ଫୁରସତ |

ମକରର ମହକ

ମକରର ମହକ

ମାଘର ଶୀତରେ ଆସେ ମକର। ଆଉ ମକର ଆସିଲେ, ଚାରିଆଡେ ଖେଳିଯାଏ ଖୁସିର ଲହରି। ଓଡ଼ିଶାରେ ଥିବା ତେଲୁଗୁ ସମ୍ପ୍ରଦାୟ ଏହାକୁ ପୋଙ୍ଗଲ ବା ସେମାନଙ୍କ ନୂଆ ବର୍ଷ ଭାବେ ପାଳନ କରୁଥିବାବେଳେ ଓଡ଼ିଶାର ବିଭିନ୍ନ ଜିଲାରେ ମକରକୁ ନେଇ ପାଳନ ହୋଇଥାଏ ଭିନ୍ନ ଭିନ୍ନ ପରମ୍ପରା। କେଉଁଠି ମକର ଚାଉଳ, ପିଠା ଓ ମିଠାରେ ମକରକୁ ସ୍ବାଗତ କରାଯାଏ ତ କେଉଁଠି କୁକୁଡ଼ା ଲଢେଇ ମକରର ମାହୋଲକୁ ସରଗରମ କରୁଥିବାବେଳେ ଆଉ କେଉଁଠି ଗୁଡ଼ିଉଡ଼ାରେ ସ୍ବାଗତ କରାଯାଏ ମକରକୁ....
କଟକରେ ମକର ମାନେ ଗୁଡ଼ିଉଡ଼ା
କଟକରେ ଗୁଡ଼ିଉଡ଼ା ପର୍ବ ବହୁ ପ୍ରାଚୀନ। ପୁରୀଘାଟ, ଚାନ୍ଦିନୀଚୌକ, ହରିପୁର, ଥୋରିଆସାହି, ଗଣେଶ ଘାଟ ଆଦି ସାହିର କାଠଯୋଡ଼ି ଓ ମହାନଦୀ ବାଲିରେ ହୋଇଥାଏ ଗୁଡ଼ିଉଡ଼ା ପ୍ରତିଯୋଗିତା। କୃତୀ ପ୍ରତିଯୋଗୀମାନଙ୍କୁ ପୁରସ୍କୃତ ମଧ୍ୟ କରାଯାଏ। ଯାହା ଜଣାଯାଏ ପ୍ରଥମେ ରେଶମୀ କନାରେ ଓ ପରେ ବିଡ଼ି କାଗଜରେ ଗୁଡ଼ି ପ୍ରସ୍ତୁତ ହେଉଥିଲା। ପେଟି, କମାଣି ନାମକ ଛାଞ୍ଚ ଉପରେ କାଗଜ ଲଗାଇ ଗୁଡ଼ି ତିଆରି ହୁଏ। ପେଟି ଓ କମାଣି ବାଉଁଶ ପାତରେ ନିର୍ମିତ। ଉକ୍ତ ନିର୍ମାଣଶୈଳୀ ଉପରେ ଗୁଡ଼ିର ଶକ୍ତି ନିହିତ ଥାଏ। ଲଚ୍‌ କମାଣି କହିଲେ ନମନୀୟ ଛାଞ୍ଚକୁ ବୁଝାଏ, ଯାହା ସୁନ୍ଦର ଭାବରେ ଉଡ଼ିଥାଏ। ଗୁଡ଼ିର ବିଭିନ୍ନ ନାମ ରହିଛି ଯେପରିକି ଠିକିରି, ପାନପତରି, ଗଙ୍ଗା ଯମୁନା, ଚେଙ୍ଗ, ଢାବା ଇତ୍ୟାଦିି। ସେହିପରି ଗୁଡ଼ି ଉଡ଼ାଳି ଗୁଡ଼ିର ଗତିକୁ ବିଭିନ୍ନ ଆଖ୍ୟା ଦେଇଥାନ୍ତି, ଯଥା: ପେଠି, ସୁରକି, ଗୋତ୍‌, ରୁନ୍ଦ, ମଣ୍ଡଳ ପ୍ରଭୃତି। ଗୁଡ଼ି ପାଇଁ ବ୍ୟବହୃତ ସୁତା ବା ମାଞ୍ଜା ପାଇଁ କାଚଗୁଣ୍ଡ, ବିଭିନ୍ନ ପ୍ରକାର ଅଠା ବ୍ୟବହୃତ ହୁଏ। କଟକର ଆବାଳ ବୃଦ୍ଧବନିତା ଗୁଡ଼ିଉଡ଼ା ପାଇଁ ପାଗଳ ହୋଇଥାନ୍ତି। କଟକରେ ମକର ପର୍ବ ସମ୍ପର୍କରେ ମଙ୍ଗଳାବାଗର ସୁବାସ ଦାସ କୁହନ୍ତି, ଗୁଡ଼ିଉଡ଼ା କଟକବାସୀଙ୍କ କେବଳ ସଉକ ନୁହେଁ, ଏହା ମଜାଗତ ଅଭ୍ୟାସ କହିଲେ ଭୁଲ୍‌ ହେବ ନାହିଁ। ଖୋକା ଭାଇ (ଅକ୍ଷୟ ମହାନ୍ତି)ତାଙ୍କ ଗୀତ ଉଡ଼ି ଉଡ଼ି ଉଡ଼ି ଯା’ରେ ଗୁଡ଼ି ... ଗୀତରେ ଗୁଡ଼ିଉଡ଼ା ସମ୍ପର୍କରେ ଅନେକ କଥା କହିଯାଇଛନ୍ତି। ପ୍ରାୟ ୫ ଶହ ବର୍ଷର ପୁରୁଣା ଏହି ପର୍ବ କଟକର ଏବେ ଏକ ପରମ୍ପରା ପାଲଟିଛି। ମକର