ଖେଳ |

ଟିମ୍‌ ଇଣ୍ଡିଆ ସିରିଜ ବିଜୟରେ ବ୍ରେକ୍‌: ଦକ୍ଷିଣ ଆଫ୍ରିକା ୧୩୫ ରନରେ ବିଜୟୀ

ଟିମ୍‌ ଇଣ୍ଡିଆ ସିରିଜ ବିଜୟରେ ବ୍ରେକ୍‌: ଦକ୍ଷିଣ ଆଫ୍ରିକା ୧୩୫ ରନରେ ବିଜୟୀ

ସେଞ୍ଚୁରିଅନ, ୧୭।୧(ପି.ଟି.)- ବ୍ୟାଟିଂ ବିଫଳତା ଦକ୍ଷିଣ ଆଫ୍ରିକା ଗସ୍ତରେ ଟିମ୍‌ ଇଣ୍ଡିଆ ପାଇଁ ମହଙ୍ଗା ପଡ଼ିଛି। କ୍ରମାଗତ ଟେଷ୍ଟ ହାରିବା ସହ ସିରିଜ ହାତଛଡ଼ା ହୋଇଛି। ସୁପର ସ୍ପୋର୍ଟ ପାର୍କରେ ଅନୁଷ୍ଠିତ ଦ୍ୱିତୀୟ କ୍ରିକେଟ ଟେଷ୍ଟରେ ଦକ୍ଷିଣ ଆଫ୍ରିକା ନିକଟରୁ ବିରାଟ କୋହଲିଙ୍କ ଦଳ ୧୩୫ ରନରେ ପରାଜିତ ହୋଇଛି। ଘରୋଇ ଦଳ ୩ ମ୍ୟାଚ ବିଶିଷ୍ଟ ସିରିଜରେ ୨-୦ରେ ଅଗ୍ରଣୀ ରହିବା ସହ ଏହାକୁ ଆଗୁଆ ଜିତି ନେଇଛି। ଏଥିସହ ଆଇସିସି ର଼୍ୟାଙ୍କିଙ୍ଗରେ ନମ୍ବର-୧ରେ ଥିବା ଭାରତର କ୍ରମାଗତ ୯ ସିରିଜ ବିଜୟରେ ବ୍ରେକ୍‌ ଲାଗିଛି। କେପ୍‌ ଟାଉନରେ ଅନୁଷ୍ଠିତ ପ୍ରଥମ ଟେଷ୍ଟରେ ଭାରତ ୭୨ ରନରେ ପରାଜିତ ହୋଇଥିଲା। ୨୮୭ ରନ ବିଜୟ ଲକ୍ଷ୍ୟ ଭାରତ ପାଇଁ କଷ୍ଟସାଧ୍ୟ ଥିଲେ ହେଁ ଅସମ୍ଭବ ନ ଥିଲା। ମାତ୍ର ବ୍ୟକ୍ତିଗତଭାବେ ଭାରତୀୟ ବ୍ୟାଟ୍ସମ୍ୟାନଙ୍କ ଖରାପ ପ୍ରଦର୍ଶନ ଏବଂ ବଡ଼ ପାର୍ଟନରଶିପ୍‌ର ଅଭାବ ଯୋଗୁ ଦଳକୁ ପରାଜୟ ସ୍ବାଦ ଚାଖିବାକୁ ପଡ଼ିଲା। ଦ୍ୱିତୀୟ ଇନିଂସରେ ଏକାକୀ ରୋହିତ ଶର୍ମା କିଛି ସମୟ ଲଢ଼େଇ କରିଥିବାବେଳେ ଅନ୍ୟ କୌଣସି ସ୍ପେଶାଲିଷ୍ଟ ବ୍ୟାଟ୍ସମ୍ୟାନ ଦକ୍ଷିଣ ଆଫ୍ରିକା ବୋଲରଙ୍କୁ ସାମ୍ନା କରିପାରି ନ ଥିଲେ। ଫଳରେ ୮୭ ରନରେ ୭ଟି ଉଇକେଟ ହରାଇ ଦଳ ଲଜ୍ଜାଜନକ ସ୍ଥିତିରେ ପହଞ୍ଚତ୍ ଯାଇଥିଲା। ଶେଷଭାଗରେ ମହମ୍ମଦ ସାମିଙ୍କ ଦ୍ରୁତ ୨୮(୨୪ ବଲ, ୫ ଚୌକା) ରନ କରିବା ଯୋଗୁ ଟିମ୍‌ ଇଣ୍ଡିଆ ସ୍କୋର ୧୦୦ ଅତିକ୍ରମ କରି ପାରିଥିଲା। ରୋହିତ ୭୪ ବଲ୍‌ରୁ ୬ ଚୌକା ଓ ୧ ଛକା ସହ ସର୍ବାଧିକ ୪୭ ରନ କରିବାକୁ ସକ୍ଷମ ହୋଇଥିଲେ। ଘରୋଇ ପରିବେଶରେ ସିଂହ ପରାକ୍ରମ ଦେଖାଉଥିବା ଭାରତୀୟ ବ୍ୟାଟ୍ସମ୍ୟାନମାନେ ଦକ୍ଷିଣ ଆଫ୍ରିକା ବୋଲରଙ୍କ ଆଗରେ ମାତ୍ର ୫୦.