ଉପକୂଳ ଓଡିଶା

ଲିଭର ଜଣ୍ଡିସ୍‌ରେ ବାବାଜୀଙ୍କ ମୃତ୍ୟୁ ଘଟଣା : ତଦନ୍ତ ନିର୍ଦ୍ଦେଶ ଦେଲେ ଜିଲାପାଳ

ରାଜନଗର, ୮।୧ (ଡିଏନଏ): ଦୀର୍ଘଦିନ ଧରି ଲିଭର ଜଣ୍ଡିସରେ ଆକ୍ରାନ୍ତ ରାଜନଗର ବ୍ଲକ କୋଇଲିପୁର ପଞ୍ଚାୟତ ଅନ୍ତର୍ଗତ ଗଁାକାଳୁପଡାର ବାବାଜୀ ବିଶ୍ୱାଳଙ୍କ କଟକ ବଡ ଡାକ୍ତରଖାନାରେ ଶନିବାର ମୃତ୍ୟୁ ଘଟିଛି । ଅଭାବ ଅନଟନରେ ପଡି ତାଙ୍କର ମୃତ୍ୟୁ ହୋଇଛି ବୋଲି ବିଭିନ୍ନ ରାଜନୈତିକ ଦଳ ପକ୍ଷରୁ ଅଭିଯୋଗ ହୋଇଥିଲା। ଏନେଇ ବିଭିନ୍ନ ଗଣମାଧ୍ୟମରେ ପ୍ରକାଶ ପାଇବା ପରେ କେନ୍ଦ୍ରାପଡା ଜିଲାପାଳ ରେଘୁଜୀ ଏହି ଘଟଣାର ତଦନ୍ତ ପାଇଁ ସୋମବାର ବିଡିଓ ମନ୍ଦରଧର ମହାଲିକଙ୍କୁ ନିର୍ଦ୍ଦେଶ ଦେଇଛନ୍ତି। ଜିଲାପାଳଙ୍କ ନିର୍ଦ୍ଦେଶ କ୍ରମେ ମହାଲିକ ମଙ୍ଗଳବାର ବାବାଜିଙ୍କ ଘରକୁ ଯିବେ ବୋଲି କହିଛନ୍ତି। ଜିଲା ବିଜେଡି ସଭାପତି ଧୃବ ସାହୁ ବିପନ୍ନ ପରିବାରଙ୍କୁ ଭେଟି ସମବେଦନା ଜଣାଇବା ସହ ଆର୍ଥିକ ସହାୟତା ଯୋଗାଇ ଦେଇଛନ୍ତି। ମାତ୍ର ପ୍ରଶାସନ ପକ୍ଷରୁ ଏପର୍ଯ୍ୟନ୍ତ କୌଣସି ସହାୟତା ଯୋଗାଇ ଦିଆଯାଇନାହିଁ ବୋଲି ଅଭିଯୋଗ ହୋଇଛି।

All Right Reserved By

ଉପକୂଳ ଓଡିଶା

୯ଦଫା ଦାବିରେ ଜିଲାପାଳଙ୍କୁ ଦାବିପତ୍ର ପ୍ରଦାନ

ନୟାଗଡ଼ ଅଫିସ,୨୦ା୬- ଅଲ୍‌ ଓଡ଼ିଶା ଅଙ୍ଗନୱାଡ଼ି ଲେଡ଼ିଜ୍‌ ୱାର୍କର୍ସ ଆସୋସିଏଶନ ତରଫରୁ ନୟାଗଡ଼ ଜିଲା ଅଙ୍ଗନୱାଡ଼ି ସଂଘ ସଭାନେତ୍ରୀ ଗାୟତ୍ରୀ ଦାସଙ୍କ ନେତୃତ୍ୱରେ ବୁଧବାର ୯ଦଫା ଦାବିରେ ଜିଲାପାଳଙ୍କୁ ଦାବିପତ୍ର ପ୍ରଦାନ କରାଯାଇଛି।

ଭାରିଯାନ ଚଳାଚଳକୁ ବିରୋଧ କରି ଆଳିପିଙ୍ଗଳଠାରେ ରାସ୍ତାରୋକୋ

ଜଗତ୍‌ସିଂହପୁର ଅଫିସ୍‌, ୨୦।୬- ଜଗତ୍‌ସିଂହପୁର-ଆଳିପିଙ୍ଗଳ ରାସ୍ତାରେ ଖାଲଖମା ଭର୍ତ୍ତି ହୋଇଥିବା ବେଳେ ଆଳିପିଙ୍ଗଳ ଛକଠାରେ ଏକ ବିରାଟ ଗର୍ତ୍ତ ସୃଷ୍ଟି ହୋଇଛି। ତେବେ ରାସ୍ତାର ଏପରି ଦୁରବସ୍ଥା ଯୋଗୁ ଏହି ରାସ୍ତାରେ ଭାରିଯାନ ଚଳାଚଳ ଉପରେ ଜିଲାପାଳ ନିଷେଧାଦେଶ ଜାରି କରିଛନ୍ତି। କିନ୍ତୁ ଦୈନିକ ଏହି ରାସ୍ତାରେ ବାଲି ବୋଝେଇ ଶତାଧିକ ବଡ଼ ଟ୍ରକ ଓ ହାଇଓ୍ବା ଯାତାୟାତ କରୁଛି। ଏହାଦ୍ୱାରା ଏହି ରାସ୍ତାରେ ଦୈନିକ ଛୋଟବଡ଼ ଦୁର୍ଘଟଣାମାନ ଘଟୁଛି। ଏହାର ପ୍ରତିବାଦରେ ସ୍ଥାନୀୟ ଲୋକେ ବୁଧବାର ଆଳିପିଙ୍ଗଳ ବଜାର ରାସ୍ତାରୋକୋ କରିଥିଲେ।

ମୁଗ ମଣ୍ଡି ଖୋଲିବା ଦାବିରେ ରାସ୍ତାରୋକୋ

ମୁଗ ମଣ୍ଡି ଖୋଲିବା ଦାବିରେ ରାସ୍ତାରୋକୋ

ଜଗତ୍‌ସିଂହପୁର ଅଫିସ୍‌, ୨୦।୬- ଜଗତ୍‌ସିଂହପୁର ଜିଲାରେ ମୁଗର ଅଭାବୀ ବିକ୍ରୀ ଦେଖା ଦେଇଥିବା ବେଳେ ମଣ୍ଡିରେ ପରିଚାଳନା ଗତ ତ୍ରୁଟି ପରିଲକ୍ଷିତ ହେଉଛି।

ବ୍ୟାସନଗର ପୌରପରିଷଦ ଉନ୍ନତି ଯୋଜନାର ଶୁଭାରମ୍ଭ

ବ୍ୟାସନଗର ପୌରପରିଷଦ ଉନ୍ନତି ଯୋଜନାର ଶୁଭାରମ୍ଭ

ଯାଜପୁର ରୋଡ, ୨୦।୬(ନି.ପ୍ର.): ଯାଜପୁର ଜିଲା ବ୍ୟାସନଗର ପୌର ପରିଷଦ ଦ୍ୱିତୀୟ ପର୍ଯ୍ୟାୟ ଉନ୍ନତି ଯୋଜନାର ବିଭିନ୍ନ ପ୍ରକଳ୍ପର ବୁଧବାର ଭିତ୍ତିପ୍ରସ୍ତର ସ୍ଥାପନ କରାଯାଇଛି। କୋରେଇ ବିଧାୟକ ଆକାଶ ଦାସ ନାୟକ, ଯାଜପୁର ଏମ୍‌ପି ରୀତା ତରାଇ ପ୍ରମୁଖ ଉପସ୍ଥିତ ହୋଇ ଶିଳାନ୍ୟାସ କରିଥିଲେ।

ଦୁର୍ଘଟଣାରେ ଜଣେ ମୃତ, ରାସ୍ତା ଅବରୋଧ

ଦୁର୍ଘଟଣାରେ ଜଣେ ମୃତ, ରାସ୍ତା ଅବରୋଧ

କାଳିଆପାଣୀ,୨୦ା୬(ଡି.ଏନ୍‌.ଏ.): ଯାଜପୁର ଜିଲା କାଳିଆପାଣୀ ଥାନା ଅନ୍ତର୍ଗତ ଚିଙ୍ଗୁଡ଼ିପାଳ ପଞ୍ଚାୟତ ବେଣାଗାଡ଼ିଆ ଗ୍ରାମ ନିକଟରେ ବୁଧବାର ସକାଳ ସାଢ଼େ ୯ଟାରେ ଏକ ଦୁର୍ଘଟଣାରେ ଜଣଙ୍କର ମୃତ୍ୟୁ ଘଟିଛି। ସେ ହେଲେ ବେଣାଗାଡ଼ିଆ ଗ୍ରାମର ନଟ ପଲାଇଙ୍କ ପୁଅ ଚରଣ ପଲାଇ(୨୨)।

