Dharitri News
ରାଜ୍ୟ |

ନନ୍ଦନକାନନରେ ୨ ବାଘ ଶାବକ ଜନ୍ମ: ଜନ୍ମଦିନରେ ଶାବକ ଜନ୍ମକଲା ଅଙ୍କିତା, ଅଣ୍ଡିରା ବାଘ ଶାବକର ମୃତ୍ୟୁ

ନନ୍ଦନକାନନରେ ୨ ବାଘ ଶାବକ ଜନ୍ମ: ଜନ୍ମଦିନରେ ଶାବକ ଜନ୍ମକଲା ଅଙ୍କିତା, ଅଣ୍ଡିରା ବାଘ ଶାବକର ମୃତ୍ୟୁ ବାରଙ୍ଗ,୧୩ା୧(ଡି.ଏନ.ଏ.)-ପ୍ରାଣୀ ଉଦ୍ୟାନ ନନ୍ଦନକାନନର ବାଘୁଣୀ ଅଙ୍କିତା ଶୁକ୍ରବାର ରାତିରେ ସାଧାରଣ ରଙ୍ଗର ୨ଟି ଛୁଆ ଜନ୍ମ ଦେଇଛି। ୧୨ା୧ା୧୨ରେ ରିଷି ଓ ସାରାର ଔରଷରୁ ଆଶା, ଅଙ୍କିତା ଓ ଶୁଭଶ୍ରୀ ଜନ୍ମଗ୍ରହଣ କରିଥିଲେ। ଶୁକ୍ରବାର ଥିଲା ଅଙ୍କିତାର ଜନ୍ମଦିନ। ଜନ୍ମଦିନରେ ଅଙ୍କିତା ୨ଟି ସାଧାରଣ ରଙ୍ଗର ଶାବକୁ ଜନ୍ମ ଦେଇଥିବାରୁ ନନ୍ଦନକାନନ ପାଇଁ ଶୁଭ ସୂଚନା ବୋଲି କୁହାଯାଇଛି। ପ୍ରଥମଥର ପାଇଁ ମା’ ହୋଇଛି ୬ ବର୍ଷିୟା ବାଘୁଣୀ ଅଙ୍କିତା। ଅଙ୍କିତାର ଗର୍ଭଧାରଣ ପରେ ତା’ ଉପରେ କର୍ତ୍ତୃପକ୍ଷ ସତର୍କ ଦୃଷ୍ଟି ରଖିଥିଲେ। ଅଙ୍କିତା ରହୁଥିବା ୨୮ ସି ନଂ. ଏନ୍‌କ୍ଲୋଜରକୁ ଯାତାୟାତ ବନ୍ଦ କରାଯାଇଥିଲା। ସିସିଟିଭି ଲଗାଯାଇ ଅଙ୍କିତାର ଗତିବିଧିକୁ ଲକ୍ଷ୍ୟ କରାଯାଉଥିଲା। ଶନିବାର ସକାଳେ ଅଙ୍କିତା ମା’ ହୋଇଥିବା ଜଣାପଡିଥିଲା। ଅଙ୍କିତା ଜନ୍ମିତ ଶାବକଦ୍ୱୟକୁ ଠିକ୍‌ ଭାବେ ଯତ୍ନ ଦେବା ସହ କ୍ଷୀର ଖାଇବାକୁ ଦେଉଥିବା ଏସିଏଫ ଅଞ୍ଜନ କୁମାର ମହାନ୍ତି କହିଛନ୍ତି। ବାଘ ବଂଶ ବୃଦ୍ଧି କରିବା ଲକ୍ଷ୍ୟରେ ହାଇଦ୍ରାବାଦରୁ ଆସିଥିବା ବାଘ ସେଫ ସହ ଅଙ୍କିତାର ମିଳନ କରାଯାଇଥିଲା। ଏମାନଙ୍କଠାରୁ ୨ ଶାବକ ଜନ୍ମ ନେଇଛନ୍ତି। ମା’ ଓ ଦୁଇ ଶାବକଙ୍କୁ ସିସିଟିଭି କ୍ୟାମେରାରେ ୭୨ ଘଣ୍ଟା ପର୍ଯ୍ୟନ୍ତ ନଜରରେ ରଖାଯାଉଛି। ଯେହେତୁ ପ୍ରଥମ ଥର ପାଇଁ ଅଙ୍କିତା ମା’ ହୋଇଛି, ସେ ତା’ର ଶାବକଙ୍କୁ ଠିକ୍‌ ଭାବେ ଗ୍ରହଣ କରୁଛି ନା ନାହିଁ ତାକୁ ଏବେ ଗୁରୁତ୍ୱ ଦିଆଯାଉଛି ବୋଲି ଉପନିର୍ଦ୍ଦେଶକ ଜୟନ୍ତ କୁମାର ଦାସ କହିଛନ୍ତି। ଅଙ୍କିତାର ୨ ଛୁଆ ଜନ୍ମ ପରେ ବାଘ ସଂଖ୍ୟା ବୃଦ୍ଧି ପାଇ ୨୬ରେ ପହଞ୍ଚତ୍ଥିଲା। ସେଥିମଧ୍ୟରେ ୧୬ ସାଧାରଣ ରଙ୍ଗର ମହାବଳ ବାଘ, ୮ ଧଳା ବାଘ ଓ ୨ଟି କଳା ଲୋମଯୁକ୍ତ ବାଘ ରହିଛନ୍ତି। ପରବର୍ତ୍ତୀ ଖବରରୁ ପ୍ରକାଶ ଯେ, ଅପରାହ୍ନ ୪ଟା ୧୦ଟାରେ ଅଣ୍ଡିରା ବାଘ ଶାବକଟିର ମୃତ୍ୟୁ ଘଟିଛି। ରାତି ୧୦ଟାରେ ମା’ ଅଙ୍କିତା ନିକଟରୁ ଦୁଇ ଶାବକଙ୍କୁ ଅଲଗା କରାଯାଇଥିଲା। ମାଈ ବାଘ ଛୁଆକୁ ଅନ୍ୟତ୍ର ରଖାଯାଇ ତା’ର ଯତ୍ନ ନିଆଯାଉଥିବା ନନ୍ଦନକାନନ ଉପନିର୍ଦ୍ଦେଶକ ଦାସ ସୂଚନା ଦେଇଛନ୍ତି।

