ଫୁରସତ |

ଅଟ୍ରି

ଅଟ୍ରି

ଓଡ଼ିଶାର ଅନ୍ୟତମ ପର୍ଯ୍ୟଟନସ୍ଥଳୀ ଭାବେ ଖୋର୍ଦ୍ଧାର ଅଟ୍ରି ଉଷ୍ଣପ୍ରସ୍ରବଣ ପ୍ରସିଦ୍ଧି ଲାଭ କରିଛି। ବର୍ଷର ସବୁ ସମୟରେ ଏଠାରେ ପର୍ଯ୍ୟଟକଙ୍କ ଯା’ଆସ ଲାଗି ରହୁଥିଲେ ହେଁ ମକର ସଂକ୍ରାନ୍ତିରେ ଏଠି ଅଧିକ ଭିଡ଼ ଜମିଥାଏ।
କେମିତି ଯିବେ
ଭୁବନେଶ୍ୱରଠାରୁ ପ୍ରାୟ ୪୩ କି.ମି ଦୂର ଏବଂ ଖୋର୍ଦ୍ଧା ସଦରରୁ ନୟାଗଡ଼-ବଲାଙ୍ଗୀର ଜାତୀୟ ରାଜପଥରେ ପ୍ରାୟ ୧୩ କି.ମି ଦୂରଗଲେ ପଡ଼ିବ ବାଘମାରି ଛକ। ଏଠାରୁ ଦକ୍ଷିଣ ପୂର୍ବକୁ ୩ କି.ମି ଦୂର ପଡେ ଖୋର୍ଦ୍ଧା ଜିଲା ବେଗୁନିଆବ୍ଲକ ବାଘମାରି ଗ୍ରାମପଞ୍ଚାୟତର ଅଟ୍ରି ଗ୍ରାମରେ ଅବସ୍ଥିତ ଶ୍ରୀ ଶ୍ରୀ ବାବା ହଟକେଶ୍ୱେର ଦେବଙ୍କ ଶିବ ମନ୍ଦିର। ନିକଟରେ ରହିଛି ଅଟ୍ରି ଉଷ୍ଣପ୍ରସ୍ରବଣ। ଏଠାକୁ ବସ୍‌ କିମ୍ବା ଅଟୋରିକ୍ସାରେ ଆସିହେବ।
କ’ଣ ଦେଖିବେ
ଅଟ୍ରି ଉଷ୍ଣ ପ୍ରସ୍ରବଣ: ଏହି ପ୍ରାକୃତିକ ଉଷ୍ଣ ପ୍ରସ୍ରବଣ କୁଣ୍ଡରୁ ବର୍ଷକ ବାରମାସ ଗନ୍ଧକଯୁକ୍ତ ଗରମ ପାଣି ଭୂମିରୁ ସ୍ବତଃ ବାହାରୁଥାଏ। ଏହି ଉଷୁମ ପାଣିରେ ସ୍ନାନକଲେ ଚର୍ମରୋଗରୁ ଉପଶମ ମିଳିଥାଏ ବୋଲି ଲୋକବିଶ୍ୱାସ ରହିଛି। ଅଟ୍ରି ଉଷ୍ଣ ପ୍ରସ୍ରବଣ ମୁଖ୍ୟ କୁଣ୍ଡର କିଛି ଶାଖା କୁଣ୍ଡ ରହିଛି। ପର୍ଯ୍ୟଟକ ଏହି ଶାଖା କୁଣ୍ଡଗୁଡ଼ିକରେ ସ୍ନାନ କରିଥାନ୍ତି। ବର୍ଷକ ବାରମାସ ପର୍ଯ୍ୟଟକ ଏଠାକୁ ଆସୁଥିଲେ ହେଁ ଖାସ୍‌ କରି ଶୀତଦିନେ ଏହି ଉଷୁମ ପାଣିରେ ସ୍ନାନ କରିବା ପାଇଁ ଏଠାରେ ବେଶି ଭିଡ଼ ପରିଲକ୍ଷିତ ହୋଇଥାଏ।
