ମେଟ୍ରୋ |

ପଲିଥିନଜନିତ ପ୍ରଦୂଷଣକୁ ନେଇ ଏନ୍‌ଜିଟିଙ୍କ ଅସନ୍ତୋଷ

ପଲିଥିନଜନିତ ପ୍ରଦୂଷଣକୁ ନେଇ ଏନ୍‌ଜିଟିଙ୍କ ଅସନ୍ତୋଷ

ପୁରୀ ଅଫିସ, ୨୨।୧: ପୁରୀ ସହରରେ ପଲିଥିନ ଏବଂ ପ୍ରଦୂଷଣକୁ ନେଇ ଅସନ୍ତୋଷ ବ୍ୟକ୍ତି କରିଛନ୍ତି ଜାତୀୟ ଗ୍ରୀନ ଟ୍ରିବ୍ୟୁନାଲ (ଏନ୍‌ଜିଟି)। ପଲିଥିନ ବ୍ୟବହାର ରୋକିବା ସହ ଉଲ୍ଲଂଘନକାରୀଙ୍କ ବିରୋଧରେ ଆଇନ ଅନୁଯାୟୀ ଦୃଢ଼ ପଦକ୍ଷେପ ନେବାକୁ ପୁରୀ ପୌରସଂସ୍ଥାକୁ ଏନ୍‌ଜିଟି ନିର୍ଦ୍ଦେଶ ଦେଇଛନ୍ତି।
ପୁରୀ ସହରର ବିଭିନ୍ନ ସମସ୍ୟାକୁ ନେଇ ୨୦୧୩ରୁ ଏନ୍‌ଜିଟି (କଲିକତା)ରେ ଏକ ମାମଲା ବିଚାରାଧୀନ ରହିଛି। କଲିକତାର ସୁବାସ ଦତ୍ତଙ୍କ ପକ୍ଷରୁ ରୁଜୁ ଏହି ମାମଲାର ସୋମବାର ଶୁଣାଣି ଥିଲା। ଜଷ୍ଟିସ ଏସ୍‌.ପି. ୱାଙ୍ଗଡିଙ୍କ ଟ୍ରିବ୍ୟୁନାଲରେ ଏହାର ଶୁଣାଣି ହୋଇଥିଲା। ପୁରୀ ସହରର ସରକାରୀ ଓ ଘରୋଇ କୋଠାଗୁଡିକରେ ବର୍ଷାଜଳ ଅମଳ ପ୍ରକଳ୍ପ ବାଧ୍ୟତାମୂଳକ କରିବା ଲାଗି ଏନ୍‌ଜିଟିଙ୍କ ନିର୍ଦ୍ଦେଶ ରହିଥିବା ବେଳେ ତାହାକୁ କାର୍ଯ୍ୟକାରୀ କରାଯାଇ ନ ଥିବାରୁ ଅସନ୍ତୋଷ ବ୍ୟକ୍ତ କରିଥିଲେ। ପର୍ଯ୍ୟାୟକ୍ରମେ ବର୍ଷାଜଳ ଅମଳ ପ୍ରକଳ୍ପ କରାଯିବାକୁ ପୁରୀ କୋଣାର୍କ ଉନ୍ନୟନ କର୍ତ୍ତୃପକ୍ଷ (ପିକେଡିଏ) ପକ୍ଷରୁ ସତ୍ୟପାଠ ଦାଖଲ କରାଯାଇଥିଲା। ଏହାକୁ ନେଇ ଟ୍ରିବ୍ୟୁନାଲ ଅସନ୍ତୋଷ ବ୍ୟକ୍ତ କରିବା ସହିତ କେତେ ଦିନ ମଧ୍ୟରେ ବର୍ଷା ଜଳ ଅମଳ ପ୍ରକଳ୍ପ ସରକାରୀ ଏବଂ ଘରୋଇ କୋଠାରେ ସ୍ଥାପନ ହେବ ତାହା ନିର୍ଦ୍ଧାରଣ କରି ସତ୍ୟପାଠ ମାଧ୍ୟମରେ ଦାଖଲ କରିବା ଲାଗି ପିକେଡିଏକୁ ନିର୍ଦ୍ଦେଶ ରହିଛି। ସମୁଦ୍ର ପାଣିକୁ ପ୍ରକ୍ରିୟାକରଣ କରି ପୁରୀ ସହରବାସୀଙ୍କୁ ମଧୁରଜଳ ଯୋଗାଇବାକୁ ଏନ୍‌ଜିଟି ନଭେମ୍ବର ୨ତାରିଖ ଶୁଣାଣି ବେଳେ କହିଥିଲେ। ପୁରୀ ଡିସାଲିନେଶନ ପ୍ଲାଣ୍ଟ (ସମୁଦ୍ର ଜଳକୁ ପ୍ରକ୍ରିୟାକରଣ କରି ମଧୁର ଜଳ କରିବା) ସ୍ଥାପନ ଲାଗି ମଧ୍ୟ ମତ ରଖିଥିଲେ। ଏ ସଂକ୍ରାନ୍ତରେ ସର୍ଭେ ରିପୋର୍ଟ ଦାଖଲ କରିବା ଲାଗି ଜନସ୍ବାସ୍ଥ୍ୟ ବିଭାଗକୁ ନିର୍ଦ୍ଦେଶ ଦେଇଥିଲେ। ସୋମବାରର ଶୁଣାଣି ବେଳେ ଏ ସମ୍ପର୍କରେ ରାଜ୍ୟ ସରକାରଙ୍କ ପକ୍ଷରୁ ସତ୍ୟାପାଠ ଦାଖଲ କରାଯାଇଛି। ପୁରୀ ସହରକୁ ଜଳଯୋଗାଣ ପାଇଁ ସମଙ୍ଗ ପାନୀୟ ଜଳ ପ୍ରକଳ୍ପ ସ୍ଥାପନ କରାଯାଇଥିବାରୁ ଡିସାଲିନେଶନ ପ୍ଲାଣ୍ଟର ଆବଶ୍ୟକତା ନ ଥିବା ସତ୍ୟପାଠ ମାଧ୍ୟମରେ ସରକାର ଟ୍ରିବ୍ୟୁନାଲଙ୍କୁ ଅବଗତ କରିଛନ୍ତି। ଅନ୍ୟପକ୍ଷରେ ସମୁଦ୍ରକୂଳଠାରୁ ୨ମିଟର ଅଞ୍ଚଳରେ ବୋରୱେଲ ତଥା ଗଭୀର ନଳକୂପ ଖନନ କରି ଜଳ ଉତ୍ତୋଳନ କରାଯାଇପାରିବ ନାହିଁ ବୋଲି ନିୟମ ରହିଛି। ଏହାକୁ କଡ଼ାକଡ଼ି ଭାବେ ପାଳନ କରିବାକୁ ଏନ୍‌ଜିଟି ନିର୍ଦ୍ଦେଶ ଦେଇଥିଲେ। ନିର୍ଦ୍ଦେଶର ଅନୁପାଳନ ହେଉ ନ ଥିବାରୁ ଏନଜିଟି ଅସନ୍ତୋଷ ବ୍ୟକ୍ତି କରିଛନ୍ତି।
ଅନ୍ୟପକ୍ଷରେ ପୌରସଂସ୍ଥାକୁ ଏନ୍‌ଜିଟି କେତେକ ନିର୍ଦ୍ଦେଶ ଦେଇଥିଲେ। ଶୁଣାଣି ବେଳେ ପୌରସଂସ୍ଥା ଏହା କାର୍ଯ୍ୟକାରୀ କରିବା ଲାଗି ଅଧିକୃତ ନୁହେଁ ବୋଲି ଦର୍ଶାଇବା ପରେ ତାହାକୁ ପିକେଡିଏକୁ କାର୍ଯ୍ୟକାରୀ କରିବାକୁ ନିର୍ଦ୍ଦେଶ ଦିଆଯାଇଛି। ଆସନ୍ତା ତାରିଖ ପୂର୍ବରୁ ପିକେଡିଏ ଏବଂ ରାଜ୍ୟ ସରକାର ସତ୍ୟପାଠ ଦାଖଲ କରିବେ। ମାମଲାର ପରବର୍ତ୍ତୀ ଶୁଣାଣି ମାର୍ଚ୍ଚ ୯ ତାରିଖକୁ ଧାର୍ଯ୍ୟ ହୋଇଛି।

