ଖେଳ |

ଉନ୍ନତ ପ୍ରଦର୍ଶନ ଆଶାରେ ଟିମ୍‌ ଇଣ୍ଡିଆ

ଉନ୍ନତ ପ୍ରଦର୍ଶନ ଆଶାରେ ଟିମ୍‌ ଇଣ୍ଡିଆ
ସେଞ୍ଚୁରିଅନ, ୧୨।୧(ପି.ଟି.)- ଭାରତ ଓ ଦକ୍ଷିଣ ଆଫ୍ରିକା ମଧ୍ୟରେ ଦ୍ୱିତୀୟ କ୍ରିକେଟ ଟେଷ୍ଟ ଶନିବାରଠାରୁ ଏଠାରେ ଆରମ୍ଭ ହେବାକୁ ଯାଉଛି। ପ୍ରଥମ ଟେଷ୍ଟରେ ପରାଜିତ ହୋଇଥିବା ଭାରତ ଆଗାମୀ ମ୍ୟାଚରେ ଉନ୍ନତ ପ୍ରଦର୍ଶନ ଆଶାରେ ରହିଛି। ଏହି ମ୍ୟାଚର ଫଳାଫଳ ଭାରତର କ୍ରମାଗତ ୯ମ ସିରିଜ ବିଜୟ ଉପରେ ଅନେକ ପ୍ରଭାବ ପକାଇବ। ତେଣୁ ୩ ମ୍ୟାଚ ବିଶିଷ୍ଟ ସିରିଜର ଦ୍ୱିତୀୟ ମ୍ୟାଚ ଭାରତ ପାଇଁ କର ଅବା ମର ପରିସ୍ଥିତି ସୃଷ୍ଟି କରିଛି। ୨୦୧୮-୧୯ରେ ଭାରତ ବିଦେଶରେ ୧୨ଟି ଟେଷ୍ଟ ଖେଳିବ। କେପ୍‌ ଟାଉନଠାରେ ପ୍ରଥମ ମ୍ୟାଚରେ ୭୨ ରନରେ ହାରିବା ପରେ ଏବେ ଦଳ ଦ୍ୱିତୀୟ ପରୀକ୍ଷା ଅପେକ୍ଷାରେ ରହିଛି। ଦକ୍ଷିଣ ଆଫ୍ରିକାଠାରୁ ସିରିଜ ହାରିଲେ ଯଦିଓ ଭାରତର ନମ୍ବରଓ୍ବାନ ର଼୍ୟାଙ୍କିଙ୍ଗ ଅପରିବର୍ତ୍ତିତ ରହିବ ତେବେ ବିଦେଶ ମାଟିରେ ଖେଳାଳିଙ୍କ ଦକ୍ଷତାକୁ ନେଇ ପ୍ରଶ୍ନ ଉଠିବ ନିଶ୍ଚିତ। ପ୍ରଥମ ଟେଷ୍ଟ ପରେ ଚୂଡ଼ାନ୍ତ ଏକାଦଶ ଚୟନକୁ ନେଇ ସମାଲୋଚନା ହୋଇଥିଲା। ଏଥର ଟିମ୍‌ ମ୍ୟାନେଜମେଣ୍ଟ ଏ ସବୁକୁ ଧ୍ୟାନରେ ରଖି ଯାହାକିଛି ନିଷ୍ପତ୍ତି ନେବ। ଦ୍ୱିତୀୟ ଟେଷ୍ଟ ଆରମ୍ଭର ୪୮ ଘଣ୍ଟା ପୂର୍ବରୁ ସୁପରସ୍ପୋର୍ଟ ପାର୍କରେ ଭାରତୀୟ ଦଳ ୪ ଘଣ୍ଟା ଅଭ୍ୟାସ କରିଛି। ଯାହାର ଯେଉଁଠି ଦୋଷ ଦୁର୍ବଳତା