ଦିନ ନୂଆ ଚାଉଳ ଓ ତିଳଖଜା ଠାକୁରଙ୍କ ପାଖରେ ଭୋଗ ଲାଗିଥାଏ। ତେବେ କଟକ ନଗରରେ ମକର କହିଲେ ଗୁଡ଼ି ଉଡ଼ାକୁ ବୁଝାଯାଏ। ସେହିପରି କଣ୍ଠଶିଳ୍ପୀ ସୁବାସ ଦାସ କୁହନ୍ତି, ପିଲାବେଳୁ ମୋର ଗୁଡ଼ି ଉଡ଼ା ସଉକ ଥିଲା। କଲେଜରେ ପଢ଼ିବା ବେଳେ କାଠଯୋଡ଼ି ନଈବାଲିରେ ଅନୁଷ୍ଠିତ ଗୁଡ଼ି ଉଡ଼ା ପ୍ରତିଯୋଗିତାରେ ଭାଗ ନେଉଥିଲି। ଅନ୍ୟଗୁଡ଼ିକୁ କାଟିବା ବେଳର ଉତ୍କଣ୍ଠା ଭାରି ଆନନ୍ଦ ଲାଗୁଥିଲା। ମୁଁ ଭଲ ଗୁଡ଼ି ଉଡ଼ାଇ ପାରୁଥିବାରୁ ସାଙ୍ଗମାନେ ମୋତେ ଭାରି ପ୍ରଶଂସା କରୁଥିଲେ। କଟକରେ ଗୁଡ଼ିଉଡ଼ା ପରମ୍ପରା ବହୁ ପ୍ରାଚୀନ। ସହରବାସୀଙ୍କ ଭାଇଚାରା ବୃଦ୍ଧି କରିବାରେ ଏହା ଏକ ବଢ଼ିଆ ପରମ୍ପରା।
ତିନି ଦିନ ପାଳନ ହୁଏ ମକର
ଓଡ଼ିଶାରେ ରହୁଥିବା ତେଲୁଗୁ ସମ୍ପ୍ରଦାୟ ପାଇଁ ମକରର ମହକ ନିଆରା। ବ୍ରହ୍ମପୁର ସହରରେ ବହୁ ସଂଖ୍ୟାରେ ତେଲୁଗୁ ସଂପ୍ରଦାୟର ଲୋକମାନେ ବସବାସ କରୁଥିବାରୁ ଏଠାରେ ମଧ୍ୟ ମକରର ମହତ୍ତ୍ୱ ବେଶ୍‌ ବାରିହୁଏ। ତିନି ଦିନ ଯାଏଁ ବେଶ୍‌ ଉତ୍ସବ ମୁଖର ହୋଇପଡ଼େ ବ୍ରହ୍ମପୁର ସହର। ମକର ପାଳନର ପ୍ରଥମ ଦିନ ହେଲା ଭୋଗୀ। ପିଲାଠୁ ବଡ଼ ଯାଏଁ, ସମସ୍ତେ ଭୋଗୀରେ ନୂଆବସ୍ତ୍ର ପରିଧାନ କରନ୍ତି। ଘର ସମ୍ମୁଖରେ କାଠରେ ନିଆଁ ଜଳାହୁଏ। ପୁରୁଣା ଅଦରକାରୀ କାଠଦ୍ରବ୍ୟକୁ ସେଥିରେ ପକାଇ ଜାଳିଦିଆଯାଏ। ପରମ୍ପରା ଅନୁଯାୟୀ ନିଆଁରେ ଘଷି ପକାଇ ସମସ୍ତେ ମୁଣ୍ଡିଆ ମାରନ୍ତି। ପିତୃପୁରୁଷଙ୍କୁ ମନେ ପକାନ୍ତି। ସେମାନଙ୍କ ଆମତ୍ାର ସଦ୍‌ଗତି କାମନା କରିବା ପରେ ଘରୁ ପଦାକୁ ବାହାରନ୍ତି। ମନର ଅଳିଆକୁ ମଧ୍ୟ ସେହି ନିଆଁରେ ପକାଇ ଜାଳିଦିଆଯାଏ। ଭୋଗୀ ଦର୍ଶନ ସହ ଆରମ୍ଭ ହୁଏ ଦିନ । ପରେ ଘରେ ଇଷ୍ଟ ଦେବଦେବୀଙ୍କ ପୂଜା ଅନୁଷ୍ଠିତ ହୁଏ। ଦ୍ୱିତୀୟ ଦିନରେ ପଡ଼ିଥାଏ ମକର ସଂକ୍ରାନ୍ତି ବା ପୋଙ୍ଗଲ। ଦିନଟି ତେଲୁଗୁ ସଂପ୍ରଦାୟ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ମକରରେ ସୂର୍ଯ୍ୟଙ୍କ ଉତ୍ତରାୟରଣ ଆରମ୍ଭ ହୁଏ। ଏଣୁ ଏହିଦିନ ପିତୃପୁରୁଷଙ୍କ ତିଳତର୍ପଣ କରାଯାଏ। ପରେ ପିତୃପୁରୁଷଙ୍କ ଉଦ୍ଦେଶ୍ୟରେ ଦାନ କାର୍ଯ୍ୟ ସଂପାଦିତ ହୁଏ। ଘରେ ମକର ପୂଜା ଏବଂ ଇଷ୍ଟ ଦେବତା ପୂଜା ଚାଲେ। ନୂଆ ଚାଉଳରେ ଖିରି କରି ପୂଜା କରାଯାଏ। ପୂର୍ବ ପୁରୁଷଙ୍କ ପାଇଁ ଯେମିତି ଦିନଟି ଉତ୍ସର୍ଗୀକୃତ ହୋଇପଡ଼େ। ଶେଷ ଦିବସଟି ହେଉଛି କନୁମା। ଗୋ ଦେବତାଙ୍କୁ ପୂଜା କରାଯାଉଥିବା ଯୋଗୁ ଏହା ଚାଷୀକୁଳ ପାଇଁ ବେଶ୍‌ ମହତ୍ତ୍ୱ ରଖିଥାଏ। ପର୍ବଟି ମୁଖ୍ୟତଃ କୃଷି ଭିତ୍ତିକ। ଧନୁ ମାସରେ ଯେଉଁ ଫସଲ ଅମଳ ହୋଇଥାଏ, ତାହାକୁ ଗୋଦେବତାଙ୍କୁ ସମର୍ପଣ କରିବାର ପରମ୍ପରା ରହିଛି। ଗାଈ, ବଳଦ ଏବଂ ଷଣ୍ଢକୁ ଗାଧୋଇ ଦେଇ ହଳଦୀ ଲେପ ଦେଇ ସଜାଇଦେବା ପରେ ପୂଜା କରାଯାଏ। ଯେଉଁଭଳି ଗହ୍ମାପୂର୍ଣ୍ଣମାରେ ଓଡ଼ିଆମାନେ ହଳ ଲଙ୍ଗଳ ଏବଂ ଚାଷରେ ବ୍ୟବହୃତ ହେଉଥିବା ଅନ୍ୟାନ୍ୟ ଉପକରଣ ପୂଜା କରନ୍ତି, ସେଭଳି କିଛି କନୁମା ଦିନ ତେଲୁଗୁ ସଂପ୍ରଦାୟରେ ଦେଖାଦେଇଥାଏ। ତେବେ କନୁମା ଦିନ କୌଣସି ଲୋକ ବାହାର ଗାଁକୁ ଯାତ୍ରା କରନ୍ତି ନାହିଁ । ଏହାକୁ ଅଶୁଭ ବୋଲି ବିବେଚନା କରାଯାଏ। ତିନି ଦିନ ସୁସ୍ବାଦ୍ୟ ଖାଦ୍ୟ ଏବଂ ନାଚଗୀତରେ କଟିଯାଏ। ଘରେ ଘରେ ବନ୍ଧୁବାନ୍ଧବଙ୍କ ଭିଡ଼ ଦେଖାଦେଇଥାଏ। ଭୋଗୀ ଦିନ ଝିଅ ଓ ଜ୍ୱାଇଁ ଘରକୁ ଆସନ୍ତି । ସେମାନଙ୍କୁ ନୂଆ ବସ୍ତ୍ର ଦେଇ ସ୍ବାଗତ କରାଯାଏ। କନୁମା ପରେ ସେମାନେ ଘରକୁ ଫେରିଯାଆନ୍ତି। ଏଣୁ ତିନିଦିନ ଘରେ ଗହଳି ଲାଗି ରହିଥାଏ। ଧନୁ ସଂକ୍ରାନ୍ତି ପରଠୁ ପ୍ରାୟତଃ ପ୍ରତ୍ୟକ ଘର ସମ୍ମୁଖରେ ଧନୁଶର ଆକାରର ଝୋଟି ଦିଆଯାଇଥାଏ । ହେଲେ ଭୋଗୀ ଦିନ ଝୋଟିର ଆକାର ହୋଇଯାଏ ରଥ । ଏହି ରଥର ୮ଟି ଦ୍ୱାର ରହିଥାଏ । ମକରରେ ଦ୍ୱାର ସଂଖ୍ୟା ବଢ଼ି ୧୨ରେ ପହଞ୍ଚିଯାଏ । କାରଣ ବିଶ୍ୱାସ ରହିଛି, ଭୋଗୀରେ ପିତୃପୁରୁଷଙ୍କୁ ପୂଜା ବେଳେ ସେମାନେ ୮ଟି ଦ୍ୱାର ଦେଇ ଘରକୁ ପ୍ରବେଶ କରନ୍ତି । ଆଉ ମକରରେ ୧୨ଦ୍ୱାର ଦେଇ ପୁଣି ଫେରିଯାଆନ୍ତି । ଏପରିକି ମକରରେ ମୃତ୍ୟୁ ହେଲେ ସ୍ବର୍ଗପ୍ରାପ୍ତି ହୁଏ ବୋଲି ମଧ୍ୟ ବିଶ୍ୱାସ ରହିଛି । ଦକ୍ଷିଣ ଓଡ଼ିଶାର ପ୍ରାଣକେନ୍ଦ୍ର ବ୍ରହ୍ମପୁର ସହରର ପ୍ରତ୍ୟକ ସାହିରେ ମକର ପାଳନ ଆଧ୍ୟାମତ୍ିକ, ସାଂସ୍କୃତିକ ଏବଂ ହସଉଲ୍ଲ୍ଲାସରେ ପାଳନ କରାଯାଇଥାଏ ।
ବାଲେଶ୍ୱର ମକର ପର୍ବ
ଉପକୂଳବର୍ତ୍ତୀ ଜିଲା ବାଲେଶ୍ୱରର ଏକ ପ୍ରମୁଖ ପର୍ବ ହେଉଛି ମକର ପର୍ବ। କେବଳ ବାଲେଶ୍ୱର ନୁହେଁ ଏହାର ପଡ଼ୋଶୀ ଜିଲା ମୟୂରଭଞ୍ଜରେ ମଧ୍ୟ ମକର ପର୍ବକୁ ବେଶ୍‌ ଧୁମ୍‌ଧାମ୍‌ରେ ପାଳନ କରାଯାଇଥାଏ। ମକର ଚାଉଳ ବଣ୍ଟନ ସାଙ୍ଗକୁ ପିଠାପଣା ଭୋଜିଭାତରେ ଦିନଟି ବେଶ୍‌ ଆନନ୍ଦଦାୟକ ହୋଇଥାଏ। ତେବେ ବାଲେଶ୍ୱର, ବାରିପଦା, ମୟୂରଭଞ୍ଜ, ରାଜନୀଳଗିରି ଆଦି ସ୍ଥାନରେ ମକରର ଏକ ମୁଖ୍ୟ ଆକର୍ଷଣ ହେଉଛି କୁକୁଡ଼ା ଲଢ଼େଇ ବା ଗଞ୍ଜା ଲଢ଼େଇ। ଭିନ୍ନ ଭିନ୍ନ ସ୍ଥାନରେ ଗଞ୍ଜା (ଅଣ୍ଡିରା କୁକୁଡ଼ା) ଲଢ଼େଇ ଆୟୋଜନ ହେବା ସହିତ ଅନେକ ଲୋକ ଏହାକୁ ମନଭରି ଉପଭୋଗ କରିଥାନ୍ତି। କେତେକ ସ୍ଥାନରେ ଲଢୁଆ କୁକୁଡ଼ାଙ୍କର ହାରଜିତ୍‌କୁ ନେଇ ବାଜି ମଧ୍ୟ ଲଗାଯାଇଥାଏ। ଯଦିଓ ଏହି ଖେଳ ନିରୀହ ଗଞ୍ଜାଙ୍କର ଜୀବନ ପ୍ରତି ବିପଦ ସୃଷ୍ଟି କରିଥାଏ ଆଉ ଏହା ଅତ୍ୟନ୍ତ ଅମାନବୀୟ ବୋଲି ପଶୁପ୍ରେମୀ ମତବ୍ୟକ୍ତ କରିଥାନ୍ତି; ତଥାପି ପରମ୍ପରା ନାମରେ ଏହାକୁ ଅନେକତ୍ର ସ୍ବୀକାର କରାଯାଇଥିବା ଜାଣିବାକୁ ମିଳେ।
ମା’ ରତ୍ନମାଳାଙ୍କ ପୀଠରେ ହୁଏ ମକର ଉତ୍ସବ
ଗଣପର୍ବ ଭାବେ ବିଭିନ୍ନ ଅଞ୍ଚଳରେ ମକରପର୍ବକୁ ସ୍ବତନ୍ତ୍ର ରୀତିନୀତିରେ ପାଳିତ ହୋଇଥାଏ। ମାତ୍ର ଖୋର୍ଦ୍ଧା ଜିଲା ଟାଙ୍ଗି ବ୍ଲକ ରତନପୁର ଗ୍ରାମପଞ୍ଚାୟତର ରତନପୁର ଗାଁର କେନ୍ଦ୍ରସ୍ଥଳୀରେ ବିଜେ ଆରାଧ୍ୟା ମା’ ରତ୍ନମାଳା ଦେବୀ। ଏହି ପୀଠରେ ପ୍ରତିବର୍ଷ ମକର ଉତ୍ସବ ପାଳିତ ହୋଇଥାଏ । ଏହି ଅବସରରେ ବିଶ୍ୱଶାନ୍ତି ସପ୍ତସତୀ ଚଣ୍ଡୀମହାଯଜ୍ଞ ଆୟୋଜିତ ହୋଇଥାଏ। ଡ଼ ଚନ୍ଦ୍ରଶେଖର ଦାଶ କୁହନ୍ତି, ଏହି ପୀଠରେ ଶତାଧିକ ବର୍ଷଧରି ପାରମ୍ପରିକ ରୀତିନୀତିରେ ମକର ପର୍ବ ପାଳିତ ହୋଇଆସୁଛି। ଗାଁରେ ପ୍ରାୟ ୩ ଦିନଧରି ସାଂସ୍କୃତିକ କାଯର୍‌ୟକ୍ରମରେ ବିଭିନ୍ନ ଲୋକକଳାକୁ ପରିବେଷଣ କରାଯାଇଥାଏ। ମକର ସଂକ୍ରାନ୍ତି ଦିନ ଏଠରେ ଆୟୋଜିତ ଯଜ୍ଞରେ ପୂର୍ଣ୍ଣାହୁତି ହୋଇଥାଏ । ମା’ଙ୍କ ପୀଠରେ ମକର ଚାଉଳ ପୂଜାର୍ଚ୍ଚନା କରାଯାଇ ସାଧାରଣରେ ବଣ୍ଟନ କରାଯାଇଥାଏ ।ଏହା ଗ୍ରାମବାସୀଙ୍କ ସହଯୋଗରେ ପାଳିତ ହୋଇଆସୁଛି। ଏହି ଗାଁର ତେଲୁଗୁ ସାହିରେ ପୋଙ୍ଗଲ ପର୍ବମଧ୍ୟ ପାଳିତ ହୋଇଥାଏ । ତେଲେଗୁ ସମ୍ପ୍ରଦାୟର ପରିବାର ମଧ୍ୟରେ ମିଷ୍ଟାନ୍ନ, ଖିର,ି ଫଳଭୋଗ କରାଯାଇଥାଏ। ଘରର ଇଷ୍ଟଦେବଙ୍କଠାରେ ପୂଜାର୍ଚ୍ଚନା କରାଯାଇଥାଏ। ପରିବାରରେ ସମସ୍ତେ ନୂଆବସ୍ତ୍ର ପରିଧାନ କରିଥାନ୍ତି। ଚିଲିକାର ପ୍ରସିଦ୍ଧ ଦେବୀ ମା’ କାଳିଜାଇଙ୍କ ପୀଠରେ ପାମ୍ପରିକ ରୀତିରେ ପବିତ୍ର ମକର ପର୍ବ ଓ ଯଜ୍ଞ ଆୟୋଜିତ ହୋଇଥାଏ।ଏଠାରେ ଲକ୍ଷାଧିକ ଭକ୍ତଙ୍କ ଭିଡ଼ ଦେଖିବାକୁ ମିଳେ।
-କାର୍ତ୍ତିକ ସାହୁ, ଆଶୀର୍ବାଦ ରାଉତ

