Dharitri News
ରାଜ୍ୟ |

ପୀଡ଼ିତାଙ୍କ ଆତ୍ମହତ୍ୟା: ନ୍ୟାୟ ନ ପାଇ ଜୀବନ ହାରିଲେ

 ପୀଡ଼ିତାଙ୍କ ଆତ୍ମହତ୍ୟା: ନ୍ୟାୟ ନ ପାଇ ଜୀବନ ହାରିଲେ ପଟ୍ଟାଙ୍ଗୀ,୨୨।୧(ଡି.ଏନ.ଏ.): ୨୦୧୭ ଅକ୍ଟୋବର ୧୦ରୁ ୨୦୧୮ ଜାନୁୟାରୀ ୨୨। ୪ମାସରୁ ଉର୍ଦ୍ଧ୍ୱକାଳ ନ୍ୟାୟ ପାଇଁ ଲଢେଇ କରି ନିରାଶ କୁନ୍ଦୁଲି ନାବାଳିକା ଶେଷରେ ଆତ୍ମହତ୍ୟାର ପଥ ବାଛି ନେଲେ। ଲୋକଲଜ୍ଜା, ତଦନ୍ତକାରୀ ସଂସ୍ଥାଗୁଡିକର ଉଦାସୀନତା, ସର୍ବୋପରି ତାଙ୍କୁ ମିଥାବାଦିନୀ ପ୍ରମାଣିତ କରିବାର ଚେଷ୍ଟା କାରଣରୁ ପୀଡିତାଙ୍କ ନିକଟରେ ସମ୍ଭବତଃ ଅନ୍ୟପନ୍ଥା ନ ଥିଲା। ଦୀର୍ଘଦିନ ଧରି ସେ ମାନସିକ ଚାପରେ ରହୁଥିଲେ। ଗଣ ବଳାତ୍କାରର ଶିକାର ବୋଲି ସେ ଅଭିଯୋଗ କରିବା ଦିନଠାରୁ ସୁରକ୍ଷା, ତଦନ୍ତ, ଚିକିତ୍ସା, ପରୀକ୍ଷା ଆଳରେ ତାଙ୍କୁ ଯେଉଁଭଳି ଭାବେ ଗୋଟିଏ ସ୍ଥାନରୁ ଆଉ ଗୋଟିଏ ସ୍ଥାନକୁ, ଗୋଟିଏ ହସ୍ପିଟାଲରୁ ଅନ୍ୟ ଗୋଟିଏ ହସ୍ପିଟାଲକୁ ସ୍ଥାନାନ୍ତର କରାଯାଉଥିଲା ତାହା ସମ୍ଭବତଃ ତାଙ୍କର ସହିବାର ସୀମା ପାର କରିଥିଲା। ଯାହାକି ତାଙ୍କୁ ଚରମ ନିଷ୍ପତ୍ତି ଆଡକୁ ଟାଣି ନେଇଥିଲା। ଘରେ କେହି ନ ଥିବା ବେଳେ ସେ ବେକରେ ନିଜ ଓଢଣୀ ବାନ୍ଧି ଆତ୍ମହତ୍ୟା ଉଦ୍ୟମ କଲେ। ପରିବାର ଲୋକେ ତାଙ୍କୁ ଡାକ୍ତରଖାନାରେ ପହଞ୍ଚାଇବା ବେଳକୁ ସେ ଆଉ ଜୀବିତ ନ ଥିଲେ। ପୂର୍ବରୁ କୁନ୍ଦୁଲି ପୀଡିତା ଅତ୍ୟଧିକ ଆଇରନ ବଟିକା ଖାଇ ଆତ୍ମହତ୍ୟା ଉଦ୍ୟମ କରିଥିଲେ ମଧ୍ୟ ଡାକ୍ତରମାନେ ତାଙ୍କୁ ଜୀବିତ ରଖିବାକୁ ସମର୍ଥ ହୋଇଥିଲେ। ମାତ୍ର ତାହା ଏଥର ସମ୍ଭବ ହେଲାନାହିଁ। ସୂଚନା ଅନୁଯାୟୀ ସାମାନ୍ୟ ସୁସ୍ଥ ହୋଇ ଘରେ ରହିଥିବା କୁନ୍ଦୁଲିର ଏହି ନାବାଳିକା ସୋମବାର ସକାଳେ ପିଠା ଖାଇବାକୁ ଇଚ୍ଛା କରିଥିଲେ। ଏକଥା କହିବା ପରେ ଏଥିପାଇଁ ଆବଶ୍ୟକ ସାମଗ୍ରୀ ଆଣିବାକୁ ତାଙ୍କ ମା’ ଅପରାହ୍ନରେ ବାହାରକୁ ଯାଇଥିଲେ। ପ୍ରାୟ ୨ଟା ସମୟରେ ପୀଡିତା ଏକ ଘର ଭିତରକୁ ପଶିଯାଇ କବାଟ ବନ୍ଦ କରି ଆତ୍ମହତ୍ୟା ଉଦ୍ୟମ କରିଥିଲେ। ଘର ଭିତରୁ ଚିତ୍କାର ଶୁଭିବାରୁ ସେହି ବାଟ ଦେଇ ଯାଉଥିବା ଏକ ଛୋଟ ପିଲା ଲୋକଙ୍କୁ ଡାକ ପକାଇଥିଲେ। ଗାଁର ଲୋକେ ଓ ପରିବାରର ସଦସ୍ୟମାନେ ଘର କବାଟ ଭାଙ୍ଗି ପୀଡିତାଙ୍କୁ ପ୍ରାୟ ୩ଟା ସମୟରେ ଉଦ୍ଧାର କରି ଗୁରୁତର ଅବସ୍ଥାରେ କୁନ୍ଦୁଲି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ। ମାତ୍ର ସେତେବେଳକୁ ପୀଡିତାଙ୍କ ମୃତ୍ୟୁ ଘଟି ସାରିଥିବା ଡାକ୍ତର କହିଥିଲେ। ପୀଡିତାଙ୍କ ମୃତ୍ୟୁ ହୋଇଯାଇଛି ବୋଲି ଜଣାପଡିବା ପରେ ସାରା ରାଜ୍ୟରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି। ପୀଡିତାଙ୍କୁ ନ୍ୟାୟ ଦେବାରେ ପୋଲିସ, କ୍ରାଇମବ୍ରାଞ୍ଚ, ଓଏଚଆରସି,ନ୍ୟାୟିକ ତଦନ୍ତ ପ୍ରକ୍ରିୟା ବିଫଳ ହେବାରୁ ସେ ଆତ୍ମହତ୍ୟାର ପଥ ବାଛି ନେଲେ ବୋଲି ବିଭିନ୍ନ ମହଲରୁ ଅଭିଯୋଗ କରାଯାଇଛି। ବିରୋଧୀ ଦଳଗୁଡିକ ଏଥିପାଇଁ ରାଜ୍ୟ ସରକାରଙ୍କୁ ଦାୟୀ କରି ମୁଖ୍ୟମନ୍ତ୍ରୀଙ୍କ ଇସ୍ତଫା ଦାବି କରିଛନ୍ତି। ଅନ୍ୟପକ୍ଷରେ ପୀଡିତାଙ୍କ ମୃତ୍ୟୁ ସମ୍ପର୍କରେ ଡାକ୍ତର ଘୋଷଣା କରିବା ପରେ କୁନ୍ଦୁଲି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ପରିସରରେ ତୀବ୍ର ଉତ୍ତେଜନା ପ୍ରକାଶ ପାଇଛି। ପରିବାର ଲୋକେ ମୃତଦେହ ବ୍ୟବଚ୍ଛେଦ କରିବା ଲାଗି ଦେଉନାହାନ୍ତି। ଖବର ପାଇ ପୂର୍ବତନ ବିଧାୟକ ରାମଚନ୍ଦ୍ର କାଡାମ, ମାଲକାନଗିରିର ପୂର୍ବତନ ବିଧାୟକ ନିମାଇଁ ସରକାର, ଉପ ଜିଲାପାଳ କୃତ୍ତିବାସ ରାଉତ, ଏଡିଏମ ଦାୟିତ୍ୱରେ ଥିବା ଡିଆରଡିଏ ପିଡି