବର୍ଷ, କାମ ହୋମ୍‌ ଡେଲିଭରି

ବୟସ ୭ ବର୍ଷ, କାମ ହୋମ୍‌ ଡେଲିଭରି ପେଇଚିଙ୍ଗ,୨୩।୧: ସୋସିଆଲ ମିଡିଆରେ ଏବେ ଜଣେ ୭ ବର୍ଷ ପିଲାର ଭିଡିଓ ଭାଇରାଲ୍‌ ହେବାରେ ଲାଗିଛି। ଛୋଟ ପିଲାଟି ଘର ଘର ବୁଲି ଜିନିଷ ବିତରଣ କରୁଛି। ଯେଉଁ ବୟସରେ ସ୍କୁଲ ବ୍ୟାଗ୍‌ କାନ୍ଧରେ ପକାଇବା କଥା ସେ ବୟସରେ ଶିଶୁଟି ବିଭିନ୍ନ ଜିନିଷର ବୋଝ ବୋହି ହୋମ୍‌ ଡେଲିଭରି ଦେବା ସମସ୍ତଙ୍କୁ ଆଶ୍ଚର୍ଯ୍ୟ କରୁଛି। ଗଣମାଧ୍ୟମକୁ ଏକ ସାକ୍ଷାତ୍‌କାର ଦେବା ଅବସରରେ ପିଲାଟି ଦିନକୁ ଅତିକମରେ ୩୦ଟି ପାର୍ସଲ ଡେଲିଭରି ଦେବା କଥା କହିଛି। ଗ୍ରାହକମାନେ ପିଲାଟିକୁ ‘ଲିଟିଲ୍‌ ଲି’ ନାମରେ ଡାକୁଛନ୍ତି। ସୂଚନାଯୋଗ୍ୟ, ପିଲାଟି ୪ବର୍ଷ ତଳୁ ବାପାଙ୍କୁ ହରାଇବା ପରେ ତା’ ମାଆ ଦ୍ୱିତୀୟ ବିବାହ କରି ଅନ୍ୟତ୍ର ଚାଲିଯାଇଥିଲେ। ଫଳରେ ଶୁଶୁଟି ଅନାଥ ହୋଇ ଯାଇଥିଲା। ତାକୁ ପାଳନ କରୁଥିବା ଜଣେ ବ୍ୟକ୍ତି ହୋମ୍‌ ଡେଲିଭରି କାମ କରୁଥିବା ବେଳେ ଶିଶୁଟି ମଧ୍ୟ ଏହି କାମରେ ନିଜକୁ ଲଗାଇ ଦେଇଛି। ଏହି କାମ ତାକୁ ବେଶ୍‌ ପସନ୍ଦ ଆସୁଛି ଓ ଭବିଷ୍ୟତରେ ସେ ଏହି କାମ କରିବ ବୋଲି କହୁଛି। ହେଲେ ଗ୍ରାହକମାନେ ପିଲାଟି ଅନାଥ ଜାଣିବା ପରେ କିଛି କିଛି ଅର୍ଥ ସଂଗ୍ରହ କରି ତାକୁ ସ୍କୁଲ ଯିବାପାଇଁ ସାହାଯ୍ୟ କରୁଛନ୍ତି। ଏବେ ସରକାର ଶିଶୁଟିର ମାଆଙ୍କୁ ଖୋଜୁଛନ୍ତି। ଯଦି ତା’ମାଆ ମିଳିଯାଆନ୍ତି ତେବେ ତାଙ୍କ ହାତରେ ପିଲାଟିକୁ ଦେଲେ ତା’ର ଭବିଷ୍ୟତ ଗଢିହେବ ବୋଲି ସରକାର ଚିନ୍ତା କରିଛନ୍ତି।

ଅନ୍ତର୍ଜାତୀୟ |

ଆସନ୍ତା ମାସରେ ନେପାଳ ରାଷ୍ଟ୍ରପତି ଓ ଉପରାଷ୍ଟ୍ରପତି ନିର୍ବାଚନ

ଆସନ୍ତା ମାସରେ ନେପାଳ ରାଷ୍ଟ୍ରପତି ଓ ଉପରାଷ୍ଟ୍ରପତି ନିର୍ବାଚନ

କାଠମାଣ୍ଡୁ,୨୩।୨: ଆସନ୍ତା ମାର୍ଚ୍ଚ ୧୩ ତାରିଖରେ ନେପାଳ ରାଷ୍ଟ୍ରପତି ଓ ଉପରାଷ୍ଟ୍ରପତି ନିର୍ବାଚନ ହେବ ବୋଲି ଶୁକ୍ରବାର ନେପାଳ ନିର୍ବାଚନ ଆୟୋଗ ଘୋଷଣା କରିଛନ୍ତି।

ଲାଇଭ୍‌ ଶୋ ସମୟରେ ମା’ହେଲେ ବେତାର ଉପସ୍ଥାପିକା

ଲାଇଭ୍‌ ଶୋ ସମୟରେ ମା’ହେଲେ ବେତାର ଉପସ୍ଥାପିକା

ଓ୍ବାଶିଂଟନ୍‌,୨୩।୨: ଆମେରିକାର ‘ଦ ଆର୍କ’ ନାମକ ଏକ ରେଡିଓ ଷ୍ଟେଶନରେ ଉପସ୍ଥାପିକା ଭାବେ କାମ କରୁଥିବା କ୍ୟାସିଡେ ପ୍ରୋକଟର ଲାଇଭ୍‌ ଶୋ କରୁଥିବା ସମୟରେ ଶିଶୁ ଜନ୍ମ ଦେବା ଏବେ ଚର୍ଚ୍ଚାର ବିଷୟ ପାଲଟିଛି।

ମସ୍‌ଜିଦ୍‌ ସାମ୍ନାରେ ‘ବୋର୍ଡ ଗେମ୍‌’ ଖେଳି ଅଡୁଆରେ ମୁସଲମାନ୍‌ ମହିଳା

ମସ୍‌ଜିଦ୍‌ ସାମ୍ନାରେ ‘ବୋର୍ଡ ଗେମ୍‌’ ଖେଳି ଅଡୁଆରେ ମୁସଲମାନ୍‌ ମହିଳା

ରିୟାଦ,୨୩।୨: ମକ୍କାର ପ୍ରସିଦ୍ଧ ମସ୍‌ଜିଦ ପ୍ରାଙ୍ଗଣରେ ୪ ମହିଳା ବୁର୍ଖା ପିନ୍ଧିଥିବାର ଫଟୋ ଏବେ ଭାଇରାଲ ହେବାରେ ଲାଗିଛି। ଏହାକୁ ନେଇ ଏବେ ବିବାଦ ମଧ୍ୟ ମୁଣ୍ଡ ଟେକିଲାଣି।