ରାଜ୍ୟ |

୫୦ ଭାଜପା କର୍ମୀ ଅଟକ

୫୦ ଭାଜପା କର୍ମୀ ଅଟକ

ଭୁବନେଶ୍ୱର,୨୪।୧(ବ୍ୟୁରୋ): କୁନ୍ଦୁଲି ପୀଡ଼ିତାଙ୍କ ଆତ୍ମହତ୍ୟା ନେଇ ବୁଧବାର ଭାଜପା ପକ୍ଷରୁ ୧୨ ଘଣ୍ଟିଆ ରାଜ୍ୟବ୍ୟାପୀ ହରତାଳ କରାଯାଉଛି।

ସତ୍ୟବାଦୀ, ସମ୍ବଲପୁର ସଡ଼କ ଦୁର୍ଘଟଣାରେ ମୃତକଙ୍କ ପରିବାରକୁ ୨ ଲକ୍ଷ ଟଙ୍କା ସହାୟତା ଘୋଷଣା

ସତ୍ୟବାଦୀ, ସମ୍ବଲପୁର ସଡ଼କ ଦୁର୍ଘଟଣାରେ ମୃତକଙ୍କ ପରିବାରକୁ ୨ ଲକ୍ଷ ଟଙ୍କା ସହାୟତା ଘୋଷଣା

ଭୁବନେଶ୍ୱର,୨୪।୧(ବ୍ୟୁରୋ): ସତ୍ୟବାଦୀ ଓ ସମ୍ବଲପୁର ସଡ଼କ ଦୁର୍ଘଟଣାରେ ପ୍ରତି ମୃତକଙ୍କ ପରିବାରକୁ ୨ ଲକ୍ଷ ଟଙ୍କା ସହାୟତା ଦେବା ନେଇ ବୁଧବାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଘୋଷଣା କରିଛନ୍ତି।