ରହିଛି ତାହାକୁ ଅଭ୍ୟାସ ସେସନରେ ସୁଧାରିବାକୁ ଚେଷ୍ଟା କରାଯାଇଥିଲା। ଚେତେଶ୍ୱର ପ୍ରଥମ ସ୍ଲିପରେ କ୍ୟାଚ ପ୍ରାକ୍ଟିସ କରିଥିବାବେଳେ ବିରାଟ କୋହଲି ଓ ରୋହିତ ଶର୍ମା ଦୀର୍ଘ ସମୟଧରି ନେଟ୍ସରେ ବ୍ୟାଟିଂ କରିଥିଲେ। ନେଟ୍ସ ସେସନର ଅଧିକାଂଶ ସମୟ ଅଜିଙ୍କ୍ୟ ରାହାନେ ଦର୍ଶକ ହୋଇ ରହିଯାଇଥିବା ପରିଲକ୍ଷିତ ହୋଇଥିଲା। ଶେଷଭାଗରେ ସହକାରୀ କୋଚ୍‌ ସଞ୍ଜୟ ବାଙ୍ଗର ଉଭୟ ରାହାନେ ଓ ଶିଖର ଧାଓ୍ବନଙ୍କୁ ଥ୍ରୋ ଅଭ୍ୟାସ କରାଇଥିଲେ। ତେବେ ଏମାନଙ୍କ ମଧ୍ୟରୁ କେହି ଫାଷ୍ଟ ବୋଲିଂର ସମ୍ମୁଖୀନ ହୋଇ ନ ଥିଲେ। ଲୋକେଶ ରାହୁଲ, ମୁରଲୀ ବିଜୟ ଓ ପୂଜାରା ବ୍ୟାଟିଂରେ ମଗ୍ନ ରହିଥିଲେ। ହାର୍ଦ୍ଦିକ ପାଣ୍ଡ୍ୟା ଓ ରିଦ୍ଧିମାନ ଶାହ ମଧ୍ୟ ନେଟ୍ସରେ ଝାଳ ବୁହାଇଥିଲେ। ଏଥିରୁ ୫ ବ୍ୟାଟ୍ସମ୍ୟାନ ଲାଇନ୍‌ଅପ୍‌ ସମ୍ପର୍କରେ ସୂଚନା ମିଳିଥିଲା। ରାହୁଲ କିମ୍ବା ଧାଓ୍ବନଙ୍କୁ ନେଇ ଏବେ ଆଲୋଚନା ହେଉଛି। ଧାଓ୍ବନଙ୍କର କ୍ୟାରିୟର ଆଭରେଜ ୨୯ ମ୍ୟାଚରୁ ୪୨.୬୨ ଏବଂ ବିଦେଶରେ ୧୯ ଟେଷ୍ଟରୁ ୪୩.୭୨ ଆଭରେଜ ରହିଛି। ତେବେ ଅଷ୍ଟ୍ରେଲିଆ, ନ୍ୟୁଜିଲାଣ୍ଡ, ଇଂଲଣ୍ଡ ଏବଂ ଦକ୍ଷିଣ ଆଫ୍ରିକାରେ ତାଙ୍କ ଆଭରେଜ ୧୧ ଟେଷ୍ଟରୁ ୨୭.୮୧ ରହିଛି। ଦକ୍ଷିଣ ଆଫ୍ରିକା ମାଟିରେ ତାଙ୍କ ପ୍ରଦର୍ଶନ ଆହୁରି ନୈରାଶ୍ୟଜନକ। ସେ ଏଠାରେ ୩ଟି ଟେଷ୍ଟରେ ୧୮.