ଏଚ୍‌-୧-ବି ଭିଜା ଅନୁମୋଦନରେ କଡା ଆଇନ: ଭାରତୀୟ ଆଇଟି କମ୍ପାନୀ ପ୍ରଭାବିତ ହେବା ଆଶଙ୍କା

ଏଚ୍‌-୧-ବି ଭିଜା ଅନୁମୋଦନରେ କଡା ଆଇନ: ଭାରତୀୟ ଆଇଟି କମ୍ପାନୀ ପ୍ରଭାବିତ ହେବା ଆଶଙ୍କା

ଓ୍ବାଶିଂଟନ/ନୂଆଦିଲ୍ଲୀ, ୨୩।୨: ଆମେରିକା ଏହାର ଏଚ୍‌-୧-ବି ଭିଜା ଅନୁମୋଦନ ପାଇଁ କେତେକ କଡା ଆଇନକୁ ଅନ୍ତର୍ଭୁକ୍ତ କରିଛି। ଏହାଦ୍ୱାରା ଭାରତୀୟ ସୂଚନାପ୍ରଯୁକ୍ତି(ଆଇଟି) କମ୍ପାନୀ ପ୍ରଭାବିତ ହେବା ଆଶଙ୍କା ସୃଷ୍ଟି ହୋଇଛି। ନୂଆ ଆଇନ ଅନୁସାରେ କମ୍ପାନୀଗୁଡିକୁ ସେମାନଙ୍କର କର୍ମଚାରୀମାନେ ଥାର୍ଡ-ପାର୍ଟି କାର୍ଯ୍ୟକ୍ଷେତ୍ରରେ ନିଯୁକ୍ତି ହୋଇଥିବା ଦର୍ଶାଇବାକୁ ପଡିବ। ଏହା ସହିତ ନିଦ୍ଦିଷ୍ଟ ଶିକ୍ଷାଗତ ଯୋଗ୍ୟତା ସମ୍ପର୍କରେ ମଧ୍ୟ କେତେକ ସୂଚନା ଦାଖଲ କରିବାକୁ ପଡିବ।

ଆଫଗାନୀସ୍ତାନ ପ୍ରସଙ୍ଗରେ ଭାରତ ଭୂମିକାକୁ ପେଣ୍ଟାଗନର ପ୍ରଶଂସା

ଆଫଗାନୀସ୍ତାନ ପ୍ରସଙ୍ଗରେ ଭାରତ ଭୂମିକାକୁ ପେଣ୍ଟାଗନର ପ୍ରଶଂସା

ଓ୍ବାଶିଂଟନ, ୨୩।୨: ଆଫଗାନୀସ୍ତାନ ପ୍ରସଙ୍ଗରେ ଭାରତର ଉଲ୍ଲେଖନୀୟ ଭୂମିକାକୁ ଆମେରିକା ପ୍ରତିରକ୍ଷା ବିଭାଗ ପ୍ରଶଂସା କରିଛି। ଗୃହଯୁଦ୍ଧଗ୍ରସ୍ତ ଆଫଗାନୀସ୍ତାନରେ ଶାନ୍ତି ସ୍ଥାପନ ପାଇଁ ଭାରତର ପ୍ରୟାସ ଗୁରୁତ୍ୱପୂର୍ଣ୍ଣ ରହିଛି ବୋଲି ପେଣ୍ଟାଗନ ମୁଖ୍ୟ ମୁଖପାତ୍ର ଡାନା ଓ୍ବାଇଟ୍‌ ସୂଚିତ କରିଛନ୍ତି। ଆମେରିକା ଆଫଗାନୀସ୍ତାନରେ ବିକାଶ କାର୍ଯ୍ୟ ଜାରି ରଖିଥିବାବେଳେ ଭାରତ ଏଥିରେ ସହାୟତା କରୁଛି।

ଭାରତର ଅଭିବୃଦ୍ଧି ହାର ହ୍ରାସ ପାଇଁ ବିମୁଦ୍ରୀକରଣ ଓ ଜିଏସ୍‌ଟି ଦାୟୀ: ଟ୍ରମ୍ପ୍‌ ପ୍ରଶାସନ

ଭାରତର ଅଭିବୃଦ୍ଧି ହାର ହ୍ରାସ ପାଇଁ ବିମୁଦ୍ରୀକରଣ ଓ ଜିଏସ୍‌ଟି ଦାୟୀ: ଟ୍ରମ୍ପ୍‌ ପ୍ରଶାସନ

ଓ୍ବାଶିଂଟନ/ନୂଆଦିଲ୍ଲୀ, ୨୨।୨: ଭାରତର ଅଭିବୃଦ୍ଧି ହ୍ରାସ ପାଇଁ ବିମୁଦ୍ରୀକରଣ ଓ ନୂତନ ଟିକସ ପ୍ରଣାଳୀ ଜିଏସ୍‌ଟି ଦାୟୀ ବୋଲି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍‌ ପ୍ରଶାସନ ସୂଚିତ କରିଛି। ୨୦୧୭ର ପ୍ରଥମ ତ୍ରୟମାସରେ ଭାରତ ସମେତ ୪ଟି ରାଷ୍ଟ୍ର ସହିତ ଆମେରିକାର ଦ୍ୱିପାକ୍ଷିକ କାରବାର ହ୍ରାସ ପାଇବା ସହିତ ବିର୍ତ୍ତୀୟ ନିଅଣ୍ଟ ୨୦୧୬ ତୁଳନାରେ ବୃଦ୍ଧି ପାଇଥିଲା।

