ମେଟ୍ରୋ |

ନବାଙ୍କ ଶେଷ, ବଡ଼ଦେଉଳରେ ମକର ଆଜି

ନବାଙ୍କ ଶେଷ, ବଡ଼ଦେଉଳରେ ମକର ଆଜି
ପୁରୀ ଅଫିସ, ୧୩।୧: ଶ୍ରୀମନ୍ଦିରରେ ଶନିବାର ନବାଙ୍କ ନୀତି ଶେଷ ହୋଇଛି। ରବିବାର ବଡ଼ଦେଉଳରେ ମକର ପର୍ବ ପାଳିତ ହେବ। ତିନିଠାକୁରଙ୍କୁ ମକରଚୂଳ ଲାଗି କରାଯିବ। ପରମ୍ପରା ଅନୁଯାୟୀ, ଧନୁ ସଂକ୍ରାନ୍ତିଠାରୁ ମା’ ମହାଲକ୍ଷ୍ମୀ ବାପଘରକୁ ଯାଇଥିଲେ। ନବାଙ୍କ ଅବସରରେ ମହାଲକ୍ଷ୍ମୀ ଧାନ, ଚାଉଳ, ଫୁଲ ଓ ଚୂଳ ଆଦି ଭାର ନେଇ ବାପଘରୁ ଶ୍ରୀମନ୍ଦିରକୁ ବିଜେ କରିଛନ୍ତି। ଭାର ପହଞ୍ଚତ୍ବା ପରେ ଶ୍ରୀମନ୍ଦିର ଉତ୍ସବ ମୁଖର ହୋଇପଡିଛି। ନବାଙ୍କ ଅବସରରେ ଦାରୁବିଗ୍ରହଙ୍କ ଅବକାଶ ମଇଲମ ସରି ଘୋଡ଼ଲାଗି ହୋଇଥିଲା। ସନ୍ଧ୍ୟା ଆଳତି ବଢିବା ପରେ ଚାଉଳ ମେଲାଣ ପାଇଁ ସିଂହଦ୍ୱାର ଚକଡ଼ାରେ ପାହାଡ଼ା ପଡିଥିଲା। ବୋରୋଭୋଇ ପଧାନ ଚାଉଳ ଧରି ସିଂହଦ୍ୱାର ଚକଡ଼ାରେ ବିଜେ କରାଇଥିଲେ। ସେଠାରେ ପଧାନ ଭୋଇ ବାଘମୁହଁ ବାନ୍ଧି ୩ଟି ଥାଳିରେ ପାଞ୍ଚମାଣ ଲେଖାଏ ଚାଉଳ ମପାଇଥିଲେ। କୋଠଭୋଗ ଯୋଗାଣିଆ ବାଘମୁହଁା ବାନ୍ଧି ତଳିଚ୍ଛ ପଟୁଆରରେ ବଡ଼ଦେଉଳକୁ ବେଢାଏ ବୁଲି ଇନ୍ଦ୍ରାଣୀ ବେଢାରେ ରଖିଥିଲେ। ଚାଉଳ ମେଲାଣ ପରେ ଫୁଲ ମେଲାଣ ନିମନ୍ତେ ମାଳୀମାନେ ବାଘମୁହଁା ବାନ୍ଧି ମାଳଚୂଳ ଜଳ କବରମାଳ ଘେନି ତଳିଚ୍ଛ ପଟୁଆରରେ ବଡ଼ଦେଉଳକୁ ବେଢାଏ ବୁଲି ବେହେରଣ ତଢ଼ଉ ଦରଶୁଆ କରି ପାଳିଆ ଖୁଣ୍ଟିଆ ମାର୍ଫତରେ ଦେଇଥିଲେ। ଖୁଣ୍ଟିଆ ଉକ୍ତ ମାଳମାନ ନେଇ ସନ୍ଧ୍ୟା ଆଳତି