୨ ଓଭର ତିଷ୍ଠି ପାରିଥିଲେ। ଭାରତର ଦ୍ୱିତୀୟ ଇନିଂସ ୧୫୧ ରନରେ ଶେଷ ହୋଇ ଯାଇଥିଲା। ଦକ୍ଷିଣ ଆଫ୍ରିକା ବୋଲରଙ୍କ ମଧ୍ୟରେ କ୍ୟାରିୟରର ପ୍ରଥମ ଟେଷ୍ଟ ଖେଳିଥିବା ଲୁନ୍‌ଗି ଏନଗିଡି ସର୍ବଶ୍ରେଷ୍ଠ ପ୍ରଦର୍ଶନ କରିଥିଲେ। ସେ ନିଜ ୧୨.୨ ଓଭର ସ୍ପେଲରେ ୩ଟି ମେଡେନ ନେଇ ୩୯ ରନ ବିନିମୟରେ ୬ ଉଇକେଟ ସଫଳତା ପାଇଥିଲେ। ନିଜ ଉଜ୍ଜ୍ୱଳ ଭବିଷ୍ୟତ ସମ୍ପର୍କରେ ସୂଚନା ଦେଇଥିବା ଏହି ଯୁବ ବୋଲରଙ୍କୁ ମ୍ୟାନ ଅଫ ଦି ମ୍ୟାଚ ପୁରସ୍କାର ପ୍ରଦାନ କରାଯାଇଥିଲା। କାଗିସୋ ରାବାଡ଼ା ଅନ୍ୟ ୩ଟି ଉଇକେଟ ଅକ୍ତିଆର କରିଥିଲେ। ୨୦୧୫ରେ ଦକ୍ଷିଣ ଆଫ୍ରିକା ବିପକ୍ଷରେ ଭାରତ ୩-୦ରେ ସିରିଜ ଜିତିଥିଲା। ଦକ୍ଷିଣ ଆଫ୍ରିକା ନିଜ ଘରୋଇ ପରିବେଶରେ ଏହାର ମଧୁର ପ୍ରତିଶୋଧ ନେବାରେ ସକ୍ଷମ ହୋଇଛି। ପଦାର୍ପଣରେ ଶ୍ରେଷ୍ଠ ପ୍ରଦର୍ଶନ- ଏନଗିଡି ନିଜ ପଦାର୍ପଣ ଟେଷ୍ଟରେ ଶ୍ରେଷ୍ଠ ପ୍ରଦର୍ଶନ କରିବାରେ ସକ୍ଷମ ହୋଇଛନ୍ତି। ଦକ୍ଷିଣ ଆଫ୍ରିକାର ୬ଷ୍ଠ ବୋଲରଭାବେ ସେ ନିଜ ପ୍ରଥମ ଟେଷ୍ଟରେ ୫ କିମ୍ବା ତଦୂର୍ଦ୍ଧ୍ୱ ଉଇକେଟ ହାସଲ କରିଛନ୍ତି। ତାଙ୍କ ପୂର୍ବରୁ ଲାନ୍ସ କ୍ଲୁଜନର(୮/୬୨ ବନାମ ଭାରତ, ୧୯୯୬), ଚାଲର୍‌ସ ଲଙ୍ଗଭେଲ୍ଡ(୫/୪୬ ବନାମ ଇଂଲଣ୍ଡ, ୨୦୦୫), ଭେର୍ନନ ଫିଲାଣ୍ଡର(୫/୧୫ ବନାମ ଅଷ୍ଟ୍ରେଲିଆ, ୨୦୧୧), ମର୍ଚାଣ୍ଟ ଡି’ଲାଙ୍ଗେ (୭/୮୧ ବନାମ ଶ୍ରୀଲଙ୍କା, ୨୦୧୧) ଓ କାଇଲ ଆବୋଟ (୭/୨୯ ବନାମ ପାକିସ୍ତାନ, ୨୦୧୩) ଏହି କ୍ଲବର ସଦସ୍ୟ ଥିଲେ। ସଂକ୍ଷିପ୍ତ ସ୍କୋର- ଦକ୍ଷିଣ ଆଫ୍ରିକା ପ୍ରଥମ ଇନିଂସ: ୩୩୫। ଭାରତ ପ୍ରଥମ ଇନିଂସ: ୩୦୭। ଦକ୍ଷିଣ ଆଫ୍ରିକା ଦ୍ୱିତୀୟ ଇନିଂସ: ୨୫୮। ଭାରତ ଦ୍ୱିତୀୟ ଇନିଂସ: ୧୫୧/ଅଲଆଉଟ (ରୋହିତ-୪୭, ସାମି-୨୮, ଏନଗିଡି-୬/୩୯, ରାବାଡା-୩/୪୭)।