 ନୌସେନାର ଶକ୍ତି ବୃଦ୍ଧି: ବ୍ରିଟେନ୍‌ରୁ ଆସିବ ସବ୍‌ମେରାଇନ୍‌ ରେସ୍‌କ୍ୟୁ ସିଷ୍ଟମ

ନୌସେନାର ଶକ୍ତି ବୃଦ୍ଧି: ବ୍ରିଟେନ୍‌ରୁ ଆସିବ ସବ୍‌ମେରାଇନ୍‌ ରେସ୍‌କ୍ୟୁ ସିଷ୍ଟମ

ଲଣ୍ଡନ/ନୂଆଦିଲ୍ଲୀ, ୨୨।୨: ଭାରତୀୟ ନୌସେନାର ଶକ୍ତି ବୃଦ୍ଧି କରିବାକୁ ଯୋଜନା କରାଯାଇଛି। ଏଥିପାଇଁ ନୌସେନାକୁ ବ୍ରିଟେନ୍‌ ସବ୍‌ମେରାଇନ୍‌ ରେସକ୍‌ୟୁ ସିଷ୍ଟମ୍‌ ଯୋଗାଇଦେବ। ଆସନ୍ତା ମାସରେ ଏହା ନୌସେନାକୁ ମିଳିବାର ସମ୍ଭାବନା ରହିଛି। ସ୍କଟଲ୍ୟାଣ୍ଡ କମ୍ପାନୀ ଜେଏଫ୍‌ଡି ଭାରତକୁ ଏହା ଯୋଗାଇଦେବ। ଭାରତୀୟ ନୌସେନା ସହିତ ଏନେଇ ଜେଏଫ୍‌ଡି ୧୯୩ ନିୟୁତ ପାଉଣ୍ଡର ଚୁକ୍ତି ସ୍ବାକ୍ଷରିତ କରିଥିଲା।

ଆମେରିକା ଦୂତାବାସ ଉପରେ ଆତ୍ମଘାତି ଆକ୍ରମଣ

ଆମେରିକା ଦୂତାବାସ ଉପରେ ଆତ୍ମଘାତି ଆକ୍ରମଣ

ଓ୍ବାଶିଂଟନ୍‌,୨୨।୨: ୟୁରୋପ ମଣ୍ଟିନିଗ୍ରୋରର ରାଜଧାନୀ ପାଣ୍ଡଗୋରିକା ସ୍ଥିତ ଆମେରିକା ଦୂତାବାସ ପରିସରରେ ଏକ ଆତ୍ମଘାତି ବିସ୍ଫୋରଣ ଘଟିଛି।

ଶିକ୍ଷକ ରଖନ୍ତୁ ମାରଣାସ୍ତ୍ର: ଡୋନାଲ୍ଡ ଟ୍ରମ୍ପ୍‌

ଶିକ୍ଷକ ରଖନ୍ତୁ ମାରଣାସ୍ତ୍ର: ଡୋନାଲ୍ଡ ଟ୍ରମ୍ପ୍‌

ଓ୍ବାଶିଂଟନ୍‌,୨୨।୨: ଫ୍ଲୋରିଡା ସ୍କୁଲ ଗୁଳିକାଣ୍ଡ ଘଟଣା ପରେ ଏଥିରୁ ବର୍ତ୍ତିଯାଇଥିବା ପିଲାମାନଙ୍କୁ ଭେଟିବାକୁ ଯାଇ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍‌ ଭାବବିହ୍ବଳ ହୋଇଯାଇଥିଲେ।