ବେତଖୋଲିରେ କୁସୁମୀ ମହୋତ୍ସବ ଉଦ୍‌ଯାପିତ

ବେତଖୋଲିରେ କୁସୁମୀ ମହୋତ୍ସବ ଉଦ୍‌ଯାପିତ

ଖଣ୍ଡପଡା,୨୦ା୬(ସ୍ବ.ପ୍ର.)-ଜଣେ ଜୀବନରେ ବଡ ମଣିଷ ହୁଅନ୍ତୁ ବା ନ ହୁଅନ୍ତୁ ମାତ୍ର କୃତଜ୍ଞ ହେବା ପାଇଁ ଶିକ୍ଷା ଲାଭ କରିବା ଜରୁରୀ ା ଜୀବନକୁ ସମୃଦ୍ଧ ତଥା ମାର୍ଜିତ କରୁଥିବା ମୂଲ୍ୟବୋଧ ଉପରେ ଗୁରୁତ୍ୱ ଦେଇ ଦୃଢ ମନୋବଳ ସହିତ ଆଗକୁ ଅଗ୍ରସର ହୋଇପାରିଲେ ଯାଇ ଆମ ଭବିଷ୍ୟତ ସୁନ୍ଦର ହୋଇପାରିବ ା ଅପରପକ୍ଷରେ ମଣିଷ କୃତଜ୍ଞତା ଶିଖୁ ଅନ୍ୟଥା ମଣିଷ ଜାତିର ଉନ୍ନତି ଅସମ୍ଭବ ା ଖଣ୍ଡପଡା ନିର୍ବାଚନ ମଣ୍ଡଳୀ ଅନ୍ତର୍ଗତ ଭଗବାନପୁର ପଞ୍ଚାୟତ ଅଧୀନ ବେତଖୋଲି ଗ୍ରାମରେ ମା’ ଆଦ୍ୟାଶକ୍ତି କ୍ଲବ ଆନୁକୂଲ୍ୟରେ ଆୟୋଜିତ କୁସୁମୀ ମହୋତ୍ସବ ୨୦୧୮ ପ୍ରତିଭା ପୂଜା ଅବସରରେ ଯୋଗଦେଇଥିବା ଅତିଥିମାନେ ମତବ୍ୟକ୍ତ କରିଥିଲେ ା