All Right Reserved By
Karnatak Exit Poll

Model This Week

ସନ୍ତୋଷ

ଖେଳ |

ପ୍ରାଜନେସ୍‌ ଦ୍ୱିତୀୟ ରାଉଣ୍ଡରେ, ନାଗାଲ ରାମକୁମାର ପରାସ୍ତ

ପ୍ରାଜନେସ୍‌ ଦ୍ୱିତୀୟ ରାଉଣ୍ଡରେ, ନାଗାଲ ରାମକୁମାର ପରାସ୍ତ

ପ୍ୟାରିସ, ୨୨ା୫ (ପି.ଟି.)-ଫ୍ରେଞ୍ଚ ଓପନ୍‌ କ୍ୱାଲିଫାୟର୍ସରେ ଭାରତର ପ୍ରାଜନେସ ଗୁଣେସ୍ବେରନ ତାଙ୍କ ମୁକାବିଲାରେ ବିଜୟ ହାସଲ କରିଥିବାବେଳେ ରାମକୁମାର ରମାନାଥନ ଓ ସୁମିତ ନାଗାଲ ସେମାନଙ୍କ ପୁରୁଷ ସିଙ୍ଗଲ ଓପନିଂ ରାଉଣ୍ଡ ମ୍ୟାଚରେ ପରାସ୍ତ ହୋଇଯାଇଛନ୍ତି। ଗୁଣେସ୍ବେରନ ୬-୪, ୬-୪ ସିଧାସଳଖ ସେଟ୍‌ରେ ଇଟାଲୀର ସାଲ୍‌ଭାଟୋର କାରୁସୋଙ୍କୁ ପରାସ୍ତ କରି ଦ୍ୱିତୀୟ ରାଉଣ୍ଡରେ ପ୍ରବେଶ କରିଛନ୍ତି। ନିକଟରେ ଚାଇନାର ଆନିଙ୍ଗଠାରେ କନ୍‌ମିଙ୍ଗ ଓପନ ଚ୍ୟାଲେଞ୍ଜର ଜିତିବା ପରେ ପ୍ରାଜନେସ (ବିଶ୍ୱର ୧୮୩ତମ)ର଼୍ୟାଙ୍କିଙ୍ଗ ତାଲିକାର ଟପ୍‌ ୨୦୦ରେ ପ୍ରବେଶ କରିଥିଲେ।