All Right Reserved By

ଫୁରସତ |

ଯେଉଁଠି ଅକ୍ଷୟ ତୃତୀୟକୁ କୁହାଯାଏ ଅଶୁଭ

ଯେଉଁଠି ଅକ୍ଷୟ ତୃତୀୟକୁ କୁହାଯାଏ ଅଶୁଭ

ସାଧାରଣତଃ ଅକ୍ଷୟ ତୃତୀୟାକୁ ଶୁଭ ବୋଲି ଗ୍ରହଣ କରାଯାଇଥାଏ। ସେଥିଲାଗି ଏହି ଦିନ ବିଭିନ୍ନ କାର୍ଯ୍ୟର ଶୁଭାରମ୍ଭ କରାଯାଇଥାଏ। କିନ୍ତୁ ମଧ୍ୟପ୍ରଦେଶ ଓ ଉତ୍ତରପ୍ରଦେଶ ସୀମାରେ ଥିବା ଲଳିତପୁରରେ ଅକ୍ଷୟ ତୃତୀୟାକୁ ଅଶୁଭ ବୋଲି କୁହାଯାଇଥାଏ। ଏହି ଗାଁରେ ୧୬୮ବର୍ଷ ତଳେ ଘଟିଥିଲା ଏକ ଦୁଃଖଦ ଘଟଣା।