ଦେବେନ ପ୍ରଧାନ ପହଞ୍ଚତ୍ ଲୋକଙ୍କୁ ବୁଝାଶୁଝା କରୁଛନ୍ତି। କୋରାପୁଟ ଜିଲା ପଟ୍ଟାଙ୍ଗି ଥାନା ଅନ୍ତର୍ଗତ ସୋରିଷପଦର ପଞ୍ଚାୟତର ମୂଷାଗୁଡା ଗ୍ରାମର ନବମ ଶ୍ରେଣୀର ସମ୍ପୃକ୍ତା ନାବାଳିକା (୧୪) ଛାତ୍ରୀ ଜଣକ ଘଟଣା ଦିନ ଅକ୍ଟୋବର ୧୦ ତାରିଖ ମଙ୍ଗଳବାର ସକାଳୁ ଘରୁ ବାହାରି ସ୍କୁଲ ଯାଇଥିଲେ । ଦଶମ ଶ୍ରେଣୀ ପରୀକ୍ଷା ଲାଗି ପଞ୍ଜୀକରଣ କରିବାକୁ ଫଟୋ ଆବଶ୍ୟକ ଥିବାରୁ ଶ୍ରେଣୀ ଶିକ୍ଷକ ତାଙ୍କୁ ନିଜର ପାସପୋର୍ଟ ଫଟୋ ଆଣିଦେବାକୁ କହିଥିଲେ। ଛାତ୍ରୀ ଜଣକ ଫଟୋ ଉଠାଇବାକୁ କୁନ୍ଦୁଲି ହାଟପଦାକୁ ଯାଇଥିଲେ। ଫଟୋ ଉଠାଇ ସେଠାରୁ ଏକ ଗାଡିରେ ଆସି ସୋରିଷପଦର ଛକରେ ଓହ୍ଲାଇ ସ୍କୁଲ ଅଭିମୁଖେ ଯାଉଥିବା ବେଳେ ତାଙ୍କୁ ଏକୁଟିଆ ଦେଖି ୪ଜଣ ଦୁର୍ବୃତ୍ତ ଲେଞ୍ଚିଗୁଡା ଘାଟି ରାସ୍ତା ତଳୁ ପାହାଡ ଉପରକୁ ଉଠାଇ ନେଇଥିଲେ । ଗଣ ବଳାତ୍କାର ପରେ ସେମାନେ ଛାତ୍ରୀଙ୍କୁ ସେଠାରେ ଛାଡି ଚାଲି ଯାଇଥିଲେ। ଛାତ୍ରୀଙ୍କ ପାଟି ଶୁଣି ନିକଟସ୍ଥ ଜଙ୍ଗଲ ଜମିରେ କାର୍ଯ୍ୟ କରୁଥିବା କେତେ ଜଣ ଲୋକ ତାଙ୍କୁ ଉଦ୍ଧାର କରି ପ୍ରଥମେ କୁନ୍ଦୁଲି ସ୍ବାସ୍ଥ୍ୟକେନ୍ଦ୍ରକୁ ନେଇଥିଲେ । ସେଠାରେ ଡାକ୍ତର ପ୍ରାଥମିକ ଚିକିତ୍ସା କରି ଅବସ୍ଥା ଗୁରୁତର ଥିବାରୁ ତାଙ୍କୁ କୋରାପୁଟ ସ୍ଥାନାନ୍ତର କରି ଦେଇଥିଲେ। ମୂଷାଗୁଡା ଗ୍ରାମରେ ରହୁଥିବା ତାଙ୍କ ଭାଇ ପଟାଙ୍ଗୀ ଥାନାକୁ ଅଭିଯୋଗ କରିବାକୁ ଯାଇଥିଲେ ମଧ୍ୟ ସେଠାରେ ଦାୟିତ୍ୱରେ ଥିବା ଥାନା ଅଧିକାରୀ ତାଙ୍କୁ ତଡି ଦେଇଥିଲେ। ପରେ ସେ ଏ ବିଷୟରେ କୁନ୍ଦୁଲିରେ ରହୁଥିବା ନିଜ ପରିବାର ଲୋକଙ୍କୁ ଜଣାଇଥିଲେ। ଏହାର ପ୍ରତିବାଦରେ ପରିବାର ଲୋକେ ଓ ଗ୍ରାମବାସୀ ୨୬ ନମ୍ବର ଜାତୀୟ ରାଜପଥକୁ ହାଟପଦାଠାରେ ଟାୟାର ଜାଳି ଅବରୋଧ କରିଥିଲେ। ଅଭିଯୁକ୍ତଙ୍କୁ ଗିରଫ ଦାବିରେ ଗ୍ରାମବାସୀ ୨ ଦିନ ଧରି ରାସ୍ତା ଅବରୋଧ କରିଥିଲେ। ଫଳରେ କୋରାପୁଟ ବିଶାଖାପାଟଣା ମଧ୍ୟରେ ଗାଡିମୋଟର ଚଳାଚଳ ବାଧାପ୍ରାପ୍ତ ହୋଇଥିଲା। ଯବାନ ପୋଷାକରେ ଥିବା ୪ଜଣ ତାଙ୍କୁ ବଳାତ୍କାର କରିଛନ୍ତି ବୋଲି ପୀଡିତା ସେତେବେଳେ ଅଭିଯୋଗ କରିଥିଲେ। ଏହି ଘଟଣା ଉପରେ ପଟ୍ଟାଙ୍ଗୀ ଥାନା ଅଧିକାରୀ ଦେବ କୁମାର ଗମାଙ୍ଗ ସେତେବେଳେ କହିଥିଲେ ଯେ, ପୀଡିତାଙ୍କ ବୟାନ ରେକର୍ଡ କରାଯାଇ କେସ୍‌ ନଂ. ୧୦୨/୧୭ରେ ମାମଲା ରୁଜୁ ହୋଇ ଏହାର ତଦନ୍ତ ଆରମ୍ଭ ହୋଇଛି। ଡିଏସପି ପାହ୍ୟାର ଜଣେ ଅଧିକାରୀ ମାମଲାକୁ ତରାନ୍ବିତ କରୁଛନ୍ତି। ଅତିରିକ୍ତ ଏସପି ଭି.ଆର. ରାଓ ସମସ୍ତ ଘଟଣା ଉପରେ ନଜର ରଖିଛନ୍ତି। ଅନ୍ୟପକ୍ଷରେ ଆଗାମୀ ୪୮ ଘଣ୍ଟା ଭିତରେ ଅଭିଯୁକ୍ତଙ୍କୁ ଗିରଫ କରା ନ ଗଲେ କୋରାପୁଟ ବନ୍ଦ ଡାକରା ଦିଆଯିବ ବୋଲି ସେତେବେଳେ ବିରୋଧୀ ଦଳ ମୁଖ୍ୟ ସଚେତକ ତଥା ଜୟପୁର ବିଧାୟକ ତାରାପ୍ରସାଦ ବାହିନିପତି ଚେତାବନୀ ଦେଇଥିଲେ। ପୂର୍ବତନ ବିଧାୟକ ରାମଚନ୍ଦ୍ର କାଡାମ ୨୪ ଘଣ୍ଟା ଭିତରେ ଅଭିଯୁକ୍ତମାନଙ୍କୁ ଗିରଫ କରା ନ ଗଲେ ଥାନା ଘେରାଉ କରାଯିବ ବୋଲି ଚେତାବନୀ ଦେଇଥିଲେ। ଏହି ଘଟଣାର ନିରପେକ୍ଷ ତଦନ୍ତ କରିବାକୁ ଆଦିବାସୀ ହରିଜନ ମିଳିତ ସଂଗଠନ ମଧ୍ୟ ଦାବି କରିଥିଲା। ପୋଲିସ ପାଖରେ ସୁଇସାଇଡ୍‌ ନୋଟ୍‌ କୁନ୍ଦୁଲି ପୀଡ଼ିତା ଆତ୍ମହତ୍ୟା କରିବା ପୂର୍ବରୁ ଏକ ସୁଇସାଇଡ୍‌ ନୋଟ୍‌ ଲେଖିଥିଲେ। ଏଥିରେ ସେ କାଳେ ପୋଲିସ ପ୍ରଶାସନ ବିରୋଧରେ କିଛି ଲେଖିଥିବେ ଚିନ୍ତା କରି ଏହାକୁ ପୋଲିସ ଚତୁରତାର ସହ ତାଙ୍କ ଘରକୁ ଯାଇ ଜବତ କରି ଆଣିଛି। ଗଣମାଧ୍ୟମ ପ୍ରତିନିଧିମାନେ ଏବିଷୟରେ ପଚାରିବାରୁ ଏହି ସୁଇସାଇଡ ନୋଟ୍‌କୁ ଦେଖାଇବାକୁ ପୋଲିସ ମନା କରି ଦେଇଛି।