ଖଣ୍ଡପଡ଼ା ବ୍ଲକ ପରିସରରେ ମକ୍‌ଡ୍ରିଲ କାର୍ଯ୍ୟକ୍ରମ

ଖଣ୍ଡପଡ଼ା ବ୍ଲକ ପରିସରରେ ମକ୍‌ଡ୍ରିଲ କାର୍ଯ୍ୟକ୍ରମ

ଖଣ୍ଡପଡା,୨୦ା୬(ସ୍ବ.ପ୍ର.)-ଖଣ୍ଡପଡା ବ୍ଲକ କାର୍ଯ୍ୟାଳୟ ପରିସରରେ ଅଗ୍ନିଶମ ବିଭାଗ ପକ୍ଷରୁ ମଙ୍ଗଳବାର ମକ୍‌ଡ୍ରିଲ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ା ବନ୍ୟା ଓ ବାତ୍ୟା ସମୟରେ ସାଧାରଣ ଜନତାଙ୍କୁ ସତର୍କ ଓ ସଚେତନ କରିବାର ମହତ ଲକ୍ଷ୍ୟ ନେଇ ମକ୍‌ଡ୍ରିଲ କାର୍ଯ୍ୟକ୍ରମ ଅନୁଷ୍ଠିତ ହୋଇଥିବା ବ୍ଲକ ପ୍ରଶାସନ ସୂତ୍ରରୁ ଜଣାପଡିଛି ା ପ୍ରାକୃତିକ ବିପର୍ଯ୍ୟୟ ସମୟରେ ଓ ଜରୁରିକାଳୀନ ପରିସ୍ଥିତିରେ କିଭଳି ଜନସାଧାରଣଙ୍କୁ ଆପଦ ଓ ବିପଦରୁ ଉଦ୍ଧାର କରାଯାଇ ନିରାପଦ ସ୍ଥାନକୁ ନିଆଯାଇପାରିବ ସେ ସମ୍ପର୍କରେ ଖଣ୍ଡପଡା ଅଗ୍ନିଶମ କର୍ମଚାରୀମାନେ ବିଭିନ୍ନ କଳା ଓ କୌଶଳ ପ୍ରଦର୍ଶନ କରିଥିଲେ ା ଖଣ୍ଡପଡା ବିଡିଓ ଶିବାନନ୍ଦ ସ୍ବାଇଁଙ୍କ ସମେତ ବ୍ଲକପ୍ରଶାସନର ସମସ୍ତ ଅଧିକାରୀ ଉକ୍ତ କାର୍ଯ୍ୟକ୍ରମରେ ଯୋଗଦେଇଥିଲେ।

ଖଣ୍ଡପଡ଼ାରେ ଶୀତଳଷଷ୍ଠୀ ଯାତ୍ରା, ୧୦ ହଜାରରୁ ଊଦ୍ଧ୍ୱର୍ର୍ ଶ୍ରଦ୍ଧାଳୁଙ୍କ ସମାଗମ

ଖଣ୍ଡପଡା,୨୦ା୬(ସ୍ବ.ପ୍ର.)-ଖଣ୍ଡପଡା ଅଞ୍ଚଳରେ ଦେବଦମ୍ପତିଙ୍କ ବିବାହ ଉତ୍ସବ ଶୀତଳଷଷ୍ଠୀ ଯାତ୍ରା ମହାସମାରୋହରେ ଅନୁଷ୍ଠିତ ହୋଇଯାଇଛି। ଖଣ୍ଡପଡା ସହରର ୫ଟି ପ୍ରମୁଖ ଶୈବପୀଠରେ ରବିବାର ଦେବ ଦମ୍ପତିଙ୍କ ବିବାହ ଉତ୍ସବ ସମ୍ପନ୍ନ ହୋଇଥିଲା। ସୋମବାର ବିଳମ୍ବିତ ରାତିରେ ଶୀତଳଷଷ୍ଠୀ ଯାତ୍ରା ପାଇଁ ଖଣ୍ଡପଡା ସହର ଉତ୍ସବମୁଖର ହୋଇଉଠିଥିଲା। ପ୍ରଭୁ ଶ୍ରୀ ନୀଳକଣ୍ଠେଶ୍ୱର ଦେବ, ସୁବର୍ଣ୍ଣେଶ୍ୱର ଦେବ, ବାଲୁଙ୍କେଶ୍ୱର ଦେବ ଓ ଲୋକନାଥ ଦେବ ପ୍ରମୁଖଙ୍କୁ ୪ଟି ସୁସଜ୍ଜିତ ବିମାନରେ ଖଣ୍ଡପଡା ସହର ପରିକ୍ରମା କରାଯାଇଥିଲା। ବାଜା, ବାଣ, ରୋଶଣୀ ଓ ରଙ୍ଗବେରଙ୍ଗର ଆଲୋକମାଳାରେ ଖଣ୍ଡପଡା ସହର ଝଲସି ଉଠିଥିଲା।

