ସମ୍ବଲପୁର

ବ୍ଲକସ୍ତରୀୟ କଳାହାଣ୍ଡି ଉତ୍ସବ ଘୁମୁରା ଉଦ୍‌ଘାଟିତ

ବ୍ଲକସ୍ତରୀୟ କଳାହାଣ୍ଡି ଉତ୍ସବ ଘୁମୁରା ଉଦ୍‌ଘାଟିତ

କଲମପୁର, ୯।୧(ଡି.ଏନ୍‌.ଏ.): କଳାହାଣ୍ଡି ଜିଲା କଲମପୁର ମିନି ଷ୍ଟାଡିୟମ୍‌ର ଈଶ୍ୱରୀନନ୍ଦ ମଞ୍ଚରେ ମଙ୍ଗଳବାର ବ୍ଲକ ସ୍ତରୀୟ କଳାହାଣ୍ଡି ଉତ୍ସବ ‘ଘୁମୁରା-୨୦୧୮’ ଉଦ୍‌ଘାଟିତ ହୋଇଯାଇଛି। ସ୍ଥାନୀୟ ଲଙ୍କେଶ୍ୱରୀ ମନ୍ଦିର ଓ ଜଗନ୍ନାଥ ମନ୍ଦିରରୁ ଏକ ବିରାଟ ଶୋଭାଯାତ୍ରାରେ ମଶାଲ ନିଆଯାଇଥିଲା। ବ୍ଲକ ଅଧ୍ୟକ୍ଷା ମଞ୍ଜୁଳା ସାହୁ ମୁଖ୍ୟ ଅତିଥିରୂପେ ଯୋଗଦେଇ ଉତ୍ସବକୁ ଉଦ୍‌ଘାଟନ କରିଥିଲେ। ଏହି ଅବସରରେ କୃତି ପ୍ରତିଯୋଗୀମାନଙ୍କୁ ପୁରସ୍କୃତ କରାଯାଇଛି। ଉତ୍ସବରେ ବିଡିଓ ଗୋପାଳ ଚନ୍ଦ୍ର ମିଶ୍ର ସଭାପତିତ୍ୱ କରିଥିଲେ।

All Right Reserved By

ସମ୍ବଲପୁର

ହନୁମାନ ଜୟନ୍ତୀ ସମନ୍ବୟ ସମିତିର ବିକ୍ଷୋଭ

ହନୁମାନ ଜୟନ୍ତୀ ସମନ୍ବୟ ସମିତିର ବିକ୍ଷୋଭ

ସମ୍ବଲପୁର, ୨୩।୬ (ବ୍ୟୁରୋ)- ସମ୍ବଲପୁର ମହାନଗର ନିଗମ ଅଞ୍ଚଳରେ ଅସାମାଜିକଙ୍କ ଆତଙ୍କ ବୃଦ୍ଧି ପାଉଛି । ବେଆଇନ ଅସ୍ତ୍ର ମହଜୁଦ ରହିଛି । ନିୟମିତ ଭାବେ ଗୋ ହତ୍ୟା ଓ ଗୋ ମାଂସ ଚାଲାଣ ହେଉଛି। ଏଥିରେ ବଙ୍ଗଳାଦେଶୀ ଅନୁପ୍ରବେଶକାରୀ ଓ ଏକ ନିର୍ଦ୍ଧିଷ୍ଟ ସମ୍ପ୍ରଦାୟ ଜଡିତ। ତେଣୁ ଜିଲା ପ୍ରଶାସନ ବଙ୍ଗଳାଦେଶୀ ଅନୁପ୍ରବେଶକାରୀଙ୍କୁ ଚିହ୍ନଟ କରି ଦେଶାନ୍ତର କରିବାକୁ ହନୁମାନ ଜୟନ୍ତୀ ସମନ୍ବୟ ସମିତି ଦାବି କରିଛି ।

