ଖେଳ |

ନିର୍ଣ୍ଣାୟକ ସ୍ଥିତିରେ ସେଞ୍ଚୁରିଅନ ଟେଷ୍ଟ

ନିର୍ଣ୍ଣାୟକ ସ୍ଥିତିରେ ସେଞ୍ଚୁରିଅନ ଟେଷ୍ଟ
ସେଞ୍ଚୁରିଅନ, ୧୬।୧- ଏଠାରେ ଚାଲିଥିବା ଦ୍ୱିତୀୟ କ୍ରିକେଟ ଟେଷ୍ଟ ନିର୍ଣ୍ଣାୟକ ସ୍ଥିତିରେ ପହଞ୍ଚତ୍ଛି। ଭାରତ ସମ୍ମୁଖରେ ୨୮୭ ରନ ବିଜୟ ଲକ୍ଷ୍ୟ ଧାର୍ଯ୍ୟ ହୋଇଥିବାବେଳେ ଦଳ ମଙ୍ଗଳବାର ୪ର୍ଥ ଦିବସ ଶେଷସୁଦ୍ଧା ୩୫ ରନ ମଧ୍ୟରେ ୩ଟି ଉଇକେଟ ହରାଇ ବିପଦରେ ପଡ଼ିଛି। ଦୁଇ ଓପନର ମୁରଲୀ ବିଜୟ ୯, ଲୋକେଶ ରାହୁଲ ୪ ଓ ଅଧିନାୟକ ବିରାଟ କୋହଲି ୪ ରନ କରି ଆଉଟ ହୋଇଛନ୍ତି। ଷ୍ଟମ୍ପ୍ସ ପ୍ରତ୍ୟାହୃତ ହେବା ବେଳକୁ ଚେତେଶ୍ୱର ପୂଜାରା ୧୧ ଓ ପାର୍ଥିବ ପଟେଲ ୫ ରନରେ ଅପରାଜିତ ରହିଛନ୍ତି। ଦକ୍ଷିଣ ଆଫ୍ରିକା ପକ୍ଷରୁ ଲୁନ୍‌ଗି ଏନଗିଡି ୨ଟି ଓ କାଗିସୋ ରାବାଡା ଗୋଟିଏ ଉଇକେଟ ନେଇଛନ୍ତି। ବୁଧବାର ଶେଷ ଦିବସରେ ବିଜୟ ପାଇଁ ଭାରତକୁ ଆଉ ୨୫୨ ରନ ଏବଂ ଦକ୍ଷିଣ ଆଫ୍ରିକାକୁ ୭ ଉଇକେଟ ଆବଶ୍ୟକ ହେଉଛି। ତୃତୀୟ ଦିବସର ଅସମାପ୍ତ ସ୍କୋର ୯୦/୨ରୁ ଖେଳ ଆରମ୍ଭ କରିଥିବା ଦକ୍ଷିଣ ଆଫ୍ରିକା ଏବି ଡି’ଭିଲର୍ସ ଓ ଡିନ୍‌ ଏଲଗାରଙ୍କ ତୃତୀୟ ଉଇକେଟ ଶତକୀୟ ଭାଗୀଦାରି ସହାୟତାରେ ବଡ଼ ସ୍କୋର ଆଡ଼କୁ ମୁହାଁଇଥିଲା। ତେବେ ଦଳୀୟ ସ୍କୋର ୧୪୪ରେ ପହଞ୍ଚତ୍ବାପରେ ଡି’ଭିଲର୍ସଙ୍କୁ କଟ୍‌ ବିହାଇଣ୍ଡ କରାଇ ମହମ୍ମଦ ସାମି ଭାରତକୁ ପ୍ରତିକ୍ଷୀତ ବ୍ରେକ୍‌ ଥ୍ରୁ ଦେଇଥିଲେ। ୧୨୧ଟି ବଲ୍‌ର ସମ୍ମୁଖୀନ ହୋଇଥିବା ଡି’ଭିଲର୍ସ ୧୦ ଚୌକା ସହାୟତାରେ ୮୦ ରନ କରିଥିଲେ। ଦଳୀୟ ସ୍କୋର ବୋର୍ଡରେ ଆଉ ୭ ରନ ଯୋଗ ହେବାପରେ ଏଲଗାର ମଧ୍ୟ ସାମିଙ୍କ ଶିକାର ହୋଇ ପ୍ୟାଭିଲିୟନ ଫେରିଥିଲେ। ସେ ୧୨୧ ବଲ୍‌ରୁ ୮ ଚୌକା ଓ ୧ ଛକା ସହ ୬୧ ରନ ସଂଗ୍ରହ କରିଥିଲେ। ମିଡିଲ ଅର୍ଡରରେ କ୍ୱିଣ୍ଟନ ଡି’କକ୍‌ ମାତ୍ର ୧୨ ରନ କରି ଆଉଟ ହୋଇଥିବାବେଳେ ଅଧିନାୟକ ଫାଫ୍‌ ଡୁପ୍ଲେସି ଓ ଭେର୍ନନ ଫିଲାଣ୍ଡର ସତର୍କତାର ସହ ବ୍ୟାଟିଂ କରି ଦଳୀୟ ସ୍କୋରକୁ ୨୦୦ ଅତିକ୍ରମ କରାଇବା ସହ ଭାରତ ପାଇଁ ବିପଜ୍ଜନକ ସାବ୍ୟସ୍ତ ହୋଇଥିଲେ। ତେବେ ସ୍କୋର ୨୦୯ ହୋଇଥିବାବେଳେ ଫିଲାଣ୍ଡର( ୮୫ ବଲ୍‌, ୨୬ ରନ, ୨ ଚୌକା)ଙ୍କୁ ଆଉଟ କରିଥିଲେ ଈଶାନ୍ତ ଶର୍ମା। ଧୈର୍ଯ୍ୟର ସହ ଖେଳିଥିବା ଡୁପ୍ଲେସି ୧୪୧ ବଲରୁ ୪ ଚୌକା ସହାୟତାରେ ୪୮ ରନ କରିଥିବାବେଳେ ଯଶପ୍ରୀତ ବୁମ୍‌ରାଙ୍କ ବଲ୍‌ରେ କଟ୍‌ ଆଣ୍ଡ ବୋଲ୍ଡ ହୋଇ ଯାଇଥିଲେ। ଶେଷ ୩ଟି ଉଇକେଟ ୧୩ ରନ ମଧ୍ୟରେ ପଡ଼ିଯିବାରୁ ଦକ୍ଷିଣ ଆଫ୍ରିକା ଦ୍ୱିତୀୟ ଇନିଂସ ୨୫୮ ରନରେ ସୀମିତ ହୋଇ ଯାଇଥିଲା। ଭାରତୀୟ ବୋଲରଙ୍କ ମଧ୍ୟରେ ମହମ୍ମଦ ସାମି ୪ଟି, ବୁମ୍‌ରା ୩ଟି, ଈଶାନ୍ତ ଶର୍ମା ୨ଟି ଏବଂ ରବିଚନ୍ଦ୍ରନ ଅଶ୍ୱିନ ଗୋଟିଏ ଉଇକେଟ ନେଇଥିଲେ। ସଂକ୍ଷିପ୍ତ ସ୍କୋର: ଦକ୍ଷିଣ ଆଫ୍ରିକା ପ୍ରଥମ ଇନିଂସ: ୩୩୫। ଭାରତ ପ୍ରଥମ ଇନିଂସ: ୩୦୭। ଦକ୍ଷିଣ ଆଫ୍ରିକା ଦ୍ୱିତୀୟ ଇନିଂସ: ୨୫୮/ଅଲଆଉଟ(ଡି’ଭିଲର୍ସ-୮୦, ଏଲଗାର-୬୧, ଡୁପ୍ଲେସି-୪୮, ଫିଲାଣ୍ଡର-୨୬, ସାମି-୪/୪୯, ବୁମ୍‌ରା-୩/୭୦, ଈଶାନ୍ତ-୨/୪୦, ଅଶ୍ୱିନ-୧/୭୮)। ଭାରତ ଦ୍ୱିତୀୟ ଇନିଂସ: ୩୫/୩(ପୂଜାରା-୧୧*, ଏନଗିଡି-୨/୧୪, ରାବାଡା-୧/୯)।
All Right Reserved By