ଶ୍ରୀ ହଟକେଶ୍ୱର ଦେବ: ଅଟ୍ରିର ଶ୍ରୀ ହଟକେଶ୍ୱର ଦେବଙ୍କ ମହିମା ଅପାର। ଏହି ମନ୍ଦିର ଏକ ପ୍ରାଚୀନ ଶିବ ମନ୍ଦିର। ଐତିହାସିକ ସତ୍ୟବାଦୀ ବଳିଆରସିଂହ କୁହନ୍ତି, ଏହା ପ୍ରାୟ ପଞ୍ଚଦଶ ଶତାବ୍ଦୀ ସମୟର ବୋଲି ଅନୁମାନ କରାଯାଏ। ଏଠାରେ ସମୁଦାୟ ଏଗାରଟି ଶିବଲିଙ୍ଗ ରହିଛି। କିମ୍ବଦନ୍ତୀ ଅନୁଯାୟୀ, ତ୍ରେତୟା ଯୁଗରେ ପ୍ରଭୁ ଶ୍ରୀରାମଚନ୍ଦ୍ର ଏହି ମନ୍ଦିର ପ୍ରତିଷ୍ଠା କରାଇଥିଲେ। ଶ୍ରୀରାମଚନ୍ଦ୍ର ମୃଗ ବିହାର ସାରି ଫେରୁଥିବା ସମୟରେ ମୃଗଭାର ହଠାତ୍‌ ବୃଦ୍ଧି ପାଇଲା, ଯାହାକୁ ସୈନ୍ୟସାମନ୍ତ ଆଉ ଟେକି ପାରି ନ ଥିଲେ। ଶ୍ରୀରାମଚନ୍ଦ୍ର ଧ୍ୟାନବଳରେ ଜାଣିଲେ ଏଠାରେ ଭୂମି ମଧ୍ୟରେ ଏକ ଶିବଲିଙ୍ଗ ରହିଛି। ତେଣୁ ଘଟଣାକ୍ରମେ ଶ୍ରୀରାମଚନ୍ଦ୍ର ହଟହଟା ହେବା ଏବଂ ମାଟି ତଳୁ ଶିବଲିଙ୍ଗକୁ ଉଧାରକରି ପ୍ରତିଷ୍ଠା କରାଇଥିବାରୁ ଏହି ପୀଠର ନାମ ଶ୍ରୀ ହଟକେଶ୍ୱର ଦେବ ପୀଠ ହୋଇଛି ବୋଲି କୁହାଯାଏ। ଏହି ପୀଠରେ ଏକ ଉଦ୍ୟାନ, ହନୁମାନ ମନ୍ଦିର, ଧର୍ମଶାଳା, ରୋଷଘର ରହିଛି। ନିକଟରେ କାମଦେବଙ୍କ ମନ୍ଦିର ବି ଅଛି। ଅବିବାହିତ ପୁଅଝିଅଙ୍କ ଶୀଘ୍ର ବିବାହ ପାଇଁ ଏଠାରେ ମାନସିକ କଲେ ତାହା ପୂରଣ ହୋଇଥାଏ ବୋଲି ଧର୍ମବିଶ୍ୱାସ ରହିଛି। ବର୍ଷର ବିଭିନ୍ନ ସମୟରେ ବିଭିନ୍ନ ମାଙ୍ଗଳିକ କାର୍ଯ୍ୟକ୍ରମ ଏଠି ଆୟୋଜିତ ହୋଇଥାଏ। ପୂର୍ବେ ରଣପୁର ରାଜାଙ୍କ ଅଧୀନ ଅଟଳ ନାମକ ଜଣେ କନ୍ଧ ସର୍ଦ୍ଧାର ଏହି ଅଞ୍ଚଳର ଶାସକ ଥିଲେ ଆଉ ତାଙ୍କରି ନାମାନୁସାରେ ସ୍ଥାନୀୟ ଗାଁର ନାମ ଅଟଳ ରଖାଯାଇଥିଲା। ସମୟକ୍ରମେ ଅଟଳ ନାମଟି ଅପଭ୍ରଂଶ ହୋଇ ଅଟ୍ରି ହୋଇଥିବା ବିଶ୍ୱାସ କରାଯାଏ।
ମକର ମେଳା: ଏହି ପୀଠରେ ଦୋଳ, ଚନ୍ଦନଯାତ୍ରା, ଶିବରାତ୍ର, ଶୀତଳ ଷଷ୍ଠୀ ଇତ୍ୟାଦି ପର୍ବ ପାଳିତ ହୋଇଥାଏ। ସେହିପରି ମକର ସଂକ୍ରାନ୍ତିକୁ ଖୁବ୍‌ ଧୁମଧାମରେ ଏଠି ପାଳନ କରାଯାଇଥାଏ। ଏହିଦିନ ପାରମ୍ପରିକ ରୀତିନୀତିରେ ମକର ଚାଉଳ ପୂଜାର୍ଚ୍ଚନା କରାଯାଇ ଭକ୍ତମାନଙ୍କୁ ବଣ୍ଟନ କରାଯାଏ। ତା’ଛଡ଼ା