ପ୍ରଧାନମନ୍ତ୍ରୀଙ୍କ ସହ ଚାଷୀଙ୍କ ବାର୍ତ୍ତାଳାପର ସିଧାପ୍ରସାରଣ

ସୁନ୍ଦରଗଡ଼ ୨୩।୬ (ଡି.ଏନ.ଏ)- ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହିତ ବିଭିନ୍ନ ରାଜ୍ୟର ଚାଷୀମାନଙ୍କ ବାର୍ତ୍ତାଳାପର ସିଧାପ୍ରସାରଣ କାର୍ଯ୍ୟକ୍ରମ କିରେଇ କୃଷି ବିଜ୍ଞାନ କେନ୍ଦ୍ରରେ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମରେ ସୁନ୍ଦରଗଡ ଜିଲାର ବିଭିନ୍ନ ବ୍ଲକ ଟାଙ୍ଗରିପାଲି, ବଡଗାଁ, ସବଡେଗା, ବାଲିଶଙ୍କରା, ଲେଫ୍ରିପଡା, ସଦର ବ୍ଲକ ଚାଷୀ ଯୋଗଦେଇଥିଲେ। ବାସୁଦେବ ସାହୁ ଉପନିର୍ଦ୍ଦେଶକ ସୁରେନ୍ଦ୍ର କୁମାର କାଲୋ, ଜିଲା ମତ୍ସ୍ୟ ସମ୍ପଦ ଅଧିକାରୀ ରଥ ଲିଡବ୍ୟାଙ୍କ ମ୍ୟାନେଜର ଅବସରପ୍ରାପ୍ତ ପଶୁସମ୍ପଦ ଅଧିକାରୀ ଏବଂ ସମାଜସେବୀ ଡ. ଜଗବନ୍ଧୁ ଭୋଇ, ଜିଲା ପରିଷଦର ସଭ୍ୟ ଶୁକଲାଲ ମୁଣ୍ଡା କୃଷି ବିଜ୍ଞାନର ମୁଖ୍ୟ ଡ. ଲକ୍ଷ୍ମୀପ୍ରିୟା ପ୍ରଧାନ, କୃଷି ବିଜ୍ଞାନ ଓ ଅଞ୍ଚଳଳିକ କୃଷି ଗବେଷଣା ଉପକେନ୍ଦ୍ରର ମୁଖ୍ୟ ଡ. ସାଜୀଦ ବିଶ୍ୱାସୀ ସମସ୍ତ ବୈଜ୍ଞାନିକ ଓ କର୍ମକର୍ତ୍ତାମାନେ ଯୋଗଦେଇଥିଲେ। ସିଧାପ୍ରସାରଣ ପରେ ବିଭିନ୍ନ କୃଷି ବିଭାଗ ମୁଖ୍ୟ ଓ ଚାଷୀମାନଙ୍କର ମଧ୍ୟରେ ଏକ ଆଲୋଚନାଚକ୍ର ଅନୁଷ୍ଠିତ କରାଯାଇଥିଲା ।