ଖେଳ |

ହକି ବିଶ୍ୱକପ୍‌ : ୨୮ରେ ବାରବାଟୀରେ ରହମାନ ଶୋ ସମ୍ଭାବନା

ହକି ବିଶ୍ୱକପ୍‌ : ୨୮ରେ ବାରବାଟୀରେ ରହମାନ ଶୋ ସମ୍ଭାବନା

କଟକ ଅଫିସ,୧୬ା୧୧- ହକି ବିଶ୍ୱକପ୍‌କୁ ଦୃଷ୍ଟିରେ ଆସନ୍ତା ୨୮ରେ ବାରବାଟୀ ଷ୍ଟାଡିୟମରେ ରଖି ଏକ ରଙ୍ଗାରଙ୍ଗ କାର୍ଯ୍ୟକ୍ରମ କରାଯିବାର ଯୋଜନା ରହିଛି। ଏହି କାର୍ଯ୍ୟକ୍ରମରେ ଦେଶର ପ୍ରଖ୍ୟାତ ସଙ୍ଗୀତ ନିର୍ଦ୍ଦେଶକ ତଥା ଓସ୍କାର ବିଜେତା ଏ.ଆର. ରହମାନ ଯୋଗଦେବା ସମ୍ଭାବନା ରହିଛି। 

ରାଜ୍ୟ ସ୍ନୁକର: ସୁବ୍ରତ-ଆକାଶ ଫାଇନାଲ

ରାଜ୍ୟ ସ୍ନୁକର: ସୁବ୍ରତ-ଆକାଶ ଫାଇନାଲ

କଟକ ଅଫିସ, ୧୬ା୧୧-ଦି ବିଲିୟାଡର୍‌ସ ଆଣ୍ଡ ସ୍ନୁକର ଆସୋସିଏଶନ ଅଫ ଓଡ଼ିଶା(ବିଏସ୍‌ଏଓ) ଆନୁକୂଲ୍ୟରେ କଟକ କ୍ଲବରେ ଚାଲିଥିବା ରାଜ୍ୟ ସିନିୟର ସ୍ନୁକର ଚାମ୍ପିୟନଶିପ୍‌ର ଫାଇନାଲ ମୁକାବିଲା ସୁବ୍ରତ ଦାସ ଓ ଆକାଶ ମହାପାତ୍ରଙ୍କ ମଧ୍ୟରେ ହେବ।

ଓଡ଼ିଶା-ଆସାମ ରଣ୍‌ଜୀ ମ୍ୟାଚ୍‌: ଦଳକୁ ଫେରିଲେ ରାଜେଶ, ଧୀରଜ

ଓଡ଼ିଶା-ଆସାମ ରଣ୍‌ଜୀ ମ୍ୟାଚ୍‌: ଦଳକୁ ଫେରିଲେ ରାଜେଶ, ଧୀରଜ

କଟକ ଅଫିସ,୧୬ା୧୧- ଆସନ୍ତା ୨୦ରୁ ୨୩ ତାରିଖ ପର୍ଯ୍ୟନ୍ତ ଗୁଆହାଟୀର ନେହେରୁ ଷ୍ଟାଡିୟମରେ ଚଳିତ ରଣ୍‌ଜୀ ସିଜନର ପରବର୍ତ୍ତୀ ମ୍ୟାଚ୍‌ରେ ଓଡ଼ିଶା ଘରୋଇ ଆସାମ ଦଳକୁ ଭେଟିବ।

ମହିଳା ଟି୨୦ ବିଶ୍ୱକପ୍‌: ହ୍ୟାଟ୍ରିକ ବିଜୟ ସହ ସେମିରେ ଭାରତ

ମହିଳା ଟି୨୦ ବିଶ୍ୱକପ୍‌: ହ୍ୟାଟ୍ରିକ ବିଜୟ ସହ ସେମିରେ ଭାରତ

ଗୁୟାନା, ୧୫।୧୧(ପି.ଟି.)- ଚଳିତ ମହିଳା ଟି୨୦ ବିଶ୍ୱକପ୍‌ରେ  ହରମନପ୍ରୀତ କୌରଙ୍କ ନେତୃତ୍ୱାଧୀନ ଭାରତୀୟ ଦଳ କ୍ରମାଗତ ତୃତୀୟ ବିଜୟ ହାସଲ କରି ୨୦୧୦ ପରେ ପ୍ରଥମଥର ପାଇଁ ସେମିଫାଇନାଲରେ ସ୍ଥାନ ପକ୍କା କରିଛି। 

