ଜାତୀୟ |

ପ୍ରଧାନ ବିଚାରପତିଙ୍କୁ ଭେଟିଲା ବିସିଆଇ

ପ୍ରଧାନ ବିଚାରପତିଙ୍କୁ ଭେଟିଲା ବିସିଆଇ
ନୂଆଦିଲ୍ଲୀ,୧୫।୧(ପି.ଟି.): ସୁପ୍ରିମକୋର୍ଟର ୪ ବରିଷ୍ଠ ବିଚାରପତିଙ୍କ ଜାନୁୟାରୀ ୧୨ ଖବରଦାତା ସମ୍ମିଳନୀ ପରେ ସୃଷ୍ଟି ହୋଇଥିବା ସଂକଟ ଦୂର ପାଇଁ ଆଇନଜୀବୀ ଓ ପୂର୍ବତନ ବିଚାରପତିମାନେ ତତ୍ପର ହୋଇ ଉଠିଛନ୍ତି। ଏହି ପରିପ୍ରେକ୍ଷୀରେ ରବିବାର ଆଇନଜୀବୀଙ୍କ ନିୟାମକ ସଂସ୍ଥା ଭାବେ ପରିଚିତ ବାର୍‌ କାଉନ୍‌ସିଲ ଅଫ୍‌ ଇଣ୍ଡିଆ (ବିସିଆଇ) ଏବଂ ସୁପ୍ରିମକୋର୍ଟ ବାର୍‌ ଆସୋସିଏଶନ୍‌ (ଏସ୍‌ସିବିଏ) ପ୍ରତିନିଧିମାନେ ପ୍ରଧାନ ବିଚାରପତି ଦୀପକ ମିଶ୍ରଙ୍କୁ ସାକ୍ଷାତ୍‌ କରି ଆଲୋଚନା କରିଛନ୍ତି। ସର୍ବୋଚ୍ଚ ଅଦାଲତରେ ସୃଷ୍ଟି ହୋଇଥିବା ସଙ୍କଟ ଖୁବ୍‌ଶୀଘ୍ର ଦୂର ହୋଇ ସୌହାର୍ଦ୍ଦ୍ୟପୂର୍ଣ୍ଣ ବାତାବରଣ ଫେରିଆସିବ ବୋଲି ଜଷ୍ଟିସ୍‌ ମିଶ୍ର ଉଭୟ ପ୍ରତିନିଧି ଦଳକୁ ପ୍ରତିଶ୍ରୁତି ଦେଇଛନ୍ତି। ପ୍ରଧାନ ବିଚାରପତି ଜଷ୍ଟିସ୍‌ ଦୀପକ ମିଶ୍ରଙ୍କ ବିରୋଧରେ ବିଦ୍ରୋହ ଘୋଷଣା କରି ୪ ବରିଷ୍ଠ ବିଚାରପତି ନ୍ୟାୟପାଳିକାରେ ଭୂକମ୍ପ ସୃଷ୍ଟି କରିଥିବାରୁ ତାହା ସମସ୍ତଙ୍କୁ ଚିନ୍ତିତ କରିଛି। ବିଶେଷକରି ବିସିଆଇ ଶନିବାରର ନିଷ୍ପତ୍ତି କ୍ରମେ ରବିବାର ଦିନ ତମାମ ସର୍ବୋଚ୍ଚ ଅଦାଲତର ବିଚାରପତିମାନଙ୍କ ସହ ଆଲୋଚନା ଜାରି ରଖିଥିଲା। ବିସିଆଇର ୭ ଜଣିଆ ପ୍ରତିନିଧି ଦଳ ପ୍ରଧାନ ବିଚାରପତି ଦୀପକ ମିଶ୍ରଙ୍କୁ ନୂଆଦିଲ୍ଲୀର ୫ କ୍ରିଷ୍ଣା ମେନନ୍‌ ମାର୍ଗସ୍ଥିତ ତାଙ୍କ ବାସଭବନରେ ସାକ୍ଷାତ୍‌ କରି ୫୦ ମିନିଟ ଧରି ଆଲୋଚନା କରିଥିଲେ। ସାକ୍ଷାତ୍‌ ପରେ ବିସିଆଇ ଅଧ୍ୟକ୍ଷ ମନନ୍‌ କୁମାର