ଭୋଟର ତାଲିକାରେ ପୂର୍ବତନ ଖେଳାଳିଙ୍କୁ ନିଅ

ଭୋଟର ତାଲିକାରେ ପୂର୍ବତନ ଖେଳାଳିଙ୍କୁ ନିଅ

ନୂଆଦିଲ୍ଲୀ ୨୨ା୫ (ପି.ଟି.)-ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ)ର ପ୍ରଶାସକ କମିଟି (ସିଓଏ) ସମସ୍ତ ରାଜ୍ୟ ୟୁନିଟ୍‌ଗୁଡିକୁ ଇ-ମେଲ ଜରିଆରେ ସାନି ହୁକୁମନାମା ଜାରି କରିଛି। ରାଜ୍ୟରେ ଥିବା ସମସ୍ତ ପୂର୍ବତନ ଅନ୍ତର୍ଜାତୀୟ ଖେଳାଳି (ପୁରୁଷ ଓ ମହିଳା)ଙ୍କୁ ସଦସ୍ୟ ପଦ ସହ ଭୋଟିଂ ଅଧିକାର ପ୍ରଦାନ କରିବା ବାଧ୍ୟତାମୂଳକ କରାଯାଇଛି। ଯେଉଁ ରାଜ୍ୟ ୟୁନିଟ୍‌ରେ କ୍ଲବ ଓ ଜିଲା ୟୁନିଟ୍‌ଗୁଡ଼ିକୁ ଭୋଟିଂ ସଦସ୍ୟ ଭାବେ ଗ୍ରହଣ କରାଯାଇଛି ସେମାନେ ଏଥିରେ ଖପ୍ପା ହୋଇଛନ୍ତି। କେତେକ ରାଜ୍ୟ ୟୁନିଟ୍‌ରେ କେବଳ କ୍ଲବ ଏବଂ ଜିଲା ୟୁନିଟ୍‌ଗୁଡ଼ିକ ଭୋଟିଂ ସଦସ୍ୟ ରହିଛନ୍ତି।

କିଟ୍‌ରେ ଆଜି ଆଇପିଏଲ୍‌ ଫ୍ୟାନ୍‌ ପାର୍କ

କିଟ୍‌ରେ ଆଜି ଆଇପିଏଲ୍‌ ଫ୍ୟାନ୍‌ ପାର୍କ

ଭୁବନେଶ୍ୱର, ୨୨।୫(ସ୍ପୋଟର୍‌ସ ବ୍ୟୁରୋ)- ଇଣ୍ଡିଆନ୍‌ ପ୍ରିମିୟର ଲିଗ୍‌ (ଆଇପିଏଲ୍‌) ଏକାଦଶ ସଂସ୍କରଣ ଅନ୍ତିମ ପର୍ଯ୍ୟାୟରେ ଉପନୀତ ହୋଇଛି। ଲିଗ୍‌ ପର୍ଯ୍ୟାୟ ସମାପ୍ତ ହୋଇଥିବାବେଳେ ମଙ୍ଗଳବାରଠାରୁ କ୍ୱାଲିଫାୟର ପର୍ଯ୍ୟାୟର ଆରମ୍ଭ ହେବ। ଏହି ଅବସରରେ ଚଳିତ ସିଜନରେ ୧୯ଟି ରାଜ୍ୟର ୩୬ଟି ସହର ଭ୍ରମଣ କରିସାରିଥିବା ଭିଭୋ ଆଇପିଏଲ୍‌ ଫ୍ୟାନ୍‌ ପାର୍କ ଏବେ ରାଜଧାନୀ ଭୁବନେଶ୍ୱରରେ ଆସି ପହଞ୍ଚତ୍ଛି। ମଙ୍ଗଳବାର ଦୁଇ ଶକ୍ତିଶାଳୀ ଦଳ ସନରାଇଜର୍ସ ହାଇଦ୍ରାବାଦ୍‌ ଓ ଚେନ୍ନାଇ ସୁପର୍‌କିଙ୍ଗ୍ସ ମଧ୍ୟରେ ସନ୍ଧ୍ୟା ୭ଟାରେ ଖେଳାଯିବାକୁ ଥିବା କ୍ୱାଲିଫାୟର-୧’ର ସିଧାସଳଖ ପ୍ରସାରଣକୁ ପ୍ରଶଂସକମାନେ କିଟ୍‌ କ୍ରିକେଟ୍‌ ଗ୍ରାଉଣ୍ଡରେ ଉପଭୋଗ କରିପାରିବେ।