ପ୍ରାୟ ୧ ମାସ ଧରି ଏଠି ମକର ମେଳା ଚାଲେ। ଅନେକ ଦୋକାନ ବଜାର ଖୋଲାଯାଇ ବିଭିନ୍ନ ଘରକରଣା, ଖେଳନା, ପଥର ସାମଗ୍ରୀ, କାଠ ଜିନିଷ, ଶଗଡ଼ ଚକ ଇତ୍ୟାଦି ବିକ୍ରି କରାଯାଏ। ଚଳିତବର୍ଷ ପାଇକ ବିଦ୍ରୋହର ୨୦୦ ବର୍ଷ ପୂର୍ତ୍ତି ଅବସରରେ ମକର ମିଳନ ଉତ୍ସବ ଓ ମକର ମହୋତ୍ସବ ଏଠାରେ ଅନୁଷ୍ଠିତ ହେଉଅଛି।
କୁଆକୁଣ୍ଡ ଓ ଗୁଆଖୋଜା କୁଣ୍ଡ: ଏହି ଦୁଇ କୁଣ୍ଡ ସମ୍ପର୍କରେ ଜନଶ୍ରୁତି ମଧ୍ୟ ରହିଛି। ଅଟ୍ରି ଗାଁରେ ଜଣେ ବ୍ରାହ୍ମଣ ରହୁଥିଲେ ଆଉ ସେ ବହୁତ ପାପକର୍ମ କରୁଥିଲେ। ଥରେ ସେ ହଟକେଶ୍ୱରଙ୍କ ମନ୍ଦିରକୁ ଆସି ଠାକୁରଙ୍କ ଦର୍ଶନ କରୁଥିବାବେଳେ ହଠାତ୍‌ କେଉଁଆଡ଼ୁ ଏକ କାଉ ଉଡ଼ି ଆସି ବ୍ରାହ୍ମଣଙ୍କ ଦେହରେ ବାଜି ପୁଣି ଉଡ଼ି ଯାଇଥିଲା। ସେତିକିବେଳେ ସେହି ବ୍ରାହ୍ମଣଙ୍କ ମନରେ ଏକ ବିଶ୍ୱାସ ସୃଷ୍ଟି ହେଲା ଯେ, ସେ ଆଉ କେବେ ପାପକାମ କରିବେ ନାହିଁ। ଏଥିପାଇଁ ସେ ଶପଥ ମଧ୍ୟ କଲେ। ଅନ୍ୟପକ୍ଷେ ତାଙ୍କ ଦେହରେ ବାଜି ଉଡିଯାଇଥିବା କାଉଟି ମୁଖଶାଳା ଉପରେ ବସିଥାଏ। ହଠାତ୍‌ ତା’ଦେହରେ ଏକ ଟେକା ବାଜିଲା ଆଉ କାଉଟି ଆସି ନିକଟରେ ଥିବା ଏକ ପାଣି କୁଣ୍ଡରେ ଖସି ପଡ଼ିଲା। ତାହା ଥିଲା ଏକ ପୂଜା କୁଣ୍ଡ। ମାତ୍ର କାଉ ସେଥିରେ ପଡ଼ିଥିବାରୁ ସେହିଦିନଠାରୁ ଏହାର ନାମକରଣ କୁଆକୁଣ୍ଡ ଭାବେ ଲୋକମୁଖରେ ପ୍ରଚଳିତ ହେଲା। ବିଶ୍ୱାସ ରହିଛି ଯେଉଁମାନେ ନିଃସନ୍ତାନ ସେମାନେ ମାନସିକ କରି କୁଆକୁଣ୍ଡରେ ଗୁଆ ପକାଇଥାନ୍ତି। ସେହିପରି ଏଠାରେ ଏକ ଗୁଆଖୋଜା କୁଣ୍ଡ ବି ରହିଛି। ଏହି କୁଣ୍ଡରୁ ମାନସିକଧାରୀମାନେ ଗୁଆଖୋଜି ପାଇଥାନ୍ତି। ଏହାଦ୍ୱାରା ସେମାନଙ୍କ ମନସ୍କାମନା ପୂରଣ ହୋଇଥାଏ ବୋଲି ଧର୍ମବିଶ୍ୱାସ ରହିଛି।
-ବନବିହାରୀ ବେହେରା, ଫଟୋ: ହରପ୍ରସନ୍ନ ପଣ୍ଡା

