ଖେଳ |

ବୋଲ୍ଟଙ୍କ ଘାତକ ବୋଲିଂ: ସିରିଜ୍‌ ଜିତିଲା ନ୍ୟୁଜିଲାଣ୍ଡ

ବୋଲ୍ଟଙ୍କ ଘାତକ ବୋଲିଂ: ସିରିଜ୍‌ ଜିତିଲା ନ୍ୟୁଜିଲାଣ୍ଡ
ଡୁନେଡିନ(ନ୍ୟୁଜିଲାଣ୍ଡ), ୧୩।୧(ଏଏଫ୍‌ପି)- ଦ୍ରୁତ ବୋଲର ଟ୍ରେଣ୍ଟ ବୋଲ୍ଟଙ୍କ ଘାତକ ବୋଲିଂ ଯୋଗୁ ଭ୍ରମଣକାରୀ ପାକିସ୍ତାନ ଦଳ ବିପକ୍ଷ ୩ୟ ଦିନିକିଆରେ ନ୍ୟୁଜିଲାଣ୍ଡ ଦଳ ୧୮୩ ରନ୍‌ର ବୃହତ୍‌ ବିଜୟ ହାସଲ କରିଛି। ପୂର୍ବରୁ ପ୍ରଥମ ଦୁଇଟି ଦିନିକିଆକୁ ଜିତି ନେଇଥିବା ଘରୋଇ ଦଳ ୩ୟ ମ୍ୟାଚ୍‌କୁ ଜିତି ୫ଟିକିଆ ସିରିଜ୍‌କୁ ୩-୦ ବ୍ୟବଧାନରେ ଆଗୁଆ ଜିତିନେଇଛି। ଟସ୍‌ ଜିଣି ପ୍ରଥମେ ବ୍ୟାଟିଂ କରିଥିବା ନ୍ୟୁଜିଲାଣ୍ଡ ଅଧିନାୟକ କେନ୍‌ ଓ୍ବିଲିୟମସନ୍‌ ଓ ରସ୍‌ ଟେଲରଙ୍କ ଅର୍ଦ୍ଧଶତକୀୟ ଇନିଂସ୍‌ ବଳରେ ନିର୍ଦ୍ଧାରିତ ୫୦ ଓଭର୍‌ରେ ୨୫୭ ରନ୍‌ରେ ଅଲ୍‌ଆଉଟ୍‌ ହୋଇଯାଇଥିଲା। ଦଳ ପାଇଁ ଅଧିନାୟକ ଓ୍ବିଲିୟମସନ ସର୍ବାଧିକ ୭୩, ଟେଲର ୫୨, ମାର୍ଟିନ ଗୁପଟିଲ ୪୫ ଓ ଟମ୍‌ ଲଥାମ ୩୫ ରନ୍‌ କରିଥିଲେ। ପାକିସ୍ତାନର ରୁମାନ ରଇସ୍‌ ଓ ହାସନ ଅଲି ୩ଟି ଲେଖାଏ ଉଇକେଟ୍‌ ନେଇଥିଲେ। ଜବାବରେ ପାକିସ୍ତାନ ଟିମ୍‌କୁ ବ୍ୟାଟିଂ ଆରମ୍ଭରୁ ବିପର୍ଯ୍ୟୟର ସାମ୍‌ନା କରିବାକୁ ପଡ଼ିଥିଲା। ଏହାର ମୁଖ୍ୟ କାରଣ ସାଜିଥିଲେ ବୋଲ୍ଟ। ବିପର୍ଯ୍ୟୟ ସ୍ଥିତିରୁ ଦଳକୁ କୌଣସି ବ୍ୟାଟ୍ସମ୍ୟାନ ଉଦ୍ଧାର କରିବାରେ ସଫଳ ହୋଇ ନ ଥିଲେ। ଫଳରେ ପାକିସ୍ତାନ ୨୮ତମ ଓଭର୍‌ରେ ମାତ୍ର ୭୪ ରନ୍‌ରେ ଅଲ୍‌ଆଉଟ୍‌ ହୋଇଯାଇଥିଲା। ଦଳ ପକ୍ଷରୁ ୭ ଜଣ ବ୍ୟାଟ୍ସମ୍ୟାନ ଦୁଇଅଙ୍କ ସ୍କୋର ଛୁଇଁ ପାରି ନ ଥିଲେ। ବିଜୟୀ ଦଳ ପାଇଁ ବୋଲ୍ଟ ୫ଟି ଉଇକେଟ୍‌ ନେଇଥିବାବେଳେ କଲିନ୍‌ ମୁନ୍‌ରୋ ଓ ଲୋକି ଫର୍ଗୁସନ ୨ଟି ଉଇକେଟ୍‌ ଅକ୍ତିଆର କରିଥିଲେ।
All Right Reserved By