ପୂର୍ବାଞ୍ଚଳ ଆନ୍ତଃ ବିଶ୍ୱବିଦ୍ୟାଳୟ ମହିଳା ଖୋ- ଖୋ ଉଦ୍‌ଘାଟିତ

ପୂର୍ବାଞ୍ଚଳ ଆନ୍ତଃ ବିଶ୍ୱବିଦ୍ୟାଳୟ ମହିଳା ଖୋ- ଖୋ ଉଦ୍‌ଘାଟିତ

ଭୁବନେଶ୍ୱର,୧୬।୧୧(ସ୍ପେଟର୍‌ସ ବ୍ୟୁରୋ)- ଉତ୍କଳ ବିଶ୍ୱବିଦ୍ୟାୟ କ୍ରୀଡା ପରିଷଦ ଆନୁକୂଲ୍ୟରେ ପୂର୍ବାଞ୍ଚଳ ଆନ୍ତଃ ବିଶ୍ୱବିଦ୍ୟାଳୟ ଖୋ- ଖୋ ପ୍ରତିଯୋଗିତା ଗୁରୁବାର ପୂର୍ବାହ୍ନରେ ଉଦ୍‌ଘାଟିତ ହୋଇଛି।

କିଟ୍‌ରେ ପ୍ରଥମ ଏସିଆନ୍‌ ପେଟାନ୍‌କ୍ୟୁ ଚାମ୍ପିୟନଶିପ୍‌ ଆଜିଠୁ

କିଟ୍‌ରେ ପ୍ରଥମ ଏସିଆନ୍‌ ପେଟାନ୍‌କ୍ୟୁ ଚାମ୍ପିୟନଶିପ୍‌ ଆଜିଠୁ

ଭୁବନେଶ୍ୱର, ୧୬।୧୧(ସ୍ପୋଟର୍‌ସ ବ୍ୟୁରୋ)- ଶୁକ୍ରବାରଠାରୁ ସ୍ଥାନୀୟ କିଟ୍‌ ବିଶ୍ୱବିଦ୍ୟାଳୟ  କ୍ୟାମ୍ପସ୍‌ ୧୨ରେ ଆରମ୍ଭ ହେବାକୁ ଯାଉଛି ପ୍ରଥମ ଏସିଆନ୍‌ ବୋଉଲ୍ସ ସ୍ପୋଟର୍‌ସ କନଫେଡେରେଶନ ପେଟାନ୍‌କ୍ୟୁ ଚାମ୍ପିୟନଶିପ୍‌। 

ଦ୍ୱିତୀୟ ଟେଷ୍ଟ: ଶ୍ରୀଲଙ୍କା ଅଗ୍ରଣୀ

ଦ୍ୱିତୀୟ ଟେଷ୍ଟ: ଶ୍ରୀଲଙ୍କା ଅଗ୍ରଣୀ

କାଣ୍ଡି,୧୬।୧୧(ଏଏଫ୍‌ପି)- ଏଠାରେ ଚାଲିଥିବା ଇଂଲଣ୍ଡ ବିପକ୍ଷ ଦ୍ୱିତୀୟ ଟେଷ୍ଟ ମ୍ୟାଚ୍‌ରେ ଘରୋଇ ଶ୍ରୀଲଙ୍କା ପ୍ରଥମ ଇନିଂସ ଅଗ୍ରଣୀ ହାସଲ କରିଛି। ଟସ୍‌ ଜିତି ଇଂଲଣ୍ଡ ପ୍ରଥମ ଇନିଂସରେ ୨୯୦ ରନ କରି ଅଲଆଉଟ ହୋଇଥିଲା।

ବୀରେନ୍ଦ୍ର, ଅମିତ୍‌ଙ୍କ ଉପରେ ଭରସା ରହିଛି: ମନପ୍ରୀତ୍‌

ବୀରେନ୍ଦ୍ର, ଅମିତ୍‌ଙ୍କ ଉପରେ ଭରସା ରହିଛି: ମନପ୍ରୀତ୍‌

ଭୁବନେଶ୍ୱର,୧୬।୧୧(ସ୍ପୋଟର୍‌ସ ବ୍ୟୁରୋ)- ହକି ବିଶ୍ୱକପ୍‌ର ୧୪ତମ ସଂସ୍କରଣ ଆରମ୍ଭ  ହେବାକୁ ଆଉ ଦୁଇ ସପ୍ତାହରୁ କମ୍‌ ସମୟ ରହିଛି। ସ୍ଥାନୀୟ କଳିଙ୍ଗ ଷ୍ଟାଡିୟମରେ ଭାରତୀୟ ଦଳ ତା’ର ପ୍ରଶିକ୍ଷଣ ଶିବିର ଚାଲୁ ରଖିଛି। 