ସବୁଜ ମହାନଦୀ ମିଶନ ସଚେତନତା କାର୍ଯ୍ୟକ୍ରମ

ଲେଫ୍ରିପଡା, ୨୩।୬ (ଡି.ଏନ.ଏ)- ମହାନଦୀ ଓ ରାଜ୍ୟର ଅନ୍ୟାନ୍ୟ ନଦୀ ସମୂହର ପୂର୍ବ ସ୍ଥିତି ଫେରାଇ ଆଣିବା ପାଇଁ ଉଦ୍ୟମ ଆରମ୍ଭ ହୋଇଛି। ଜଙ୍ଗଲ ଜମି, ସରକାରୀ ଜମି ଓ ବ୍ୟକ୍ତିଗତ ଜମିରେ ବହୁଳ ଭାବରେ ବୃକ୍ଷ ରୋପଣ କରାଯାଇ ନଦୀଗୁଡ଼ିକରେ ପ୍ରଚୁର ପରିମାଣର ଜଳ ଉପଲବ୍ଧ କରାଇବା ଓ ନଦୀର ଉଭୟ ପାର୍ଶ୍ୱରେ ଗୋଟିଏ ଲେଖାଏଁ ସବୁଜ ବଳୟ ସୃଷ୍ଟି କରିବାର ମହତ ଉଦ୍ଦେଶ୍ୟ ନେଇ ଓଡ଼ିିଶା ସରକାରଙ୍କ ଦ୍ୱାରା ସବୁଜ ମହାନଦୀ ମିଶନ ଆରମ୍ଭ କରାଯାଇଛି। ସୁନ୍ଦରଗଡ଼ ବନଖଣ୍ଡର ଇବ ନଦୀ ଖଣ୍ଡିରେ ଥିବା ୮୦ଟି ଗ୍ରାମରେ ବ୍ୟାପକ ସଚେତନତା କାର୍ଯ୍ୟକ୍ରମ କରାଯାଇ ବିପୁଳ ପରିମାଣରେ ବୃକ୍ଷରୋପଣ କରିବାର ଲକ୍ଷ୍ୟ ଧାର୍ଯ୍ୟ କରାଯାଇଛି।

ମୁଣ୍ଡବିହିନ ମୃତହେଦ ଉଦ୍ଧାର ଘଟଣା: ୪ଦିନ ହେଲା ପୋଲିସ ହାତ ଖାଲି

ଲାଞ୍ଜିଗଡ,୨୩।୬(ଡି.ଏନ୍‌.ଏ)- କଳାହାଣ୍ଡି ଜିଲା ଲାଞ୍ଜିଗଡ଼ ବ୍ଲକ ଯୋଡାବନ୍ଧ ନିକଟ କାଜୁବଗିଚାରୁ ଗତ ୨୦ତାରିଖରେ ଏକ ମୁଣ୍ଡବିହିନ ମୃତଦେହ ଲାଞ୍ଜିଗଡ଼ ପୋଲିସ ଉଦ୍ଧାର କରିଥିଲା। ଘଟଣାର ୪ ଦିନ ବିତିଯାଇଥିବା ବେଳେ ପୋଲିସ ହାତ ଖାଲି ପଡିଛି। ପୋଲିସ ଏକ ମାମଲା ରୁଜୁ କରି ଚୁପହୋଇ ବସିଥିବା ସ୍ଥାନୀୟ ଲୋକେ ଅଭିଯୋଗ କରିଛନ୍ତି। ଏନେଇ ଲାଞ୍ଜିଗଡ଼ ଥାନା ଅଧିକାରୀ ସଞ୍ଜୟ କୁମାର ମଣ୍ଡଳଙ୍କୁ ପଚାରିବାରୁ ପୋଲିସ ଘଟଣାର ତଦନ୍ତ ଚଳାଇଛି। ଖବୁ ଶୀର୍ଘ ଘଟଣାର ପର୍ଦ୍ଧାଫାଶ କରାଯିବା ସହ ଅଭିଯୁକ୍ତମାନଙ୍କୁ ଗିରଫ କରାଯିବ ବୋଲି କହିଛନ୍ତି।

ଜବରଦଖଲରେ ଜଗନ୍ନାଥଙ୍କ ଶହଶହ ଏକର ଜମି: ଅତିରିକ୍ତ ଜିଲାପାଳ, ଉପଜିଲାପାଳଙ୍କ କାର୍ଯ୍ୟାଳୟ ଘେରାଉ

ଜବରଦଖଲରେ ଜଗନ୍ନାଥଙ୍କ ଶହଶହ ଏକର ଜମି: ଅତିରିକ୍ତ ଜିଲାପାଳ, ଉପଜିଲାପାଳଙ୍କ କାର୍ଯ୍ୟାଳୟ ଘେରାଉ