All Right Reserved By

Model This Week

ସୌମ୍ୟ

ମେଟ୍ରୋ |

କଟକର ଚା ଦୋକାନୀଙ୍କୁ ମୋଦିଙ୍କ ପ୍ରଶଂସା

କଟକର ଚା ଦୋକାନୀଙ୍କୁ ମୋଦିଙ୍କ ପ୍ରଶଂସା

କଟକ ଅଫିସ, ୨୭।୫-ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ମନ୍‌ କୀ ବାତ୍‌ରେ ଶୁଣିବାକୁ ମିଳିଛି କଟକର ଚା ଦୋକାନୀ ଡି. ପ୍ରକାଶ ରାଓଙ୍କ ଗୁଣଗାନ। ଗତ ୨୬ ତାରିଖରେ ମୋଦି କଟକ ଆସିଥିବା ବେଳେ ପ୍ରକାଶ ତାଙ୍କୁ ସଭାମଞ୍ଚ ନିକଟରେ ନିର୍ମିତ କ୍ୟାମ୍ପ ଅଫିସରେ ଭେଟିଥିଲେ।

ଏସ୍‌ପିମାନଙ୍କୁ କ୍ରାଇମବ୍ରାଞ୍ଚର ମାର୍ଗଦର୍ଶିକା ଜାରି , ତଥ୍ୟ ପ୍ରମାଣ ସହ ଚାର୍ଜଶିଟ୍‌ ଦାଖଲ ଉପରେ ଗୁରୁତ୍ୱ

ଏସ୍‌ପିମାନଙ୍କୁ କ୍ରାଇମବ୍ରାଞ୍ଚର ମାର୍ଗଦର୍ଶିକା ଜାରି , ତଥ୍ୟ ପ୍ରମାଣ ସହ ଚାର୍ଜଶିଟ୍‌ ଦାଖଲ ଉପରେ ଗୁରୁତ୍ୱ

କଟକ ଅଫିସ,୨୭।୫-ଇତିମଧ୍ୟରେ ଦଣ୍ଡବିଧାନ ହେଉଥିବା ମାମଲାଗୁଡିକର ତଦନ୍ତକାରୀ ଅଧିକାରୀମାନଙ୍କୁ ଓଡିଶା ପୋଲିସ ପକ୍ଷରୁ ସମ୍ମାନିତ କରାଯାଉଛି। ଅନେକ ସମୟରେ ଚାର୍ଜଶିଟ୍‌ ଅଦାଲତରେ ଦାଖଲ କରିବାରେ ବିଳମ୍ବ ହେଉଛି। ଏଣୁ ନିର୍ଦ୍ଦିଷ୍ଟ ସମୟ ମଧ୍ୟରେ ଏବଂ ଉପଯୁକ୍ତ ତଥ୍ୟ ପ୍ରମାଣ ସହିତ ଚାର୍ଜଶିଟ ଦାଖଲ ଉପରେ ଗୁରୁତ୍ୱ ଦିଆଯାଇଛି।

ଆତଙ୍କ ଖେଳାଉଛି ସୋସିଆଲ ମିଡିଆ ଗୁଜବ , ପିଲା ଚୋର ସନ୍ଦେହ

ଆତଙ୍କ ଖେଳାଉଛି ସୋସିଆଲ ମିଡିଆ ଗୁଜବ , ପିଲା ଚୋର ସନ୍ଦେହ

ଭୁବନେଶ୍ୱର, ୨୭।୫(ବ୍ୟୁରୋ)- ବିହାରରୁ ପାଖାପାଖି ୫୦୦ଲୋକ ଓଡିଶାକୁ ପଳାଇ ଆସିଛନ୍ତି। ସେମାନେ ଓଡିଶାରୁ ପିଲା ଚୋରି କରି ନେଇଯାଉଛନ୍ତି। ଘରେ ପଶି ଲୋକଙ୍କୁ ହତ୍ୟା କରି ସେମାନଙ୍କ ଅଙ୍ଗପ୍ରତ୍ୟଙ୍ଗ କାଢ଼ି ନେଉଛନ୍ତି। ଏଥିପାଇଁ ସବୁ ଜିଲାକୁ ଆଲର୍ଟ କରାଯାଇଛି।