ପୋଲ ତଳକୁ ଓଲଟିଲା ଯାତ୍ରୀବାହୀ ବସ୍‌: ୪ ମୃତ, ୩୨ ଉଦ୍ଧାର

ପୋଲ ତଳକୁ ଓଲଟିଲା ଯାତ୍ରୀବାହୀ ବସ୍‌: ୪ ମୃତ, ୩୨ ଉଦ୍ଧାର

ସମ୍ବଲପୁର/ମାନେଶ୍ୱର/ପଡିଆବାହାଲ, ୨୪।୧ (ବ୍ୟୁରୋ/ଡି.ଏନ.ଏ.)-ସମ୍ବଲପୁର ଜିଲା ପଡିଆବାହାଲ ନିକଟସ୍ଥ ଗଉଡପାଲି ବ୍ରିଜ୍‌ ଉପରୁ ମଙ୍ଗଳବାର ରାତିରେ ମାଳତି ନଦୀ ତଳକୁ ଏକ ଯାତ୍ରୀବାହୀ ବସ୍‌ ଖସି ପଡିଛି । ବୈଷ୍ଣୋଦେବୀ ନାମକ ଏହି ଯାତ୍ରୀବାହୀ ବସ୍‌ (ଓଡି ୧୫ ଏଫ୍‌-୯୦୧୧)ଟି ସମ୍ବଲପୁରରୁ କେନ୍ଦୁଝର ଯାଉଥିଲା। ହେଲେ ରାତି ପ୍ରାୟ ୧୦ ଟା ୪୫ରେ ଦୁର୍ଘଟଣାଗ୍ରସ୍ତ ହୋଇଥିଲା । ଏଥିରେ ୫୨ ଜଣ ଯାତ୍ରୀ ଥିଲେ । ସେମାନଙ୍କ ମଧ୍ୟରୁ ୪ଜଣଙ୍କ ମୃତ୍ୟୁ ଘଟିଥିବା ବେଳେ ୪୮ ଜଣ ଗୁରୁତର ଆହତ ହୋଇଛନ୍ତି। ବସ୍‌ ଭିତରୁ ୩୨ ଜଣଙ୍କୁ ଉଦ୍ଧାର କରାଯାଇଥିଲା।

ଆଜି କଂଗ୍ରେସର ୧୨ଘଣ୍ଟିଆ ଓଡ଼ିଶା ବନ୍ଦ

ଆଜି କଂଗ୍ରେସର ୧୨ଘଣ୍ଟିଆ ଓଡ଼ିଶା ବନ୍ଦ

ଭୁବନେଶ୍ୱର, ୨୪।୧(ବ୍ୟୁରୋ):କୁନ୍ଦୁଲି ପୀଡ଼ିତାଙ୍କ ଆତ୍ମହତ୍ୟା ଘଟଣାକୁ ନେଇ ୧୨ଘଣ୍ଟିଆ ଓଡ଼ିଶା ବନ୍ଦ ଡାକରା ଦେଇଛି କଂଗ୍ରେସ। ଏନେଇ ପ୍ରଦେଶ କଂଗ୍ରେସ କମିଟି(ପିସିସି) ସଭାପତି ପ୍ରସାଦ ହରିଚନ୍ଦନ ସୂଚନା ଦେଇଛନ୍ତି।