All Right Reserved By

Model This Week

ନିକିତା

ଫୁରସତ |

ମଙ୍ଗଳରେ ସୁଶୁପ୍ତ ଜୀବନ

ମଙ୍ଗଳରେ ସୁଶୁପ୍ତ ଜୀବନ

ମିଆମି,୧୯।୪: ପୃଥିବୀର ଅନେକ ମରୁଭୂମିରେ ବର୍ଷ ବର୍ଷ ଧରି ବର୍ଷା ହୋଇ ନ ଥାଏ। କିନ୍ତୁ ସେଠାରେ ଅନେକ ଅଣୁଜୀବ ସୁଶୁପ୍ତ ଅବସ୍ଥାରେ ରହିଛନ୍ତି। ଉପଯୁକ୍ତ ପରିବେଶରେ ସେଭଳି ଅଣୁଜୀବ ବଂଶ ବିସ୍ତାର କରିଥାନ୍ତି। ସେହିପରି ମଙ୍ଗଳ ଗ୍ରହରେ ମଧ୍ୟ ସୁଶୁପ୍ତ ଅବସ୍ଥାରେ ଅନେକ ଅଣୁଜୀବ ରହିଛନ୍ତି। ଏନେଇ ମହାକାଶ ବିଜ୍ଞାନୀ ସୂଚନା ଦେଇଛନ୍ତି। ଦକ୍ଷିଣ ଆମେରିକାର ଆଟାକାମା ମରୁଭୂମିରେ ପ୍ରାୟ ୧୦ ବର୍ଷରେ ଥରେ ବର୍ଷା ହୋଇଥାଏ।

ଇଞ୍ଜିନିୟରିଂ କ୍ୟାରିୟର ଛାଡି ଚା’ ବିକିଲେ ଦମ୍ପତି

ଇଞ୍ଜିନିୟରିଂ କ୍ୟାରିୟର ଛାଡି ଚା’ ବିକିଲେ ଦମ୍ପତି

ନାଗପୁର,୧୯।୪: ଚା’କୁ ଭଲପାଉଥିବା ଓ ଜୀବନରେ କିଛି ଭିନ୍ନ କରିବାର ଲକ୍ଷ୍ୟ ନେଇ ଇଞ୍ଜିନିୟରିଂ କ୍ୟାରିୟର ଛାଡି ଦମ୍ପତି ଚା’ ଦୋକାନ କରିଛନ୍ତି। ପୂଜା ଓ ତାଙ୍କ ସ୍ବାମୀ ନୀତିନ ବିୟାନି ପୁଣେରେ ସଫ୍ଟଓ୍ବେର ଇଞ୍ଜିନିୟର ଭାବେ କାମ କରୁଥିଲେ।