ଦୁଇ ହାଇଓ୍ବା ମଧ୍ୟରେ ମୁହଁାମୁହିଁ ଧକ୍କା ,ଜଣେ ଚାଳକ ମୃତ, ଅନ୍ୟ ଜଣେ ଫେରାର୍‌

ଦୁଇ ହାଇଓ୍ବା ମଧ୍ୟରେ ମୁହଁାମୁହିଁ ଧକ୍କା ,ଜଣେ ଚାଳକ ମୃତ, ଅନ୍ୟ ଜଣେ ଫେରାର୍‌

ବାରଙ୍ଗ,୨୭।୫(ଡି.ଏନ୍‌.ଏ.)- ବାରଙ୍ଗ ଥାନା ଅଧୀନ ବ୍ଲକ ଗଡ଼ା ନିକଟରେ ଶନିବାର ବିଳମ୍ବିତ ରାତି ପ୍ରାୟ ୩ଟାରେ ଦୁଇଟି ହାଇଓ୍ବା ମଧ୍ୟରେ ମୁହଁାମୁହିଁ ଧକ୍କା ହୋଇ ଜଣେ ଚାଳକ ଗୁରୁତର ଆହତ ହୋଇଥିଲେ। ତାଙ୍କୁ ଉଦ୍ଧାର କରାଯାଇ କଟକ ବଡ଼ ଡାକ୍ତରଖାନାରେ ଭର୍ତ୍ତି କରାଯାଇଥିଲା।

ମହିଳାଙ୍କୁ ଆକ୍ରମଣ, ଯୁବକ ଗିରଫ

ମହିଳାଙ୍କୁ ଆକ୍ରମଣ, ଯୁବକ ଗିରଫ

ଭୁବନେଶ୍ୱର, ୨୭ା୫(ବ୍ୟୁରୋ)- ମହିଳାଙ୍କୁ ଆକ୍ରମଣ ଅଭିଯୋଗରେ ମଞ୍ଚେଶ୍ୱର ପୋଲିସ ଭଗବତୀ ବସ୍ତିର ଶଙ୍କର ଦାସ ନାମକ ଅଭିଯୁକ୍ତଙ୍କୁ ଗିରଫ କରିଛି। ଶନିବାର ମଧ୍ୟାହ୍ନରେ ଶଙ୍କର ଉକ୍ତ ବସ୍ତିର ଭାରତୀ ନାମ୍ନୀ ମହିଳାଙ୍କ ଘରେ ପଶି ତାଙ୍କୁ ଅଶ୍ଳୀଳ ଭାଷାରେ ଗାଳିଗୁଲଜ କରିବା ସହ ମାଡ ମାରିଥିଲେ।

ମୋବାଇଲ ଫୋନ ଚୋରି: ଯୁବକ ଗିରଫ

ମୋବାଇଲ ଫୋନ ଚୋରି: ଯୁବକ ଗିରଫ

ଭୁବନେଶ୍ୱର, ୨୭ା୫(ବ୍ୟୁରୋ)- ମୋବାଇଲ ଚୋରି ଅଭିଯୋଗରେ କ୍ୟାପିଟାଲ ଥାନା ପୋଲିସ ଖୋର୍ଦ୍ଧା ଜିଲା ରାଜସୁନାଖଳା ଅଞ୍ଚଳର ସର୍ବେଶ୍ୱର ନାୟକଙ୍କୁ ଗିରଫ କରି କୋର୍ଟ ଚାଲାଣ କରିଛି। ଶନିବାର ରାତିରେ ସନ୍ତୋଷ ତ୍ରିବେଦୀ ନାମକ ଜଣେ ବ୍ୟକ୍ତି ଭୁବନେଶ୍ୱର ରେଳ ଷ୍ଟେଶନରୁ ବାହାରକୁ ଆସୁଥିବାବେଳେ ସର୍ବେଶ୍ୱର ତାଙ୍କୁ ପିଛା କରିଥିଲେ।

