ସିଡ୍ନୀ, ୧୮।୧-ଅଷ୍ଟ୍ରେଲିଆ ଦଳ ଦ୍ରୁତ ବୋଲର ଜୋଶ ହାଜେଲଉଡ୍ ଭ୍ରମଣକାରୀ ଇଂଲଣ୍ଡ ବିପକ୍ଷ ୨ୟ ଦିନିକିଆରୁ ବାଦ୍ ପଡ଼ିଛନ୍ତି। ଅସୁସ୍ଥତା କାରଣରୁ ବ୍ରିସ୍ବେନ ଦିନିକିଆରେ ସେ ଖେଳିବେ ନାହିଁ। ଏ ନେଇ ଅଷ୍ଟ୍ରେଲିଆ ଦଳୀୟ ମ୍ୟାନେଜମେଣ୍ଟ ପକ୍ଷରୁ କୁହାଯାଇଛି। ତାଙ୍କ ବଦଳରେ ଝେ ରିଚାର୍ଡସନଙ୍କୁ ପଦାର୍ପଣ କରିବାର ସୁଯୋଗ ମିଳିପାରେ। ଏଥିସହ ଉଇକେଟ୍କିପର ବ୍ୟାଟ୍ସମ୍ୟାନ ଟିମ ପେନି ମଧ୍ୟ ଅସୁସ୍ଥ ଥିବା ସୂଚନା ଦିଆଯାଇଛି। ଏହି କାରଣରୁ ଶୁକ୍ରବାର ହେବାକୁ ଥିବା ୨ୟ ମ୍ୟାଚ୍ରେ ତାଙ୍କର ଖେଳିବା ଅନିଶ୍ଚିତତାରେ ରହିଛି। ତାଙ୍କ ସ୍ଥାନରେ ଆଲେକ୍ସ କାରେଙ୍କୁ ଦଳରେ ସାମିଲ କରାଯାଇଛି। ଚଳିତ ବିଗ୍ ବାଶ୍ ଲିଗ୍ରେ ଚମତ୍କାର ପ୍ରଦର୍ଶନ ଯୋଗୁ ଆଲେକ୍ସ ଦଳରେ ସ୍ଥାନ ପାଇଛନ୍ତି। ଯଦି ମ୍ୟାଚ୍ ପୂର୍ବରୁ ପେନି ସମ୍ପୂର୍ଣ୍ଣ ଫିଟ୍ନେସ୍ ହାସଲ କରିବାରେ ବିଫଳ ହୁଅନ୍ତି, ତେବେ ଆଲେକ୍ସଙ୍କୁ ପଦାର୍ପଣ କରିବାର ସୁଯୋଗ ମିଳିବ।