ଆଇପିଏଲ୍‌-୧୨:  ଡୁମିନି, କୁମିନ୍ସଙ୍କୁ ରିଲିଜ କଲା ମୁମ୍ବାଇ

ଆଇପିଏଲ୍‌-୧୨: ଡୁମିନି, କୁମିନ୍ସଙ୍କୁ ରିଲିଜ କଲା ମୁମ୍ବାଇ

ମୁମ୍ବାଇ, ୧୫।୧୧- ଇଣ୍ଡିଆନ ପ୍ରିମିୟର ଲିଗ୍‌ (ଆଇପିଏଲ୍‌)ର ଆଗାମୀ ଦ୍ୱାଦଶ ସିଜନ ପୂର୍ବରୁ ମୁମ୍ବାଇ ଇଣ୍ଡିଆନ୍ସ ଗୁରୁବାର ୧୦ ଜଣ ଖେଳାଳିଙ୍କୁ ଦଳରୁ ରିଲିଜ୍‌ କରିଛି। ଖେଳାଳି ରିଲିଜ୍‌ ଓ ରିଟେନ୍‌ କରିବା ଲାଗି ଗୁରୁବାର ଅନ୍ତିମ ତାରିଖ ହୋଇଥିବାରୁ ମୁମ୍ବାଇ ପକ୍ଷରୁ ଉଭୟ ରିଲିିଜ ଓ ରିଟେନ ଖେଳାଳିଙ୍କ ଅଫିସିଆଲ ତାଲିକା ପ୍ରକାଶ ପାଇଛି। ନିଲାମୀ ପ୍ରକିୟା ପାଇଁ ରିଲିଜ ହୋଇଥିବା ଖେଳାଳିଙ୍କ ମଧ୍ୟରେ ଟି୨୦ ସ୍ପେଶାଲିଷ୍ଟ ଜେପି ଡୁମିନି, ଅଷ୍ଟ୍ରେଲୀୟ ଦ୍ରୁତ ବୋଲର ପ୍ୟାଟ୍‌ କୁମିନ୍ସ, ବାଂଲାଦେଶର ମୁସ୍ତାଫିଜୁର ରେହମାନ ପ୍ରମୁଖ ରହିଛନ୍ତି। ଆଇପିଏଲ୍‌-୧୨ ପାଇଁ ଖେଳାଳି ନିଲାମୀ ପ୍ରକ୍ରିୟା ଡିସେମ୍ବରରେ ଅନୁଷ୍ଠିତ ହେବ। ଏଥିଲାଗି ମୁମ୍ବାଇ ୧୮ ଜଣ ଖେଳାଳିଙ୍କୁ ନିଲାମୀ ପ୍ରକ୍ରିୟାକୁ ନ ଛାଡ଼ି ଦଳରେ ରିଟେନ କରିଛି। ପୂର୍ବଭଳି ରୋହିତ୍‌ ଶର୍ମା ଆଗାମୀ ସିଜନରେ ଅଧିନାୟକ ଭାର ସମ୍ଭାଳିବେ।

