ଖେଳ |

ଜୋକୋଭିଚ୍‌ଙ୍କ ବିପର୍ଯ୍ୟୟ, କ୍ୱାର୍ଟରରେ ଫେଡେରର, ହାଲେପ୍‌

ଜୋକୋଭିଚ୍‌ଙ୍କ ବିପର୍ଯ୍ୟୟ, କ୍ୱାର୍ଟରରେ ଫେଡେରର, ହାଲେପ୍‌
ମେଲବୋର୍ନ,୨୨ା୧(ଏ.ଏଫ୍‌.ପି)- ବର୍ଷର ପ୍ରଥମ ଗ୍ରାଣ୍ଡସ୍ଲାମ ଅଷ୍ଟ୍ରେଲିଆନ ଓପନ ଟେନିସ୍‌ ଟୁର୍ନାମେଣ୍ଟରେ ଅଷ୍ଟମ ଦିନରେ ପହଞ୍ଚିଛି। ସୋମବାର ଏକ ବଡ଼ ବିପର୍ଯ୍ୟୟ ଦେଖିବାକୁ ମିଳିଛି। ପୂର୍ବତନ ଏକ ନମ୍ବର ଖେଳାଳି ୧୪ତମ ସିଡ ମାନ୍ୟତା ପାଇଥିବା ସର୍ବିୟାର ନୋଭାକ ଜୋକୋଭିଚ୍‌ ପୁରୁଷ ସିଙ୍ଗଲ୍ସ ଇଭେଣ୍ଟର ଚତୁର୍ଥ ରାଉଣ୍ଡ ମ୍ୟାଚରେ ପରାସ୍ତ ହୋଇ ବିଦାୟ ନେଇଛନ୍ତି। ସେ ବିଶ୍ୱର ୫୮ ନମ୍ବର ଖେଳାଳି ଦକ୍ଷିଣ କୋରିଆର ହେଅନ ଚୁଙ୍ଗଙ୍କଠାରୁ ୭-୬, ୭-୫, ୬-୩, ୭-୬ ସେଟରେ ପରାସ୍ତ ହୋଇ ବିପର୍ଯ୍ୟୟର ସମ୍ମୁଖୀନ ହୋଇଛନ୍ତି। ୨୧ ବର୍ଷୀୟ ଚୁଙ୍ଗ ଦମ୍‌ଦାର ଖେଳ ପ୍ରଦର୍ଶନ କରି ଜୋକୋଭିଚ୍‌ଙ୍କୁ କୌଣସି ସୁଯୋଗ ଦେଇ ନ ଥିଲେ। ଏଥିସହିତ ସେ ପ୍ରଥମ କୋରିଆ ଖେଳାଳିଭାବେ କୌଣସି ଗ୍ରାଣ୍ଡସ୍ଲାମ ଟୁର୍ନାମେଣ୍ଟର କ୍ୱାର୍ଟର ଫାଇନାଲରେ ପ୍ରବେଶ କରି ବିରଳ ସଫଳତା ହାସଲ କରିଛନ୍ତି। କ୍ୱାର୍ଟରରେ ସେ ଆମେରିକାର ଟେନିସ୍‌ ସାଣ୍ଡଗ୍ରୀନଙ୍କୁ ଭେଟିବେ। ସାଣ୍ଡଗ୍ରୀନ ଅନ୍ୟ ଏକ ଚତୁର୍ଥ ରାଉଣ୍ଡ ମ୍ୟାଚରେ ପଞ୍ଚମ ସିଡ୍‌ ଅଷ୍ଟ୍ରିଆର ଡୋମିନିକ ଥିମଙ୍କୁ ୬-୨, ୪-୬, ୭-୬, ୬-୭, ୬-୩ ମାରାଥନ ସେଟରେ ହରାଇ କ୍ୱାର୍ଟରକୁ ଉଠିଛନ୍ତି। ସେହିପରି ଅନ୍ୟ ଏକ ଚତୁର୍ଥ ରାଉଣ୍ଡ ମ୍ୟାଚରେ ଦ୍ୱିତୀୟ ସିଡ୍‌ ତଥା ଗତଥରର ଚାମ୍ପିୟନ ସୁଇଜରଲାଣ୍ଡର ରୋଜର ଫେଡେରର ୬-୪, ୭-୬, ୬-୨ ସେଟରେ ହଙ୍ଗେରୀର ମାର୍ଟନ ଫୁକସୋଭିକ୍ସଙ୍କୁ ହରାଇ କ୍ୱାର୍ଟରରେ ପ୍ରବେଶ କରିଛନ୍ତି। ୧୯ଟି ଗ୍ରାଣ୍ଡସ୍ଲାମ ଟାଇଟଲ ହାସଲ କରିଥିବା ୩୬ ବର୍ଷୀୟ ଫେଡେରର କ୍ୱାର୍ଟରରେ ୧୯ତମ ସିଡ ଚେକ ଗଣରାଜ୍ୟର ଥୋମାସ୍‌ ବର୍ଡିଚ୍‌ଙ୍କୁ ଭେଟିବେ। ବର୍ଡିଚ୍‌ ୬-୧, ୬-୪, ୬-୪ ସେଟରେ ୨୫ତମ ସିଡ ଇଟାଲୀର ଫାବିଓ ଫୋଗନିନିଙ୍କୁ ହରାଇ କ୍ୱାର୍ଟର ଫାଇନାଲରେ ପ୍ରବେଶ କରିଛନ୍ତି। ଅପରପକ୍ଷରେ ମହିଳା ସିଙ୍ଗଲ୍ସରେ ଜର୍ମାନୀର ଆଞ୍ଜେଲିକ କର୍ବର ଓ ଆମେରିକାର ମାଡିନସନ କେଜ୍‌ କ୍ୱାର୍ଟରରେ ମୁହଁାମୁହିଁ ହେବା ସ୍ପଷ୍ଟ ହୋଇଛି। ୨୧ତମ ସିଡ ମାନ୍ୟତା ପାଇଥିବା କର୍ବର ସୋମବାର ଚତୁର୍ଥ ରାଉଣ୍ଡ ମ୍ୟାଚରେ ଚାଇନିଜ ତାଇପେଇର ସୁ- ଓ୍ବେଇ ସିଏଙ୍କୁ ୪-୬, ୭-୫, ୬-୨ ସେଟରେ ହରାଇ କ୍ୱାର୍ଟରକୁ ଉଠିଛନ୍ତି। ସେହିପରି ୧୭ତମ ସିଡ ମାଡିନସନ୍‌ କେଜ୍‌ ୬-୩, ୬-୨ ସେଟରେ ଅଷ୍ଟମ ସିଡ ଫ୍ରାନ୍ସର କାରୋଲିନ୍‌ ଗାର୍ସିଆକୁ ହରାଇ କ୍ୱାର୍ଟରରେ ପ୍ରବେଶ କରିଛନ୍ତି। ସେହିପରି ବିଶ୍ୱର ଏକ ନମ୍ବର ଖେଳାଳି ରୋମାନିଆର ସାଇମୋନା ହାଲେପ୍‌ ମଧ୍ୟ କ୍ୱାର୍ଟରକୁ ଉଠିଛନ୍ତି। ସେ ୬-୩, ୬-୨ ସେଟରେ ୭୨ ନମ୍ବର ଖେଳାଳି ଜାପାନର ନାଓମି ଓସାକାଙ୍କୁ ଅତି ସହଜରେ ହରାଇ ଅଗ୍ରଗତି କରିଛନ୍ତି। ସେହିପରି ଚତୁର୍ଥ ସିଡ ୟୁକ୍ରେନର ଏଲିନା ଭିଟୋଲିନା ୬-୩, ୬-୦ ସେଟରେ ଡେନିସା ଆଲେର୍ଟୋଭାଙ୍କୁ ହରାଇ କ୍ୱାର୍ଟରରେ ପ୍ରବେଶ କରିଛନ୍ତି।
All Right Reserved By

ଖେଳ |

 ମ୍ୟାଚ ଫିକ୍ସିଂ ଅଭିଯୋଗରେ ଲୋକୁହେଟିଗ୍‌ ସସ୍‌ପେଣ୍ଡ

ମ୍ୟାଚ ଫିକ୍ସିଂ ଅଭିଯୋଗରେ ଲୋକୁହେଟିଗ୍‌ ସସ୍‌ପେଣ୍ଡ

 ଦୁବାଇ, ୧୩ା୧୧ (ପି.ଟି.)-ଶ୍ରୀଲଙ୍କାର ପୂର୍ବତନ ଅଲରାଉଣ୍ଡର ଦିଲ୍‌ହରା ଲୋକୁହେଟିଗ୍‌ ଅନ୍ତର୍ଜାତୀୟ କ୍ରିକେଟ ପରିଷଦ (ଆଇସିସି) ମଙ୍ଗଳବାର ସସ୍‌ପେଣ୍ଡ କରିଛି। ସଂଯୁକ୍ତ ଆରବ ଏମିରେଟ୍ସ (ୟୁଏଇ)ରେ ଗତବର୍ଷ ଅନୁଷ୍ଠିତ ଟି୧୦ ଲିଗ୍‌ରେ ମ୍ୟାଚ୍‌ ଫିକ୍ସିଂ କାର୍ଯ୍ୟକଳାପରେ ସମ୍ପୃକ୍ତ ଥିବା ଅଭିଯୋଗ ହୋଇଛି।

ଅଖଦୀପ୍‌ଙ୍କ ଶତକରେ ୟୁପି ଇନିଂସ ଅଗ୍ରଣୀ

ଅଖଦୀପ୍‌ଙ୍କ ଶତକରେ ୟୁପି ଇନିଂସ ଅଗ୍ରଣୀ

ଭୁବନେଶ୍ୱର, ୧୩।୧୧(ସ୍ପୋଟର୍‌ସ ବ୍ୟୁରୋ)- ଅଧିନାୟକ ଅଖଦୀପ୍‌ ନାଥଙ୍କ ଅପରାଜିତ ଶତକ ବଳରେ ଭ୍ରମଣକାରୀ ଉତ୍ତରପ୍ରଦେଶ (ୟୁପି) ଦଳ ସ୍ଥାନୀୟ କିଟ୍‌ କ୍ରିକେଟ ଷ୍ଟାଡିୟମରେ ଓଡ଼ିଶା ବିପକ୍ଷ ଚାଲିଥିବା ରଣଜୀ ଟ୍ରଫି ମ୍ୟାଚ୍‌ରେ ପ୍ରଥମ ଇନିଂସ ଅଗ୍ରଣୀ ହାସଲ କରିବାରେ ସଫଳ ହୋଇଛି। 

ଦ୍ୱିତୀୟ ଦିବସରେ ଜିତିଲା ଝାଡ଼ଖଣ୍ଡ

ଦ୍ୱିତୀୟ ଦିବସରେ ଜିତିଲା ଝାଡ଼ଖଣ୍ଡ

ରୋହତକ,୧୩।୧୧- ଚଳିତ ରଣଜୀ ଟ୍ରଫିର ଦ୍ୱିତୀୟ ପର୍ଯ୍ୟାୟର ମାତ୍ର ଦୁଇ ଦିନ ମଧ୍ୟରେ ଝାଡ଼ଖଣ୍ଡ ୯ ଉଇକେଟରେ ହରିୟାଣାକୁ ପରାସ୍ତ କରିଛି।

ଦୁଇ ବର୍ଷ ମଧ୍ୟରେ ନିଶ୍ଚିତ ମହିଳା ଆଇପିଏଲ ଖେଳାଯିବ

ଦୁଇ ବର୍ଷ ମଧ୍ୟରେ ନିଶ୍ଚିତ ମହିଳା ଆଇପିଏଲ ଖେଳାଯିବ

ନୂଆଦିଲ୍ଲୀ,୧୩।୧୧- ଭାରତୀୟ ଟି୨୦ ଦଳର ବରିଷ୍ଠ ସଦସ୍ୟ ମିଥାଲି ରାଜ କହିଛନ୍ତି, ଗୋଟିଏ କିମ୍ବା ଦୁଇ ବର୍ଷ ମଧ୍ୟରେ ନିଶ୍ଚିତ ମହିଳା ଆଇପିଏଲ ଖେଳାଯିବ। 