ଘୁଞ୍ଚିଲା ‘ଚନ୍ଦ୍ରଯାନ-୨’ ଉତ୍‌କ୍ଷେପଣ

ଘୁଞ୍ଚିଲା ‘ଚନ୍ଦ୍ରଯାନ-୨’ ଉତ୍‌କ୍ଷେପଣ

ନୂଆଦିଲ୍ଲୀ: ଘୁଞ୍ଚିଲା ‘ଚନ୍ଦ୍ରଯାନ-୨’ର ଉତ୍‌କ୍ଷେପଣ। ଚଳିତମାସ ଏହାର ମହାକାଶ ଯାତ୍ରା ନେଇ ନିର୍ଦ୍ଧାରଣ କରାଯାଇଥିଲା। କିନ୍ତୁ କାର୍ଯ୍ୟକ୍ରମରେ ସାମାନ୍ୟ ପରିବର୍ତ୍ତନ ଆଣି ଚଳିତବର୍ଷ ଶେଷବେଳକୁ ଅକ୍ଟୋବର-ନଭେମ୍ବରରେ ‘ଚନ୍ଦ୍ରଯାନ-୨’ର ଉତ୍‌କ୍ଷେପଣ କରିବା ଲାଗି ଯୋଜନା କରାଯାଇଥିବା ଭାରତୀୟ ମହାକାଶ ଗବେଷଣା ସଂସ୍ଥାନ (ଇସ୍ରୋ) ଅଧ୍ୟକ୍ଷ କେ. ଶିବନ୍‌ ବୁଧବାର କେନ୍ଦ୍ର ସରକାରଙ୍କୁ ଜଣାଇଛନ୍ତି।

‘କୁଇନ୍‌ ବି’ ହୋଇପାରେ କାଳ୍ପନିକ ଭାବଧାରା

‘କୁଇନ୍‌ ବି’ ହୋଇପାରେ କାଳ୍ପନିକ ଭାବଧାରା

ଓ୍ବାଶିଂଟନ୍‌,୧୮ା୪: ପୁରୁଷ ପ୍ରାଧାନ୍ୟ ବ୍ୟବସ୍ଥାକୁ ଜଣେ ମହିଳା ଉତ୍ତୀର୍ଣ୍ଣ ହେଲେ ସେ ତାଙ୍କର ଅଧସ୍ତନ ମହିଳା କର୍ମଚାରୀଙ୍କୁ ଖରାପ ବ୍ୟବହାର କରନ୍ତି ବୋଲି ଯାହା କୁହାଯାଏ ତାହା ମନଗଢ଼ା। ଏହା ଏକ ସଦ୍ୟତମ ଅଧ୍ୟୟନରୁ ଜାଣିବାକୁ ମିଳିଛି।

ଭାରତୀୟ ବୈଜ୍ଞାନିକଙ୍କ କମାଲ: ଡେଙ୍ଗୁ ନିରୋଧୀ ଆୟୁର୍ବେଦିକ୍‌ ଔଷଧ

ଭାରତୀୟ ବୈଜ୍ଞାନିକଙ୍କ କମାଲ: ଡେଙ୍ଗୁ ନିରୋଧୀ ଆୟୁର୍ବେଦିକ୍‌ ଔଷଧ

ନୂଆଦିଲ୍ଲୀ,୧୮ା୪- ଡେଙ୍ଗୁ ରୋଗ ନିରାକରଣ ପାଇଁ ଆୟୁର୍ବେଦିକ ଔଷଧ ପ୍ରସ୍ତୁତ କରିବାରେ ସଫଳ ହୋଇଛନ୍ତି ଭାରତୀୟ ବୈଜ୍ଞାନିକମାନେ। ବିଶ୍ୱରେ ଏହା ପ୍ରଥମ ବୋଲି କୁହାଯାଉଛି। ଆସନ୍ତା ବର୍ଷ ସୁଦ୍ଧା ଏହି ଔଷଧ ବଜାରକୁ ଆସିବା ନେଇ ଅନୁମାନ କରାଯାଉଛି।