ଖେଳ |

ମେସି ଆହତ: ୩ ସପ୍ତାହ ଖେଳିବେନି, ବାର୍ସିଲୋନା ବିଜୟୀ

ମେସି ଆହତ: ୩ ସପ୍ତାହ ଖେଳିବେନି, ବାର୍ସିଲୋନା ବିଜୟୀ

ବାର୍ସିଲୋନା,୨୧।୧୦(ଏଏଫପି)- ଆର୍ଜେଣ୍ଟିନା ସୁପରଷ୍ଟାର ଲିଓନେଲ ମେସି ଆହତ ହୋଇଛନ୍ତି ଓ ଏହି କାରଣରୁ ସେ ୩ ସପ୍ତାହ ଫୁଟବଲରୁ ଦୂରେଇ ରହିବେ। ଲା ଲିଗାରେ ଶନିବାର ସେଭିଲା ବିପକ୍ଷ ମ୍ୟାଚ୍‌ ଖେଳିବା ଅବସରରେ ସେ ଫ୍ରାଙ୍କୋ ଭାଜକ୍ୱେଜଙ୍କ ସହ ଧକ୍କା ଖାଇଥିଲେ। ଫଳରେ ସେ ଡାହାଣ ହାତରେ ଆଘାତ ପାଇଥିଲେ ଓ ଏହା ଭାଙ୍ଗିଯାଇଥିବା କୁହାଯାଇଛି। ତେବେ ଏହି ମ୍ୟାଚ୍‌ରେ ବାର୍ସିଲୋନ ୪-୨ ଗୋଲରେ ବିଜୟୀ ହୋଇଛି।

ପ୍ରଥମ ଦିନିକିଆ: ଟସ୍‌ ଜିତି ଭାରତର ଫିଲ୍ଡିଂ, ରିଷଭଙ୍କ ପଦାର୍ପଣ

ପ୍ରଥମ ଦିନିକିଆ: ଟସ୍‌ ଜିତି ଭାରତର ଫିଲ୍ଡିଂ, ରିଷଭଙ୍କ ପଦାର୍ପଣ

ଗୁଆହାଟୀ,୨୧।୧୦(ପି.ଟି.)- ସ୍ଥାନୀୟ ବର୍ଷପରା ଷ୍ଟାଡିୟମରେ ଭାରତ ଓ ଭ୍ରମଣକାରୀ ଓ୍ବେଷ୍ଟଇଣ୍ଡିଜ ମଧ୍ୟରେ ପ୍ରଥମ ଦିନିକିଆ ଆରମ୍ଭ ହୋଇଛି। ଟସ୍‌ ଜିତି ଭାରତୀୟ ଅଧିନାୟକ ବିରାଟ କୋହଲି ପ୍ରଥମେ ଫିଲ୍ଡିଂ କରିବାକୁ ନିଷ୍ପତ୍ତି ନେଇଛନ୍ତି। ଏହା ପୂର୍ବରୁ ଟେଷ୍ଟ ସିରିଜ୍‌ରେ ୨-୦ରେ ସିରିଜ କ୍ଲିନ୍‌ ସୁଇପ୍‌ କରିଥିବା ଭାରତ ଏହି ପ୍ରଦର୍ଶନ ଦିନିକିଆ ସିରିଜ୍‌ରେ ବଜାୟ ରଖିବାକୁ ଲକ୍ଷ୍ୟ ରଖିଛି।

ଦିଲ୍ଲୀ ହାଫ୍‌ ମାରାଥନ:  ବେଲିହୁ ପୁରୁଷ, ଗେମେଚୁ ମହିଳା ଚାମ୍ପିୟନ

ଦିଲ୍ଲୀ ହାଫ୍‌ ମାରାଥନ: ବେଲିହୁ ପୁରୁଷ, ଗେମେଚୁ ମହିଳା ଚାମ୍ପିୟନ

ନୂଆଦିଲ୍ଲୀ,୨୧।୧୦(ପି.ଟି.)-  ଇଥିଓପିଆ ସ୍ବଳ୍ପ ବୟସ୍କ ଧାବକ ଆଣ୍ଡାମାଲାକ ବେଲିହୁ ଏଠାରେ ଅନୁଷ୍ଠିତ ହୋଇଥିବା ଦିଲ୍ଲୀ ହାଫ୍‌ ମାରାଥନରେ ପୁରୁଷ ବିଭାଗ ଚାମ୍ପିୟନ ବିବେଚିତ ହୋଇଛନ୍ତି। ସେହିପରି ସେହେ ଗେମେଚୁ ମହିଳା ବିଭାଗରେ ବାଜି ମାରିଛନ୍ତି। ଇଥିଓପିଆର ଏହି ଦୁଇ ଧାବକ, ଧାବିକା ପ୍ରଥମଥର ପାଇଁ କୌଣସି ମାରାଥନରେ ଚାମ୍ପିୟନ ହେବାର ଗୌରବ ଅର୍ଜନ କରିଛନ୍ତି। 