ବେଶରେ ଲାଗି କରାଇଥିଲେ। ଏହାପରେ ସନ୍ଧ୍ୟା ଆଳତି ଓ ସନ୍ଧ୍ୟାଧୂପ ବଢିଥିଲା। ପୂର୍ବରୁ ଭୋଗମଣ୍ଡପ ଘର ଆଗରୁ ଧୋ ପଖାଳ ହୋଇ ଚାନ୍ଦୁଆ ବନ୍ଧା ହୋଇଥିଲା। ପ୍ରଧାନ ଯୋଗାଣିଆ ୩ଟି ବାଉଁଶିଆରେ ଚାଉଳ ପୂରାଇ କୋଠ ଶୁଅଁାସିଆ ଦେଇଥିବା ଭଦ୍ରାସନ ଉପରେ ୩ଟି ମୁରୁଜ କାଟିବା ପରେ ଉକ୍ତ ଚାଉଳ ବାଉଁଶିଆମାନ ରଖାଯାଇଥିଲା। ଏହା ଉପରେ ଚମେଡି, ଫୁଲ, ଚନ୍ଦନ ଦେଇ ଅଧିବାସ କରାଇଥିଲେ। ତଡାଉ ଦୁଆରମାନ ମୁଦ କରିବା ପରେ ବଡ଼ସିଂହାର ବେଶ ବା ନବାଙ୍କ ବେଶ ହୋଇଥିଲା। ଏହି ବେଶରେ ଖଣ୍ଡେ ଆଜ୍ଞା ମାଳ ଲାଗି ହୋଇଥିଲା। ବେଶ ବଢି ପାଣି ପଡ଼ି ବଡସିଂହାର ଭୋଗ ଆସିବା ପରେ ଦକ୍ଷିଣୀ ଘରୁ ମଦନମୋହନ ଭିତର ସିଂହାସନକୁ ବିଜେ କରିଥିଲେ। ଭିତର ଭୋଗ ସରି ପଣ୍ଡା ଶ୍ରୀଅଙ୍ଗରରୁ ଆଜ୍ଞାମାଳ ଦେବା ପରେ ମହାଜନେ ମଦନମୋହନଙ୍କୁ ବଟମୂଳେ ବିମାନରେ ବିଜେ କରାଇଥିଲେ। ଟେରା ପଡିଥିବା ସମୟରେ ବେଢା ହେଉଥିଲା। ପ୍ରତିଥର ବେଢାକୁ ପ୍ରଧାନୀ କଳାହାଟ ଦ୍ୱାରଠାରେ ଥାଇ କାହାଳିଆକୁ ଡାକଦେଇଥିଲେ। ଠାକୁରଙ୍କୁ ବିମାନ ବଡୁମାନେ ଘଣ୍ଟ, ଛତା, କାହାଳୀ ସହ ବଡ଼ଦେଉଳକୁ ଚାରିବେଢା ବୁଲାଇ ବଟମୂଳେ ବିମାନ ରଖିଥିଲେ। ମହାଜନେ ରୁନ୍ଧା ଫିଟାଇ ହାତରେ ବିଜେ କରାଇ ଆଣି ଜୟବିଜୟ ଦ୍ୱାର ଲଣ୍ଡାବର୍ତ୍ତି ଉପରେ ରହିଥିଲେ। ସେଠାରେ ପ୍ରସାଦ ଲାଗି ଓ ବନ୍ଦାପନା ହୋଇ ଦକ୍ଷିଣୀ ଘରକୁ ବିଜେ କରିଥିଲେ। ଏହାପରେ ଅନ୍ୟାନ୍ୟ ନୀତି ବଢିଥିଲା।
All Right Reserved By