ରାଜ୍ୟ |

କୁମ୍ଭୀର ମୁହଁରୁ ଯୁବକଙ୍କୁ ବଞ୍ଚାଇଲେ ବାଳକ

କୁମ୍ଭୀର ମୁହଁରୁ ଯୁବକଙ୍କୁ ବଞ୍ଚାଇଲେ ବାଳକ

ରାଜନଗର, ୨୦।୨ (ଡି.ଏନ୍‌.ଏ.) - କେନ୍ଦ୍ରାପଡ଼ା ଜିଲା ରାଜନଗର ବ୍ଲକ୍‌ କଣ୍ଡିରା ପଞ୍ଚାୟତ ହରିଜନ ପଡ଼ାର ଖଗେଶ୍ୱର ମଲିକଙ୍କ ପୁଅ ବିନୋଦ (୨୭)ଙ୍କୁ କୁମ୍ଭୀର ମୁହଁରୁ ବଞ୍ଚାଇନ୍ତି ଜଣେ ୧୨ ବର୍ଷର ବାଳକ ଶୀତୁ ମଲିକ। ମଙ୍ଗଳବାର ରାତି ପ୍ରାୟ ୮ଟାବେଳେ ଘଟିଛି ଏହି ଘଟଣା।

ଫେବୃୟାରୀ ଶେଷକୁ ପାରଦ ୩୮ ଡିଗ୍ରୀ ଟପିବ

ଫେବୃୟାରୀ ଶେଷକୁ ପାରଦ ୩୮ ଡିଗ୍ରୀ ଟପିବ

ଭୁବନେଶ୍ୱର, ୨୦।୨(ବ୍ୟୁରୋ)- ପାରଦ ଉପରମୁହାଁ ହୋଇଛି। ସମଗ୍ର ରାଜ୍ୟରେ ତାତି ଧୀରେ ଧୀରେ ଅସହ୍ୟ କରିବା ଆରମ୍ଭ କଲାଣି। ଗତ ୪ ଦିନରେ ସର୍ବୋଚ୍ଚ ତାପମାତ୍ରା ୪ ଡିଗ୍ରୀ ସେଲସିୟସ ଉପରକୁ ଡେଇଁଲାଣିି। ଚଳିତ ମାସ ଶେଷ ଆଡକୁ ତାତି ୩୮ ଡିଗ୍ରୀ ଟପିବ ବୋଲି ଆଞ୍ଚଳିକ ପାଣିପାଗ କେନ୍ଦ୍ର କାର୍ଯ୍ୟାଳୟ ପକ୍ଷରୁ ପୂର୍ବାନୁମାନ କରାଯାଇଛି। ଏଥିସହିତ ଆସନ୍ତା ୨୫ ତାରିଖ ଯାଏ ଉପକୂଳବର୍ତ୍ତୀ ଜିଲା ସମେତ ଢେଙ୍କାନାଳ ଓ ଅନୁଗୋଳ ଜିଲାର କେତେକ ସ୍ଥାନରେ ଘନ କୁହୁଡି ପଡ଼ିବ। ୨୦୦ ମିଟରରୁ ଅଧିକ ଦୂର ପର୍ଯ୍ୟନ୍ତ ଦେଖିବା ସମ୍ଭବ ହେବନାହିଁ।

ବିଜୁ ଯୁବ ସଶକ୍ତୀକରଣ ଯୋଜନାରେ ୧୫ ହଜାର ଲାପ୍‌ଟପ୍‌ ବଣ୍ଟାଯିବ

ଭୁବନେଶ୍ୱର, ୨୦।୨(ବ୍ୟୁରୋ)- ବିଜୁ ଯୁବ ସଶକ୍ତୀକରଣ ଯୋଜନାରେ ଯୁକ୍ତ୨ ଉତ୍ତୀର୍ଣ୍ଣ ମେଧାବୀ ଛାତ୍ରୀଛାତ୍ରଙ୍କୁ ୧୫୦୦୦ ଲାପ୍‌ଟପ୍‌ ବଣ୍ଟନ କରାଯିବ। ୨୦୧୮-୧୯ ଶିକ୍ଷାବର୍ଷ ପାଇଁ ଏହି ଲାପ୍‌ଟପ୍‌ ଆସନ୍ତା ଜୁଲାଇରେ ପ୍ରଦାନ କରାଯିବ। ଜିଲା ନୋଡାଲ୍‌ କେନ୍ଦ୍ରରେ ଏହା ବଣ୍ଟନ କରାଯିବ ବୋଲି ଉଚ୍ଚଶିକ୍ଷା ବିଭାଗ ପକ୍ଷରୁ ଜଣାପଡିଛି।

ଓଡ଼ିଆ ଭାଷା ପ୍ରତି ଆକୃଷ୍ଟ ଲକ୍ଷ୍ୟ: ଛାତ୍ରୀଛାତ୍ରଙ୍କୁ ଫକୀର ମୋହନ ମେଧାବୃତ୍ତି

ଭୁବନେଶ୍ୱର, ୨୦।୨(ବ୍ୟୁରୋ)- ଓଡ଼ିଆ ଭାଷାର ସୁରକ୍ଷା ଏବଂ ପ୍ରଚାରପ୍ରସାର ଦିଗରେ ରାଜ୍ୟ ସରକାର ଆଉ ଏକ ପଦକ୍ଷେପ ଗ୍ରହଣ କରିଛନ୍ତି। ଏଣିକି ଯୁକ୍ତ୨ ଓ ଯୁକ୍ତ୩ ଓଡ଼ିଆ ବିଷୟରେ ୮୦%ରୁ ଅଧିକ ନମ୍ବର ରଖିଥିବା ଛାତ୍ରୀଛାତ୍ରଙ୍କୁ ବ୍ୟାସକବି ଫକୀରମୋହନ ସେନାପତି ଛାତ୍ରବୃତ୍ତି ମିଳିବ। ରାଜ୍ୟ ସରକାର ଏହି ଛାତ୍ରବୃତ୍ତିକୁ ଶିକ୍ଷାବର୍ଷ ୨୦୧୭-୧୮ରୁ କାର୍ଯ୍ୟକାରୀ କରିଛନ୍ତି। ବୃତ୍ତି ପାଇଁ ମନୋନୀତ ଛାତ୍ରୀଛାତ୍ରଙ୍କୁ ବାର୍ଷିକ ୨୦,୦୦୦ ଟଙ୍କା ଦିଆଯିବ ବୋଲି ଉଚ୍ଚଶିକ୍ଷା ବିଭାଗ ପକ୍ଷରୁ ସୂଚନା ଦିଆଯାଇଛି।