ସୁନ୍ଦରଗଡ଼, ୨୩।୬ (ଡି.ଏନ୍‌.ଏ)-ସୁନ୍ଦରଗଡରେ ଜଗନ୍ନାଥଙ୍କ ନାମରେ ଥିବା ଶହଶହ ଏକର ଜମି ଦଲାଲଙ୍କ କବଜାରେ ରହିଛି। ଏହା ମଧ୍ୟରୁ ଅନେକ ଜମି ଚଞ୍ଚକତା କରି ହଡପ କରାଯାଇଛି। ଏହି ଜମି ଦୁର୍ନୀତିରେ ରାଜସ୍ବ ବିଭାଗର କେତେକ ଅସାଧୁ କର୍ମଚାରୀ ଓ ଦଲାଲଙ୍କ ମଧ୍ୟରେ ମଧୁଚନ୍ଦ୍ରିକା ରହିଛି। ଏ ଦିଗରେ ବାରମ୍ବାର ଅଭିଯୋଗ ସତ୍ତ୍ୱେ ପ୍ରଶାସନର ଉଦାସୀନତା ମନୋଭାବ ବିରୋଧରେ ଲୋକେ ଆନ୍ଦୋଳନକୁ ଓହ୍ଲାଇଛନ୍ତି। ହିନ୍ଦୁ ଜାଗରଣ ମଞ୍ଚ ନେତୃତ୍ୱରେ ସ୍ଥାନୀୟ ଶତାଧିକ ଯୁବକ ଅତିରିକ୍ତ ଜିଲାପାଳ ଓ ସଦର ଉପଜିଲାପାଳଙ୍କ କାର୍ଯ୍ୟାଳୟ ଘେରାଉ କରିଥିଲେ।

୨୬ରେ ବଲାଙ୍ଗୀରରେ ହେବ ରାଜବନ୍ଦୀ ସମ୍ମିଳନୀ

ବଲାଙ୍ଗୀର ଅଫିସ, ୨୩।୬- ୧୯୭୫ ଜୁନ ୨୬ରେ ଦେଶରେ ଜରୁରୀ ପରିସ୍ଥିତି ଜାରି କରାଯାଇଥିଲା। ଏଥିରେ ଲୋକଙ୍କ ଏବଂ ଗଣମାଧ୍ୟମଗୁଡିକର ଗଣତାନ୍ତ୍ରିକ ଅଧିକାରମାନ ଉଚ୍ଛେଦ କରାଯାଇଥିଲା। ସାରା ଦେଶ ଯେମିତି ଏକ ବନ୍ଦୀଶାଳାରେ ପରିଣତ ହୋଇଥିଲା। ଏହା ବିରୋଧରେ ଜନ ଆନ୍ଦୋଳନ ଯୋଗୁ ଗଣତନ୍ତ୍ର ପୁନଃ ପ୍ରତିଷ୍ଠିତ ହୋଇଥିଲା। ୧୯୭୫-୭୭ର ଜରୁରୀ ପରିସ୍ଥିତିରେ ଯେଉଁମାନେ ଆନ୍ଦୋଳନ କରି କାରାବରଣ କରିଥିଲେ ସେମାନେ ପ୍ରତିବର୍ଷ ଜୁନ ୨୬ ତାରିଖକୁ କଳାଦିବସ ଭାବେ ପାଳନ କରି ଆସୁଛନ୍ତି।

ଅର୍ଥ ଲଗାଣକାରୀ ସଂସ୍ଥାରୁ ୧୮ ଲକ୍ଷ ଟଙ୍କା ଲୁଟ୍‌: ବ୍ୟାଙ୍କ କର୍ମଚାରୀଙ୍କ ଭୂମିକା ଥିବା ସନ୍ଦେହ

ଅର୍ଥ ଲଗାଣକାରୀ ସଂସ୍ଥାରୁ ୧୮ ଲକ୍ଷ ଟଙ୍କା ଲୁଟ୍‌: ବ୍ୟାଙ୍କ କର୍ମଚାରୀଙ୍କ ଭୂମିକା ଥିବା ସନ୍ଦେହ