ତିନି ଦଶନ୍ଧି ପରେ ପ୍ରଥମ ଅନ୍ତର୍ଜାତୀୟ ଫୁଟ୍‌ବଲ ଟୁର୍ନାମେଣ୍ଟ ଆୟୋଜନ କରିବ ଇରାକ

ତିନି ଦଶନ୍ଧି ପରେ ପ୍ରଥମ ଅନ୍ତର୍ଜାତୀୟ ଫୁଟ୍‌ବଲ ଟୁର୍ନାମେଣ୍ଟ ଆୟୋଜନ କରିବ ଇରାକ

ବାଗଦାଦ୍‌, ୨୨।୫(ଏଏଫ୍‌ପି)- ଆସନ୍ତା ନଭେମ୍ବର ମାସରେ ବାସ୍ରା ସହରରେ ଓ୍ବେଷ୍ଟ ଏସିଆ ଫୁଟ୍‌ବଲ ଫେଡେରେଶନ (ଡବ୍ଲ୍ୟୁଏଏଫ୍‌ଏଫ୍‌) ଚାମ୍ପିୟନଶିପ୍‌ ପ୍ରତିଯୋଗିତା ଅନୁଷ୍ଠିତ ହେବ। ୧୯୯୦ ମସିହା ପରେ ପ୍ରଥମଥର ଲାଗି ଇରାକରେ ଏକ ଅନ୍ତର୍ଜାତୀୟ ଟୁର୍ନାମେଣ୍ଟ ଆୟୋଜିତ ହେବାକୁ ଯାଉଛି।

ଇରାନ ଦଳରୁ କାଭେଙ୍କୁ ଅଣଦେଖା

ଇରାନ ଦଳରୁ କାଭେଙ୍କୁ ଅଣଦେଖା

ତେହରାନ, ୨୨।୫(ଏଏଫ୍‌ପି)- ରୁଷିଆରେ ହେବାକୁ ଥିବା ଫିଫା ବିଶ୍ୱକପ୍‌ର ଆସନ୍ତା ସଂସ୍କରଣ ଲାଗି ଏସୀୟ ଦେଶ ଇରାନ ପକ୍ଷରୁ ୨୪ ଜଣିଆ ଦଳ ଘୋଷଣା କରାଯାଇଛି। ଆଶ୍ଚର୍ଯ୍ୟଜନକ ଭାବେ ତାରକା ଷ୍ଟ୍ରାଇକର କାଭେ ରେଜାଇଙ୍କୁ ଏହି ଦଳରୁ ବାଦ୍‌ ଦିଆଯାଇଛି। ବେଲଜିୟମର ପ୍ରଥମ ଡିଭିଜନ କ୍ଲବ ରୟାଲ ଚାର୍ଲେରୋଇ ସ୍ପୋର୍ଟିଂ କ୍ଲବ ପକ୍ଷରୁ ପ୍ରତିନିଧିତ୍ୱ କରୁଥିବା ଏହି ୨୬ ବର୍ଷୀୟ ଷ୍ଟ୍ରାଇକର ଚଳିତ ସିଜନରେ ୩୯ଟି ମ୍ୟାଚ୍‌ ଖେଳି ୧୬ଟି ଗୋଲସ୍କୋର କରିଥିଲେ ମଧ୍ୟ ଇରାନ ଚୟନକର୍ତ୍ତାଙ୍କୁ ଏହା ପ୍ରଭାବିତ କରିପାରି ନ ଥିଲା।

କ୍ଲବ ଓ୍ବାଲର୍‌ଡ କପ୍‌କୁ ଟିମ୍‌ ଓ୍ବେଲିଂଟନର ଯୋଗ୍ୟତା

କ୍ଲବ ଓ୍ବାଲର୍‌ଡ କପ୍‌କୁ ଟିମ୍‌ ଓ୍ବେଲିଂଟନର ଯୋଗ୍ୟତା

ଓ୍ବେଲିଂଟନ, ୨୨।୫(ଏଏଫ୍‌ପି)- ନ୍ୟୁଜିଲାଣ୍ଡ ରାଜଧାନୀସ୍ଥିତ ଟିମ୍‌ ଓ୍ବେଲିଂଟନ କ୍ଲବ ଫିଫା କ୍ଲବ ବିଶ୍ୱକପ୍‌କୁ ଯୋଗ୍ୟତା ହାସଲ କରିଛି। ଓସେନିଆ ଚାମ୍ପିୟନ୍ସ ଲିଗ୍‌ ଜିତିବା ପରେ ଟିମ୍‌ ଓ୍ବେଲିଂଟନ ପ୍ରଥମଥର ଲାଗି ଏହି ସମ୍ମାନଜନକ ପ୍ରତିଯୋଗିତା ଖେଳିବାର ସୌଭାଗ୍ୟ ଲାଭ କରିଛି।

କବାଡ଼ିରେ କମିଶନରେଟ ପୋଲିସର ଡବଲ ବିଜୟ

କଟକ ଅଫିସ,୨୨ା୫- ଓଏମ୍‌ପି ସ୍ଥିତ ଓଏସ୍‌ଏପି ୬ଷ୍ଠ ବାଟାଲିୟନରେ ଚାଲିଥିବା ୭୫ତମ ରାଜ୍ୟ ପୋଲିସ କବାଡ଼ି ଓ ୭ମ ହ୍ୟାଣ୍ଡବଲ ଚାମ୍ପିୟନଶିପ୍‌ର ୪ର୍ଥ ଦିନର ଖେଳ ଶେଷ ହୋଇଛି । ୪ର୍ଥ ଦିବସରେ ଅନୁଷ୍ଠିତ କବାଡ଼ି ପ୍ରତିଯୋଗିତାରେ କଳିଙ୍ଗନଗର ୩ୟ ଆଇଆର ବାଟାଲିୟନ ୩୫-୨୫ ପଏଣ୍ଟରେ ଝାରସୁଗୁଡ଼ା ୨ୟ ବାଟାଲିୟନକୁ ପରାସ୍ତ କରିଥିବା ବେଳେ ସମ୍ବଲପୁର ଜିଲା ୫୦-୨୦ ପଏଣ୍ଟରେ ଛତ୍ରପୁର ଓଏସ୍‌ଏପି ୮ମ ବାଟାଲିୟନକୁ, କମିଶନରେଟ ପୋଲିସ-ଏ ୪୦-୧୬ ପଏଣ୍ଟରେ ରାଉରକେଲା ଜିଲାକୁ, କମିଶନରେଟ ପୋଲିସ-ବି ୩୨-୧୬ ପଏଣ୍ଟରେ ଭଞ୍ଜନଗର ୮ମ ସ୍ବତନ୍ତ୍ର ଆଇଆର ବାଟାଲିୟନକୁ, ଓଡ଼ିଶା ଫାୟାର ସର୍ଭିସ ୨୬-୧୦ ପଏଣ୍ଟରେ ଖୋର୍ଦ୍ଧା ୬ଷ୍ଠ ଆଇଆର ବାଟାଲିୟନକୁ, ଦେବଗଡ଼ ୪ର୍ଥ ଆଇଆର ବାଟାଲିୟନ ୨୫-୭ ପଏଣ୍ଟରେ ଢ଼େଙ୍କାନାଳ ଜିଲାକୁ, ରାଉରକେଲା ଓଏସ୍‌ଏପି ୪ର୍ଥ ଆଇଆର ବାଟାଲିୟନ ୪୬-୨୯ ପଏଣ୍ଟରେ କେନ୍ଦୁଝର ୨ୟ ଏସ୍‌ଏସ୍‌ ବାଟାଲିୟନକୁ, କଳିଙ୍ଗନଗର ୩ୟ ଆଇଆର ବାଟାଲିୟନ ୪୦-୧୧ ପଏଣ୍ଟରେ ବାରିପଦା ଓଏସ୍‌ଏପି ବାରିପଦା ଓଏସ୍‌ଏପି ୫ମ ବାଟାଲିୟନକୁ, କୋରାପୁଟ ୧ମ ଆଇଆର ବାଟାଲିୟନ ୩୩-୧୭ ପଏଣ୍ଟରେ କମିଶନରେଟ ପୋଲିସ-ଏକୁ, କଟକ ଓଏସ୍‌ଏପି ୬ଷ୍ଠ ବାଟାଲିୟନ ୩୬-୧୦ ପଏଣ୍ଟରେ ଭଞ୍ଜନଗର ୮ମ ସ୍ବତନ୍ତ୍ର ଆଇଆର ବାଟାଲିୟନକୁ ହରାଇଥିଲା ।