ସମବାୟ ଆପଣଙ୍କ ଦ୍ୱାରରେ ସଚେତନତା ସଭା

ସମବାୟ ଆପଣଙ୍କ ଦ୍ୱାରରେ ସଚେତନତା ସଭା

ଗଣିଆ,୨୦ା୬(ଡି.ଏନ.ଏ.)- ଗ୍ରାମାଞ୍ଚଳରେ କୃଷି ଓ କୃଷକ ପରିବାର ଉନ୍ନତି ପାଇଁ ସରକାର ସମବାୟ ବ୍ୟାଙ୍କ ଓ ସମିତିମାନଙ୍କ ଦ୍ୱାରା ଆର୍ଥିକ ଋଣ ସହାୟତା ଯୋଗାଇ ଆସୁଛନ୍ତି। ତେବେ ପ୍ରାଥମିକ କୃଷି ସମବାୟ ସମିତିର କେତେକ ତ୍ରୁଟି ସୁଧାରିବା ସହ ସମସ୍ତ କୃଷକଙ୍କୁ ସ୍ବଳ୍ପ ମିଆଦି ଉପଯୁକ୍ତ ଆନୁଷ୍ଠାନିକ ଋଣ ପ୍ରଦାନ, ଫସଲ ବୀମା ଆଦି ସୁବିଧା ସୁଯୋଗ ପ୍ରଦାନ ପାଇଁ ଏକ ସଚେତନତା କାର୍ଯ୍ୟକ୍ରମ ସରକାରଙ୍କ ପକ୍ଷରୁ ଗତ ୧ ତାରିଖରୁ ଆରମ୍ଭ ହୋଇଛି। ନୟାଗଡ଼ ଜିଲା କେନ୍ଦ୍ର ସମବାୟ ବ୍ୟାଙ୍କ ଲିଃ ତରଫରୁ ମଙ୍ଗଳବାର ଗଣିଆ ବ୍ଲକ ଛାମୁଣ୍ଡିଆସ୍ଥିତ କୃଷି ସମବାୟ ସମିତି କାର୍ଯ୍ୟାଳୟ ପରିସରରେ ସମବାୟ ଆପଣଙ୍କ ଦ୍ୱାରରେ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମରେ ଛାମୁଣ୍ଡିଆ ସେବା ସମବାୟ ସମିତିର ସମ୍ପାଦକ କାମେଶ୍ୱର ସାହୁଙ୍କ ପରିଚାଳନାରେ ଏଆଇସିସି ଇନ୍ସପେକ୍ଟର ଲଡୁକେଶର ମହାପାତ୍ର, ଗଣିଆ ଶାଖା ପରିଚାଳକ ଚକ୍ରଧର ପରିଡ଼ା, ସହକାରୀ ଶାଖା ପରିଚାଳକ ସୁବ୍ରତ କୁମାର ସେଠୀ ପ୍ରମୁଖ ଯୋଗଦେଇ ଏହି କାର୍ଯ୍ୟକ୍ରମର ଲକ୍ଷ ଓ ଉଦ୍ଦେଶ୍ୟ ସମ୍ପର୍କରେ ବୁଝାଇଥିଲେ। ଆୟୋଜିତ କାର୍ଯ୍ୟକ୍ରମରେ ଛାମୁଣ୍ଡିଆ ଅଞ୍ଚଳର ୬୦ରୁ ଊର୍ଦ୍ଧ୍ୱ କୃଷକ ଯୋଗଦେଇଥିଲେ।