୨୮ଘଣ୍ଟା ପରେ ଶେଷକୃତ୍ୟ

୨୮ଘଣ୍ଟା ପରେ ଶେଷକୃତ୍ୟ

ପଟ୍ଟାଙ୍ଗି,୨୪।୧(ଡି.ଏନ୍‌.ଏ.): କୁନ୍ଦୁଲି ପୀଡ଼ିତା ମେଡିକାଲରେ ଥିବାବେଳେ ଯେପରି ହୀନସ୍ତା ହୋଇଥିଲେ, ମୃତ୍ୟୁ ପରେ ବି ତାଙ୍କର ମୃତଦେହ ସେଥିରୁ ବାଦ୍‌ ପଡ଼ିନାହିଁ।

ଫେବୃୟାରୀ ୨୪ରେ ବିଜେପୁର ଭୋଟ୍‌

ଫେବୃୟାରୀ ୨୪ରେ ବିଜେପୁର ଭୋଟ୍‌

ଭୁବନେଶ୍ୱର, ୨୪।୧(ବ୍ୟୁରୋ): ବିଜେପୁର ଉପନିର୍ବାଚନ ପାଇଁ ତାରିଖ ଘୋଷଣାରେ କାହିଁକି ବିଳମ୍ବ ହେଉଛି ବୋଲି ଦିଲ୍ଲୀ ହାଇକୋର୍ଟ ନିର୍ବାଚନ କମିଶନଙ୍କୁ ପ୍ରଶ୍ନ କରିବାର ୨୪ଘଣ୍ଟା ପରେ ଓଡିଶାର ଏହି ଆସନ ସକାଶେ କମିଶନ ମଙ୍ଗଳବାର ତାରିଖ ଘୋଷଣା କରିଛନ୍ତି।

କେନ୍ଦ୍ରକୁ ସୁପ୍ରିମ୍‌କୋର୍ଟ ଧକ୍କା

କେନ୍ଦ୍ରକୁ ସୁପ୍ରିମ୍‌କୋର୍ଟ ଧକ୍କା

ନୂଆଦିଲ୍ଲୀ,୨୪ା୧(ସ୍ବ.ପ୍ର.): ଓଡ଼ିଶାର ଜୀବନରେଖା ମହାନଦୀକୁ ନେଇ ସୁପ୍ରିମକୋର୍ଟ ମଙ୍ଗବାର ଏକ ଗୁରୁତ୍ୱପୂର୍ଣ୍ଣ ରାୟ ଦେଇଛନ୍ତି।

କୃଷକମାନଙ୍କ ସ୍ବାର୍ଥ ପାଇଁ ଲଢେଇ ଜାରି ରହିବ: ମୁଖ୍ୟମନ୍ତ୍ରୀ

କୃଷକମାନଙ୍କ ସ୍ବାର୍ଥ ପାଇଁ ଲଢେଇ ଜାରି ରହିବ: ମୁଖ୍ୟମନ୍ତ୍ରୀ

ଭୁବନେଶ୍ୱର,୨୪ା୧ (ବ୍ୟୁରୋ): ମହାନଦୀ ପ୍ରସଙ୍ଗରେ ମାସକ ମଧ୍ୟରେ ଟ୍ରିବ୍ୟୁନାଲ ଗଠନ ପାଇଁ ମଙ୍ଗଳବାର ସୁପ୍ରିମକୋର୍ଟ କେନ୍ଦ୍ର ସରକାରଙ୍କୁ ନିର୍ଦ୍ଦେଶ ଦେଇଛନ୍ତି।

ରାଜଧାନୀରେ ଭାଜପା କର୍ମୀ-ପୋଲିସ ଧସ୍ତାଧସ୍ତି

ରାଜଧାନୀରେ ଭାଜପା କର୍ମୀ-ପୋଲିସ ଧସ୍ତାଧସ୍ତି

ଭୁବନେଶ୍ୱର, ୨୪।୧(ବ୍ୟୁରୋ): କୁନ୍ଦୁଲି ପୀଡିତାଙ୍କ ଆତ୍ମହତ୍ୟା ଘଟଣାରେ ରାଜ୍ୟ ରାଜନୀତି ଜୋର୍‌ ଧରିଛି। ମଙ୍ଗଳବାର ରାଜଧାନୀ ମଧ୍ୟ ଏକପ୍ରକାର ରଣକ୍ଷେତ୍ର ପାଲଟିଥିଲା।