୦୦ ଆଭରେଜ ରଖିଛନ୍ତି। ୨୦୧୩-୧୪ ଟୁର୍‌ରେ ତାଙ୍କର ସର୍ବାଧିକ ସ୍କୋର ଥିଲା ୨୯। କେପ୍‌ ଟାଉନ୍‌ରେ ଅନୁଷ୍ଠିତ ପ୍ରଥମ ଟେଷ୍ଟର ଉଭୟ ଇନିଂସରେ ସେ ଖରାପ ଶଟ୍‌ ଚୟନ କରି ଆଉଟ ହୋଇଥିବାରୁ ଚୂଡ଼ାନ୍ତ ଏକାଦଶରେ ସ୍ଥାନ ପାଇବା ସମ୍ଭାବନା କମ୍‌। ସେହି ତୁଳନାରେ ଦେଖିବାକୁ ଗଲେ ରାହୁଲ ଟପ୍‌ ଅର୍ଡରରେ ଟେକ୍ନିକ ଦୃଷ୍ଟିରୁ ଦୃଢ଼। ରୋହିତ-ରାହାନେଙ୍କ ଚୟନକୁ ନେଇ ମଧ୍ୟ ପ୍ରଶ୍ନ ଉଠିଛି। ମାତ୍ର ଫର୍ମକୁ ଦୃଷ୍ଟିରେ ରଖି ରୋହିତଙ୍କୁ ଦଳରେ ନିଆ ଯାଇଛି ବୋଲି କୋହିଲ ସ୍ପଷ୍ଟ କରି ସାରିଛନ୍ତି। ପ୍ରଥମ ଷ୍ଟେରେ ସେ ଯଦିଓ ମାତ୍ର ୧୧ ଓ ୧୦ ରନ କରିବାକୁ ସକ୍ଷମ ହୋଇଥିଲେ ତେବେ ମ୍ୟାନେଜମେଣ୍ଟ ଗୋଟିଏ ମ୍ୟାଚର ପ୍ରଦର୍ଶନରେ ତାଙ୍କୁ ବାହାରେ ବସାଇବା ସପକ୍ଷରେ ନାହିଁ। ଭାରତୀୟ ବୋଲିଂ ବିଭାଗରେ ମଧ୍ୟ ପରିବର୍ତ୍ତନର ଆଭାସ ମିଳୁଛି। ଗୁରୁବାର ଏଠାକାର ପିଚ୍‌ କଠିନ ଓ ବାଉନ୍ସି ମନେ ହେଉଥିଲା। ପିଚ୍‌ରେ ସାମାନ୍ୟ ସବୁଜ ଘାସ ମଧ୍ୟ ରହିଛି। ତେଣୁ କୋହଲି ଏଠାରେ ନିଜ ପେସ୍‌ କମ୍ବିନେଶରେ କିପରି ପରିବର୍ତ୍ତନ କରୁଛନ୍ତି ତାହା ଦେଖିବାକୁ ବାକି ରହିଛି। ଉମେଶ ଯାଦବ ଦୀର୍ଘସମୟଧରି ବ୍ୟାଟିଂ ଓ ବୋଲିଂ କରୁଥିବା ଦେଖିବାକୁ ମିଳିଥିଲା। ତେଣୁ ସେ ଚୂଡ଼ନ୍ତ ଏକାଦଶରେ ସ୍ଥାନ ପାଇବା ସମ୍ଭାବନା ଅଧିକ। ଈଶାନ୍ତ ଶର୍ମା ମଧ୍ୟ ସୁସ୍ଥ ହେବାପରେ ଖେଳିବାକୁ ବ୍ୟଗ୍ର। ତେବେ ଯଶପ୍ରୀତ ବୁମ୍‌ରାଙ୍କ ଉପରେ କୋହଲିଙ୍କର କେତେ ଆସ୍ଥା ରହିଛି ତା’ ଉପରେ ଅନେକ କିଛି ନିର୍ଭର