କଳାହାଣ୍ଡି କପ୍‌ ଚୟନ ଶିବିର ୨୪ରେ

କଳାହାଣ୍ଡି କପ୍‌ ଚୟନ ଶିବିର ୨୪ରେ

କଟକ ଅଫିସ,୨୨ା୫- କଟକ ଜିଲା କ୍ରୀଡ଼ା ସଂସଦ ଆନୁକୂଲ୍ୟରେ ଓସିଏ କ୍ରିକେଟ ଏକାଡେମୀରେ କଳାହାଣ୍ଡି କପ୍‌ ଓ ୨୩ବର୍ଷରୁ କମ୍‌ ଟୁର୍ନାମେଣ୍ଟ ନିମନ୍ତେ ଖେଳାଳି ଚୟନ ଶିବିର ଆସନ୍ତା ୨୪ରେ ଅନୁଷ୍ଠିତ ହେବ । ଏହି ଶିବିରରେ କଳାହାଣ୍ଡି କପ୍‌ର କଟକ-ଏ ଓ କଟକ-ବି ଦଳ ସମେତ ୨୩ବର୍ଷରୁ କମ୍‌ ଟୁର୍ନାମେଣ୍ଟ ନିମନ୍ତେ କଟକ ଜିଲା ଦଳ ବଛାଯିବ।

କ୍ୱାର୍ଟର ଫାଇନାଲରେ ପାରାମାଉଣ୍ଟ

କ୍ୱାର୍ଟର ଫାଇନାଲରେ ପାରାମାଉଣ୍ଟ

ଭୁବନେଶ୍ୱର, ୨୨।୫(କ୍ରୀଡ଼ା ପ୍ରତିନିଧି)- ପାରାମାଉଣ୍ଟ ସ୍ପୋର୍ଟିଂ ପୁରୁଣା ଭୁବନେଶ୍ୱରସ୍ଥିତ ବିଏମ ହାଇସ୍କୁଲ ପଡ଼ିଆରେ ଚାଲିଥିବା ଦ୍ୱିତୀୟ ରାମେଶ୍ୱର କପ୍‌ ୧୯ ବର୍ଷରୁ କମ୍‌ ଜୁନିୟର କ୍ରିକେଟ ଟୁର୍ନାମେଣ୍ଟର କ୍ୱାର୍ଟର ଫାଇନାଲରେ ପ୍ରବେଶ କରିଛି। ସୋମବାର ଅନୁଷ୍ଠିତ ପୁଲ୍‌‘ବି’ ପ୍ରି-କ୍ୱାର୍ଟର ଫାଇନାଲରେ ପାରାମାଉଣ୍ଟ ୬ ଉଇକେଟରେ ଜାଗୃତି କ୍ରିକେଟ ଏକାଡେମୀକୁ ପରାସ୍ତ କରିଛି।