ମିଶ୍ର କହିଛନ୍ତି, ଖୁବ୍‌ଶୀଘ୍ର ଏହି ସମସ୍ୟାର ସମାଧାନ ହେବ ବୋଲି ପ୍ରଧାନ ବିଚାରପତି ସେମାନଙ୍କୁ ପ୍ରତିଶ୍ରୁତି ଦେଇଛନ୍ତି। ବିସିଆଇର କ୍ଷମତା ସୀମିତ ହୋଇଥିଲେ ହେଁ ଏଦିଗରେ ସମାଧାନ ପାଇଁ ଉଦ୍ୟମ ଚଳାଇଛି। ବିସିଆଇ ପକ୍ଷରୁ ସୋମବାର ଖବରଦାତା ସମ୍ମିଳନୀରେ ଘଟଣାକ୍ରମ ସମ୍ପର୍କରେ ବିସ୍ତୃତ ଭାବେ ଅବଗତ କରାଯିବ। ସେହିପରି ଏସ୍‌ସିବିଏ ଅଧ୍ୟକ୍ଷ ବିକାଶ ସିଂଙ୍କ ନେୃତୃତ୍ୱରେ ଏକ ପ୍ରତିନିଧି ଦଳ ପ୍ରଧାନ ବିଚାରପତିଙ୍କୁ ସାକ୍ଷାତ୍‌ କରି ଏକ ପ୍ରସ୍ତାବ ପତ୍ର ଦେଇଛି। ଜଷ୍ଟିସ୍‌ ମିଶ୍ର ଏହାକୁ ଅନୁଧ୍ୟାନ କରି ପଦକ୍ଷେପ ନେବେ ବୋଲି ସେମାନଙ୍କୁ କହିଛନ୍ତି। ଏହା ପୂର୍ବରୁ ଦିଲ୍ଲୀ ଜିଲା କୋର୍ଟ ବାର୍‌ ଆସୋସିଏଶନ୍‌ ସମନ୍ବୟ କମିଟି ୪ ବରିଷ୍ଠ ବିଚାରପତିଙ୍କ ବିଦ୍ରୋହକୁ ରାଜନୈତିକ ଉଦ୍ଦେଶ୍ୟ ପ୍ରଣୋଦିତ ବୋଲି ଅଭିହିତ କରିଛି। ଖବରଦାତା ସମ୍ମିଳନୀ ପରେ ସିପିଆଇ ଏମ୍‌ପି ଡି.ରାଜା ଜଷ୍ଟିସ୍‌ ଚେଲାମେଶ୍ୱରଙ୍କୁ ସାକ୍ଷାତ କରିବା ଘଟଣାରୁ ଏହା ସ୍ପଷ୍ଟ ହେଉଛି। ୧୦ ଦିନ ମଧ୍ୟରେ ଏହି ସମସ୍ୟାର ସମାଧାନ ନ ହେଲେ ଜିଲା କୋର୍ଟଗୁଡ଼ିକର ଓକିଲମାନେ ରାଜରାସ୍ତାକୁ ଓହ୍ଲାଇବେ ବୋଲି ଏହି ଓକିଲ ସଂଘ ପକ୍ଷରୁ କୁହାଯାଇଛି। ପ୍ରକାଶ ଯେ, ଗତ ଶୁକ୍ରବାର ଜଷ୍ଟିସ୍‌ ଚେଲାମେଶ୍ୱରଙ୍କ ସହ ଅନ୍ୟ ୩ ଜଣ ବରିଷ୍ଠ ବିଚାରପତି ଖବରଦାତା ସମ୍ମିଳନୀ ଡାକି ଶୀର୍ଷ ଅଦାଲତର ଗୁମର ପଦାରେ ପକାଇଥିଲେ। ଏହି ସଙ୍କଟ ଟାଳିବା ସକାଶେ ବିସିଆଇ ଅଣ୍ଟା ଭିଡିଛି। ବିସିଆଇ ପ୍ରତିନିଧି ଦଳ ରବିବାର ଜଷ୍ଟିସ୍‌ ଚେଲାମେଶ୍ୱରଙ୍କୁ ଭେଟିଥିଲେ ମଧ୍ୟ ଅନ୍ୟ ୩ ବରିଷ୍ଠ ବିଚାରପତି ରଞ୍ଜନ ଗୋଗୋଇ, ଏମ.