କରିବ। ଦ୍ୱିତୀୟ ଟେଷ୍ଟ ଜିତିବା ସହ ସିରିଜ କବ୍‌ଜା ପାଇଁ ଦକ୍ଷିଣ ଆଫ୍ରିକା ମଧ୍ୟ ଜୋରଦାର ଅଭ୍ୟାସ କରିଛି। ଆହତ ଡେଲ୍‌ ଷ୍ଟେଇନଙ୍କ ସ୍ଥାନରେ ଲୁନ୍‌ଗି ଏନଗିଡି ଆଗାମୀ ମ୍ୟାଚରେ ଟେଷ୍ଟ କ୍ୟାରିୟର ଆରମ୍ଭ କରିପାରନ୍ତି। ଅଲରାଉଣ୍ଡର କ୍ରିସ ମୋରିସ ମଧ୍ୟ ଚୂଡ଼ାନ୍ତ ଏକାଦଶରେ ସ୍ଥାନ ପାଇବାକୁ ପ୍ରବଳ ଦାବିଦାର ଅଛନ୍ତି। ଦକ୍ଷିଣ ଆଫ୍ରିକା ୩+୧ ଫ୍ରଣ୍ଟଲାଇନ ଆକ୍ରମଣ ଫର୍ମୁଲାରେ ସୁରକ୍ଷିତ ମନେ କରୁଛି। ମୋରିସ ସାମିଲ ହେଲେ ଦଳର ବ୍ୟାଟିଂ ଓ ବୋଲିଂ ବିଭାଗ ଶକ୍ତିଶାଳୀ ହେବ। ଭାରତୀୟ ଦଳ: ବିରାଟ କୋହଲି(ଅଧିନାୟକ), ଲୋକେଶ ରାହୁଲ, ମୁରଲୀ ବିଜୟ, ଚେତେଶ୍ୱର ପୂଜାରା, ରୋହିତ ଶର୍ମା, ରିଦ୍ଧିମାନ ଶାହ, ହାର୍ଦ୍ଦିକ ପାଣ୍ଡ୍ୟା, ମହମ୍ମଦ ସାମି, ଭୁବନେଶ୍ୱର କୁମାର, ଉମେଶ ଯାଦବ, ରବିଚନ୍ଦ୍ରନ ଅଶ୍ୱିନ, ଶିଖର ଧାଓ୍ବନ, ଅଜିଙ୍କ୍ୟ ରାହାନେ, ପାର୍ଥିବ ପଟେଲ, ରବୀନ୍ଦ୍ର ଜାଡେଜା, ଈଶାନ୍ତ ଶର୍ମା, ଯଥପ୍ରୀତ ବୁମ୍‌ରା। ଦକ୍ଷିଣ ଆଫ୍ରିକା ଦଳ: ଫାଫ୍‌ ଡୁ ପ୍ଲେସି(ଅଧିନାୟକ), ଡିନ୍‌ ଏଲଗାର, ଆଡେନ ମାରକ୍ରାମ, ହାସିମ ଆମ୍‌ଲା, ଟେମ୍ବା ବାଭୁମା, ଥେଉନିସ ଡି’ବ୍ରୁନି, କ୍ୱିଣ୍ଟନ ଡି’କକ୍‌, କେଶବ ମହାରାଜ, ମୋର୍ନେ ମୋର୍କେଲ, କ୍ରିସ୍‌ ମୋରିସ, ଭେନନ ଫିଲାଣ୍ଡର, କାଗିସୋ ରାବାଡା, ଆଣ୍ଡିଲେ ଫେଲ୍ୟୁକ୍ୱାୟୋ, ଲୁନ୍‌ଗି ଏନଗିଡି, ଡୁଆନି ଓଲିଭର।
All Right Reserved By