ହଂକଂ ଓପନ: କଶ୍ୟପଙ୍କ ବିଜୟ ଅଭିଯାନ

ହଂକଂ ଓପନ: କଶ୍ୟପଙ୍କ ବିଜୟ ଅଭିଯାନ

ହଂକଂ,୧୩।୧୧- ପୂର୍ବତନ ରାଜ୍ୟଗୋଷ୍ଠୀ କ୍ରୀଡ଼ା ଚାମ୍ପିୟନ ପାରୁପଲୀ କାଶ୍ୟପ, ସୁ ଜେନ ହାଓଙ୍କୁ ପରାସ୍ତ କରି ଏଠାରେ ଚାଲିଥିବା ହଂକଂ ଓ୍ବାଲର୍‌ଡ ଟୁର ସୁପର ୫୦୦ ଟୁର୍ନାମେଣ୍ଟର ମୁଖ୍ୟ ପର୍ଯ୍ୟାୟରେ ପ୍ରବେଶ କରିଛନ୍ତି। 

ପୁଅ ପାଇଁ ଟି-୧୦ରୁ ଓହରିଲେ ମଲିକ

ପୁଅ ପାଇଁ ଟି-୧୦ରୁ ଓହରିଲେ ମଲିକ

କରାଚୀ,୧୩।୧୧- ନିକଟରେ ବାପା ହେବାର ସୁଖ ପାଇଥିବା ପାକିସ୍ତାନି ଅଲରାଉଣ୍ଡର ଶୋଏବ ମଲିକ ୟୁଏଇଠାରେ ହେବାକୁ ଥିବା ଟି-ଟେନ କ୍ରିକେଟ ଲିଗ୍‌ର ଦ୍ୱିତୀୟ ସଂସ୍କରଣରୁ ଓହରି ଯାଇଛନ୍ତି। 

ଶୀର୍ଷରେ କୋହଲି, ବୁମରା

ଶୀର୍ଷରେ କୋହଲି, ବୁମରା

ଦୁବାଇ,୧୩।୧୧(ପି.ଟି.)- ଭାରତୀୟ ଅଧିନାୟକ ବିରାଟ କୋହଲି ଓ ପେସର ଯଶପ୍ରୀତ ବୁମରା ଆଇସିସି ଦିନିକିଆ ବ୍ୟାଟ୍ସମ୍ୟାନ ଓ ବୋଲରଙ୍କ ର଼୍ୟାଙ୍କିଙ୍ଗ୍‌ ଶୀର୍ଷରେ ସ୍ଥାନ ବଜାୟ ରଖିଛନ୍ତି। 

ମାଟ୍ରିମୋନୀ ସାଇଟ୍‌ ଆମ୍ବାସଡର ଧୋନୀ

ମାଟ୍ରିମୋନୀ ସାଇଟ୍‌ ଆମ୍ବାସଡର ଧୋନୀ

ଚେନ୍ନାଇ,୧୩।୧୧- ଅନଲାଇନ ମାଟ୍ରିମୋନି ବ୍ୟବସ୍ଥା ଯୋଗାଉଥିବା ଭାରତ ମାଟ୍ରିମୋନି ସୋମବାର ପୂର୍ବତନ ଭାରତୀୟ ଅଧିନାୟକଙ୍କୁ ବ୍ରାଣ୍ଡ ଆମ୍ବାସାଡର ଭାବେ ନିଯୁକ୍ତ କରିଛି। 

ନିର୍ବାଚନ ଲଢ଼ିବେ ମୋର୍ତାଜା

ନିର୍ବାଚନ ଲଢ଼ିବେ ମୋର୍ତାଜା

ଢାକା,୧୩।୧୧- ବାଂଲାଦେଶ ଦିନିକିଆ ଦଳର ଅଧିନାୟକ ମଶ୍ରଫି ମୋର୍ତାଜା ନିର୍ବାଚନରେ ଲଢ଼ିବେ ବୋଲି ସରକାରୀ ଦଳ ଘୋଷଣା କରିଛି।