କ୍ରେମଲିନ୍‌ କପ୍‌: କସଟକିନା ଚାମ୍ପିୟନ

କ୍ରେମଲିନ୍‌ କପ୍‌: କସଟକିନା ଚାମ୍ପିୟନ

ମସ୍କୋ,୨୧।୧୦(ଏ.ଏଫ.ପି)- ଏଠାରେ ଖେଳାଯାଇଥିବା କ୍ରେମଲିନ୍‌ କପ୍‌ ଟେନିସ୍‌ ଟୁର୍ନାଣ୍ଟେରେ ରୁଷିଆର ଡାରିଆ କସଟକିନା ଚାମ୍ପିୟନ ହେବାର ଗୌରବ ଅର୍ଜନ କରିଛନ୍ତି। ଶନିବାର ଅନୁଷ୍ଠିତ ଫାଇନାଲ ମ୍ୟାଚ୍‌ରେ ହୋମ ଫେଭରାଇଟ୍‌ ତଥା ଷଷ୍ଠସିଡ୍‌ ଖେଳାଳି କସଟକିନା ୨-୬, ୭-୬, ୬-୪ ସେଟରେ ଟ୍ୟୁନିସିଆ କ୍ୱାଲିଫାୟର ଓନ୍ସ ଜାବେଉରଙ୍କୁ ପରାସ୍ତ କରି ପ୍ରଥମ ଡବ୍ଲ୍ୟୁଟିଏ ଟାଇଟଲ ହାସଲ କରିଛନ୍ତି। 

ଭିନୁ ମଙ୍କଡ ଟ୍ରଫି:  ମେଘାଳୟର ବୃହତ ବିଜୟ

ଭିନୁ ମଙ୍କଡ ଟ୍ରଫି: ମେଘାଳୟର ବୃହତ ବିଜୟ

ଭୁବନେଶ୍ୱର, ୨୧।୧୦(ସ୍ପୋଟର୍‌ସ ବ୍ୟୁରୋ)- ଭୁବନେଶ୍ୱରର ବିଭିନ୍ନ ଗ୍ରାଉଣ୍ଡରେ ବିସିସିଆଇ ଆନୁକୂଲ୍ୟରେ ଚାଲିଥିବା ୧୯ ବର୍ଷରୁ  କମ୍‌ ଭିନୁ ମଙ୍କଡ ଟ୍ରଫି କ୍ରିକେଟ ପ୍ରତିଯୋଗିତାରେ ଶନିବାର ୩ଟି ମ୍ୟାଚ୍‌ ଖେଳାଯାଇଛି। କିଟ୍‌ ଗ୍ରାଉଣ୍ଡରେ ଖେଳାଯାଇଥିବା ଏକ ମ୍ୟାଚ୍‌ରେ ମେଘାଳୟ ୧୯୮ ରନର ବୃହତ ବ୍ୟବଧାନରେ ସିକିମକୁ ପରାସ୍ତ କରିଛି। ଅନ୍ୟ ଦୁଇଟି ମ୍ୟାଚ୍‌ରେ ବିହାର ଓ ଅରୁଣାଚଳ ପ୍ରଦେଶ ବିଜୟ ଲାଭ କରିଛନ୍ତି।