ଖଣ୍ଡପଡ଼ା : ମୋ ସ୍କୁଲ କାର୍ଯ୍ୟକ୍ରମର ୨ୟ ବୈଠକ

ଖଣ୍ଡପଡା,୨୦ା୬(ସ୍ବ.ପ୍ର.)- ଖଣ୍ଡପଡା ରାମଚନ୍ଦ୍ର ଉଚ୍ଚ ବିଦ୍ୟାଳୟର ସମ୍ମିଳନୀ କକ୍ଷରେ ସୋମବାର ମୋ ସ୍କୁଲ ଅଭିଯାନ କାର୍ଯ୍ୟକ୍ରମର ୨ୟ ବୈଠକ ଅନୁଷ୍ଠିତ ହୋଇଯାଇଛି। ଖଣ୍ଡପଡା ବିଧାୟକ ଅନୁଭବ ପଟ୍ଟନାୟକ ମୁଖ୍ୟ ଅତିଥିରୂପେ ଯୋଗଦେଇ କାର୍ଯ୍ୟକ୍ରମର ସଫଳତା ନିମନ୍ତେ ସମସ୍ତ ପୁରାତନ ଛାତ୍ର ଓ ଅଞ୍ଚଳବାସୀଙ୍କ ସକ୍ରିୟ ସହଯୋଗ କାମନା କରିଥିଲେ। ପୁରାତନ ଛାତ୍ରମାନେ ବିଦ୍ୟାଳୟର ବିକାଶ ନିମନ୍ତେ ଆଗେଇ ଆସିବାକୁ ସେ ଅନୁରୋଧ କରିଥିଲେ। ବିଦ୍ୟାଳୟର ବିଭିନ୍ନ ସମସ୍ୟା ସମ୍ପର୍କରେ ଭାରପ୍ରାପ୍ତ ପ୍ରଧାନ ଶିକ୍ଷକ ନକୁଳ ଚନ୍ଦ୍ର ଖୁଣ୍ଟିଆ ବିଧାୟକଙ୍କ ଦୃଷ୍ଟି ଆକର୍ଷଣ କରିଥିଲେ। ଖଣ୍ଡପଡାର ପ୍ରଥମ ନଗରପାଳ କିଶୋର ଚନ୍ଦ୍ର ଦାଶ, ଶିକ୍ଷାବିତ୍‌ ପ୍ରଫୁଲ୍ଲ ଚନ୍ଦ୍ର ଦାଶ, ନିରଞ୍ଜନ ସ୍ବାଇଁ, ଖବରଦାତା ବିନାୟକ ମିଶ୍ର, ରାମଚନ୍ଦ୍ର ଦାଶଙ୍କ ସମେତ ଖଣ୍ଡପଡା ସହରର ବହୁ ମାନ୍ୟଗଣ୍ୟ ବ୍ୟକ୍ତି ଯୋଗଦେଇ ସୁଚିନ୍ତିତ ମତାମତ ପ୍ରଦାନ କରିଥିଲେ। କାର୍ଯ୍ୟକ୍ରମର ସଫଳତା ନିମନ୍ତେ ଯୋଜନା ପ୍ରସ୍ତୁତ ସହ ଏକ କମିଟି ଗଠନ କରାଯାଇଥିଲା।

ଚୋରାକାଠ ଜବତ, ୧ ଗିରଫ

ଚୋରାକାଠ ଜବତ, ୧ ଗିରଫ

ନୟାଗଡ଼ ଅଫିସ,୨୦ା୬- ନୟାଗଡ଼ ଜିଲା ପଞ୍ଚରିଡ଼ା ବନ ବିଭାଗ ମଙ୍ଗଳବାର ନାଗମୁଣ୍ଡଳୀଠାରେ ଚଢ଼ାଉ କରି ଏକ ଚୋରା କାଠ ବୋଝେଇ ଟାଟା ଏସିଇ ଜବତ କରିଛି। ଗାଡ଼ିରେ ଥିବା ୩୮ ଖଣ୍ଡ ଶାଳକାଠ ଜବତ କରାଯିବା ସହ ଗାଡ଼ି ଚାଳକଙ୍କୁ ଗିରଫ କରାଯାଇଛି। ଘଟଣାରୁ ପ୍ରକାଶ ଯେ, ଶରଣକୁଳ ଥାନା ସାନଗୋରଡ଼ା ଗ୍ରାମରୁ ଏକ ଟାଟା ଏସିଇ (ଓଆର୨୫ସି-୬୯୨୩) ଚୋରା କାଠ ନେଇ ଇଟାମାଟି ଯାଉଥିବା ବନ ବିଭାଗ ଖବର ପାଇଥିଲା। ପରେ ବିଭାଗୀୟ କର୍ମଚାରୀ ଉକ୍ତ ଗାଡ଼ିର ପିଛା କରିଥିଲେ। କେଶରପୁର ଗ୍ରାମର ନାଗମୁଣ୍ଡଳୀ ରାସ୍ତାଠାରେ ସେମାନେ ଗାଡି ଅଟକାଇ କାଠ ଜବତ କରିଥିଲେ। ଗାଡ଼ି ଚାଳକ ଖସି ପଳାଇବାକୁ ଉଦ୍ୟମ କରୁଥିବା ବେଳେ ବନ ଅଧିକାରୀ ତାଙ୍କୁ କାବୁ କରିଥିଲେ। ଏ ନେଇ ଏକ ମାମଲା ରୁଜୁ କରାଯାଇ ଚାଳକ ଆଙ୍ଗିସିଙ୍ଗି ଗ୍ରାମର ମୁକୁନ୍ଦ ପ୍ରଧାନଙ୍କୁ କୋର୍ଟ ଚାଲାଣ କରାଯାଇଥିବା ସୂଚନା ମିଳିଛି। ଏହି ଚଢ଼ାଉରେ ପଞ୍ଚରିଡ଼ା ବନାଞ୍ଚଳ ଅଧିକାରୀ ଧନେଶ୍ୱର ରଥ, ଫରେଷ୍ଟର କୈଳାସ ପ୍ରଧାନ, ବନରକ୍ଷୀ ପ୍ରକାଶ ଚନ୍ଦ୍ର ପାଳ ଓ ସ୍କ୍ବାଡ୍‌ ସାମିଲ ଥିଲେ।