ମେଟ୍ରୋ |

ଶାନ୍ତିଶୃଙ୍ଖଳାରେ ମା’ଙ୍କୁ ବିଦାୟ

କଣ୍ଟାପଡା,୨୧।୧୦(ଡି.ଏନ୍‌.ଏ.): ଶାରଦୀୟ ଦୁର୍ଗାପୂଜା ଶେଷ ହୋଇଛି। ୧୫ ତାରିଖରେ  ମା’ ଦୁର୍ଗା ଓ ହରପାର୍ବତୀ ବିଭିନ୍ନ ପୂଜା ମଣ୍ଡପରେ ପୂଜା ପାଇବା ପରେ ୨୦ ତାରିଖରେ ମେଲାଣି ନେଇଛନ୍ତି। 

ପୁରୀ ହିଂସାକାଣ୍ଡ: ଗିରଫ ସଂଖ୍ୟା ୮୬ରେ ପହଞ୍ଚିଲା

ପୁରୀ ହିଂସାକାଣ୍ଡ: ଗିରଫ ସଂଖ୍ୟା ୮୬ରେ ପହଞ୍ଚିଲା

ପୁରୀ ଅଫିସ,୨୧।୧୦:ଅକ୍ଟୋବର ୩ ତାରିଖରେ ପୁରୀ ବନ୍ଦ ପାଳନ ବେଳେ ଘଟିଥିବା ହିସାଂକାଣ୍ଡରେ ଗିରଫ ସଂଖ୍ୟା ୮୬ରେ ପହଞ୍ଚିଛି। ରବିବାର ଶହୀଦ ଦିବସ ପାଳନ ଅବସରରେ ଏସପି ସାର୍ଥକ ଷଡଙ୍ଗୀ ଏହା କହିଛନ୍ତି ।

‘ଶହୀଦଙ୍କ ତ୍ୟାଗ ଓ ନିଷ୍ଠା ପ୍ରେରଣାର ଉତ୍ସ’

‘ଶହୀଦଙ୍କ ତ୍ୟାଗ ଓ ନିଷ୍ଠା ପ୍ରେରଣାର ଉତ୍ସ’

ପୁରୀ ଅଫିସ,୨୧।୧୦: ପୁରୀ ପୋଲିସ ପକ୍ଷରୁ ୫୯ତମ ପୋଲିସ ଶହୀଦ ଦିବସ ପୋଲିସ ରିଜର୍ଭ ପଡିଆରେ ରବିବାର ଅନୁଷ୍ଠିତ ହୋଇଯାଇଛି।

ପରଲୋକରେ ପ୍ରଯୋଜକ ଅମିୟ ପଟ୍ଟନାୟକ:ପୁରୀରେ ଶେଷକୃତ୍ୟ ସମ୍ପନ୍ନ

ପରଲୋକରେ ପ୍ରଯୋଜକ ଅମିୟ ପଟ୍ଟନାୟକ:ପୁରୀରେ ଶେଷକୃତ୍ୟ ସମ୍ପନ୍ନ

ଭୁବନେଶ୍ୱର, ୨୧।୧୦(ବ୍ୟୁରୋ)- ଓଡ଼ିଆ ଚଳଚ୍ଚିତ୍ର ପ୍ରଯୋଜକ ତଥା ନିର୍ଦ୍ଦେଶକ ଅମିୟ ରଞ୍ଜନ ପଟ୍ଟନାୟକଙ୍କର ଶୁକ୍ରବାର ପରଲୋକ ଘଟିଛି। ଦିଲ୍ଲୀସ୍ଥିତ ଏକ ଘରୋଇ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ତାଙ୍କର ଦେହାନ୍ତ ହୋଇଛି। 

ବାଇକ୍‌କୁ ଧକ୍କା ଦେଇ ପୋଖରୀରେ ବୁଡ଼ିଲା କାର

ବାଇକ୍‌କୁ ଧକ୍କା ଦେଇ ପୋଖରୀରେ ବୁଡ଼ିଲା କାର

ଭୁବନେଶ୍ୱର(ବ୍ୟୁରୋ)/ପୁରୁଣା ଭୁବନେଶ୍ୱର/ପିପିଲି(ଡି.ଏନ.ଏ.) ୨୧।୧୦- ବିଜୟା ଦଶମୀରେ ସାରା ରାଜ୍ୟ ଉତ୍ସବମୁଖର ଥିବାବେଳେ ରାଜଧାନୀ ଉପକଣ୍ଠ ଉତ୍ତରା ଛକ ନିକଟ ମଧୁରଜଳ ମତ୍ସ୍ୟ ଗବେଷଣା କେନ୍ଦ୍ର(ସିଫା) ସମ୍ମୁଖରେ ଶୁକ୍ରବାର ରାତି ପ୍ରାୟ ୯ଟା ୪୫ରେ ଘଟିଛି ମର୍ମନ୍ତୁଦ ସଡ଼କ ଦୁର୍ଘଟଣା। 