ବି.ଲୋକୁର ଏବଂ କୋରିଏନ୍‌ ଯୋଶେଫ ନୂଆଦିଲ୍ଲୀରେ ଅନୁପସ୍ଥିତ ଥିବା କାରଣରୁ ସେମାନଙ୍କ ସହ ସାକ୍ଷାତ ସମ୍ଭବ ହୋଇନାହିଁ। ମନନ କୁମାର ମିଶ୍ରଙ୍କ ନେତୃତ୍ୱରେ ୭ ଜଣିଆ ପ୍ରତିନିଧି ମଣ୍ଡଳୀ ପୂର୍ବାହ୍ନରେ ଜଷ୍ଟିସ୍‌ ଚେଲାମେଶ୍ୱରଙ୍କ ବାସଭବନକୁ ଯାଇ ତାଙ୍କ ସହ ଆଲୋଚନା କରିଥିଲେ। ଏହାପରେ ସେମାନେ ସର୍ବୋଚ୍ଚ ଅଦାଲତର ଏକାଧିକ ବିଚାରପତିଙ୍କୁ ଭେଟି ଥିଲେ। ସେମାନେ ମଧ୍ୟ ଜଷ୍ଟିସ୍‌ ଆର୍‌.କେ. ଅଗ୍ରଓ୍ବାଲଙ୍କୁ ମଧ୍ୟ ସାକ୍ଷାତ କରି ଆଲୋଚନା କରିଥିଲେ। ଜଣାପଡ଼ିଛି ଯେ, ବିସିଆଇ ଟିମ୍‌ ଭେଟିବା ପରେ ସର୍ବୋଚ୍ଚ ଅଦାଲତର ଦୁଇଜଣ ବରିଷ୍ଠ ବିଚାରପତି ଏସ.ଏ. ବୋବ୍‌ଡେ ଏବଂ ଜଷ୍ଟିସ୍‌ ଏଲ.ନାଗେଶ୍ୱର ରାଓ ମଧ୍ୟ ଜଷ୍ଟିସ ଚେଲାମେଶ୍ୱରଙ୍କୁ ଭେଟି କଥାବାର୍ତ୍ତା କରିଛନ୍ତି। ବିସିଆଇ ପକ୍ଷରୁ ଶନିବାର ଏକ ଗୁରୁତ୍ୱପୂର୍ଣ୍ଣ ବୈଠକରେ ଶୀର୍ଷ ଅଦାଲତରେ ସୃଷ୍ଟି ହୋଇଥିବା ସଂକଟ ନେଇ ଆଲୋଚନା ହୋଇଥିଲା। ଏହି ବୈଠକରେ ୭ ଜଣିଆ ପ୍ରତିନିଧି ମଣ୍ଡଳୀ ବିଚାରପତିମାନଙ୍କୁ ଭେଟି ଆଲୋଚନା କରିବ ବୋଲି ନିଷ୍ପତ୍ତି ନିଆଯାଇଥିଲା। ଅନୁରୂପ ଭାବେ ସୁପ୍ରିମକୋର୍ଟ ବାର ଆସୋସିଏଶନ ଏକ୍‌ଜିକ୍ୟୁଟିଭ୍‌ କମିଟିର ଏକ ଜରୁରୀ ବୈଠକ ମଧ୍ୟ ଶନିବାର ବସିଥିଲା। ସଂକଟ ଟାଳିବା ସକାଶେ ସର୍ବୋଚ୍ଚ ଅଦାଲତର ବିଚାରାଧୀନ ସମସ୍ତ ଜନସ୍ବାର୍ଥ ମାମଲା କନିଷ୍ଠ ବିଚାରପତିଙ୍କ ଖଣ୍ଡପୀଠରୁ ପ୍ରଧାନବିଚାରପତିଙ୍କ ନେତୃତ୍ୱାଧୀନ ଖଣ୍ଡପୀଠ କିମ୍ବା ବରିଷ୍ଠ ବିଚାରପତିଙ୍କ ଖଣ୍ଡପୀଠକୁ ହସ୍ତାନ୍ତର କରିବାକୁ ଆସୋସିଏଶନ ପକ୍ଷରୁ ପ୍ରସ୍ତାବ ଦିଆଯାଇଥିଲା।
All Right Reserved By