ବରଗଡ଼ ଅଫିସ,୨୩।୬- ବରଗଡ଼ ସହରର ରୋଟାରି ପବ୍ଲିକ ସ୍କୁଲ ପଛପଟେ ଥିବା ଏକ ଘରୋଇ ଅର୍ଥ ଲାଗାଣକାରୀ ସଂସ୍ଥା ‘ଭାରତ ଫାଇନାନ୍ସ ଇନ୍‌କ୍ରୁଜନ ଲିମିଟେଡ୍‌’ରୁ ଶୁକ୍ରବାର ବିଳମ୍ବିତ ରାତିରେ ଏକ ବଡଧରଣର ଲୁଟ ହୋଇଛି। ଲୁଟେରାମାନେ ସଂସ୍ଥା ଭିତରେ ପଶି ଲକରରେ ଥିବା ୧୮ଲକ୍ଷ ୪୦ ହଜାର ୪୧୦ଟଙ୍କା ଲୁଟି ନେଇଥିବା ଅଭିଯୋଗ ହୋଇଛି। ଖବର ପାଇ ବରଗଡ଼ ଟାଉନ ଥାନା ପୋଲିସ ଏହାର ଖୋଳତାଡ ଆରମ୍ଭ କରିଛି। ଘଟଣାସ୍ଥଳରେ ସନ୍ଧାନୀ କୁକୁର ସହିତ ସାଇଣ୍ଟିଫିକ ଟିମ୍‌ ପହଞ୍ଚି ଅନୁସନ୍ଧାନ ଚଳାଇଛି। ବର୍ତ୍ତମାନ ସୁଦ୍ଧା ପୋଲିସକୁ ସଫଳତା ମିଳିପାରି ନ ଥିବା ବେଳେ ଏଥିରେ କିଛି ବ୍ୟାଙ୍କ କର୍ମଚାରୀଙ୍କ ଭୂମିକାକୁ ନେଇ ନାନା ସନ୍ଦେହ ଉପୁଜିଛି। ଫଳରେ ପୋଲିସ ୩ଜଣ କର୍ମଚାରଙ୍କୁ ଥାନାରେ ଅଟକ ରଖି ପଚରାଉଚୁରା କରୁଛି।

ପ୍ରଧାନମନ୍ତ୍ରୀଙ୍କୁ ପୂର୍ବତନ ବିଧାୟକଙ୍କ ଚିଠି: ବେଦବ୍ୟାସକୁ ଭାରତୀୟ ପର୍ଯ୍ୟଟନସ୍ଥଳୀ ମାନ୍ୟତା ଦିଅ

ରାଉରକେଲା ଅଫିସ,୨୩।୬- ସୁନ୍ଦରଗଡ଼ ଜିଲାର ପବିତ୍ର ବ୍ୟାସକ୍ଷେତ୍ର ଓ ଶୈବପୀଠ ବେଦବ୍ୟାସକୁ ଭାରତୀୟ ସାଂସ୍କୃତିକ ପର୍ଯ୍ୟଟନ ମାନଚିତ୍ରରେ ଅନ୍ତର୍ଭୁକ୍ତ କରିବା ପାଇଁ ବରିଷ୍ଠ କଂଗ୍ରେସ ନେତା ତଥା ପୂର୍ବତନ ରାଉରକେଲା ବିଧାୟକ ପ୍ରଭାତ ମହାପାତ୍ର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଚିଠି ଲେଖି ଦାବି କରିଛନ୍ତି। ଏଥିରେ ସେ ଉଲ୍ଲେଖ କରିଛନ୍ତି, ଶଙ୍ଖ, କୋଏଲ ଓ ସରସ୍ବତୀ ନଦୀର ସଙ୍ଗମ ସ୍ଥଳରେ ବେଦବ୍ୟାସ ପୀଠ କାହିଁ କେଉଁ କାଳରୁ ଶ୍ରଦ୍ଧାଳୁ ଓ ପର୍ଯ୍ୟଟକଙ୍କୁ ଆକର୍ଷଣ କରିଆସିଛି। ଏଠାରେ ଋଷି ବ୍ୟାସଦେବ ବେଦ ରଚନା କରିଥିବା କିମ୍ବଦନ୍ତୀ ରହିଛି। ପ୍ରାକୃତିକ ଶୋଭାରାଜିରେ ପରିପୂର୍ଣ୍ଣ ଏହି ପ୍ରସିଦ୍ଧ କ୍ଷେତ୍ରକୁ ଆଜିପର୍ଯ୍ୟନ୍ତ ଭାରତୀୟ ପର୍ଯ୍ୟଟନ ବିଭାଗ ନଜର ନ ଦେବା ଦୁଃଖର ବିଷୟ ବୋଲି ମହାପାତ୍ର କହିଛନ୍ତି।