ଷ୍ଟେଶନରୁ ନାବାଳିକାଙ୍କୁ ଅପହରଣ

ଷ୍ଟେଶନରୁ ନାବାଳିକାଙ୍କୁ ଅପହରଣ

ଭୁବନେଶ୍ୱର, ୨୧।୧୦(ବ୍ୟୁରୋ)- ଭୁବନେଶ୍ୱର ରେଳ ଷ୍ଟେଶନରୁ ଅପହରଣ କରିନିଆଯାଇଥିବା ଜଣେ ୧୦ ବର୍ଷୀୟା ନାବାଳିକାଙ୍କୁ ଶନିବାର ଖୋର୍ଦ୍ଧାରୁ ଉଦ୍ଧାର କରାଯାଇଛି। 

ଗୋସାଣୀ ନେଲେ ବିଦାୟ ସିଂହଦ୍ୱାରରେ ଜମିଲା ମେଳଣ

ଗୋସାଣୀ ନେଲେ ବିଦାୟ ସିଂହଦ୍ୱାରରେ ଜମିଲା ମେଳଣ

ପୁରୀ ଅଫିସ,୨୧ା୧୦: ଶେଷ ହୋଇଛି ଶାରଦୀୟ ଦୁର୍ଗାପୂଜା। ଧରାପୃଷ୍ଠରୁ ବିଦାୟ ନେଇଛନ୍ତି ଜଗଜ୍ଜନନୀ ମା’ ଦୁର୍ଗା। ଦଶହରା ସନ୍ଧ୍ୟାରେ ମୃଣ୍ମୟୀ ଦୁର୍ଗାଙ୍କ ବିସର୍ଜନ ପରେ ଏକାଦଶୀରେ ଶ୍ରୀକ୍ଷେତ୍ରରେ ପାରମ୍ପରିକ ରୀତିନୀତିରେ ଗୋସାଣୀ ଭସାଣି ପର୍ବ ଅନୁଷ୍ଠିତ ହୋଇଛି।

ରାଜ୍ୟପାଳଙ୍କ ସୂର୍ଯ୍ୟମନ୍ଦିର ପରିଦର୍ଶନ

ରାଜ୍ୟପାଳଙ୍କ ସୂର୍ଯ୍ୟମନ୍ଦିର ପରିଦର୍ଶନ

କୋଣାର୍କ, ୨୦।୧୦(ଡି.ଏନ୍‌.ଏ.)-ଓଡ଼ିଶାର ରାଜ୍ୟପାଳ ପ୍ରଫେସର ଗଣେଶୀ ଲାଲ ଶୁକ୍ରବାର ଅପରାହ୍ନରେ କୋଣାର୍କ ସୂର୍ଯ୍ୟମନ୍ଦିର ପରିଦର୍ଶନ କରିଥିଲେ। ରାଜ୍ୟପାଳଙ୍କୁ ସରକାରୀ ଗାଇଡ଼ ଆଭାସ ଚନ୍ଦ୍ର ମହାନ୍ତି ସୂର୍ଯ୍ୟମନ୍ଦିର ସମ୍ବନ୍ଧରେ ବିଶଦ ଭାବେ ଅବଗତ କରାଇଥିଲେ। ପରେ ପରେ ରାଜ୍ୟପାଳ ଇଣ୍ଡିଆନ ଅଏଲ୍‌ ଫାଉଣ୍ଡେଶନ ପକ୍ଷରୁ ନିର୍ମିତ ବ୍ୟାଖ୍ୟାନକେନ୍ଦ୍ର ବୁଲି ଦେଖିଥିଲେ। 