ଜାତୀୟ |

ଶ୍ରୀନଗରରେ ଆତଙ୍କବାଦୀ ଆକ୍ରମଣ

ଶ୍ରୀନଗରରେ ଆତଙ୍କବାଦୀ ଆକ୍ରମଣ

ଶ୍ରୀନଗର,୧୭।୧: ଜମ୍ମୁ-କଶ୍ମୀରର ଶ୍ରୀନଗରରେ ଗୁରୁବାର ହୋଇଥିବା ଏକ ଆତଙ୍କବାଦୀ ଆକ୍ରମଣରେ ୩ ଜଣ ଆହତ ହୋଇଥିବା ସୂଚନା ମିଳିଛି। ଜିରୋ ବ୍ରିଜ ନିକଟରେ  ସୁରକ୍ଷାକର୍ମୀଙ୍କ ଉପରକୁ ଆତଙ୍କବାଦୀମାନେ ଗ୍ରେନେଡ ମାଡ କରିବାରୁ ଏହି ଘଟଣା ଘଟିଛି। 

ଭାରତୀୟ ଯବାନଙ୍କ ଆକ୍ରମଣରେ ୫ ପାକିସ୍ତାନୀ ସେନା ନିହତ

ଭାରତୀୟ ଯବାନଙ୍କ ଆକ୍ରମଣରେ ୫ ପାକିସ୍ତାନୀ ସେନା ନିହତ

ପୁଞ୍ଚ,୧୭।୧: ପାକିସ୍ତାନ ସୀମାରେ ବାରମ୍ବାର ଅସ୍ତ୍ରବିରତି ଉଲ୍ଲଂଘନ କରୁଥିବା ବେଳେ ଏହାର କଡା ଜବାବ ଦେଇଛି ଭାରତୀୟ ସେନା। ଜମ୍ମୁ-କଶ୍ମୀରର ପୁଞ୍ଚ ଓ ରାଜୌରି ସୀମାରେ ଗତ ୪ ଦିନ ମଧ୍ୟରେ ୫ ପାକିସ୍ତାନ ସେନା ନିହତ ହୋଇଥିବା ସୂଚନା ମିଳିଛି।

ଗୁଜରାଟରେ ମୋଦି

ଗୁଜରାଟରେ ମୋଦି

ଗାନ୍ଧିନଗର,୧୭।୧: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗୁରୁବାର ଗୁଜରାଟ ଗସ୍ତ କରିଛନ୍ତି। ଏହି ଅବସରରେ ସେ ଗାନ୍ଧିନଗରରେ ଭାଇବ୍ରାଣ୍ଟ ଗୁଜରାଟ ଗ୍ଲୋବାଲ ଟ୍ରେଡ ଶୋ’ ଉଦ୍‌ଘାଟନ କରିଛନ୍ତି। 