ଓଡ଼ିଶାର ସ୍ବର୍ଣ୍ଣଲତାଙ୍କ ମାଉଣ୍ଟ ଏଭରେଷ୍ଟ ଆରୋହଣ

ଓଡ଼ିଶାର ସ୍ବର୍ଣ୍ଣଲତାଙ୍କ ମାଉଣ୍ଟ ଏଭରେଷ୍ଟ ଆରୋହଣ

ଭୁବନେଶ୍ୱର, ୨୨।୫(କ୍ରୀଡ଼ା ପ୍ରତିନିଧି)- ଦୁଃସାହସିକ କ୍ରୀଡ଼ା ପ୍ରତି ଓଡ଼ିଶାରେ ଆଗ୍ରହ ବୃଦ୍ଧି ପାଉଛି। ଏହାକୁ ଏକ ପାଦ ଆଗକୁ ନେଇଛନ୍ତି ଓଡ଼ିଆ ଝିଅ ସ୍ବର୍ଣ୍ଣଲତା ଦଳେଇ। ଯାଜପୁର ଜିଲା କଳିଙ୍ଗନଗରର ୨୦ ବର୍ଷୀୟା ସ୍ବର୍ଣ୍ଣଲତା ସୋମବାର ସକାଳେ ସଫଳତାର ସହ ମାଉଣ୍ଟ ଏଭରେଷ୍ଟ ଆରୋହଣ କରିଛନ୍ତି। ନିଜର ସାଥୀ ପର୍ବତାରୋହୀ ପୁନମ୍‌ ଓ ସନ୍ଦୀପ ତୋଲିୟାଙ୍କ ସହିତ ମିଶି ସେ ଏହି ସଫଳତା ପାଇଛନ୍ତି। ଏହି ମିଶନକୁ ଟାଟା ଷ୍ଟିଲ୍‌ ପ୍ରାୟୋଜିତ କରିଥିଲା ଓ ଏହାକୁ ଟାଟା ଷ୍ଟିଲ୍‌ ଆଡ୍‌ଭେଞ୍ଚର ଫାଉଣ୍ଡେଶନ (ଟିଏସ୍‌ଏଏଫ୍‌) ପକ୍ଷରୁ ଆୟୋଜନ କରାଯାଇଥିଲା।

କ୍ୱାଲିଫାୟର-୧ରେ ସନ୍‌-ସୁପର ଲଢ଼େଇ

କ୍ୱାଲିଫାୟର-୧ରେ ସନ୍‌-ସୁପର ଲଢ଼େଇ

ବମ୍ବେ, ୨୧।୫(ପି.ଟି.)- ଇଣ୍ଡିଆନ ପ୍ରିମିୟର ଲିଗ୍‌ର (ଆଇପିଏଲ-୧୧) ଲିଗ୍‌ ପର୍ଯ୍ୟାୟ ରବିବାର ଶେଷ ହୋଇଛି। ମଙ୍ଗଳବାର ସ୍ଥାନୀୟ ଓ୍ବାଙ୍ଖଡେ ଷ୍ଟାଡିୟମରେ କ୍ୱାଲିଫାୟର-୧ ଅନୁଷ୍ଠିତ ହେବ। ପଏଣ୍ଟ ଟେବୁଲର ପ୍ରଥମ ଦୁଇ ସ୍ଥାନରେ ଥିବା ସନ୍‌ରାଇଜର୍ସ ହାଇଦ୍ରାବାଦ ଓ ଚେନ୍ନାଇ ସୁପରକିଙ୍ଗ୍ସ ପରସ୍ପରର ସମ୍ମୁଖୀନ ହେବେ। କ୍ୱାଲିଫାୟର-୧ର ବିଜେତା ସିଧାସଳଖ ଫାଇନାଲରେ ପ୍ରବେଶ କରିବ। ପରାଜିତ ଦଳ ଦ୍ୱିତୀୟ କ୍ୱାଲିଫାୟରରେ ନିଜ ଭାଗ୍ୟ ପରୀକ୍ଷା କରିବ।

ଉବର କପ୍‌: ଅଷ୍ଟ୍ରେଲିଆକୁ ହରାଇଲା ଭାରତ

ଉବର କପ୍‌: ଅଷ୍ଟ୍ରେଲିଆକୁ ହରାଇଲା ଭାରତ

ବ୍ୟାଙ୍କକ୍‌,୨୧।୫(ପି.ଟି.)- ଷ୍ଟାର ଶଟଲର ସାଇନା ନେହ୍ବାଲଙ୍କ ନେତୃତ୍ୱରେ ଭାରତୀୟ ମହିଳା ବ୍ୟାଡ୍‌ମିଣ୍ଟନ ଦଳ ଚଳିତ ଉବର କପ୍‌ ଗ୍ରୁପ୍‌ ଏ’ ମୁକାବିଲାରେ ଅଷ୍ଟ୍ରେଲିଆକୁ ୪-୧ ଗୋଲ୍‌ରେ ପରାସ୍ତ କରିଛି।