ଜଳବାୟୁ ପରିବର୍ତ୍ତନ ଦ୍ୱାରା ପ୍ରଭାବିତ ହେବ ଇଣ୍ଟରନେଟ୍‌

ଜଳବାୟୁ ପରିବର୍ତ୍ତନ ଦ୍ୱାରା ପ୍ରଭାବିତ ହେବ ଇଣ୍ଟରନେଟ୍‌

ଓ୍ବାଶିଂଟନ: ଜଳବାୟୁ ପରିବର୍ତ୍ତନ ଦ୍ୱାରା ସମୁଦ୍ରର ଜଳପତ୍ତନ ବୃଦ୍ଧିପାଇବ। ଏହାଦ୍ୱାରା ବିଶ୍ୱ ସ୍ତରୀୟ ଇଣ୍ଟରନେଟ୍‌ ଭିତ୍ତିଭୂମି ଗୁରୁତର ଭାବେ ପ୍ରଭାବିତ ହେବ ବୋଲି ବୈଜ୍ଞାନିକମାନେ ସତର୍କବାଣୀ ଶୁଣାଇଛନ୍ତି। ସେମାନଙ୍କ କହିବାନୁଯାୟୀ, ହଜାର ହଜାର ମାଇଲ୍‌ ଦୀର୍ଘ ଫାଇବର ଅପ୍‌ଟିକ୍‌ କେବୁଲ ଉପକୂଳ ଅଞ୍ଚଳରେ ପୋତିହୋଇ ରହିଛି। ସମୁଦ୍ରର ଜଳପତ୍ତନ ବୃଦ୍ଧିପାଇବା ଫଳରେ ଏହି ଅଞ୍ଚଳ ବନ୍ୟାପ୍ଳାବିତ ହୋଇପାରେ।

ମନୋଭାବ ପ୍ରକାଶ କରିପାରିବ ରୋବୋ

ମନୋଭାବ ପ୍ରକାଶ କରିପାରିବ ରୋବୋ

ଓ୍ବାଶିଂଟନ୍‌: ବୈଜ୍ଞାନିକମାନେ ଏକ ରୋବୋ ବିକଶିତ କରିଛନ୍ତି। ଏହାର ଶରୀରକୁ ଛୁଇଁଲେ କି ଆଘାତ କଲେ ଏହା ପ୍ରତିକ୍ରିୟା ସ୍ବରୂପ ନିଜର ମନୋଭାବ ପ୍ରକାଶ କରିପାରିବ। ରୋବୋ ଶରୀରର ବାହ୍ୟ ଆବରଣ ଏକ ପ୍ରକାର ଟିସୁରେ ତିଆରି ହୋଇଛି। ଏହାକୁ ଛୁଇଁବା ମାତ୍ରେ ରୋବୋ ଭାବନାତ୍ମକ ଯନ୍ତ୍ରାଂଶରେ ଉଦ୍ଦୀପନା ସୃଷ୍ଟିହେବ। ଫଳରେ ଏହା ପ୍ରତିକ୍ରିୟା ସୃଷ୍ଟି କରିବ।

ସୁଖ, ଶାନ୍ତି, ସମୃଦ୍ଧି ପାଇଁ ସକାଳେ କରନ୍ତୁ ଏହି ଉପାୟ

ସୁଖ, ଶାନ୍ତି, ସମୃଦ୍ଧି ପାଇଁ ସକାଳେ କରନ୍ତୁ ଏହି ଉପାୟ

ଘରେ ସୁଖ ସମୃଦ୍ଧି ବଜାୟ ରଖିବା ପାଇଁ ଜ୍ୟୋତିଷ ଶାସ୍ତ୍ରରେ କେତେକ ନୀତି ନିୟମ ସମ୍ପର୍କରେ ଉଲ୍ଲେଖ ଅଛି। ପ୍ରତିଦିନ ଅଭ୍ୟାସ କରି ଏହାର ପାଳନ କଲେ ଜୀବନ ସୁଖ ଓ ଶାନ୍ତିରେ ଭରିଯାଏ ବୋଲି ବିଶ୍ୱାସ ରହିଛି ।