ଶୁଖାସୋଢ଼ା ବିଜୁଗାଁ ସେତୁ କାମ ନିମ୍ନମାନର

ଶୁଖାସୋଢ଼ା ବିଜୁଗାଁ ସେତୁ କାମ ନିମ୍ନମାନର

ଲଖନପୁର,୨୩।୬(ଡି.ଏନ୍‌.ଏ.)- ଝାରସୁଗୁଡ଼ା ଜିଲା ଲଖନପୁର ବ୍ଲକ ୧୯ଖଣ୍ଡ ମୌଜା ଛତିଶଗଡ଼ ସୀମାନ୍ତ ଶୁଖାସୋଢ଼ା ଗ୍ରାମଠାରେ ନିର୍ମାଣାଧୀନ ବିଜୁ ଗାଁ ସେତୁ କାମ ନିମ୍ନମାନର ହେଥିବା ଅଭିଯୋଗ ହୋଇଛି। ବର୍ଷାଋତୁରେ ଏହି ଅଞ୍ଚଳରେ ମହାନଦୀର ପଛୁଆପାଣି ପ୍ରବେଶ କରିଥାଏ। ଫଳରେ ୧୯ଖଣ୍ଡ ମୌଜାରୁ ସୀମାନ୍ତ ଛତିଶଗଡ଼ ଗ୍ରାମକୁ ଯୋଗାଯୋଗ ବିଚ୍ଛିନ୍ନ ହୋଇଯାଏ। ବର୍ଷା ୪ମାସ ଉଭୟ ପଟର ଗ୍ରାମବାସୀ ଅଧକିଲୋମିଟର ରାସ୍ତା ପରିବର୍ତ୍ତେ ୬୦କିଲୋମିଟର ଦୂର ବୁଲି ଯାତାୟାତ କରିଥାନ୍ତି। ଏହାକୁ ଦୃଷ୍ଟିରେ ରଖି ଓଡ଼ିଶା ସରକାରଙ୍କ ଗ୍ରାମ୍ୟ ଉନ୍ନୟନ ବିଭାଗ ପକ୍ଷରୁ ଏଠାରେ ବିଜୁ ଗାଁ ସେତୁ ନିର୍ମାଣ କରିବାକୁ ଯୋଜନା କରାଯାଇଥିଲା। ଏଥିପାଇଁ ୩କୋଟି ୨୫ଲକ୍ଷ ଟଙ୍କା ବ୍ୟୟ ଅଟକଳ କରାଯାଇ ସେତୁ ନିର୍ମାଣ ଚାଲିଛି। ଏହି ସେତୁ ୭ଟି ସ୍ପାନ୍‌ ବିଶିଷ୍ଟ ୧୦ମିଟର ଲମ୍ବ ରହିଛି। ନିର୍ମାଣ କାମ ଗତ ଏପ୍ରିଲ ୧୦ ତାରିଖରୁ ଆରମ୍ଭ ହୋଇଛି। ୨୦୧୯ ଜାନୁୟାରୀ ୯ ସୁଦ୍ଧା ନିର୍ମାଣ ସାରିବାକୁ ନିର୍ଦ୍ଦେଶ ରହିଛି।