୪୦୨ କଇଁଛ ଜବତ: ୨ ମହିଳା ଗିରଫ

୪୦୨ କଇଁଛ ଜବତ: ୨ ମହିଳା ଗିରଫ

ଭୁବନେଶ୍ୱର, ୨୦।୨ବ୍ୟୁରୋ)- ଆନ୍ଧ୍ରପ୍ରଦେଶରୁ ଓଡ଼ିଶା ଦେଇ ବାଂଲାଦେଶକୁ କଇଁଛ ଚାଲାଣ କରାଯାଉଛି। ଏଭଳି ଚୋରା ଚାଲାଣର ପର୍ଦ୍ଦାଫାଶ କରିଛି ଡିରେକ୍ଟୋରେଟ ଅଫ୍‌ ରେଭିନ୍ୟୁ ଇଣ୍ଟେଲିଜେନ୍ସ। ବାଂଲାଦେଶ ଚାଲାଣ କରାଯାଉଥିବା ୪୦୨ଟି ବିରଳ ପ୍ରଜାତି(ଇଣ୍ଡିଆନ ଷ୍ଟାର)ର କଇଁଛଙ୍କୁ ଅଧିକାରୀମାନେ ଆନ୍ଧ୍ରର ବିଜୟଓ୍ବାଡା ରେଳ ଷ୍ଟେଶନରୁ ମଙ୍ଗଳବାର ଜବତ କରିଛନ୍ତି।

ସ୍କୁଲରେ ପଶି ଛାତ୍ରୀଛାତ୍ରଙ୍କୁ ସିଆଇଏସ୍‌ଏଫ ଯବାନଙ୍କ ଆକ୍ରମଣ: ଜିଲାପାଳ, ଏସ୍‌ପିଙ୍କୁ ଓଏଚ୍‌ଆରସିଙ୍କ ରିପୋର୍ଟ ତଲବ

ଭୁବନେଶ୍ୱର, ୨୦।୨(ବ୍ୟୁରୋ)- ଗତ ୧୮ ତାରିଖ ମଧ୍ୟରାତ୍ରିରେ କେତେଜଣ ସିଆଇଏସଫ ଯବାନ ଯାଜପୁର କଳିଙ୍ଗନଗରସ୍ଥିତ ଗୋବରଘାଟି ଅଞ୍ଚଳରେ ଥିବା ଆବାସିକ ବିଦ୍ୟାଳୟରେ ପଶି ଛାତ୍ରୀଛାତ୍ର ଏବଂ ଶିକ୍ଷକଙ୍କୁ ଆକ୍ରମଣ କରିଥିଲେ। ଏହି ଘଟଣାରେ ରାଜ୍ୟ ମାନବାଧିକାର କମିଶନ(ଓଏଚ୍‌ଆରସି) ଯାଜପୁର ଜିଲାପାଳ ଏବଂ ଏସ୍‌ପିଙ୍କୁ ରିପୋର୍ଟ ତଲବ କରିଛନ୍ତି। ୩ସପ୍ତାହ ମଧ୍ୟରେ ଘଟଣାର ତଦନ୍ତ କରି ରିପୋର୍ଟ ଦାଲଖ କରିବାକୁ କମିଶନ ନିର୍ଦ୍ଦେଶ ଜାରି କରିଛନ୍ତି।