ଖାଲକୁ ଖସିଲା ବସ୍‌: ୪୪ ମୃତ

ଖାଲକୁ ଖସିଲା ବସ୍‌: ୪୪ ମୃତ

ଲିମା,୨୨।୨: ପେରୁର ଆରୋକ୍ୱିପା ଅଞ୍ଚଳରେ ଏକ ମର୍ମନ୍ତୁଦ ବସ୍‌ ଦୁର୍ଘଟଣା ଫଳରେ ୪୪ ଜଣଙ୍କ ମୃତ୍ୟୁ ହେବା ସହ ୨୪ ଆହତ ହୋଇଥିବା ସୂଚନା ମିଳିଛି।

ବୋକୋ ହାରାମ କବଳରୁ ୮୦ ସ୍କୁଲ ଛାତ୍ରୀ ମୁକ୍ତ, ୪୦ରୁ ଅଧିକ ନିଖୋଜ

ବୋକୋ ହାରାମ କବଳରୁ ୮୦ ସ୍କୁଲ ଛାତ୍ରୀ ମୁକ୍ତ, ୪୦ରୁ ଅଧିକ ନିଖୋଜ

ଆବୁଜା, ୨୨।୨: ନାଇଜେରିଆରେ ବୋକୋ ହାରାମ ମୌଳବାଦୀ ସଂଗଠନ ଦ୍ୱାରା ଅପହୃତ ହୋଇଥିବା ୮୦ ଜଣ ସ୍କୁଲ ଛାତ୍ରୀଙ୍କୁ ମୁକ୍ତ କରାଯାଇଛି। ଏବେ ମଧ୍ୟ ୪୦ ଜଣ ଛାତ୍ରୀଙ୍କର କୌଣସି ଖୋଜ ଖବର ମିଳି ନାହିଁ ବୋଲି ପ୍ରଶାସନ ପକ୍ଷରୁ ସୂଚିତ କରାଯାଇଛି। ମୁକ୍ତ ଛାତ୍ରୀମାନଙ୍କୁ ୟୋବାସ୍ଥିତ ଗୈଦାମ୍‌ ସେନା ଶିବିରଙ୍କୁ ନିଆଯାଇଛି। ସେମାନଙ୍କର ସ୍ବାସ୍ଥ୍ୟ ପରୀକ୍ଷା ଜାରି ରହିଛି।

ଆମେରିକାରେ ଯୋଗାସନ କାର୍ଯ୍ୟକ୍ରମ: ସାମିଲ୍‌ ହେଲେ ୧୧ ହଜାର ଲୋକ

ଆମେରିକାରେ ଯୋଗାସନ କାର୍ଯ୍ୟକ୍ରମ: ସାମିଲ୍‌ ହେଲେ ୧୧ ହଜାର ଲୋକ

ଓ୍ବାଶିଂଟନ, ୨୧।୨: ଆମେରିକାରେ ଆୟୋଜିତ ହୋଇଥିବା ଯୋଗାସନ କାର୍ଯ୍ୟକ୍ରମରେ ୧୧ ହଜାର ଲୋକ ସାମିଲ୍‌ ହୋଇ ବିଭିନ୍ନ ଯୋଗାସନ କରିଛନ୍ତି। ସୂର୍ଯ୍ୟ ନମସ୍କାରରୁ ଆରମ୍ଭ କରି ଅନ୍ୟାନ୍ୟ ଯୋଗାସନ ସେମାନେ କରିଛନ୍ତି। ସୁସ୍ଥ ଓ ନିରୋଗ ଶରୀର ପାଇଁ ଯୋଗର ଭୂମିକା ସମ୍ପର୍କରେ ଉପସ୍ଥିତ ଲୋକଙ୍କୁ ଅବଗତ କରାଯାଇଥିଲା।