 ଭାରତୀୟ ଦଳର ନିଶୁ, ଜ୍ୟାକିଚାନ୍ଦ୍‌

ଭାରତୀୟ ଦଳର ନିଶୁ, ଜ୍ୟାକିଚାନ୍ଦ୍‌

ନୂଆଦିଲ୍ଲୀ, ୧୫ା୧୧ (ପି.ଟି.)-ଶନିବାର ଜୋର୍ଡାନ ବିପକ୍ଷ ବନ୍ଧୁତ୍ୱପୂର୍ଣ୍ଣ ଅନ୍ତର୍ଜାତୀୟ ମ୍ୟାଚ ପାଇଁ ଗୁରୁବାର ୨୨ ଜଣିଆ ଭାରତୀୟ ଫୁଟ୍‌ବଲ ଦଳ ଘୋଷଣା କରାଯାଇଛି। କୋଚ୍‌ ଷ୍ଟିଫେନ୍‌ କନଷ୍ଟାଣ୍ଟିନଙ୍କ ପରାମର୍ଶକ୍ରମେ ଏଥିରେ ମିଡ୍‌ଫିଲ୍ଡର ଜ୍ୟାକିଚାନ୍ଦ ସିଂ ଏବଂ ଲେଫ୍ଟ ବ୍ୟାକ୍‌ ନିଶୁ କୁମାରଙ୍କୁ  ନିଆଯାଇଛି। ଅକ୍ଟୋବରରେ ଭାରତର ଚାଇନା ବିପକ୍ଷ ଡ୍ର’ ମ୍ୟାଚରେ ଏହି ଖେଳାଳି ଦ୍ୱୟ ଦଳରେ ସାମିଲ ନ ଥିଲେ। ସଂଯୁକ୍ତ ଆରବ ଏମିରେଟ୍ସ (ୟୁଏଇ)ରେ ଏଏଫ୍‌ସି  ଏସିଆନ କପ୍‌ ୨୦୧୯ ଅନୁଷ୍ଠିତ ହେବ। ଏଥିପାଇଁ ଭାରତର ପ୍ରସ୍ତୁତି କ୍ଷେତ୍ରରେ ଏହି ମ୍ୟାଚ ବିଶେଷ ସହାୟକ ହେବ ବୋଲି କନଷ୍ଟାଣ୍ଟିନ ମନେ କରୁଛନ୍ତି। ସଦ୍ୟ ପ୍ରକାଶିତ ଫିଫା ର଼୍ୟାଙ୍କିଙ୍ଗରେ ଜୋର୍ଡାନ ୧୧୨ ତମ ସ୍ଥାନରେ ରହିଛି। ନିକଟକରେ ଫିଫା ବିଶ୍ୱକପ୍‌ ୨୦୧୮ ଫାଇନାଲିଷ୍ଟ କ୍ରୋଏସିଆ ବିପକ୍ଷ ବନ୍ଧୁତ୍ୱପୂର୍ଣ୍ଣ ମ୍ୟାଚରେ ଜୋର୍ଡାନ ୧-୨ ଗୋଲରେ ପରାଜିତ ହୋଇଥିଲା। ପାଦରେ ଆଘାତପ୍ରାପ୍ତ ଯୋଗୁ ଷ୍ଟାର ଷ୍ଟ୍ରାଇକର ସୁନୀଲ ଛେତ୍ରୀଙ୍କ ଅନୁପସ୍ଥିତିରେ ଓ୍ବିଙ୍ଗର ହାଲିଚରଣ ନାର୍ଜାରେ ଭାରତୀୟ ଦଳରେ ମୁଖ୍ୟ ଭୂମିକା ଗ୍ରହଣ କରିବେ।

ପଞ୍ଚାୟତସ୍ତରୀୟ ଫୁଟବଲ: ଗୌଡକେଲା ଚାମ୍ପିୟନ

ପଞ୍ଚାୟତସ୍ତରୀୟ ଫୁଟବଲ: ଗୌଡକେଲା ଚାମ୍ପିୟନ

ବୀରମହାରାଜପୁର, ୧୫।୧୧(ଡି.ଏନ.ଏ): ବିଜୁ ଯୁବ ବାହିନୀ ଆନୁକୂଲ୍ୟରେ ବୀରମହାରାଜପୁର ବ୍ଲକ ଉଫୁଲା ପଞ୍ଚାୟତସ୍ତରୀୟ ଫୁଟବଲ ଟୁର୍ନାମେଣ୍ଟ ଅନୁଷ୍ଠିତ ହୋଇଯାଇଛି। 

ଆନ୍ତଃ ମହାବିଦ୍ୟାଳୟସ୍ତରୀୟ ବାର୍ଷିକ କ୍ରୀଡ଼ା: ଭଦ୍ରକର ରାଜେଶ୍ୱରୀ ଚାମ୍ପିୟନ

ଆନ୍ତଃ ମହାବିଦ୍ୟାଳୟସ୍ତରୀୟ ବାର୍ଷିକ କ୍ରୀଡ଼ା: ଭଦ୍ରକର ରାଜେଶ୍ୱରୀ ଚାମ୍ପିୟନ

ଭଦ୍ରକ ଅଫିସ, ୧୫।୧୧ -ଫକୀରମୋହନ ବିଶ୍ୱବିଦ୍ୟାଳୟ ଅଧୀନରେ ଅନୁଷ୍ଠିତ ଆନ୍ତଃ ମହାବିଦ୍ୟାଳୟସ୍ତରୀୟ ବାର୍ଷିକ କ୍ରୀଡ଼ା ପ୍ରତିଯୋଗିତାରେ ଭଦ୍ରକ ଚରମ୍ପା ମହାବିଦ୍ୟାଳୟର ଯୁକ୍ତ ୩ କଳାର ଦ୍ୱିତୀୟବର୍ଷ ଛାତ୍ରୀ ରାଜେଶ୍ୱରୀ ଦାଶ ଚାମ୍ପିୟନ ହୋଇ ଗୋଲ୍ଡ ମେଡାଲ ହାସଲ କରିଛନ୍ତି।