କୁମ୍ଭମେଳାରେ ଜଳ ଅର୍ପଣ କଲେ ରାଷ୍ଟ୍ରପତି

କୁମ୍ଭମେଳାରେ ଜଳ ଅର୍ପଣ କଲେ ରାଷ୍ଟ୍ରପତି

ପ୍ରୟାଗରାଜ,୧୭।୧: ଉତ୍ତର ପ୍ରଦେଶର ପ୍ରୟାଗରାଜରେ ଚାଲିଥିବା ବିଶ୍ୱ ପ୍ରସିଦ୍ଧ କୁମ୍ଭମେଳାରେ ଗୁରୁବାର ଜଳ ଅର୍ପଣ କରିଛନ୍ତି ରାଷ୍ଟ୍ରପତି ରାମନାଥ କୋବିନ୍ଦ। ଗଙ୍ଗା ନଦୀ କୂଳରେ ରାଷ୍ଟ୍ରପତିଙ୍କ ସହ ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟ ନାଥ ଓ ରାଜ୍ୟପାଳ ରାମ ନାଏକ ପ୍ରମୁଖ ଜଳ ଅର୍ପଣ କରି ପୂଜା କରିଥିଲେ।

ବିବାହର ୩୮ ବର୍ଷ ପରେ ଏମିତି ହେବାର ଥିଲା: ନିତୁ ସିଂ

ବିବାହର ୩୮ ବର୍ଷ ପରେ ଏମିତି ହେବାର ଥିଲା: ନିତୁ ସିଂ

ମୁମ୍ବାଇ.୧୭।୧: ବଲିଉଡ୍‌ର ବିଗତ ଦିନର ନାୟିକା ନିତୁ ସିଂ ଏକ ଫଟୋ ସୋସିଆଲ ମିଡିଆରେ ଶେୟାର କରିଛନ୍ତି। ଆଉ ଏଥିରେ ସେ ଯେଉଁ ବାର୍ତ୍ତା ଲେଖିଛନ୍ତି ତାହା ଖୁବ୍‌ ହୃଦୟସ୍ପର୍ଶୀ। 

ବିୟର କମ୍ପାନୀ ବିଜ୍ଞାପନରେ ହିନ୍ଦୁ ଦେବାଦେବୀଙ୍କ ଫଟୋ: ଅଷ୍ଟ୍ରେଲିଆ ପ୍ରଧାନମନ୍ତ୍ରୀଙ୍କ ହସ୍ତକ୍ଷେପ  ଦାବୀ

ବିୟର କମ୍ପାନୀ ବିଜ୍ଞାପନରେ ହିନ୍ଦୁ ଦେବାଦେବୀଙ୍କ ଫଟୋ: ଅଷ୍ଟ୍ରେଲିଆ ପ୍ରଧାନମନ୍ତ୍ରୀଙ୍କ ହସ୍ତକ୍ଷେପ ଦାବୀ

ନୂଆଦିଲ୍ଲୀ/ବ୍ରିସ୍‌ବେନ୍‌,୧୭।୧: ଅଷ୍ଟ୍ରେଲିଆର ଏକ ବିୟର କମ୍ପାନୀ ଏହାର ବିଜ୍ଞାପନରେ ହିନ୍ଦୁ ଦେବାଦେବୀଙ୍କ ଫଟୋ  ବ୍ୟବହାର କରିଛି। ଏହାଦ୍ୱାରା ଏଠାରେ ଥିବା ହିନ୍ଦୁଙ୍କୁ ମାନସିକସ୍ତରରେ ଆଘାତ ଲାଗିଛି। 

ନୀତୀଶଙ୍କ ଶାସନରେ ଭୁଶୁଡ଼ି ପଡ଼ିଛି ସ୍ବାସ୍ଥ୍ୟ ସେବା: ସରକାରୀ ହସ୍ପିଟାଲରେ ରୋଗୀ ଶଯ୍ୟାରେ ବୁଲା କୁକୁର