ପଶ୍ଚିମବଙ୍ଗ: ମାଟିତଳେ ଥିଲା ଦ୍ୱିତୀୟ ବିଶ୍ୱଯୁଦ୍ଧ ବୋମା

ପଶ୍ଚିମବଙ୍ଗ: ମାଟିତଳେ ଥିଲା ଦ୍ୱିତୀୟ ବିଶ୍ୱଯୁଦ୍ଧ ବୋମା

ହଂସଖାଲି (ପଶ୍ଚିମବଙ୍ଗ),୧୮ା୪: ପଶ୍ଚିମବଙ୍ଗରୁ ଠାବ ହୋଇଛି ଦ୍ୱିତୀୟ ବିଶ୍ୱଯୁଦ୍ଧ ଅମଳର ବୋମା। ରାଜ୍ୟର ନଦୀୟା ଜିଲାର ହଂସଖାଲି ଥାନା ଅନ୍ତର୍ଗତ ଛୋଟୋ ଚୁପ୍ରିଆ ଗ୍ରାମରେ ପୋଖରୀ ଖୋଳୁଥିବାବେଳେ ଦୁଇଟି ବୋମା ମାଟିତଳୁ ବାହାରିଛି। ସିଲିଣ୍ଡର ଭଳି ଦୁଇଟି ଜିନିଷ ମାଟିତଳୁ ବାହାରିଥିବା ଦେଖି ଲୋକେ ଆଶ୍ଚର୍ଯ୍ୟ ହୋଇଯାଇଥିଲେ।

କୃଷି ଅନୁକୂଳର ପର୍ବ

କୃଷି ଅନୁକୂଳର ପର୍ବ

ଆଜି ହେଉଛି ପବିତ୍ର ଅକ୍ଷୟ ତୃତୀୟା । ଓଡ଼ିଆ ନବବର୍ଷର ବୈଶାଖ ମାସ ଶୁକ୍ଳପକ୍ଷ ତୃତୀୟା ତିଥିରେ ଏହି ମହାନ୍‌ କୃଷି ଭିତ୍ତିକ ପର୍ବ ଆମ ରାଜ୍ୟ ତଥା ଦେଶରେ ପାରମ୍ପରିକ ରୀତିରେ ପାଳିତ ହୋଇ ଆସୁଅଛି । ସକଳ କୃଷି କାର୍ଯ୍ୟ ଆଜି ଦିନ ଠାରୁ ହିଁ ଆରମ୍ଭ କରା ଯାଇଥାଏ । ତେଣୁ ଚାଷୀ ଭାଇମାନେ ଏହି ଦିବସଟିକୁ ସମସ୍ତ ଚାଷ କାର୍ଯ୍ୟର ଶୁଭାରମ୍ଭ ଦିବସ ଭାବେ ଗ୍ରହଣ କରି ଅକ୍ଷିମୁଠି ବୁଣିଥାନ୍ତି ।

 ମାଟି ଓ ବିହନ ବିଶୋଧନ

ମାଟି ଓ ବିହନ ବିଶୋଧନ

ରୋଗ, ପୋକ ଆକ୍ରମଣ ଯୋଗୁ ଆମ ରାଜ୍ୟର ଧାନ, ପନିପରିବା, ତୈଳବୀଜ, ଡାଲିଜାତୀୟ ଇତ୍ୟାଦି ବିଭିନ୍ନ ଫସଲର ଉତ୍ପାଦନ ହ୍ରାସ ପାଇଥାଏ। ସାଧାରଣତଃ ଆମ ରାଜ୍ୟରେ ଚାଷ କରାଯାଉଥିବା ଫସଲରେ ମାଟି ଏବଂ ବିହନଜନିତ ରୋଗର ମାତ୍ରା ବହୁଳ ଭାବେ ପରିଲକ୍ଷିତ ହୋଇଥାଏ ।

୨୩ ଭାଷାରେ ପିଲାଙ୍କୁ ଜ୍ଞାନ ବାଣ୍ଟୁଛି ରୋବଟ୍‌

୨୩ ଭାଷାରେ ପିଲାଙ୍କୁ ଜ୍ଞାନ ବାଣ୍ଟୁଛି ରୋବଟ୍‌

ପିଲାମାନେ ପାଠ ପଢିବା ବେଳେ ସାଧାରଣତଃ ଟିକେ ଭୟ କରିଥାଆନ୍ତି। କେଉଁଠି କିଛି ଭୁଲ୍‌ ହୋଇଗଲେ ମାଡ କିମ୍ବା ଗାଳି ଖାଇବାର ଭୟ ମଧ୍ୟ ଥାଏ। ସେଥିପାଇଁ ସେମାନେ ବେଳେବେଳେ ପ୍ରଶ୍ନ ପଚାରିବାକୁ ମଧ୍ୟ ଭୟ କରିଥାନ୍ତି।