ଦେଓଧର ଟ୍ରଫି:  ଇଣ୍ଡିଆ-ସି ଦଳରେ ଓଡ଼ିଶାର ପପୁ ରାୟ

ଦେଓଧର ଟ୍ରଫି: ଇଣ୍ଡିଆ-ସି ଦଳରେ ଓଡ଼ିଶାର ପପୁ ରାୟ

କଟକ ଅଫିସ,୨୧।୧୦- ଗତ ବିଜୟ ହଜାରେ ଟ୍ରଫିରେ ଓଡ଼ିଶା ନିମନ୍ତେ ପଦାର୍ପଣ କରିଥିବା ପପୁ ରାୟ ଆସନ୍ତା ପ୍ରଫେସର ଡି.ବି. ଦେଓଧର ଟ୍ରଫି ନିମନ୍ତେ ଇଣ୍ଡିଆ-ସି ଦଳରେ ସ୍ଥାନ ପାଇଛନ୍ତି। ଅଜିଙ୍କ୍ୟ ରାହାଣେଙ୍କ ନେତୃତ୍ୱାଧୀନ ଇଣ୍ଡିଆ-ସି ଦଳରେ ରାଜ୍ୟର ଏହି ପ୍ରତିଭାବାନ ବାମହାତୀ ସ୍ପିନର ଜଣଙ୍କୁ ଦେଖିବାକୁ ମିଳିବ। ଗତ ବିଜୟ ହଜାରେ ଟ୍ରଫିରେ ଲିଗ୍‌ ପର୍ଯ୍ୟାୟର ପପୁ ୮ଟି ଯାକ ମ୍ୟାଚ୍‌ ଖେଳିଥିବା ବେଳେ ଓଡ଼ିଶା ପକ୍ଷରୁ ସର୍ବାଧିକ ଉଇକେଟ ଦଖଲକାରୀ ହୋଇଥିଲେ। ଟୁର୍ନାମେଣ୍ଟରେ ସେ ୧୮.୪୨ ଆଭରେଜରେ ୧୪ଟି ଉଇକେଟ ଅକ୍ତିଆର କରିଛନ୍ତି। ହାଇଦ୍ରାବାଦ ବିପକ୍ଷରେ ୩୮ ରନ୍‌ରେ ୩ଟି ଉଇକେଟ ପପୁଙ୍କର ଶ୍ରେଷ୍ଠ ପ୍ରଦର୍ଶନ ରହିଥିଲା। 

 ପ୍ରାଜନେଶ ଫାଇନାଲରେ

ପ୍ରାଜନେଶ ଫାଇନାଲରେ

ନୂଆଦିଲ୍ଲୀ, ୨୧ା୧୦ (ପି.ଟି.)- ଭାରତୀୟ ଡେଭିସ୍‌ କପ୍‌ ଖେଳାଳି ପ୍ରାଜନେଶ ଗୁଣେଶ୍ୱରନଙ୍କ ପାଇଁ ସିଜନରେ ଦ୍ୱିତୀୟ ଚ୍ୟାଲେଞ୍ଜର ଟାଇଟଲ ଜିତିବା ସୁଯୋଗ ଆସିଛି। ଚାଇନାରେ ଚାଲିଥିବା  ନିଙ୍ଗ୍‌ବୋ ଚ୍ୟାଲେଞ୍ଜର ଟେନିସ ଟୁର୍ନାମେଣ୍ଟରେ ସେ ଫାଇନାଲକୁ ଉନ୍ନୀତ ହୋଇଛନ୍ତି। ସେମିଫାଇନାଲରେ ସେ ୫ମ ସିଡ୍‌ ତଥା ସର୍ବିୟାର ମିଓମିର୍‌ କେକ୍‌ମାନୋଭିଚ୍‌ଙ୍କୁ ୬-୨, ୬-୨ ସିଧାସଳଖ ସେଟ୍‌ରେ ହରାଇ ଦେଇଛନ୍ତି।

  ଭାରତ ଏ’ ମହିଳା ଟି୨୦ ଦଳ ଘୋଷିତ

ଭାରତ ଏ’ ମହିଳା ଟି୨୦ ଦଳ ଘୋଷିତ

ମୁମ୍ବାଇ, ୨୧।୧୦ (ପି.ଟି.)-ସୋମବାରଠାରୁ ଏଠାରେ ଖେଳାଯିବାକୁଥିବା  ଅଷ୍ଟ୍ରେଲିଆ ଏ’ ବିପକ୍ଷ ଟି୨୦ ସିରିଜ ପାଇଁ ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) ଶନିବାର ୧୫ଜଣିଆ ଭାରତ ଏ’ ମହିଳା ଟି୨୦ ଦଳ ଘୋଷଣା କରିଛି। ଏଥିରେ ସିନିୟର ଦଳର ଅଧିକାଂଶ ଖେଳାଳି ସ୍ଥାନ ପାଇଛନ୍ତି। ହରମନପ୍ରୀତ କୌରଙ୍କୁ ଅଧିନାୟିକା ଏବଂ ସ୍ମୃତି ମନ୍ଧାନାଙ୍କୁ ତାଙ୍କ ଡେପୁଟି ଭାବେ ନିଯୁକ୍ତି ଦିଆଯାଇଛି