ଆତ୍ମହତ୍ୟା ପ୍ରବୃତ୍ତି  କମାଇବାରେ ସହାୟକ ହୁଏ ଆନାଥେସିଆ

ଆତ୍ମହତ୍ୟା ପ୍ରବୃତ୍ତି କମାଇବାରେ ସହାୟକ ହୁଏ ଆନାଥେସିଆ

ମାନସିକ ଚାପଗ୍ରସ୍ତ ହେଲେ କେତେକ ଲୋକଙ୍କଠାରେ ଆତ୍ମହତ୍ୟା ପ୍ରବୃତ୍ତି ଦେଖାଯାଇଥାଏ। ତେବେ ଆନାଥେସିଆ ବା ଚେତାଶୂନ୍ୟ କରାଇବା ଲାଗି ବ୍ୟବହୃତ ଔଷଧ ଏଭଳି ବ୍ୟକ୍ତିଙ୍କ ପ୍ରବୃତ୍ତି କମାଇବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ।

ଯେଉଁଠି ଛୋଟ ବେଳୁ ଦିଆଯାଏ ଏପରି ଶିକ୍ଷା

ଯେଉଁଠି ଛୋଟ ବେଳୁ ଦିଆଯାଏ ଏପରି ଶିକ୍ଷା

ସାଧାରଣ ସମାଜରେ ୬ରୁ ୭ବର୍ଷରୁ ପିଲାମାନେ ଖେଳନା ଧରି ଖେଳନ୍ତି, ଅବା ନିଜ ଜୀବନରେ ଆଗକୁ ବଢିବା ଓ ଭବିଷ୍ୟତକୁ ସୁଦୃଢ କରିବା ପାଇଁ ବିଦ୍ୟାଳୟକୁ ଯିବା ଲାଗି ପ୍ରସ୍ତୁତି ଚଳାଇଥାନ୍ତି। ମାତ୍ର ଏଭଳି ଏକ ସମାଜ ରହିଛି, ଯେଉଁଠାରେ ଏହି ବୟସରେ ପିଲାମାନଙ୍କୁ ପାଠ ପଢାଇବା ପରିବର୍ତ୍ତେ ଦିଆଯାଇଥାଏ ଜୀବନ ଧାରଣର ଶିକ୍ଷା।

ଝିଅ ବିଦା ବେଳେ କାହିଁକି ଫୋପଡ଼ା ଯାଏ ଚାଉଳ

ଝିଅ ବିଦା ବେଳେ କାହିଁକି ଫୋପଡ଼ା ଯାଏ ଚାଉଳ

ବିବାହ ସମୟରେ ଭାରତରେ ଅନେକ ପରମ୍ପରା ପାଳିତ ହୋଇଥାଏ। ବିବାହରେ ଝିଅ ବିଦା ସମୟରେ ଚାଉଳରେ ହଳଦି ମିଶାଇ ଫୋପାଡ଼ିବା ପରମ୍ପରା ସମ୍ପନ୍ନ ହୋଇଥାଏ। ଏହା ଦ୍ୱାରା ନବଦମ୍ପତିଙ୍କ ଜୀବନରେ ଖୁସି ଆସିଥାଏ ବୋଲି ବିଶ୍ୱାସ ରହିଛି। ଏପରି କଲେ ନବଦମ୍ପତିଙ୍କର ସନ୍ତାନ ପ୍ରାପ୍ତି ହେବା ସହ ସୌଭାଗ୍ୟ ମିଳିଥାଏ।

କେଉଁ ନାଁର ଝିଅମାନେ ଧୋକା ଦିଅନ୍ତିନି

କେଉଁ ନାଁର ଝିଅମାନେ ଧୋକା ଦିଅନ୍ତିନି

ନାଁର ପ୍ରଥମ ଅକ୍ଷର କୁହେ ଝିଅମାନେ କେତେ ରୋମାଣ୍ଟିକ୍‌। ପୁଣି ଏହି ନାମରୁ ହିଁ ଜଣାପଡେ ଝିଅମାନେ କେତେ ବିଶ୍ୱାସି। ତେଣୁ ଦେଖି ଚାହିଁ ପ୍ରେମ କଲେ ଧୋକା ଖାଇବାକୁ ପଡି ନଥାଏ। ବିଶ୍ୱାସି ଝିଅଟିଏ ମିଳିଲେ ଜୀବନରେ ସୁଖଶାନ୍ତି ଭରି ଯାଇଥାଏ।