ସୋସିଆଲ ମିଡିଆରେ ନବ-କିଶୋରଙ୍କ ସମର୍ଥକ ମୁହାଁମୁହିଁ

ଝାରସୁଗୁଡ଼ା ଅଫିସ,୨୩।୬- ଝାରସୁଗୁଡ଼ା ଜିଲାର ପ୍ରତିକଥାରେ ବିଜେଡି-କଂଗ୍ରେସ ମୁହାଁମୁହିଁ ହେବାର ଦେଖିବାକୁ ମିଳୁଛି। ହସ୍ପିଟାଲ ପ୍ରସଙ୍ଗ ହେଉ କି ବସ୍‌ଷ୍ଟାଣ୍ଡ କିମ୍ବା ବର୍ତ୍ତମାନର ବେଦାନ୍ତ ପାଚେରି ନିର୍ମାଣ ପ୍ରସଙ୍ଗ, ପ୍ରତ୍ୟେକ କଥାରେ ବିଜେଡି-କଂଗ୍ରେସ ମଧ୍ୟରେ ବିବାଦ ଦେଖାଦେବା ସ୍ବାଭାବିକ ହୋଇଯାଇଛି। ବିଜେଡି ଅର୍ଥାତ ପୂର୍ବତନ ବିଧାୟକ କିଶୋର କୁମାର ମହାନ୍ତି ଏବଂ କଂଗ୍ରେସ ଅର୍ଥାତ ବର୍ତ୍ତମାନର ବିଧାୟକ ନବ କିଶୋର ଦାସ। ଏହି ବିବାଦ କୌଣସି ନୂଆ ନୂହେଁ। ବର୍ତ୍ତମାନ କିନ୍ତୁ ଏହି ଦୁଇ ନେତାଙ୍କ ସମର୍ଥକ ମୁହାଁମୁହିଁ ସ୍ଥିତିରେ।

ବିପଦରେ ରାଷ୍ଟ୍ରୀୟ ସମ୍ପତ୍ତି: ଏମ୍‌ସିଏଲ୍‌ ଅର୍ଥ ଲୁଟ୍‌ ପାଇଁ ଠିକାଦାରଙ୍କ ବୁଝାମଣା

ଝାରସୁଗୁଡ଼ା ଅଫିସ,୨୩।୬- ମହାନଦୀ କୋଲ ଫିଲ୍ଡସ୍‌ ଲିମିଟେଡ(ଏମ୍‌ସିଏଲ୍‌) ଭଳି ଏକ ରାଷ୍ଟ୍ରାୟତ୍ତ ସଂସ୍ଥାର ସମ୍ପତ୍ତି ଲୁଟ୍‌ ପାଇଁ ଚୁକ୍ତି ସ୍ବାକ୍ଷର ହୋଇଛି। ଝାରସୁଗୁଡ଼ା ଜିଲା ବ୍ରଜରାଜନଗର ଅଞ୍ଚଳର ୧୩ ଠିକାଦାରଙ୍କ ମଧ୍ୟରେ ଆପୋସ ବୁଝାମଣା ହୋଇଛି। ଏ ବାବଦରେ ଝାରସୁଗୁଡ଼ା ଜିଲାପାଳଙ୍କଠାରେ ଅଭିଯୋଗ ମଧ୍ୟ ହୋଇଛି। କିନ୍ତୁ ଜିଲା ପ୍ରଶାସନ ଘଟଣାକୁ ଗୁରୁତ୍ୱର ସହ ନେଇନାହିଁ। ରାଷ୍ଟ୍ରୀୟ ସମ୍ପତ୍ତି ହରିଲୁଟ୍‌ ପାଇଁ କରାଯାଇଥିବା ଚୁକ୍ତି ପଦାକୁ ଆସିବା ପରେ ଏମ୍‌ସିଏଲ୍‌ର ଭିଜିଲାନ୍ସ ଟିମ୍‌ ସକ୍ରିୟ ହୋଇଥିବା ସୂଚନା ମିଳିଛି। ପୂର୍ବରୁ ହେଉଥିବା ମାନୁଆଲ ପଦ୍ଧତିରେ ଟେଣ୍ଡର ଫିକ୍ସିଂ ହେବା ଦ୍ୱାରା ଗତ କିଛିବର୍ଷ ହେବ ଟେଣ୍ଡର ପ୍ରକ୍ରିୟାକୁ ଅନ୍‌ଲାଇନ୍‌ କରାଯାଇଛି। କିନ୍ତୁ ଠିକାଦାରମାନେ ଏଥିରେ ମଧ୍ୟ ଚକ୍ରାନ୍ତ କରି ଫିକ୍ସିଂ କରୁଛନ୍ତି।