ସ୍ତ୍ରୀଙ୍କୁ ଆକ୍ରମଣ ଘଟଣାରେ ସ୍ବାମୀଙ୍କୁ ୧ ବର୍ଷ କାରାଦଣ୍ଡ

ନୟାଗଡ଼ ଅଫିସ,୨୦ା୬- ସ୍ତ୍ରୀଙ୍କୁ ମରଣାନ୍ତକ ଆକ୍ରମଣ ଘଟଣାର ଶୁଣାଣି କରି ମଙ୍ଗଳବାର ସ୍ବାମୀଙ୍କୁ ଏକବର୍ଷ କାରାଦଣ୍ଡ ପ୍ରଦାନ କରିଛନ୍ତି ମହିଳା କୋର୍ଟ ବିଚାରପତି ପ୍ରଜ୍ୟୋତି ରାଉତ। ଅଭିଯୁକ୍ତ ଜଣକ ହେଲେ ଇଟାମାଟି ଗ୍ରାମର ସାଗର ଘଡ଼େଇ। ମାମଲାର ବିବରଣୀରୁ ପ୍ରକାଶ ଯେ, ସାଗର ତାଙ୍କ ସ୍ତ୍ରୀ କୁନି ଘଡ଼େଇଙ୍କ ଚରିତ୍ରକୁ ସନ୍ଦେହ କରିବା ସହ ଅଧିକ ଯୌତୁକ ଦାବିରେ ବିଭିନ୍ନ ସମୟରେ ନିର୍ଯାତନା ଦିଅନ୍ତି। ଏପରିସ୍ଥଳେ ୧୩ ଜାନୁୟାରୀ ୨୦୧୫ ସକାଳ ୬ଟା ସମୟରେ କବାଟରେ ଦିଆଯାଉଥିବା କିଳା (କାଠଫାଳିଆ)ରେ ସାଗର କୁନିଙ୍କୁ ମରଣାନ୍ତକ ଆକ୍ରମଣ କରିଥିଲେ। ଏଥିରେ କୁନିଙ୍କ ମୁଣ୍ଡ ଫାଟି ଗୁରୁତର ହୋଇଥିଲେ। ଚିକିତ୍ସା ପରେ କୁନି ଏ ନେଇ ଇଟାମାଟି ଥାନାରେ ଅଭିଯୋଗ କରିଥିଲେ। ପୋଲିସ ୪/୧୫ରେ ମାମଲା ରୁଜୁ କରି ସାଗରଙ୍କୁ ଗିରଫ କରି କୋର୍ଟ ଚାଲାଣ କରିଥିଲା। କିଛିଦିନ ପରେ ସାଗର ଜାମିନରେ ଆସିଥିଲେ। ମଙ୍ଗଳବାର ୭ ଜଣ ସାକ୍ଷୀଙ୍କ ସାକ୍ଷ୍ୟ ଗ୍ରହଣ କରି ୧ବର୍ଷ କାରାଦଣ୍ଡ ଓ ୧ ହଜାର ଟଙ୍କା ଜରିମାନା ମହିଳା କୋର୍ଟ ବିଚାରପତି ପ୍ରଜ୍ୟୋତି ରାଉତ ଶୁଣାଣି କରିଥିଲେ। ଜରିମାନା ଅନାଦାୟ ଅଧିକ ୧ମାସ କାରାଦଣ୍ଡ ଶୁଣାଣି କରାଯାଇଛି। ଜରିମାନା ଅର୍ଥ ପୀଡ଼ିତାଙ୍କୁ ଦିଆଯିବ ବୋଲି ନିର୍ଦ୍ଦେଶ ରହିଛି। ସରକାରୀ ଓକିଲ ବଳଭଦ୍ର ମହାନ୍ତି ମାମଲା ପରିଚାଳନା କରୁଥିଲେ।

Model This Week

ପ୍ରଭାତ