ପ୍ରତିଷ୍ଠା ହେବ ସନ୍ନି ଲିଓନଙ୍କ ମନ୍ଦିର

ପ୍ରତିଷ୍ଠା ହେବ ସନ୍ନି ଲିଓନଙ୍କ ମନ୍ଦିର

ଅନେକ ସମୟରେ ଦେଖାଯାଇଛି ଭାରତର କିଛି କଳାକାରଙ୍କୁ ତାଙ୍କ ପ୍ରଶଂସକମାନେ ଭଗବାନର ମାନ୍ୟତା ଦେଇଛନ୍ତି। ଏମିତିକି ଏମାନଙ୍କ ଉଦ୍ଦେଶ୍ୟରେ ମନ୍ଦିର ବି ପ୍ରତିଷ୍ଠା କରାଯାଇଛି।

ଫ୍ୟାଶନରେ ‘ଓଲଟା ଜିନ୍ସ’

ଫ୍ୟାଶନରେ ‘ଓଲଟା ଜିନ୍ସ’

ଭାରତୀୟ ମହିଳାମାନେ ପାଶ୍ଚାତ୍ୟ ବେଶଭୂଷା ତଥା ପୋଷାକ ପିନ୍ଧିବାକୁ ଭଲ ପାଆନ୍ତି। ଏସବୁ ମଧ୍ୟରେ ଜିନ୍ସ ସର୍ବୋଚ୍ଚ ସ୍ଥାନରେ ବୋଲି କହିପାରିବା। ଏହା ଭଳିକି ଭଳି ଡିଜାଇନ୍‌ରେ ଉପଲବ୍ଧ ହେଉଥିବାରୁ ଯୁବପୀଢ଼ୀଙ୍କ ମଧ୍ୟରେ ବହୁଳ ବ୍ୟବହାର ହୋଇଥାଏ। ବିଶେଷକରି ମହିଳାମାନଙ୍କ ପାଇଁ ଡିଜାଇନର୍‌ମାନେ ନୁଆ ନୂଆ ଫର୍ମୁଲା ଆପଣାଇଥାନ୍ତି। ନିକଟରେ ଏହି ଟ୍ରେଣ୍ଡରେ ସାମିଲ ହୋଇଛି ଓଲଟା ଜିନ୍ସ।

ସୈନ୍ୟଙ୍କ ସାଥୀ ହେବ ରୋବୋ

ସୈନ୍ୟଙ୍କ ସାଥୀ ହେବ ରୋବୋ

ଓ୍ବାଶିଂଟନ୍‌: ବୈଜ୍ଞାନିକମାନେ ନୂତନ ଜ୍ଞାନକୌଶଳ ପ୍ରୟୋଗକରି ଏକ ରୋବୋ ବିକଶିତ କରିଛନ୍ତି। ଏହା ବିଭିନ୍ନ ପରିସ୍ଥିତିରେ ସ୍ବୟଂକ୍ରିୟ ଭାବରେ କାର୍ଯ୍ୟ କରିବା ସହିତ ଯୁଦ୍ଧକ୍ଷେତ୍ରରେ ମଧ୍ୟ ଜଣେ ସୈନ୍ୟ ଭଳି ଭଙ୍ଗିମା ପ୍ରଦର୍ଶନ କରିପାରିବ। ଆମେରିକୀୟ ଆର୍ମି ରିସର୍ଚ୍ଚ ଲାବୋରେଟରି (ଏଆରଏଲ୍‌) ଏବଂ କାର୍ନିଏଜ୍‌ ମେଲନ୍‌ ୟୁନିଭର୍ସିଟିର ଗବେଷକଙ୍କ ଦ୍ୱାରା ଏଭଳି ପ୍ରଯୁକ୍ତିବିଦ୍ୟା ବିକାଶ କରାଯାଇଛି।

ଗୀତକୁ ନେଇ ଯୁଦ୍ଧ

ଗୀତକୁ ନେଇ ଯୁଦ୍ଧ

ମୁମ୍ବାଇ: ଭିନ୍ନ ଏକ ଅବତାରରେ ପୁଣିଥରେ ପ୍ରଶଂସକଙ୍କୁ ମତୁଆଲା କରିଛନ୍ତି ବଲିଉଡ୍‌ ଅଭିନେତ୍ରୀ ତଥା ଅପୂର୍ବ ସୌନ୍ଦର୍ଯ୍ୟର ରାଣୀ ଐଶ୍ୱର୍ଯ୍ୟା ରାୟ ବଚ୍ଚନ। ନିଜର ଅପ୍‌କମିଂ ଫିଲ୍ମ ‘ଫନି ଖାନ୍‌’ରେ ଐଶ୍ୱର୍ଯ୍ୟାଙ୍କୁ ଏକ ନୂଆ ରୂପରେ ଦେଖିବାକୁ ମିଳିବ। ଅନିଲ କପୁର, ରାଜକୁମାର ରାଓ ଏବଂ ଐଶ୍ୱର୍ଯ୍ୟାଙ୍କ ଅଭିନୀତ ‘ଫନି ଖାନ୍‌’ର ଟ୍ରେଲର୍‌ ଆସିସାରିଛି।

Model This Week

ରୂପେଶ