ମୁଖ୍ୟମନ୍ତ୍ରୀଙ୍କ ସଭାମଞ୍ଚକୁ ଜୋତା ଫିଙ୍ଗିଲେ ଯୁବକ

ମୁଖ୍ୟମନ୍ତ୍ରୀଙ୍କ ସଭାମଞ୍ଚକୁ ଜୋତା ଫିଙ୍ଗିଲେ ଯୁବକ

ବରଗଡ଼ ଅଫିସ୍‌/ବରପାଲି,୨୦।୨(ଡି.ଏନ.ଏ.): ବରଗଡ଼ ଜିଲା ବିଜେପୁର ଉପନିର୍ବାଚନ ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଦଳୀୟ ପ୍ରାର୍ଥିନୀ ରୀତା ସାହୁଙ୍କ ନିର୍ବାଚନୀ ପ୍ରଚାରରେ ଆସିଥିବା ବେଳେ ବୁଧବାର ସନ୍ଧ୍ୟାରେ ଅଭାବନୀୟ ଘଟଣା ଘଟିଛି । ନିର୍ବାଚନୀ ସଭାମଞ୍ଚ ଉପରେ ଥାଇ ମୁଖ୍ୟମନ୍ତ୍ରୀ ଉପସ୍ଥିତ ଜନତାଙ୍କୁ ସମ୍ବୋଧିତ କରୁଥିବା ବେଳେ ଜଣେ ଯୁବକ ସଭାମଞ୍ଚକୁ ଜୋତା ଫିଙ୍ଗିଥିଲେ। ସମ୍ପୃକ୍ତ ଯୁବକ ଜଣକ ପଦ୍ମପୁର ଥାନା ବୁଧାପାଲି ଗ୍ରାମର କାର୍ତ୍ତିକ ମେହେର ବୋଲି ପୋଲିସ କହିଛି।

ମହାପ୍ରଭୁଙ୍କୁ ମିଳିଛି ୧୮ କେଜି ସୁନା

ମହାପ୍ରଭୁଙ୍କୁ ମିଳିଛି ୧୮ କେଜି ସୁନା

ପୁରୀ ଅଫିସ,୨୦।୨: ଶ୍ରୀମନ୍ଦିର ନାଟମଣ୍ଡପରେ ପ୍ରାୟ ୩୪ ବର୍ଷ ତଳେ ସ୍ଥାପନ ହୋଇଛି ହୁଣ୍ଡି। ମହାପ୍ରଭୁଙ୍କୁ ଦର୍ଶନ ପାଇଁ ଆସୁଥିବା ଶ୍ରଦ୍ଧାଳୁ ଏଥିରେ କିଛି ଦାନ ପକାଇଥାନ୍ତି। କେହି କେହି ମାନସିକ କରି ସୁନାରୁପା ମଧ୍ୟ ଦେଇଥାନ୍ତି। ସେମାନଙ୍କ କିଞ୍ଚତ୍ତ ଦାନ ମହାପ୍ରଭୁଙ୍କ ସେବାରେ ଲାଗେ ବୋଲି ଭକ୍ତଙ୍କ ବିଶ୍ୱାସ ରହିଛି। ହୁଣ୍ଡିରେ ପଡୁଥିବା ଅର୍ଥ ସମ୍ପର୍କରେ ଶ୍ରୀମନ୍ଦିର ସୂଚନା ଫଳକରେ ଉଲ୍ଲେଖ ରହୁଛି। କିନ୍ତୁ କେତେ ସୁନାରୁପା ପଡୁଛି ତାହାର ହିସାବ ବାହାରକୁ ଆସୁନାହିଁ। ତେବେ ହୁଣ୍ଡି ସ୍ଥାପନଠାରୁ ଗତ ଜାନୁୟାରୀ ୩୧ ସୁଦ୍ଧା ମହାପ୍ରଭୁଙ୍କୁ ମିଳିଛି ୧୮ କେଜି ୨୬୧ ଗ୍ରାମ୍‌ ୫୩୬ ମିଲିଗ୍ରାମ୍‌ ସୁନା ଓ ୧୧୯ କେଜି ୭୮ ଗ୍ରାମ୍‌ ୬୨୪ ମିଲିଗ୍ରାମ୍‌ ରୁପା। ସୂଚନା ଅଧିକାର ଆଇନ ବଳରେ ମିଳିଥିବା ତଥ୍ୟରୁ ଏହା ଜଣାପଡିଛି।

କୁମ୍ଭୀର ମୁହଁରୁ ଯୁବକଙ୍କୁ ବଞ୍ଚାଇଲେ ବାଳକ

ରାଜନଗର, ୨୦।୨ (ଡିଏନଏ)-କେନ୍ଦ୍ରାପଡ଼ା ଜିଲା ରାଜନଗର ବ୍ଲକ୍‌ କଣ୍ଡିରା ପଞ୍ଚାୟତ ହରିଜନ ପଡ଼ାର ଖଗେଶ୍ୱର ମଲିକଙ୍କ ପୁଅ ବିନୋଦ (୨୭)ଙ୍କୁ କୁମ୍ଭୀର ମୁହଁରୁ ବଞ୍ଚାଇନ୍ତି ଜଣେ ୧୨ବର୍ଷଳ ବାଳକ ଶୀତୁ ମଲିକ। ମଙ୍ଗଳବାର ରାତି ପ୍ରାୟ ୮ଟାବେଳେ ଘଟିଛି ଏହି ଘଟଣା।