ନୀତୀଶଙ୍କ ଶାସନରେ ଭୁଶୁଡ଼ି ପଡ଼ିଛି ସ୍ବାସ୍ଥ୍ୟ ସେବା: ସରକାରୀ ହସ୍ପିଟାଲରେ ରୋଗୀ ଶଯ୍ୟାରେ ବୁଲା କୁକୁର

ପାଟନା,୧୭।୧: ବିହାର ମୁଖ୍ୟମନ୍ତ୍ରୀ ନୀତୀଶ କୁମାରଙ୍କ ଶାସନରେ ସ୍ବାସ୍ଥ୍ୟ ସେବାର ଦୁର୍ଗତି ନେଇ ଅଭିଯୋଗ ହୋଇଛି। ସ୍ଥାନୀୟ ନାଓ୍ବାଡା ଜିଲା ସରକାରୀ ହସ୍ପିଟାଲରେ ସ୍ବାସ୍ଥ୍ୟ ସେବା ଭୁଶୁଡ଼ି ପଡ଼ିଛି।

ମୁମ୍ବାଇରେ ଖୋଲିବ ଡ୍ୟାନ୍ସ୍‌ବାର୍‌: ହେବନି ଟଙ୍କା ବର୍ଷା; ରାୟ ଦେଲେ ସୁପ୍ରିମ୍‌କୋର୍ଟ

ମୁମ୍ବାଇରେ ଖୋଲିବ ଡ୍ୟାନ୍ସ୍‌ବାର୍‌: ହେବନି ଟଙ୍କା ବର୍ଷା; ରାୟ ଦେଲେ ସୁପ୍ରିମ୍‌କୋର୍ଟ

ନୂଆଦିଲ୍ଲୀ,୧୭।୧: ଡ୍ୟାନ୍ସ୍‌ବାର୍‌ ମାମଲାରେ ସୁପ୍ରିମ୍‌କୋର୍ଟ ଗୁରୁବାର ଦେଇଛନ୍ତି ଗୁରୁତ୍ୱପୂର୍ଣ୍ଣ ରାୟ। ମୁମ୍ବାଇରେ ଡ୍ୟାନ୍ସ୍‌ବାର୍‌ ଖୋଲାଯିବା ପାଇଁ କୌଣସି ବାରଣ ନାହିଁ ତେବେ ଏଠାରେ ଟଙ୍କା ବର୍ଷା କରିବାକୁ ସର୍ବୋଚ୍ଚ ନ୍ୟାୟାଳୟ ମନା କରିଛନ୍ତି। 

ହାଡଭଙ୍ଗା ଶୀତ: ୪୫ ଦିନରେ ଦିଲ୍ଲୀରେ ୩ଶହରୁ ଊର୍ଦ୍ଧ୍ୱ ବାସହୀନଙ୍କ ମୃତ୍ୟୁ

ହାଡଭଙ୍ଗା ଶୀତ: ୪୫ ଦିନରେ ଦିଲ୍ଲୀରେ ୩ଶହରୁ ଊର୍ଦ୍ଧ୍ୱ ବାସହୀନଙ୍କ ମୃତ୍ୟୁ

ନୂଆଦିଲ୍ଲୀ,୧୭।୧: ଚଳିତ ବର୍ଷର ହାଡଭଙ୍ଗା ଶୀତ ସମଗ୍ର ଦେଶକୁ ଏକ ପ୍ରକାର ଥରାଇ ଦେଇଛି କହିଲେ ଭୁଲ୍‌ ହେବନାହିଁ। ହେଲେ ରାଜଧାନୀ ଦିଲ୍ଲୀର ରାସ୍ତାକଡ଼ରେ ରହୁଥିବା ଲୋକଙ୍କ ପାଇଁ ଏହି ଥଣ୍ଡା ଯମିତି ଅଭିଶାପ ନେଇ ଆସିଛି।