ଭାଜପା କାର୍ଯ୍ୟାଳୟ ଆଗରେ ବୋମାମାଡ଼ ଘଟଣା , ଜେଲ ଗଲେ ୨ ଅଭିଯୁକ୍ତ

ଭାଜପା କାର୍ଯ୍ୟାଳୟ ଆଗରେ ବୋମାମାଡ଼ ଘଟଣା , ଜେଲ ଗଲେ ୨ ଅଭିଯୁକ୍ତ

ଭୁବନେଶ୍ୱର, ୨୭ା୫(ବ୍ୟୁରୋ)- ରାମ ମନ୍ଦିର ନିକଟରେ ଥିବା ଭାଜପାର ରାଜ୍ୟ କାର୍ଯ୍ୟାଳୟ ଆଗରେ ବୋମାମାଡ ଘଟଣାରେ ୨ ଅଭିଯୁକ୍ତଙ୍କୁ ରବିବାର ଖାରବେଳନଗର ପୋଲିସ କୋର୍ଟ ଚାଲାଣ କରିଛି। ସେମାନେ ହେଲେ ଫୁଲନଖରା ରାଇପୁର ଅଞ୍ଚଳର ପିନାକୀ ମହାନ୍ତି(୩୫) ଓ ବିଶ୍ୱଜିତ୍‌ ମଲ୍ଲିକ। ଜାମିନ ନାମଞ୍ଜୁର ହେବାରୁ ଉଭୟଙ୍କୁ ଝାରପଡା

ଶ୍ରୀମନ୍ଦିରରେ ଖସାପଡ଼ା ନୀତି ଆଜି : ୪ ଘଣ୍ଟା ବନ୍ଦ ରହିବ ଦର୍ଶନ

ଶ୍ରୀମନ୍ଦିରରେ ଖସାପଡ଼ା ନୀତି ଆଜି : ୪ ଘଣ୍ଟା ବନ୍ଦ ରହିବ ଦର୍ଶନ

ପୁରୀ ଅଫିସ,୨୭।୫: ସୋମବାର ଶ୍ରୀମନ୍ଦିରରେ ମହାପ୍ରଭୁଙ୍କ ଖସାପଡ଼ା ନୀତି ଅନୁଷ୍ଠିତ ହେବ। ଏଥିପାଇଁ ଅପରାହ୍ନ ୫ଟାରୁ ରାତି ୯ଟା ପର୍ଯ୍ୟନ୍ତ ୪ ଘଣ୍ଟା ଦର୍ଶନ ବନ୍ଦ ରହିବ। ଏ ସମ୍ପର୍କରେ ଶ୍ରୀମନ୍ଦିର ଲୋକ ସମ୍ପର୍କ ଅଧିକାରୀ ଲକ୍ଷ୍ମୀଧର ପୂଜାପଣ୍ଡା କହିଛନ୍ତି, ଏହା ଏକ ଗୁପ୍ତ ନୀତି। ତେଣୁ ଏହି ସମୟରେ ଶ୍ରଦ୍ଧାଳୁମାନେ ମହାପ୍ରଭୁଙ୍କୁ ଦର୍ଶନ କରିପାରିବେ ନାହିଁ।

ସରିଲା ଅଖ କାମ

ସରିଲା ଅଖ କାମ

ପୁରୀ ଅଫିସ,୨୭।୫: ଅକ୍ଷୟ ତୃତୀୟାଠାରୁ ଆରମ୍ଭ ହୋଇଥିବା ରଥକାମ ଇତିମଧ୍ୟରେ ୩୯ ଦିନରେ ପହଞ୍ଚତ୍ଛି। ରଥଖଳାରେ ଗୋଟିଏ ପରେ ଗୋଟିଏ କାମ ଆଗେଇ ନେଉଛନ୍ତି ମହାରଣା ସେବକ। ଭୋଇ ସେବକ, କରତି ସେବକ ଓ କମାର ସେବକ ସହଯୋଗ କରୁଛନ୍ତି।