ମହିଳା ଟେନିସ୍‌ରେ କିଟ୍‌ ଦ୍ୱିତୀୟ

ମହିଳା ଟେନିସ୍‌ରେ କିଟ୍‌ ଦ୍ୱିତୀୟ

ଭୁବନେଶ୍ୱର, ୨୧ା୧୦ (ସ୍ପୋଟର୍‌ସ ବ୍ୟୁରୋ)- ସ୍ଥାନୀୟ କିଟ୍‌ ବିଶ୍ୱବିଦ୍ୟାଳୟ ପରିସରରେ ପୂର୍ବାଞ୍ଚଳ ଆନ୍ତଃ ବିଶ୍ୱବିଦ୍ୟାଳୟ ବ୍ୟାଡ୍‌ମିଣ୍ଟନ (ମହିଳା), ବାସ୍କେଟବଲ (ପୁରୁଷ), ଭଲିବଲ (ପୁରୁଷ), ଟେନିସ  (ମହିଳା/ପୁରୁଷ), ହକି (ମହିଳା/ପୁରୁଷ)  ଇତିମଧ୍ୟରେ ଆରମ୍ଭ ହୋଇଯାଇଛି। 

ସାଇନା ଜିତିଲେ, ଶ୍ରୀକାନ୍ତ ହାରିଲେ

ସାଇନା ଜିତିଲେ, ଶ୍ରୀକାନ୍ତ ହାରିଲେ

ଓଡିଞ୍ଜ୍‌ (ଡେନ୍‌ମାର୍କ), ୨୧ା୧୦ (ପି.ଟି.)- ଭାରତର ଷ୍ଟାର ବ୍ୟାଡ୍‌ମିଣ୍ଟନ ଖେଳାଳି ସାଇନା ନେହ୍ବାଲ ଡେନମାର୍କ ଓପନ ମହିଳା ସିଙ୍ଗଲ୍ସ ଫାଇନାଲରେ ପ୍ରବେଶ କରିଥିବା ବେଳେ କିଡାମ୍ବି ଶ୍ରୀକାନ୍ତ ତାଙ୍କ ପୁରୁଷ ସିଙ୍ଗଲ୍ସ ସେମିଫାଇନାଲ ମ୍ୟାଚ ହାରିଯାଇଛନ୍ତି। 

ଟେଷ୍ଟ ସିରିଜ ଜିତିଲା ପାକିସ୍ତାନ

ଟେଷ୍ଟ ସିରିଜ ଜିତିଲା ପାକିସ୍ତାନ

ଆବୁଧାବି, ୨୧।୧୦(ପି.ଟି.)- ଅଷ୍ଟ୍ରେଲିଆ ବିପକ୍ଷ ଦ୍ୱିତୀୟ ତଥା ଅନ୍ତିମ ଟେଷ୍ଟ ମ୍ୟାଚ୍‌ରେ ପାକିସ୍ତାନ ଶୁକ୍ରବାର ବୃହତ୍‌ ୩୭୩ ରନରେ ବିଜୟ ହାସଲ କରିଛି। ଏଥି ସହିତ ପାକିସ୍ତାନ ୨ ମ୍ୟାଚ୍‌ ବିଶିଷ୍ଟ ଏହି ଟେଷ୍ଟ ସିରିଜ୍‌କୁ ୧-୦ରେ ହାତେଇ ନେଇଛି। 

ପ୍ରୋ କବାଡି ଲିଗ୍‌: ବେଙ୍ଗଲ- ୟୁପି ମ୍ୟାଚ୍‌ ଟାଇ, ପଲଟନ ବିଜୟୀ

ପ୍ରୋ କବାଡି ଲିଗ୍‌: ବେଙ୍ଗଲ- ୟୁପି ମ୍ୟାଚ୍‌ ଟାଇ, ପଲଟନ ବିଜୟୀ

ପୁନେ,୨୧।୧୦(ପି.ଟି.)- ପ୍ରୋ କବାଡ଼ି ଲିଗ୍‌ (ପିକେଏଲ)ରେ ଶନିବାର ଅନୁଷ୍ଠିତ ପ୍ରଥମ ମ୍ୟାଚ ବେଶ୍‌ ସଂଘର୍ଷପୂର୍ଣ୍ଣ ହେବା ସହ ଟାଇ ରହିଛି। ବେଙ୍ଗଲ ଓ୍ବାରିୟର ଓ ୟୁପି ଅଯୋଧ୍ୟା ମଧ୍ୟରେ ଅନୁଷ୍ଠିତ ଏହି ରୋମାଞ୍ଚକ ମ୍ୟାଚ୍‌ ୪୦-୪୦ରେ ଟାଇ ରହିଛି।