ଖେଳ |

ଜୋକୋଭିଚ୍‌ ନମ୍ବରଓ୍ବାନ ର଼୍ୟାଙ୍କିଙ୍ଗର ନିକଟତର

ଜୋକୋଭିଚ୍‌ ନମ୍ବରଓ୍ବାନ ର଼୍ୟାଙ୍କିଙ୍ଗର ନିକଟତର

ଶାଙ୍ଘାଇ ମାଷ୍ଟର୍ସ ଟାଇଟଲ ଜିତିବାପରେ ସର୍ବିୟାର ନୋଭାକ ଜୋକୋଭିଚ୍‌ ନମ୍ବରଓ୍ବାନ ର଼୍ୟାଙ୍କିଙ୍ଗର ନିକଟତର ହୋଇଛନ୍ତି। ସୋମବାର ପ୍ରକାଶିତ ଏଟିପି ର଼୍ୟାଙ୍କିଙ୍ଗ ଅନୁସାରେ ଜୋକୋଭିଚ୍‌ ୭୪୪୫ ପଏଣ୍ଟ ସହିତ ଦ୍ୱିତୀୟ ସ୍ଥାନରେ ରହିଛନ୍ତି।

ନମ୍ବରଓ୍ବାନ ସହ ବର୍ଷ ଶେଷ କରିବେ ହାଲେପ

ନମ୍ବରଓ୍ବାନ ସହ ବର୍ଷ ଶେଷ କରିବେ ହାଲେପ

ପ୍ୟାରିସ, ୧୫।୧୦(ଏଏଫପି)- କ୍ରମାଗତ ଦ୍ୱିତୀୟ ବର୍ଷ ପାଇଁ ରୋମାନିଆ ମହିଳା ଟେନିସ ତାରକା ସିମୋନା ହାଲେପ ବିଶ୍ୱ ର଼୍ୟାଙ୍କିଙ୍ଗରେ ନମ୍ବରଓ୍ବାନ ସ୍ଥାନରେ ରହି ବର୍ଷ ଶେଷ କରିବା ସ୍ପଷ୍ଟ ହୋଇଛି। ହାଲେପ ୨୦୧୮ରେ ୪୦ ସପ୍ତାହଧରି ନମ୍ବରଓ୍ବାନ ସ୍ଥାନରେ ରହିବାର ଗୌରବ ଅର୍ଜନ କରିଛନ୍ତି।

ବାର୍ସିଲୋନା ଖେଳାଳି ଭେର୍ମାଲେନ ୬ ସପ୍ତାହ ବାଦ୍‌

ବାର୍ସିଲୋନା ଖେଳାଳି ଭେର୍ମାଲେନ ୬ ସପ୍ତାହ ବାଦ୍‌

ବାର୍ସିଲୋନା,୧୫।୧୦(ଏଏଫ୍‌ପି)- ସ୍ପାନିଶ ଲିଗ୍‌ ବାର୍ସିଲୋନା କ୍ଲବ ପକ୍ଷରୁ ଖେଳୁଥିବା ବେଲଜିୟମ ଡିଫେଣ୍ଡର ଥୋମାସ ଭେର୍ମାଲେନ ଆଗାମୀ ୬ ସପ୍ତାହ ପର୍ଯ୍ୟନ୍ତ ଫୁଟ୍‌ବଲ ପଡ଼ିଆରୁ ଦୂରେଇ ରହିବେ। 

ଜୟସୁରିୟାଙ୍କ ନାମରେ ଅଭିଯୋଗ

ଜୟସୁରିୟାଙ୍କ ନାମରେ ଅଭିଯୋଗ

କଲମ୍ବୋ,୧୫।୧୦- ପୂର୍ବତନ ଶ୍ରୀଲଙ୍କା ଓପନର ସନତ ଜୟସୁରିୟାଙ୍କ ନାମରେ ସୋମବାର ଆଇସିସି ଆଣ୍ଟି କରପଶନ ନିୟମ ଭଙ୍ଗ କରିଥିବା ଅଭିଯୋଗ ଆସିଛି। ଏ ସମ୍ପର୍କରେ ସୋମବାରଠାରୁ ୧୪ ଦିନ ମଧ୍ୟରେ ତାଙ୍କୁ ଉତ୍ତର ରଖିବାକୁ କୁହାଯାଇଛି।

‘୧୮ ବର୍ଷ ବେଳେ ଆମ ମଧ୍ୟରୁ କେହି ପୃଥ୍ବୀଙ୍କ ୧୦ ପ୍ରତିଶତ ମଧ୍ୟ ନ ଥିଲୁ’

‘୧୮ ବର୍ଷ ବେଳେ ଆମ ମଧ୍ୟରୁ କେହି ପୃଥ୍ବୀଙ୍କ ୧୦ ପ୍ରତିଶତ ମଧ୍ୟ ନ ଥିଲୁ’

ହାଇଦ୍ରାବାଦ,୧୫।୧୦- ଏଠାରେ ଖେଳାଯାଇଥିବା ଓ୍ବେଷ୍ଟଇଣ୍ଡିଜ୍‌ ବିପକ୍ଷ ୨ୟ ଟେଷ୍ଟକୁ ଭାରତୀୟ ଦଳ ୧୦ ଉଇକେଟରେ ଜିତିବା ପରେ ଅଧିନାୟକ ବିରାଟ କୋହଲି ଯୁବ ଓପନର ପୃଥ୍ବୀ ଶ’ଙ୍କୁ ପ୍ରଶଂସା କରିଛନ୍ତି। 