ନିଯୁକ୍ତିରେ ସ୍ଥାନୀୟ ଲୋକଙ୍କୁ ଉପେକ୍ଷା: ଜିଲାପାଳଙ୍କ ହସ୍ତକ୍ଷେପ ଲୋଡ଼ିଲା ୟୁନିୟନ

ରାଉରକେଲା ଅଫିସ,୨୩।୬- ବାରମ୍ବାର ଅଭିଯୋଗ ସତ୍ତ୍ୱେ ଆର୍‌ଏସ୍‌ପି କର୍ତ୍ତୃପକ୍ଷ ସ୍ଥାନୀୟ ଶିକ୍ଷିତ ବେକାରଙ୍କ ନିଯୁକ୍ତି ନେଇ ଅଣଦେଖା କରୁଥିବା ଅଭିଯୋଗ ହୋଇଛି। ଏନେଇ ରାଉରକେଲା ଇସ୍ପାତ କର୍ମଚାରୀ ସଂଘ ପକ୍ଷରୁ ସାଧାରଣ ସମ୍ପାଦକ ରମେଶ ସାହୁ ସୁନ୍ଦରଗଡ଼ ଜିଲାପାଳଙ୍କ ଦୃଷ୍ଟି ଆକର୍ଷଣ କରିଛନ୍ତି। ଏଥିରେ କୁହାଯାଇଛି ଯେ ଦେଓଗଁା ନିକଟରେ ଆର୍‌ଏସ୍‌ପି କର୍ତ୍ତୃପକ୍ଷଙ୍କ ଦ୍ୱାରା ନୂତନ ହଟ୍‌ ଷ୍ଟ୍ରିପ୍‌ ମିଲ୍‌ ନିର୍ମାଣ କାର୍ଯ୍ୟ ଜାରି ରହିଛି। ଏଠାରେ ସହସ୍ରାଧିକ ଯୁବକ ଠିକା କର୍ମଚାରୀ ଭାବେ ନିୟୋଜିତ ଅଛନ୍ତି। ତେବେ ଏହି ଶ୍ରମିକମାନଙ୍କୁ ରାଜ୍ୟ ବାହାରୁ ଅଣାଯାଇଛି। ସ୍ଥାନୀୟ ଯୁବକ କାମଧନ୍ଦା ଅଭାବରୁ ବସି ରହିଥିବାବେଳେ ଏମାନଙ୍କୁ ଉପେକ୍ଷା କରାଯାଉଛି। ଏନେଇ ଆର୍‌ଏସ୍‌ପି କର୍ତ୍ତୃପକ୍ଷ, ଜିଲା କର୍ମ ନିୟୋଜନ ଅଧିକାରୀ, ଆଞ୍ଚଳିକ ଶ୍ରମ କମିଶନର (କେନ୍ଦ୍ରୀୟ)ଙ୍କ ଦୃଷ୍ଟି ଆକର୍ଷଣ କରାଯାଇଥିଲା।

Model This Week

ପ୍ରଭାତ