କାର୍ଯ୍ୟକ୍ଷମ ହେଲା ଗୋପାଳପୁର ଡପ୍‌ଲାର ରାଡାର

କାର୍ଯ୍ୟକ୍ଷମ ହେଲା ଗୋପାଳପୁର ଡପ୍‌ଲାର ରାଡାର

ଭୁବନେଶ୍ୱର, ୨୩ା୧(ବ୍ୟୁରୋ)- ଗୋପାଳପୁରଠାରେ ସ୍ଥାପିତ ଡପ୍‌ଲାର ରାଡାର କାର୍ଯ୍ୟକ୍ଷମ ହୋଇଛି। କିନ୍ତୁ ଏ ନେଇ ଆନୁଷ୍ଠାନିକ ଭାବେ ଘୋଷଣା କରାଯାଇ ନାହିଁ। ମଙ୍ଗଳବାରଠାରୁ ୭ ଦିନ ପର୍ଯ୍ୟନ୍ତ ଏହାକୁ ପରୀକ୍ଷାମୂଳକ ଭାବେ କାର୍ଯ୍ୟକ୍ଷମ କରାଯାଇଛି। ଠିକ୍‌ଠାକ ଚାଲିଲେ ଫେବ୍ୟୟାରୀ ପ୍ରଥମ ସପ୍ତାହରେ ଏହାର ଉଦ୍‌ଘାଟନ କରାଯିବ ବୋଲି ଭୁବନେଶ୍ୱର ଆଞ୍ଚଳିକ ପାଣିପାଗ କେନ୍ଦ୍ର ନିର୍ଦ୍ଦେଶକ ଶରତ ସାହୁ କହିଛନ୍ତି।

ଯୁକ୍ତ୩ ପ୍ରଥମ ସେମିଷ୍ଟର ପରୀକ୍ଷା ବାତିଲ

ଯୁକ୍ତ୩ ପ୍ରଥମ ସେମିଷ୍ଟର ପରୀକ୍ଷା ବାତିଲ

ଭୁବନେଶ୍ୱର, ୨୩।୧(ବ୍ୟୁରୋ)- କୁନ୍ଦୁଲି ପୀଡ଼ିତାଙ୍କ ଆତ୍ମହତ୍ୟା ଘଟଣାକୁ ପ୍ରସଙ୍ଗ କରି ଭାଜପା ଏବଂ କଂଗ୍ରେସ ପକ୍ଷରୁ ବୁଧବାର ହରତାଳ ଏବଂ ଓଡ଼ିଶା ବନ୍ଦ ଡାକରା ଦିଆଯାଇଛି।

ଥଣ୍ଡା କମିଲା, କୁହୁଡ଼ି ବଢ଼ିବ

ଥଣ୍ଡା କମିଲା, କୁହୁଡ଼ି ବଢ଼ିବ

ଭୁବନେଶ୍ୱର, ୨୩।୧(ବ୍ୟୁରୋ)- ଗତ କିଛିଦିନ ଧରି ଲାଗି ରହିଥିବା ଶୀତ ପ୍ରକୋପ ହଠାତ କମିଯାଇଛି। ରାଜ୍ୟର ଅଧିକାଂଶ ସ୍ଥାନରେ ସର୍ବନିମ୍ନ ତାପମାତ୍ରା ୩ରୁ ୪ ଡିଗ୍ରୀ ପର୍ଯ୍ୟନ୍ତ ବୃଦ୍ଧି ପାଇଛି।