ମୋଦିଙ୍କ ଭାଷଣକୁ ବିଭ୍ରାନ୍ତିକର କହିଲେ ବିଜୟ

ମୋଦିଙ୍କ ଭାଷଣକୁ ବିଭ୍ରାନ୍ତିକର କହିଲେ ବିଜୟ

ଭୁବନେଶ୍ୱର,୨୭।୫(ବ୍ୟୁରୋ): କଟକ କିଲ୍ଲା ପଡିଆଠାରେ ଶନିବାର ଅନୁଷ୍ଠିତ ଭାଜପାର ଜନକଲ୍ୟାଣ ସମାବେଶ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମହାନଦୀ ପ୍ରସଙ୍ଗରେ ସ୍ପଷ୍ଟ ମତ ରଖି ନ ଥିବା ଦଳର ବରିଷ୍ଠ ନେତା ବିଜୟ ମହାପାତ୍ର କହିଛନ୍ତି। ସେ କହିଛନ୍ତି, ମହାନଦୀ ଓଡ଼ିଶାବାସୀଙ୍କର ସ୍ପର୍ଶକାତର ବିଷୟ। ରାଜ୍ୟବାସୀ ଯାହା ଆଶା କରିଥିଲେ, ମୋଦି ତାଙ୍କ ଭାଷଣରେ ସେଭଳି କିଛି କହିଲେ ନାହିଁ।

ସୋସିଆଲ ମିଡିଆରେ ପିଲାଚୋର ଗ୍ୟାଙ୍ଗ ଘୂରି ବୁଲୁଥିବା ଘଟଣା ଗୁଜବ: ଡିଜି

ସୋସିଆଲ ମିଡିଆରେ ପିଲାଚୋର ଗ୍ୟାଙ୍ଗ ଘୂରି ବୁଲୁଥିବା ଘଟଣା ଗୁଜବ: ଡିଜି

ଭୁବନେଶ୍ୱର,୨୭।୫(ବ୍ୟୁରୋ): ଗତ କିଛି ଦିନ ଧରି ସୋସିଆଲ ମିଡିଆରେ କିଛି ପିଲାଚୋର ଗ୍ୟାଙ୍ଗ ରାୟଗଡାକୁ ଆସିଥିବା ଖବର ଭାଇରାଲ ହେବାରେ ଲାଗିଛି। ଏହା ଫେସ୍‌ବୁକ ତଥା ହ୍ବାଟ୍ସଆପ୍‌ରେ ଘୂରିବୁଲିବା ସହ ଲୋକଙ୍କୁ ଆତଙ୍କିତ କରୁଛି। ତେବେ ଏହା ଉପରେ ଡିଜି ଆର ପି ଶର୍ମା ରବିବାର ପ୍ରତିକ୍ରିୟା ରଖିଛନ୍ତି। ସେ କହିଛନ୍ତି, ଉକ୍ତ ଖବର ସମ୍ପୂର୍ଣ୍ଣ ମିଥ୍ୟା।

ଶିଶୁଙ୍କ ଉପରେ ଯୌନ ନିର୍ଯାତନା ରୋକିବାକୁ ପୋଲିସର ପ୍ରୟାସ: ଉନ୍ମୋଚନ ହେଲା  ‘ପରୀ ପାଇଁ କଥାଟିଏ’ର ଲୋଗୋ, ଅଡିଓ

ଶିଶୁଙ୍କ ଉପରେ ଯୌନ ନିର୍ଯାତନା ରୋକିବାକୁ ପୋଲିସର ପ୍ରୟାସ: ଉନ୍ମୋଚନ ହେଲା ‘ପରୀ ପାଇଁ କଥାଟିଏ’ର ଲୋଗୋ, ଅଡିଓ

ଭୁବନେଶ୍ୱର,୨୭।୫(ବ୍ୟୁରୋ): ରାଜ୍ୟରେ କୋମଳମତି ଶିଶୁକନ୍ୟାଙ୍କ ଉପରେ ହେଉଥିବା ଯୌନ ନିର୍ଯାତନା ତଥା ବଳାତ୍କାରକୁ ରୋକିବା ପାଇଁ ଓଡ଼ିଶା ପୋଲିସର ଅଭିନବ ପ୍ରୟାସ। ଲୋକଙ୍କୁ ସଚେତନ କରିବା ପାଇଁ ‘ପରୀ ପାଇଁ କଥାଟିଏ’ କାର୍ଯ୍ୟକ୍ରମ ଆରମ୍ଭ କରାଯାଇଛି।