ଶ, ପନ୍ତଙ୍କ ର଼୍ୟାଙ୍କିଙ୍ଗ୍‌ରେ ଉନ୍ନତି

ଶ, ପନ୍ତଙ୍କ ର଼୍ୟାଙ୍କିଙ୍ଗ୍‌ରେ ଉନ୍ନତି

ଦୁବାଇ,୧୫।୧୦(ପି.ଟି.)- ଭାରତୀୟ ଅଧିନାୟକ ବିରାଟ କୋହଲି ଟେଷ୍ଟ ବ୍ୟାଟ୍ସମ୍ୟାନଙ୍କ ତାଲିକାରେ ଶୀର୍ଷସ୍ଥାନ ବଜାୟ ରଖିଛନ୍ତି। ଦୁଇ ଯୁବ ବ୍ୟାଟ୍ସମ୍ୟାନ ପୃଥ୍ବୀ ଶ’ ଓ ରିଶବ ପନ୍ତଙ୍କ ର଼୍ୟାଙ୍କିଙ୍ଗ୍‌ରେ ଅହେତୁକ ଉନ୍ନତି ଆସିଛି। 

ବୋଲ୍ଟଙ୍କୁ ଡ୍ରଗ ଟେଷ୍ଟ ନୋଟିସ

ବୋଲ୍ଟଙ୍କୁ ଡ୍ରଗ ଟେଷ୍ଟ ନୋଟିସ

ସିଡ୍‌ନୀ,୧୫।୧୦(ଏଏଫ୍‌ପି)- ସ୍ପ୍ରିଣ୍ଟ କିମ୍ବଦନ୍ତୀ ଉସେନ ବୋଲ୍ଟ ଆଥ୍‌ଲେଟିକ୍ସରୁ ଅବସର ନେଇ ଏବେ ପେସାଦାର ଫୁଟ୍‌ବଲ ଏରିନାରେ କ୍ୟାରିୟର ଆରମ୍ଭ କରିବାକୁ ଯାଉଛନ୍ତି। ଏହାସତ୍ତ୍ୱେ ତାଙ୍କୁ ଡ୍ରଗ ଟେଷ୍ଟ ପରୀକ୍ଷାର ସମ୍ମୁଖୀନ ହେବା ଲାଗି ନୋଟିସ ଦିଆଯାଇଛି। 

ମୁମ୍ବାଇ ଦଳରେ ରାହାନେ, ଶ’

ମୁମ୍ବାଇ ଦଳରେ ରାହାନେ, ଶ’

ମୁମ୍ବାଇ,୧୫।୧୦(ପି.ଟି.)- ଚଳିତ ବିଜୟ ହଜାରେ ଟ୍ରଫିର ସେମିଫାଇନାଲ ପର୍ଯ୍ୟାୟ ପୂର୍ବରୁ ମୁମ୍ବାଇ ଦଳର ଶକ୍ତି ବୃଦ୍ଧି ପାଇଛି। ଟୁର୍ନାମେଣ୍ଟର ଗୁରୁତ୍ୱପୂର୍ଣ୍ଣ ମ୍ୟାଚ୍‌ ଲାଗି ଭାରତୀୟ ଟେଷ୍ଟ ଦଳର ନିୟମିତ ସଦସ୍ୟ ଅଜିଙ୍କ୍ୟ ରାହାନେ ଓ ପୃଥ୍ବୀ ଶ’ ଦଳ ଲାଗି ଉପଲବ୍ଧ ହୋଇଛନ୍ତି। 