ସାକ୍ଷୀଗୋପାଳ ମନ୍ଦିରରେ କାର୍ତ୍ତିକ ନୀତି: ନଟବର ବେଶରେ ଦର୍ଶନ ଦେଲେ ସାକ୍ଷୀଗୋପାଳ ଠାକୁର

ସାକ୍ଷୀଗୋପାଳ ମନ୍ଦିରରେ କାର୍ତ୍ତିକ ନୀତି: ନଟବର ବେଶରେ ଦର୍ଶନ ଦେଲେ ସାକ୍ଷୀଗୋପାଳ ଠାକୁର

ସାକ୍ଷୀଗୋପାଳ,୨୦।୧୦(ଡି.ଏନ୍‌.ଏ.): ପରମ୍ପରା କ୍ରମେ ଆଶ୍ବିନ ଶୁକ୍ଳ ଏକାଦଶୀ ଶନିବାର ପୁରୀ ଜିଲା ସାକ୍ଷୀଗୋପାଳ ମନ୍ଦିରରେ କାର୍ତ୍ତିକ ନୀତି ଆରମ୍ଭ ହୋଇଛି। ଏହି ଅବସରରେ ସାକ୍ଷୀଗୋପାଳ ଠାକୁରଙ୍କୁ ନଟବର ବେଶରେ ସଜ୍ଜିତ କରାଯାଇଛି। 

ଗଡ଼ ନହରକଣ୍ଟାରେ ରାବଣପୋଡ଼ି

ଗଡ଼ ନହରକଣ୍ଟାରେ ରାବଣପୋଡ଼ି

ବାଲିଅନ୍ତା, ୨୦।୧୦(ଡି.ଏନ୍‌.ଏ.): ଭୁବନେଶ୍ୱର ମହାନଗର ନିଗମର ୪ ନଂ. ଓ୍ବାଡ୍‌ ଅଧୀନ ଗଡ଼ ନହରକଣ୍ଟାରେ ଦୁର୍ଗା ପୂଜା ଧୁମ୍‌ଧାମରେ ପାଳିତ ହୋଇଯାଇଛି। ଶୁକ୍ରବାର ରାତି ସାଢ଼େ ୯ଟାରେ ବିଜୟାଦଶମୀ ଅବସରରେ ଦୁର୍ଗା ପୂଜା କମିଟି ପକ୍ଷରୁ ରାବଣପୋଡ଼ି ଉତ୍ସବ ଆୟୋଜିତ ହୋଇଥିଲା। 

ମୂର୍ତ୍ତି ବିସର୍ଜନ ସ୍ଥଳ ପରିଦର୍ଶନ କଲେ ପୋଲିସ କମିଶନର

ମୂର୍ତ୍ତି ବିସର୍ଜନ ସ୍ଥଳ ପରିଦର୍ଶନ କଲେ ପୋଲିସ କମିଶନର

ବାଲିଅନ୍ତା, ୨୦।୧୦(ଡି.ଏନ୍‌.ଏ.): ଭୁବନେଶ୍ୱର-କଟକ ପୋଲିସ କମିଶନର ସତ୍ୟଜିତ୍‌ ମହାନ୍ତି ଶନିବାର ମଧ୍ୟାହ୍ନରେ କୁଆଖାଇ ନଦୀଘାଟକୁ ଯାଇ ମୂର୍ତ୍ତି ବିସର୍ଜନ ସ୍ଥଳ ବୁଲି ଦେଖିଛନ୍ତି। କୁଆଖାଇ ନଦୀର ଉଭୟ ପଟ ପଠାରେ ନିର୍ମିତ ଅସ୍ଥାୟୀ ପୋଖରୀ ନିକଟକୁ ଯାଇଥିଲେ।

ହାତୀ ଆକ୍ରମଣରେ ୨ ଗୁରୁତର

ହାତୀ ଆକ୍ରମଣରେ ୨ ଗୁରୁତର

ନିରାକାରପୁର, ୨୦।୧୦(ଡି.ଏନ୍‌.ଏ.): ଖୋର୍ଦ୍ଧା ଜିଲା ନିରାକାରପୁର ଚନ୍ଦକା ପୋଖରୀକୁ ଶୁକ୍ରବାର ସକାଳେ ଗାଧୋଇବାକୁ ଯାଇଥିବା ବେଳେ ହାତୀ ଆକ୍ରମଣରେ ୨ଜଣ ଗୁରୁତର ଆହତ ହୋଇଛନ୍ତି।