ଅଗ୍ନି-୨ ପରୀକ୍ଷଣ

ଅଗ୍ନି-୨ ପରୀକ୍ଷଣ

ବାଲେଶ୍ୱର ଅଫିସ, ୨୦।୨: ବାଲେଶ୍ୱର ଜିଲା ଚାନ୍ଦିପୁର ପ୍ରତିରକ୍ଷା ଗବେଷଣା ଉନ୍ନୟନ ପ୍ରତିଷ୍ଠାନ (ଡିଆର୍‌ଡିଓ) ପକ୍ଷରୁ ମଙ୍ଗଳବାର ବାଲିଷ୍ଟିକ କ୍ଷେପଣାସ୍ତ୍ରର ଅଗ୍ନି-୨ ପରୀକ୍ଷଣ କରାଯାଇଛି। ବଙ୍ଗୋପସାଗରରେ ଥିବା ଉପକୂଳବର୍ତ୍ତୀ ଅବଦୁଲ କଲାମ ଦ୍ୱୀପରୁ ପୂର୍ବାହ୍ନ ୮ଟା ୩୮ ମିନିଟ୍‌ ସମୟରେ ସମ୍ପୂର୍ଣ୍ଣ ସ୍ବଦେଶୀ ଜ୍ଞାନକୌଶଳରେ ନିର୍ମିତ ମଧ୍ୟମ ଦୂରଗାମୀ ବାଲିଷ୍ଟିକ୍‌ କ୍ଷେପଣାସ୍ତ୍ର ଅଗ୍ନି-୨କୁ ଟେଷ୍ଟ ରେଞ୍ଜ୍‌ର ୪ ନମ୍ବର ଲଞ୍ଚ୍‌ କମ୍ପ୍ଲେକ୍ସରୁ ଉତ୍‌କ୍ଷେପଣ କରାଯାଇଥିଲା।

୨୦୨୨ ସୁଦ୍ଧା ଜୟପୁର-ମାଲକାନଗିରି ରେଳଲାଇନ୍‌

୨୦୨୨ ସୁଦ୍ଧା ଜୟପୁର-ମାଲକାନଗିରି ରେଳଲାଇନ୍‌

ଭୁବନେଶ୍ୱର,୨୦।୨: ଜୟପୁର-ମାଲକାନଗିରି ମଧ୍ୟରେ ୧୩୦ କିମିର ନୂଆ ରେଳ ଲାଇନ ପ୍ରକଳ୍ପକୁ ମଞ୍ଜୁରୀ ମିଳିଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅଧ୍ୟକ୍ଷତାରେ ବସିଥିବା ଅର୍ଥନୈତିକ ବ୍ୟାପାର ସଂକ୍ରାନ୍ତ କ୍ୟାବିନେଟ କମିଟି ମଙ୍ଗଳବାର ଏହି ପ୍ରକଳ୍ପକୁ ମଞ୍ଜୁରୀ ପ୍ରଦାନ କରିଛି। ଉକ୍ତ ପ୍ରକଳ୍ପ ୨୬୭୬.୧୧ କୋଟି ଟଙ୍କା ଖର୍ଚ୍ଚରେ ନିର୍ମାଣ ହେବ। ୨୦୨୧-୨୨ ସୁଦ୍ଧା ପ୍ରକଳ୍ପ କାର୍ଯ୍ୟ ଶେଷ କରିବାକୁ ଲକ୍ଷ୍ୟ ଧାର୍ଯ୍ୟ ହୋଇଛି। ସ୍ଥାନୀୟ ରେଳ ସଦନଠାରେ ଆୟୋଜିତ ଖବରଦାତା ସମ୍ମିଳନୀରେ ପୂର୍ବତଟ ରେଳପଥ ମହାପ୍ରବନ୍ଧକ

ଓଡ଼ିଶାରେ ନୀରବ ଲିଙ୍କ୍‌

ଓଡ଼ିଶାରେ ନୀରବ ଲିଙ୍କ୍‌

ଭୁବନେଶ୍ୱର(ବ୍ୟୁରୋ)/କଟକ ଅଫିସ, ୨୦।୨: ଓଡ଼ିଶାକୁ ବ୍ୟାପିଛି ଜଣାଶୁଣା ହୀରା ବ୍ୟବସାୟୀ ନୀରବ ମୋଦିଙ୍କ ଲିଙ୍କ୍‌। ପଞ୍ଜାବ ନ୍ୟାଶନାଲ ବ୍ୟାଙ୍କ(ପିଏନ୍‌ବି)ର ୧୧,୪୦୦ କୋଟି ଟଙ୍କାର ଅର୍ଥ ହେରଫେର ମାମଲାରେ ଜଡ଼ିତ ନୀରବଙ୍କ ବ୍ୟାବସାୟିକ କାରବାରରେ କଟକ ଏବଂ ଭୁବନେଶ୍ୱରର କେତେକ ପ୍ରତିଷ୍ଠିତ ଜୁଏଲେରି ସଂସ୍ଥାର ସମ୍ପୃକ୍ତି ରହିଛି।