କ୍ୱାର୍ଟର ଫାଇନାଲରେ ଖେଳିବେନାହିଁ ଧୋନୀ

କ୍ୱାର୍ଟର ଫାଇନାଲରେ ଖେଳିବେନାହିଁ ଧୋନୀ

ହାଇଦ୍ରାବାଦ,୧୫।୧୦- ଚଳିତ ବିଜୟ ହଜାରେ ଟ୍ରଫିର କ୍ୱାର୍ଟର ଫାଇନାଲରେ ଝାଡ଼ଖଣ୍ଡ ପକ୍ଷରୁ ପୂର୍ବତନ ଭାରତୀୟ ଅଧିନାୟକ ମହେନ୍ଦ୍ର ସିଂ ଧୋନୀ ଖେଳିବେ ବୋଲି ଜାତୀୟ ଚୟନ କମିଟି ଘୋଷଣା କରିଥିଲେ। 

ସାଣ୍ଟୋ ଡୋମିନ୍‌ଗୋ ଓପନ ଜିତିଲେ ପେସ୍‌

ସାଣ୍ଟୋ ଡୋମିନ୍‌ଗୋ ଓପନ ଜିତିଲେ ପେସ୍‌

ନୂଆଦିଲ୍ଲୀ,୧୫।୧୦-  ଭେଟେରାନ ପୁରୁଷ ଖେଳାଳି ଲିଆଣ୍ଡର ପେସ ତାଙ୍କ ସାଥୀ ମଗୁଏଲ ଆଙ୍ଗେଲ ରେୟେସ ଭାରେଲା ସାଣ୍ଟୋ ଡୋମିନ୍‌ଗୋ ଓପନ ଟାଇଟଲ ଜିତିଛନ୍ତି। ଚଳିତ ସିଜନରେ ଏହା ତାଙ୍କର ଦ୍ୱିତୀୟ ଟାଇଟଲ। 

ଗୋଟିଏ ଓଭର୍‌ରେ ୬ ଛକା ମାରିଲେ ହାଜରାତୁଲା

ଗୋଟିଏ ଓଭର୍‌ରେ ୬ ଛକା ମାରିଲେ ହାଜରାତୁଲା

କାବୁଲ,୧୫।୧୦- ଆଫଗାନିସ୍ତାନ ବ୍ୟାଟ୍ସମ୍ୟାନ ହାଜରାତୁଲା ଜାଜାଇ ବିଶ୍ୱର ୩ୟ ବ୍ୟାଟ୍ସମ୍ୟାନ ଭାବେ ଏକ ଟି୨୦ ମ୍ୟାଚ୍‌ର ଗୋଟିଏ ଓଭରରେ ୬ ଛକା ଲଗାଇଛନ୍ତି। 

ଅଲ୍‌ ଓଡ଼ିଶା ଓପନ କ୍ୟାରମ: ଜୟପ୍ରକାଶ ଚାମ୍ପିୟନ

ଅଲ୍‌ ଓଡ଼ିଶା ଓପନ କ୍ୟାରମ: ଜୟପ୍ରକାଶ ଚାମ୍ପିୟନ

ଭୁବନେଶ୍ୱର, ୧୫।୧୦(କ୍ରୀଡ଼ା ପ୍ରତିନିଧି)- ଭୁବନେଶ୍ୱର ଜିଲା କ୍ୟାରମ ଆସୋସିଏଶନ (ବିଡିସିଏ) ଆନୁକୂଲ୍ୟରେ ୧୩ ଓ ୧୪ ତାରିଖ ଦୁଇଦିନଧରି ଅଲ୍‌ ଓଡ଼ିଶା ଓପନ କ୍ୟାରମ୍‌ ଚାମ୍ପିୟନଶିପ୍‌ ଏଠାରେ ଅନୁଷ୍ଠିତ ହୋଇ ଯାଇଛି। ରବିବାର ଅନୁଷ୍ଠିତ ଫାଇନାଲରେ ଭୁବନେଶ୍ୱରର ଜୟପ୍ରକାଶ ଦାସ ଖୋର୍ଦ୍ଧାର ଭି.ପୃଥ୍ବୀଙ୍କୁ ୧୪-୧୬, ୨୧-୯, ୨୫-୯ ପଏଣ୍ଟରେ ହରାଇ ଚାମ୍ପିୟନ ହୋଇଛନ୍ତି।