ଜମ୍ମୁ-ଦିଲ୍ଲୀ ଦୂରନ୍ତୋ ଏକ୍ସପ୍ରେସ୍‌ରେ ଡକାୟତି

ଜମ୍ମୁ-ଦିଲ୍ଲୀ ଦୂରନ୍ତୋ ଏକ୍ସପ୍ରେସ୍‌ରେ ଡକାୟତି

ନୂଆଦିଲ୍ଲୀ,୧୭।୧: ଜମ୍ମୁ-ଦିଲ୍ଲୀ ଦୂରନ୍ତୋ ଏକ୍ସପ୍ରେସ୍‌ରେ ଗୁରୁବାର ଭୋର୍‌ ୪ଟା ୨୦ରେ ଡକାୟତି ହୋଇଛି। ଟ୍ରେନ୍‌ର ବି-୩ ଏବଂ ବି-୭ ବଗିରେ ଦିଲ୍ଲୀ ସରାଇ ରୋହିଲା ଷ୍ଟେଶନ୍‌ଠାରେ ଏଭଳି କାଣ୍ଡ ଭିଆଇଛନ୍ତି ୧୦ରୁ୧୨ ଅଜଣା ବ୍ୟକ୍ତି। 

ମାୟାବତୀଙ୍କ ସହ ମଞ୍ଚ ଉପରେ ଥିବା ଯୁବକଙ୍କୁ ନେଇ ଉଠୁଛି ପ୍ରଶ୍ନ

ମାୟାବତୀଙ୍କ ସହ ମଞ୍ଚ ଉପରେ ଥିବା ଯୁବକଙ୍କୁ ନେଇ ଉଠୁଛି ପ୍ରଶ୍ନ

ଲକ୍ଷ୍ନୌ,୧୭।୧: ଉତ୍ତର ପ୍ରଦେଶରେ ଗତ ଏକ ସପ୍ତାହ ହେବ ଭାଜପା ବିରୋଧରେ ମେଣ୍ଟ କରିଛି ବିଏସ୍‌ପି ଓ ଏସ୍‌ପି। ଏହାକୁ ନେଇ କିଛି ଫଟୋ ମଧ୍ୟ ସାମ୍ନାକୁ ଆସିଛି। ବିଏସ୍‌ପି ମୁଖ୍ୟ ମାୟବତୀ ଓ ଏସ୍‌ପି ଅଧ୍ୟକ୍ଷ ଅଖିଳେଶ ଯାଦବଙ୍କ ସହ ମଞ୍ଚ ଉପରେ ଆଉ ଗୋଟିଏ ନୂଆ ମୁହଁ ଦେଖିବାକୁ ମିଳୁଛି।

ବିପଦକୁ ନିଘା ନାହିଁ: ଭୂକମ୍ପ ଜୋନ୍‌ରେ  ଦେଶର ୩୮ ସହର

ବିପଦକୁ ନିଘା ନାହିଁ: ଭୂକମ୍ପ ଜୋନ୍‌ରେ ଦେଶର ୩୮ ସହର

ନୂଆଦିଲ୍ଲୀ,୧୭।୧: ଦେଶର ୩୮ଟି ସହର ଭୂକମ୍ପ ଜୋନ୍‌ରେ ରହିଛି। ଏସବୁ ସହରକୁ ଭୂକମ୍ପ ପ୍ରବଣ ଜୋନ୍‌-୫ ଭାବେ ସୂଚିତ କରାଯାଇଛି। ସେହିପରି ୬୦ ପ୍ରତିଶତ ଭୂଭାଗ ଅସୁରକ୍ଷିତ ବୋଲି ପ୍ରକାଶିତ ଏକ ରିପୋର୍ଟରେ ଦର୍ଶାଯାଇଛି।