୯ ଶହ ବର୍ଷ ମରୁଡ଼ି ଯୋଗୁ ଲୋପ ପାଇଥିଲା ସିନ୍ଧୁ ସଭ୍ୟତା

୯ ଶହ ବର୍ଷ ମରୁଡ଼ି ଯୋଗୁ ଲୋପ ପାଇଥିଲା ସିନ୍ଧୁ ସଭ୍ୟତା

ନୂଆଦିଲ୍ଲୀ, ୧୬।୪ : ଲଗାତର ୯ ଶହ ବର୍ଷ ଧରି ମରୁଡ଼ି ପଡିବା ଯୋଗୁ ସିନ୍ଧୁ ସଭ୍ୟତା ଲୋପ ପାଇଥିଲା। ଏନେଇ ଖଡ଼ଗପୁର ବୈଜ୍ଞାନିକ ଦଳ ତଥ୍ୟ ଭିତ୍ତିକ ରିପୋର୍ଟ ଉପସ୍ଥାପନ କରିଛନ୍ତି। ଏହି ରିପୋର୍ଟରେ ଦର୍ଶାଯାଇଛି ଯେ, ୪ ହଜାର ୩୫୦ ବର୍ଷ ପୁରୁଣା ସିନ୍ଧୁ ସଭ୍ୟତା ଜଳବାୟୁ ପରିବର୍ତ୍ତନ ଯୋଗୁ ପ୍ରଭାବିତ ହୋଇଥିଲା। ପରବର୍ତ୍ତୀ ସମୟରେ ଏଠାରେ ଦୀର୍ଘଦିନ ଧରି ବର୍ଷା ହୋଇ ନ ଥିଲା।

କାଉଣ୍ଟିଂ ପେନ୍‌ ଆବିଷ୍କାର କଲେ ୯ ବର୍ଷର ବାଳକ

କାଉଣ୍ଟିଂ ପେନ୍‌ ଆବିଷ୍କାର କଲେ ୯ ବର୍ଷର ବାଳକ

ନୂଆଦିଲ୍ଲୀ,୧୬।୪: ଗୋଟିଏ ପଟେ କଶ୍ମୀର ଆତଙ୍କବାଦ ସହ ଲଢିବା ବେଳେ ଅନ୍ୟପଟେ ଯୁବଗୋଷ୍ଠୀ ଅଧାରୁ ପାଠ ଛାଡୁଛନ୍ତି। ଏପରି ପରିସ୍ଥିତିରେ କିନ୍ତୁ ଉଦାହରଣ ପାଲଟିଛନ୍ତି ଜଣେ ୯ବର୍ଷର ବାଳକ।

ଭାରତୀୟ  ରେଳସେବାକୁ ପୂରିଲା ୧୬୫ ବର୍ଷ

ଭାରତୀୟ ରେଳସେବାକୁ ପୂରିଲା ୧୬୫ ବର୍ଷ

ନୂଆଦିଲ୍ଲୀ, ୧୬।୪ : ଭାରତୀୟ ରେଳସେବାକୁ ୧୬୫ ବର୍ଷ ପୂରିଛି। ୧୮୫୩ ମସିହା ଏପ୍ରିଲ୍‌ ୧୬ ତାରିଖ ଅପରାହ୍ନ ୩ଟା ୩୫ରେ ଦେଶରେ ଆରମ୍ଭ ହୋଇଥିଲା ପ୍ରଥମ ରେଳସେବା। ପ୍ରଥମକରି ଦେଶର ବୋରିବନ୍ଦର(ଛତ୍ରପତି ଶିବାଜୀ ଟର୍ମିନାଲ)ଠାରୁ ଥାନେ ପର୍ଯ୍ୟନ୍ତ ୩୫ କିଲୋମିଟର ପର୍ଯ୍ୟନ୍ତ ରେଳ ଚଳାଚଳ କରିଥିଲା। ଏଥିରେ ୨୦ଟି ବଗି ଥିଲା।