ସର୍ବଭାରତୀୟ ମଳୟ ମୁର୍ମୁ ଦିବାରାତ୍ର ଟି୨୦ ଚତୁର୍ଥ ଦିବସ:ୟୁ ଆଣ୍ଡ ମି, କଳିଙ୍ଗ ସ୍ପୋର୍ଟିଂ କ୍ଲବ ବିଜୟୀ

ସର୍ବଭାରତୀୟ ମଳୟ ମୁର୍ମୁ ଦିବାରାତ୍ର ଟି୨୦ ଚତୁର୍ଥ ଦିବସ:ୟୁ ଆଣ୍ଡ ମି, କଳିଙ୍ଗ ସ୍ପୋର୍ଟିଂ କ୍ଲବ ବିଜୟୀ

ବାଲେଶ୍ୱର ଅଫିସ,୧୩।୧୧- ବାଲେଶ୍ୱର ପରମିଟ୍‌ ପଡ଼ିଆରେ କ୍ଲବ ‘ୟୁ ଆଣ୍ଡ ମି’ ପକ୍ଷରୁ ଆୟୋଜିତ ସର୍ବଭାରତୀୟ ଦିବାରାତ୍ର ଟି୨୦ କ୍ରିକେଟ ଟୁର୍ନାମେଣ୍ଟ ସୋମବାର ଚତୁର୍ଥ ଦିବସରେ ପହଞ୍ଚିିଛି। 

ସପ୍ତମ ଦିନରେ ସର୍ବଭାରତୀୟ କ୍ରିକେଟ୍‌ ଟୁର୍ନାମେଣ୍ଟ: ଇଷ୍ଟକୋଷ୍ଟ ରେଲୱେ ଖୋର୍ଦ୍ଧା ବିଜୟୀ

ସପ୍ତମ ଦିନରେ ସର୍ବଭାରତୀୟ କ୍ରିକେଟ୍‌ ଟୁର୍ନାମେଣ୍ଟ: ଇଷ୍ଟକୋଷ୍ଟ ରେଲୱେ ଖୋର୍ଦ୍ଧା ବିଜୟୀ

ସପ୍ତମ ଦିବସର ତୃତୀୟ କ୍ୱାର୍ଟର ଫାଇନାଲ ଖେଳରେ ଫାଉଣ୍ଡେଶନ୍‌ କ୍ରିକେଟ ଏକାଡେମୀ ବିଳାସପୁରକୁ ଇଷ୍ଟକୋଷ୍ଟ ରେଲୱେ ଖୋର୍ଦ୍ଧା ୩ ଉଇକେଟରେ ହରାଇ ବିଜୟୀ ହୋଇଛି।

ରାଜ୍ୟ ସ୍ନୁକର: କ୍ବାର୍ଟର ଲାଇନ୍‌ଅପ ଚୂଡ଼ାନ୍ତ

ରାଜ୍ୟ ସ୍ନୁକର: କ୍ବାର୍ଟର ଲାଇନ୍‌ଅପ ଚୂଡ଼ାନ୍ତ

କଟକ ଅଫିସ, ୧୩ା୧୧-ଦି ବିଲିୟାଡର୍‌ସ ଆଣ୍ଡ ସ୍ନୁକର ଆସୋସିଏଶନ ଅଫ୍‌ ଓଡ଼ିଶା (ବିଏସ୍‌ଏଓ) ଆନୁକୂଲ୍ୟରେ କଟକ କ୍ଲବଠାରେ ଚାଲିଥିବା ରାଜ୍ୟ ସିନିୟର ସ୍ନୁକର ଚାମ୍ପିୟନଶିପ୍‌ର କ୍ବାର୍ଟର ଫାଇନାଲ ଲାଇନ୍‌ଅପ ଚୂଡ଼ାନ୍ତ ହୋଇଛି।